|
|
|
 Re: تستاهلي.. (Re: Adel Sameer Tawfiq)
|
مولانا عادل،
شرفت المكان ياالعزيز، حمدالله على السلامه ، يعني ما نشوفك إلا في بوستات العزاء,
بالغت أنا؟ ده كلام يا راجل، اللي بالغ بحق الراحل خرافي الوصف صلاح أحمد إبراهيم.
والله يا عادل لم أقرأ وصفا شعريا كالذي قاله صلاح في مريا.. لكنها بتستاهل.
شكرا يا حبيب.
| |
 
|
|
|
|
|
|
|
|
Re: تستاهلي.. (Re: abubakr)
|
| Quote: تستاهل مريا وتستاهل كل بناتنا السودانيات من حلفا الي نمولي والاتي رسمهن شعراء السودان حروفا تغنت بها اصوات باقية في الوجدان لا نمل الاستماع اليها ولا حتي الي من يقلدها ( دة مع المحازيير التي يعرفها المرتضي !!).. |
الباش،
لك السلام من اقاليم هيلينيا وكل آلهة الإغريق من عدّدهم ود احمد ومن لم يعددهم.
مريا هذه أحسها كبعض من تراثنا القومي وممتلكات الشعب العامه التي تأبى على الخصخصة.
شكرا ياباش على رفدك لهذا المكان بالجميل.
| |
|
|
|
|
|
|
|
|
|
Re: تستاهلي.. (Re: محمد المرتضى حامد)
|
محمد المرتضى ,, يسبقنا الشوق قبل التصفح ,,
تعرف أن 90% من الكتابات فى المنبر بقت مهاترات وكلام خارم بارم ( دى من ناسنا)
عشان كده الواحد بقى أول مايفتح المنبر يقرأ أسماء الكتاب , وهو يبحث عن من يقرأه
وطبعا أنت من المقلين لكن مجودين ,, وأنا فى الفتره الماضيه كنت مكتفى ببوست ناسنا
كل يوم أدخل أقضى لى فيهو ساعه وأمرق مبسوط وكأننى عايد من قهوة يوسف الفكى بعد
الشاى الماخمج .
الليله شوقى سبقنى وأنا أقرأ ( تستاهلى ) وقبل أن أدخل بدأت الاسئله تتقافز فى راسى
ياربى محمد المرتضى ده عائز ينافس محمد المرتضى , وتستاهلى دى شنو ياربى , وبرضو حيسجنا
فيهو زى ناسنا , وحيصل كم صفحه ,, صدقنى ياعزيزى كل تلك الاسئله دارت بذهنى فى المسافه
التى بين أصبعى وضغطة الكليك .
ماعليك سوف ( نساسق ) مابين هذه الشقه والحوش الكبير حيث ( ناسنا ) .
لكن ماقلت لى ,, صلاح زاتو مابستاهل ؟
| |
|
|
|
|
|
|
|
|
|
Re: تستاهلي.. (Re: كمال سالم)
|
| Quote: لكن ماقلت لى ,, صلاح زاتو مابستاهل ؟ |
كمال سالم قريبي،
يعني الحمدلله بجيبوك أهلنا الشناقيط والأثيوبيين وناس مريا وقمة الأولمب وألهتهم،
صدقني ، وحتى أمد قريب كنت أعتقد أن صلاحا تخيل فتاة تسمى مريا ومن ثم أدرجت قصيدته الهيدروجينية تلك ضمن ميثولوجيا الإغريق سيما أنه عالي الكعب في تلك النواحي ولأنه كان ضمن قبيلة اليسار وشخصي يحتفظ بعلائق طيبة مع أهل اليسار الذين يتمتع كثير منهم بأخيلة تسافر بك في الماورائيات وتضهِِّّبك وهم يشتركون مع الصوفية في تلك الخصيصة حتى لو أنكروا ذلك. على اية حال ، أنا في حال كالبندول ، لاأدري أين أقف فمن جهة لم أك أتمنى أن تُجسَّد لي مريا تصويرا - عشان اسرح بخيالي استنادا للوصف الوارد في القصيدة - ومن ناحية أخرى ارتحت (مؤقتا) تفاديا لجموح الخيال المتعب. كمثال يا كمال زعلت لما عرفت إنو الحب في زمن الكوليرا عملوهو فيلم، في حاجات بتدخلك في فيلم لما يعملوها فيلم ، فالخيال يحلق بك وراء السدم البعيدة بينما الواقع لايتعدى بك باب غرفتك كما يقال.
مريأ يا كمال ما بتريح وأنا ضد الفجور في النعومة، هسه شوف حال سجيلك عماد عبدالله ده المابسُر عدو لاصليح، والله الواحد ما عندو غير الدعا.
ما تنقطع.
| |
|
|
|
|
|
|
|
|
|
Re: تستاهلي.. (Re: محمد المرتضى حامد)
|
Quote: مريا
ليتني يا مريا ازميل فدياس وروحاً عبقريا وامامي تل مرمر
لنحت الفتنة الهوجاء في نفسي مقاييسك تمثالاً مكبر
وجعلت الشعر كالشلال بعضٌ يلزم الكتف وبعضٌ يتبعثر
وعلي الاهداب ليلٌ يتعثر وعلي الاجفان لغزٌ لا يفسر
وعلي الخدين نورٌ يتدثر وعلي الاسنان سكر
وفمٌ كالاسد جوعان زمجر
ينادي شفتاً عطشي واخري تتحسر
وحزاماً في مضيقٍ كلما قلت قصيراً هو كان الخصر اصغر
يا مريا مالعشرينين باتت في سعيرٍ تتقلي
ترتدي ثوب عزوفٍ وهي في الخفية ترغب
ليتني يامريا في قمة الكرومب جالس
وحواليا العرايس احتسي خمرة باغوص النديا
واذا ما سرت النشوة فييا
اتداعي وانادي يا بنات نقروا الغيثار في رفقٍ وهاتوا الاغنيات لماريا
ليتني يامريا ازميل فيدياس وروحاً عبقريا
لكنت ابدعتك يا ربة حسنٍ بيديا
ربما لا نلتقي بعد ذالك يا مريا
فتعالي وقعي اسمكي باحرفٍ من نارٍ في شفتيا
وقولي وداعاً |
| |
|
|
|
|
|
|
|
|
 Re: تستاهلي.. (Re: محمد المرتضى حامد)
|
محمد المرتضى سلام يغشاك فى مكانك وماكان تقبل
انااحب اسمع اقرى كتير للشاعر الراحل صلاح احمد ابراهيم وفى راى
انو مريا من اجمل ماكتب .. وبالرغم من انو اداء الفنان حمدالريح فيها جميل
جدا ومقنع .. الا انى كنت اتمنى لو كان اداها الطيب عبدالله ماعارفه احساسى
بيقول انها بتشبه الطيب عبدالله شديد .. عارف انا اول مرة اشوف مريا
وبينى وبينك ليهو الف حق وحق .. كنت اتمنى لهذا الانسان الجميل
الرقيق لو كانت الامور مشت معاهو ذى ماكان يحب ويتمنى ..
تســلم يارب من كل شــر ...
| |
|
|
|
|
|
|
|
|
|
Re: تستاهلي.. (Re: ماجدة عوض خوجلى)
|
| Quote: خايف العرريب ودشيقوق يجي متلب هنا ويبدء يحت ويحلف انو قابل مريا ( اصلو بقي يحلم كتير اليوميين دييل ).... |
انا يا ابوي جيت وحفرت للتاتيب ونسجت القنا وختيت الحصير من فوق ودرعت القربة تنقت باردة طق طق طق من فوق الدقاقة وختيت هبابي تحت الضل الرهين ده والدايرني هنا حبابو وما دايرني يمشى يشوف لو انجمامة عند ود المنسي .
