|
دعواتكم لزميلنا المفكر د.الباقر العفيف بالشفاء العاجل
|
|
 Re: صور أهل ساره القيافه وغناويهم.. (Re: Ahmed al Qurashi)
|
| Quote: فيك منظر يحنن وفيك منظر فارس النزال |
يا من تحق القول قتل النفوس حرمان
وما الجندى والمكتول و طالب الغفران
من أيده راح منتول واتوهد النيران
فاقد الصواب مبتول مما رأى حيران
ياود القرشي ، سيد عبدالعزيز ،الله يرحمو، زي الكان عارف الحا حيحصل.
| |
 
|
|
|
|
|
|
|
|
Re: صور أهل ساره القيافه وغناويهم.. (Re: فايزودالقاضي)
|
| Quote: عركوكباي سقادا ...اجمل واحسن ناس في افريقيا .. |
عزيزنا فايز، نعم بنريدم لكن الدنيا دي فيها ناس تب ما هينين،
يعني كان وسَّعت الماعون ودَفَرتَ رجلك لقدام خشيت الصحراء الغربيه
وقالوا ليك إنت جنب (العيون) في إحتمال كبير تنضم للبوليساريو
، إنشالله برتبة متفرج ، حتى كمان أسأل ودخالتي السنوسي بدر ،
وكمان لو أديتا جبده لنواكشوط مسألة إنك
تغيِّر إسمك إلى نادر ولد هيدالله أو ولد حَنّنَا وتجري بين البيوت صائحا :
أنا مكتول في بيت ولد طايع تبقى مسألة وقت لا أكثر
.
| |
|
|
|
|
|
|
|
|
|
Re: صور أهل ساره القيافه وغناويهم.. (Re: سارة علي)
|
Quote: يعني دي دايرة اجتهاد؟؟
تلقاها في بروفايلي |
شوفي يا ساره علي،
مع صادق احترامي لكل نساء الأرض ، لكن أقسم لك بالذي سَمَك السماء
لانستبدل السودانيات بغيرهن ،
أنتن الجده والأم والأخت والزوجة والإبنة والحبيبة والزميلة
والجارة وأنتن السمحات ونحن نقول عن البعض (القيافه) لكن
(السماحه) تبقى وصفا حصريا للسودانيات.
بالطبع لم أر بروفايلك لكن يكفيك سيرة أنك سودانية.
تسلمي.
| |
|
|
|
|
|
|
|
|
|
Re: صور أهل ساره القيافه وغناويهم.. (Re: الطيب شيقوق)
|
يا شيقوق ، بجيك مره تاني ، بس الصوره دي هديه للأحباب كوستاوي
وعصام صالح وآخرين ، على الرغم من (وداعة) هذا الطبق إلا أنه
يكاد يلامس حواف (تشرنوبل) ، الأنجيرا والزغني والشطه التي
تصهر أوعية البلاستك هي بعض من نيران أهل ساره الموقده.
| |
|
|
|
|
|
|
|
|
|
Re: صور أهل ساره القيافه وغناويهم.. (Re: محمد المرتضى حامد)
|
Quote: 
|
مرتضي دحين قميصك ده ماقيافة
العنوان 99999999999999
والدتي الله يديها العافية في اجازة معي
حسب معتقداتها بأن الزار موجود
واخوك يقوم يمتعها بالاغاني الاثيوبية (سمعه وشوف )
وبالرطانه اقول ليها (شوفي البنات السمحات ديل )
تقوم تقول ياود انت يظهر عندك الجماعة ..
