بعض من ملامح العرس الوئيد "يوميات العصيان الأول...
إلى شباب ثورة العصيان المدني: الحرية لا تقبل المساومة!
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
العصيان المدني...... تجميع فيديوهات للتوثيق ومزيد من النشر
19 ديسمبر .. إني أرى شعباً يثور !!
صدور... الهلوسة
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-08-2016, 11:54 AM الصفحة الرئيسية

مكتبة محمد المرتضى حامد(محمد المرتضى حامد)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

الزول دا ودُّوهو الضُل..

01-08-2011, 08:28 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 9782

للتواصل معنا

FaceBook
تويتر Twitter
YouTube

كيف احذف مداخلة من بوستى

الزول دا ودُّوهو الضُل..

    من أكثر القراءات إمتاعا للنفس تلك التي يكتبها أهل السلطة بعد أن يفقدوها ، ليس بسبب ما تتضمنه من حقائق، فالحقائق لاتُكتب أبدا إنما يظهر جزء منها في تلك الكتابات ، أما الحقيقة الخالصة فتظهر فقط يوم الحشر، يوم لاينفع إعلام ولا ويكي ليكس ، ومعظم الذين يكتبون من القادة ( الأصل منهم والزيوف) يأتون من ثقافات غربية أما (معظم ) قادة العالم الثالث فلا تعنيهم الكتابة أصلا إضافة إلى أن حالهم ( ما عايز ليهو كتابة) ، فعلى سبيل المثال حاول الراحل أبعاج ، عليه الرحمة ، أن يكتب عن نفسه بأقلام الغير كما فعل مع فؤاد مطر، إن لم تخني الذاكرة ، وكذا فعل السادات وغيره ، إلا أن خطابات الرجلين غير المكتوبة كانت أصدق إنباءا من أي مستخرجات دور نشر لأنها تعبر فعلا عن صاحبها و (حارّه من الطابونه) دون تنميق أو تذويق و بعيدا عن العبارات الفخيمة والأصوات الرخيمة ، و هنا فقط يبلغ مستوى الإمتاع 9 درجات بمقياس ريختر ، أي حين يبدع أولئك النفر الكريم على الهواء الطلق مباشرة .

    ضمن المبدعين في هذا الإتجاه (زولنا) الذي تفرغ لقياس نبض الشارع ليستجيب ويعمل وفقا لذلك النبض، فقد متَّعه المولى بحساسية عالية تجاه الأشياء ، وذخيرة عالية من المصطلحات والعبارات التي لاتدع مجالا للشك أنه مهموم ( بغضايا) الجماهير ولغة الشارع والمقاهي وقاموس (الرندوك) ، بلا دبلوماسيه بلا لمه ، فالرجل ممتع حد النشوة حين يتحدث في الهواء الطلق مباشرة خارج القاعات وخارج النصوص الجاهزة ، وبالطبع الأمثلة هنا لاحصر لها فكل خطاب له نكهته الخاصة ، وإن أشرنا إلى الجديد من (الإلبومات ) لابد أن نورد (ذات الجغمسة) والتي جاءت كردة فعل على تصريح أحد منسوبي الحركة الذي ، في ساعة صدق مع الذات عمل حركه ما ظريفه، فأطلق ما في قلبه عن دعم (حركته) للإنفصال وكانت نبرته تقول بجلاء ( يا الشماليين نحن كجَّناكم ب الله واحد) ومن ثم جاءت خطبة زولنا القضارفية الشهيرة (ذات الجغمسه) التي قال فيها: بعد الإنفصال الشريعة سريعه والجلد طبيعه والنظام العام حاجه تمام ، وهذا يعني أن العقدين المنصرمين كانا (مناظر ساكت) أو كانا شيئا لاعلاقة له بالشريعة أو كانا ( رمزا عبقريا).. ولا أظن أن أحدكم لم يمتع النفس بالخطاب المعني الذي أبان تفرد صاحبنا وموهبته واستجابته الراقصة لإيقاع قطاع معتبر من الجماهير فكان ذلك التانقو الباذخ ولا أخال أحدكم لايتفق معي في أن صاحبنا بلغ بسقف إبداعاته حد (الجغمسة) رغم أنه مهَّد لذلك السقف بعبارات ومفردات في سابق خطاباته البديعة المرتجلة التي إذا ما ضاهيناها بمكاشفات المرحوم نميري في نهايات عهده ، سنُدرِج الأخيرة ضمن المعلقات على أستار الكعبة وأعمال لبيد والحارث بن حلزة.

    في تلك الخطابات الممهدة لبناء الهيكل الرسالي سمعناه يخاطب دول الإستكبار كفرنصا وبريطانيا وأمريكيا بأنها تحت (جزمتو) غض النظر عن الماركة كلاركس كانت أو HUSH PUPPIES أو مركوب الفاشر، قالها وهو يشير بعصاه إلى حذائه ، أعزكم الله ، وفي ذلك ما لايخفى على حصافتكم ، ويقول حبيبنا (البعاين لينا من فوق بنبَزُغ ليهو في راسو) ، أرجو ألا تكونوا في ساعة تناول طعام أو شراب ، أما عبارة (يلحس كوعو) فهي مسجلة بإسمه كملكية فكرية من باب ولاتبخسوا الناس إبداعاتهم ، وتوالت تلك الإشراقات سيما بعد (الدُواس) الجاري بين نظامه والجنائية الدولية (ذات الأوكامبو) حين أعلن أنه لن يسلم المحكمة أي (كديسة).

    أحسد زولنا وزمرته على هذا المستوى من الأداء وأحسده على ذلك التفرد والتماسك ، ولم لا ، رجل تلتهم ألسنة اللهب أطراف بلده وينخر نخاع العظم الفساد والرشوة والمحسوبية وغياب التخطيط ويتكاثر الطفيليون ويتسلقون كما اللبلاب وصاحبنا يرقص ويشتم المتوعدين في الخارج والناصحين في الداخل ، فيغدو حبورا جزلا راقصا (فاره. مترف.. لــــدن فنن .. لا .. ولافنــــــــــن هده الوجد والشـــجن في الهوي قلبه اغتـــــرب) كما قال العسل المصفى أبوآمنه حامد له الجنة، كل ذلك وعلى ملامح الرجل (شئ لا يُفسَّر)، شئ يتراوح بين التبسم والإمتعاض ( زي عفصة التلجه لا تعرفا حاره لا تعرفا بارده ) كما قال صديق ، لم أستطع تفسير الإبتسامة الجيوكندية تلك فأحيانا أقول الزول دا زعلان مننا ، مرات أقول بيسخر مننا ومرات أقول الشريف دا مبسوط مننا ومرات أقول يمكن أنا الماجيت.

    بحق ، أعجب لنظام ظل لعشرين عاما وتزيد يُهلِك الزرع والضرع ويسحل ويقتل ويذبح ويسجن ويقطع الأرزاق والأعناق لينتهي مشروعه الحضاري إلى غطاء شَعر وتفاصيل بناطيل وأباطيل، نظام لايستفزه منظر ملايين الضحايا في كل الأرجاء ولا يستفزه ذهاب ثلث البلاد بالإنفصال ، تردٍ في التعليم والصحة والبيئة ومياه ملوثة في قلب عاصمته سيدة القرى وجيوش من المشردين والعاطلين وبلايين الجنيهات المنهوبة من المال العام ، وفقا للمراجع العام ، ولامحاكمات، كل ذلك لايستفزه ولكن يستفزه بنطال امرأة وشَعر غير مغطى ومواعيد حفلات فيحشد قواته النظامية ومحاكِمه الفورية لها ، وأهو خلاس ، فُتِحت عمورية، زغردوا.

