السبت 10 ديسمبر وقفة امام السفارة السودانية بمناسبة اليوم العالمي لحقوق الانسان
أرتِق الشَرِخ دَا/ العِصيان ناداك
الشعب الملهم.. لن يصبر من كدا أكثر
إلى شباب ثورة العصيان المدني: الحرية لا تقبل المساومة!
أكتب وأهرب: (أوقاف ) قوقل..و (سبيل ) الفيسبوك ...! بقلم يحيى العوض
نيويورك 10 ديسمبر، حوار حول الحراك المعارض في السودان في ختام معرض الاشكال والجسد
19 ديسمبر .. إني أرى شعباً يثور !!
مقال للخائفين على السودان من مصير ليبيا و سوريا إن حدث التغيير
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-10-2016, 04:40 PM الصفحة الرئيسية

مكتبة ابراهيم الجريفاوى(Ibrahim Algrefwi)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

شق الانفس ...

10-10-2006, 04:54 AM

Ibrahim Algrefwi
<aIbrahim Algrefwi
تاريخ التسجيل: 11-16-2003
مجموع المشاركات: 3102

للتواصل معنا

FaceBook
تويتر Twitter
YouTube

كيف احذف مداخلة من بوستى

شق الانفس ...

    سلام عام ...
    عبارات عجيبة ما نستعملها في حياتنا اليومية ،
    شاعرية شديدة وتراكيب تعبيرية موروثـة في غاية البداعة
    معظمها ضائع في الركام ، غائب في الركائب ، مجاز تاكله التفاصيل ...
    ...
    ...
    تامل معي مثلاً عبارة شق الانفس !!!
    ياله من عنا ، مجاز لفظي فظيع ان تشق روحك ،
    تشق انفاسك لتصل الي مجاز اّخر ...

    ...

    ثم انه تجدني مرتاحاً لان اللغة في تاريخيتها ابدعها الانسان في صراع بحثه
    المرير عن اتصال انساني في معركته لانجاز خيراته المادية والروحية - الروحية
    ليست بمعناها الميتافزيقي الشائه- ابتكار ادوات للصراع الطويل، وهي وعي بالضرورة .
    الا انه يشدني التفكير والتامل في كونها -اي اللغة- صارت تشكل العالمين .
    ...
    ...

    مايعذبنا حبل الحياة الطويل...
    قبل دقائق بسيطة كنت منغمساً في "كلام" ساخن ، قطع نفسي ، هيام وحذر وجمر...
    حينما وصلت الي نقطة فيه كدت ان اموت ، بشق الانفس وصلنا الي تاجيله ،
    وبحكمة الانسان في الطرفين ومنطق الحياة ولطفها ، تنفست الصعداء ...
    ...
    تنفست الصعداء
    ثم وجدتني مأخوذاً افكر في كلمة الصعداء ،
    احسست عاطفياً بمعني العبارة ، بمعني ان تتنفس الصعداء !

    ان تاخذ نفساً عميقاً ثم تحرره ، تزفره ، ثم تاخذ نفساً من الصعداء ، اااح !!!
    ولكنني لم اعرف ماهي الصعداء بنت الحلال هذه التي يتنفسها الناس الناطقيين بها ؟

    افتونايا اهل الله

    ومن افتي عبداً في رمضان فسيربح جائزة كبيرة مقدمة من شبكة سوداني للاتصالات ...

                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

10-10-2006, 04:58 AM

Ibrahim Algrefwi
<aIbrahim Algrefwi
تاريخ التسجيل: 11-16-2003
مجموع المشاركات: 3102

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شق الانفس ... (Re: Ibrahim Algrefwi)

    "ماذا لو أخذت نفساً عميقاً
    وزفرته مع كُل همومي ,
    فتعبر نسمة وتأخذه بعيداً ، بعيدا
    وتتركه كغيم مُعلق في الهواء
    ..."

    ...
    ...

    شهوة قديمة متجددة، من كتابة قديمة متجددة بعنوان شهوة القلب ....