المرتضى وحياتك احببت عندك الحب في المنبر العام والانجمامة عند ود المنسي وناسنا ولكن بصراحة بس مريا دي :
محا حبها حب الالى كنّ قبلها وحّلت مكانا لم يكن حلّّّ من قبل ( بضم اللام)
| |
|
|
|
|
|
|
|
|
|
Re: تستاهلي.. (Re: الطيب شيقوق)
|
Quote: ولكن بصراحة بس مريا دي :
محا حبها حب الالى كنّ قبلها وحّلت مكانا لم يكن حلّّّ من قبل ( بضم اللام) |
يا شيقوق ، أشهد لك أنك تعلقت وتسربلت وتدثرت و (اندعكت) بأستار الغيب آملا أن تزيد حبا في مريا وأن لك بوست
خاص عنها في هذا المنبر.
ربنا يصبِّرك، قليلا رايح وكتيرا رايح يا طيب.
| |
|
|
|
|
|
|
|
|
|
Re: تستاهلي.. (Re: ماجدة عوض خوجلى)
|
Quote: وبالرغم من انو اداء الفنان حمدالريح فيها جميل
جدا ومقنع .. الا انى كنت اتمنى لو كان اداها الطيب عبدالله ماعارفه احساسى
بيقول انها بتشبه الطيب عبدالله شديد |
الماجده بت الخليفه عوض خوجلي،
كلامك الفوق دا صحيح والسبب في رأيي إنو الطيب غنى للعباسي ، في واقعة مشابهة، (يا فتاتي) ما للهوى بلد،
وقيل أنه ، أي العباسي ، كتبها في بيروت عن واحدة من اللبنانيات وكلمات القصيدة شارحة لذاتها، الطيب
يا ماجده تنضح من أغنياته (الحِنِّية) وتضج بتيارات الجمال المشعة من القلب كما هي دون تدخلات تذويقيه ولحن مريا
وكلماتها ومناخها اليوحي بالكثير من الأعاصير والأهواء والأنواء يندرج في خطوط الطول والإرتفاعات التي يحلق فيها
الطيب عبدالله.
لا أغالي إن قلت لك أن انحيازي لحمد كفنان سببه ثلاث أغنيات ، الأولى كانت إلى مسافرة والثانية تائه الخصل وكانت
مريا القاتلة.
شكرا يا ماجده.
| |
|
|
|
|
|
|
|
|
|
Re: تستاهلي.. (Re: محمد المرتضى حامد)
|
| Quote: ولكن بصراحة بس مريا دي : |
مالك ومالا ؟؟ دي من وراء البحار .. ات بس بقيت زي الصايم وريحة كل الاصناف في المطبخ هي الاشهي ... خليك برة دي مريا بتاعة اولاد البندر مش البمبر ...
| |
|
|
|
|
|
|
|
|
|
Re: تستاهلي.. (Re: abubakr)
|
| Quote: اولاد البندر مش البمبر ... |
يا اخي خلينا نطرب انت ذاتك مش مهمش انت مهمش ومن بلد التهميش شاتوك ضفاري فنننننن رموك لينا وسط البطانة واستمرت ال probationary period بتاعتكم ثلاث سنين نعلم فيكم دباغة القربة وتوسر الهبابيب وطق الكعكول وقطع النال وهز البخسة واكل اللباء وتربّط العجول .
هييييييييييييييييييييييييييييييع انا قادل ماشي النغم
المرتضى اكتبوا لينا الكلام السمح البجيب القوم !!!!!!!!!!
| |
|
|
|
|
|
|
|
|
|
Re: تستاهلي.. (Re: كمال سالم)
|
| Quote: واحد حاسد سألنى : مريا ياته فيهم ؟؟ الفى النص ولا الطرف ؟ |
لسع الجماعة الما بفرزوا جد جد ما جوكم حقو يا المرتضى تغير رايك وتسحب ال .... ما يتلهمك واحد اعمى واطرش .
| |
|
|
|
|
|
|
|
|
|
Re: تستاهلي.. (Re: Alsa7afa_30)
|
الصحافه 30
دي مش صوره نادره وبس ، دي بالنسبه لي تعادل حجر رشيد لشامبليون .
والله يا صحافه 30 أحمدالله اللداني ايام في الدنيا أشوف سيدة هيلينيا دي قبل أفارق الفانيه.
(تنادي شفة عطشى وأخرى تتحسر)
الله لا ورّاك حسرة
شكرا يافنان.
| |
|
|
|
|
|
|
|
|
 Re: تستاهلي.. (Re: محمد المرتضى حامد)
|
يامولانا كده يوم بتكتل ليك زول بى فيتيشك فى كلام زى ده
سؤال؟
ليه دائما نحن بنحن للقديم؟
هل الجديد مافيهو طعم؟
ولا زحمة الدنيا حمتنا من تذوقه؟؟؟
| |
|
|
|
|
|
|
|
|
|
Re: تستاهلي.. (Re: علوبه)
|
يا ود شيقوق
لكن مريا جد جد بتدوش
كدى يا شيقوق دقق دقق فى الصورة
بحلق وجحم شديد .
البت يازول زى الوعلة الفاردة .
تجيب هبابك ؟
نعم .
تجيب كل ما يلزم .
يازول مع مريا الدنيا براح والحالة ملبن فى ملبن .
وكدى جحم تانى ها ها ها .
سلام شديد أستاذ محمد
| |
|
|
|
|
|
|
|
|
|
Re: تستاهلي.. (Re: خالد علي محجوب المنسي)
|
خالد المامنسي،
والله ياالحبيب الحال من بعضو، لكن بيني وبينك الحزام الفي المضيق كلما قلت صغيرا هو كان الخصر أصغر بيذكرنا
مضيق هُرمُز بين المحيط الهندي والخليج العربي ولاتنسى مضيق الدردنيل وسبحان الله الجغرافيا كثيرا ماتتمثل في الإنسان مع
استصحاب الصدير الطامح زي خليج الروم وهذا يستدعي قراءة القصيدة وبجوارك الأطلس، وانت عارف انو الأطلس ذاتو في الميثولوجيا
الإغريقية هو إله يحمل الكرة الأرضية ، يعني أطلس يمت بصلة لمريا وخليج الروم برضو قريب لفريقهم ومضيق الدردنيل شرحو، يعني
الزوله دي مأصله ومفصّله وجذورا ضاربه في الأرض وشرايين زوار هذا البوست.
ربنا يسلِّمك من الأسد الجوعان زمجر .. قول آمين.
| |
|
|
|
|
|
|
|
|
|
Re: تستاهلي.. (Re: علوبه)
|
Quote: ليه دائما نحن بنحن للقديم؟
هل الجديد مافيهو طعم؟
ولا زحمة الدنيا حمتنا من تذوقه؟؟؟ |
يا دكتور، هو وينو الجديد؟ نحن ما بنحب القديم لأنو قديم لكن بنحب بعض القديم لأنو نحن كنا سمحين وجديدين والهارد ديسك نضيف
لم تتلفه فيروسات الزمن الأعوج، بعدين يا علي الشغل ذاتو كان نضيف ، كلمات ولحن وأداء ، تقول لي الجديد زحمة الدنيا حمتنا من تذوقه؟
ماهو نحن مع الزحمه قاعدين نتذوق عربي وأثيوبي ويوناني وشغل بعض الجدعان الجدد.
