|
دعواتكم لزميلنا المفكر د.الباقر العفيف بالشفاء العاجل
|
|
 Re: إن شاء الله حكومتنا ما تشوف الكلام دا.. (Re: محمد المرتضى حامد)
|
ود القرشي
Quote: المادة الثالثة من القانون ايجابية
وأعجبتني فيها كلمة يجبر عليه |
جيت تفاصح ؟ ات هسع ما ساكن ليك في قصر تتجدع فيهو براااااااااك وكبابيك وفناجينك يتطاقشن كل يوم تلمع وتمّر وترص وترحل من دولاب ولا دولاب وحاة الله كان ناس القانون دا عرفوك يقطعوك من خلاف عديل .
مرتضى
البوست دا عمرو ما طويل هسع بجوك ناس فيصل خليل و هويدا شرف الدين وبودوهو ليك الكوشة
| |
 
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: الطيب شيقوق)
|
غايتو يا مولانا طنقرت ليهم الكورة وعملت رايح..
النص بتاع الخمسين دا ياهم شايلنو شايلنو..
اول مرة الواحد يسمع بالزواج الكمبلسري (دي شريعة
دي يا مرسي).؟
..
سلمات يا شيخ العرب..
تصدق كنت شايل خشمي انده لود المرتضى اليدس منك التالته الا لقيتك عاضي جلابينك وسابقني..
مافيش فايدة.
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: محمد على طه الملك)
|
هذه هي أوامر الباب العالي في الإستانة بتركيا عندما كان هنالك خليفة للمسلمين. عرفتوا ليه ناس حزب التحرير بطالبوا بالخلافة الإسلامية العثمانية.
الوقت داك الدولة كانت واحدة من السودان واليمن جنوباً وحتى بلغاريا شمالاً ومن مراكش غرباً وحتى البحرين وفارس شرقاً.
ومستجدي النعمة من العاربة لم يكن لديهم حق الأكل والشراب. كان السفر بدون أوراق طالما انت داخل الإمبراطورية الإسلامية العثمانية.
مساحة الأرض الواردة في الأمر تتراوح بين 33-66 فدان. يعني أكتر من نصيب مزارعي الجزيرة في أراضيهم الآن.
لكن هنالك أوامر الباب العالي للآتراك المجرمين والتركيات ال ......، وماذا فُعل بهم وبهنَّ؟ وماهي الأوامر التي صدرت لهم كمجموعة خارجة على القانون أو الشريعة الإسلامية التي كانت تحكم بها الإمبراطورية. دا لو نشرناه بجيب لينا هواء نحن لا نقدر عليه. لكنه موجود في نفس المكان الموجود فيهو الكلام الفوق دا.
(العوج راي والعديل راي)
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: الطيب شيقوق)
|
الطيب سلامات،
رغم أن ظاهر القانون يتفق مع توجهاتك إلا أنني
كنت أنتظر منك نقدا موضوعيا وتحديدا عجز نص المادة (2)
، فالمشرع ربط الزواج بالعافية حيث جاء بالنص :
( وإن كان المرض غير قابل الشفاء يمنع من الزواج) وهذا
نص فيه كثير من الحيف سيما إذا كان المرض مرض حامد.
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: محمد المرتضى حامد)
|
Quote: الطيب شيقوق ، أنا ما حصل فطّيت زول ، ما تعمل لي سمعه ساكت.
خلينا في المهم وخليك واضح في ردودك. |
هو سمعتك نحن بنلعب فيها ؟
المهم شنو يا المرتضى ؟ ما يبقى الوثيقة الزى وثائق المك حسن عدلان دي ؟
عايز اكتب عنها بموضوعية بس فتش لي في زاوية موضوعية فيها هي ذاتها وما لقيتها لسع يا المرتضى .
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: abubakr)
|
Quote: يبدو ان شكوك المرتضي في مصداقية هذا القانون صحيحة فالقانون دة مكتوب في اسفله كما قرءت اسم :مصطفي كمال ... يعني "اتاتورك" ....فكيف اتاتورك الذي اسس تركيا العلمانية كان يقنن
"تعدد الزوجات" ؟؟؟ |
الباش سلامات يا سيدي،
هو كمال أتاتورك ألغى الأبجديه العربية التي ظل يكتب بها الأتراك لخمسمائة عام
وقاد حملة وصفها بعض خصومه أنها مناوئة للإسلام وتعاليمه ومن ثم فإن نسب المكتوب
إليه يخالف ما عرف عنه رأسيا وأفقيا، لكن ربما ينسب لسابقيه وهم من حكموا تركيا
عن الفترة السابقة ل 1919 ، إن اسعفتني الذاكرة الخؤون ، نعم ، المكتوب غريب
ولكن الغلاة لايأتي منهم إلا كل غريب لذا تجد أن بعض اعداء المسلمين يختلقون
(أشياء) كهذه وينسبوها إلى دولة مسلمة على أساس أنها تشريع إسلامي في
ذات الوقت الذي يتناسون فيه قوانين قننوها ترقى إلى حد العبث حسب ما قرانا
في تاريخ القوانين ، في ذات الوقت ظهرت فتاوى حول الزواج في قرننا هذا
جعلت من قانون عفة الأناضول المزعوم مجرد دافوري .
بس رأيك بيهمنا يا باش، ما تكلفِتنا وتمشي ساي.
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: الطيب شيقوق)
|
| Quote: غايتو يا مولانا طنقرت ليهم الكورة وعملت رايح.. |
مولانا ودالملك،
التحايا كثر يا سيدي،
لازم أعمل رايح طالما في ناس عملوا دفنوهم،
ياخ نص الماده (7) دا مفروض يهللوا ليهو ناس
كتار هنا باعتبارهم داخلين على الزون لكن عملوا
غمرانين وينتظروا من عضو من البرلمان يقدم مشروع
قانون ويتمنى في الداخل إجازته قبل القراءة الأولى ذاتا
ويصدر بقرار أمبارح.
صدقني حكومتنا دي لو جدعت ليها مسوده حا تعملا قانون
بالليل دا وتربط تأشيرة الخروج بالزيجة الثانيه وزي
ناس شيقوق ديل يقولوا لأم عبدالله ، أها ، كان ما أخدنا
التانيه دي مافي عمان ولا قريقستان ، إني خيّرتك فاختاري.