    (عدل بواسطة Ibrahim Algrefwi on 10-10-2006, 05:01 AM)

                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

10-10-2006, 05:19 AM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شق الانفس ... (Re: Ibrahim Algrefwi)

    Quote: ماذا لو أخذت نفساً عميقاً
    وزفرته مع كُل همومي
    تلك هي الصعداء ..



    يا .. ( شهواني ) و منعول .
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

10-10-2006, 05:44 AM

Ibrahim Algrefwi
<aIbrahim Algrefwi
تاريخ التسجيل: 11-16-2003
مجموع المشاركات: 3102

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شق الانفس ... (Re: Ibrahim Algrefwi)

    عمدة الوجيه

    والله انت ؟ مُُصيبة متلتلة...

    اسه شفت حكاية (شهواني) دي ممكن تدخلنا في حيص بيص ، مااللغة حمالة اوجه برضك!
    وناس رمضان ديل ضايقين براهم،هذا علي احسن الفروض اذا لم تصل ارض البوست هذا
    اقدام الاب ساندرا ...
    والله ياعماد!
    اسه وعليك بصارة سيدنا الحسن شهواني انا ولا مريد البرغوثي ده :


    فانا اشتهى كل شئ
    من زمان يليق بموتى
    الى اول المشي واللثغ والأول الأبتدائي
    حب الشباب ومشط السخافه
    ورسم الشوارب بالحبر فوق الشفاه
    دوى البلوغ الذى يخلط الرعب باللذة
    المستطيلة شيئآ فشيئا
    ويأخذنا راجفين الى موعد اهبل
    تحت بيت الدرج.
    ..

    شفت اذاي ؟!
    البنو ادم ده ما كلو شهوات ساي ياعمده ياخ ، شهوات بعضها فوق بعض ،
    اصلو غربته الجوانية دي الا يمرق منها بشق الانفس ، اها الشهوات دي ياها في عينها شق الانفس ...
    ...
    ...
    عموماً
    اعتمدنا اجابتك ، فخليك معانا علي اتصال وتنفس ما شاء لك من الصعداء.!

    (عدل بواسطة Ibrahim Algrefwi on 10-10-2006, 05:50 AM)

                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

10-10-2006, 06:55 AM

Tumadir
<aTumadir
تاريخ التسجيل: 05-23-2002
مجموع المشاركات: 14699

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شق الانفس ... (Re: Ibrahim Algrefwi)

    شق بفتح الشين؟ لا ياخ هى بضم الشين ، كدى اتأكد منها "انا غايتو متأكدة"

    حسة يجيك زول بتاع لغة تقوم"تولى الاديار"

    ولا تسوى فيها "لاتلوى على شىء"

    "تضرب اخماسك فى اسداسك"

    حينئذ، وقتئذ، عندئذ ....(.تعمل فيها نايم)

    تعرف الزول يا ابراهيم الجريفاوى ممكن يكتب كتاب كامل من تعبيرات اتقالت قبل كده ..وما يكون عارف روحو ما اول زول قالها ، نحن حسة بنتكلم عن اللغة العربية "مش؟"

    وفى كل اللغات توجد نفس المؤشرات ..

    لانها دى خاصية فى اللغة والكاتب الخلاقالبيعمل تعابير جديدة ..نادر وبيجى بعد كل ماية سنة على الاقل، الكاتب او "القائل" لانه اللغة المكتوبة بتتمنى انها تقترب من اللغة الشفوهة "المشفوعة دى صاح.؟ الله أعلم"

    ومعظم المعانى ايضا معادة والتشبيهات معادة ..فيبقى ان تتغير احداث كبيرة فى الحياة لتخلق تعبيرات جديدة ومستحدثة ..

    لكن هذا لايمنع ان تخلق المجموعة الخاصة لغتها الخاصة ..يعنى اللغة زاتها هى مؤشر للتفكير والتفكير يخلقو "الطابع" الحياتى للمجموعة .يعنى لغة الشماسة بتعبر عن الشماسة وادوات التفكير والحياة اليومية ..وكل قبيلة: حروفها تغماتها ونبراتها "الاكسنت" البتكلموا بيه بيعكس طابع حياتها "والاشياء" الحولها ونوع الاحداث وايقاعها ..العرب "اديهم الفصاحة" يحبوا الفخامة والطلاقة وتزيين الكلام بزينة البلاغة ...يعنى هى لبلاغة فيها قوة التعبير والتعبير احد مؤشرات التفكير "يعنى لاتخلو من ذكاء" لكن اللغة العلمية تحوى المباشرة والوضوح ، يعنى نقول عقلية الخطاب العربى ..عقلية ما علمية "برى آبعرفو" ...


    شوف غنا الحقيبة ده، شافنو "اجدادنا" من طريقة العرب فى الشعر والغنا ..وقارنو بى غنا الخواجات .عند الخواجات المعانى مباشرة .حتى مع الشاعرية برضك تشوف "معلومات واضحة" ...و"هلمجرا" و"هكذا دواليك" ..ولا تترك "الحبل على الغارب" ولا "تصب الزيت على النار" و"جوع كلبك يتبعك" ...

    شوف ليك طريقة للانفلات من "القوالب اللغوية" الجاهزة ..تكون خلاقا. حتى القوالب اللغوية يمكن محاورتها ووضعها "فى صورحديثة" تربطها بالواقع ..

    .يازول خلاص انا مشيت


    راجع عبد اللطيف على الفكى ..والله قال كلام سمح فى هذا المجال ..."هناك..فى سودان فور اول"
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

10-10-2006, 07:13 AM

Mohamed E. Seliaman

تاريخ التسجيل: 08-15-2005
مجموع المشاركات: 17574

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شق الانفس ... (Re: Tumadir)

    الأخ إبراهيم وضيوفه
    السلام عليكم ورمضان كريم

    لمأفهم المقصود بــ((
    Quote: معظمها ضائع في الركام ، غائب في الركائب
    ))
    لكن شق الأنفس كم تفضلت من روائع البيان
    وقد وردت في القرآن :
    لَّمْ تَكُونُواْ بَالِغِيهِ إِلاَّ بِشِقِّ الأَنفُسِ .
    وإليك السياق كاملا:

    ( وَالأَنْعَامَ خَلَقَهَا لَكُمْ فِيهَا دِفْءٌ وَمَنَافِعُ وَمِنْهَا تَأْكُلُونَ ) (5)
    (وَلَكُمْ فِيهَا جَمَالٌ حِينَ تُرِيحُونَ وَحِينَ تَسْرَحُونَ) (6)

    ( وَتَحْمِلُ أَثْقَالَكُمْ إِلَى بَلَدٍ لَّمْ تَكُونُواْ بَالِغِيهِ إِلاَّ بِشِقِّ الأَنفُسِ إِنَّ رَبَّكُمْ لَرَؤُوفٌ رَّحِيمٌ) (7)

    --------------------------------------------
    Quote: شق بفتح الشين؟ لا ياخ هى بضم الشين ، كدى اتأكد منها "انا غايتو متأكدة"

    وردت الرواية بالكسر
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

10-10-2006, 08:33 AM

Ibrahim Algrefwi
<aIbrahim Algrefwi
تاريخ التسجيل: 11-16-2003
مجموع المشاركات: 3102

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شق الانفس ... (Re: Tumadir)

    تماضر جبريل ، نهارك سعيد

    والله شوفتك في المكان تُشق لها الانفس علي وزن القومة ليك

    إلا بالمناسبة دي انتو الانترنيت ده زمان ولا مكان ؟
    ولا بقي في حاجة تالتة "الطول والعرض والانتريت" ؟...

    الشبكة العنكبوتية ياخ ، شوف بلاي التعريب ده .؟ فيلم رعب بس !

    كلامك محلياتو
    يعني لو قلنا انو اللغة وليدة البيئة والظرف التاريخي وانها متاثرة
    بالتفاعل الاجتماعي والعولمة وكده بكون كلامنا محلياتو ،
    لكن برضك كمان في لغة بتكون قديمة لكن فيها قوة داخلية كده بتديها
    دفعات مواصلة ، يعني سنامها عامر كده بخيالات وتعابير فنانة ...
    أكل الدهر عليها وشرب ...
    تعرفي ياطمطم انا" مازول ساي" ياخ ، مرات كده بكون مشغول لي بعبارة عجيبة ،
    يعني مثلاً :
    تصحبك السلامة دي موش عادية ، عادية حقت كل مرة ،
    انا بشوفها ليك فنانة فن ، تصحبك السلامة يعني تكون صاحبتك كده وماشه معاك ...

    بعدين في جماليات شديدة في الكلام ، كدي مثلاً عايني "كلام ساكت" دي ياخ دي عجيبة ،
    هو كلام وساكت ، فاضي يعني ما عندو اي "سينس" ، خارم بارم ...

    بعدين ذكرتيني بحكاية عملية اللغة عند الخواجات دي حاجة كده مرة حكاها
    لي ماو صاحبي:
    ٌقال الخواجاية في مكتبهم قالت ليه
    : تشرب قهوة ولا شاي
    قال ليها : شكراً
    قال قالت ليه : شكرا ما خيار ، قهوة ولا شاي ؟!

    طبعاً الحوار ده بالانجليزي

    بلاي شوف الخواجات ديل ، اسه دي دائرة ليها فهم ومساخة،

    ناس ذي حصة الحساب ولد...

    لكن في الانجليزية في تعابير بتعجب شديد بسيطة وعجيبة ،
    شوفي مثلاً Ihave nothing دي عاملة كيف ، حرفياً كده فنانة قال : امتلك الاشئ !

    ...
    ...
    ماقلتي الصعداء كيف معاك
    لكي الصعداء يا "حُبة" ...
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

10-10-2006, 08:47 AM

Ibrahim Algrefwi
<aIbrahim Algrefwi
تاريخ التسجيل: 11-16-2003
مجموع المشاركات: 3102

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شق الانفس ... (Re: Ibrahim Algrefwi)

    محمد "إي" سليمان وينك ياراجل يا ابستيم انت ؟

    رمضان كيف معاك ؟ وانشاءالله بسط ...

    بس ياهو انا قاصد روائع البيان دي ذاتها :

    "وَتَحْمِلُ أَثْقَالَكُمْ إِلَى بَلَدٍ لَّمْ تَكُونُواْ بَالِغِيهِ إِلاَّ بِشِقِّ الأَنفُسِ إِنَّ رَبَّكُمْ لَرَؤُوفٌ رَّحِيمٌ"
    يعني في عبارات قوية وجذابة ، الناس بالاستعمالات اليومية والعادية بقت ما منتبه
    لي قوتها الشعرية ، اها ياعزيزي ده الانا قاصدو بحكاية الركائب دي ، وقد ورد في الاثر :
    جانا كلب سنونو صُفر حلب الناقة في الشنقاقة ، وأحمد غائب في الركائب ...

    والصعداء دي يا حبشي ماوردت في حُتة ؟

    عبورك جميل يا صاحب
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

10-10-2006, 12:42 PM

محمد حنفي

تاريخ التسجيل: 07-01-2006
مجموع المشاركات: 143

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شق الانفس ... (Re: Ibrahim Algrefwi)

    صديقي ابراهيم كنت قد رفضت ان اعيد كتابة هذا الرد لانو (طش)وزهجتني القصة لانو اكيد ما حيكون نفس الكلام داك لكن اهو كلام ونحن بنتكلم عن شق الانفس وان كان موضوع الشق ده ما مشجع المهم كان لاقيت زول بعرف يخلي الرد على البوست ما يطش قول ليهو ياخي حنفي ده نفسو اتشقق
    وعند الكلام عن اللغة اتذكر د. عبدالله علي ابراهيم ومحولاته التوليف بين العامية الفصحى والعربية المتعبة في سودان عجيب به من اللغات ما يكفي ومن اللغات ما ينشأ عرضا اثناء الونسة وتعليق لطيف يصير لغة بين الاصدقاء ثم تسمعه بعد قليل عند شباب مدني وسودانيين الخارج والقصة تهجج
    عبدالله كتب اروع ما قرأت في المسرح السوداني لغة وقضايا وقصص يذكرني ايضا ببساطة محجوب شريف (لا بقدر اقول رايع ولا عظيم ولا اي حاجة من القصص دي )بساطة اللغة في انه بيعملها (كده) ماعارف كيف , اما عبدالله فعجيب !ولا شنو؟
    المهم يا ابراهيم تذكر كيف تفرض اللغة نفسها حتا تكاد تصبح لعبنا ولهونا , كيف تصعب على احدنا كلمة اثناء الحديث فتنحشر في مكان بين حلقومه وبلعومه وتجحظ عيونه فيقول (ولا بقولوها كيف دي)
    من منا لم تصعب عليه كلمة فيصححونه او يخرمجها ؟ ياخ نحن مرات قاصديين كدة بنخرمج فاللغة دلالات قبال الفاظ والكلام ممكن يهيج علي اتحاد الكتاب كلو , طيب الفاظ قبال ........ المهم من منا لا يصعب عليه على الاقل حرفا من التمانية وعشرين القرشيات
    من منا لم تناديه امه يا قشر قشارة قشراهيم
    من كان غير ذلك اللشوف ليه سودان
    شكرا صديقي
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

10-10-2006, 04:40 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شق الانفس ... (Re: محمد حنفي)

    ( وَرَاوَدَتْهُ الَّتِي هُوَ فِي بَيْتِهَا عَن نَّفْسِهِ وَغَلَّقَتِ الأَبْوَابَ وَقَالَتْ هَيْتَ لَكَ )
    تأمل الكثافة و الإحتشاد في هذا الجلال اللغوي الباتع .
    .. مذهل .. و ( يحرق الروح ) و ( يفور البطن ) .

    ثم .. بعض تخريجات اللغة التي ركّعت النحو و تصريفاته ..
    فتمردت المفردة على قالب العادية , و خرجت شاهرة ذاتية تخلقها اللحظي , متوجة نفسها فتحا ( مبينا ) غصبا عن عين سيبويه ورهط سدنة اللغة ..
    إذ ما هو ( البيان الذي منه لسحر ) إن لم يكن ذاك ؟
    و الإبانة هي الكشف عن ( المغتغت ) جوانا لأنه حمولته أكبر من معابر اللغة ..
    فيكمن هناك و ينتظر الكشف

    هسه قعدت أحاول ألاقي واحدة بس من بارايات زنقة القول ديل .. أبت .
    لأنه هسه مافي زنقة تكسر تراتيب اللغة المستتبة لقواعدها المرتبة ديك و الآمنة ..
    و اللي إستكنا ليها كمعابر لأفكارنا , و كوسيط معرفي تقليدي عتيق .. و مجرّب .
    أفكار مطمئنة لمخارجها و ( مخارجتها ) اللغوية ..
    مرتاحة و ( هبلة ) .

    يا ود يا قيافة في راسك المدوقس ده ..
    تأبى اللغة أن تتوالد و تتكاثر و ( تشق عصا الطاعة ) لأنه ( البطن ما فيها مغسة ) , كان مغسةً كعبة كان سمحة ..
    مغسةً تدخلك في وجع مخاض الكائن المفردة الترُجّك في ( بت أم روحك ) و تخليك تآآمن

    بس .. ياهو ده ذاتو

    ** إنت يا ابراهيم أبت ليك حكاية ( إتخاذ أهم قرار في حياتك ) جيت تفكها فينا هنا ؟
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de