|
|
 بوردراب !
|
سلام وحماكم الله شر البرد والوحدة...
...
موش في كلمة شهيرة إسمها بورداب ؟
...
طيب .
كان يامكان في قديم الزمان وفي مرة من مرات سودانيز ده ،
في الخرطوم كان عندنا إجتماع - أو محاولة إجتماع لعمل ما .
وكان في إنعام عبدالحفيظ ، وإنعام دائماً متحمسة ومشحونة مبادرات وافكار ،
وشائلة هم كده وعلي العليها متفائلة جداً وعلي أمل ، المهم كانت بتتكلم عن فكرة ما،
والحماس واللهفة -كالعادة- ماخداها شديد "فراسها كبس" واتلخبطت وقالت "خلاص نحن من
بكره ندعو كل "البوردراب" للحكاية دي ! 
...
قال " بوردراب " قال!
...
بورداب ؟
علي فكرة هذه "البورداب" ، الكلمة أعني تصيبني بالجفوة وفي بعض
الامثلة بالقشعريرة والخجل ولا اعرف سببا لهذا هذا مع معزتي الخاصة للبورداب
بورد بورد وبوردة بوردة
....
زينب بدرالدين المرأة التي تستحق التحايا علي قولة تمبس حضرت معنا -مشكورة علي تحمل المشاق- اخر
"لمة" بوردراب في أمدرمان ، وكانت رفقتها صديقة اسمها "منال لاول مرة "ترتاد الاماكن دي" علي
قولة "الصادق الرضي"، كنت اجلس بجوارها وهم يعرفون بعضهم فلان من بورداب الدوحة علان من بورداب
السعودية فرتكانة من بورداب امريكا وهكذا بوارديك ...
سالتني منال بإستغراب :إنت الكلمة البقولوها دي شنو ؟
قلت ليها : ديل جدهم الاخير إسمو بورد ...
قالت :لا بالجد؟
قلت ليها : ديل في الحقيقة الجماعة البقيفو في المطار ،
منتظرين ناس فكل واحد بكون شايل بورد مكتوب فيه بخط كبير وواضح قطر ،
استراليا ، امريكا وكده
...
[
السبوراب.
درسونا في البلاك بورد ، في "السبورة السوداء "...
، طيب معناها وفي ترجمة ما في سالف العصر والأجياللكمة بورد بمعني سبورة ، لانو بلاك معناها سوداء
إذ بورد بمعني سبورة "في ذكاء برضو" ، طيب ماالمشكلة لو غيرنا اسم البودراب الي سبوراب
، خفيفة وظريفة ومافيها قشعريرة ولا خجل.
...
كلمة سبورة نفسها كلمة كان من المفترض ان تكون كلمة
تخص المطر ومشتقاته لولا احوال الزمان وتحولاته ...
...
إذا بورداب دي كلمة جاية من بورد، وسبورة واساتذة ومعلمين وكتبة وكده؟
الا إنها تنفع ملصق في حافلة خط " االمحطة الاوسطي - البورداب" ، البورداب -الحصيحصا وبالعكس .
او تصلح مثلاً لمانشيتات علي شاكلة مواطني قرية البورداب يهددون امريكا للمرة الأخيرة .
...
...
عموماً في من التقيت وتعرفت وصادقت شباب متحمس ونضر بوردراب كانو ام بورداب ،
لامن يتلمو في حاجة "فوكا" فائدة وبصارة بكونو نضرين ذي الورد أو ذي البستان ...
...
أما "بيجو" المنشور هنا بعبدالمنعم سليمان فهو بوردراب بوردراب عامل صلعتو العجيبة دي !
...
ويا أرض إحفظي ماعليك ...
|
|
 
|
|
|
|
|
|
|
|
Re: بوردراب ! (Re: Hussein Mallasi)
|
شينة و عويرة ..
زي الناس متلشين متلشين .
و يللا قول معاك :
يا شفيف .. يا رهيف ..
آآآآآآآآآآآآآآخ ..
 تصدق يا ابراهيم دي ما بطالة و الله ..