------------------------
تحياتي لك وللضيوف والظاهرين معاك في الصورة (صورة من الارشيف الخاص )
| |
|
|
|
|
|
|
|
|
|
Re: صور أهل ساره القيافه وغناويهم.. (Re: محمد المرتضى حامد)
|
Quote: شوفي يا ساره علي،
مع صادق احترامي لكل نساء الأرض ، لكن أقسم لك بالذي سَمَك السماء
لانستبدل السودانيات بغيرهن ،
أنتن الجده والأم والأخت والزوجة والإبنة والحبيبة والزميلة
والجارة وأنتن السمحات ونحن نقول عن البعض (القيافه) لكن
(السماحه) تبقى وصفا حصريا للسودانيات.
بالطبع لم أر بروفايلك لكن يكفيك سيرة أنك سودانية. |
لا بأس ما دام ذلك في إطار المجاملة؛ و لكن
في الغناء لو كتفن لما غنين مثل الغناء أعلاه.
| |
|
|
|
|
|
|
|
|
|
Re: صور أهل ساره القيافه وغناويهم.. (Re: Hussein Mallasi)
|
| Quote: هسه أنا أعمل شنو ؟؟ |
كلماتك يا عماد ذكرتني واحد صديقي
كان في كلية الطب في السنة السادسة
عجبتو بنت في سنة ثانية وكانت صغيرة وشهادة عربية
بعد كم جلسة رومانسية معها قال ليها (أنا بحبك)
فردت عليه بكل براءة ( اسه أنا أعمل شنو؟ )
| |
|
|
|
|
|
|
|
|
|
Re: صور أهل ساره القيافه وغناويهم.. (Re: محمد أبوالعزائم أبوالريش)
|
Quote: الأنجيرا والزغني والشطه التي
تصهر أوعية البلاستك هي بعض من نيران أهل ساره الموقده. |
عشان كدا احمد القرشي قال لي يا الطيب عندما زارنى المرتضى مع البروف على عوض يوسف في لواء جاب لينا معاهو شطة من احدى المحلات في مسقط لا يعرفها الا هو .
وين القى الشيرنوبل دي ؟
| |
|
|
|
|
|
|
|
|
|
Re: صور أهل ساره القيافه وغناويهم.. (Re: Emad Abdulla)
|
لولا انه قالها في ثلاثينيات القرن الماضي
وتغني بها زنقار بمصاحبة اسماعيل عبدالمعين على العود
سنة 1939 لحلفت صادقا ان الصاغ محمود ابوبكر كان يقصدها
دون غيرها بهذه الأبيات ....
وأرى الوجه تجلى فوقه الشعر تدلى
عجبت عيني لبدر منك بالليل استظل[/B
| |
|
|
|
|
|
|
|
|
|
Re: صور أهل ساره القيافه وغناويهم.. (Re: طارق جبريل)
|
| Quote: يمين الشعر المكبوب في الكون دة كله مكتوب عليها |
تعرف يا طارق جبريل اغنية بنت النيل ليها شاعرين
المهندس بشير عبدالرحمن واحمد محمد الشيخ الجاغريو
عنما تغنى بها احمد المصطفى في مناسبة بالعيلفون
الجاغريو قال ليه الأغنية ناقصة قام اضاف ليها الكسرة الجميلة
شفت اول بيت في كسرة بنت النيل الا اقولو همسا والا اساء البعض الظن.
غايتو غنيهو في سرك عشان كلامنا ما يكون ناقص
حاجه تانية
يا ود جبريل انا طبيب اسنان
يا مرتضى اترك لنا بعض الوقار
| |
|
|
|
|
|
|
|
|
|
Re: صور أهل ساره القيافه وغناويهم.. (Re: Ahmed al Qurashi)
|
سماحتن كلما شرقت تجدد
جمالن توه وذوقا اصلو ما بتححد
منعمة من مواصلة القريب تهدد
نزرة ديدبانة عديل وبابا مسدد
تعاليلوعديل يا ام الدر علي شيريراية
وما بقدر احاحيك واسيلي جناية
شبه المرتقوهو وجاهو الوي قراية
قوم خليتو ليكي يا الفيك شبه التاية
| |
|
|
|
|
|
|
|
|
|
Re: صور أهل ساره القيافه وغناويهم.. (Re: طارق جبريل)
|
يا استاذنا ..
