دعواتكم لزميلنا المفكر د.الباقر العفيف بالشفاء العاجل
|
|
 سربعات أون لاين :) لي تمبس ,,وكل الناس (ناس الأتو)
|
جيت الليله فتحت الهوتميل القا ليك مسج عنوانها افتح الانبوكس دبل كبينه بتاعك ده تلقا مفاجاه 
المهم لقيت الايميل ده سمح شديد فرديت لصاحبي ده قلت ليه:
والله ذكرتني البلابل وايميل الشجن والشوق
فكرت في السربعات وفي تمبس الانا غالبو سربعتين \صفر (حسب اعترافو
في بوست التلاته غنيات وقمره وخمسه نجوم ) فا فكرت في فكره بوست
السربعه ده لتمبوس (ابو الصحب) صحب كثيفه شمار
الفاضل المداري والمدار الما داري ,, عشان يا تمبس
تاني ما تمبس ببنت شفاه
وفكره تانيه(كدي عاين الفكه دي) الهي يه محاوله لتأريخ وتوثيق لنمو وتطور السربعه ) ولا ايه رايكم ,,
علي ايه حال انا حا احاول اذكر اسه السربعات الجميله المختزنه في رأسي !! واي زول بلاي يذكر ليه سربعه سربعين يبقه خاشي ويكتب ليه واهو منها اجر ومنها ضحكه
أوفضحكه من هذا الامر
(ملحوظه السربعات دي فيها القديم والجديد والجديد حاله تجمد الماء والماء عارف يقول عدس وهذا ما عدس في مثل هذا اليوم
|
|
 
|
|
|
|
|
|
|
 Re: سربعات أون لاين :) لي تمبس ,,وكل الناس (ناس الأتو) (Re: Ibrahim Algrefwi)
|
1\ اسمعوا سربعات مثلثات كارهوات وهات العندك
قال لي المويه دي بتوضيني قال ليه: اي بتوضيك وتجيبك
قال ليه ما تجيب حبه نبق :قال ليه الاهواك نبق تاني علي بابك
قال لي علي بابك والاربعين حرامي
مثقف قال هو فتر من العادي والمألوف قال ليه: عادي جبل ولا مألوف الرصافي
قال لي وين ياقرمبه : قرمبه ترجع بالسلامه وترجه ...
قال ليه اللوحه دي اضيف ليها حبه لون : لون قرنق
مره داخلين في زحمه وفي واحد قدامنا لافي بعربيتو براااااحه
قال ليه والله دي لفه الصباح عديل كده (للرجال فقط)
سألني واحد كده قال لي وين صاحبك فاضلابي قلت ليه في اوسلو
قال لي اوسلو ما بصدق من متين
قال ايييييييييك زمن ما شفتو قلت ليه اييييك رومي
قال ليه الاقيك في الام اس ان قال ليه:
الام اس ان يضحك علي ام سنيتين
قال لي كان يرندي بنطال
قال بنطال الزمن او قصر حالقاهو ليك
قال ليه الليله ما دخلت البورد : بورد وفانله وكاب
من فعل هذا فهو اّثم قال ليه اّثم الحزين
قال ليه مفترض تطوي الصفحه دي: كويس بس اطوي لي بنطلون وقميص ونمش
قال ليه انا ما عملت ليك مسكول قال لي مسكول اوف ماس
| |
|
|
|
|
|
|
|
|
|
Re: سربعات أون لاين :) لي تمبس ,,وكل الناس (ناس الأتو) (Re: Ibrahim Algrefwi)
|
عربي افرنجي:-
شغال شنو يازول : فولنتير والله
قال ليه المشتهي الفولنتير يطير
دايرلي معاك ماتش قال لي والله انا ماتش بيتنا طوالي
بلاميركان قال لي : اوونا هاف ريست
قال لي وونا حرهولا جالوص ,,قال لي وونا للانباء
قال يعني تو كونسدر : قال ليه كونسدر طوريه منجل
من الكونكوشن : كونكلوشن ترئ الوجود جميله
جبت لي الجهاز : قال ليه جهاز قوت ابودي
اعمل زووم ان : هن زاتهن ل زووم ان شنو
هابيت : هابيت ها
عمر الدوش : دوش انجلوس
والله انا عندي كلاص : كلاص ديناري
ارقام وحروف
فيلم بلاك اند وايت : وايت اتنين تلاته اربعه
خمسه في وادي الصمت سته سمحه سماحه شديده
والله اديك لبعه : لبعه تمانيه تسعه
يا حواء بلاي اعمل لي نسكافيه : نسكافيه بي سي دي اف
| |
|
|
|
|
|
|
|
|
|
Re: سربعات أون لاين :) لي تمبس ,,وكل الناس (ناس الأتو) (Re: Ibrahim Algrefwi)
|
بورداب واصحاب:-
بكري : بكري صحيت من نومي أنا بكري صحيت من نومي
ملكه سبأ : سبأ والتلك يا بيه
محمد خير : محمد خير اند لفليلي
بشير : بشير الضمه ديك
عماد ببو : ببو نمشي بعد ده (يا تمبس)!!