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: محمد على طه الملك)
|
Quote: هذه هي أوامر الباب العالي في الإستانة بتركيا عندما كان هنالك خليفة للمسلمين.
عرفتوا ليه ناس حزب التحرير بطالبوا بالخلافة الإسلامية العثمانية. |
Cantona سلامات،
كلامك يا عزيزي يتفق مع مصدري من حيث نسبة القانون المزعوم إلى الباب العالي على
عصر العثمانيين ولكن هنالك عدد من التناقضات المتضمنة في القانون تجعل القارئ
العادي مثلي يشك في هذا النسب لذا تحفظت على صدقية الوثيقة if any ، على أية
حال مايهم في هذا المكتوب مافيه من مواد قابله للإلتهاب وتبنيها كتشريع من قِبَل
باب عال آخر، فارفع يدك معنا بالدعاء بألا يلتفت أسيادنا لهذا المكتوب وياخدو منو
نَقلَه.
تسلم
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: Ahmed al Qurashi)
|
يا جماعة سودانيز دي ادمانها كعب خلاص
مولانا الملك
عبد العزيز عيسى
ود القرشي
شايفكم وسامعكم بتقولوا في شنو لكن جونى ضيوف ما قدرت اعمل معاهم حاجة غير اسحب اللابتوبت وامشي انزوي بيهو في المطبخ سريع كدا واكتب ليكم الكلام دا .
مرتضى
وصلت المرحلة دي ولا صامد؟ انا غايتو لحقت امات طه
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: الطيب شيقوق)
|
| Quote: انت الحاجات بتجيبوها من وين؟ |
يا عبدالعزيز يا عزيز ، نحن الحاجات دي ما بنجيبا بجيبوها لينا في صمَّة خشمنا،
القانون المزعوم فيه سلبيات وإيجابيات وأنا قلت أعمل تحذير مبكر ما يشوفوهو
ناس المشروع الحضاري لأنو حايشيلو منه كلمة أناضول لتحل محلها ( مثنى وثلاث) ،
سيصبح عليك صباح وتجد أنهم زوجوك رغم أنفك بثانية وثالثة ، تقوم تستأنف تقول
ليهم يا اخوانا أنا أكملت نصفي الحلو زمان ، يقولوا ليك : مالو ، زوِّد، قالوا المؤمن حلوي.
وحينها سيتأثر قطاع كبير من البشر بأي تشريع يصدر في هذا الإتجاه.
الأتراك - إن صح نسبته إليهم - أسموه (قانون العفة) ، هسه المعارضين
يسموهو (قانون الخج الإجتماعي).
أعمل حسابك،
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: محمد المرتضى حامد)
|
يا صديقي المرتضي
| Quote: بس رأيك بيهمنا يا باش، ما تكلفِتنا وتمشي ساي. |
يبدو ان من نجر هذا "البيان الاناضولي" كان ممعنا في فكره الذكوري وانت كما تعرفني احاول ان اسبح عكس ذلك التيار مناصرة لبناتي وزوجتي وصديقاتي وهكذا فامر تعدد الزوجات وكتابة مثل هذه البيانات دون الرجوع الي المراة مشاركة فيه بحيث تحدد هي بعض بنوده وكل بند هي معنية بنه امر يجعلني خارج المنتقيين لبند او بنود منه وفقما يروق لهم ...
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: الطيب شيقوق)
|
المانجل
Quote: اشهدوا يا جماعة..
ود شيقوق شال عكازه وقعد خشم البوست ..
اهو خليناه ليك ارعى فيه
قلت لي من سن 14
المنك كان بكون معاه اربعة..
25 التانية 35 الثالته 45 الرابعة..
انت اقعد باري ود المرتضى لامن تعنس |
مكتوووووووووووووووووووووووب آآآآآآآآآآآ عيسي
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: الطيب شيقوق)
|
هذا المنشور مجرد خدعة اسفيرية فالقانون التركي كان يصدر باللغة التركية العثمانية وهي تختلف عن العربية وعن التركية الحالية التي تكتب بالحروف اللاتينية
اللغة التركية في عهد العثمانيين كانت تكتب بالحروف العربية وهي لغة بها كلمات فارسية وعربية وقام اتاتورك باخراج معظم الكلمات العربية والفارسية من اللغة التركية في عشرينات القرن العشربن
اللغة العربية المكتوب بها القانون المنتحل لغة حديثة هذا اذا افترضنا ان القانون التركي قد ترجم للعربية في الزمن الماضي
لكن الموضوع طريف ومسل
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: محمد على طه الملك)
|
Quote: Abubakr
ياود شيقوق انا قلت "مناصره لبناتي وزوجتي وصديقاتي " .. اها قضمتها مالك ..؟؟؟
نازك الطيبNazik Eltayeb
اللغة التركية في عهد العثمانيين كانت تكتب بالحروف العربية وهي لغة بها كلمات فارسية وعربية وقام اتاتورك باخراج معظم الكلمات العربية والفارسية من اللغة التركية في عشرينات القرن العشربن
|
أقطع دراعي يا أبا بكر لو ما المدام كانت واقفة وراك وشايلة المفراكة وإنت بتكتب في الكلام الكتبته دا.
يا ست نازك كان الباب العالي في الإستانة يخاطب العرب بلغة فصيحة كالتي كتب بها المنشور حتى لا يكون عدم معرفة اللغة العربية معضلة تسبب المشاكل لخليفة المسلمين. ولهذا كانت اللغةالراقية التي ورد بها الأمر العالي شبية بلغة اليوم.
أتاتورك حاول أن يأكل الكيكة ويحتفظ بها. بمعنى أنه أراد أن يكون زعيماً للعرب بحجة الإسلام وأوروبياً متفرنجاً. فلا طال بلح الشام ولا عنب اليمن. أستقلت الدول العربية من تركيا بعد إتفاقية يالطا المشهورة وصارت تركيا ذيلاً لأوروبا وفقدت العرب جملة وتفصيلا.
نتمنى أن يرجعها اردوغان مرة ثانية.
(العوج راي والعديل راي)
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: الطيب شيقوق)
|
يا داليا ،
ما عارف ليه من شرَّع القانون المزعوم دا بيفترض ، دائما ، إنو قرار الزواج من عدمه
بيد الرجل كأمر مسلم به أو كشئ بدهي تلقائي يمكنه ممارسته متى شاء أو يمتنع متى شاء !!
