|
دعواتكم لزميلنا المفكر د.الباقر العفيف بالشفاء العاجل
|
|
 Re: الزول الوسيم.. (Re: محمد عبدالرحمن محمد)
|
الأخ محمد المرتضى والإخوة المتداخلون
تحية
هذه صورة حديثة لشاعر الزول الوسيم الأستاذ محمد سعيد دفع الله. وبالمناسبة هذه القصيدة ألفها الشاعر وهو بالسنة الأولى ثانوي بمدرسة مروي الثانوية، وهي من أحب قصائد الشاعر الى نفسه حسب علمي. وصلت القصيدة للفنان النعام آدم رحمه الله بواسطة شقيق الشاعر المرحوم محمد نور دفع الله وكانت مفاجأة سارة للشاعر عندما علم بأن النعام سجل الأغنية لإذاعة أم درمان.
| |
 
|
|
|
|
|
|
|
|
Re: الزول الوسيم.. (Re: ibrahim kojan)
|
مولانا ود المرتضى
ياخى والله العظيم الغربة دى خلت مشاعرنا رهيفة لدرجة الواحد يتخيل ليهو لو نفخو فيها أففففففففف تنقد!
الغربة لتوب المشاعر غسيل ومكوة ولبس وقعاد على مساطب الشجن..
الله بس يدينا الرقعة محل ماتنقدا نرقع!
| |
|
|
|
|
|
|
|
|
|
Re: الزول الوسيم.. (Re: خضر عطا المنان)
|
Quote: الى عشاق فن الطنبور... خضر عطا المنان يكتب عن الملك الراحل
مع تحياتي وسلامي خالصا لكل من مر من هنا ..
وللحبيب مامان خاصة
ورحم الله عملاق أهلي الشايقية وملكهم المتوج أبدا
خضر |
شكرا أخي خضر،
الراحل الضخم النعام أضاف بصوته ألقا للقصيدة السمحة وزودها بمفاتيح القلوب،
أهلنا في ديار الشايقية ظلوا نبعا صافيا لكثير من الدرر ،
قيل لي إن محمد سعيد كتب أيضا أغنية (الطيف) الذي رحل عنه ولم يطيِّب له خاطرا,
تسلم
| |
|
|
|
|
|
|
|
|
|
Re: الزول الوسيم.. (Re: محمد المرتضى حامد)
|
يا مولانا السلام عليكم يا خ من وين جبت معاويه ابوعوه
دا صديق عزيز جدا من اولاد تنبول وقاعد معانا فى الرياض
الان فى السودان سبحان الله بلاهى لقيتو وين
معليش تفاجات قبل ما اقول ليك حمدا لله على سلامة العوده من كندا
وانشاء الله الاولاد هناك بخير
| |
|
|
|
|
|
|
|
|
|
Re: الزول الوسيم.. (Re: خالد المحرب)
|
Quote: والله يا ود حامد الزول ده عندو مقطوعات موسيقية احسن من مقطوعات
زامفير زاتو . النعام عالمى وخارق . نعم . النعام |
في طفولتي كان النعام صدرا لبرنامج (من الربوع) ولا أدري السر الكامن
وراء إلتصاقي بالمذياع حين يؤدي هذه الأغنية الوسيمة أو جارتها في المدار
(مشتاقين) لدرجة أني كنت أمني النفس برؤية (الساكنين في حي الكنينه) ،
أتاح لي الزمن أن أرى النعام في حفل زواج جارة لنا وشدني أسلوب عزفه
على الطنبور لدرجة أنه كان يعزف والطنبور في مستوى الرأس ، يعني يا عثمان
الزول الوسيم دا ، رحمه الله ، كان بيسوي الدايرو بالطنبور دون خروج على زمن أو
أو هنّة في العزف ، يضاف إلى ذلك صوت عميق كأنه قادم من مجرة مجاورة..