ياسر : ياسر مكتوم في جوف اصداف
هلال : هلال الفلاني
فاطنه : فاطنه البص
محمد شكاك : شكاك عكس الهوا
نقابي عجوز : أو لا يجوز
شيري : شيري شيلتك
هوزي : هوزي باع طويل
(قال ليه اسه ده ما ضر عديل كده : دما ضر شيخ الدين )
عندنا عزيز لينا اسمو ماو لاحولااااااا ك
ماو : ماو ار يو
ماو : ماو عارف قدمو المفارق
ماو : ماوصل
ماو : ماو قع راجل وكتير
محمر : محمر عبدالحي
رشيد : رشيد العلم
والجريفاوي : جريفاوي الي جبل ياويني
اها يا تمبي كم صفر كده !!!!
وكدي ادونا انتو شويه ويه وياو وياو واووي يايا وياويه
| |
|
|
|
|
|
|
|
|
|
Re: سربعات أون لاين :) لي تمبس ,,وكل الناس (ناس الأتو) (Re: Ibrahim Algrefwi)
|
لووووووووووول وقرقرقرقرقرقر
الجمام
البسي ليك ذي محتشم : محتشم ود الجمام
امبارح بتونس مع واحد كده فسألني عن صاحبنا اسمو حمد النيل وحمد ده ود جيرانهم فقلت ليه حمد ياتو حمد ود الجمام فقال لي بلاي هو في الجمام انا ساكن جمبو 8سنه ما عارفو في الجمام :
قلت لي خلاص تاني تغني(حماده بابو جمامنا حماده ده)
وسلام لكل الجمام ورفعت الجمام و جمام وبطيخ بالفكره كلها
| |
|
|
|
|
|
|
|
|
|
Re: سربعات أون لاين :) لي تمبس ,,وكل الناس (ناس الأتو) (Re: Ibrahim Algrefwi)
|
لووووووووووول وقرقرقرقرقرقر
الجمام
البسي ليك ذي محتشم : محتشم ود الجمام
امبارح بتونس مع واحد كده فسألني عن صاحبنا اسمو حمد النيل وحمد ده ود جيرانهم فقلت ليه حمد ياتو حمد ود الجمام فقال لي بلاي هو في الجمام انا ساكن جمبو 8سنه ما عارفو في الجمام :
قلت لي خلاص تاني تغني(حماده بابو جمامنا حماده ده)
وسلام لكل الجمام ورفعت الجمام و جمام وبطيخ بالفكره كلها
| |
|
|
|
|
|
|
|
|
|
Re: سربعات أون لاين :) لي تمبس ,,وكل الناس (ناس الأتو) (Re: Ibrahim Algrefwi)
|
اها يا قرمبوز يالبادي بالخطا
قال ليهو الدنيا برد ما في حمام شطيف بس
قال ليهو شطيف او في الصحيان زورني
قال ديل عاملين زريبه قال ليهو زريبه نايل
جمال حسن سعيد قالت ليهو خليهم ديل بلعبو معاي الليدو
قال ليها الليدو في النار ما ذي الايديو في المويه
عاطف البحر في واحده قالت عاطف السربعه عندو ما سمحه بتعمدها
قال ليها بتعمدها اخت ابوها
مع الود
معتصم ود الجمام
| |
|
|
|
|
|
|
|
|
 Re: سربعات أون لاين :) لي تمبس ,,وكل الناس (ناس الأتو) (Re: Ibrahim Algrefwi)
|
والله ياقرمبز حرام عليك ..
دي حقارة 
قال لي ببو .. شباب مزيكاتيه حلوين ودوهم جوبا .. مع ناس الحكومة .. واحد حريف جدا قال ليهم يا شباب " أوعه يقوم بينا ( نغم )
الشباب في كلية الفنون مدروشين اعمال نهاية السنة .. واحد كان جعان جوعة شديدة ..قال ليهم ياشباب .. بلاي طلعو لينا عدادات للغداء .. واحد قال ليهو ( نحنا الايامات دي عايشين ( تغشف ) ..
