|
|
 كلام بنات...
|
كلام بنات علي وزن غني بنات.
هو كلام تقوله البنات يسمعه الناس اصحاب العلاقات الطيبة والخاصة بهم.
هذا البوست والله العليم لا يستهدف اي محاكمة اخلاقية أو فكرية او خلافه،فقط امتعُ جداً بالجمل التي يسمعها الانسان كثيراًبنفس الطريقة في نفس المواقف دون اهتمام بفكرة ان العالم مادة وحركة  ، الا ان تصاريف البنات مُتشابهة
بلُطف عندينا.
كلام بنات:-
خليني أفكر ،
بحبك موت،
مرقت مع أُمي ،
لازم تخلي السكر ياأحمد،
أنت أول زول أعمل معاهو كدة،
ماكنت قايلاك كدة،
خطبوني ،
ماعندي رصيد.
|
|
 
|
|
|
|
|
|
|
|
Re: كلام بنات... (Re: Ibrahim Algrefwi)
|
الاخ ابراهيم
السلام عليكم ورحمة الله
يا حليل البنات ودلع البنات البنت الان مهمومة بالتحصيل العلمى والجرى لايجاد وظيفة
وفى بنات اليوم متحملات مسؤلية بيوت. وكتيييير كلام البنات لكن منو البسمعوا؟؟؟؟؟؟
تخريمة :
كلمة قرمبوز بتذكرنى بالعراق و ذكريات حلوة!
انتصار
| |
|
|
|
|
|
|
|
|
|
Re: كلام بنات... (Re: انتصار محمد صالخ بشير)
|
خالتو انتصار
-حسب الصياغ- سلامات ويا هلا
موش كدة بلاهي ... ياخ زمان الما يحليلو شنو!؟
خصوص البنات وكلامن فأنا غايتو بسمع كلامن دائماً وبطربني .
لكن ما قلتي لي
قرمبوز مالها ومال العراق ؟
دي قصة أساسية ، النبي فوقك كانما حكيتيها لي
| |
|
|
|
|
|
|
|
|
|
Re: كلام بنات... (Re: Ibrahim Algrefwi)
|
***********
*********
*******
*****
***
*
( ما قاااااادرة.....
واللاهي ما قادرة,,)
*
***
*****
*******
*********
***********
*************
يا حليلن يا ابراهيم
،
كيفك يا صديقي؟
| |
|
|
|
|
|
|
|
|
|
Re: كلام بنات... (Re: بدري الياس)
|
بدري ،
عبدالله الزين عنده نص شعري بقول فيه
البنات هن اغنيات لم تكتمل
، جراح لم تندمل ... وهِن أُمهات...
اذيك يا حبيب ، احوالك كيفنها؟
| |
|
|
|
|
|
|
|
|
|
Re: كلام بنات... (Re: Ibrahim Algrefwi)
|
الابن ابراهيم
سلامات..... عليك الله كلام البنات اليومين دى وزمان واحد ؟ اكيد فى فرق كبير
انا كلامى باقى كلام ناس زمان الا فى الاول بسمع كلامكم بعد داك بقول ليكم كلامنا!
اولا اشرح لى معنى كلمة قرمبوز واكيد ساحكى ليكم حكاية القرمبوز وذكريات العراق
انتصار
| |
|
|
|
|
|
|
|
|
|
Re: كلام بنات... (Re: Muna Khugali)
|
سلام يا مُني ،
كيفك أنتي؟
مساء الورد لاية وأيامك...
...
...
حاضر يا ستي ،عيوني، الجاي كلام أولاد
بس خلينا نمتع شوية بالكلام الطاعم دة
حتين نجي نشوف "الكل يوم معانا" دول.
حُبي
| |
|
|
|
|
|
|
|
|
|
Re: كلام بنات... (Re: Muna Khugali)
|
شفتي مرة عُمر ؟:
هيي ها هو أحلي منها
...
...
أسمعيني ، بلوزتك اللونها سماوي ديك وين ...
وشك مالو فتح كدة ، ماشاء الله ، استعملتي شنو؟
تجي تمشي معاي سعد قشرة ؟
ياريت والله تعباااانة ...
...
من الامس- بنات زمان :
عبدالعزيز المبارك
،باروكة ، وضفر طويل كدة واحممار
جرتق ورقيص عروس ...وأخوان في السعودية.
...
...
ابراهيم تعال انفض معاي الطرحة دي...
| |
|
|
|
|
|
|
|
|
|
Re: كلام بنات... (Re: انتصار محمد صالخ بشير)
|
انتصار ، ماهي اخبار المؤذن في مالطا...
أذيك ، والحواليك؟
أنا غايتو زمان ماكنت في ، بس عارف انو ماا كان في سوق
ولا موبايلات ولا نظام عام ولا ديانا ولا مهوسسين نشطين كده.
غايتوالحصل حصل...
...
...
قرمبوز :كلمة تعني في اللغة ، الناس الصغُار "حجماً"، الحلوين.نظيفي القلب والامنيات
أها...
| |
|
|
|
|
|
|
|
|
|
Re: كلام بنات... (Re: Ibrahim Algrefwi)
|
البنات , معذرة دائمة
البنااااااااااااااااااااااااااااااااااااااااااااااااات
انا هسة عاضي اصبعي بس ما عارف اكتبها خليتها لي ونستن, وخليتن لي اللة
| |
|
|
|
|
|
|
|
|
|
Re: كلام بنات... (Re: ibrahim sidahmed)
|
الكبد يا كوبرا
بعضهن يستهدفن الكبد...