أمثال النعام استدرجونا إلى حقول الحب والطرب وجروف الشجن ، وياهو قمنا لقينا
روحنا في تربة تانيه وكانت النتيجة التصاق ب ( مظلوم ما حصل في يوم وجدت مرادي)
فشابه حالنا كما قال ود المكي:و عندما خفقت كالنجمة خارج التاريخ و المكان
انسحب الجناح من تحتى و اجفل الحصان
ورحت اهوى خارج التاريخ و المكان
| |
|
|
|
|
|
|
|
|
|
Re: الزول الوسيم.. (Re: محمد المرتضى حامد)
|
Northern Sudan has a tradition of lyrical music that utilizes oblique ####phors, and has historically been used as part of the Sudanese independence movement and in other political movements. The tambour (a lyre) was originally used as accompaniment, but this was replaced by the oud when it was imported from Arabia. The method of playing the oud continues to use a plucking method developed with the tambour, making a distinctive and characteristic sound.[1]
In the 1930s, a number of music companies opened in Sudan, among them the Gordon Memorial College Musical company, which included Mohamed Adam Adham, whose Adhamiya was one of the earliest formal Sudanese compositions, and is still often played.[3]
The early pioneers were mostly singer-songwriters, including the prolific Karoma, author of several hundred songs, the innovative Ibrahim al-Abadi and Khalil Farah, who was active in the Sudanese independence movement.[1] Al-Abadi was known for an unorthodox style of fusing tradition wedding poetry with music. Other songwriters of the era included Mohammed Ahmed Sarror, Al-Amin Burhan, Mohamed Wad Al Faki and Abdallah Abdel Karim.[4] al Faki was one of many musicians from the area around Kabou-shiya, a region known for folk music
| |
|
|
|
|
|
|
|
|
|
Re: الزول الوسيم.. (Re: Osman Musa)
|
مرتضى حامد الف سلام
الوالد - اطال الله عمره - له غرام خاص مع النعام آدم ، ومنذ زمن ( الفونوغراف ) يكرر سماع اغانيه طوال اليوم ، وقد ورثت حب النعام آدم منه ، وقد يسرت لي الايام ان التقي بالنعام آدم شخصيا في حفل خاص ، ورغم مسحة الحزن العميقة في اغانيه ، الا انني وجدت الرجل خفيف الظل ومرح وصاحب نكتة .
انا احملك مسئولية ( الحالة ) التي ادخلتني فيها الاغنية وانا على بعد 18 الف كيلومتر من الوطن
مظلوم وفد يوم ما وجدت مرادي
مكتوب لي العذاب في جبيني يوم ميلادي
رحم الله النعام آدم والتحية لشاعر الاغنية
| |
|
|
|
|
|
|
|
|
|
Re: الزول الوسيم.. (Re: Osman Musa)
|
مرتضى حامد الف سلام
الوالد - اطال الله عمره - له غرام خاص مع النعام آدم ، ومنذ زمن ( الفونوغراف ) يكرر سماع اغانيه طوال اليوم ، وقد ورثت حب النعام آدم منه ، وقد يسرت لي الايام ان التقي بالنعام آدم شخصيا في حفل خاص ، ورغم مسحة الحزن العميقة في اغانيه ، الا انني وجدت الرجل خفيف الظل ومرح وصاحب نكتة .
انا احملك مسئولية ( الحالة ) التي ادخلتني فيها الاغنية وانا على بعد 18 الف كيلومتر من الوطن
مظلوم وفد يوم ما وجدت مرادي
مكتوب لي العذاب في جبيني يوم ميلادي
رحم الله النعام آدم والتحية لشاعر الاغنية
| |
|
|
|
|
|
|
|
|
|
Re: الزول الوسيم.. (Re: شمس الدين ساتى)
|
Quote: سؤال يا جماعة
محمد سعيد ومامان هل هما شخص واحد للشبه البين بين الصورة والبروفايل |
الأخ شمس الدين ساتي
تحية طيبة وكل عام وأنت بخير
محمد سعيد ومامان شخصيتان مختلفتان. ولكن هنالك علاقة قرابة بيننا ، محمد سعيد يعتبر خالي في الحسبة
مع تحيات مامان
| |
|
|
|
|
|
|
|
|
|
Re: الزول الوسيم.. (Re: maman)
|
Quote: ياخ انت خليتنا نزوزي بي
بوست بنات اوداان |
 بنات أودادن..أودادن يا باسط،
بنات قيافه وغنايات
بس الوسامه غير..
الزول الوسيم يا باسط دايمن متواضع وحاشاهو لسانو من الشينه..
يا سلام ياخ على الزول الوسيم القسيم..
النسيم..
يا سلام..
زي ماكان بيقول سماعين حسن..
يا سلام..
| |
|
|
|
|
|
|
|
|
|
Re: الزول الوسيم.. (Re: خالد المحرب)
|
خليل
كدة يا ود شيقوق
شكرا ليك - نحن يا العشاء محتاجون لكورسات
المهم المرتضى مشكور اتصل فيني ووراني كيفية تنزيل اللنك بصورة صاح - وتاني تعبتوا معاى اللنك خمشة خمشة
| |
|
|
|
|
|
|
|
|
|
Re: الزول الوسيم.. (Re: الطيب شيقوق)
|
Quote: الزول الوسيم يا باسط دايمن متواضع وحاشاهو لسانو من الشينه..