أرى أنه كان يجب أن يشمل النص الآمر المرأة أيضا ، لتكون مخاطَبة بالمادة (4) ومن ثم
6 ، 9 ، 10 ، 12 ، 13 وهي مواد تتسع شرعا لأن تجري على المرأة ، فكثير من النساء
يمتنعن عن الزواج أو يؤجلنه عامدات ، تغيانات كدا لوجه الله أو زهدا في الزواج من الشايفاتنو
من جر الشوك في جلد بعض أخواتهن ، أي والله ، وتفريعا على هذا كان ينبغي على المشرع
تدارك هذا التغى وتلك التَقَله بإرغامهن على الزواج في حالة تخطيهن ال 25 بموجب نص
صريح درءا لسالفة الشواكيش وحقنا لهدر العواطف ونزف المشاعر ومنعا للتطنيش ، أعرف
الكثيرات منهن يرفضن كل صباح خطيب ويغالين في المواصفات المطلوبة ويرفعن سقفها على
الرغم من أنه لايوجد في الواقع رجل بتلك المواصفات المتوهمة كتوهم إجراء إنتخابات
نزيهة في السودان.
قلتي لي إنك مع الماده (7) ؟
الكلام دا بتابيهو بعد بضعة سنين ، بس زي ما قال الشاعر الإكوادوري الخجاج بن أليخاندرو:
الفي البر عوام ... والفي الخلا نضام وضهرا ما ضهرك حُكُّو بالسلك الشائك.
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: khaleel)
|
Quote: حكومتنا إنشاء الله تشوف العما
قول آمين آلحبيب |
حبيبنا وحبيب ونوره،
من زمن لم أسمع هذا الدعاء ،
عندما كنا صغارا في السن كنت أسمع هذا الدعاء ولا أفهمه
بذات القدر الذي كنت أندهش لمقولة ( إتق شر من أحسنت إليه)
مكتوبة بخط مزخرف مؤطرة ومعلقة على الجدر في البيوت ، لأنه
كان في مخيلتنا أن من أحسنت إليه يستحيل أن يأتيك منه شر
كما أن العمى ما بتشاف ، أها بعد أن تقدمت بنا السن والضرس
عرفنا المعنى.
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: khaleel)
|
المرتضي والزملاء
اسمحوا لي ان (اتفسح) هنا علي اكثر من راحتي .. فهذا القانون لن ينطبق عليّ لا من جهة التمنطاشر ولا من جهة الخمسين..
ولو تبنته حكومتنا الرشيدة فانا في حمي المسكوت عنه ولن يتجرأ عليّ احد ويجرجرني الي زيجة ثانية تكشف المستور او الي
اداء للبنك الزراعي الذي لا احبه او الي رعاية اطفال عندي مثلهم من امحضهم من الاثرة ما يجعلني انسي نفسي ..
فاذا سلمنا من حدود هذا القانون فانه سيفرحنا ان تتبناه الدولة لتتيح لنا فرصة الشماتة علي جماعة لدينا اذا لمحّت لهم عن هذا
الامر ردوك بفظاظة لا تناسب قول الله "فلا تقل لهما أف ولا تنهرهما" .. فقال لك قائل منهم (العايز يخسرني يقول لي عرّس)
ويقول لك الاخر (الناس في شنو والحسانية في شنو) ..
قال الحبيب المصطفي " من استطاع منكم الباءة فليتزوج" ولم يقل : من لم يتزوج منكم قبل الاربعين فانه ليس مني - مثلا
وخليفة المسلمين في الاستانة ليس افضل علما ولا فهما من الرسول الاعظم .. ولكنه في تقديري واجه من المشاكل الاجتماعية
من دعارة وانفلات ما يبرر ابتداع قانون من طبيعة البشر يمنع الشر ويمكن تطبيقه من خلال مالا يمكن اخفاؤه .. يا ابيض يا لسود..
الصين سنت قانونا عكسيا وطبق بفعالية وهو قانون تحديد النسل (فمن زاد عن الحد يتم إخصاؤه) ..
يبقي اتزوج مين .. ما دام الامر بالقانون هل اتزوج اي واحدة ام اتطلع الي شكيرة او لبني عبد العزيز (علي ايامنا) ... لا يقولن
لي احدكم كلما انبت الزمان قناة ركب المرء في القناة سنانا .. فالقوانين تولد ومعها مبررات مخالفتها ..
ولا اريد ان اذهب الي افتراضات ان الامر مدسوس علي الباب العالي وانه موقع من اتاتورك عدو الفضيلة .. ولا الي انه امر
حقيقي .. فبابي العالي الشخصي مشغول (اشد المشغولية) بعزوف الشباب عن الزواج .. فلو ان في مثل هذا الامر مخرج فمرحبا
به وبتبنيه من قبل حكومتنا لعله يشفع لها عند ربها ويشغل قطاعا واسعا من الامة بالمخارجة عن مخالفة القانون .. ويلهيهم عن
الاستفتاء وقسمة الثروة وكورة امبارح ..
وانا والحمد لله برّه ..
عمر علي حسن
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: محمد عبد الماجد الصايم)
|
Quote:
عبد العزيز ود عيسي
انت طبعا عريس جديد لنج ما بتقرا كلامي البكتبو هسع - قلت ااجل رسالتي لحدي تفتح !!!! الصباح
|
شيقا
سلامات
الزول لما يكون سكندهاند ما بيشوف الحنة.. تقول لي لسه عريس!!!
ورقات ودالمرتضى زي الكابوس.. لكن ربنا ستر.. وريقة منكوتة من التاريخ المزور حسب تحليلات الجندرة..
يا مسنوح عارفك متمرد وخارج على عرف ولوائح البرادنة.. إلا وكنت مدبس في التالتة الحين..
تحياتي
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: Abdlaziz Eisa)
|
Quote: يا عبدالعزيز يا عزيز ، نحن الحاجات دي ما بنجيبا بجيبوها لينا في صمَّة خشمنا،
القانون المزعوم فيه سلبيات وإيجابيات وأنا قلت أعمل تحذير مبكر ما يشوفوهو
ناس المشروع الحضاري لأنو حايشيلو منه كلمة أناضول لتحل محلها ( مثنى وثلاث) ،
سيصبح عليك صباح وتجد أنهم زوجوك رغم أنفك بثانية وثالثة ، تقوم تستأنف تقول
ليهم يا اخوانا أنا أكملت نصفي الحلو زمان ، يقولوا ليك : مالو ، زوِّد، قالوا المؤمن حلوي.