    بلغ الأمر بصاحبنا أن عاب على سياسي معروف معارض أنه (بلا قبيلة) وكأنه كان لآدم أبو البشر قبيلة، أنسي صاحبنا أنا جميعا لآدم وآدم من تراب أم تناسى قبيلة نوح أو قوم صالح وغيرهما ومصيرهما المعلن في القرآن وقصص الأنبياء ؟ إقرأ القرآن يا سيدي قبل أن تقرأ كتابك ، ففي القرآن ما يكفي من عظات علمتنا أن القبيلة ربما تكون نغمة لانعمة ، ففي التنزيل خطاب لكل من ألقى السمع وهو شهيد ! أما علمت أن عبدالعزى بن عبدالمطلب وكنيته (أبولهب) كان عم الحبيب المصطفى وأنه من سادات قريش وأنه من الموعودين بالنار هو وزوجه أروى بنت حرب القيافه (أم جميل) حمالة الحطب ؟ أولئك وآخرين من المغضوب عليهم ، وفق القرآن، كانوا من قبيلة محمد (ص) يا سيدي وليسوا أعضاءا في الفيس بوك . ألم تسمع من ردد:

    الناس في العروض لا تقيسها بي تيبانا
    لا يغرنك لباسهم والعروض عريانه
    ديل حراس رزق زي التكنو أمانة
    زي إبل الرحيل شايلة السقا وعطشانة

    القبيلة والابناء والصاحبة لايغنوا شيئا عن العبد يوم الحساب يا سيدي ، والشرف ألا تظلم العباد ، الذين سرقوا وعذبوا وقتلوا وشردوا هم من لايعرف الشرف وإن إمتدت قبيلتهم إلى مجرة أندروميدا، المسلم يا سيدي من سلم الناس من يده ولسانه . لم أتمنى أن أسمع يوما من هذا الصاحب الرسالي أن يتحدث عن القبيلة والعرق والعنصرية والعصبية التي قال عنها الحبيب الأمين ( دعوها فإنها منتنة) ، القادة العظام يوحدون بين الناس ولا يفرقون بينهم بمثل تلك الدعاوى البئيسة التي أصبحت سلعا منبوذة بنص القرآن منذ زمن بعيد بل تجرمها المواثيق والدساتير والقوانين ، هذا قول يحزنني كمواطن لدرجة كدت معها أصدق حديث ترابينا عن حادثة (الغرباوية) فخيوطه، إن صح ، تنتسب إلى ذات القماش .
    في موجة تماهيه مع مزاج الشارع الذي ظل يُقسِم ب ( طير الرهو) و يغني ( أنا ياطير محل ما تطير بشوفك ) ويتغزل ب (الظبي الفي مقيلو نايم ) ويفتخر ب (الخيل عركسن ما قال عدادن كم ) ويُشبِّه شجعانه ب (تمساح الدميره الما بكتلو سلاح) استجاب صاحبنا لنبض أولئك الشعراء الأفذاذ وقرر تعيين (بيطري) لإدارة شئون عاصمة هذا الشعب المغرم بالطيور والأنعام والضواري والكواسر والزواحف ، ورغم أن هذا البستاني كان عليه أن يحصر إمكانياته وعلمه في مجال حدده له زولنا إلا أنه (كشّر) عن مواهب جديدة في الآونة الأخيرة فذهب يفتي في القضاء والأمن وترخيص السلاح (الهبتلي) والشريعة وأصول الفقه وانداح في عالم الفتيا وقدم ضمن مواهبه قانونا إقتصاديا جديدا لحصار نار الأسعار يحسده عليه كينز وآدم سميث وماركس وبيتر دايموند ، قانون فحواه أن تنظيم إيقاع السوق له حل سحري واحد وهو ( الحشاش يملا شبكتو) ، إي والله ، قالها ولم يطرف له جفن ، وكيف يطرف له جفن وهو يعزف ضمن أوركسترا لاتُجارى في الإنسجام رغم غياب المايسترو وضياع النوتة. أوركسترا يطل علينا أفرادها صباح مساء بوجوههم النضرة الوضيئة المشعة بالإيمان 300 واط ، أوركسترا تخلِّف معزوفاتها في الأذن والنفس أثرا لايماثله سوى أثر الفلاجيل في اللسان مع اعتذاري للقارديا..

    الزول دا ودوهو الضل ، أما رهطه فحتما مآلهم إلى حيث يميل المال.


    ( لايوجد بستاني لاتوجد حديقة)
    مثل قديم -

    (عدل بواسطة محمد المرتضى حامد on 01-08-2011, 09:12 PM)
    (عدل بواسطة محمد المرتضى حامد on 01-08-2011, 09:34 PM)

                   |Articles |News |مقالات |بيانات

01-08-2011, 08:33 PM

Ahmed al Qurashi
<aAhmed al Qurashi
تاريخ التسجيل: 08-27-2006
مجموع المشاركات: 4260

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: محمد المرتضى حامد)

    والمؤلم والمحزن والمبكي يا مرتضى إنو يبرر لطريقة جلد الفتاة

    على قناة الجزيرة بهذه الطريقة بأنها لم تثبت للجلد ،

    وكأنها تجلد في ساحة عرضة لتثبت رجالتها وشجاعتها

    كما كان يفعل الرجال سابقا عند الزواج ،

    اقترح أن ترافق هولاء الجلادين حكامة عند تنفيذ الجلد لتغني السوط السوط ... السوط احر من الموت

    حتي تركزالضحية لهذا الكرباج وإذا لم تثبت فلا بأس من استدعاء أربعة كبار من الصف الأخير والخامس للشد.

    دا قدرنا وربنا يصبرنا
                   |Articles |News |مقالات |بيانات

01-08-2011, 09:21 PM

Ahmed al Qurashi
<aAhmed al Qurashi
تاريخ التسجيل: 08-27-2006
مجموع المشاركات: 4260

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: Ahmed al Qurashi)

    هذا ما كتبته في بوست بعنوان..

    بالدموع والأحزان نبكي إنقسام السودان


    انفصال جنوب السودان والذي أصبح قاب قوسين او أدنى أصابني بألم مبرح وحزن عميق وحسرة دفينة وجرح نازف، انتابني إحساس بأن هنالك جزء من جسدي عزيز على نفسي يبتر غصبا عني دون تخدير أو مسكن للألم ، ليجعلني أنزف وأتوجع ، لم أستطع منع عيوني من ذرف الدموع علها تزيل عن دواخلي الهموم وتغسل عن نفسي الأحزان ، سيظل هذا الفقد يلازمني لسنوات طوال لأنني تربيت على حب هذا الوطن وأبنائه من نمولي إلى حلفا غض النظر عن ديانتهم أو عرقهم أو لونهم ، وجبلت على عشق خارطته والتي تشكلت في دواخلي وأصبحت حدوده شرايين تضخ الدماء إلى قلبي ، هنالك رابط ثقافي وحب صادق وأزلي يربطني مع أهل الجنوب ، لم أفقد يوما إحساسي بالانتماء إليهم أو انتمائهم لي ، تكونت بيني وبين بعض أهله علاقات شخصية امتدت على المستوى الأسري ، زاملت الكثير منهم في المراحل الدراسية المختلفة ، وشاركتهم السكن في مدرسة خورطقت الثانوية وزاملت الكثير منهم في جامعة الخرطوم وعند التخرج في مستشفي الأسنان ،وفي حياتي اليومية ، هذه العلاقات الإنسانية الممتدة دمرتها حكومة الإنقاذ بسياسات خرقاء وقرارات قمعية وأخطاء لا تغتفر لتحملنا نحن تبعاتها ولتبقى هي في سدة الحكم تحتفل بأحزاننا وتدرج فواجعنا ضمن إنجازاتها.
    مقدرتنا على تحمل ترهات الإنقاذ بدأت تضعف وتوهن ، وصبرنا بدأ يتلاشى ويقل ، والجروح التي سببتها للوطن بدأت تتقيح وتفسد ، كُنا نمتص أخطائهم وسلبياتهم ونكتم ألمها في دواخلنا ووجعها في أكبادنا وحسرتها في قلوبنا فتمزق أحشائنا وتدمر دواخلنا لتحطم ما تبقى من صحة وقوة وعُمر، استعنا عليها بكثير من الصبر والقوة العزيمة ولكن كانت النتيجة وطن مدمر وأرض ممزقة ومواطن مقهور ووجدان جريح ، ورغم ذلك نضالنا لم يفتر ومواقفنا لم تضعف ومقاومتنا لم تنهار حتى وإن كانت بأضعف الإيمان . غالبية القرارات التي اتخذها هذا النظام كانت تشد هذا الوطن وبقوة إلى الوراء وترمي به في وحل التفكك ومستنقع التشرذم والاقتتال ، حتى مكتسباته التي انتزعها طوال تاريخه من تعليم وعلاج مجاني وحرية وامن وطمأنينة سلبته إياه وتنصلت من كامل مسئولياتها تجاهه لتجعله وحده يكابد لتوفير لقمة العيش ويعاني لتعليم الأبناء ويشقى لينال العلاج .
    هذه الحكومة لا تُمهل الشعب كي يشفى من أوجاعه التي سببتها له حتى تفاجئه بضربة موجعة أخرى تحتاج إلى سنوات لامتصاص أثارها ، وها نحن في غمرة صدمتنا بانفصال جنوب السودان تهدي لنا الحكومة زيادة في الأسعار لتزيد معاناة المواطن النفسية والاقتصادية والاجتماعية .
    الإنقاذ أثبتت أن لها مقدرة فائقة لتضليل هذا الشعب فكلما أدخلت نفسها في ورطة سياسية وحوصرت في زاوية ضيقة من قبل الشعب أو المجتمع الدولي استعانت بالدين الإسلامي لتستغله ظلما وبهتانا وبكل خبث وسوء نية لتضليل المواطن السوداني ودونكم خطاب قائدها في القضارف والذي أدانه الكثير من المتابعين ومن بينهم من كان ينتمي لتيارهم الفكري نفسه. إنني أعجب لهذا القائد والذي يناقض نفسه في كل خطبة يلقيها ، حاول أن يصحح الخطأ الذي ارتكبه في القضارف في خطاب آخر في إستاد المريخ أمام طلاب الدورة المدرسية بعد أن نصحه مستشاروه بذلك ولكن كيف يُصحح بعد أن سارت بالأول الركبان ، وبمضاهاة الخطابين بخطابه في جوبا يستطيع أي متابع أن يصل إلى نفسية الرجل ومن أين ينطلق.