بس مريا دي حاجه (غير) يا علي ، هالكاني من قبال أعرف الحاصل شنو ، شوف الكلام دا وإيقاع الفالتز المسويهو حمد ده،
زمان عبدالحميد(جني) كان عندو اسطوانه منصفون فيها مريا دي كنت بقيِّل بيها، زمن الدنيا رخيّه،
بالله ماتغيب ياودالمسالمه.
| |
|
|
|
|
|
|
|
|
|
Re: تستاهلي.. (Re: محمد المرتضى حامد)
|
الاخ محمد والاخوة المتداخلين تحية ود وتقدير ،،،
بعد ما شفنا مريا ( الصورة ) ظهر تقصير الراحل المقيم صلاح في القصيدة ....دي يكتبوا فيها معلقة . . ديوان ...
شكر الله ( الله يرحمه ) كان ( قاص ) وبقى بعد داك ... ( رئيس جمعية القران الكريم ) ...
قال في المقال عايز يبر القراء وفتح الشنطة وطلع الصورة !! بالله الزمن ده كله شايلا معاه ؟؟ 
| |
|
|
|
|
|
|
|
|
|
Re: تستاهلي.. (Re: tariq)
|
عثمان موسى
مرتضى
Quote: يا ود شيقوق
لكن مريا جد جد بتدوش
كدى يا شيقوق دقق دقق فى الصورة
بحلق وجحم شديد .
البت يازول زى الوعلة الفاردة .
تجيب هبابك ؟
نعم .
تجيب كل ما يلزم .
يازول مع مريا الدنيا براح والحالة ملبن فى ملبن .
وكدى جحم تانى ها ها ها .
سلام شديد أستاذ محمد |
انت يا المرتضى خليك في بوستيك ده مشنق الطاقية ولازم لينا الوجاهة بس واى ضيف نحن نشوف نور عربيتو جايي علينا نمشى نستقبلو ونجلسو كويس ونكرمو انت بس ابقى لينا زى نظار الادارة الاهلية ما بجوا مارقين للضيوف الا بعد يشحتفوا روحهم .
وفي ضيوف كمان بجوا من الحلال القريبة كداري ساى عينة عثمان موسى ده ده نحن بندخلو البيوت معانا طوالي لانو سيد بيت عشان يعاين لتجهيزات الموائد . بس يا عثمان اخوى الشغلانية دي فيها دخول على العروض اها هسع اكان دخلناك بيوتنا عشان تتابع اكل الضيوف وطق عينك وقعت في واحدة زى مريا دي حتعمل شنوووووووووووووووووووووووووووووو؟
المرتضى ابقى مارق جونا ضيوف وزى معاهم واحد رطاني مقطوع راس الحق سلم عليهم .
| |
|
|
|
|
|
|
|
|
|
Re: تستاهلي.. (Re: الطيب شيقوق)
|
الرطانييييييييييييي
| Quote: ياواااد يا بتاع الحب والذي منو ؟؟؟؟؟؟؟؟؟؟؟؟؟ |
عندما انتقلوا لحلفا الجديدة كان بعض المارةالذين يركبون الجمال ينظرون في داخل البيوت، فاجتمع 15 من صفوة الحلفاويين البيعرفوا عربي كويس وعزموا مقابلة عبود وحل مسألتهم،
وعند وصولهم (الهرتوم) انتخب الـ 15 أحدهم للكلام بالنياية فدخل على عبود وابتدره قائلا (شوف يا ابود، انت يا تعلي الهيطة يا توطي الجمل)!
هيييييييييييييع العهدة لعمو فيصل محمد خليل كشاهد من اهلها
| |
|
|
|
|
|
|
|
|
|
Re: تستاهلي.. (Re: الطيب شيقوق)
|
على الطلاق لما افتح البوست ده واسمع حمد بغني بمريا بشهق عدييييييييييييل
والله يا المرتضى لم يأت الفن السوداني باجمل من رائعة هذا الصلاح العملاق
| |
|
|
|
|
|
|
|
|
|
Re: تستاهلي.. (Re: tariq)
|
| Quote: قال في المقال عايز يبر القراء وفتح الشنطة وطلع الصورة !! بالله الزمن ده كله شايلا معاه ؟؟ |
بالله يا طارق السودان مش فوضى، في زول يخلوهو السنين دي كلها شايل ليهو مواد مُشِعّة زي دي ويتحاوم بيها من مكان لمكان
لارقابه لا إخطار لهيئة الطاقه الدوليه ولا فحص للحائز الجائل ولا جيرانو ، ياخي القصه دي لو سمع بيها البرادعي سيحيل
ملف مريا إلى مجلس الأمن والله وحده أعلم بما سيواجهه السودان من عقوبات وحصار عاطفي.
غايتو.
| |
|
|
|
|
|
|
|
|
|
Re: تستاهلي.. (Re: محمد المرتضى حامد)
|
| Quote: واحد رطاني مقطوع راس الحق سلم عليهم . |
شن بقطع راس الرطان يابراسا مقطوع؟؟ بس انت تشوف صورة زي دي وياها الجرسة ؟؟في ارذل العمر ومصر علي الشلاقة ومباري البنوت السمحات حتي ولو صورة ابيض اسود او رسالة اليكترونية .. قال هيييع قال
| |
|
|
|
|
|
|
|
|
|
Re: تستاهلي.. (Re: abubakr)
|
| Quote: ولو صورة ابيض اسود او رسالة اليكترونية |
ولو في القبر يا الرطاني اترحم عليها وعلى ذلك الجمال المقبور
| |
|
|
|
|
|
|
|
|
|
Re: تستاهلي.. (Re: الطيب شيقوق)
|
أخي الأستاذ محمد المرتضى
تحياتي ومودتي
يا أخي اليوم كله الواحد محتار لأنه كما تعلم نحن ناس (ناسنا) ؛ لكن من الناحية الأخرى خشيت أن يفسر عدم المشاركة معك في هذه الاحتفائية بمرية على أنه جفاء بين ولوم تاريخي.
عايزك تتخيل نفسك:
جالس في قمة جبل الأولمب (حيث أوقدت شعلة الأولمبياد قبل أيام) وحواليك العرائس ( بدون خمرة باخوس النقية!)وأنت في ذروة الإلهام بين الملهمات، عندما تتداعى بعد سريان النشوة وتنادي على من ينقرن القيثار في رفق ويأتين بالأغنيات لمرية .
ولا أريد أن أفسد عليك بهجة يومك وأذكرك بمذيعي التلفزيون عندما يقولون للضيف : ما هو رأيك في هذا الموضوع؟!
محبتي
عبد المنعم خليفة
| |
|
|
|
|
|
|
|
|
|
Re: تستاهلي.. (Re: محمد المرتضى حامد)
|
كتب عادل سالم
ــــــــــــــ
لماذا يامحمد المرتضى ,, السـاعه الان الثانية عشـره ودقيقه بعـد
منتصف الليل ,, أول مافعلته بعـد عودتى للمنزل ,, صادنى العنوان
وأسـم محمد المرتضى حامـد فدلفت معولا الخروج سـريعا لان الليل قـد
اليل ,, وليتنى مادخلت ,, صـلاح أحمـد ابراهيم هـذا يثير فى النفس
مشاعر لاتوصف , شئ أكبر من الشجن أو الطرب أو الاعجاب ,, كنا نتحلق
حـول على المك وهـو يحدثنا عنه وكان ذاك الرائع العظيم اذ يحـكـى
كانما يحكى عن فارس من الزمن القديم كعمر بن أبى ربيعه أو الخيام
وأضرابهم ممن شغلوا الناس أمواتا وأحياء .