زولة لزيزة جدا قالت ليهو .. ( تغشف ) شنطتي دي كان تلقي ليك حاجه
شوف دي هنا
Quote: يحكى انو محمد الامين لما كان فى امريكا شايف الناس طالعه نازله الملايات الامريكيه...الملايات الامريكيه
قال ليهم بصوتو العجيب داك "دى حقو يسموها الملايات المتحده الامريكيه "
|
شوف دي كمان
| |
|
|
|
|
|
|
|
|
|
Re: سربعات أون لاين :) لي تمبس ,,وكل الناس (ناس الأتو) (Re: tmbis)
|
تمبوس اخيرا جيت شيط شرط ليك القماش
اسمعني  شوق يجنن)!!!
لوووووووووووووووووووووووووووووووووووووووووووووول
مبالغه لكن ديالسربعه البتريح اخوك ذاتها!!
اسه ده ما درون رسمي وشعبي: في القاهره في مدينه نصر اتعرفت علي
واحد اسمو نظمي :نظمي وشعبي
لكن شوف دي انته
Quote: هم كم زول ؟ قال ليه بتين : بتين وخمسين
|
وتاني شنو ايوا هاك دي عشان نكسر الدرون
(( مره في بت صاحبتنا في الجامعه قالت السربعه دي ثقاله ساي
نفرين ردوا في وقت واحد : ثقاله ثم من: . ))
فــــــــــا كيف كده
| |
|
|
|
|
|
|
|
|
|
Re: سربعات أون لاين :) لي تمبس ,,وكل الناس (ناس الأتو) (Re: Ibrahim Algrefwi)
|
1- سربعات وفي ايدينو سبعة لفات
2- وداللمين سأل : يا جماعة ما عندكم سجائر ؟ قالو ليهو : كمل ، قال : (كميل سونغ)
3- قلت ليك(فكتوريا)
4- سالو : الموضوع ده فتحت ليه فايل؟ قال ليه (فايل ايدام)
5- واحدة بتتكلم مع واحد في التلفون كل يوم ، قام قال ليها ( إنتي طوالي ( كلمنت أمبورو) ما تعالي نعمل ( جوزيف لاقو)
6-قال ليه بللاي شوف لي يوم أقرب ،، قال ليه ( أقرب ولا دبيب)
7- ياخي انا تعبان ،،رد عليه (بان أميركان)
8- بمبان وليك الأمان
9- أم درمان تو مان
10- قال ليه : ما عندك أكياس؟ رد عليه ( أكياس أفورقي )
والسربعة من فروع الراندوق ، وتعرف بمصطلح (التلبيس) أي أن تلبس كلمة في أخرى متشابهة معها أو متناغمة
| |
|
|
|
|
|
|
|
|
|
Re: سربعات أون لاين :) لي تمبس ,,وكل الناس (ناس الأتو) (Re: Ibrahim Algrefwi)
|
ها ها ها هاي لوووووووووول قرقرقرقرقر
والله يا ابوساندرا كتلتني بالضحك ,,,
شفت كيف اصلا موضوع التلبيس ده موضوع حضور وحس خستكي عالي
وممكن تقراء بيه حاله عامه لانعكاسات ثقافي وسياسي علي الذهنيه
السائده حين!!! لوووووول
بعدين ديل كلاص ونQuote:
6-قال ليه بللاي شوف لي يوم أقرب ،، قال ليه ( أقرب ولا دبيب)
|
ودي كمان
Quote:
واديك اتنين كده فوقالحساب بالمصري
* ده انا عايز اسمعك لحني : وانا عايز انفد بلحني
* ده انا شعري منكوش : منكوش دعوه
10- قال ليه : ما عندك أكياس؟ رد عليه ( أكياس أفورقي )
|
| |
|
|
|
|
|
|
|
|
|
Re: سربعات أون لاين :) لي تمبس ,,وكل الناس (ناس الأتو) (Re: Ibrahim Algrefwi)
|
قرمبوز .. طلع الحاجات الجديدة
قال ليهو .. اقسممم لي في ( كيسين ) ..قال ليهو ( كيسين شندي ؟؟)
اجدد سربعه يا قرمبز لاقتني امس القريبه دي .
قال ليه عليك الله طير من قدامي تكسر في الحاجات زي ديك (العدة)
قال ليهو .. العدة والا عيد الضحية ؟؟
سمعت بتاعت الولف كتال ؟؟
قال لينا ياجماعة الزول ده كان وقف هنا احسن نتم الباقي بي رجولنا ..