    هذه الحكومة ليست قائمة على فكر أو مبدأ وإنما على مصالح إقتصادية وسياسية ########ة لا يتورع أهلها في حمايتها بسياج من الدين حتى ولو كان نشاطهم هو عين الحرام سرقة وفساد ومحسوبية ورشوة وكذب وتضليل .الآيات والأحاديث حاضرة في كل الأوقات لتبرير المواقف و أخرى تقفز إلى أذهانهم المريضة لتبرر مواقف تناقض الأولى ولا يطرف لهم جفن في ذلك معتمدين على تفشي الجهل بين العامة والبسطاء ،وإنني أتعجب لرئيس تتفكك دولته وتتجزأ أراضيه وشعبه في قمة إحباطه وحزنه يبشرهم بقطع الأيدي والأرجل والجلد والصلب مختزلا الشريعة الإسلامية السمحاء في هذه الحدود والتي أفرغها من محتواها ليجعلها سيفا مسلطا يهدد به كل من يعارضه أو يقول في وجهه كلمة حق ، هذا القطع والرجم والصلب سيطبقه علينا ا إذا تم انفصال الجنوب أما إذا لم يتم الانفصال وكانت الوحدة (التي دعا لها وصلى من اجلها ووعد بدفع كل بترول السودان ثمنا لها ) ستستمر الشريعة المدغمسة ،ويعفينا من هذه العقوبات ، من يُخادع هذا الرجل ؟ إنني أتسأل ما هي القوانين التي كان يطبقها علينا طوال العشرين عاما الماضية ؟ إذا كانت هي الشريعة الإسلامية فلقد أساء وصفها في خطابه وإذا لم تكن هي الشريعة فانه كان يخدع هذا الشعب باسم المشروع الحضاري .دائما يعودنا هذا الرجل على إخفاء فشله بالتدثر بعباءة الدين وطمس أخطائه بالتهديد والوعيد والرقص في كل المناسبات . وإذا لم تكن هذه هي المتاجرة بالدين فكيف تكون ؟

    (عدل بواسطة Ahmed al Qurashi on 01-08-2011, 09:39 PM)

                   |Articles |News |مقالات |بيانات

01-08-2011, 10:41 PM

محمد حيدر المشرف
<aمحمد حيدر المشرف
تاريخ التسجيل: 06-20-2007
مجموع المشاركات: 16180

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: Ahmed al Qurashi)


    سألته المذيعه عن الجهات المتآمره على السودان والتى يعنيها..
    قاليها امسكى عندك ..
    واحد, وفرد سبابته: الصهونيه العالميه
    ولم يثنيها يا محمد ..
    لم يتبعها بشىء ابدا


    وهكذا ظلت السبابه معلقة ووحيده..



    ..
    تمتم عندذاك أحد خبثاء بشيء أضحكنى كثيرا ..
                   |Articles |News |مقالات |بيانات

01-09-2011, 03:39 AM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 9782

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: محمد حيدر المشرف)

    Quote: سألته المذيعه عن الجهات المتآمره على السودان والتى يعنيها..
    قاليها امسكى عندك ..
    واحد, وفرد سبابته: الصهونيه العالميه
    ولم يثنيها يا محمد ..
    لم يتبعها بشىء ابدا

    د . المشرف،
    على الرغم من أن إسرائيل والصهيونية البغيضة حاضرة في كل فاجعة إلا أننا
    من يعد لها المسرح ، المال السايب بيعلم السرقه يا محمد ، لكن صاحبنا ( لم يثنِّها) لأن
    الظرف غير موات ، كيري وكارتر قاعدين هناك اليومين ديل ، لكني استغرب أنه
    لم يضمِّن أحزاب المعارضة ضمن المتآمرين!!

    Quote: وهكذا ظلت السبابه معلقة ووحيده..

    الله أكبر.
                   |Articles |News |مقالات |بيانات

01-08-2011, 10:51 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 9782

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: Ahmed al Qurashi)

    Quote: والمؤلم والمحزن والمبكي يا مرتضى إنو يبرر لطريقة جلد الفتاة

    يا أحمد ، غض النظر عن رأينا في تلك القوانين ، لكن المؤسف حقا أن الكثيرين
    في عرضهم لما جرى لايميزون بين التشريع والقضاء والتنفيذ، والمؤسف حقا أن
    العارفين من جهتي القضاء والتنفيذ أقروا بأن ما حدث كان جريمة وسمعت أنهم قرروا
    توقيف المعنيين ريثما ينتهي التحقيق ومن ثم يقدم المسئ إلى محاكمة إلا أن صاحبنا،
    قرر وقف التحقيق وإغلاق الملف ربما بعد أن قيل له ( الزعلانين ديل معارضين الشريعه زاتا).
    خلي بالك ، الزول دا كان (صابر) على (جغمستكم) بسبب الشريك في نيفاشا، وبعد أن وثق أنها
    ستستوي على الأسكلا والملكية جوبا، وبينهما برزخ لايبغيان، قال بعدا للقوم المعارضين ..
    الجلد راجيكم يا معارضين ،
    والسحل على طريقة قدو قدو ايضا...
                   |Articles |News |مقالات |بيانات

01-09-2011, 01:53 AM

عبدالحافظ عثمان
<aعبدالحافظ عثمان
تاريخ التسجيل: 08-12-2009
مجموع المشاركات: 161

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: محمد المرتضى حامد)

    سلام
    اخى محمد المرتضى
    ذكرنى لقاء البشير فى قناة الجزيره( بجنرال ماركيز)
    الجنرال فى متاهته.......