هذه الصوره والكلام تحتها والذى قرأته بصعوبه , أكتشاف وحـدث كبير
( على الاقل لمحبى وعاشقى صلاح وشعره ) .
محمد المرتضى بالله عليك لاتعد لمثلها كفانا مانحن فيه لاتزدنا
حزنا وشجنا على مانحن فيه من ( غلب ) وأسى ,,
تحياتى ,,
عادل سالم
| |
|
|
|
|
|
|
|
|
|
Re: تستاهلي.. (Re: كمال سالم)
|
Quote: : محمد المرتضى بالله عليك لاتعد لمثلها كفانا مانحن فيه لاتزدنا
حزنا وشجنا على مانحن فيه من ( غلب ) وأسى ,, |
قل له يا عادل يا صاحبي ..
فالرجل تخصص في الفتك ببقية أسمال الرويحة , عن سابق رصد و نياتٍ مبيتات ..
ثم يغيظنا من بعد بـ ( تستاهلي ) .. !!! شفت قوة العين البتأكل لحم الصدقة ؟؟
و كأني به يعيدنا القهقرى للنسوة الفارهات , الموجعات , القادرات , الواهطات , المدمعات لعين القلب .. الطاويات , الفاردات الكاشفات , الرافعات , المينعات , المورقات .. بنات الذين .. الشايلات الخمج , الساكنات , الجائطات لبالنا , المتسببات لنا باحتشاء عضلة القلب .. الكامنات , الضي البقّه و شع , الشاسعات سماهن , العاصرات لتمرة القلب , المجرمات , السميحات , الأنثيات اللوادن و الشوادن و المعاجن و الماسكات الرسن يا خيلنا المقيودة .. اللاهبات الجوف يا ناس مريا يا كافرات .. الله قادر عليكن .,
إنا لله يا عادل ..
محمد المرتضى لا يخاف الله فينا ..
و يقيم علينا الحد تعذيراً و حمرة عين و مقدرة ( إنتي يا الرويحة يا الكديسة أم سبعة ) ..
هذا , و الليل يا مريا صعبٌ على أولاد حام .. ( و ما سموا أبانا بحام للون الأديم على جلدته .. لكن للحمم الفيزوفية مهرقها في خاتر البنوت المفرطات في الحسن .. يا مريا ) .
دحين يا عادل نقول نقول يا الله سامح مرتضى .. ؟؟
و لا يسامح صلاح .. ؟؟
و للا مريا ؟؟؟
| |
|
|
|
|
|
|
|
|
|
Re: تستاهلي.. (Re: نصر الدين عثمان)
|
نصرالدين عثمان سلامات يا فنان،
شكرا أن جسدت بعض القصيدة ووضعت مريا في معبد باخوس إله (المُعتَّقة) وفقا لميثلوجيا أهل
مريا والتي لو رأها برومثيوس سارق النار لظل يتغنى حتى يومنا هذا بالشادن الكاتلني ريدو
تسلم يا نصر.
| |
|
|
|
|
|
|
|
|
|
Re: تستاهلي.. (Re: محمد المرتضى حامد)
|
Quote:
شكرا أن جسدت بعض القصيدة ووضعت مريا في معبد باخوس إله (المُعتَّقة) وفقا لميثلوجيا أهل
مريا والتي لو رأها برومثيوس سارق النار لظل يتغنى حتى يومنا هذا بالشادن الكاتلني ريدو
تسلم يا نصر. |
أنا ما عايز أزعلك وأزعل ضيوفك الكرام عند أشير إلى أن حبوبتنا (مرية) .. لو كانت على قيد الحياة فإن عمرها يكون قد تجاوز السبعين سنة
ولكن صلاح بتلك القصيدة قد حقن في وريدها إكسير الشباب الدائم .. بيد أن الناس مشغولين حتى الآن بالبحث عن سر ابتسامة الموناليزا
| |
|
|
|
|
|
|
|
|
|
Re: تستاهلي.. (Re: salma subhi)
|
يا محمد المرتضى
يا ابو الأولاد التلاتة
ود الشيخ ضارب شماته
يومو الرحل و الغبرة فاته
ضارب حظ حارس البناتا
قلبت عليه القصة ذاتها
ورزقنا بخالد في عام 2005م
| |
|
|
|
|
|
|
|
|
|
Re: تستاهلي.. (Re: MOHAMMED ELSHEIKH)
|
محمد الشيخ سلامات،
لازم كان نلقاك مع مريا يا أبو الوليدات التلاته.
مريا أصبحت رقما قائما بذاته كالمليار والتريليون وقوقل ، يعني ممكن واحد يسألك ماهي المسافة بين المذنب هالي وبين قبك وتكون الإجابة (مريا) ميل، على أية حال سنظل نكتب عنها بموجب لائحة (حسنك أمر) ونرجو المتابعة.
تحايا للأسرة وورينا لما ترسى في ولاية ، والله أمريكا دي شالت مننا ناسا تب ماهينين.
الشوق بحور ما ليها حد وما ليها قيف.
| |
|
|
|
|
|
|
|
|
|
Re: تستاهلي.. (Re: salma subhi)
|
سلمى،
Quote: وفعلاً...يستحق البوست عنوان....
Quote: تستاهلي.. |
والله ياسلمى نحن أسرى الشعر الجميل لا أكثر وربما لم نعشق اللوحة لو أن صلاحا تجاوزها،
صدقيني نحن أحببنا القصيدة ورسمنا في مخيلتا شخص مريا وأطربنا اللحن فنسجنا طربنا على
منوال مريا وعندما رأينا الصورة لم يتغير ما تجذر فقلنا فقط (تستاهلي).
مودتي.
| |
|
|
|
|
|
|
|
|
|
Re: تستاهلي.. (Re: محمد المرتضى حامد)
|
مريا جميلة فعلا وتستاهل والتحية لها من ألهمت شاعرنا كل هذه الروعة والابداع
مريا من أجمل النصوص الشعرية ومن روائع الاعمال السودانية الخالدة شعراُ وغناءً وتلحيناً
بالحق تحفة فنية فريدة استاذ محمد لك الشكر على اللقطة النادرة وتعريفنا بهذه المريا
والشكر لمحمد عشمان واستاذ خالد المنسى على اللحن البديع والكلمات
حقيقى أعشقها هذه الاغنية لكم التحية جميعا على المساحة الجميلة
| |
|
|
|
|
|
|
|
|
|
Re: تستاهلي.. (Re: هند محمد)
|
المرتضى
Quote: الباش،
لك السلام من اقاليم هيلينيا وكل آلهة الإغريق من عدّدهم ود احمد ومن لم يعددهم.
مريا هذه أحسها كبعض من تراثنا القومي وممتلكات الشعب العامه التي تأبى على الخصخصة.
شكرا ياباش على رفدك لهذا المكان بالجميل. |
ما تخافوا الله والله مافي اى جمال بس خوفكم حمرة عين ساااااااااااى
| |
|
|
|
|
|
|
|
|
|
Re: تستاهلي.. (Re: الطيب شيقوق)
|
الأصدقاء الأعزاء
يؤسفني أن أنقل لكم الخبر التالي :
المستشار محمد المرتضى حامد يواجه تهمة خطيرة !
