دعواتكم لزميلنا المفكر د.الباقر العفيف بالشفاء العاجل
|
|
 شعر ولا ماشعر
|
جزء من نص حوارات بطعم فراغ الغرفه
وانا اكتب هذا النص كان اكتافيو باث يطرق بابي بشده
في حافه يوم عادي جداً
التقي مع الصبح الضحي والنهار مع المغيب والليل
كــــأن هــذا خارج الوقت
قال الصبح:
انا عمامه اليقظه وبدايه للضؤ انا الامل والندي والعصافير اطفال المدارس والينفورم الازرق وهبهه الجمر الاليف
.... أنا ايضاً الوعد
قال الضحي:
وأنا ثرثره دافئيه كالقهوه في ظل لنساء اربعينيات
حيني التنفل والدعاء محببين ذلك لان الالهه اكثر انتباهاعندي
قال النهار:
انا من فاجاءه مجدي النور بينها
فتساقط ما تبقي من حنين
يقول باث (يبسط النهار كفه ثلاث غيمات وهذا اقل الكلام)
انا الحافلات نهايه الدوام يلقط اليمام الحب وانا كطعم
العوده لايقاومني مخلوق قط
قال المغيب
انا كراسه رسم والوان تخص ساره
رسمت فيها الشفق وبعض عصفور ياتر امه
والصبيه يعودون من الميادين الغابره
وايضاً رسمت ,,,ملعقه وسكر وثرثرات خفيف تحت الرمل
قال الليل
انا صوت من ماتو كمداً
اكون حاله الهرب من السخف اليومي
لصياغاتكم
(بالخمر بالموت بالجنس بالرقص بمذيداً من الليل).
فانتفو لا اكون............
..............
.............
...........
أنتهي
|
|
 
|
|
|
|
|
|
|
|
Re: شعر ولا ماشعر (Re: Ibrahim Algrefwi)
|
Quote: قال المغيب
انا كراسه رسم والوان تخص ساره
رسمت فيها الشفق وبعض عصفور ياتر امه
والصبيه يعودون من الميادين الغابره
وايضاً رسمت ,,,ملعقه وسكر وثرثرات خفيف تحت الرمل |
جميلة هذه الصورة اعجبتنى كثيرا
انا أحب الغروب كثيرا
على الرغم من ان متاعبى الصحية تبدأ فى المغرب
والسعال يفتت صدرى ولكن هو اجمل الاوقات
وكذلك يذكرنى لمة شاى المغرب و الثرثرات الحميمة
شكرا لك على هذا الامتاع
واتمنى ان تستمر فى النشر
| |
|
|
|
|
|
|
|
|
|
Re: شعر ولا ماشعر (Re: bayan)
|
يا قرمبوز يا صديقي
كيف كانت القهوة مساء اليوم ؟
قال الصبح :
اهلاً
قال الضحي :
مهلاً
قال النهار :
سهلاً
قال المغيب :
ضحلاً
قال الليل :
انّه اناء القلب اهلاً يشد يد امنياته ، مهلاً يقول للشجر ان يفرد الظل لمزاج الغوايه ، سهلاً يحيك لشوارع الروح مؤامراتها ، ضحلا في قاعه بعض ضجيج و صبر .
و
سلام حتّي مطلع الامر
| |
|
|
|
|
|
|
|
|
|
Re: شعر ولا ماشعر (Re: عاصم الحزين)
|
عاصم
لك التحايا في صياغ الوقت
مهلاً وسهلاً
اخالني اري محي الدين ابن عربي صباحاً جوزيف قرنق مساءً تحت ظل واحد لدرس الادميه
وحتي مطلع الامر لك من صور كثيره لباقايا شئ ما....
| |
|
|
|
|
|
|
|
|
|
Re: شعر ولا ماشعر (Re: bayan)
|
بيان المغيب
انسدل كتفها كغيمة حبلي بماء الغوث
انا صافره قطار البوح انا المغيب دفتر الحنين وبزوغ الشجر ...
بزوغ الاكسجين عن الاخضر
انا المغيب الباذخ المهيب .....
