عارف يا النصري، لم أجد ما يعبِّر عن حال (أهل الكراسي) الطغاة إلا هذا الفيديو، هذا الرجل (الرئيس أو المسؤول) يجلس على كرسي خادع يستمتع بالجماهير حوله تدور تبتسم وتحمل الكاميرات كأنها تقول له أنت محور أنظارنا ومحور حياتنا والكون
الفريد في (عصرو) يا صاحب الإعجاز
هو يعرف أنه لن يستطيع مغادرة كرسيه حتى تأكل دابة الأرض من قاعدته أو منساة صاحبه لأنه إذا غادره سيكشف الناس الخديعة ولكنه حتما يخر وسيعلم الناس حينها أنهم ( لو كانوا يعلمون الغيب ما لبثوا في العذاب المهين ).
02-15-2011, 02:59 PM
احمد العربي احمد العربي
تاريخ التسجيل: 10-19-2005
مجموع المشاركات: 5829
سلامتكو يا جماعة انتو متخلفين الم تسمعو بالسحاب البيرسول؟؟ وهي سحب تكون امامك وانت مقبل على المعركة تستطيع رؤيية العدو في حين انه لن يراك!!!!!! قال كرسي قال
المهم
يا ودحامد البنوتةفي بروفايلك دي من وين؟؟؟؟ حيرتني عديييل اكتر من الكرسي!!! الختاها وسط العذابة ديييييك شنو؟
02-15-2011, 07:34 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: لكن بيني وبينك الكرسي دا اكان طلعوا بيهو على ضهارينا قطع شك ناسنا بجوا متلهمين سيدو للبركات زى موية بير القضارف حقت زماااان
عندي ليك مقترح يا الطيب، نشوف ليك كرسي من الشركه دي زاتا وتمشي تتوهط بيهو في أبوجنزير، تشنِّق طاقيتك وتخلف رِجِل في التانيه، وتشغِّل ليك إتنين تلاته في الشوارع الجانبيه يقولوا للناس ظهر ولي بيقعد في الهواء إسمو الشيخ شيقا، وتخت ليك مجموعة فتايل فيها مويه ، الفتيل بألف بس، طبعن بتعرف (الفتايل) ، مجرد تغيير إستعمال، كريس أنجل وديفيد كوبرفيلد احسن منك بشنو يعني؟ ولو ما لفقت الفكره ننقلك من الموقع مع الكرسي إلى موقع مجاور كمستشار، ولو دا كلو ما نفع أرجع الدندر أرقص صقريه هييييع،
02-15-2011, 04:33 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: يا مولانا مالكـ ( حاكِيها ) ياخي الـ promotion slogan أو بطاقة الدعوة وااااااااضحة وبحروف كبييييييرة ( choose your personal kind of comfort )
بالطبع يا عمران، والصوره أخذت في مطار وبالطبع هي ليست صورة كرسي مسؤول لكنني أردت منها أمرا آخر.. هو ذاتو الكرسي وينو؟ هسه الناس يقولوا علي شنو.. شقي ومسؤول؟؟
02-15-2011, 04:10 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
أحمد العربي، سلامات يا عزيز، هنالك بعض البشر تعشق العيش في الوهم والخَدَر عندما تفشل في أرض الواقع.. لكن البنات الظريفات ديل روحم ساخره ومرحه.. بس ربَّك يستر الصوره دي ما تقع في عين الجماعه إياهم
02-15-2011, 04:41 PM
rummana rummana
تاريخ التسجيل: 02-04-2002
مجموع المشاركات: 3537
محمد المرتضي كيفنك وعاوزة افسر ليك سر الكرسي السحري الرجل بيلبس تحت ملابسه الداخلية قميص من حديد وفي أعلى السقف يوجد مغنطيس ضخم يجذب الحديد إلى أعلى ولكن بنسبة معقولة بحيث لا يجذب الرجل إلى أعلى وكأنه يطير ولكن بنسبة تجعله كأنه جالس على الهواء ايه رايك في التعليل ده قبل ما واحد يجي يقول دي كرامة من كرامات الرجل
02-15-2011, 07:58 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: نشوف ليك كرسي من الشركه دي زاتا وتمشي تتوهط بيهو في أبوجنزير، تشنِّق طاقيتك وتخلف رِجِل في التانيه، وتشغِّل ليك إتنين تلاته في الشوارع الجانبيه يقولوا للناس ظهر ولي بيقعد في الهواء إسمو الشيخ شيقا، وتخت ليك مجموعة فتايل فيها مويه ، الفتيل بألف بس، طبعن بتعرف (الفتايل) ، مجرد تغيير إستعمال، كريس أنجل وديفيد كوبرفيلد احسن منك بشنو يعني؟ ولو ما لفقت الفكره ننقلك من الموقع مع الكرسي إلى موقع مجاور كمستشار، ولو دا كلو ما نفع أرجع الدندر أرقص صقريه
هيييييييييييع وهيييييييييييع وهييييييييييييع صلاح ادريس بس