يا سلام ياخ على الزول الوسيم القسيم..
النسيم..
يا سلام..
زي ماكان بيقول سماعين حسن..
يا سلام |
محمد المرتصي
النعام ادمدة مكسر الناس كلهعم
وتحديدا في البرامج الازاعية
واشهرها ربوع السودان
ومن جميل الصدف شتيلة قريرة
جارتنا
ياخ النعام دة منبع للنغم الحنين
ودافئ صوته كانه العلاج من ضجر الحياة
يامتعة عديل سلامات سلامات لك
| |
|
|
|
|
|
|
|
|
|
Re: الزول الوسيم.. (Re: باسط المكي)
|
Quote: ياخى والله العظيم الغربة دى خلت مشاعرنا رهيفة لدرجة الواحد يتخيل ليهو لو نفخو فيها أففففففففف تنقد!
الغربة لتوب المشاعر غسيل ومكوة ولبس وقعاد على مساطب الشجن..
الله بس يدينا الرقعة محل ماتنقدا نرقع! |
عارف يا بله أخوي، في داخل كل منا وطنه الخاص المشيد بذكريات
وأمكنة وأخيلة وشخوص ترتحل معه أين حل لاتبارحه في الصحو أو المنام،
بيننا من غادر السودان جسدا منذ عقود وما زال ينسج قماش الغد على
نول السودان ، ياخ الواحد كان فكر في أي شي بيشوف مقاس الشي دا لايق
مع السودان ولّ لا.. كل ما تفكر في اقتنائه من عرض الدنيا يجب أن يتفق
مع مواصفات (هناك) ، ظللنا في حال الرفض المستدام للبديل رغم أن الصورة
القابعة في المخيلة تختلف عند مضاهاتها بالواقع لكننا لانريد غيرها،
ع اج ب ا ن ا كدا ، لامن مرات تقول : ياربي الجنه الموعوده حايكون فيها حي المسالمه مثلا؟
زي ما بيقولوا الشرامه ، تعمل رايح من مسألة الفقد في مشروع تناسي
هزيل وفجأة يأتيك صوت كصوت النعام يعمل ليك ECT يمرقك من الكاتاتونيا الما ليها حد
وما ليها قيف دي.
أرقع يا بله..
طالما ما قدرت تقلع ..
أرقع..
| |
|
|
|
|
|
|
|
|
|
Re: الزول الوسيم.. (Re: محمد المرتضى حامد)
|
ياربي الجنه الموعوده حايكون فيها حي المسالمه مثلا؟
ههههههههههههههههههههههههها
وحاة النبي انت فاقد الرباط جنيت عدييييييييييييل كدا
مسالمة شنو !!!!!!!!! الجنة دي كلها عنكوليب
| |
|
|
|
|
|
|
|
|
|
Re: الزول الوسيم.. (Re: محمد المرتضى حامد)
|
Quote: في نفس السامع وشجن ألف واط.. أرجو لو تستوثق
من معاوية أبوعوه ولك الثواب.
|
مولانا صباح الخير كما ذكرت انت الشجن الف واط وهذا هو المهم
ولكن انا متاكد من كلامى انو هذا هو معايه لايدخلنى فيه ادنى شك
وليس الفرجونى ............ تحياتى
| |
|
|
|
|
|
|
|
|
|
Re: الزول الوسيم.. (Re: محمد عبدالرحمن محمد)
|
Quote: الزول الوسيم هو من يضخ بخلقه في محيطه
إحساسا بالأمان الطارد للشرور والتوتر،
زول كدا يمنحك بقسماته ملجأً دفيئا وتصديقا نهائيا
على طلب اللجوء من الزمهرير ، |
ود المرتضى صباحاتك وسيمة .... اذا وفرو فى كل منطقة وسيمين فقط كنا حنطالب بايقاف انتاج كل مصانع البطاطين فى العالم
بوست فى غاية الوسامة ..
لك التحية و كل الود
| |
|
|
|
|
|
|
|
|
|
Re: الزول الوسيم.. (Re: محمد عبدالرحمن محمد)
|
سلامات أستاذ محمد المرتضى ..
الأغنية هى إحدى تحف الغناء السودانى
النيلى الأصيل للمرحوم النعام ادم ..
المؤدى هنا قدمها بطريقة التقاسيم الموسيقية
مستعملا آلة العود بدلا من الطنبور و كان رائعا ...
فقط التقاسيم دائما ما تعبر عن الوجدان و التفاعل
الشخصى للمؤدى مع اللحن المعيّن و ليست لها ( اى التقاسيم ) اية قاعدة أو سلم أو نوتة موسيقية ...