يبدو انكم (متواصين) علي العبد (الضعيف)
فقبل أن ادخل علي هذا البوست الموعود بالجماهيرية ، (هبدني) الطيب شيقوق (بصورة) ساره .. وكان ردي عليه :
QUOTE
الطيب
انا ربنا مرقني من فرمان الباب العالي قبال ما تجيني ماسورة تحت اضاني .. تجيب لي ساره ؟ .. يعني انا يطلع لي اسد ؟
طيب انا حسي اعمل شنو ؟؟؟؟ (زي ما قالت البنية بتاعة الشهادة العربية)
الناس ديل انا عشت معاهم ثلاثة سنين..
بس
UNQUOTE
وانت ياخوي ماعندك اجازة زيه ..
عمر علي حسن
| |
|
|
|
|
|
|
|
|
|
Re: صور أهل ساره القيافه وغناويهم.. (Re: عمر علي حسن)
|
Quote: عشان كدا احمد القرشي قال لي يا الطيب عندما زارنى المرتضى مع البروف على عوض يوسف في لواء جاب لينا معاهو شطة من احدى المحلات في مسقط لا يعرفها الا هو .
وين القى الشيرنوبل دي ؟ |
والله يا الطيب يا اخوي انت واقعي
قنعت من البنية قلت اخير تفتش للشطه
| |
|
|
|
|
|
|
|
|
|
Re: صور أهل ساره القيافه وغناويهم.. (Re: khaleel)
|
Quote: يا ود جبريل انا طبيب اسنان
يا مرتضى اترك لنا بعض الوقار
|
دكتورنا ود القرشي
ياخي كيفنك
يمين يا دكتور الجاغريو دة كان اخد ليهو شاكوشين تاني كان متع العالم متعة
هسي يقعدوا يغنوا ليك في غنبلة ويقوليك دة غناء
تليشة:
انا بيطري على فكرة وضليت الطريق ومشيت للصحافة
| |
|
|
|
|
|
|
|
|
|
Re: صور أهل ساره القيافه وغناويهم.. (Re: طارق جبريل)
|
Quote: تليشة:
انا بيطري على فكرة وضليت الطريق ومشيت للصحافة |
طيب نقول غزال الروض ولا يا ظبي رامه ولا يا ظبي السلم ولكن هاك جزء من القمري الظلل
يا الفى قوس حواجبك ناصب لي شراك ....بيعك في المحاسن والأرواح شراك
يا الفارم فؤادي يا الضارب ضراك....شيل النوم ورجع قلبي الطاش وراك
*************
الــدر المنظم عقــدك ولا فـــاك ...........والعناب مكنتل أم خضرة شفاك
عيد النظره داوى الجرح الما خفاك .........الصد والتدلل والهجران كفاك
*************
الظبي المروقل جـــافــل بى وداك ..........يسكر سمعي صوتك من راحة نداك
يا الكاتل عشوقك بهدل بى عداك .........عندك جوز قنابل في صديرك هداك
**************
الفرع المفرهد في روضة نداك ..............شعرك ليل وخدك ولع نور هداك
كيف ما تشيل قلوبنا روحي تروح فداك ......والردف المرجرج يلعب بى فداك
****************
الصدر المقبقب يا الضامر حشاك ..........من ميلة ضميرك فرع البانه شاك
بى سهم الرشارش جوّه ضلوعي شاك .........أصلك لي ودار أعمارنا الله نشاك
*******
يا جدي التمائم ظل الغيم رعاك ............راتع في الخمائل قانص ما سعاك
كيف تصطاد قلوبنا وما الشئ الدعاك.......ارجع من هزارك جيب قلبي المعاك
| |
|
|
|
|
|
|
|
|
|
Re: صور أهل ساره القيافه وغناويهم.. (Re: محمد المرتضى حامد)
|
مولانا ياجميل ...