وحينها سيتأثر قطاع كبير من البشر بأي تشريع يصدر في هذا الإتجاه.
الأتراك - إن صح نسبته إليهم - أسموه (قانون العفة) ، هسه المعارضين
يسموهو (قانون الخج الإجتماعي).
أعمل حسابك، |
العزيز محمد المرتضى
سلام
بيني وبينك القانون ناس الحكومة شغالين على المستوى الخاص أو الفوق فوق.. مع قصص زوجة الشهيد..
والنص ده محدود حسب جمال الأرملة وشبابها يتم تلبيس القميص..
حكاية كملت نصف الدين زمان ما بتنفع مع قانون تغطية القدح الهاربين منو ناس البطانة!!
لكن لو اعطوا الزول مهلة ليقرر يكون القانون ده متماشي مع كثيرين..
قانون الخج الإحتماعي دي بالغت فيها.. شئ لقطة!! ونعمل حسابها
المستشار يقول ليك جوني ضيوف وشلت اللاتوب انزويت بيهو في المطبخ.. هو أصلا الحلة البداها من قطيع البصل نسى يحركها لحد ما شاف المفراك على راسه.. دي ما بتفوت علينا سيادتك!!
تحياتي
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: محمد المرتضى حامد)
|
| Quote: إن شاء الله حكومتنا ما تشوف الكلام دا.. |
سلام يامولانا
عندى احساس حكومتنا عارفة وبتقول ان شاء الله مواطنينا مايشوفوا الكلام دا..
ياخى هسع جماعة قرفناقادين راسم بعد شوية تتطلع ليهم جماعة نشفناأو (س)..
أو الذين يحملون الشنو كدا على أسنة الرماح ( انت قيلنا اتراك ول شنو)..
خارج النص:
انا بالمناسبة متابعك عن كثب وشايفك بتحاول تصرفنا عن القضايا المصيرية والنضال الحقيقى..
أوعى تطلع غواصة كمان!
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: Balla Musa)
|
عزو
Quote: الزول لما يكون سكندهاند ما بيشوف الحنة.. تقول لي لسه عريس!!!
ورقات ودالمرتضى زي الكابوس.. لكن ربنا ستر.. وريقة منكوتة من التاريخ المزور حسب تحليلات الجندرة..
يا مسنوح عارفك متمرد وخارج على عرف ولوائح البرادنة.. إلا وكنت مدبس في التالتة الحين.. |
المسنوح ات مسكين وما عارف حاجة
اخوك مكوجن جنس كوجنة ام عبد الله تخصصت كتابات وبتعرف دروب الفقراء زى الشايلة ليها GPS
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: الطيب شيقوق)
|
| Quote: يا ست نازك كان الباب العالي في الإستانة يخاطب العرب بلغة فصيحة كالتي كتب بها المنشور حتى لا يكون عدم معرفة اللغة العربية معضلة تسبب المشاكل لخليفة المسلمين. ولهذا كانت اللغةالراقية التي ورد بها الأمر العالي شبية بلغة اليوم. |
الاخ العزيز كباشي الصافي(cantona_1)
شكلك كدا داير القانون دا يكون حقيقي
اها نقول ليك شنو
العوج راي و العوج راي (عفوا... لايوجد خطأ في المثل) (وش زولة غتيتة)
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: Nazik Eltayeb)
|
Quote: فلو ان في مثل هذا الامر مخرج فمرحبا
به وبتبنيه من قبل حكومتنا لعله يشفع لها عند ربها ويشغل قطاعا واسعا من الامة
بالمخارجة عن مخالفة القانون .. ويلهيهم عن الاستفتاء وقسمة الثروة وكورة امبارح ..
وانا والحمد لله برّه ..
عمر علي حسن |
سعادتك،
والله ، و ما طالبني حليفه، كنت داير أقتبس مداخلتك كلها لأنها كفَّت ووفَّت كعهدنا بك،
كنت أود التعليق على كل فقرة على حدة ، مقولة عدم تجرؤك على التفكير في زيجة أخرى
تكشف المستور ذكرتني الطرفة القديمة التي قال فيها الأسد للثعلب ( ما تخاف ، كلنا موظفين) ،
عرضت القانون المزعوم في محاولة لاستمزاج من يهمهم الأمر ومعرفة ما سيكون عليه الحال لو
أن حكومتنا الجميلة التي لم يخلق مثلها في البلاد شافت النص وقالت على طريقة أرخميدس
وجدتها وجدتها ، حينها لن تقم بالمضاهاة التي وردت في مداخلتك بين أهداف الباب العالي
وقرارات الحكومة الصينية لأنو ناس حكومتنا بيقطعوا بعدين بيحسبو، وسيشرعوا القانون مستهدفين
(مصالحهم) أولا ثم إن بقي شئ فلأمثالنا حتى لو صادف هوى من جانب بعضنا ، في واحد قال لي القصه
دي لو بقت إلزامية قائمتي جاهزه وأنا داخل الخمسين وبابي العالي حا أجُرُّو خمسين، إحمد ربك إنو
بابك العالي مشغول بقضية وطنية إجتماعيه لاتقل عن تخصيب اليورانيوم في بوشهر وهي عزوف الشباب
عن الزواج ، لكن يبدو أن لكل منا بابه العالي جدا ، سُنُط ساي ، سُنُط أطرَش ،عشان كدا خلينا
في كورة أمبارح لأنه لامجال للتمني في جزئيتي السلطة والثروة.
الله يغيز الباب العالي والبنك الزراعي.
ودفع الله.
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: الطيب شيقوق)
|
Quote: Quote: | Quote: إن شاء الله حكومتنا ما تشوف الكلام دا.. |
يعني أشيل اللابتوب أختو قداما عشان
تقرا القوانين دي ولّ نتصرف كيف في الموضوع دا؟ |
مسا الخير يا Messi
أنا أشحد في الله حكومتنا ما تشوف الكلام دا ..