انا بوح الزنجبيل الي بعض من الازرق الخفيف
جميله ذاكرتك يا بيان
والله يملاك مغيب
| |
|
|
|
|
|
|
|
|
|
Re: شعر ولا ماشعر (Re: Ibrahim Algrefwi)
|
الزميل جريفاوي
سأعطيك حلاً وسط بين سؤالك المعنون لهذا البوست ( شعر ولا ما شعر ) وهو ( محاولة ) .... ولأنني مزخوم بـ300 حاجة أعذرني من أن أهيم على هذا البوست وأتشدق بمسطلحين ثلاثة لأفكك طلاسم هذا النص أو أحاول أعاين ليهو من منظور نقدي .
طبعاً لا يخلو الامر من بعض المقاطع الحميمة ( تاني حميمة ) التي ساتخذ بعضها كاسم مستعار في البرلمان الماسنجري بعد أن تعطيني الاذن .. لكن في ملاحظة صغيرة .. لماذا كتبت كلمة ( أنتهي ) في آخر النص ، لأن هذا يذكرني بالمطرب الشعبي المصري شعبان عبد الرحيم ( شعبولا ) الذي تسير كل اغاني على لحن وايقاع واحد فلا يعرف العازفون والمستمعون نهاية الأغنية إلى حين يقول : بس خلاص ! فهل نصك هذا يسير على ايقاع واحد كي تشير بـ( انتهى ) أم أن هناك معضلة اخرى ؟؟
عاصم الحزين
منذ اسابيع وأنا أتهرب من الرد في بوستاتك ... لسبب قد أعرفه أو لا اعرفه .. لكنني أريد أن أسألك لماذا ( قال المغيب : ضحلاً ) ؟
وبعدين تعال يا صديقي البعيد ... علاء اتفك من عقدة (مهلاً ) الغنية .. لكن أنت متين حتتفك من عقدة ( مهلاً ) النص .
ودمتم،،،
| |
|
|
|
|
|
|
|
|
|
Re: شعر ولا ماشعر (Re: Husam Hilali)
|
الزميل هلالي
ما تفكك لي نصي انا قاعد افكك ليك خليو كده بس
بعدين انتهي دي لازمه الوقت في الكتابه انا اقصد وليس النص
وشعبان ده عجيييييييييييييييييب انته قايلو ساي ده قال شعر عجيب
قال : اسمع كلام امك خالك وعمتك
شعبوله ده زول اخو ما تخستك بيه يا حسام
وابقي سلملي علي الثقافه علي قول احمد سعد
| |
|
|
|
|
|
|
|
|
|
Re: شعر ولا ماشعر (Re: dreams)
|
ما عرسو لينا قال المره راجين بيها نيفاشا يمكن سعرها يذيد
بعد السلام واحتمال مع الاستثمارات الاجنبيه دي تلقي ليها عريس خواجه فانا صرفت نظر عن الموضوع ده
رايك شنو ياحلوم في الموضوع ده وفي الشعر داك
اا
| |
|
|
|
|
|
|
|
|
|
Re: شعر ولا ماشعر (Re: طيفور)
|
اووووووووو ابشنباً دهب
الرباطابي اب عمة جرار
قلت لي قنطره
(قنطره كيف فعل ربك باصحاب الفيل)
اسمعني اسه انا لوكنت تمبس كانت نزلت ليك غنيه احمد مصطفي بتاعه
برجاك برجاك هواك ملكني ترم بمبم تاررارااا
| |
|
|
|
|
|
|
|
|
|
طيب شوفو ده كمان (Re: Ibrahim Algrefwi)
|
((وانجا معبد للاطفال والدم والخصوبه نحو ايوب مصطفي محفز الورد البثور....))
__كتابه تتوسل روح امين صديق بريخت علي عبدالقيوم ولوركاوبوب مارلي
أو فلنقل
ركضا خلف تلكم الذاكره المرحه كحنين الكراكات وخصوبة وانجا اخضرار المدينه وسبيل هذا لندثر عنهم اسرار فلاح الحقل المثقف وننسج وميري غزلها اللطيف لشتاء اخرين ايضا معهم درويش ورامبو وغفاري وللشجيرات المثمره ...