    فهو كان يرد ويبرر حتى قبل تكملة المذيعه سوالها....
    انه فى متاه والسودان فى متاهه اكبر.
    ربى اللطف.....
    لك الود

    (عدل بواسطة عبدالحافظ عثمان on 01-09-2011, 01:56 AM)

                   |Articles |News |مقالات |بيانات

01-09-2011, 02:48 AM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: عبدالحافظ عثمان)

    منتهي الجمال يا حبيب

    أستمتعت بالقراءة

    تصبح علي بلد
                   |Articles |News |مقالات |بيانات

01-09-2011, 04:04 AM

عبدالكريم أحمد الامين
<aعبدالكريم أحمد الامين
تاريخ التسجيل: 08-04-2008
مجموع المشاركات: 6322

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: حبيب نورة)

    Quote: بحق ، أعجب لنظام ظل لعشرين عاما وتزيد يُهلِك الزرع والضرع ويسحل ويقتل ويذبح ويسجن ويقطع الأرزاق والأعناق لينتهي مشروعه الحضاري إلى غطاء شَعر وتفاصيل بناطيل وأباطيل، نظام لايستفزه منظر ملايين الضحايا في كل الأرجاء ولا يستفزه ذهاب ثلث البلاد بالإنفصال ، تردٍ في التعليم والصحة والبيئة ومياه ملوثة في قلب عاصمته سيدة القرى وجيوش من المشردين والعاطلين وبلايين الجنيهات المنهوبة من المال العام ، وفقا للمراجع العام ، ولامحاكمات، كل ذلك لايستفزه ولكن يستفزه بنطال امرأة وشَعر غير مغطى ومواعيد حفلات فيحشد قواته النظامية ومحاكِمه الفورية لها ، وأهو خلاس ، فُتِحت عمورية، زغردوا.

    ** مولانا محمد المُرتضى..
    ** صباحك خير..

    ## ويقولون أن التسليم سوف يكون لعيسى "عليه السلام" ,, والى حين ذلك سوف يحكمون العاصمه المثُلثه فقط وذلك إذا بقيت مثُلثه ,, مالم تصبح بحرى دوله والخرطوم دوله وأُمدرمان دوله ,, وحينها يكون السودان الذى كان وتفتت !!!!!!!!!! وعجبى أتينا لكى لايكون سعر الدولار 20 جنيهاً وأصبح يُقارب الـ 4000 جنيه..
    (اللهم أنقذنا ممن أتوا لإنقاذنا)
    (ودام الود بيننا)
    (ابو محمد فؤاد) - الماكيكى..
                   |Articles |News |مقالات |بيانات

01-09-2011, 04:11 AM

النصرى أمين
<aالنصرى أمين
تاريخ التسجيل: 10-17-2005
مجموع المشاركات: 7017

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: عبدالكريم أحمد الامين)

    سلام محمد
    الزول ده كلما يتقدم فى العمر كلما يزداد تهورا ..




    القذافى مثلا ..كلما يتقدم فى العمر يروق ويتزن ...
                   |Articles |News |مقالات |بيانات

01-09-2011, 04:20 AM

الطيب شيقوق
<aالطيب شيقوق
تاريخ التسجيل: 01-31-2005
مجموع المشاركات: 28975

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: عبدالكريم أحمد الامين)

    Quote: هنا فقط يبلغ مستوى الإمتاع 9 درجات بمقياس ريختر


    هههههههههها دا الكلام البخليك - وانت محارب المنبر - تبتبت وتزازي باطرافو زى اللاعب الاحتياطي في التسخينة

    يجازي محنك يا المرتضى
                   |Articles |News |مقالات |بيانات

01-09-2011, 02:23 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 9782

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: الطيب شيقوق)

    Quote: هههههههههها دا الكلام البخليك - وانت محارب المنبر - تبتبت وتزازي باطرافو زى اللاعب الاحتياطي في التسخينة

    عارف يا شيخ العرب،
    البخليك تزازي وترازي كتيييير لكن والله الهدنة مفيدة يا أنييستا،
    إنت براك عارف المنبر دا داير ليهو وكت والمعايش جباره
    وفوق هذا وذاك أدوات الكتابة نفسها لا تتوفر دائما فتكتفي
    بمتابعة العماليق بين الفينة والأخرى ليمتعوك بمشاركاتهم.
    أنا لا أشبهك بلاعب الإحتياط لكن التشبيه الأقرب هو حارس المرمى
    البيرازي الذي ينتظر ضربة الجزاء.

    بس إنت تاني ما تغيب ،
    .

    (عدل بواسطة محمد المرتضى حامد on 01-09-2011, 02:48 PM)

                   |Articles |News |مقالات |بيانات

01-09-2011, 09:39 AM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 9782

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: عبدالكريم أحمد الامين)

    Quote: ويقولون أن التسليم سوف يكون لعيسى "عليه السلام"

    يا أبا محمد،
    عليك أن تصلي شكرا لله أنهم لم يتوعدونا بتسليمها للمسيح الدجال،
    بالله هل بلغت بهم الجرأة أن يقولوا ذلك؟
                   |Articles |News |مقالات |بيانات

01-09-2011, 07:45 AM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 9782

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: حبيب نورة)

    Quote: تصبح علي بلد

    (واشرب كاسك يا وطن)
    Quote: تصبح على بلد

    وانت من أهلو.
    Quote: تصبح على بلد

    (أحلام) سعيدة يا حبيبا.
                   |Articles |News |مقالات |بيانات

01-09-2011, 05:46 AM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 9782

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: عبدالحافظ عثمان)

    Quote: ذكرنى لقاء البشير فى قناة الجزيره( بجنرال ماركيز)

    أخي عبد الحافظ،
    لا أشك أنها كانت مقابلة شائقة ماتعة وبحديثك عنها أنت ود. المشرف فإني لامحالة ضارب
    أكباد الإبل لإيجادها وإن كانت متوفرة لدى أحد الموثقين أتمنى عليه أن يتحفنا بها ، لأنو
    الزول دا نحن بنريدو وفي معالق الجوف موسو مجلوخه.
    بدأت في الآونة الأخيرة أحرص على مشاهدة مقابلات صاحبنا وربما لاتدري أنه ، كما قيل لي،
    يحب الفكاهة ومغرم بالمِلَح والطَرَف والطرب النضيف، لا أنسى مقابلة أجرتها معه إحدى الفضائيات
    وسئل عن مقولته الشهيرة حول السيد الصادق المهدي ، عقب تهتدون ، يوم قال بأنه على الأخير أن يغتسل
    في البحر الأحمر ثلاثا حتى يغفر له ويعود للسودان أو شيئا من هذا القبيل وهاهو الصادق قد
    عاد دون أن يبر هو بنذره أو قسمه، فجاء رد صاحبنا ( وهو يحكي البرق مبتسما) في ما معناه:
    دا كلام خطب جماهيريه وحماسيه ساي* ..




    -
    *
    ومرات يصح فيه (كلام زعل ما بتقصدو)
                   |Articles |News |مقالات |بيانات

01-09-2011, 06:23 AM

ندى عثمان حسن
<aندى عثمان حسن
تاريخ التسجيل: 11-20-2009
مجموع المشاركات: 875

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: محمد المرتضى حامد)

    Quote: أحسد زولنا وزمرته على هذا المستوى من الأداء وأحسده على ذلك التفرد والتماسك ، ولم لا ، رجل تلتهم ألسنة اللهب أطراف بلده وينخر نخاع العظم الفساد والرشوة والمحسوبية وغياب التخطيط ويتكاثر الطفيليون ويتسلقون كما اللبلاب وصاحبنا يرقص ويشتم المتوعدين في الخارج والناصحين في الداخل ، فيغدو حبورا جزلا راقصا (فاره. مترف.. لــــدن فنن .. لا .. ولافنــــــــــن هده الوجد والشـــجن في الهوي قلبه اغتـــــرب) كما قال العسل المصفى أبوآمنه حامد له الجنة


    المقتولة مابتسمع الصيحة يامولانا , والزول دة ميت من زمن , لونقلت ليك تعليقات عثمان حسن على خطابات المشير "كلام عسكرى لـ عسكرى فى رتبة أكبر منو" ح تعرف أنو رجانا خاب من بدرى.

    Quote: كل ذلك وعلى ملامح الرجل (شئ لا يُفسَّر)، شئ يتراوح بين التبسم والإمتعاض ( زي عفصة التلجه لا تعرفا حاره لا تعرفا بارده ) كما قال صديق ، لم أستطع تفسير الإبتسامة الجيوكندية تلك فأحيانا أقول الزول دا زعلان مننا ، مرات أقول بيسخر مننا ومرات أقول الشريف دا مبسوط مننا ومرات أقول يمكن أنا الماجيت.