تقوم تقول لي أودي ليهم اللابتوب واللاب تكنشن؟
عايز تخرب بيوت المغتربين يعني؟
قلت ليك الناس ديل جاهزين.
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: محمد المرتضى حامد)
|
| Quote: عندى احساس حكومتنا عارفة وبتقول ان شاء الله مواطنينا مايشوفوا الكلام دا.. |
بالعكس يا د. بله، الناس ديل القانون دا بيناسبهم جدا ، الناس ديل قالوا عايزين
أي راجل يعرس البقدر عليهو ، وكثير منهم قام بتنفيذ مثنى وثلاث ورباع ، واحد ظريف
قال الناس ديل إنتظرناهم يعملوا تعدديه سياسيه عملوها تعدديه زوجيه. بعدين يا سيدي
لما الموضوع يبقى قانون ناس نشفنا بولعوا يوم يومين واليوم التالت هم زاتم تلقاهم
إستانه وباب عالي وشباك خفيض ، ياخ أرخي صوتك يا بله، إنت بعيد واتحليت وناس كتار
جوّه هسه رافعين يدينم ويقولوا يحلّنا الحلَ بله.
Quote: خارج النص:
انا بالمناسبة متابعك عن كثب وشايفك بتحاول تصرفنا عن القضايا المصيرية والنضال الحقيقى..
أوعى تطلع غواصة كمان! |
خارج القزازه:
والله يا بله معاك حق ، مفروض الزول يخلي الإنصرافيات دي و ينخرط في سلك النضال الحقيقي والقضايا
المصيريه على الأقل أقدر أنفي عن نفسي إني غواصه أو قرنتيه روسيه.
شايف الزمن ودّانا وين يا عمرو؟
قلت لي عن (كثب) ؟
تتجازى.
| |
|
|
|
|
|
|
|
|
 Re: إن شاء الله حكومتنا ما تشوف الكلام دا.. (Re: Tumadir)
|
يعني اي راجل اناضولي ما اتزوج لغاية سن 25 - عملها كلها حبُكانات و غراميات و شواكيش- يقلعو ربع قروشو و يشيلو وظيفتو و يُمنع من الانتخاب !
و..
لو اتزوج و وصل سن ال 50 - و قامت عليهو ازمة منتصف العمر و قام يقابض من طرف- يجبروهو يعرس تاني..او يجبروهو يربي ايتام و فقراء...
امممممممممممممممم...
يحيا العدل..يحيا العدل !
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: الطيب شيقوق)
|
| Quote: سجمى يا محمد المرتضى داير تبقى لينا أتاتوركى/ اناضولى ولا شنو؟؟ |
عزيزتنا تماضر بت الناظر،
والله يا تماضر أسلوب طرح السؤال أعادني زمنا إلى الوراء ، إلى الزمن الأخضر الجميل ،
فكأن التي طرحته هي الخالة العظيمة الراحلة عائشة زياده عليها الرحمة، فقد كانت بسخريتها
المعروفة تستهل تعجبها ، أو استنكارها (وهي تحكي البرق مبتسمة ) بعبارة ( سجمي يا فلان) .
أنت أعلم يا تماضر أنو أتاتورك ما أظنو يطرح زي المشروع دا لأنه يتناقض مع خطه العلماني
رأسيا وأفقيا ، هو زاتو قالوا كان جنو وجن العرس ، لكن الأناضوليين الذين سبقوه ممن تنسب
إليهم الوثيقة المزعومة ممكن يعملوها ، ناس الباب العالي والمؤمن حلوي ويا شيخنا ديل القصه
دي بتشبهم إلى حد كبير ، يعني ناسنا لو صادفوا الوثيقه دي ممكن ينجروا قانون بالليل والصباح هاك
يا زواج جماعي في جهاز المغتربين وترفق القسيمة مع استمارة الضريبه وإيصال الزكاة والتأشيره تقدم وتبرا.
طبعا القانون المزعوم دا سلاح ذو تلاته حدود لكن انا زاتي ، مؤخرا ، أدركت غلطتي بعرضه، بس مطمئن من جانب
صاحبتك لأنها أكيد ما بتمر من هنا.
الليل ليل العديل والزين،
حرماُ..
جعفراً
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: الطيب شيقوق)
|
يا الطيب، كنت عايز أرسل ليك في المسنجر أسألك عن المعنى وأجي أجاوب عليك
عشان يقولوا شفت ومقدِّدا وما بتفوت عليهو حاجه في نورث أمريكا ولا الدندر
لكن إنت زول ما مضمون ، زي حكومتنا دي ، تأشر يمين وتلف شمال ، تصدِّر الجاز
وترفع تمنو ، تحضن خليل وتقبض كيكي، أها ، ما عرفتو قوني دا منو ول شنو؟
حذاري تقول لي عِرِق محبه أناضولي؟
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: محمد أبوالعزائم أبوالريش)
|
Quote: يعني اي راجل اناضولي ما اتزوج لغاية سن 25 - عملها كلها حبُكانات و غراميات و شواكيش- يقلعو ربع قروشو
و يشيلو وظيفتو و يُمنع من الانتخاب ! |
Quote: و..
لو اتزوج و وصل سن ال 50 - و قامت عليهو ازمة منتصف العمر و قام يقابض من طرف- يجبروهو يعرس تاني..
او يجبروهو يربي ايتام و فقراء...
امممممممممممممممم...
يحيا العدل..يحيا العدل ! |
والله غريبه الجنس اللطيف يرى في المادتين عدل، يعني إذا افترضنا أن إجبار الرجال على الزواج
قبل سن ال 25 يخدم أجندة بعضهن فكيف يتفق إلزام ناس الخمسين المتزوجين (البقابضو من طرف ) حسب
كلامك بالزواج ؟
يا ممكونه ، مايسمى بال mid age crisis أو ال midlife crisis دا ليس قصرا على الرجال بل تمر
به بعض النساء أيضا لكن ما يهم هنا إنو المتزوجات لايرضيهن إجبار الرجل على زيجة ثانية ولا إجباره
على تربية أيتام وفقراء ، بينما غير المتزوجات الراغبات في الزواج سيبقين داعمات للمادتين
(1) و (2) وخلاص شطبنا، وبرضو إنشالله ناس الحكومة لا يسمعو ولا يشوفو.