عارف عندي حاجة محيراني ...
هل جمال الطقس والبلاد بينعكس في الناس ؟؟؟
ولا القصة عندها حاجات تانية وحسابات مختلفة ؟؟؟
..
يشهد الله ... أهل ساره ديل .. الشين فيهم سمح .. والسمح فيهم بيرمي في الشوك ...
أفبدونا جزاكم الله خيراً...
..
| |
|
|
|
|
|
|
|
|
 Re: صور أهل ساره القيافه وغناويهم.. (Re: عبد الله كسلا)
|
معاك ألف حق يا طارق جبريل يا أخوي ...
يا ناس البت دي مش مفروض تكون ملكة جمال كل الأكوان ...
هسي البت دي بني آدم زي وزيك كده يا طارق ... من لحم ودم ...
غايتو الناس ديل حلوين حلاة ما عادية ... وبيئتهم .. وطقس بلدهم ..
وطبيعتها الخلابة أضفت عليهم رقة .. ووداعة ... وجمال ما عادي ...
آسف أخي محمد المرتضى .. وضيوفه الكرام .. نسيت أسلم عليكم ..
لكن الناس ديل أهلي ... وبحبهم ... وبحب كل زول يحبهم ...
التعديل لأنه الأقتباس ما ظبط معاي ... (أخوكم برلوم جديد في المنبر)
| |
|
|
|
|
|
|
|
|
 Re: صور أهل ساره القيافه وغناويهم.. (Re: عبد الله كسلا)
|
قصتك دي يا دكتور أحمد حصلت مع واحدة - ما شهادة عربية- شافت فيلم هندي , بطلتو آية في الجمال
تاني يوم أبت تمشي الجامعة..
قالت , حسه الناس يقولو عليٌ شنو؟
اها يا جماعة النصيحة - و الصراحة راحة..
البت دي مكملة السماحة و مكملة الذوق و اللطافة
و كان دا صوتابالفعل , فإنا لله على قول العمدة
اها انا حسه أعمل شنو ؟
رايحة ؟؟؟
| |
|
|
|
|
|
|
|
|
|
Re: صور أهل ساره القيافه وغناويهم.. (Re: jini)
|
جني لعلك طيب وكفارة بعد العملية
لكن لقيتك خطر
ياخ دي :
لو أنها عرضت لأشمط راهب قد صام لله وابتهل
لأصبح مفتونا معنً بحبها كأن لم يصم لله يوم ولم يصل
ياخ ترد الروح ان فارقتك لحطة تخدير
وهي الخدر اللديد الدي يسري وينسرب
نحمده سبحانه أن راينا الحور في إجازة من الجنة !!!
| |
|
|
|
|
|
|
|
|
|
Re: صور أهل ساره القيافه وغناويهم.. (Re: Baha Elhadi)
|
Quote: Again about Ethiopia and Ethiopian Girls! Why Ethiopia is so different?
I use to stay for long periods in Ethiopia for work, in a private business. I have seen lots of questions about the beauty of Ethiopian women. I am Italian and I think it is difficult to say that Italian women are not gorgeous. But when I am back from Ethiopia...God, it is difficult to find as many beautiful girls as I can find in Ethiopia. The posture of Ethiopian girls, the complexion, the hair, the face, the body....it seems all EU girls would like to be like Ethiopians, trying to get a better color of the skin, to get a real feminine posture, to be thin but with the right curves, perfect nose, delicate profile...but what is out of our modern time is that EU women will never be so much dedicated to their men! ET girls, to me you are the best for so many reasons! |
يا بها شكرا ما انتوا براكم البتبكوا عليك الله شوف جعير الخواجة دا!
جنى
(عدل بواسطة jini on 07-30-2010, 09:17 AM)
| |
|
|
|
|
|
|
|
|
|
Re: صور أهل ساره القيافه وغناويهم.. (Re: Baha Elhadi)
|
ياخواننا أشهدوا ..