______
ضوء , حنظله الشاهد الوحيد الذي ينظر ناحيه الضوء الذي كان ابيضاً علي مد الافق
انقطع لصالح قوس قزح
ياااااااه جميل قوس قزح
بل اثنان .. يالله بل خمسه اقواس قزح غمرتنا اقواس قزح
الافق صار بنفسجاً خفيفاً وممتلياً باقواس قزح كالبثور كشمسيه فل في مسلسل كرتوني واوان البنفسج كله بنفسج
صوت صوت صــــــــوت .. هامس يهدر يبدو انه تحالف لخرير الماء وسبعه الالات نحاس وعصفورين شتويين وطبل وصوت لصرخات مقهورين ثارو وطفل تغني لاوتار خافته في نشاذ لطيف وفيه ايضاً انه صوفي هرم يتعبد
وصخب ومرح لاطفال مدارس فرغو لتوهم من اليومي كثير السياط والاسئله
كان صوتاً يملاء قلب من لفظ نصف روحه بالامل صوتاً يطرب الرحم بالخصوبه كـــــــــان صوت وانجا
مشهد جانبي
قلب محجوب شريف تخرج منه تلميذه مدرسيه صباح جمعه تحما بيدها اليمني حب الشاي الصباح تركض في عجل لتدرك صوت الفكي عبدالرحمن لركن الاطفال..
كانت التلميذه تجري
توقفت راءت كيساً فكرت في ان تصطاد الفراش اليوم
موازياً ها كانت الزلابيه في الصحن الصيني تنظر الي عين الصبيه اولاد النوبه الثلاث وجدتهم تهبب نار الشاي ذلك لان امهم نامت صباحاً لتدابيرمتعلقه بظروف زبون مراهق يدخل فراشاً لاول مره ااخذ الليل كله
ببضع جنيهات لتدابير الصباح صوت (حتيته) يطل من المذياع
________ ينتهي المشهد لصالح
عشوشه تتحدي ودابرق
بان من سيغني اجمل وارق سيمكث في الغصن
والاخر سيغسل كبابي الشاي الصباحي التي مازالت جوار سلك النور منذ ان اذن المؤذن بعد بان الصلاه خير من النوم
صوت المؤذنين دائماً به بحه زنجي شامخ
وقتئذ كانت وانجا تفعل الشفق لتنزل عنه الطفله المشرده التي حلمت بلوال والكتب المدرسيه
غمرها دفء وانجا فطربت فستاناً زاهي الالوان ورقصت وغنت ونامت واستيقظت
فدهمها صوت وانجا فصار بها
فقد لوال من نظافه جلده مع الولاده من ارث ثقيل
الا انه ذهب بعد ترك جلد العربات نظيفاً كقلبه الكث
لذا حلمت به الطفله معها
......................
والله باقي الورقه ما لقيته لكن لوعجبتكم بجيبها لو ماعجبتكم برضو بجيبها.!!!!!!!!!!!!!
حظ كعب بعدين انا افشل من يعرف اشكل بالكيبورت
| |
|
|
|
|
|
|
|
|
|
Re: طيب شوفو ده كمان (Re: Mandela)
|
راى كان انت عرست ده ببقى شعر
غير كده هو درر وكلام من دهب
عشان كده الدنيا ربيع .. والجو بديع .. قفل على كل المواضيع
وخليك فى كلاماتك دى 
| |
|
|
|
|
|
|
|
|
|
Re: طيب شوفو ده كمان (Re: dreams)
|
طبعاً انتي ما قايله انو انا مشتاق ليك!!!
شديييييي ي ي ي ي ي ي ي ي يي يي ي ي ي د
كلامك صاح .. الجو بديع والي مايشتري يتفرج
| |
|
|
|
|
|
|
|
|
|
Re: طيب شوفو ده كمان (Re: Mandela)
|
موش كويس والناس وشنو
طيب انته كيف , انته يا مانديلا كيف كويس
ما عايز تسالني تقول لي قرمبوز كيف يعني ولا قرمبوز ليه ولا شنو ؟
اتفضل اسأل ؟!