    الزول فقد رأس مالو, لافارز يمين ولاقادر يكمل بسمتو.

    ثم سلامو ليك ولكل المتداخلين.
                   |Articles |News |مقالات |بيانات

01-09-2011, 09:52 AM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15081

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: ندى عثمان حسن)

    يا محمد يامولانا


    ازيك ياخ ازيك

    قريت بس ياريت تخليهم يودونا نحنا ديل الضل يا محمد ياخ
                   |Articles |News |مقالات |بيانات

01-09-2011, 03:03 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 9782

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: خضر حسين خليل)

    Quote: قريت بس ياريت تخليهم يودونا نحنا ديل الضل يا محمد ياخ

    والله والله يا خضر كنت ختمت الموضوع بعبارتك تلك مع تعديل طفيف وأزلتها في اللحظات الأخيرة،
    صدقت يا عزيزي ، نحن من يعوزنا (الضُل).
                   |Articles |News |مقالات |بيانات

01-09-2011, 03:45 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 9782

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: ندى عثمان حسن)

    Quote: المقتولة مابتسمع الصيحة

    بس يا ندى نحن المقتولين ،
    ليتني بصحته وعافيته ، أدامها عليه المولى من نعمة،
    الفلس والغربه والجهجهة خلونا نحن المحتاجين للضل،
    كما قال خضر حسين .
    تحياتي للوالد ،
    أهل الجيش أدرى برفاقهم.
                   |Articles |News |مقالات |بيانات

01-09-2011, 06:40 AM

يوسف السماني يوسف
<aيوسف السماني يوسف
تاريخ التسجيل: 12-10-2005
مجموع المشاركات: 3920

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: محمد المرتضى حامد)

    الاستاذ محمد المرتضي
    تحياتي



    Quote: وكيف يطرف له جفن وهو يعزف ضمن أوركسترا لاتُجارى في الإنسجام رغم غياب المايسترو وضياع النوتة. أوركسترا يطل علينا أفرادها صباح مساء بوجوههم النضرة الوضيئة المشعة بالإيمان 300 واط ، أوركسترا تخلِّف معزوفاتها في الأذن والنفس أثرا لايماثله سوى أثر الفلاجيل في اللسان


    للرجل اوكسترا حينما تهلل يصاب الرجل بهوس فيخرج ضلالات الشيطان عبارات تقشعر لها الورح السليمة . اقوال الرجل لاعلاقة لها بالاسلام الا بالقدر الذي يؤمن له بقائه في السلطة , يوم امس تحدث في حلفايا الملوك وقال ان انفصال الجنوب هو بداية ثورة الانقاذ وقال ايضا نحن بنجلد ونقطع من خلاف ونرجم عشان نقيظهم .
    كل الهدف من شرع الله هو اغاظة معرضي الانقاذ.
                   |Articles |News |مقالات |بيانات

01-09-2011, 07:18 AM

الطيب شيقوق
<aالطيب شيقوق
تاريخ التسجيل: 01-31-2005
مجموع المشاركات: 28975

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: يوسف السماني يوسف)

    فيكم حد متذكر لقاء الاعلامية جزيل مع جعفر نميري والذى حكى فيه الاخير عن رحمتهم في تنفيذ حد السرقة قطعا لليد ؟

    هل يوجد ثمة تشابه بين ذاك ولقاء غادة مع البشير؟
                   |Articles |News |مقالات |بيانات

01-09-2011, 08:16 AM

عبدالأله زمراوي
<aعبدالأله زمراوي
تاريخ التسجيل: 05-22-2003
مجموع المشاركات: 658

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: الطيب شيقوق)

    شكرا الأستاذ محمد المرتضى فقد عبّرت عني تماما بمقالك الرائع هذا.

    وأضيف بأن البشير يُذكِرني دوما بالثور الهائج الذي كنا نجري
    وراءه لنمسك به ونربطه أيام الصبا بإحدي قرى الشمالية بجذع نخلةٍ
    عتيقة مهفهفة! والشاهد أن أشد حالات هياجه هو عندما تنطلق الموسيقى
    الحماسية فينداح رقصا ومتمايلا يمنة ويسرة وهي رقصةٌ حزينة بلا شك!...

    حدثني أحد الزملاء حديثا غريبا يتلخص في أن البشير يجد نفسه
    في الرقص، بل ويراه متنفسا بعد أن قتل بطريق الخطأ إحدى الفتيات في نهاية
    الثمانينيات بغرب السودان في عرس كان يُقام هناك. ويقول الزميل
    بأنه عندما يلتفت يمنة ويسرة أثناء رقصه المشاتر، يتنفس الصعداء
    عندما لا يجد قتيلا أصابه رصاصه الطائش. إن هذا الكابوسٌ ظل يلاحقه حتى
    قبل قيامه بالإنقلاب المشئوم في يونيو 1989.

    إنه حقا فاق كل طغاة الأرض تجبرا وجنونا، فمن منا يعرف طاغية رقص
    على مقربة من جثث ضحاياه كمافعل ويفعل في الفاشر والجنينة ونيالا وغيرها وهو
    الذي اعترف بمقتل عشر ألاف من الأنفس البريئة؟

    ستكون نهايته مأساوية وجنونية يا صديقي وسترى!
                   |Articles |News |مقالات |بيانات

01-09-2011, 09:34 AM

خدر
<aخدر
تاريخ التسجيل: 02-07-2005
مجموع المشاركات: 13188

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: عبدالأله زمراوي)

    والله يا مولانا الله يريحك دنيا و آخرة .. قاعد تريحني يعلم الله
    ودوهو الضل ياخ ريحونا من الغاغة دي
                   |Articles |News |مقالات |بيانات

01-09-2011, 12:03 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 9782

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: خدر)

    عارف يا النصري،
    كلامك دا ربما يقارب الصحة ، رغم أن المسألة لا تتعلق كلها بالعمر ، أنا المِلاحظو إنو في ناس كدا بعدما يتمكنوا ما بيهمهم شي، يعني ممكن يضقلوا بأي حاجه، ويقولوا أي حاجه، ولايهمهم حاجه، والمسألة دي ما في الحكم بس بل تمتد إلى مناح عدة في الحياة ، أتفق معك في إنو البشر بطبعهم يميلون للإسترخاء عالآخر عندما يتقدم بهم العمر ويتفق في هذا الرجال والنساء وفي خانة النسوة لعلك تذكر إنهن زمان كن يتوارين حياءا وخجلا وبتقدم السن لايتوانين في بصق السفه أمام الملأ. ( مع اعتذاري عن المثال) يعني زي صاحبي دا وكثير أمثاله يقرأون البيان رقم (1) وهو مكتوب بلغة أهل التشريع المنمقة من عينة ( أيها الشعب الكريم سنعمل على احترام المواطن الذي أتينا لأجله..) وبعد سنه يقول ليهم ( أيها المواطنون الأحرار ، من لايحترمنا لن يجد منا سوى تطبيق القانون) وبعد كم سنه ( أسمعوا ، الزارعنا اليجي يقلعنا ، ونحن شلناها بالقوه والدايرا يجي يشيلا بالقوه كان راجل) ، وبالطبع هناك دائما ما يكفي من جيوش المصفقين لخُطَب الفريد في عصرو وأمثاله الذين ، بمرور الزمن ، يعتقدون أن كُحَّتهُم تستدعي التصفيق دعك عن الخطب. مغرمون بالمايكرفونات وهذه الأخيرة لها سحرها ، يعني لامن تقبض ليك كم مايك في إيدك وتقول هالا لويا أو هالا سرحان ويجيك الصدى من السماعات فخيم .. حان حان حان ان، وتهتف لك الجماهير يا سيناترا ألحقنا وافزعنا تاني في شنو ؟
    ياخ هسه أنا دا زاتي كدي أديني مايك.. إن شاء الله مايك جاغرز ومعاهو سيستم سَنين وجماهير ما عندها ما يملأ فراغها من عمل منتج وشوفني أجغمس كيف..