أنا و الله زول صاحب عيا ..
البتسوو فيهو ده ماااااا كويس معاي .
ود القرشي ياخ إنت زول عاقل , الناس ديل أهديهم الله يرضى عليك ..
و ده التاني كمان الربنا سلاهو مرقو سالم ..
إنت ما بتتوب ؟؟
الله يجهجهك يا جني بركة الاوليا .
.......
أنا تعبان .
| |
|
|
|
|
|
|
|
|
|
Re: صور أهل ساره القيافه وغناويهم.. (Re: طارق جبريل)
|
Quote: الدرعه ام رشوم من غير شكر مشكوره ..
ضامره وهاوى جوفها وجبهتها المحكوره ..
...
سنها اصفى من لبن البكار فى الكوره ..
ترنح والكفل فى قوامهاتلعب كوره .. ..... |
هيييييييييييييع كع النار ولعت يا اب احمد
المرتضى الولد الجبتو يرقص دا ود خالد رحمة الله ؟
| |
|
|
|
|
|
|
|
|
|
Re: صور أهل ساره القيافه وغناويهم.. (Re: خالد المحرب)
|
يا ود شيقوق شوفلك لوري عنكوليب وتعال نصاقر البوست دة ونجوعر
باقي انا عارفك بلا الريدي والطلح آآبتعرفلك شي
تليشة:
وحات ربي انا لو كنت في المعارضة الكانت قاعدي في الحبشة دي
يمين كان حتلت لي هسي هناك
هو حُكم السودان شن طعمو
| |
|
|
|
|
|
|
|
|
|
Re: صور أهل ساره القيافه وغناويهم.. (Re: Emad Abdulla)
|
و يا طارق .. يا هو ده المسحتو ..
خفت من ملاسي الآفة .. يجي ينقر طاري هنا - الله لا كسبو باقي لينا عوزراييل بس -
نعم إني عارفو تحت تحت ميت موت .. أخير نحنا بنقولا بي خشم البيت .
أها إنت كمان ماك أخير منو شي .. الله يخليك بس لي شيل الحال .. فقُر .
..........
( لتبرهن ) ..
و تُنطق هكذا : lettubrahun ..
تناديها كده و تسألها - و حالك حال السواد - : ده إسمك يا بنية ؟؟
تقوم – تصدق و تؤمن بالله - ما بتقول .. !! قول زي حقنا العوير ده مافي ..
البتعملو داك ما رد .. و لا قول ..
حاجة كده فيها رفعاية سغيرة فجاعية للحنك و شيل بشويش لخشم الرقبة ..
تقوم ودعاية الخشيم ديك تنفلق حتتتتتتتة سغيروووووونة .. و من لهاتها تبتق حاجة ( تقطع نفس خيل القصايد ) ..
و تنسل في شكل شهقاية سغمبتوتة تقص ضهرك يا مرتضى و ضهر أبو اهلنا كلنا ..
حاجة تصويتية تُحس و تُستشعر أنْ : نعم .. بلى .. أجل .. ييس .. أهاا ..
تخليك يا المسيكين فاغر فاك .. و مهوّد راجي الصاقعة البعديها التفرطق باقي الباقيك .
و كانت أخت نصيبتك دي في الإيجاع ..