و دائما ما تكون جملتها اللحنية للعمل ناقصة عن الآداء الأصلى ( كما للنعام آدم فى هذه الحالة ) ...
أرجو من المتخصصين فى الموسيقى أن يوثقوا لمثل هذه التحف النادرة بتخليدها بنوتة
موسيقية حتى لا تندثر و تحفظ لمبدع مثل النعام آدم جهده الموسيق و إبداعه الفنى ...
عبدالماجد
| |
|
|
|
|
|
|
|
|
|
Re: الزول الوسيم.. (Re: ABDELMAGID ABDELMAGID)
|
| Quote: انا احملك مسئولية ( الحالة ) التي ادخلتني فيها الاغنية وانا على بعد 18 الف كيلومتر من الوطن |
مولانا سيف الدولة،
يا أخي بدءا كل السنه وأنت والأسرة الكريمة بألف خير وعافية،
عارف يا عزيزي ، ينطبق عليك ذات القول الذي أوردته في تعقيبي
على عزيزنا د. بله موسى أعلاه ، الواحد منا يغضب غضبة مضرية
لأسباب سياسية أو أمنية أو اقتصادية أو حتى لأي من الأسباب
التي عدّدها الإمام الشافعي ويعتقد ، لحين ، أنه خرج من
الوطن لكنه لايدري أن الوطن لم يخرج منه، هسه الناس
القاعدين في المنبر دا معظمهم خارج السودان ومعظمهم
فيه وهو فيهم ، إنت قايل ترك الوطن مجرد تذكرة طائرة
وتأشيرة وقضي الأمر واستوت على الجودي؟ أبدا يا أبا شهد،
أنا متابع كتاباتك الراتبة عن الوطن ومشاركاتك التي
تزيد على كثيرين ممن بالداخل، عشان كدا عارف غنية
للنعام آدم ممكن تعمل فيك شنو وأنا مبسوط ..
أطال الله عمر والدكم ووالدنا الأستاذ حمدنا الله عبدالقادر
الذي لايمكن إلا أن يكون ممن يطربهم النعام حد الإسكار
لأن حمدنا الله عبدالقادر والنعام وبمعيتهم نفر جميل
( ولا أقول "كوكبه" لأن كلمة كوكبة دي كجنتها منذ
أن تفوه بها المدعو المكاشفي قبل أن ينطق بحكمه
على الشهيد محمود محمد طه) نفر جميل شيدوا خلايانا
وذواكرنا وحشدوها بكل رائع وأتمنى لو نوثق لأولئك العماليق،
18 ألف كيلومتر أو سنة ضوئية لن تفصلك عن الوطن ،
الوطن يا سيف قاعد في نخاع العظم وجهازك العصبي
المركزي والطرفي ويلتصق بكريات الدم وصفائحه
وعراقي الساكوبيس اللابسو ..
ما بخاف عليك..
تسلم.
| |
|
|
|
|
|
|
|
|
|
Re: الزول الوسيم.. (Re: محمد المرتضى حامد)
|
اخي محمد المرتضي
انت متهم بارتكاب معاصي تهييج المشاعر والتعدي والعدوان علي ذاكرتنا الخربة
هذه الاغنية وانا طالب في المتوسطة وجالس مع زميل الدراسة حينها محمد الحسن احمد مالك وكان حينذاك يسكن مع عمه و صديقنا المرحوم علي الحسن مالك الذي كان يقدم في ربوع السودان ولا انسي حين كتبت اسم هذه الاغنية وطالبها في ورقه صغيره مهداه الي جارتنا حياة المسافره الي القاهره في اجازة وسلمتها له وهو خارج برفقة صديقي الشاعر الكبير المرحوم ابو امنه حامد مرتديا الزي الشرقاوي البجاوي كاملا .
حتي هذه اللحظة لا انسي لا الاغنية ولا تلك اللحظة
__________________________________________
كل عام وانت واسرتك الكريمة بالف خير
| |
|
|
|
|
|
|
|
|
|
Re: الزول الوسيم.. (Re: طارق ميرغني)
|
| Quote: انت متهم بارتكاب معاصي تهييج المشاعر والتعدي والعدوان علي ذاكرتنا الخربة |
أستاذنا طارق ميرغني،
العيد مبارك عليك وربنا يديم عليك نعمة العافية والروح السمحه،
ليس لدينا يا عزيز غير الماضي لأن الحاضر مسرف في السادية ، وزي ما قال
الكاشف كثير منا يعيش على صدى الذكرى ويقتات من صوامعها،
علي الحسن مالك نفسه شكل بعضا من تلك الأيام عندما كان بالسودان فنا
ورياضه وقبل أن ( نسكب على الثرى كؤوسنا) .