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: محمد أبوالعزائم أبوالريش)
|
| Quote: أها ... وديل منو يا مرتضى؟ الهيئة التشريعية؟ |
يا محمد ،الصحاف قروب التي ظهر اسمها على الورقه (ولا أقول الوثيقة) ربما يكون من المنتديات
التي تعاملت مع الورقة وهناك عدة نسخ لاتحمل أثر ذلك القروب، وكما أسلفت ، يهمنا المضمون
غض النظر عن أصالة وصحة نسب الورقة. إنت خليني من شغل المختبر االجنائي ، حدد موقفك.
زي ما قال الفنان الواعد ( يا أبطناً غريقه وريني الحقيقه).
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: محمد المرتضى حامد)
|
المشكلة يامرتضي ان عدد الرجال لن يكفي .. لذلك فاني اقترح رفع السن وادخال شريحة ممن هم فوق الخمسين ..
وفي هذه الحالة بالذات فانني اضمن لك تسريب نسخة (واحدة علي الاقل) الي الجهات المعنية باقامة الدين وحراسة
الفضيلة .. خصوصا وانها حتي الان عاملة اضان الحامل طرشاء .. مع انه علاقاتها مع تركيا تجعل صدور الامر
من اتاتورك او الباب العالي لايهم ..
بالمناسبة من الذي اصدر امر رعاية اسر الشهداء .. فقط من باب العلم بالشيء .. وليس عندي اي اعتراض ..
عمر علي حسن
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: عمر علي حسن)
|
Quote: ياخ خليك واضح وصريح ... إنت عايز منو (ما) يشوف الكلام ده؟
حكومة المليون ميل؟ والاّ حكومة كل واحد في بيتو؟ |
حيبنا أبوالعزائم،
أعيد لك ما قاله دريد لحام في (شقائق النعمان) : تظبظب.
أنا قاصد حكومة البوسنه ،
يا عكرمه،
الله يغيزك يا دفع الله.
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: محمد أبوالعزائم أبوالريش)
|
المستشار اليوم قام نوا
لناس جنوب يعمل لو لوا
اه واه نعيش سوا سوا
ده غنا ايام زمان \\\
زي وثيقة الاناضول زمان
يعني زواج صغار
يا صاحبي تعرف عندي زول ساكن معاي
قال لي محتجا ضد كتابتي لتحريم زواج الطفله ايه
قال لي اي واحدة تستحمل الوطء ممكن تتزوجها
ضحكت كثيرا
اخرين في ولاية بالقرب مني
استنكرا حديث رضاعة الكبير المسنود من البخاري ومسلم وهما الصحيحان
قالا لي والله لو بقت ايه ما بنعمل بيها
يعني اخر النهاية داير تطلع لينا دينا بيدعو لقلة الادب ؟؟؟
عرفت ان بيني وبينك محبة الشهيد المقيم في القلوب اكرم
فانا حضرت زواجه من قريبته اللي هي صديقتنا مها علي رجب تلك الانسانه
والقاسم الاكبر في المعرفة والمحبة ومن علمنا المشي بمهابة هو
حسن حسين حمد بيتو ومكتبو وقلبو كانت ميادين لنا للمعرفة والفهم
عموما احب اصحاب اصحابي جدا جدا
لك الحب والسلام
انا معاك لو جبت اتفاقية البقط برضو يكون كويس
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: Sabri Elshareef)
|
Quote: يا الطيب، كنت عايز أرسل ليك في المسنجر أسألك عن المعنى وأجي أجاوب عليك
عشان يقولوا شفت ومقدِّدا وما بتفوت عليهو حاجه في نورث أمريكا ولا الدندر
لكن إنت زول ما مضمون ، زي حكومتنا دي ، تأشر يمين وتلف شمال ، تصدِّر الجاز
وترفع تمنو ، تحضن خليل وتقبض كيكي، أها ، ما عرفتو قوني دا منو ول شنو؟ |
ههههههها دا يا مرتضى فكي عندنا مشهور - عند المغربية نجد بيتو زي عيادة طبيب النساء والتوليد
الزائرة لا تسمح بان يرافقها زوجها او اى من ذويه
| Quote: حذاري تقول لي عِرِق محبه أناضولي؟ |
لا كأس محاية يخليك تحى بركبيك
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: mamkouna)
|
نازك بت الطيب
| Quote: امرق من البوست العاجبك دا خلاص كفاك |
البوست دا لملم الجندر الاسفيري كلو كدا ليش ؟
ما تخافي لو محتاجة لاي وصفة محائية اتصلي بأم عبد الله توريك فكي يخلي موبايل زولك ذاتو ما بستقبل واحدة غيرك حتى امو الولدتو ذاتها .
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: الطيب شيقوق)
|
| Quote: قوني دا بتاع كاكوم !!؟؟؟ |
يااااااااااااهو ذاتووووووووو يا ممكونة يطول عمرك
.........
| Quote: ما عندو أكاونت ع الفيس-بووك ؟؟؟؟ |
اكاونت وبس؟ دا عمل updating لكل الوصفات القديمة لتواكب التطور التقني يعني بالوصفات الجديدة يمكنه حرمان الزوج من الاتي:
اولا : يمنع قبول اى دعوة من اى واحدة غيرك تطالب ضمها على الياهو او الجي ميل والاوفو والاسكايبي والهوتميل
ثانيا : تعتيم الكاميرا في حالات الفديو كونفرنس
وعييييييييييييييك جنس applications و solutions تجنن
المرتضى
مهم جدا جدا
بلقى جهاز في المولات دي يمكن يشحن الموبايل في الخلاء؟
اخوك نازل السودان وطالع من العاصمة لبلد طيرو عجمي
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: الطيب شيقوق)
|
Quote: المشكلة يامرتضي ان عدد الرجال لن يكفي .. لذلك فاني اقترح رفع السن وادخال شريحة ممن هم فوق الخمسين ..
وفي هذه الحالة بالذات فانني اضمن لك تسريب نسخة (واحدة علي الاقل) الي الجهات المعنية باقامة الدين وحراسة
الفضيلة .. خصوصا وانها حتي الان عاملة اضان الحامل طرشاء .. مع انه علاقاتها مع تركيا تجعل صدور الامر
من اتاتورك او الباب العالي لايهم ..