الله ياخد حقي منكم كلكم .
| |
|
|
|
|
|
|
|
|
|
Re: صور أهل ساره القيافه وغناويهم.. (Re: محمد أبوالعزائم أبوالريش)
|
ود جبرين
Quote: يا ود شيقوق شوفلك لوري عنكوليب وتعال نصاقر البوست دة ونجوعر
باقي انا عارفك بلا الريدي والطلح آآبتعرفلك شي |
يا زول خليك براك انا عقلت طاااااااااااااب تاني كان الطلحة شالها ###### ما بقولو جرت
ود المحرب
اى عليك النبي عقب وعقب نمك دا ود الشلهة ما سواهو
| |
|
|
|
|
|
|
|
|
|
Re: صور أهل ساره القيافه وغناويهم.. (Re: خدر)
|
كلماتك يا عماد ذكرتني واحد صديقي كان في كلية الطب في السنة السادسة عجبتو بنت في سنة ثانية وكانت صغيرة وشهادة عربية بعد كم جلسة رومانسية معها قال ليها (أنا بحبك) فردت عليه بكل براءة ( اسه أنا أعمل شنو؟ )
مبالغـــه يا ود القرشى حسع محمد المرتضى ببوستيه ده خلى الناس تنزل الصور النايمه بيها من زمان نقول علبه خم رماد ولا شنو
| |
|
|
|
|
|
|
|
|
|
Re: صور أهل ساره القيافه وغناويهم.. (Re: خدر)
|
أستاذ مرتضى
قبل شوية فتحت البوست دا (للمرة الكم ما حاسب) في مكان يقدم القهوة الحبشية
من غير ما أعرف إنك غيرت نظام تشغيل الأغنية للاوتورن
الإيقاع في خطوات الاستاف إنضبط
والقهوة جات مظبوطة أكتر
وحصلت حاجات تانية ما فهمتها
ولمن جيت أدفع قالوا "مدفوع"!
الدفع منو ما عارف! 
شكراً على العزومة اللطيفة دي
| |
|
|
|
|
|
|
|
|
|
Re: صور أهل ساره القيافه وغناويهم.. (Re: محمد المرتضى حامد)
|
ودجبرين
| Quote: هو حُكم السودان شن طعمو |
هو بلا السودان وخالك جهجهنا شنو
ناس قراب منك عرفوا سر حزني
وللان شفرة الحزن في السودان مادايره تنفك
على قول خالك دي اسمهاالعجوه المعطونه بعسل
احب كسلا واديس ابابا زاتوووو ياخ
-----------------
الضيوف ... بدستوركم ياولاد ماما
| |
|
|
|
|
|
|
|
|
|
Re: صور أهل ساره القيافه وغناويهم.. (Re: khaleel)
|
يا طارق ..
عمك العبادي ظنيتو تاوق هنا و مشى جضّم النضم ده ..
يا كمان سواهو أيامو الفي تسني ( مش الحرب كانت هناك ؟ .. أريتا حرب السرور ) :
جدي العَزاز الجيدو قزاز
ياعُزاز انا نومي خَزاز
تسعة الحزَّاز والرقبة قزاز
حُقّ الابزاز بالمرَّة لُذاذ
احوروافقل إن شفتو وقل
طيّو مَرقَّل شيش يتنقل
الخصرو هضيم لا جوع لاضيم
خاتي عِضَيم المو نِضِّيم
من تبَّ حشيم الماهو غشيم
فيهو رشيم لقلوبنا يشيم
لونو تِبر في صفارنا قِبِر
يا الما بتبر انا جنِّي كِبِر
......
هأووو .. علينا نحنا !!
كانت : ( حُقّ الأحباش بالمرَّة لُذاذ ) .
| |
|
|
|
|
|
|
| |
محمد المرتضى حامد
Yassir Tayfour
Ahmed al Qurashi
اشرف السر
محمد أبوالعزائم أبوالريش
سارة علي
فايزودالقاضي
الطيب شيقوق
وليد عبد اللطيف
طارق جبريل
Emad Abdulla
Hussein Mallasi
نجاة محمد بابكر
ود العجمى
khaleel
willeim andrea
Kostawi
jini
عبد الله كسلا
mamkouna
Baha Elhadi
خالد المحرب
خدر
حيدر امين
Gaafar Ismail
فيس بوك
تويتر
انستقرام
يوتيوب
بنتيريست