    _
    Test.. one two three.. test

    test

    (عدل بواسطة محمد المرتضى حامد on 01-09-2011, 05:31 PM)

                   |Articles |News |مقالات |بيانات

01-09-2011, 12:38 PM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 08-30-2006
مجموع المشاركات: 12089

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: محمد المرتضى حامد)


    يا مرتضى ياخ والله كلامك ده بس ينطبق عليهو (شر البلية ما يُضحك).
    Quote: الزول دا ودُّوهو الضُل

    ونحن نقع الهجير يعني؟ لمتين؟

    _____
    خارج النص:
    إنت بلدك وين؟ رسلنا ليك سفير ما لقاك في مسقط
                   |Articles |News |مقالات |بيانات

01-10-2011, 08:42 AM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 9782

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: محمد أبوالعزائم أبوالريش)

    Quote: ونحن نقع الهجير يعني؟ لمتين؟

    حتى يأتي اليوم الذي يتم فيه صرف ( هواء الله) ببطاقة عضوية المؤتمر الوطني،
    عندها سينقسم الناس إلى فئتين الأولى خرجت نهائيا من الهجير والثانية خرجت
    نهائيا من الحياة الدنيا.

    صدقني يا محمد.. الأشياء بقت ماسخة ولاطعم ولا لون وبرائحة منفرة ولم يبق الكثير..





    ____
    خارج الضل:

    Quote: إنت بلدك وين؟ رسلنا ليك سفير ما لقاك في مسقط


    يعني ما قريت دعاء حبيب نوره أعلاه؟
    سفيركم وصل السلطنة وشخصي خارجها.
                   |Articles |News |مقالات |بيانات

01-09-2011, 12:48 PM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 3885

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: محمد المرتضى حامد)

    رحم الله بوكاسا و موبوتو و عيدي امين و عمر بونجو
    فقد كانوا لا يتحدثون و لا يرقصون .. فقط يقتلون و يسرقون

    لو الساوند سيستم عصلج .. فاستعذ و اترك الارقام .. و قل عبد الحى
    فسياتيك ترجبع و صدى" يقول : أحي .. أحي .. أحي ( رواية زيدان في حفلة ابوعشر)
    و قيل ان أحي تزيل المواجع

    .. مكتوب شجاع يا ود حامد
    تلفونك بيك ما خبور
                   |Articles |News |مقالات |بيانات

01-09-2011, 07:37 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 9782

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: عبدالأله زمراوي)

    مولانا زمراوي،

    دفئ العبارة والزيارة،
    ما يحزنني على الصعيد الشخصي ، على حالنا ، أنني عشت سنين عددا في بلد يعد من بلدان العالم الثالث ورأيت بأم عيني كيف خرج قائد ذلك البلد بوطنه وشعبه من الظلمات إلى النور في صمت وهدوء وأدب جم ، لا مهرجانات خطابية ولا حفلات موسيقية يومية ولا رقص ، هناك خطط خمسية وبرامج معروفة ومنظمة وبنود صرف محسوبة بدقة وشفافية نادرة ، فأصبح البلد في بضع عقود مما يمكن أن نسمه إعجازا ونحن شهود على ذلك. بلد يتحدث قائدها مرة واحدة في العام ولبضع دقائق، ولكن في كل يوم ترى الجديد المدهش من ما يفيد البلاد والعباد ، المدارس والجامعات والمعاهد التقنية والصناعات التحويلية وأجمل الطرق والجسور والمشافي والفنادق والمدن السياحية إلخ.. وأبطال كأس الخليج في كرة القدم . تطور في الثقافة والإعلام والفنون والأمن والأدب والبيئة والعلاقات الدولية أضف إلى ذلك التهذيب المتأصل فيهم والذي ينعكس على السلوك اليومي للإنسان في هذا البلد ، كل ذلك ونحن في الإتجاه المعاكس تماما..

    يا مولاي، أنت أدرى مني بأن الدول لاتبنى بالرقص والخطب والشتائم، وهذا ما يعرفه حماعتنا لكنهم لايستطيعون مقاومة شهوة الإساءة
    للغير والتهميش والسخرية ممن يخالفهم الرأي ، هذا حالهم منذ أن كنا طلابا في المدارس والجامعات ، لايعرفون قيمة الآخر
    ولايصبرون على غير رأيهم ثانية ويعتقدون أن الله اصطفاهم دون غيرهم من عباده ليحكموا حتى لاس فيجاس ولهذا صرنا إلى ما نحن
    عليه ، مضاهاة بسيطة بين خطب المحجوب وخطب صاحبنا ومقارنة سريعة بين ( لو بهمسه) و (قنبله) تلخص لك حالنا ومآلنا.

    محبتي.
                   |Articles |News |مقالات |بيانات

01-09-2011, 06:46 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 9782

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: يوسف السماني يوسف)

    Quote: يوم امس تحدث في حلفايا الملوك وقال ان انفصال الجنوب هو بداية ثورة الانقاذ وقال ايضا نحن بنجلد ونقطع من خلاف ونرجم عشان نقيظهم .
    كل الهدف من شرع الله هو اغاظة معرضي الانقاذ.


    هذا القول ، أخي يوسف ، ليس بجديد على صاحبنا ، لكنه ربما لايدري أن الآخرين ليسوا
    بضحالة الذاكرة التي يفترضها ، فلطالما كان يقول أن الإنقاذ جاءت لوحدة السودان
    وسلام السودان ، ولكن بحديث الحلفايا الذي تفضلت به ، يكون الرجل قد نسف كل
    خطبه السابقة، لأنه يكون بشكل صريح قال (الإنقاذ ستبدأ بعد الإنفصال) أي أنها لم تأت
    حقيقة لوحدة السودان بل لتقسيمه.
    أليست حالة غريبة أن يفشل نظام في كل وعد قطعه على نفسه منذ عشرين عاما ، وبشكل
    فاجع ، ثم يمني النفس والغير ببدايات جديدة وبذات النهج لذات الوعود؟

    إنت يا يوسف اخوي مسئول من الخير ، الزول دا قايل عمرنا أردب سمسم؟
                   |Articles |News |مقالات |بيانات

01-09-2011, 07:34 PM

سيف النصر محي الدين محمد أحمد

تاريخ التسجيل: 04-12-2011
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: محمد المرتضى حامد)

    مولانا محمد المرتضى
    كتابة مثل هذه تعيد للبورد بعض بهائه المفقود منذ زمن.
    عليك الله مرة مرة تبرنا بالمزيد.
                   |Articles |News |مقالات |بيانات

01-09-2011, 07:50 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: سيف النصر محي الدين محمد أحمد)

    ياخي لمن تكون رايق بتجنن الكتابة جن
                   |Articles |News |مقالات |بيانات

01-09-2011, 08:43 PM

Siham Elmugammar
<aSiham Elmugammar
تاريخ التسجيل: 06-18-2004
مجموع المشاركات: 3488

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: طارق جبريل)

    سلام محمد المرتضى وتحايا لزوارك

    انما عنى كمواطنة اذا امرى يهمكم فأنى اغرق فى الصمت
    صمت بطعم الفجيعة و توالى الاحزان
    حقيقى اغرق فى الصمت
    ولا ادرى الى اين يقودنى ربما
    الى الصمت الاكبر
    عندها ارجو الله تعالى ان يحل عقدة لسانى
    وينطقنى بالقول الثابت فى الدنيا والاحرة

    ما قادرة اعرف يا اخوانى واخصكم جميعا
    كيف تغنى مصطفى سيداحمد ومن قبله للحزن والالم
    ديل حاجات ما بتغنا ليهن
                   |Articles |News |مقالات |بيانات

01-09-2011, 09:48 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 9782

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: Siham Elmugammar)

    Quote: والله يا مولانا الله يريحك دنيا و آخرة .. قاعد تريحني يعلم الله
    ودوهو الضل ياخ ريحونا من الغاغة دي