02-15-2011, 09:25 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: سلامتكو يا جماعة انتو متخلفين الم تسمعو بالسحاب البيرسول؟؟ وهي سحب تكون امامك وانت مقبل على المعركة تستطيع رؤيية العدو في حين انه لن يراك!!!!!! قال كرسي قال
يا باشمهندس سلامات، ياخ ما تشوف لينا سحاب بيرسول للجماعه إياهم، معاهو برق واحد ميجاوات سوكارنو والصاقعه الله لاجابا ، دي كرامات يا محمد.. هسه يا ود الشيخ قبل 30 سنه لو شلت الريموت قفلت بيهو التلفزيون مش كان قالوا دا الولي أبوسبيبه المحايتو توشيبا؟ أها سامسونج وقوقل وناس (ناسا) ديل مش ناس كرامات؟
شوف الفيديو أدناه مع اختلاف الخدع وارجع لي ،
02-15-2011, 10:58 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: محمد المرتضي كيفنك وعاوزة افسر ليك سر الكرسي السحري الرجل بيلبس تحت ملابسه الداخلية قميص من حديد وفي أعلى السقف يوجد مغنطيس ضخم يجذب الحديد إلى أعلى ولكن بنسبة معقولة بحيث لا يجذب الرجل إلى أعلى وكأنه يطير ولكن بنسبة تجعله كأنه جالس على الهواء ايه رايك في التعليل ده قبل ما واحد يجي يقول دي كرامة من كرامات الرجل
أميره كيفك، مسؤوله من الخير ، إنتِ شاركتِ في نيفاشا؟
02-16-2011, 06:08 AM
ندى عثمان حسن ندى عثمان حسن
تاريخ التسجيل: 11-20-2009
مجموع المشاركات: 875
جهجهت البيت كلو يا مولانا ياخي البيت كلو بقهي و براقب في كرسيك الخفي ده و لسه ما اكتشفنا السر ولا عاوزين نقرأ باقي البوست عشان ما نلقي التفسير شفتنا لواييق كيف
02-16-2011, 11:45 AM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: انت لمن عارف الكلام دا حقو تعرف انه كل كرسي علي ماركة ,كرسي الانجاز براهو وكرسي الاعجاز مختلف وكرسي الصحاف بيلمع .
ويبلع،
عارف يا يوسف، المسؤولين ديل بيختاروا كراسيهم براهم، ومرات بيختاروها ليهم الجابوهم، قالوا الواحد بجيبوا ليهو الكتالوج في محلو يختار منو كرسي، ما بيمشي صالة العرض ، بعدين يجيبوا ليهو الكرسي زاتو بلحمه ودمه وعظمه، يفكَِر فيهو ويتأمل ويناجي الكرسي ويترنم: أقيس محاسنَك بمن يا الدر الماليك تمن ولَّ نور عيني.. وأحيانا يخاطبه قائلا: إنت مصدر فني واحساسي وشعوري أو يناجيه كما يناجي المغترب (الريال) وهو ممسك به ناظرا فيه بعدسات الغزل الصراح: أنت الذي أتعبتني وأنت الذي فيك راحتي .. يانوري يا ناري يا جنتي .. أهوى الهلاك في هواك ليتخذ الساسة سُنتي، وهاك يا قعده.. حتى يصاب الكرسي با Hemorrhoids ثم يصدر البيان أو القرار ، حسب المصدر.. وحسب البَنبَر..
02-16-2011, 04:39 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
سلامات مولانا فتحت البوست دا في الشغل وعدته زي عشرين مرة كدا عشان أعرف الحاصل دون فائدة أسي بعد جيت البيت وأكلت وأديتها فنجان (كونجو بُنّة) وصلت للآتي: الحذاء اليمين جزء أساسي من الكرسي وهو قاعدته الوحيدة المثبتة على الأرضية (لاحظ عدم تحريكه بتاتاً) باقي الكرسي عبارة عن لوح (بعرض 4 بوصات مثلاً أو أعرض قليلاً) من مادة شديدة الصلابة يمتد محاذياً لانحاءات الجسم من تلك القاعدة لحد الضهر الكلام دا كله من داخل الملابس يعني البنطلون والقميص ذاتم لازم يتلبسوا مع الكرسي والله أعلم
02-18-2011, 07:58 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
أشرف عساك طيب، لايوجد تفسير للحالة المعروضه سوى ما أتيت به خصوصا في هذا المنعطف التاريخي من حياة الأمه عارف يا عزيز، الزول ده قاعد وخالف كراعو لكنه لا يستطيع أبدا أن (يخلف) اليمين على الشمال لأنه حتما سيسقط، وبالتالي الجلسة الطويلة مع التحميل على جانب واحد من الجسم بعد فتره سيجعل قوى اليسار في حالة ( تنميل) وباقي الأعضاء في (خَدَر) ، وبرضو لو قامت حريقه واشتعلت الثورة لازم يشرِّط هدومو عشان يتخارج وبالطبع في عدد من الناس (أمن المسؤول) بيكونوا مجهزين كل شئ عشان يقلع وبلغة الشرَّامه (يشتت) ، يعني الكرسي مهما كانت درجة صلابته إلا أن به عيوبا خفية لاتظهر للعيان إلا بعد خروج المسؤول تماما ..