بالفعل كان روضة غنَّاء نسأل الله ألا يقول لها أحد وداعا.
محبتي.
| |
|
|
|
|
|
|
|
|
|
Re: الزول الوسيم.. (Re: محمد المرتضى حامد)
|
اخى المرتضى فى اتصال مع الاخ معاويه قبل قليل وعدنى ان يرسل الى المقابله التى تمت فى
اذاعة القضارف وهى 5 اغانى الزول الوسيم واحده منهم وسوف اهديها لك صوره وصوت
لانى اعلم انك رجل جميل وبعجبك الجمال وابوعوه عند صوت تطريبى عالى الجوده ويعزف العود
بى طريقه حنينه جدا لك التحيه
| |
|
|
|
|
|
|
|
|
|
Re: الزول الوسيم.. (Re: محمد المرتضى حامد)
|
Quote: اذا وفرو فى كل منطقة وسيمين فقط كنا حنطالب بايقاف
انتاج كل مصانع البطاطين فى العالم |
يا منار العزيزة،
عندما قال نزار في رثاء الزعيم الشامخ الخالد جمال عبدالناصر
( آخر قنديل زيت يضئ لنا في ليالي الشتاء) أحسست ببرد الفقد
الناجم عن غياب ذلك الوسيم ،
أعاد لي تعليقك تلك الصور وأوضح لي - بدقة أكثر - معنى الوسامة
الذي كثيرا بالغياب والضد والمضاهاة يبين ، نعم عندما ترى أشباه الرجال
وظل البشر تتضح صورة الوسيمين في الخاطر أكثر.
(في الليلة الظلماء يُفتقُد البدر..)
شكرا يا منار..
| |
|
|
|
|
|
|
|
|
|
Re: الزول الوسيم.. (Re: محمد المرتضى حامد)
|
Quote: الأغنية هى إحدى تحف الغناء السودانى
النيلى الأصيل للمرحوم النعام ادم ..
المؤدى هنا قدمها بطريقة التقاسيم الموسيقية
مستعملا آلة العود بدلا من الطنبور و كان رائعا ...
فقط التقاسيم دائما ما تعبر عن الوجدان و التفاعل
الشخصى للمؤدى مع اللحن المعيّن و ليست لها ( اى التقاسيم ) اية قاعدة أو سلم أو نوتة موسيقية ...
و دائما ما تكون جملتها اللحنية للعمل ناقصة عن الآداء الأصلى ( كما للنعام آدم فى هذه الحالة ) ...
أرجو من المتخصصين فى الموسيقى أن يوثقوا لمثل هذه التحف النادرة بتخليدها بنوتة
موسيقية حتى لا تندثر و تحفظ لمبدع مثل النعام آدم جهده الموسيق و إبداعه الفنى ...
عبدالماجد |
عبدالماجد عبدالماجد الصفوه،
2/.
سلامات،
كنت أعتقد أنك اختصاصي رياضي مريخي لكنك اليوم أضفت معرفة بالموسيقى،
صدقني يا ماجد ، رغم الأداء الجميل للمغني هنا إلا انني افتقدت
هنهنات النعام التي تأتي في نهاية الشطر الشعري واللازمة الموسيقية
( أوو وو ووه) فهي تحمل بضع ميغاوات من شحنة الأسى الممزوج بالفقد،
فهو حين يرددها شعرة جلدك تكلِّب وتجيك حالة نويح في حواشي الرئة
وأشياء يتعذر وصفها.. النعام مدهش ولو لم يكن كذلك لما حفظنا أغنياته
قبل أن نعرف الهوى.
مودتي يا العزيز.
| |
|
|
|
|
|
|
|
|
|
Re: الزول الوسيم.. (Re: محمد المرتضى حامد)
|
| Quote: النعام أدم هو الطمبور الشايقي اللاصيل أصالة الفن المتعمقه جزوره حتي النيل انه فن راقي ذو مستوي عالي واحاس مرهف وجمال ومعاني ... الفنان النعام ادم انه صاحب الاسطوره التاريخيه في فن الطمبور ..... أنا أتذكر عندما يأتي الي منزلنا في ذاك الزمان اللاخضر الجميل واتا كنت أجلس دائما جوراه وانا في نعومة اظافري كنت استمتع بطمبور النعام أدم واغنيته لبشهيره الزول الوسيم في طبع دائما هادي . ومن الغريب اني كنت احفظها وانا صغيرة السن . ويظل النعام ادم خالدا خلود النيل ويظل فنه الراقي يتوارثه الاجيال جيلا بعد جيل ......... وكل الاحترام والتقدير لكل المتداخلين واصحاب البوصت الراقي |
شكرا يا أحلام،
الناس السمحين ديل مجرد سيرتهم تبعث على الطمأنينة، النعام و(اسماعين)
وكل جيل الأفذاذ الذي إفتقده النيل نفسه دعك عنا نحن الذين بعدهم تيتمنا
فنيا وأصبحنا مشردين على أرصفة الأدب لا نجد من يمن علينا بعطية أو صدقة.
مودتي.
| |
|
|
|
|
|
|
|
|
|
Re: الزول الوسيم.. (Re: محمد عبدالرحمن محمد)
|
الأخ محمد المرتضى والإخوة المتداخلون
سجلت صباح اليوم مقابلة صوتية (عن طريق الهاتف) مع الشاعر الكبير محمد سعيد دفع الله حول ذكرياته مع (الزول السوسيم) والفنان النعام آدم وسأقوم بإنزالها في البوست
| |
|
|
|
|
|
|
|
|
|
Re: الزول الوسيم.. (Re: محمد عبدالرحمن محمد)
|
Quote: Quote: وسأقوم بإنزالها في البوست
نان راجي شنو آخينا؟ |
هذه المقالة الصوتية التي تكرم شاعرنا محمد سعيد دفع الله باجرائها ، سأنزلها على 4 حلقات (بالمناسبة محمد سعيد اسم مركب)
| |
|
|
|
|
|
|
|
|
|
Re: الزول الوسيم.. (Re: خالد المحرب)
|
| Quote: لكم الشكر جميعا اولكم مولانا صاحب الخيط الذى اعجب بصوت معاويه |
يا المحرب سلام،
بدأت تتشكل في دواخلي قناعة بأن الصوت لصاحبك،
بالله الزول دا لِمَّنا فيهو ..
تسلم
| |
|
|
|
|
|
|
|
|
|
Re: الزول الوسيم.. (Re: maman)
|
شكرا مامان،
أسعدني كثيرا الإستماع للجزء الأول وليتك تأتينا بالباقي تباعا،
ربما أكون من العارفين بسبب (نزول) القصية والسيدة التي كتبت فيها،
لكن سأترم ذلك حتى يقولها بنفسه ، إن شاء.
ياخ محمد سعيد دا زول راقي ووفي.
| |
|
|
|
|
|
|
|
|
|
Re: الزول الوسيم.. (Re: maman)
|
العزيز مامان
سلامات
والله يا مامان بفتش عن الأستاذ محمد طه خليفة
من القرير . الرجل أستاذى الجليل فى مدرسة الزيداب 1966 .
ده الزول الجاب النعام لتلك المناطق .
وبرضو هو الزول الشجع النهضة الأدبية والفنية فى الشمال . عليك الله
داير خبرو . وهو وين . ضرورى . تجدعو هنا
[email protected]
مع كتير الشكر والتقدير
| |
|
|
|
|
|
|
|
|
|
Re: الزول الوسيم.. (Re: خدر)
|
Quote: مداخلة: #1
العنوان: الى عشاق فن الطنبور... خضر عطا المنان يكتب عن الملك الراحل
الكاتب: بهاء الدين سليمان
التاريخ: 08-05-2006, 05:36 ص
Parent: #0
في مثل هذه الأيام من العام 1993 صعدت روحه الطاهرة الى علياء الباري الكريم .. كان ملكا للربابة بلا منازع طوال أربعين عاما قضاها راحلا بين أضابير أوتار / طنبوره / الخمسة يشدو بأنغام كم تغنى بها من بعده مطربو الشمال السوداني وأهله .. كان له مع كل وتر من تلك الأوتار حكاية ونغم وقصة ورقصة .. تغنى للراحلين فوق ظهور دوابهم في الصحارى والأدوية .. وللعاشقين .. والهائمين فوق دروب الهوى .. وللنيل.. والنخيل.. والجروف.. وجنائن الموز والبرتقال والليمون والجوافة .. وللنسيم يسرى عند مطالع الفجر.. وللقمر يراقص تلال الرمال ليلا وهي تضاحكه تارة وتبكي أ حيانا تبثه أشواقها اليه وحنينها الدافق دوما .. كما غنى أيضا للمراكب والمراكبية .. والتربال والمزارع .. وحسان القرى المبعثرة بأرض الشمال .. وفتيات المدن .. وغنى للشوق والحنين.. وللغائبين عن الديار.. والعائدين اليها بعد طول غياب. طبقت شهرته آفاق السودان الواسعة .. كان عازفا متمكنا من آلة الطنبور .. وبارعا في آدائه لغنائه .. وجادا في توظيف ما وهبه المولى من قدرات فنية قل أن يجود الزمان / في هذا المضمار / بمثلها .. كما كان صاحب بديهة حاضرة .. ونكتة ذكية.. وقفشات لماحة .. وروح شفافة .. كما عاش ومات سودانيا أصيلا / حينما كان السودان سودانا !!/ لم يتاجر يوما بفنه أو يغامر بمجد بناه بنفسه لبنة لبنة .. كلا ولم يتلوث أبدا مثل بعض من كان لهم يوما المثل والقدوة لا بل والمنارة التي أ ضاءت لهم الطريق وفتحت أمامهم مغاليق المهنة وآفاق الشهرة والكسب ا لحلال / يوم أن كانوا متعثري الخطى على طريق فن الطنبور !!!!/ عاش شريفا ومات شريفا.