إثر بلاغ من نيابة حماية المنابر الإسفيرية تم إلقاء القبض على المستشار/ الأستاذ محمد المرتضى حامد بتهمة خطيرة ، تتمثل في نشر فيروس قاتل وشديد الفتك ، وبالذات بأصحاب القلوب الضعيفة ! إذ بدأت أعراض هذا الفيروس ( والمعروف بعشق مرية ) تظهر على الكثيرين ، وحتى من الذين كانوا يعدون من العقلاء ! ورغم أن الفيروس ظهر في زمن لا يتعدى الأربعة وعشرين ساعة ، إلا أن عدد ضحاياه يتضاعف بمضاعفات هندسية غير مسبوقة . وخوفاً من انتشار العدوى إلى كامل أعضاء المنبر فقد بدا المهندس بكري أبو بكر في حملة تحصين شاملة .
لا نستطيع أن نقول أي شيء سوى أن نبدي تعاطفنا الكامل مع المستشار محمد المرتضى ، وحقيقة هو ما (يستاهل) أن يقف في قفص الاتهام، وهو الذي تشهد له ساحات المحاكم بصولاته وجولاته دفاعاً عن الحق والخير (والجمال) .
عند اتصالنا به للتعليق حول اتهامه بنشر عدوى حب مرية ، لم نحصل منه إلا على تصريح مقتضب ، إذ قال : " هذا شرف لا أدعيه وتهمة لا أنفيها!" .
من الأسباب التي ربما تخفف الحكم عليه أن لا يكون المصابون قد وصلوا إلى حالات متأخرة من حب مرية . وللمعلومية نورد فيما يلي الدرجات المختلفة من الحب ( كما وردت في مقال للأستاذ / فتحي الضو ):
| Quote: قيل أن أوله الهوى، ثم الكلف..ثم الوجد..ثم العشق..ثم الصبابة..ثم الشغف (أي إحراق القلب مصحوباً بلذة المعاناة) ثم اللوعة واللاعج والغرام..ثم الجوى (وهو الهوى الباطن) ثم التتيم والتبتل والهيام (شبه الجنون) وليكن الله في عون من ارتقى جميع هذه الدرجات. |
دعواتكم لصديقنا ، ونأمل أن تكون آثار المرض حتى الآن محصورة فقط في مراحل الهوى والكلف !!
وقد علمنا أن أصدقاء الأستاذ مرتضى بدأوا في تنظيم حملة تضامنية واسعة تحت شعار " ما تستاهل " !
محبتي
عبد المنعم خليفة
| |
|
|
|
|
|
|
|
|
|
Re: تستاهلي.. (Re: هند محمد)
|
| Quote: مريا جميلة فعلا وتستاهل والتحية لها من ألهمت شاعرنا كل هذه الروعة والابداع |
الأخت هند،
اجتمعت في أغنية مريا عناصر لم تجتمع لغيرها من الأغنيات فصلاح قدم فيها لغة عالية ومضامين جمالية رفيعة وثقافة لاتتوفر كثيرا وما يضيف إلى ذلك السحر اللحن الذي لن يتكرر وتفوق فيه حمد على نفسه
رغم أنه من أوائل اللحون التي ألّفها وحين تأتي صورة (موضوع الإغنية) نفسها وتكون بهذه الملاحة تكتمل العبقرية,
لك شكري يا هند.
| |
|
|
|
|
|
|
|
|
|
Re: تستاهلي.. (Re: محمد المرتضى حامد)
|
الأستاذ محمد المرتضى ....... تحية طيبة
Quote: وجعلت الشعر كالشلال بعضٌ يلزم الكتف وبعضٌ يتبعثر
وعلي الاهداب ليلٌ يتعثر وعلي الاجفان لغزٌ لا يفسر
وعلي الخدين نورٌ يتدثر
|
بمقارنة ذلك بالصورة يكون عنوانك صحيحاً .
وأشهد من عندى أن شاعرنا صلاح أحمد إبراهيم قد تواضع بتمنِّى إزميل فدياس لأن ذلك الإزميل ما كان سيعطينا مثل هذه الصورة الشعرية الناطقة ..... أحمد الله كثيراً بأننى سودانى من وطن جمعنا مع مثل هذا الشاعر الفذ وفناننا الكبير حمد الريح ومعكم يا من ثنثرون الدرر فى هذا المنبر دون مراعاة لحكم السن لدى " ناسنا " وخاف الله فينا.
شكراً لك أخى محمد المرتضى لمثل هذه الروائع التى تذكرنا بسمو قيمة وطننا المهدورة قيمته ظلماً وتجنِّى.
| |
|
|
|
|
|
|
|
|
|
Re: تستاهلي.. (Re: أبوبكر أبوالقاسم)
|
الاخ الوجيه محمد عثمان
| Quote: الطيب اخوى..انت شايت وين..؟؟!! |
كل يغني على ليلاه يا محمد اخوى فانا طرب معكم بمريا وابحث في خضم هذا الطرب للنيل من ....
| |
|
|
|
|
|
|
|
|
|
Re: تستاهلي.. (Re: رأفت ميلاد)
|
رأفت الحبيب ،
الشكر لك على إضافاتك المقروءة والمسموعة لهذا البوست.
كان لابد أن يكون رأفت هنا،
تعيش المسالمه ومريا.
| |
|
|
|
|
|
|
|
|
|
Re: تستاهلي.. (Re: أبوبكر أبوالقاسم)
|
| Quote: ذلك الإزميل ما كان سيعطينا مثل هذه الصورة الشعرية الناطقة ..... |
يا أبابكر، أتفق معك ، ما جاء في الوصف الشعري كان أبلغ من أي إزميل ،
الله سبحانه وتعالى هو الخالق وهو الذي أبدع هذا الكون والرائع صلاح وصف ماصنع الخالق.
محبتي يا مولاي.
| |
|
|
|
|
|
|
|
|
|
Re: تستاهلي.. (Re: محمد المرتضى حامد)
|
هيا ناس بِهِناك طارِق أبوعُبَيدة (خِدِر) فاتِحلو بوست [ أسمِعني نشيدُك كَيفما إتفق ]
ومسخ علينا الفِجه وإنتُم بِجاي حرقتو حشاي بِـ [ مرِيا ] وصوت الفنان ود الشِيوخ حمد الرَيح ...
هيا ناس شِن بِتدوروا تسَو فينا... ورررروك أنا مقتول في حوش طارِق أبوعُبَيدة ورررروك ... أنا
مقتول في حوش مُحمد المُرتضى حامِد ورررروك ... أكان الواحِد عدو حرام تسووا فيهو كدي ، كيفِنو
ود العم... ده شِنو ده صلاح أحمد إبراهيم وحمد الرَيح وبِالعود كمان ... بِتمش وين مِن الله يا ود حامِد
| |
|
|
|
|
|
|
|
|
|
Re: تستاهلي.. (Re: عزام حسن فرح)
|
Quote: هيا ناس بِهِناك طارِق أبوعُبَيدة (خِدِر) فاتِحلو بوست [ أسمِعني نشيدُك كَيفما إتفق ]
ومسخ علينا الفِجه وإنتُم بِجاي حرقتو حشاي بِـ [ مرِيا ] وصوت الفنان ود الشِيوخ حمد الرَيح ...