قلت لي (البنطلون والقميص ذاتم لازم يتلبسوا مع الكرسي)؟
والله صدق المثل: يا ما تحت السواهي دواهي.
02-18-2011, 07:15 AM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
الفهم قِسَم يا دينا، في ناس بجيهم الفهم في الدقيقه 89:59 وبمجرد ما يفهموا ... جري على المطار، وفي ناس بيفهموا بعد ما تنتهي الحفله والشعب يلِم الكراسي والساوند سيستم، وفي ناس ، أجارِك الله ، ما بفهموا كلو كلو لاقبل ولا أثناء ولا بعد ، أنت تعرفين يا دينا أن الطائرات الحربية تقذف بالطيار وكرسيه عندما تعطب Ejection seat، أها، في نوع من الجماعه إياهم يستغربوا ويقولوا يا ربي الطياره دي (لفظتني) ليه؟ الغبي لايعرف إنو ال ejection أحسن ليهو مما لو بقى في كرسيه، هؤلاء هم أصحاب العقول المجنزرة.
من الكراسي المرشحه للإنقراض[/green]
02-17-2011, 01:09 PM
Ahmed al Qurashi Ahmed al Qurashi
تاريخ التسجيل: 08-27-2006
مجموع المشاركات: 4263
Quote: واظن فنجان الجبنة الشربتها دي من جبنة الشرق
بل الخرمة الكانت شرقاوية حكاية المغنطيس دي يا أميرة كانت تفسيري الوحيد لحد قبل القهوة بشوية لا تتخلي عن تفسيرك حتى نهاية المسابقة، ممكن يطلع هو الصاح الخواجة دا ما مضمون
ـــــــــــــ
Quote: قوى اليسار في حالة ( تنميل)
دا وكتو؟.. أو زي ما بقول جني يا مولانا "طيب ما أم الحسين اتنفخت!"
02-19-2011, 07:34 AM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: الكرسي بتاع الحملان دا اسمو كرسي الزريبة ولاشنو
بالعكس ، دي زريبة الكرسي يا أحمد، كدي هسه شوف كرسي رجل كان رئيسا لأفقر دولة في أفريقيا وهو جان بيدل بوكاسا، الذي نصَّب نفسه امبراطورا على بلاده،
وشوف كرسي زوجته
وزوجته تلك ، قيل أنها ، كالكثيرات ، كانت الحاكم الفعلي لأفريقيا الوسطى، ( ماهو باين في العيون .. وين حنهرب منو وين) أنظر إليها وحولها عناصر الأمن من الجنس اللطيف في براءة ( الإشبينيات) بس ، وسمعت أنها كانت تغني لبوكاسا ، مكايدة نساء الوزراء والمعارضين :
يا بوكاسا سنهوري ، أنا دايراك ضروري كان داير تغيزم تعال واضرب البوري
وبالطبع(بوري) الجماعه ديل معروف .. كلاشنكوف، الجميع يعرف مصير بوكاسا الذي قيل إن رئيسا مسلما عرض عليه اعتناق الإسلام وأن يغير إسمه ل (صلاح الدين بوكاسا) لكنه رفض العرض متمسكا بمعتقده ومتعلقاته الشخصية فغضب عليه ، ونكاية بذلك الرئيس المسلم أهداه الراحل نميري منزلا في ودمدني كمنتجع احتياطي عند الزنقه، أظن كتب على بابه: مدني يا السني يا السني طمِّني
02-19-2011, 09:45 AM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد المرتضى حامد
Ahmed al Qurashi
احمد العربي
عمران حسن صالح
الطيب شيقوق
MOHAMMED ELSHEIKH
rummana
سمير شيخ ادريس
ندى عثمان حسن
يوسف السماني يوسف
خدر
د.محمد حسن
دينا خالد
فيس بوك
تويتر
انستقرام
يوتيوب
بنتيريست