أخير من ديك ..
بوردراب : زي الحاجة الوقعت .. بوردولوب .. بوردراب .
حاجة مدردمة إتدردقت ..
وللا حاجة نطت , على شاكلة : فنتِِرب صنقر على حيلو .. فنترب فنتراب .. بوردراب .. الكبجاب .
| |
|
|
|
|
|
|
|
|
|
Re: بوردراب ! (Re: Emad Abdulla)
|
عُمدة ياوجيه:
| Quote: حاجة مدردمة إتدردقت .. |
بالزاابط ، دي المخجلنا ذاتو ، عشان كده قلنا نستبدلها بي سبوراب الأخري.
غايتو مرة قريت لي طلال تصريف للجماعة ديل بكلمة " بوستاب " فدي ممتازة كمان.
كيفك إنت ؟!
___________
___________
الشيخ القرضابي : دراب شديد موش ، بعدين برضك قالو البورد راب ،
اصلو غُني الراب بتاع البلاك امريكن ده عامل ذي البورد ده في بعض حالتو ...
___________
___________
يابورداب العالم وشعوبه المتضهدة إتحدوأ
| |
|
|
|
|
|
|
|
|
|
Re: بوردراب ! (Re: Hussein Mallasi)
|
حج حسين سلام...
| Quote: يضرسني سماعها .. اضطر لكتابتها .. و احرص على عدم التخاطب بها. |
دي الإبرة ياحسين ! صاح ...
_______
ناذر ، إنت ماتعمل ليك بوست سميه " بورداب واعواد" .
| |
|
|
|
|
|
|
|
|
 Re: بوردراب ! (Re: Ibrahim Algrefwi)
|
Quote: المهم كانت بتتكلم عن فكرة ما،
والحماس واللهفة -كالعادة- ماخداها شديد "فراسها كبس" واتلخبطت وقالت "خلاص نحن من
بكره ندعو كل "البوردراب" للحكاية دي ! |
قرمبوز
فعلاً الكلمة تقيلة على لساني
وبيني وبينك ما عاجباني وأصلاً ما حبيتها
الله يجازي محنك انت ووديدي ما بتفوّتوا حاجة
بتذكر لما غلطت في الكلمة دي وانتو ضحكتوا على 
لكن عفيت ليكم عشان انا طيبة
لكن لو كترتو بقول القطيعة القلتها لي آخر مره اتلاقينا 
Quote: عموماً في من التقيت وتعرفت وصادقت شباب متحمس ونضر بوردراب كانو ام بورداب ،
لامن يتلمو في حاجة "فوكا" فائدة وبصارة بكونو نضرين ذي الورد أو ذي البستان ...
|
بتفق معك والله يكتر من الحاجات (الفوكا) فائدة
مودتي واحترامي
| |
|
|
|
|
|
|
|
|
|
Re: بوردراب ! (Re: Ibrahim Algrefwi)
|
Quote: سالتني منال بإستغراب :إنت الكلمة البقولوها دي شنو ؟
قلت ليها : ديل جدهم الاخير إسمو بورد ...
|
قر قر هق هق هههههههههههاي
أنتزعتها ياصاحبي أنتزعت ضحكتي ياقرمبوز
خضر
| |
|
|
|
|
|
|
|
|
|
Re: بوردراب ! (Re: Ibrahim Algrefwi)
|
| Quote: بعبدالمنعم سليمان فهو بوردراب بوردراب عامل صلعتو العجيبة دي ! |
الي ابراهيم الجريفاوي الشهير بقرمبوز
ما قلت ليك الكلمة دي بكرهها مووووت
شنو يا ابراهيم
تجي ولا نجي
منعم
| |
|
|
|
|
|
|
| |
Ibrahim Algrefwi
ناذر محمد الخليفة
Hussein Mallasi
Emad Abdulla
ALGARADABI
انعام عبد الحفيظ
خضر حسين خليل
عبد المنعم سليمان
فيس بوك
تويتر
انستقرام
يوتيوب
بنتيريست