هيا ناس شِن بِتدوروا تسَو فينا... ورررروك أنا مقتول في حوش طارِق أبوعُبَيدة ورررروك ... أنا
مقتول في حوش مُحمد المُرتضى حامِد ورررروك ... أكان الواحِد عدو حرام تسووا فيهو كدي ، كيفِنو
ود العم... ده شِنو ده صلاح أحمد إبراهيم وحمد الرَيح وبِالعود كمان ... بِتمش وين مِن الله يا ود حامِد |
ياعزام ، إنت أغفر لي بالأول وأما مغفرة الخالق دي فالله غفور رحيم ووسعت رحمته كل شئ,
عموما الصبر طيب يا العزيز وربنا بشر الصابرين اللي زينا،
محبتي يا فنان.
| |
|
|
|
|
|
|
|
|
|
Re: تستاهلي.. (Re: mamkouna)
|
الفاضل الأديب الذواقة ( جد جد)
ماذا نفعل وقد داهمنا الجمال من كل صوب ( ويا مرحى به)
( عله يزيل ما ران علينا ساعة زمن هنا)
المهم :
من هنا تستأهلي ومريا وصلاح وما أدراك ما صلاح
ومن هناك خدر واسمعني نشيدك
أين المفر ؟؟؟
هو عصب روح واحدة كيف تتجزأ ؟؟
المهم الثاني :
لموا المأتمين للجماعة والفقد واحد
ألا رحم المولي : الأمي وصلاح
وآخخخخخخخخخخخ يا قلب
بهاء
| |
|
|
|
|
|
|
|
|
|
Re: تستاهلي.. (Re: Baha Elhadi)
|
Quote: فهلُمي ودعي الآلهةَ الحمقاءَ تغضبْ
وانْبئيها أنها لم تحترم رغبة نفسٍ بشرية |
يا صلاح .. يا صلاح .. يا صلااااااااااح ...
| |
|
|
|
|
|
|
|
|
|
Re: تستاهلي.. (Re: Baha Elhadi)
|
دائما عندما استمع إلى أغنية مريا أتذكر أغنية ذات الفراء ( يا فتاتي ) هنالك تشابه أو علاقة ما بين القصيدتين فأغنية ذات الفراء قالها الشاعر الطيب محمد سعيد العباسي في مصر عندما قابل إحدى الجميلات في الجيزة بمصر تتهادى وتتمايل وعلى كتفها فراء ابيض وعلى صدرها صليب المسيح فأرسل الشاعر لها قبلة مع موجات الهواء فثارت وغضبت وامتزج الجمال بالغضب فكانت كما قال حميدة أبو عشر ( غضبك جميل زى بسمتك ) أو كما قال بعضهم تغضبون فتزدادون جمالا ) ولكن هذه الجميلة ظهرت عليها العنصرية فقالت له دون إمعان لما تقول ( اخرس يا اسود يا بربري مد رجلك على قد لحافك ) فكانت قصيدة ذات الفراء ردا عليها.... ولقد ذكرت الأخت ماجدة عوض خوجلى إن أغنية يا مريا تشبه الطيب عبدالله وتمنت لو كان تغنى بها الطيب عبدالله ... ذكر لي الأستاذ حمد الريح في زيارته الأخيرة لمسقط إن مريا أول أغنية لحنها وكان ذلك سنة 1963 في منزل احد أصدقائه بالملازمين .
| |
|
|
|
|
|
|
|
|
|
Re: تستاهلي.. (Re: Ahmed al Qurashi)
|
| Quote: ذكر لي الأستاذ حمد الريح في زيارته الأخيرة لمسقط إن مريا أول أغنية لحنها وكان ذلك سنة 1963 في منزل احد أصدقائه بالملازمين . |
تعرف ياود القرشي ، المحسي دا راجل فنان وهو ينتقي كلمات أغنياته بدقة أو ربما صادفت
أغنياته هوى في نفسي، أغنية إلى مسافرة ما زالت كلماتها ، على بساطتها ، خالدة في أنسجتنا
وأظنها خلّدت الراحل عثمان خالد ، تائه الخصل كانت وما زالت من أجمل الأغنيات السودانية ،
والرحيل فيها شجى وعبق يتسرب إلى خلاياك ويأخذك إلى الجروف وناس ليلى والهواء النظيف والعاطفة
التي لايأتيها الزيف مهما تبدلت المواسم والأحوال.
ومريا؟ يا سلام ياخ.
| |
|
|
|
|
|
|
|
|
|
Re: تستاهلي.. (Re: Baha Elhadi)
|
Quote: ماذا نفعل وقد داهمنا الجمال من كل صوب ( ويا مرحى به)
( عله يزيل ما ران علينا ساعة زمن هنا)
المهم :
من هنا تستأهلي ومريا وصلاح وما أدراك ما صلاح
ومن هناك خدر واسمعني نشيدك
أين المفر ؟؟؟
هو عصب روح واحدة كيف تتجزأ ؟؟
المهم الثاني :
لموا المأتمين للجماعة والفقد واحد
ألا رحم المولي : الأمي وصلاح
وآخخخخخخخخخخخ يا قلب
بهاء |
بهاء عزيزنا،
والله يا بهاء هناك لحظة فارقة في قصيدة صلاح تمثلت في طلبه الإنساني القائل (فتعالي وقعي إسمك بأحرف من نار في شفتيَ وبعد داك قولي لي مع السلامه وليجمعنا الله في جنته فهو غفور رحيم) هذا الإلتماس يماثل التماسا آخرا رفعه عثمان حسين في حالة تضامن تاريخي مع حسين بازرعه يوم قال ( فقبلي ثغري الظامئ فقد لاتنفع الذكرى).
والله يا بهاء صدقت وصح لسانك ، الفقد واحد.
| |
|
|
|
|
|
|
|
|
|
Re: تستاهلي.. (Re: mamkouna)
|
يا ممكونه،
مهضومين؟
تعرفي إنو زي مريا دي ( الغِنيّه) وست الغنيّه ، عبارة عن أرواح وذبذبات وخيالات وعوالم تانيه
مش تاخد العقل وبس ، دي ترسل العقل في إجازه مفتوحه حتى يتبين المسافة بين الكون المعلوم
والبرزخ.
مريا دي يا ممكونه ، تشبه (جهشة الضوء) اللي قالو ودالمكي.
| |
|
|
|
|
|
|
|
|
 Re: تستاهلي.. (Re: محمد المرتضى حامد)
|
| Quote: الفارهات , الموجعات , القادرات , الواهطات , المدمعات لعين القلب .. الطاويات , الفاردات الكاشفات , الرافعات , المينعات , المورقات .. بنات الذين .. الشايلات الخمج , الساكنات , الجائطات لبالنا , المتسببات لنا باحتشاء عضلة القلب .. الكامنات , الضي البقّه و شع , الشاسعات سماهن , العاصرات لتمرة القلب , المجرمات , السميحات , الأنثيات اللوادن و الشوادن و المعاجن و الماسكات الرسن يا خيلنا المقيودة .. اللاهبات الجوف يا ناس مريا يا كافرات .. الله قادر عليكن ., |
ممكوووووووووووووووووووووووووووووووووون..