قلت ليهو ( الوقف كتال )
يابوساندرا
السربعه دي .. انحنا خميناها من المصريين .. صاح ؟؟
| |
|
|
|
|
|
|
|
|
|
Re: سربعات أون لاين :) لي تمبس ,,وكل الناس (ناس الأتو) (Re: Ibrahim Algrefwi)
|
1-إبراهيم الجريفاوي
(أكياس أفورقي) دي من عندياتي (باسم الثغر يلوح /سوف يأتي) عشان كده سجلها بإسمي (زيادة)
2- تمبس
نعم يا تمبس صاح و (صوت وعيط) ومخرجي الأفلام متقاعدين مع واحد مسطول في الجيزة بينجر ليهم السربعة و(تمانية)
من أساطين المسربعاتيه ، الراندوقي المتميز ، محمود محمد مدني ، شفاه الله.
هاكم دي
11- قال ليه صاحبك مشى محموق ،،قال ليه : محموق محمد طه ، ولا محموق المليجي؟
| |
|
|
|
|
|
|
|
|
|
Re: سربعات أون لاين :) لي تمبس ,,وكل الناس (ناس الأتو) (Re: Ibrahim Algrefwi)
|
سرك في بير يا قرمبز ..
ابوساندرا
نبيلة السيد سرباعه .. قال ليهااحنا بنتعامل بيناتنا بالرموز .. قال ليهو رموز باللبن ؟؟
اسماعيل يس خطير جدا .. قال ليها ده مش رقص عشر بلدي .. ده رقص الرجاء الصالح
قرمبز
مره أنا وسمؤل طه (سيما) كنا في الموقف قدام قاعة الصداقة جايين من الفرع بي رجولنا ودايرين نملح ماشين امدرمان .. قلت ليه انا عندي مزاج نركب البنطون ده نمشي توتي . رايك شنو ؟؟
قال لي ( بنطون جينز )
بمناسبة اللاب توب ده ؟؟
مره كنت بتكلم مع تمـاضر ..قلت ليها عندي مشكلة في اللاب توب . قالت لي لاب توب مالو في السخانة دي ما يلف عمه بس
| |
|
|
|
|
|
|
|
|
|
Re: سربعات أون لاين :) لي تمبس ,,وكل الناس (ناس الأتو) (Re: Ibrahim Algrefwi)
|
تمبس
سمؤال طه عديل كده !!!نحن اصحاب ولا شنو (لاكن ناس سمؤال ديل البيت كلو بسربع ,, هاك دي من عنديهم (والله غمزت لي غمزه : غمزهوغمزين)
اقول ليك سر تاني ( والله انته صاحبي شديد ياخ)
ابو ساندرا
دي سربعات مصغوله بخبرات وذاكره بطاله اسمع دي قديمه شديد بتاع جدنا ذاتو قال شنو قال لي دي ما نفيسة الضره قال ليه:
ضره ولا كتابه
| |
|
|
|
|
|
|
|
|
|
Re: سربعات أون لاين :) لي تمبس ,,وكل الناس (ناس الأتو) (Re: خضر حسين خليل)
|
يا شباب أحكي ليكم دي
مرة عصام محمد نور قالوا لي في برنامج
قول لينا كلمة أخيرة قال ليهم كلمة سعرانة.
واحد قال سويسرا دي فيها جليد قال لي جليد زاكي الدين.
قال ليهو الزول دي عيان في العناية المركزة عنده (هارت أتاك)
قال ليه هارت اتاك حديث الجنود.
قال ليه العروس لابسه زفاف ، قال: زفاف وتصحر.
قال ليهم يا جماعة إنتو ماكلين : قال ليه ماكلين أولبرايت.
بالمصري: واحد جاء للجماعة قال ليهم: أنتوا كنتوا فس سيرتي:
قال لي: سيرتي فورتي فيفتي.
بوليس لقى الجماعة بسطلوا قال ليهم أيه ده بدرة ،
قال بدرة وبعد بدرة
قال لي يا أخوانا دي شهر تشرين.
قال ليه تشرين واحد وتشرين أثنين وتشرين.
| |
|
|
|
|
|
|
|
|
 Re: سربعات أون لاين :) لي تمبس ,,وكل الناس (ناس الأتو) (Re: Tumadir)
|
قال ليو أملا لي المق بتاعي ده موية...المق نمر
قال ليو الباص انقلب قلبة...قلبة بوليسية
قال ليو ماشي امريكا؟ أمريكا طبك احسن في من عاداك
قالت ليها الوقف ليك وصلك ده منو قالت ليها خطيبي قالت ليها قصدك خطيفي!!