البنات , معذرة دائمة
البنات , معذرة دائمة
البنات , معذرة دائمة:
أنا ياابراهيم ما بقدر علي ذلك لي مضغوطة شدييد
الكبد يا كوبرا
| |
|
|
|
|
|
|
|
|
|
Re: كلام بنات... (Re: Ibrahim Algrefwi)
|
علاقتنا دى لازم تحسمها ... بالمناسبة انا متقدم لى عريس و امى ضاغطانى و خايفه اضعف ... و بعدين الناس بدت تتكلم الموضوع طول زيادة عن اللزوم ....
شوفتى زيت الحشيش لكن ما تمام مع الشعر شهر واحد بس و حتشوفى الفرق الرهيييييب .. و العجب كريم ديانا مع بهولى يخلى وشك يسوى كدى ... كدى.. و فوتكم بعافية مع كلام بنات تانى
| |
|
|
|
|
|
|
|
|
|
Re: كلام بنات... (Re: Manar Mahsoub)
|
منار
والله لقيتك بنات كيف؟
بنات الشركة ..
انتي موش زمان كان في حاجة كده أسمها
"كُرسي جابر"...انكسر ولا شنو؟
نسأل الله مذيداً من البنات والسُترة...
..
..
نسيت ان اكتب لك ان وجودك هنا، لطيف
| |
|
|
|
|
|
|
|
|
|
ألوان البنات (Re: Ibrahim Algrefwi)
|
لاحظت أن للرجال ألوان.. احمر .. اخضر..
أما البنات فهم مع تدرجات الالوان حاجات عجيبة جد..
اكان شفتي ناهد جات الحفلة لابسة البلوزة الحرجلي على شماري والطرحة التركواز والجزمة البيج والقميص الفوشياوبلوزة نيلي على سماوي وشايلة شنطة لونها بصلي و اسكيرت خربزي وعنابي يعني كانت مش استايل خالص!!!!
| |
|
|
|
|
|
|
|
|
|
كلام بنات مستجدات مع الكمبيوتر (Re: Ibrahim Algrefwi)
|
هذه قصص حدثت من بعض البنات فى بلد ما عندما عرفن الكمبيوتر لاول مرة ومش كل البنات,والله بعض البنات اشطر من الاولاد... وهي مثل نكات البرالمه.. ارجو ان تؤخذ بحسن نية..
اخليكم مع القصص
القصه الاولى:
واحده دخلت محل للكمبيوتر وقالت لصاحب المحل: لو سمحت عايزة لى ويندوز إكس بي بس يكون ملون لو سمحت !! .صاحب المحل جلس فى المحل بعد ان اصيب بهبوط.. .
القصه الثانيه :
واحدة اتصلت فى محل صيانة للكمبيوترات وسالت عن الانترنت وبدا صاحبنا فى الشرح وبعد دقائق قاطعته بسؤال غريب ويسبب لسامعه فى ارتفاع ضفط الدم والسكرى و قالت: عايزة اسالك يا باشمهندس الأفضل الإنترنت أم الهارد ديسك؟ صاحب المحل وقع وانتقل الى رحمة الله(اللهم اغفر له وارحمه )
القصه الثالثه :
واحده اول ما اشترت الجهاز عاملة نفسها فاهمة وخاصة جنب صديقاتها وهى لاتعرف فى البطيخ,المهم مشت المحل وقالت بكل برود لو سمحت .. عايزة لى حبر للشاشة(إل جي فلاترون) صاحب المحل ملأ ليها بوهية فى زجاج ومن هناك ذهب للمستشفى لعلاج قرحة المعدة.
القصه الرابعه :
واحده اشترت طابعه من احد المحلات وماتعرّف عليها الجهاز .. المهم اتصلت على المحل .. شنو تتوقعوا انها قالت لصاحب المحل؟؟؟ قالت: ياأخي أنا حطيت الطابعة قدام الكمبيوتر 3 ساعات متواصلة ومع ذلك ما تعرّف عليها !!طخخخخخ لا مافيه شي ..
بس صاحب المحل قفل التلفون فى وشها
القصه الخامسه :
اما صاحبتنا هذه فاتصلت بمحل الصيانه وقالت لهم جهازها ماشغال .. سالوها عن السبب شنو فيه .. قالت لا كان فيه فايروس ورشيت عليهو بف باف بسيط مع شويه كلوركس(صاحب المحل قفل المحل ولقوه جارى فى الشارع حفيان)
القصه السادسه
وهذه واحده فاضيه ماعندها لاشغل ولا مشغله اتصلت على محل وقالت: يا أخي سمعت انو بتنزل حروف جديدة للوحة التحكم هي نزلت ولا لسع؟صاحب المحل انتقل من الحلة
القصة السابعة:
اما هذه فاتصلت بصاحب المحل الذى اشترت منه الكمبيوتر وزعلانهوبعصبية انو الجهاز ما اشتغل وبدأ صاحبنا بشرح الخطوات بكل هدوء وان تضع كذا فى كذا وتضغط المفتاح,ولكن فى النهاية اتضح ان الكهرباء مقطوعة عندهم منذ ثلاثة ايام
وارجو من اى شخص لو عنده شى يزيد.
يا اخوانا سامحونا , ولو زدنا اكثر من كدا انا عارف انو حتجينى مشاكل
| |
|
|
|
|
|
|
| |
Ibrahim Algrefwi
فيصل نوبي
انتصار محمد صالخ بشير
Dia eldin khalil
mazin mustafa
بدرالدين شنا
Muna Khugali
ibrahim sidahmed
الملك
اشرف السر
فيس بوك
تويتر
انستقرام
يوتيوب
بنتيريست