أربعون عاما قضاها في دهاليز الفن دون أن تنحني له هامة أو تلين له قناة أو يلعق حذاء حاكم أو يتودد سلطانا أو يستجير بجاه .. ولا زال كل المقربين منه وأصدقائه وخلصائه ومحبي فنه من العارفين يذكرون له تلك العبارة التي رد بها يوما على الرئيس جعفر نميري حينما سأله : لماذا من يغني له ؟؟ فكان رده الحاسم / أنا ما بغني للرجال يا ريس / وكان يومها جوقة ا لمطبلاتية تزداد يوما بعد يوم يتقدمهم بالطبع محمد وردي و وسيد خليفة والثنائي ا لوطني وأمثالهم كثر من مطربي بلادي.. كانوا يسبحون بحمد نميري ويمجدون كل ما يقوم به.
انه كان بالفعل هرما من أهرامات الطرب في وطني الذي لا يزال مختطفا !!! .. كان واحدا من قلة رسخت لقيم رفيعة في مجال الطرب والغناء .. وأحد أهم من أرسوا دعائم فن الربا بة / الطنبور / الذي اشتهر به أهل الشمال السوداني في البدء قبل أن يصبح جزءا من فولكلور سوداني أصيل في كل بقاع ذلكم الوطن المترامي الأطراف بحجم قارة .
والربابة أو/ الطنبور/ كما يحلو لأهلنا في الشمال تسميته / آلة ذات أوتار خمسة مشدودة على قاعدة في شكل اناء خشبي مكسو بقطعة من جلد الماعز أو الأبقار ذات ثقوب مرتبة و في شكل أسطواني بديع غالبا ما تكون / أي هذه القطعة / مزركشة ببعض الألوان البديعة والتي كثيرا ما تكشف عن ذوق مغتنيها . كما أن / الربابة / آلة غنائية عريقة وقديمة قدم الفنون في ذلكم الجزء من العالم .. وقد وفدت الى شمال السودان من مصر المجاورة وذلك منذ فجر الفراعنة الأول .. عبر الرحلات النيلية المتبادلة للتجارة والصيد واكتشاف منابع النيل ومجاهله .. وهي علاقات تداخلت بين الجا نبين واستمرت لتتوج بالمصاهرة وتبادل المنافع / في ذلك الزمان الغابر من تاريخ العلاقات السودانية المصرية / بعد أن جمعتهما سبل كسب العيش والاعتماد على خيرات النيل من الأسماك والزراعة على شاطئيه . وقد كان أهالي / حلفا / في أقصى شمال السودان امتدادا بشريا وطبيعيا ل / النوبيين / الذين يعيشون عند المناطق المتاخمة للحدود مع مصر / أسوان وماجاورها / .. وكان تأثر بعضهم ببعض قد امتد ليشمل معظم مناطق الشمال السوداني بمن فيهم قبيلة / الشايقية / أحد أشهر وأهم القبائل التاريخية في ذلك الجزء من السودان القديم ومنها ينحدر هذا المطرب العملاق / النعام آدم / وهذه القبيلة شكلت بذلك همزة الوصل / فنا وابداعا وتاريخا / بين شمال السودان ووسطه .
ومثلما تشابهت وسائل المعيشة وسبل كسب الرزق بين / الحلفاويين / و / النوبيين /وقبيلة / الشايقية / كذلك كان الحال بالنسبة للفنون .. حيث أخذ أهل الشمال فن الربابة من جيرانهم في جنوب مصر وطورها / الشايقية / شكلا وتنغيما .. وفجروا كل امكاناتها اللحنية الممكنة بعد أن أضافوا اليها محسنات جمالية ووترية أ ضفت على شكلها التقليدي مسحة ابداعية أكسبتها فرصة المنافسة بين آلات آخرى عديدة تزخر بها شتى ألوان الفنون الغنائية السودانية حيث تتعدد اللهجات والايقاعات والثقافات ومظاهر الأفراح والأتراح .........الخ .
والنعام آدم / هذا الراحل الخالد / يعد المطرب الوحيد في تاريخ الغناء السوداني الذي شرفه صفوة الباحثين والدارسين في فن الغناء السوداني بلقب / ساحر الربابة أبوشنب / حيث اشتهر بجانب براعته في العزف على آلة / الطنبور / وانقيادها السهل لأنامله كيفما شاء .. اشتهر بشارب كث وطويل يرى الناظرون اليه من الخلف أطرافه المشرئبة في كبرياء ورجولة أكسبته هيبة خاصة ووقارا .
/ انه أسطورة / هذا ما رددته كوكب الشرق الراحلة السدة / أم كلثوم / عندما شاهدته وهو يعزف / طنبوره / ذات يوم .. وذلك عند حضورها في يوم 23 / 12 /1968 لاحياء ليلتين غنائيتين على خشبة المسرح القومي السوداني بمدينة / أم درمان / عاصمة السودان التاريخية .
وقد ظل / النعام آدم / يفخر بما قالته عنه / أم كلثوم / ويردده في مجالسه الخاصة وأمام جمهرة محبي فنه كلما جاءت المناسبة .. كما لا تزال الصورة الفوتوغرافية التي جمعته بهذه المطربة الخالدة تزين جدار صالون منزله المتواضع بحي أركويت الشعبي بالعاصمة الخرطوم .
ألا رحم الله / النعام آدم / فقد كان نسيجا وحده .. كما يشهد له بذلك الجميع .
خضر عطا المنان |
| |
|
|
|
|
|
|
|
|
|
Re: الزول الوسيم.. (Re: خضر عطا المنان)
|
Quote: العزيز مامان
سلامات
والله يا مامان بفتش عن الأستاذ محمد طه خليفة
من القرير . الرجل أستاذى الجليل فى مدرسة الزيداب 1966 .
ده الزول الجاب النعام لتلك المناطق .
وبرضو هو الزول الشجع النهضة الأدبية والفنية فى الشمال . عليك الله
داير خبرو . وهو وين . ضرورى . تجدعو هنا |
الأخ عثمان موسى
تحية
الأستاذ الجليل محمد طه خليفة ( ولقبه لدينا هو الدقر) موجود ويسكن مدينة شندي وسأوافيك غدا بتلفونه إن شاء الله
| |
|
|
|
|
|
|
|
|
|
Re: الزول الوسيم.. (Re: محمد المرتضى حامد)
|
| Quote: لي كم يوم بجي بالدس , بسمع و اقش خشمي و امرق |
أتاري كل مره أفتح (الحلَه) ألقاها زايده
هسه يا خدر كان حاولتها بقراءتك إنت مالو؟
هذه الأغنية كل صوت جميل يجعل لجمالها نافذة أخرى يُرى منه.
زي باب جديد في اللوفر.
| |
|
|
|
|
|
|
|
|
|
Re: الزول الوسيم.. (Re: محمد المرتضى حامد)
|
Quote: يا المحرب سلام،
بدأت تتشكل في دواخلي قناعة بأن الصوت لصاحبك،
بالله الزول دا لِمَّنا فيهو ..
تسلم |
لك ولغيرك يا مولانا
دا تلفون اخونا ابوعوه 00249924660544
| |
|
|
|
|
|
|
|
|
|
Re: الزول الوسيم.. (Re: خالد المحرب)
|
ود المحرب،
من حَوَر العيون احتار غزال الوادي،
الظبي قَعَد يتلَفَّت ، يا ربي دي عيون ولّ أنا معيون؟
(شوفو) بالله صاحبك بيغنيها كيف،
أنا الزول دا حا أضرب ليهو تلفون يا خالد، عشمان في تسجيلات أخرى ليهو،
بعدين ناس زي ديل ، بكل ما فيهم من حنان وشجن وحميمية ، كان الواحد ما لاقهم
وغادر الدنيا دي بيكون آثم.
محبتي يا شيخ العرب.
| |
|
|
|
|
|
|
| |
محمد المرتضى حامد
محمد عبدالرحمن محمد
الطيب شيقوق
maman
Osman Musa
willeim andrea
باسط المكي
خضر عطا المنان
ibrahim kojan
Balla Musa
عفاف أبو حريرة
خالد المحرب
saif addawla
Rawia
khaleel
saadeldin abdelrahman
Al-Shaygi
أحلام إسماعيل حسن
خدر
فيس بوك
تويتر
انستقرام
يوتيوب
بنتيريست