انت من البورداب؟...البورداب بحر ابيض
البوست ده كتبو كوستا...كوستا ليه جنس كواسة
قال ليو انا ماشي الحج...مافيش حج أحسن من حج
قال ليو عربيتك دي شنو؟ قال لي هنتر...هنتر بن شداد
قال ليو داير اشتري عربية بيجو... الناس ديل بيجو ولا ما بيجو؟
قال ليو الشاعر ده أمّي...أمي ولا أبي
اليومين ديل حالتي صعبة...حالتك ولا عمتك
والله يا ابراهيم الجريفاوي انت جنيت...جنيت ليك أغاني
الكمبيوتر اسمو حاسوب... انا حاسوب جنس توبة
سوف أصنع لي حبيبة...حبيبة الفن؟
مالك الليلة حزينة كده...حزينة وعاجباني
الحفلة غنى فيها الكابلي...الكابلي على أمانيك
سمعت بفرقة أولاد البيض؟ لا لا سمعت بالAsylum
أحفظ مالك... يا زول مالك مالي
قال ليو: ايش هادي؟ قال: هادي خشبة
الزول ده اسمو حامد منو ؟...حامض الكبريتيك
قال ليو سمعت الاشاعة...قال ليو إشاعة لندن؟
قال ليو انت بتسوق؟ قال ليه لا أنا ود سوق
سمبا التنزاني...تنزاني أنا في يوم بالمرة يا سيدي خايف
تونس عجبت الناس...ناس أفريقيا
الناس ديل كانو وين؟ كانو في آرسنال الانجليزي
القون خشّ كيف؟ خش الفلاتية
أحمد
| |
|
|
|
|
|
|
|
|
|
Re: سربعات أون لاين :) لي تمبس ,,وكل الناس (ناس الأتو) (Re: zumrawi)
|
من استطاع منكم الباءة فليتزوج ( الباءة المتجولون)
لو سمحت عندك زردية ؟ زردي ياحبوب
ذهبت إلى مقهى وجاء النادل ( نادل خضر )
طلبت كأساً من اللبن المخفوق ( مخفوق بالمخاطر )
ودي حصلت معاي ،، قلت لواحد فلبيني كان معاي في المكتب ،، أديتو ورقة عشان يصورها ، قلت ليه بليز كوبي ( قال لي كوبي ويذ ميلك ؟؟!!)
في الرابع عشر من شهر تموز ( تموز انت ويدوم خيرك)
| |
|
|
|
|
|
|
|
|
|
Re: سربعات أون لاين :) لي تمبس ,,وكل الناس (ناس الأتو) (Re: Ibrahim Algrefwi)
|
يا سلاااااااااااااام الليلة ذكرتوني صديقي وزميلي جعفر سعيد الريح
بقى هو في الحاجات دي ببالغ عديل كدا
مرة قلت ليهو المدام حامل قال لي : حامل بريمة؟؟؟
أخونا عبدالعظيم محمد الطيب شقيق الزميلة مريم محمد الطيب لا قيتو سالتو من أستاذ كان بدرسنا في المعهد إسمو (برادوس)
قال لي : برا دوس برا كلام فارغ
ما بلقى لي عندك برادوس ولا أسبرين يا تمبس
العزيزة أستيلا سلام
الليلة إستيلا اللجي أبوك
| |
|
|
|
|
|
|
|
|
|
|
Re: سربعات أون لاين :) لي تمبس ,,وكل الناس (ناس الأتو) (Re: Ibrahim Algrefwi)
|
بوست حلو وملعوب .. شكراً ابراهيم
الأشكال الموسيقية البتحدّد طول النغمة الموسيقية أشكال مختلفة ومتعدّدة ومنها على سبيل المثال الروند والبلانش والنوار والكروش .. أبو اللمين فى حفلة طلع ليهو واحد من المعجبين يطلب أغنية ، قال ليهو : ياأستاذ شال النوار . ود اللمين قال ليهو : كويس إنّو ماشال ليهو بلانش
| |
|
|
|
|
|
|
|
| |
Ibrahim Algrefwi
gessan
يازولyazoalيازول
الجندرية
معتصم ود الجمام
Tumadir
tmbis
أبو ساندرا
خضر حسين خليل
almohndis
Ahlalawad
بدرالدين شنا
haneena
Rawia
لؤى
معتز تروتسكى
فيس بوك
تويتر
انستقرام
يوتيوب
بنتيريست