ما تسأل؟ .... عشان افكك بالكبايه في راسك الكبير ده
علي فكره انا نازل القاهره بعد يوم عشره خمسه والله الا ترحلو
| |
|
|
|
|
|
|
|
|
|
Re: شعر ولا ماشعر (Re: Ibrahim Algrefwi)
|
طبعا لانو انت ظريف جدا (بلا شك)
عشان كده الزول ما ممكن اخلي موضوعك ده إمشي ساي ..
تاني سبب طبعا ما ممكن أقابلك في الجامعه أو في المركز الفرنسي وتعاين لي .. وأعاين ليك .. ونمش ساااكت من غير ما نتكلم في الموضوع ده ..
تالت سبب هو الموضوع ذاتو ...
ده شعر ولا ما شعر ؟؟؟
السؤال في نفسه أزمة ...
ده فن ولا ما فن ؟؟؟
ده مسرح ولا ما مسرح ؟؟ الخ الخ الخ الخ ............
واعتقد إنو جيلنا ده (طبعا انا ساااكت مزغوم في نصكم) دخل في الجدل ده عنوه ...
زمان زمن كان في شعر مقفى بي قافية منتظمة في الصدر والعجز وعجز ، وصدر منتظم مع زمن محدد .. كان مقياس الامر سهل جدا جدا ... قبل الخليل ذاتو ...
بس كان الاختلاف في انو ده شعر سمح ولا لا .. لكن مافي زول بقول ده شعر ولا ما شعر .. نحن سألنا السؤال ده لأنو القبالنا قالوا إنو شعر الحداثة ما شعر ... قام ناس الحداثة إنحمقوا وقالوا لا ده شعر قام ديلاك قالوا ليهم ده كلام فارغ قام ديل قالوا ليهم إنتو الكلام الفارغ قام ديلاك قالوا ليهم انتو أولاد قليلين الادب قام ديل قالوا ليهم انتو عجايز خرفانين ساكت قام ديلاك قالوا ليهم انتو مستلبين تجاه الغرب قام ديل قالوا ليهم انتو عايشين في الماضي ومفترض اودوكم المتحف . قام ديلاك ماتوا قام ديل طبعا مامكن إقعدوا من غير شكلة قام قالوا لينا انتو بتسووا في شنوا .. ده شنو ده .. ده شنو ؟
قمنا قلنا ليهم دي قصيدة نثرية قام قالوا لينا ده ما ( شعر) قمن إنحمقنا وقلنا ليهم لا ده شعر .. قام قالوا لينا ده كلام فارغ قمنا قلنا ليهم انتو الكلام الفارغ قاموا قالوا لينا أنتو قليلين الادب
قلنا ليهم صح شديد لكن انتو برضو كلام فارغ وقليلين الادب زينا ..
قاموا قالوالينا أطلعوا بره قلنا ليهم ما طالعين قاعديييين ليكم بس رجالة كده .. قاموا أدونا كف .. قمنا إتلمينا بره الحوش وقعدنا نبكي ...
اها لم نسكت من البكى انا داير أسأل سؤال .
(إنت الكلام الجميل .. شرطا شرطا ، ولازم لااااازم ، إلا إكون شعر ، يعني ما ممكن نكتب كلام سمح وما إكون شعر ؟؟ ) .
هو القصة والرواية ما كلام جميل ؟؟(معليش انا قلت سؤال واحد ، لكن عشان انا صاحبك خليهم إتنين تلاتة أربعه الخ ..)
بعدين القصة القصيرة جدا ما كلام جميل ؟
يعني الشاعر كمصطلح ما مكن إكتب قصائد نثرية ونقول دي ما شعر لكن نوع أدبي مختلف ... عندو شروط مختلفة واغراض مختلفة ووسائل مختلفة الخ مختلفة !! .
أأأأ؟؟ ما مكن ؟؟
اها لمن نتلاقى في المركز او في الجامعة.. ونبرى بعض على الهواء مباشرة ..
| |
|
|
|
|
|
|
| |
Ibrahim Algrefwi
bayan
عاصم الحزين
Husam Hilali
طيفور
قصي مجدي سليم
فيس بوك
تويتر
انستقرام
يوتيوب
بنتيريست