    هي غاغة نصاح يا مولانا؟
    لكن بيني بينك صاحبك لعَّاب،
    قسما عظما رقصة الصقريه يخلوها ليهو براهو،
    الفرقه جاهزه والميدان فُل سماعات ، قالوا يوم خطابه يرتفع إيجار الساوند
    ثلاثة أضعاف القيمة في الأيام العادية،
    يعشق ال YAMAHA وال MONTARBO بالإسم،
    وقبل انتهاء الخطبة بثوان يشير إلى فرقة جيمس لاست ود حسب الله: جاهزين؟؟
    آي جاهزين..
    وبإشارة من عصا المايسترو الأبنوس الماخمج ... يلا، المدفع الرزام جلداتو من عَنَجك ..إلخ وهاك
    يا دُنَب وأورغنات وقدو قدو وتهتز خشبة البيت والشارع والمسرح ،
    وفي لحظات يظهر على الجماهير الطَرِبة الحبورة أثر الساندوتشات والشامبيون،
    ومع الكتاتيح تخال كل فرد منهم (تشالنجر) وقد انطلق نحو (الفضاء) ..
    فتستحيل الساحة إلى كيب كانيفرال وسواقنا زينا وحالف ما يخلينا..
    ويختتم الحفل في لمز صريح ل (الحركة) بأغنية (قائد) العظمه سافر خلاني ليه ..
    ويردد الكوراس :
    سافر..خلاني لييه ليه..


    تقول لي دالي سوريالي!!

    يا خدر إنت براك شوفتا ، تاني حِسّك عينك تجي تكتب لينا بي جاي ..
    ولا تغني لينا الغنا الكبار زي السويتو في المركز داك الما فيهو لاعرضه لا زريبه ..

    معارضين حاسدين ...


    قام بالعظمه ساااافر..






    خلاني لييييه!!
                   |Articles |News |مقالات |بيانات

01-10-2011, 09:23 AM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 9782

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: محمد المرتضى حامد)

    Quote: لو الساوند سيستم عصلج .. فاستعذ و اترك الارقام .. و قل عبد الحى
    فسياتيك ترجبع و صدى" يقول : أحي .. أحي .. أحي ( رواية زيدان في حفلة ابوعشر)
    و قيل ان أحي تزيل المواجع

    طراوه، شقيقنا الحافي حالق في الطريق الشاقي الوئام، والأمين العام لهيئة التفاؤل ،
    (أحي ) لاتزيل المواجع السودانية ولاتطفئها ولو أنها كانت بتلك الفاعلية لأحال الصادر من صدورنا
    منها أرض السودان إلى يوتوبيا ولما جاءت إفادة إبراهيم العبادي الصبرو ومنامو لِبسو
    من نارو عمه وشال وفقا لآخر إفادات الناسا وناسا وناس نانسي.
    (أحي) ياأحمد هي الحاجه الوحيده البتظهر في كل صور الأشعة وال ECG وتحليل وظائف الكبد.


    Quote: تلفونك بيك ما خبور

    السفر الكتير ومسيخ ،
    الواحد مرات يكون قاعد منتظر الرحله وما عارف ماشي ول جاي..
                   |Articles |News |مقالات |بيانات

01-11-2011, 00:04 AM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 9782

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: Siham Elmugammar)

    Quote: سلام محمد المرتضى وتحايا لزوارك

    انما عنى كمواطنة اذا امرى يهمكم فأنى اغرق فى الصمت
    صمت بطعم الفجيعة و توالى الاحزان
    حقيقى اغرق فى الصمت
    ولا ادرى الى اين يقودنى ربما
    الى الصمت الاكبر
    عندها ارجو الله تعالى ان يحل عقدة لسانى
    وينطقنى بالقول الثابت فى الدنيا والاحرة

    ما قادرة اعرف يا اخوانى واخصكم جميعا
    كيف تغنى مصطفى سيداحمد ومن قبله للحزن والالم
    ديل حاجات ما بتغنا ليهن

    أصدقك القول أن مداخلتك أدخلتني في وضع جد معقد،
    لا أخفيك أني ، وعلى غير عادتي ، حِرت في الرد عليها بسبب صمتها الضاج ونوافذها المشرعة في كل الإتجاهات،
    أتهيب الحديث عن الفواجع و (توالي الأحزان) رغم احتشاد الوجدان بها حتى صارت أقصى أمانينا أن نصحو على حزن الأمس وحسب وحتى غدا أعلى دعائنا أن تمطر علينا السماء صبرا يكافئ مافي الخلايا من رزايا، وياهو الحال ، كما لو أن كل الشعب من مواليد برج الفجيعة.

    أستطيع تخيل حجم الأسى الذي بلغ بك مشارف الصمت وما مررت به وأسأل المولى أن يفرغ عليك صبر الأنبياء ، فذهاب الأحباب ولدا ، والدا كان أو وطن أمر فوق طاقة البشر .

    في شأن تغني الراحل مصطفى وغيره للحزن أرى في الأمر غير ما ترين يا سهام، فهم حتى إن غنوا للحزن فالحزن هو الأولى بالغناء لأنه الأصدق والأطول إقامة في الكبد ، أصدق من الفرح ، فهذا الأخير مهما كبر يبقى سويعات لكن الحزن ، مهما صغر ، يبقى دهورا . ناس مصطفى ديل ، وبعبارة أدق، ما غنوا للحزن ، لكنهم بثوا فيض الدواخل ، الحزن نفسه غناء وكثير من الغناء حزن ، فقط تتفاوت كيفية تلقيه..
    أسأل المولى أن يكون ما جرى هو كل المرصود لك في كتابك من الفجيعة ويهبك عمرا مديدا ويجزيك على صبرك واحتسابك.

    عليك السلام يا سهام،
                   |Articles |News |مقالات |بيانات

01-10-2011, 09:08 AM

يوسف السماني يوسف
<aيوسف السماني يوسف
تاريخ التسجيل: 12-10-2005
مجموع المشاركات: 3920

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: محمد المرتضى حامد)

    Quote: إنت يا يوسف اخوي مسئول من الخير ، الزول دا قايل عمرنا أردب سمسم؟


    مولانا الزول دا قال مابسلمها الا المسيح والحمدلله ان عمرنا مابين 60 و70 ولكن الزول دا من ملة تانية .
                   |Articles |News |مقالات |بيانات

01-10-2011, 10:36 AM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 9782

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: يوسف السماني يوسف)

    Quote: كتابة مثل هذه تعيد للبورد بعض بهائه المفقود منذ زمن.
    عليك الله مرة مرة تبرنا بالمزيد.

    د. سيف النصر،
    تحاياي يا عزيز،
    بالطبع يسرني أن يجد هذياني قبولا عندك رغم قناعتي الشخصية أن الكتابة لها أهلها
    وشخصي الضعيف مجرد قارئ ومشارك في مواعين الناس لاغير، بس يا سيف مرات لامن تؤول
    إلى حال وصفه (النواب) في دمشقياته بالسكران مغمضة عينه من الطفح يصابح الليل
    مصلوبا على جسد ، بيبقى ما عندك غير ما يصدره أي متعثر بفعل الحمى أو بفعل ال tipsiness
    مما احتسناه من حانة وطن ليس ككل الأوطان ، بلد ما عندنا غيرو حتى إن كانت بأيدينا وثائق
    وأوراق دول غيره فالوطن ليس وثائق يا سيف ، وطن نحبه ويحبنا، وطن قال عنه الجواهري

    وسرت قصدك لا كالمشتهي بلدا
    لكن كمن يشتهي وجه من عشقا

    نحن لانكره حتى من آلمونا وآذونا فيه ولكن نكره أفعالهم ونسأل المولى لهم الرشد ،
    وطن ما زلنا نمني النفس فيه ب ( خضرة الليل والكاسات والملح) قبل ما سيد الوداعه
    ياخد وداعتو.