و ماك صابر..!!!
| |
|
|
|
|
|
|
|
|
|
Re: تستاهلي.. (Re: tariq)
|
في ندوة شاركت فيها في 23/12/2007 بالنادي السوداني بمسقط عن مسيرة الأستاذ حمد الريح وبحضوره أثناء زيارته لمسقط سألته لماذا اختصر كلمات أغنية مريا والى مسافرة وكيفية اختياره للأبيات ... فأجاب إن السبب هو اللحن حيث أن اللحن السائد في تلك الفترة كان هو اللحن الدائري والذي ورثوه من فناني الحقيبة لذلك إذا كانت الأغنية طويلة سيملها المستمع لان النغمة واحدة غير متغيرة وهذا هو سبب اختصار الاغانى .. أما مريا فقال انه وجدها في ديوان صلاح احمد إبراهيم غابة الأبنوس فاتصل بصديقه فاروق عبدالرحمن خالد والذي كان يعمل موظفا بوزارة المالية وقرأ له القصيدة في التلفون فدعاه فاروق إلى الغداء بمنزله بالملازمين واحضر مسجل ريل وبدأ حمد الريح في تلحين الأغنية من الكتاب وقال الفنان حمد الريح انه انتهى من تلحينها في ظرف ساعة واحدة وكما قلت سابقا إنها أول أغنية يلحنها حمد الريح وكان ذلك بتشجيع من صديقه فاروق عبدالرحمن خالد
| |
|
|
|
|
|
|
|
|
|
Re: تستاهلي.. (Re: الرشيد شلال)
|
عزيزي محمد المرتضى
التحية لك ولضيوفك الكرام
أنت يا مرتضى كعادتك تأتي دائماً بالمعجزات، فها أنت اليوم قد أرجعت الزمن إلى الوراء بمقدار ثلاثين عاماً ونيف، ووضعتنا نحن والشاعر ومريا على الخط الفاصل بين ملامح الصورة وأبيات القصيد، ومنحتنا متعةٌ كبيرة ونحن نقارن بين الحقيقة والخيال، فالصورة التي نشرتها قد أحدثت هزةً في جدار خيالي وضعتني أمام ثلاث مريات:
- مريا التي حاول أن ينحتها الشاعر صلاح محمد إبراهيم في تمثال محسوس ولكنه لم يكن يجيد فن النحت واستخدام الإزميل كفدياس، فرسمها بالكلمات وتركها مرتعاً خصيباً لخيالاتنا، صورةً تتنزه عن النقص والقصور، لذا ظلت في أذهاننا رقماً قياسياً لا يدانيه جمال.
- مريا القصيدة ...... كتحفة أدبية نادرة تعكس ملكةً شعريةً فذة، وهي تشتمل على مفردات رصينة تحمل بين طياتها أسماء لمعالم وشخصيات من بيئة الإغريق الساحرة وملامح من فنهم الآسر العريق.
- مريا الصورة ....... جميلة ولكنها كمن أيقظني من حلم جميل، رائعة ... ولكنها ألجمت عنان الخيال وحصرته في إطار محدود، وأجبرتنا على المقارنة بينها وبين ما كتبه عنها الشاعر، وأنا أخاف على هذه الصورة من جمال وروعة القصيدة التي كتبها شاعرنا صلاح ولم أشأ يوماً أن أرى هذه الصورة وهي في هذا المحك العصيب.
مريا الصورة تستاهل يا مرتضى، وهناك من يقول تستاهل ونص، وهناك من يقول ونص وخمسة، ولكن مريا الأولى تظل في نظري هي الأجمل والأروع وهي الفتنة الهوجاء تمثالاً مقنطر.
مودتي
| |
|
|
|
|
|
|
|
|
|
Re: تستاهلي.. (Re: محمد عثمان محمود)
|
والله يا محمد ، حاولت جهدي شرح أحاسيسي المتناقضة تجاه الأغنية والصورة لكنني أخفقت بتفوق ولكنك أرحتني حيث قلت عني ما عجزت
عنه، كلامك سمح بالحيل ومعبر بصورة كافية زاهية،
يديك العافية.
| |
|
|
|
|
|
|
|
|
|
Re: تستاهلي.. (Re: رأفت ميلاد)
|
| Quote: يا مولانا يوم حتكتل ليك زول |
بلغنا أن "الكتل" قد حدث بالفعل ! .. فلقد سمع أحد الضحايا أو الشهداء ( كما يصف هؤلاء زعيمهم جميل بن عبد الله بن معمر العذري ، المشهور بجميل بثينة! ) ، بينما هو في الرمق الأخير ، يتمتم بكلمات مثل "الجمال " "المحيا" "اللحظ" "الأولمب ".. ! مما يزيل الغموض الذي أحاط بمقتله !
ما كنت أريد ذكر هذه الواقعة التي تعزز موقف ممثل الاتهام ! بينما نحن – وكما هو معروف – أصدقاء المستشار مرتضى المتهم بنشر الفيروز القاتل، ومكاننا الطبيعي ضمن شهود الدفاع ! !.
محبتي
عبد المنعم خليفة
| |
|
|
|
|
|
|
|
|
|
Re: تستاهلي.. (Re: Abdul Monim Khaleefa)
|
Quote: عايزك تتخيل نفسك:
جالس في قمة جبل الأولمب (حيث أوقدت شعلة الأولمبياد قبل أيام) وحواليك العرائس ( بدون خمرة باخوس النقية!)وأنت في ذروة الإلهام بين الملهمات، عندما تتداعى بعد سريان النشوة وتنادي على من ينقرن القيثار في رفق ويأتين بالأغنيات لمرية . |
أستاذنا عبدالمنعم خليفه،
صدقني ، هذا (الوضع) لاتعوزه خمرة باخوس لأن الجمال العبقري يكفي للتحليق بين السدم
والعوالم المامعروفه وين، فما يفعله الجمال بالنفس السوية من نشوة لا تستطع السلاف أن
تفعله وما جاء به صلاح من تجسيد لصورة في خياله لعمل لم يسبقه عليه أحد، وصف صلاح يعد
إنجازا من إنجازات البشرية وأما بقية القصيدة وعبقها الغريب فهو يتعلق باشياء باطنية
mystical يحتاج بيانها لصفاء روحي بعيد عن ظواهر الأشياء سأعود إليه إن عادت لي روحي
وإن غيض لي العيش في هذه الفانية.
لك محبة أوليمبية.
| |
|
|
|
|
|
|
|
|
|
Re: تستاهلي.. (Re: الرشيد شلال)
|
شيخنا الرشيد شلال،
| Quote: خلق الكون على المحبة واصبح حنين الفرع الى الاصل هو المنشود |
أنت من رجال الصوفيه الصادقين في توجههم ولا أضيف على المقتبس من كلامك البهي لأن المتن
عندك وما نجئ به هو الحواشي.
| |
|
|
|
|
|
|
|
|
|
Re: تستاهلي.. (Re: Ahmed al Qurashi)
|
أحمد القرشي،
سبق أن كتبت في بوست سابق لشيقوق عن مريا وما سببته ، وما فتئت ، من أحاسيس تتناقض في المسافة القصيرة بين الشهيق والزفير ، بس تمحِّن الزول وما يعرف يودي وشو وين ، الفتنة في الأصل أشد من القتل فما بالك إن كانت هوجاء؟ يا سلام على صلاح ، بكلمة هوجاء تلك ترك لنا باب الخيال مشرعا لتصوير ما يمكن أن تفعله الأعاصير والعواصف بالعواطف .. بل بكل ما يمتلك البشر من مساكن ومشاعر.