بالمناسبة من الذي اصدر امر رعاية اسر الشهداء .. فقط من باب العلم بالشيء .. وليس عندي اي اعتراض ..
عمر علي حسن |
يا سعادتك ، قيل لنا أن هناك ( فايض) في الجنس اللطيف ومن ثم يجب فتح الباب على مصراعيه
لمن يرغب من الرجال في مسألة مثنى وثلاث غض النظر عن الأسباب الشرعية أو غيرها ، بالطبع
لايمكننا مغالطة الأناضوليين في حملتهم العثمانية التعددية تلك ، أما الجزئية الخاصة
برفع السن ليخاطب المشروع ممن هم فوق الخمسين فسيتحول الخج الإجتماعي إلى فوضى لا
قبل للباب العالي بنتائجها، طبعا الأخير شال الكوته بتاعتو زماااان.
بصراحة لا أعرف أي من أسر (الشهداء) صدر أمر برعايتهم ، السودان كله شهداء يا
أبا أمير فمن لم يمت بالسيف مات بغيره.
تسلم
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: محمد المرتضى حامد)
|
يعني بس عايزين تمرقونا (باطه) من المولد دا .. منو القال ليكم شلنا حقنا في الكوتة زمان ..
ومن الذي قال انه كانت هنك كوتة اصلا .. ياخي نحن ارهبونا (صغارا) بقصة السيدة التي
تناولت زوجها بالماسورة فاردته قتيلا لانه تزوج عليها .. ومن ديك وعيييييييييييييك كل فارا
لبد في جحره ..
تستثنونا والله نسرب .. وإياكم يغريكم قرار المفوضية بعدم استثناء د. كمال شداد ..
عمر علي حسن
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: عمر علي حسن)
|
Quote: المستشار اليوم قام نوا
لناس جنوب يعمل لو لوا
اه واه نعيش سوا سوا
ده غنا ايام زمان \\\
زي وثيقة الاناضول زمان
يعني زواج صغار
يا صاحبي تعرف عندي زول ساكن معاي
قال لي محتجا ضد كتابتي لتحريم زواج الطفله ايه
قال لي اي واحدة تستحمل الوطء ممكن تتزوجها
ضحكت كثيرا
اخرين في ولاية بالقرب مني
استنكرا حديث رضاعة الكبير المسنود من البخاري ومسلم وهما الصحيحان
قالا لي والله لو بقت ايه ما بنعمل بيها
يعني اخر النهاية داير تطلع لينا دينا بيدعو لقلة الادب ؟؟؟
عرفت ان بيني وبينك محبة الشهيد المقيم في القلوب اكرم
فانا حضرت زواجه من قريبته اللي هي صديقتنا مها علي رجب تلك الانسانه
والقاسم الاكبر في المعرفة والمحبة ومن علمنا المشي بمهابة هو
حسن حسين حمد بيتو ومكتبو وقلبو كانت ميادين لنا للمعرفة والفهم
عموما احب اصحاب اصحابي جدا جدا
لك الحب والسلام
انا معاك لو جبت اتفاقية البقط برضو يكون كويس |
صبري الشريف سلام،
1- سيبقى الجنوب في القلب وانفصاله الآتي لامحالة يمثل هزيمة ساحقة حد الفضيحة لجيلنا
ولا أستثني في ذلك سياسيا شماليا أو جنوبيا ، يحزنني أن يتحد الأقوياء ويتشظى ويتجزأ الضعفاء،
نحن لانقرأ التاريخ ولا نتعلم ، صدقني ولّى زمن حروب الأهل وعصر الصراع الأيديولوجي فالصراع
اليوم بحت تكنولوجي والبقاء للأقوى، سيعي أهلنا ماجنت أياديهم بعد أن يعرفوا أنهم قطّعوا
أوردتهم وبعد أن تسحقهم الكارتلات والكونسورتيومز الماحقة وهم بعد يتجادلون ويتخاصمون
ويحتربون على الفارغه والمقدوده، ياخ معقول بدل ما تكون قدوتنا المانيا الشرقية تكون قبلتنا
تيمور الشرقية؟
2- زواج الصغيرة يا صبري أمر نسبي ، الصغيرة في بوادينا غير الصغيرة في سانتا باربارا أو سيراليون،
إنت قلت كم سنه؟ هناك نساءا بلغن سن الياس ونلن من التعليم درجات رفيعة ولايعرفن معنى مؤسسة الزواج
ويعتقدن أنها مضمار سباق أو منافسة مفتوحة وهذا موضوع طويل أتمنى لو يعاد تقييمه بمهله وطولة بال
بعيدا عن التنميط والتشنج ، في ذات الوقت ، تجد رجالا بلغوا من العمر عتيا وهم لايعرفون لماذا
تزوجوا . وبمناسبه الزواج ، عندي ليك لوم مؤجل من زمان ، سمعتو ولا جابو ليك ؟ ليه ما جيتنا
مع طارق ولؤي وكنا نمني النفس بأن تنظرنا الملائكه السايره معاك وقتها؟
3- رضاعة الكبير ؟ بالله يا صبري انتهت كل بلاوينا ولم يعد لنا هم سوى صدور زميلات العمل؟
صدقني مره لقيت موضوع زي دا في برنامج لواحده إسمها هاله سرحان واستضافت أحد الملتحين الذي
أفتى لها بأن تُرضع سائقها الخاص ، شايف كيف، لم أتابع ما كتب بهذا الشأن مرة أخرى لأن الأمر
- في ظني - عبث لا أكثر ويسئ إلى من يتناوله بجدية ايما إساءة.
4- الشهيد أكرم الفاتح يوسف دفع الله كان أخي وصديقي أتوكأ عليه وأهش به على خاطري ورأيت
فيه (بقايا العمر وأوهامي)، لكن شاء عمر البشير ومن معه أن يغتالوه في رمضان بمعية نفر
كرام من رفاقه وتركوا في قلبي حسرة على شاب مثقف ومهذب وطيار حريف ومحب للأدب والفن وعاشق
من طراز فريد ومحاور ألمعي إبن أسرة تركت بصماتها في تاريخ السودان التعليمي ، تربى على يد
أمه السيده الفضلى والمربيه الجليله نفيسه المليك ووالده الرجل المثقف الفاتح يوسف دفع الله
ولم أعرف عنه سوى الإنضباط والإبتعاد عن كل ما يشين أو يغضب ربه أو أهله أو وطنه، أكرم الأخضر ،
يا صبري ، لايشبه زمن الكوليرا هذا ، هو عند ربه في جنة الفردوس بإذنه تعالى لأنه لم يسرق ولم يقتل
ولم يرتكب الكبائر التي يتمرغ فيها التتار وأنا حزين لأني أفتقده فقد إدخرته لما سيأتي من ايام وكأني
كنت أحس أنه لن يبقى وسيتركنا نعيش ليالي كوالح مسهدات من بعده نحتسي الأسى ونلوك الفجيعة.