    السلام يا روح البدن.
                   |Articles |News |مقالات |بيانات

01-10-2011, 10:47 AM

الطيب شيقوق
<aالطيب شيقوق
تاريخ التسجيل: 01-31-2005
مجموع المشاركات: 28975

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: محمد المرتضى حامد)

    طارق جبريل

    Quote: ياخي لمن تكون رايق بتجنن الكتابة جن


    الليلة جيت حايم بجاى؟

    والله بقيت زى السمبر بتعرف محلات الخريف (الثمح)
                   |Articles |News |مقالات |بيانات

01-10-2011, 11:08 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: الطيب شيقوق)

    Quote: الليلة جيت حايم بجاى؟

    والله بقيت زى السمبر بتعرف محلات الخريف (الثمح)


    السمبر اليطقك في نص نافوخك
                   |Articles |News |مقالات |بيانات

01-10-2011, 11:45 AM

الطيب شيقوق
<aالطيب شيقوق
تاريخ التسجيل: 01-31-2005
مجموع المشاركات: 28975

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: طارق جبريل)

    Quote: السمبر اليطقك في نص نافوخك


    دا بوست سياسيين مش جوعارين - احسن تختاهو قبال اقبّل عليك اديك رصعة بالعنكوليبة دي

    مسنووووووووووووح
                   |Articles |News |مقالات |بيانات

01-10-2011, 12:46 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 9782

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: الطيب شيقوق)

    Quote: ياخي لمن تكون رايق بتجنن الكتابة جن

    يا ريتني كان كنت بعرف الكتابه يا طارق،
    كان كتبت زولك ،
    وآخرين..
    بس يمشوا يخلونا..
                   |Articles |News |مقالات |بيانات

01-10-2011, 02:21 PM

Ahmed al Qurashi
<aAhmed al Qurashi
تاريخ التسجيل: 08-27-2006
مجموع المشاركات: 4260

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: محمد المرتضى حامد)

    154867_1689556528706_1531512534_31697540_1210115_n.jpg Hosting at Sudaneseonline.com

    بدون تعليق

    أشكر منتييات انا سوداني لهذه الصورة
                   |Articles |News |مقالات |بيانات

01-11-2011, 02:29 AM

Balla Musa
<aBalla Musa
تاريخ التسجيل: 12-30-2004
مجموع المشاركات: 15238

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: Ahmed al Qurashi)

    يامولانا

    سلام

    إنت رجعت زعلان ول شنو؟

    ياخى أنا الكتابة الكتيرة بقت تخوفنى..

    مافى طريقة تعمل لى منها سندوتش صغير؟

    بس إن شاء الله طرف الضل, حاجة كدا تخلينى اتخيل باقى المكتوب الما منو هروب!!

    المهم غميدى كدا بقول ليك زولنا دا صفر( شد الفاء) من الضل, ماعندك شوية كلوروفيل؟
                   |Articles |News |مقالات |بيانات

01-13-2011, 03:13 AM

Rawia

تاريخ التسجيل: 11-23-2002
مجموع المشاركات: 8396

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: Balla Musa)

    .
                   |Articles |News |مقالات |بيانات

01-21-2011, 03:32 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 9782

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: Balla Musa)

    Quote: المهم غميدى كدا بقول ليك زولنا دا صفر( شد الفاء) من الضل, ماعندك شوية كلوروفيل؟

    إنها طبيعة الأشياء ، كل من عليها فان ولا يبقى إلا وجهه يا دكتور بله، لكنك عندما تستمع إليه وإلى
    رهطه تحس للحظة أن الخلود صفة إنسانية ، شنو يعني يجيك بشر يقول ليك بنسلما للمسيح ، استغفر الله،
    شنو يعني لامن يجيك زول يقول ليك حاجتك دي شلتها منك بالقوه وكان دايرا أبقى راجل وتعال شيلا بالقوه؟
    هسه قراقوش شفتو في حلم مزعج مَمَحَّن وخاتِّي الخمسه في اللتنين والكلوروفيل خِلِس ومعاهو النتروجين كمان،
    نباتات بحريه مكنكشه في الشعاب بتفويض إلهي..
    كل أول ليهو آخر..
                   |Articles |News |مقالات |بيانات

01-19-2011, 11:11 PM

munswor almophtah
<amunswor almophtah
تاريخ التسجيل: 12-02-2004
مجموع المشاركات: 18557

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: محمد المرتضى حامد)

    .
                   |Articles |News |مقالات |بيانات

01-21-2011, 04:19 PM

نادية عثمان

تاريخ التسجيل: 11-26-2004
مجموع المشاركات: 13808

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: munswor almophtah)

    سيبك ياخ !! وثم تبعتها زفرات حرى !!

    إشتقت أنا لـ ( ضل) مسقط الجميلة !

    ودوني الضل ياعالم !

    كن نبيلاً كما أنت !

    تسلم يارب
                   |Articles |News |مقالات |بيانات

01-21-2011, 09:19 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 9782

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: نادية عثمان)

    Quote: ودوني الضل ياعالم !


    كدي في الأول أدينا خطبه خطبتين بعدين نقرر..

    الضل مزحوم يا ناديه.
                   |Articles |News |مقالات |بيانات

01-21-2011, 07:11 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 9782

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: munswor almophtah)

    أختنا العزيزة راوية العباسي،
    ألفين سلام..
                   |Articles |News |مقالات |بيانات

01-21-2011, 09:05 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 9782

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: munswor almophtah)

    (سيدي منصور يا بابا بنجيك نزور) يا مفتاح الأدب،
    ياخ سلامي واحترامي إليك من صميم قلبي.
    أخدني الضل واديني مسدار ،
                   |Articles |News |مقالات |بيانات

01-21-2011, 09:44 PM

الطاهر ساتي
<aالطاهر ساتي
تاريخ التسجيل: 02-18-2006
مجموع المشاركات: 3227

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: محمد المرتضى حامد)

    Quote: القذافى مثلا ..كلما يتقدم فى العمر يروق ويتزن

    ده كلام شنو يا النصري ؟
    انت ما سمعت خطابو الاخير الودع بيهو بن علي ؟
    يروق نعم لكن يتزن لا
    لك الود






    ............
    مولانا سلام
    بوستك دسم ولقيت فيهو ثغرات ممكن يتفرع منها نقاش
    لكن امان الله مزاجي هسة شاعري ، ومستحيل يتلوث بالسياسة
    لي نص ساعة تائه مع تميم البرغوثي ولسة بتوه
    اجيك بعدين ان شاء الله
    بوست سلار وين؟
    وليه مااتصلت ؟
    يلا لى بعدين
    لك الود
                   |Articles |News |مقالات |بيانات

01-21-2011, 10:38 PM

munswor almophtah
<amunswor almophtah
تاريخ التسجيل: 12-02-2004
مجموع المشاركات: 18557

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: الطاهر ساتي)

    النيب شييلن وأتبارن الحاشاى
    ومالك يا زمن لى كل بطر فشاى
    الجنب الكريم رتل الضيوف عشاى
    بعد فرج المضيق يا أوسطى جيب الشاى

    هكذا كما يقولون دلوكه كل زول ليهو عرضه
    وقديما غنوا (ما دوامه) ومن يقدر على الدنيا
    إلا ربها وللفيتورى فى ذلك فتح وشطح صوفى ورمز
    فيا ود حامد دوما يقولون بعد عبارتك تلك
    (ودوهو الضل) أسقوهو الملح


    ياخ لك يا سلام على تجويدك وتزويدك لنا
    بالكنافات فى سفرنا الشاق ولك السلام




    منص
                   |Articles |News |مقالات |بيانات

01-25-2011, 08:54 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 9782

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الزول دا ودُّوهو الضُل.. (Re: الطاهر ساتي)

    Quote: بوستك دسم ولقيت فيهو ثغرات ممكن يتفرع منها نقاش
    لكن امان الله مزاجي هسة شاعري ، ومستحيل يتلوث بالسياسة
    لي نص ساعة تائه مع تميم البرغوثي ولسة بتوه
    اجيك بعدين ان شاء الله

    أستاذنا الطاهر،
    النصري دا جد له العذر ، الزول دا اليومين درجة الحراره عندهم - 30 لكن قصدو (غير).
    ياخ عليك الله تعال قبال (السغرات) تِنسد بعد اللقاء الأخير مع سيدنا الحبيب،
    عموما ما تطوِّل مع تميم البرغوثي وبعد تخلس عازمك تلوث..
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de