يا سلام.
| |
|
|
|
|
|
|
|
|
|
Re: تستاهلي.. (Re: tariq)
|
طارق
| Quote: صلاح ومريا عرفناهم ... محمد المرتضى مالو ؟؟ |
ممكونه
Quote: ممكوووووووووووووووووووووووووووووووووون..
و ماك صابر..!!! |
عماد
Quote: شديد ..
شديد الله عالم و شاهد ..
شديددددددد . |
| |
|
|
|
|
|
|
|
|
|
Re: تستاهلي.. (Re: nourelhadi awad)
|
Quote: ما عافي ليك يا مرتضى ..
أكان السكر .. كان الوجع .
....
نحنا برضو موحدين زيك ياخ ..
( نستاهل ) الدخلنا بي كرعينا . |
يا عماد،
سألتك بالله أختاني وفارق دربي ، لا بقدر على جنس نضميك ولا لَم مرضي على وجعك.
بس سألتك بالله تاني تقول لي كلمه في:
(مالعشرينين باتت في جحيم تتقلب ... ترتدي ثوب عزوف وهي في الخفية ترغب)
رصاصة الرحمة.
بس أقعد قلل في منام الخلِق.
| |
|
|
|
|
|
|
|
|
|
Re: تستاهلي.. (Re: nourelhadi awad)
|
Quote: ............
وقادرة حوة |
يا نور الهادي، صحي حوا والده والله قادر،
تختفي تختفي تختفي وما يمرقوك إلا ناس مريا
تسلم يا الحبيب.
| |
|
|
|
|
|
|
|
|
|
Re: تستاهلي.. (Re: نهي محسن أبوراس)
|
الأصدقاء الأعزاء
الأخ الأستاذ / محمد المرتضى كان في طليعة مستقبلي الشعلة (الأولمبية)التي وصلت مسقط اليوم! وذلك من منطلق اهتماماته الأخيرة بكل ما هو أثيني ! وهو يعيش هذه الأيام أجواء يونانية عامرة بالفن والشعر والموسيقى .
محبتي
عبد المنعم خليفة
| |
|
|
|
|
|
|
|
|
|
Re: تستاهلي.. (Re: نهي محسن أبوراس)
|
أنا حالي ظاهر، وقاعد في قمة الأولمب يا نهى، أو هكذا أحلم ،
أثني عليك وعلى ثنائك وأنا جالس هناك
شوفي بالله يا نهى سحر التاريخ والزمان والمكان
كان لابد أن تولد العبقرية هنا
| |
|
|
|
|
|
|
|
|
 Re: تستاهلي.. (Re: محمد المرتضى حامد)
|
تستاااااااااهل المكرونة .... مافى شك يا ابو الشباب تعرف الحته بتاعت انعكاس الضو من المنشور والمرايا الكانت فى كتاب العلوم زمان ديك ... والحركة بتاعت الضو ينعكس فى خدين مريا دى كنا مستنين نشوفا للدنيا والزمان ... وقت الله جابك يابت الناس ابو صلاح ده واقف زى الزول البقيف ورا نميرى داك ... تعرف مريا دى يامرتضى لو عارفا الزول قال فيها شنو ... كان قعدتو وقفت هى ... والله قرب يقول نصها فى الهلال مافى وعزب ليك الحزام عزاب .... ياربى حمدالريح دخلو شنو فى الموضوع ده ؟؟؟؟
احسنتم
| |
|
|
|
|
|
|
|
|
|
Re: تستاهلي.. (Re: ASIM AL BANNA)
|
| Quote: تعرف مريا دى يامرتضى لو عارفا الزول قال فيها شنو ... كان قعدتو وقفت هى |
والله يا عاصم ما قلت إلا الحق، والله لو كانت تلك الجميلة تقرا الغيب وعلمت أن صلاحا سيخلدها في قلوب الملايين
ممن حرقتهم شموس الإستواء لوقفت خلفه ياوران زي ما قلت.
صلاح هو الأجمل لاشك عندي فصانع الجمال جميل.
| |
|
|
|
|
|
|
|
|
|
Re: تستاهلي.. (Re: سوسن عبد الله)
|
| Quote: هي مرية نصاح ... صورة وكلمات |
وشهدت شاهدة ، لا معقب على شهادتها.
يا سوسن الفنانه ، كنت عايز أقول ليك دي يمين حاسمه.
تسلمي.
| |
|
|
|
|
|
|
|
|
|
Re: تستاهلي.. (Re: محمد المرتضى حامد)
|
الأستاذ/ محمد المرتضى ..... صباح الخير
تخريمة تتعلق بإبداع سابق لكم بخصوص ( المعلومة بنت الميداح ) شاهدت اليوم صباحاً تنويهاً بقناة الجزيرة حمل مجمل ما جاء بالبوست الرائع عنها وسيُذاع يوم الجمعة بعد حصاد اليوم الإخبارى:
الساعة 21,05 بتوقيت قرينتش
الساعة12,05 بتوقيت السعودية
الساعة 1,05 بتوقيت مسقط
وسنكون جلوساً مترقبين بمشئته تعالى.
| |
|
|
|
|
|
|
|
|
|
Re: تستاهلي.. (Re: احمد العربي)
|
محمد المرتضى سلااااام يا افكاتو
تحية صباحية بنكهة القرنفل
مع طلتك النادرة بتجى بالجديد المعتق
بوستاتك دوما لها بعد خاص (( بتبحتها من وين ما بعرفك ))
لكن ما غريبة كونها تجى منك
علا المره دى ماريا دى كتلتنا فيها عديل
ابدعت وابدعت وغرقتنا ابداع حد السقف
يديك العافية قدر فرحنا بيك
شكرا لكل هذا الجمال
شكرا سماحة مريا وروعة صلاح احمد ابراهيم ..رحمه الله
تحياتى
اسماء الجنيد / مسقط
| |
|
|
|
|
|
|
|
|
|
Re: تستاهلي.. (Re: احمد العربي)
|
العزيز الفنان أحمد العربي،
Quote: اجمل حوار لم يكتمل بعد
كنت اتمنى ان تتمدد الساعات |
تعرف يا أحمد ، ظللنا لأعوام طوال نردد أن خير الليالي لم تأت بعد ومترادفاتها حتى أيقنت أنه
لن يأت غير المتاح, ولكننا فقط نردد أمانينا. هذا يقودنا إلى حديث طويل ربما ليس هذا محله، إذا أردت أن تمتع النفس أو تباشر ما يسعدك فقم به للتو فقد لا يأتي الغد وكما قيل السعادة ليست محطة
سيصلها قطار حياتنا هذه وإنما القضبان التي يسير عليها هي السعادة فلا شيئ في المستقبل أجمل من الحاضر.
أغدا ألقاك؟
| |
|
|
|
|
|
|
| |
محمد المرتضى حامد
Adel Sameer Tawfiq
abubakr
كمال سالم
ماجدة عوض خوجلى
الطيب شيقوق
Alsa7afa_30
علوبه
Osman Musa
خالد علي محجوب المنسي
tariq
Abdul Monim Khaleefa
Emad Abdulla
نصر الدين عثمان
salma subhi
MOHAMMED ELSHEIKH
هند محمد
أبوبكر أبوالقاسم
رأفت ميلاد
عزام حسن فرح
د.محمد حسن
mamkouna
Baha Elhadi
Ahmed al Qurashi
الرشيد شلال
محمد عثمان محمود
نهي محسن أبوراس
احمد العربي
فيس بوك
تويتر
انستقرام
يوتيوب
بنتيريست