ربنا يجعل البركة في أكرم الصغير الذي أتى إلى الدنيا ولم يجد أبا لكن الله أرحم به حتى من أبيه، ثق
إن الله الذي سمى نفسه العدل لن يظلم حيا أو ميتا، سينصر الضعيف والمظلوم من الأحياء والأموات ولو بعد حين،
التحية لأختي مها علي رجب الصابرة المحتسبة وأتمنى على المولى أن يجمعني في مستقر رحمته بأحبابنا ممن تركونا
بعدهم في غيابة الجب نلعق دموع الملح لاندري هل أطلّنا سقف أم أظلّتنا السماء.
شكرا يا صبري وربنا يحفظك ومن تحب.
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: الطيب شيقوق)
|
Quote: ومن الذي قال انه كانت هنك كوتة اصلا .. ياخي نحن ارهبونا (صغارا) بقصة السيدة التي
تناولت زوجها بالماسورة فاردته قتيلا لانه تزوج عليها .. ومن ديك وعيييييييييييييك كل فارا
لبد في جحره .. |
يا سعادتك ، تشريع قانون أناضولي سيكون ضمن مبرراته تفادي (المواسير) و ( أكياس البلاستك)
، كما هو الحال في مصر، لأن الزوجات حين يعلمن إلزامية الزيجة الثانية لمن هم فوق الخمسين
سيأخذن الأمر على أن الزوج مرغما لا بطل ولابتاع مقابضه أو يعاني الميدلايف كرايسس القالت
عليها ممكونة ، وعِوضا عن أن تفقده بالسجن والغرامة ونقص الأهلية فإنها ستقبل مكرهة وعلى
مضض بالضُرَة.
بيني بينك ديل ما بيعترفوا بقانون ولا دستور ولا باب عالي ولا سِقاله..
_
بالله يا سعادتك (الماسوره) أرهبتكم؟
هسه قالوا السودان مليان مواسير،
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: محمد المرتضى حامد)
|
Quote
بيني بينك ديل ما بيعترفوا بقانون ولا دستور ولا باب عالي ولا سِقاله..
بالله يا سعادتك (الماسوره) أرهبتكم؟
هسه قالوا السودان مليان مواسير،
Unquote
يعني نمشي الفيفا .............
السودان كلة بقي مواسير .. حتي دارفور الما فيها موية فيها سوق مواسير ..
اظننا مارقين من قد القفة ..
ارجعوا لدينكم .. من استطاع منكم الباءة فليتزوج .. وبرضه خلوا بالكم من
كباركم ..
ختاما مسئولين من الخير .. الحريم وين ؟
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: الطيب شيقوق)
|
الطيب
صاحبك كشّانا بي صمّتنا .. وحتي الفيفا ما خوفته ..
لعلمك وعلمه .. انا بدون سند قانوني لا استطيع ان اقول بم .. لكن لو الباب العالي
(حتي لو كان القاعد في الخرطوم) قال لااااااااااااااااااااااازم .. حنحاول ما نكسفو ..
ونلتزم ب(ضرورات القانون) ونقول للحاجة ( اوامر عاد) .. يمكن ربنا يهديها ..
بعدين جماعتك البطلّعوا فيها مضروبة .. انا ما قلت ليهم عايز ارجعها للسلطان
عبد الحميد ولا لاتاتورك ، انا عاوز اوديها هنا قريب بي جاي وعارفها بتمرق
كيف من اولاد دفعتي الما دخلوهم في موضوع (اسر الشهداء)
علي اي حال قول ليهم حتلقوه كله قدام .. والشباب مادائم ..
انت كمان ما تبقي زيهم واتوسط لي خالك .. واسطة تكبرك انشاء الله .
عمر علي حسن
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: mamkouna)
|
| Quote: الحاضر يحذّر الغايب.. |
يا ممكونه كلامك دا مرفوض لأنو فيهو تهديد مبطّن والرابط اللي
جبتيهو فيهو تهديد صريح بالقتل ، قايلانا ما بنفهم قصدك؟
البتسوي فيهو دا مخالف لنص الماده (17) من لائحة المنبر،
انا ما عارف بكري دا نايم وين ،
يا اخوانا صحَّوا الرئيس ، دا زملاتنا بتندبح،
اللهم احفظ الممكونين جميعهم من كل شر يتربص بهم.
-
اللهم لانسألك رد المواسير ولكن نسألك تسغير قطرها.
| |
|
|
|
|
|
|
|
|
|
Re: إن شاء الله حكومتنا ما تشوف الكلام دا.. (Re: الطيب شيقوق)
|
يبدو ان المرتضي خائف من نفس الزول الذي اخافه واتحامي بالقانون منه ..
الان وقد ظهرت في الافق من عندها باس من قوة وعتاد ودخلت الاستاذة ممكونه الي
ساحة الوغي فإن هروب امثالي يعد حكمة بالغة .. خصوصا وان (مكتومتنا) واقفة
Against all flags مما نزل البوست دة وهي تعرف لمن توجه ضربتها .. لذلك طالبنا
بتفصيل مادة ملزمة .. نتعذر بها .. لكن ضيعتونا وضعنا معاكم ..
أها .. فك يافكيييييييييييييييييييك ..
عمر علي حسن
| |
|
|
|
|
|
|
| |
محمد المرتضى حامد
Ahmed al Qurashi
الطيب شيقوق
محمد على طه الملك
cantona_1
abubakr
Abdlaziz Eisa
داليا الكباشى
د.محمد حسن
Nazik Eltayeb
حبيب نورة
khaleel
محمد عبد الماجد الصايم
Balla Musa
Tumadir
mamkouna
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست