|
دعواتكم لزميلنا المفكر د.الباقر العفيف بالشفاء العاجل
|
|
 Re: الفاتح وديدي ... (Re: Ibrahim Algrefwi)
|
والله ياوديدي ووحيات ديني ودنيتي
محمود طلع ليه شريط كاسيت
لاحولللللللي الله
يالمزيييكة ، يالصوت "العجيب" الاثر
وياللسعادتي به ، ولاحولي الله تانييي.
حكاية ، صدق الذائقة الشعبية
بانو "الحـــوت لايموت".
...
...
هذا الكتابة انطباع اولي عن الكاسيت
| |
 
|
|
|
|
|
|
|
|
Re: الفاتح وديدي ... (Re: Ibrahim Algrefwi)
|
هذه الكتابة تخص احساسى بالصداقه والصديق وهى تعبر عنى تماماً ، لكنى لا استطيع
اعطاء الصداقه حقها.
زى ما اتعودنا من قرمبوز:- وديدى وايمانى ، اصبح الوقت ثابت والمساءات
يزداد اساها وشحوبها ، ونهاراتى ياصديق تفتقد رنة التلفون وذاك السؤال:-
وين يامان انت ؟؟؟ انشاءلله فى السنتر؟؟؟ واجيب كعادتى :- لا لا ياصاحب لكن
السنتر جايهو اها نتلاقى فى ذات الوقت وذات المكان ، نتنسم اخبار بعضنا
واخبار الاصدقاء ، فى كل مساء نفس الناس ونفس اللمه ونفس المكان ونفس الاكل
ونفس الشراب (لكن وبطبيعتى المشاتره والمتمرده ازيد فى شراب لا يشربه بعض الاصدقاء)
، المهم فى الصداقه بالنسبة لىً ان تكرار الحكى لايذهبها عنى
لكن يشدد من ارتباطها بما اظنه الوجدان (الصداقه تكمن فى مكان عميق لا اعرفه تحديداً لكنه يشبه الروح) والصداقه علمها ايضاً علماً سرى غير ظاهر وتحتاج الى (عرفان) حتى تعلمها.
ونحن نمضى فى (صبيحة المساء الاولى) ، نتجمع كما طيور الهجرة ، تتلاصق حكايانا كلٍ يروى ما مرا به فى يومه ، هكذا نتبادل اخبارنا ، الغريب فى الامر اننا فى كل المساءات نحن كمانحن والامنيات (خضراء) وارفة رقم ضيق الوطن من المباهج التى تسعد الشباب ، لكنا نعرف
من اين (تؤكل) الحياة ومن اين تختلص المباهج .
ولن يبتدى الدوار او الوهن ابداً .. فالصحبة الجيدة تعرف ان تنقلب على الوهن والدوار
والصحبة الجيدة ، هى تلك التى تستطيع ان تصمت فى وسطها كثيراً دون ان يسئ الظن بك الاخرين ، لكنهم قطعاً يسألونك فى بداية صمتك العظيم :- شنو يا صاحب الليلة شغال هزاز؟؟؟
تقوليهم لا والله بس فى حبة ارهاق كده.
ولقرمبوز حباً عظيم للحياة يسكنه... وإبتسامة طفل واحلام ...
ولوديدى حباً عظيم للحياة ايضاً يسكنه ... وله قاموسه الخاص فى الحديث...
وللخرطوم وامدرمان وبحرى الفتها وعتمتها التى تشقينا وتسعدنا ...
ولاماكن محدده نتعايش فيها ونتلصص بعضنا البعض طعمها ورايحتها ...
والاغنيات مع بعضنا يا اصدقاء لها سمعٍ آخر ولها طقوسها العجيبة (وبوب مارلى) ياخذ دايماً
الصدارة والتى اصبحت الان داخل قلبنا تزحمه عليها(اميمه خليل) ، بعد ان اسمعنا لها (قرمبوز) وهى تغنى كما الطيف الجميل ونردد نحن معها ما كتبه شاعرنا السودانى محمود درويش (يملك جنسية سودانية تحصل عليها فى زيارته الى السودان حين كان ينعم باللهواء الطلق 86) ... (الكمنجات...الكمنجات... الكمنجات).
الان ومن بعد ومن قبل (نحن فى القلب كما كنا) ، الصدقاء هم الاصدقاء واذا تعرفنا على الروح ، وسرها العظيم سنتعرف على معنى الصديق.
ولى عودة الى هذا المكان.
| |
|
|
|
|
|
|
|
|
|
Re: الفاتح وديدي ... (Re: Ibrahim Algrefwi)
|
سفيان :
يا سلام يا سلام يا سـلام .
...
...
شفت ياوديدي ،
قصة يا "أخو" ويا "جامد" "ودرفة" ووين ياحقنا وخلافه دي من طرق التحايا الشبابية في المجتمع الأنساني ،وهي تشبه طرق التحايا عند شباب الزنوج الاميركان ، واستخدام كلامات معكوسة واسئلة مبهمة عن الاحوال ، وكمان الاسراف في استخدام الالفاظ الجنسية في التعبير عن المشاعر ، هذه الطريقة في التحدث يسميها الناس لغة "شماسة" او كلام شوارع ، هذا الكلام "كلام الشوارع" ده مطبوع بفاعلية تعبيرية عجيبة اذ باعتبار الفقر الذي يسكن ارجاء الدنيا هو الاكثر انتشاراً ...
هذا منطق يعتمد عليه كتاب اغنيات الهب هوب والراب في العالم ، باعتبار ان لغة المسكوت عنه "اللغة البذيئة" هي الاكثر انتشاراً بين كُل الناس ، كمايسهل حفظها وتداولهابين الناس بمختلف لغاتهم ...
لاحظت أيضاً قدرة الاطفال الكبيرة علي التقاط هذه الالفاظ وتداولها ، ومن المعروف ان الفقراء "غالبية" البشر اكثر جراءة في استخدام هذه الالفاظ الجنسية للتعبير ...
...
...
سألت عبدالحميد المكنيكي "ذميلنا في المنظمة" عن رأيه في شريط محمود الجديد ده
رد بانفعال وبهجة شديدة" شريط حوتة جهنم بس أنسي يامان ده ثُمك عديل...
| |
|
|
|
|
|
|
|
|
|
Re: الفاتح وديدي ... (Re: عبير خيرى)
|
والله الفاتح ده مكسب كبير للنفس البشرية في هذا الزمن
العحيب الغريب ، فيهو من اللطائف ما ندر ، وربك رب الخير
عاطيهو فهم ودقة مشاعر ..
نتمنى نشوفو بسرعة وإنو ما يطول الغياب ..
ونسأل الله أن يحفظو بالصلاتو على النبي ويبعد عنو العوارض
وأبتاء الكذا والكذا ..
" اللهم صل على سيدنا محمد الفاتح لما أغلق ،
والخاتم لما سبق، ناصر الحق بالحق، الهادي
إلى صراطك المستقيم، وعلى آله حق قدره ومقداره
العظيم "
| |
|
|
|
|
|
|
|
|
|
Re: الفاتح وديدي ... (Re: طلال عفيفي)
|
قرمبوز.. تاني ما تعمل كدة..طيّب؟
قبال ساعة بالضبط..
وبعد 3 ليالي إسكندرانية.. لا تُنسى ولاتُغفر..
وعلى إثر وشاية هاتفية من صديق تمام ونمّام..
ـ عزّزها لاحقاً برساله ماسينجرية ـ
دخلت هنا..
الحمد لله الذي هدانا إلى هذا وما كنا له لمهتدين!!
دقيقة بس.. أشيل نفسي وارجع،
ومنها أحاول أراجع الكلام الفوق دة كم مرة كدة..
لغاية الوكت داك خليني أقول ليك:
حالتك الإنتا عايشها دي ما سيئة خالص..
تشخيصها باين عندي..
عشان أقرب ليك الفكرة بي عملية تناص منبري كدة:
إنتا بتعاني من (إنقلابات عاطفية)..
وهي حالة عادية يعني..
بتجي لي ناس كتيرين..
بس مشكلتك إنها اتلازمت معاها حالة بتاعة Bathos
إنتكاس فكري يعني!!
لكن غايتو ماتشيل هم..
حتبقى كويس..
ماتاكلش سمك ولابيض..
| |
|
|
|
|
|
|
|
|
|
Re: الفاتح وديدي ... (Re: هضيبي علي سعيد)
|
هضيبي علي محمد سعيد النور الجريفاوي
حبابك أخوي ...
أرسلت لي يابن عمي رسالة الكترونية علي البريد أياك
المرجو موافاتنا بالدم.
...
...
شوف معانا حكايات وديدي دة
| |
|
|
|
|
|
|
|
|
|
Re: الفاتح وديدي ... (Re: Ibrahim Algrefwi)
|
الفال الحلو ودجبريل:
هم ذاتهم ناس أبو الهل ديل ما بيفكروا..
حقو بعد ما قصة المحمولة جواً دي استعصت قدر دة،
بالكورة أبتهم وبالرتينزات غلبتهم،
حقو يستفيدو من فرصة وجودك في المغرب دي قدر مايلقو
وكمان لو الأرباب سخى وجاد عليك بي كم سفرية كدة معاهم..
ممكن القصة تلتق ونلقى لينا صفيحة..
إن شاء الله من سيكافا وللا أي بطولة من الوهميات ديلك!!
| |
|
|
|
|
|
|
|
|
|
Re: الفاتح وديدي ... (Re: Ibrahim Algrefwi)
|
يذكر الناس يومها في الشارقة.. بسكونها الرهيب
تلك (اللزمة) التي كثيراً ما تخللت عراميص الشعر بين يدي المعلم درويش:
ياسلام ياسلام ياسلام..
و(الفونيما) تلك كانت تخرج من بين شفتي صديقي سفيان على رأس كل 10 ثواني تقريباً..
وهي إن صدق إحساسي بها كانت تجئ على نحو مائل مع بحة عفوية عند حدها الأوسط..
وتتخلق عند عقدة نهاياتها نبرة الإمالة عوداً على بدء..
لتعود الأعين..
تميل القلوب وتهفو تلقاء مصدر الصوت..
وصاحبنا داك في عالم تاني..
يجتر مسبحته بزمن فنان:
ياسلام ياسلام ياسلام!!
ولا همّاهو كمّ العيون الإترصدت نغمات لحنو البديع..
لن أنسى يومها تعليق احد الأصدقاء:
إنتو سفيان دة ما أظنو سمع درويش دة ذاتو.. لأنو زمنو كلو مليان تسليمات!!
ولو أن صديقنا هذا تحرى الصدق،
لتأكد معنا أن درويشاً نفسه كان أحد الذين استدرجهم الإيقاع ليلتها..
فدوزن عصب أشعاره بما يتوافق وكهرومغناطيسية ذاك المجال:
واحدة مني..
وواحدة منو..
تانية مني..
وتالتة منو!!
سفيان بشير:
شايفك جليت (الزغني)،
(سِمِنْتَ) وللا جابو ليك؟
| |
|
|
|
|
|
|
|
|
|
Re: الفاتح وديدي ... (Re: الفاتح وديدي)
|
تلقى فيها الريدة فاردة جــناحها..
تشتاق للربيع...
ياعبيييير.. يااااعبير
..........
الدبرسة كيف؟ فكت
خلاص ولا يهمك.. كلها يومين كدة وتفكيها في الناس..
مش قلتو اللمة بتاعة البورداب يوم 13؟
بس ياعبيرعليك الله ذاكري كويس واحفظي ليك حاجة مع الفرمالة ديك..
يعني ماممكن كل مرة كدة تقدِّي الناس:
الأمان الأمان..
حاولي جددي يعني
والكلام دة طبعاً لي صالحك ولي صالح العملية التطريبية..
عشان الناس ما تكون (مجبورة) كمان
ومحكوم عليها تسمع ناذر الوكت كلو 
| |
|
|
|
|
|
|
|
|
|
Re: الفاتح وديدي ... (Re: Ibrahim Algrefwi)
|
وديدي يسلم شبابك سلامات :
دي موش اجمل لقطة في حياتك ؟
مُحتمل ،
لكن قد تكون احدي لحظات تأملك وتفاعلك الحميم مع الحاصل ، ربما
ليست أجملها، ولكنها الكميرا ، الفتوغرافيا ، تحفظ للناس حقهم في التذكر ...
...
...
أما بخصوص الانقلابات العاطفية الما خمج والانتكاس
الفكري وموش عارف أيه ، فما ادس عليك أنو انا زول
ساي كمان ، فارغ ومستهتر ومهزوم ، كان مفروض انتحر
من يومين لكن بس امبارح سحر(العجيبة)في التلفون قالت لي :
صوتك فيهو بحه جميلة ياقرمبوز...
وهذاكل ما دفعني لمواصلة الحياة
...
...
الصورة منقولة من بوست رحلة الشاعر
لصاحبه طلال عفيفي أحد المتداخلين الافاضل.
| |
|
|
|
|
|
|
|
|
|
Re: الفاتح وديدي ... (Re: Ibrahim Algrefwi)
|
أما فيما يلي أمر سحر.. فهي مغشوشة..
وأيم الله مغشوشة..
بعدين ياخي تعال..
إنتا لي متين قرارك حيكون مرهون للبنات؟
إنتحر.. إنتحر ياخي!!
.........
بالنسبة للود الطويل ديت
المرتبطة في ذاكرتو أوصاف البنقو بجوان بيز وبوب مارلي و... بالغمام..
دة حكايتو حكاية..
تحاياي له من لدن بيت الهواوري.. الغورية وزقاقات الأزهر القديم..
من بيت العود
من هنا حملني صديقه (نصير شمة) الأشواق له ولأسرته الكريمة.. والسلام أمانة..
دي قصص تانية ..
تبدأ من ميناء القاهرة الجوي، السيدة، حسين شريف ومكتبة مدبولي
مروراً ب34 شارع طلعت حرب.. أو ما تسمى بـ(اليعقوبيان بيلدينق)..
وانتهاءاً بقلعة قيتباي عند الشط الإسكندراني..
يللا ..
خليها على الله ياحبة..
.........
كم نظرنا (طلال) ما..
تعرف ياعفيفي.. أهلنا زمان كانوا بيقولو:
بلداً ما بلدك .. جر فيها الشوك !!
أها والله أنا اليومين ديل ..
وتصديقاً للموضوع دة جاري وراي كمية أطنان بتاعة (أشواق) ماعادية ليكم..
........
بالجد والله يا ابرهة..
ياخ إنتو ناس كويسين شديد..
.......
| |
|
|
|
|
|
|
|
|
|
Re: الفاتح وديدي ... (Re: الفاتح وديدي)
|
طبعا ياوديدى زعلانة منك لمن غلط !!
وتدينى تلفون غلط كمان ؟!!
قول عديل انك جيت القاهرة وماداير تشوف خلقتى !!
زعلانة ودايرة اطررررررررررررررشق !!
| |
|
|
|
|
|
|
|
|
|
Re: الفاتح وديدي ... (Re: Ibrahim Algrefwi)
|
بنش سلامات
ربنا يوفقك فيما ذهبت اليه
رسل لى دكتور الفاتح تذكره فى اجازته السنويه ينوبك ثواب
ودير بالك على وزنك يعنى ماتخلى الرياضه
زماتشيل همى بلقى لى زول يعفص لى
عرفتنى ولا لا...
البعيو
| |
|
|
|
|
|
|
|
|
|
Re: الفاتح وديدي ... (Re: البعيو)
|
أنور البعيو:
ياخ الفاتح الطوبة دة ماصدقت أنا فارقت خلقتو دي تجي تقول لي فيزا وشنو؟
لكن هسة والله بديت اشتاق ليهو ولي ونستو الفارغة ديك..
كيف الغربة وتصاريف الأيام ويّاكم؟
نحنا يانا نحنا..
الكورة مابخليها..
لكن حاسي بيها هي البدت تخليني!!
| |
|
|
|
|
|
|
|
|
|
Re: الفاتح وديدي ... (Re: Ibrahim Algrefwi)
|
تعرفو يا ناس يا هنا...
اى حاجة بجى فيها الصحبة والاصدقاء دى خربانة وحصاده فى النهاية الزكريات والضحكات الجميلة وطبعاً (قطع شك) دى ماخسارة بواقع السودان الشفاهى !!! ووديدى وقرمبوز ديل ( مشافهتهم) عجيبة قوى قوى ، المهم هسى دى حيلى شديد وانا كعادتى (لضيض وفصيح ) ، المهم اكتر انا بحب الناس ديل وبحب صحبتهم ومنادمتهم (والله لا وراكم ) الوكادة (الدولية) بتاعتهم ديل لو اتواكدوا عليك (زغنى زغنى ساى مابتاكلو) ، والمهم اكتر واكتر هسى الفاتح وديدي ده يسافر كل الوكت ده ويخلى ابراهيم ينق فى راسى ده انا مشتاق للفاتح انا مشتاق للفاتح ، ياخ التقول هو الفاتح صلاح الدين ، هاهاها مابقول الدايرنوا !!!!
والمهم شديد الزول الاسمو وديدى ده خلاص لازم يجى راجع ، ويسكت مننا الزول ده !.
وياناس انا اصلاً الصحبة قاعده تاذينى مش عشان انا حساس لا لا بس عشان انا سودانى واخلاقى زى الشمس العمودية حقتنا دى والماعاجبوا يسوى العايزوا، والنوبة بتاعت الصحبة دى هى اصلاً نوبة سليمة لكن دايرة الوضع السليم!!!.
والا شنو؟؟؟؟
| |
|
|
|
|
|
|
|
|
|
Re: الفاتح وديدي ... (Re: Ibrahim Algrefwi)
|
وحات الريد يا أسمر..
فراقك ثانية مابنقدر
لكن غايتو نتصبر..
كل ماليك نتذكّر..
تنزل دمعة تتحدّر
نرجع تاااااااني.. نرجع تااااني.. نرجع تاني نغفر ليك..
........
دة حوته بتاع زمان البنعرفو ياهيما..
الود السطلايت.. أبو صوتاً رخيم ومنزِّل خلاقة..
هسة الجرة الفي (نرجع تاااااااااني) دي ما ظنيتو بيقدر يجيبها زي ما إترسمت جوانا..
........
عبدوش، نشأت وسفيان الثوري..
حأجيكم بالمهلة..
ندوية،
جاييك بالدرب..
........
منو القال ليك ..
بنتحمّل فراق عينيك/م؟!
| |
|
|
|
|
|
|
|
|
|
Re: الفاتح وديدي ... (Re: نادية عثمان)
|
وديدي:
لو ما لاقيت نادية عثمان دي الترابه في خشمك
.
الناس ديل كُلهم مكتشفينك ، وانا كنت فاكر أني الوحيد الشاف ضئ عينيك!
ودي مبذول لكل المتداخلين، حينما ترفع عني الحياة ثُقلها ساعود ...
| |
|
|
|
|
|
|
|
|
|
Re: الفاتح وديدي ... (Re: Ibrahim Algrefwi)
|
ندوية أزيك
| Quote: بس مايكون يوم القيامة العصر !!!! |
يوم القيامة العصر دي مفروض يجينا نحن بي جاي ....
الود وديدي ده أتعلم حلاوة لسان المصريين وداير ياكلنا حنك ساي ...
الشوق الواحد ليكم ليكم
وللأشراق الفي عينيكم ...
| |
|
|
|
|
|
|
|
|
|
Re: الفاتح وديدي ... (Re: Ibrahim Algrefwi)
|
ود السر محمد
غفر الله لك زنوبك كلها ، ورحمك رحمة واسعه ، وانت تزكر هؤلاء المراحيم
بما فيهم (انا ذاتو) ، وصدقاً ماقلته فقد سبقك عليه السيد (الدرويش ) محمود
حين قال :- فإن أسباب
الوفاة كثيرة ، من بينها وجع الحياة ، ونحن (خلاص) وجع الحياة ده (عرسناهو تب)
وميتين ميتين (اليوم زاتو) والحمدلله !!! وحسناتنا كثر يا صاحب (تتحدث عن نفسها لو سالوها تسيل) ، المهم ماعلينا !!! وفى مجمل الرد عليك (كمشتاق عظيم لرفقة هؤلاء المراحيم) اقول :- مافى طريقة نهائى (شوف محل ماتقبل قبل) ، طالما انك هارب عظيم من وجع الحياة هنا ، وتتحسسه فى مشافهتنا ومراسلتنا !!! لكن ماعليك (كحبيب) بنخلى ليك وجع شديد (بالجمبة كده) ، بس اعمل حسابك و(ما تجلكن) ، لانو الجلكنه مع نوعك ده الا يشوفو ليهو (عوضه كده) فى صحراء بيوضه ويبعدوهوا من الناس!!!.
وفى حضرتك يا صاحبى ود السر ، وحضرة اصدقائى المراحيم (دول) ، خلينا نشوف منطق اللغة المحلية والا قاعدين نسميها (الرندوك) و (الجلكسات ) ، وطبعاً ناس (الديم ديك) اعمامك (المجلكنين ) ناس ابو ساندرا وعماد ومعاهم صاحبنا طارق جبريل والشاب بتاع الكرة الاسمو مدثر تف تيف ده ، هم ناس عجيبين شديد وبيعرفو بطريقة شعبية جداً انو التدهور فى الاستقرار الاقتصادى والامنى وعدم وجود ارضية هُوية محدده لمجتمعات متعدده نتيجتوا الطبيعية بتكون هى نمط جديد يتم التعبير بيهو عن هذا التدهور بس من ناحية تانية (وده الجانب الممتاز) نتاج (اللغة الشعبية) دى بيعتبر ابداع جداً لانه انتج شكل جديد للتعامل وللصعود فوق حالة الاحباط واستنبط شكل جديد يتساير مع الاوضاع المعاشة (شفته كيف)!!!! و الكلام عن الموضوع ده طويل جداً وفى ليهو هسى شبه مراجع ، واللغة معروف جداً انها بتتأثر بالروح السائدة للحضارة وانجازاته وآلياتها وفى اللغة (ذاته) بنعكس النمط الحضارى السائد فى مجتمع من المجتمعات ، وكمان زى ماللغة بتتاثر بالحضارة ، الحضارة ذاته بتتاثر باللغة (ما عايزه نضم لكن تكملة ساى ) ...
اها الكلام الجاى ده ح يجيب لى المشاكل !!!.
ايوة اللغة العربية بتعيش فى مشاكل عظيمة شديد ليه ؟؟؟!!! لانو هى بتعيش فى (نص) حضارة ما حقته وما انتجته هى ولا صنعها أبنائها، حضارة عملت لنفسها منهج علمى ونظم فكرية ووجهات نظر عقائدية ، (وديت) حاجات لم تالفها اللغة العربية (طبعاً) وزى ما بقول صاحبنا المرحوم(عصام عبد الحفيظ ) ديت منتج اخر اخر من ( العالم الكسح) ، اها نحن (فى وجع الحياة بتاعنا ده ) مشكلاتنا (دبل) اول شى مشكلة تحديد (نحن منو ) فى خطاب يجمع كل هذا التعدد وتعبر عنه مؤسساتنا السياسية والثقافية بلسان واحد ومصير واحد (تجتمع) عليه تمنيات وطموحات كل الناس الفى بلدنا ده (شفتو كيف!!!!؟؟؟) ، المشكلة التانية طبعاً (جاى من الاولى ذاتو) يعنى ما عندنا ما يمكن نسميه حضارة ، وطوالى بعد ده نمشى للمشكلة التالته والرابع وووو الخ الخ الخ !!! .
وده بيجيب مباشرة (نقة) الابداع الانتجتو المجتمعات السودانية وقاعدين يسموهو (الرندوك)،رغم التدهور رغم كل حاجه .
اها يا ناس بعد ده موضوع اللغة ده فتشو عنو لانو هو ماشى وكاسح وعمل لى نفسوا اغنية وسوق وشباب وأدب وكل حاجه كل حاجه وماشى يعمل بلد عديل كده .
| |
|
|
|
|
|
|
|
|
|
Re: الفاتح وديدي ... (Re: Ibrahim Algrefwi)
|
قربما وما أدراك ما ماقرمبوز
خليني أذكرك بشئ أول ما نبدأ كتابتك دي رجعتني لحلف شمال الاطلسي إن كنت لاتزال تزكره أيام وأيام مضت ياصاحبي بوخ الحنين البليت بيه الكي بورد كان ظاهر لامين نزلن دمعتين وأنا أقتفي أثر (ودينك وأيمانك) وديدي . لامين لقيت الزول العكليت (سفيان) قلنا نواصل في الدميعات البقن مادايرات إجتهاد ولانواصل نشوف أخر الحنين ده بيودي وين .
صاحبكم المفقود (البتسرمح) هسي في الاسكندرية وماجاورتها من مدن اللهو شكلو هو ذاتو كابي (الجرس) وإن كان بجادع روحو بالسهر . السهر والحمي الكتلوا ( التجاني يوسف بشير) وكان أولي ياصاحب لو اللمة كانت في الايد . ما كان صاحبنا عبدالله الطاهر يهاتي ليل أمس كلو وديدي وديدي وديدي حتي (ظننت أنه سيتبعه) . ووديدي شكلو من شكل الاصحاب البخشوا (لا جوة) حيث مستقرهم البقسمو القلب حتي من نفس (تقرأ بفتحة النون) الحبيبة . الحبيبة ياقرمبا . كل ماهنا لم يعد كسابق عهده هكذا حدثت بالامس سفيان علي هامش إتصال عاطفي بيننا نقلت له مانقلت من شاكلة (أنعل أبوك وأبو قرمبوز) . عله وصل النعلات نعلة نعلة . النعلات هذه عبارة عن أشواق ضلت طريقها لتتحول بقدرة القرف ( لي نعلين جواي ) البسهما وكتما الحالة تجي .
ثم أني زهجان منك خالص ياقرمبوز وديني وايمان قرفان
وديدي أستمتع راجيك الجري
خضر
| |
|
|
|
|
|
|
|
|
|
Re: الفاتح وديدي ... (Re: سفيان بشير نابرى)
|
المرحوم سفيان
بركة بالشوفة
كانت واحدة من أمنياتي إني ألاقي زول من الناس العبروا البرزخ عشان يحكي لي عن الحاصل بي هناك..
وأهي تحققت..
إحكي لي..
فضفض..
عليك الله بي هناك ما أحسن من هنا!!
| |
|
|
|
|
|
|
|
|
|
Re: الفاتح وديدي ... (Re: Ibrahim Algrefwi)
|
ود السر
سلام يا خينا،،
Quote: المرحوم سفيان
بركة بالشوفة
كانت واحدة من أمنياتي إني ألاقي زول من الناس العبروا البرزخ عشان يحكي لي عن الحاصل بي هناك..
وأهي تحققت..
إحكي لي..
فضفض..
عليك الله بي هناك ما أحسن من هنا!! |
احـــــــــــــــــــــــــــــــــــــــــــــ
انا هسى -برزح- فى الدنيا دى اقوليك اخير ترزح قبلك ده بهناك خلها تب.
هسى ياود السر هنا فى طوطحانية ووحلاوة وكوكاكولا وسينما ومسرح وفى اصحاب تساهر
وتسافر معاهم وفى بلاد كتيييييييييرة ، تجى تقولى هنا احسن ولا هناك احسن ؟؟؟!!!
ده شنو ياود السر انت السفر لخبط عليك والا شنو ؟؟؟!!! العدد العدد بقيت (تجليهو)
ارزح قبلك ده يا خينا مع الاشواق والعذابات فى الحياة دى .
وديدى شــــــــــنو يا زول!!!!
تعال ورينا العندك تعال وفى رواية اخرى ((تعال بالعندك تعال)).
| |
|
|
|
|
|
|
|
|
 Re: الفاتح وديدي ... (Re: طلال عفيفي)
|
Ibrahim Algrefwi
ابرهه العزيز (قرمبوز)..
عليك دينك خلو لى باقى من الود لمن اجيكم ماتكملو كلو..
عموما قاعد اجهز فى سكينى من اسى..ماسمعتو من الحب ماقتل..
المره الفاتت فضحتونى معاهو بالذات سفيان ده...
بس اديكم معلومه ..
مره دلعو ومره شدوها معاهو ..
عشان يمش عِدل..
سلام يغشاكم ياشله...
* فتشته اغنية (مين فى الاحبه) كنت عايز انزلها ليكم..
| |
|
|
|
|
|
|
|
|
|
Re: الفاتح وديدي ... (Re: Ibrahim Algrefwi)
|
بن عمي العزيز وديدي وايماني.... الشوق بحر....
قالو في الكس...اوععك تجي...
الحتة دي ترد الرووح...
انا كلمتك يازول...
قرمبوز, سفيان ,طلال وناجي انا مشتاق بيكم جدا
ضياء .....في المنفي
| |
|
|
|
|
|
|
|
|
|
Re: الفاتح وديدي ... (Re: Dia eldin khalil)
|
لم احس باننى غريب على هذا الحوار .. يزكرنى بصحبة جميله وايام اجمل عشنا فيها التشرد
ومارسنا انسانيتنا بماتوفر لنا من الانسنه .. قبل ان تشردنا المعيشه فى بلاد الله والواسعه
هناك حيث كان صديق الانصارى وعيسى عبد الله وعبد المجيد عفيفى ومروان وبحر وحسن مصطفى وطلال
وكثير من الحلوين ,,, اه عزرا جريفاوى ووديدى ونابرى للمشاتره ولكنى اشتهى فيكم صحابى
الاندال ...
لكم موده ... وموده ... وتانى موده
ديك الجن
| |
|
|
|
|
|
|
|
|
|
Re: الفاتح وديدي ... (Re: Dia eldin khalil)
|
| Quote: اوععك تجي (...)انا كلمتك يازول... |
سبق السيف العزل يا (ضياع)
سبق السيف العزل !!
والبِقَت ..بِقَت!!
بالكاد أنا الآن (تِرْس) ضمن منظومة الملل.. غير أني أُبَاصِر أمور دنياي بذات الحيلة القديمة ياقريبي: تضييق (فونية) الذاكرة عند أدنى حد بيكسل مسموح له بالمرور..
دي نظرية مجرّبة وقايمة على فكرة الترشيد ..
تنشر بالتقسيط صور اللحظات الحلوة بين مساحات الضجر..
بالحساب كدة : تستدعي ساعة من هناك عشان تديك طاقة تبديد وجع عشرة أمثالها هنا!!
في ذات السياق: الساعة قاسية بلاك !!
| |
|
|
|
|
|
|
|
|
|
Re: الفاتح وديدي ... (Re: Ibrahim Algrefwi)
|
ضياء الدين
| Quote: ضياء .....في المنفي |
ياخ نحن مجهزنك يا ضياء بس تعال راجع
ضياء الالمان شردونا ياخ !!!.
ديك الجن ،،
Quote: لم احس باننى غريب على هذا الحوار .. يزكرنى بصحبة جميله وايام اجمل عشنا فيها التشرد
ومارسنا انسانيتنا بماتوفر لنا من الانسنه .. قبل ان تشردنا المعيشه فى بلاد الله والواسعه
هناك حيث كان صديق الانصارى وعيسى عبد الله وعبد المجيد عفيفى ومروان وبحر وحسن مصطفى وطلال
وكثير من الحلوين ,,, |
شوف يا زول الناس ديل كلهم صحباني (سرج) والله مروان وطلال وحسن ديل الوحيدين الما اتزكرتهم لكن بكونو اصاحبي برضو...
اول حاجة الانصاري خلاص بقي كان أسري وعمل ليهو عائلة وخايف شديد انها تكون عائلة ممتدة
وعيسي عبد الله في دولة الامارات يا صاحب اغترب...
وعفيفي لسع يلون وعمل (قيلري) جم مقابر فاروق واصبح له اسرة وعيال...
أما بحر فاصبح محاضر بجامعة كردفان يا صديق ...
ياخ يا ديك الجن كمل اللسته لسع وين ناس فتحي البحيري و ومهدي وعاصف مامون وعمر خضر وأدم وعادل تنقو !!!!.
ديك الجن ياخ انت منو ياخ ؟؟؟
وداير تجننا مالك؟؟؟
معتصم دفع الله
ازيك يا خينا
مش انت رجعته سعوديتك؟؟؟
اها الفاتح رجع.
| |
|
|
|
|
|
|
|
|
|
Re: الفاتح وديدي ... (Re: سفيان بشير نابرى)
|
من دخلت هنا .... سمعت صوتا بيقول
البيت ده بيتك يا الحبيب
ادخل ...
مخير وماك غريب
اتمدا فى اقرب عنقريب
مبهول فى حوضو الهمبريب
النيمه .. ياالعنابه ضل
أغشى التكل .. خرمان فى شاى .. جيعان اكل
والله ايام يازمان
سوف اعود لك يا سفيان ...
ديكو
| |
|
|
|
|
|
|
|
|
|
Re: الفاتح وديدي ... (Re: Ibrahim Algrefwi)
|
DEEK_ALJIN ..
معزتي ياصاحب.. ما عدمناك ياخي والبيت بيتك .. خالص تحاياي وعالي هتافي: ربحت صديقاً ..
عزنا وحبّنا.. كلامي الدايرو بوصل ليك (إنشاء الله في الإسكايباك) ..
في انتظار عينيك يا الضي .. وخروفك برضو.. دة القبيل راجنو نحنا..
معتصم.. ساءلين عنّك يوماتي.. الخبر شنو نتلاقى ف ساعة خير ياشاب
سفيان وقرمبوز ..ياخي مانجيكم في شينة..
| |
|
|
|
|
|
|
|
|
|
Re: الفاتح وديدي ... (Re: Ibrahim Algrefwi)
|
إلى ضياء:
ياخي الخرطوم لياليها بقت حلوة والله.. ناقصاك بس.. يعني واخد بالك.. دي جردية الاسبوع الفات بس من الداياري:
9/4 : ليلة عفيفي وميلادو المبهج في المرسم هناك، برفقة الأفاضل الحلوين: (قرمبا، سفيان، العجيب مصطفى علب، المحتفى به تيتو وسيد القهوة عصام عبد الحفيظ)..
10/4 : الهيلاهوب وهيلاهيلب؛ ليلة لا تنسى في السطوح.. محطة الغالي، ناس طارق الأمين وصالحين، مي ومحجوب، طرب شمت وأفكار خلاقة للبلد وناس البلد.
11/4 : حنه وبهجة في الأحامدة.. عرس بكري أخو أسامة عباس مع ابداعات الواعد ابراهيم جريفاوي.. رفقة حلوة مع ناس كابو، نابري، مامون التلب، شبشة، فطيرة، أبوذكرى، عمر دفع الله، كوبرا وصفاء الصالح..
12/4 : أحلى ليلة في الليالي..
13/4 : نادي الضباط وبهجة برضو.. نفس الملامح والشبه.. كل الناس الحلوة
14/4 : جعفر أبو آمنه وليلة في دار المهندس بالعمارات، حلوة وبديعة.. نعمنا فيها بوجود بوردابي مقدّر ضم الشباب: ملاسي، صالح تبلدينا، عارض الصاوي، هالة الأحمدي، سفيان - كرهتنا السودان ذاتو ياخ.. إنتو كم سفيان؟ - والغالي حمد فتح الرحمن..
تخللت الاسبوع عطلتين ومولد.. لذا جاءت صباحاتنا موردابية بنكهة (شعيب) وسمك النيل..
لا ينغص بهجة أيامي الأخيرة ياضياء إلا مقولة أطلقها بالأمس المدعو حمد هذا.. حدثنا فيما حدثنا به إنو معجب شديد بي كتابات الزول الإسمو قرمبوز ديه.. وجزء من برنامج زيارتو للسودان مخصصو عشان يقابل هذا الشاب، يشوفو ويتونّس معاهو.. ياخي تشوف النبي .. بس مشروعك دة حقو تصرف النظر عنو عشان ما تبوّظ الصورة الخاتيها في راسك.. تمّ إجراء اللازم حيال هذا الموضوع واتفقنا على إبقاء رغبة حمد طي الكتمان.. حفظاً للوداد البيننا، وعشان خاطر إنفعالات قرمبا نفسه
| |
|
|
|
|
|
|
|
|
|
Re: الفاتح وديدي ... (Re: Ibrahim Algrefwi)
|
ولأن الشئ بالشئ يذكر، فخليني يا سفيان أحكي ليك عن (وكادة) مارسها قرمبوز فيك قبل يومين كدة.. الزول ده غنج عليك بي إسم (أمورة) حمّلتو التحايا ليك ولي كتاباتك.. قالت ليهو: أنا بقرأ سفيان ده بي كلّياتي وبعيش مع قلمو شديد - أو قالت مع كيبورده لا أدري -.. المهم.. لمزيد من التفاصيل يُرجى مراجعة (بابا غنوج)..
| |
|
|
|
|
|
|
|
|
|
Re: الفاتح وديدي ... (Re: Ibrahim Algrefwi)
|
wadidi wad 3amati
bas bigat 3alikom gi9at
ommi musafra wa 3amil 7afla
alla yeg3al alyam kolaha bahga
ameen
ba3dain 7amad al9a7ib aljadiid
gool laiho dia gal laik
tashoof alnabi al7'ider ya 7abibna
grmboz da ta3ban saiii
aslna ani7na
sfian
izayek ya 9a7bii
golta lai grmboz bada aleshterak ma3ak
alf la bas 3alik
.....
ya grmbooz wallahi mushtagen
wa ba6il tishtarek ma3alnas
......
Dia
| |
|
|
|
|
|
|
|
|
|
Re: الفاتح وديدي ... (Re: Ibrahim Algrefwi)
|
وعلي سيرة (الغنج ) والدلال ... فوديدى (غنيج) درجة كابتن
ويلاحظ ذلك بأنه القاسم المشترك في كل (الوكادات)
بداً من ليلة درويش في منزل حبينا طلال عفيفي مروراً يحديث
التي تقراءني بكل (كلياتها) ياسلام ياسلام ياسلام (علي مقدرتها في الصبر)
إنتهاً بحديث حمد فتح الرحمن - لذي سيفعل بنا الافاعيل - ولله الحمد علي الابتلات.
دلفت اتوكي الماوس مباشرةً الي حيث كما أخبرت
(انا رجل طيب ومفتوح شارع وقلبي هميم ) لاعرف ماذا عند
فحظيت بمطعم فخم وماكولات لم اسمع بها ولا اظن اني ساحظي !!! القلب دوماً يصدق هؤلاء
الاصدقاء الاوغاد ... المهم في الامر يستوي امر الاخوان هكذا وهي منافسنا ومنافذا الوحيدة
في وطن يتخطفه الحزن ويتخطفنا فيه الود لضحكة طيبة وطبيعية من فرط الحب والصحبة المتفانية .
اما الان يا ضياء الدين لك حيز الشوق ملئ
وانت هناك بعيداً في منفاك الاختياري
صديقك هذا تعرفه انت كثيراً ليس هنا اشكال
في ان يشاركني شي لكن الاشكال في ان (يغنج)
علي ولايحدثني (بالعصافير) التي تشقش علي (اغصاني)
ويتركني هكذا لا ادري شي...
ضياء تعرف يا صاحب هسع يجي (ده لو اعترف طبعاً) يقول لي (عصافير) ياخ هي
حي الله واحده بس مش اتنين وده في حد زاتو لو كانت عصفورة ، ثم تانياً انت يا سفيان
عندك اغصان زاتو!!!
ياخ ده صاحب (لميط) وانت عارف الحكاية.
اها نمشي ونجي تاني ...
| |
|
|
|
|
|
|
|
|
|
Re: الفاتح وديدي ... (Re: سفيان بشير نابرى)
|
دكين
Quote: دي قلبتا فيها هوبة يا وديدي
جيت فيها الطيش عديل.. |
وديدى قال لى بعد دااااااااااااااااااك
انو دى كانت نمرة تلفون فى الشارع وماحقتو !!!
وديدى
الزول وصل القاهرة الحق رتب امورك مع ابو الضيق قوووووووووووووووووام !!
| |
|
|
|
|
|
|
|
|
|
Re: الفاتح وديدي ... (Re: Ibrahim Algrefwi)
|
بلاي شوفو سفيان ده
Quote: نص مجازي من بنات افكار وكادة
هذا الاخ !!! |
بنات افكاري ديل لو شُفتهن يا سفيان بيمسك المسه بلة !
...
...
ياراجل انتبه : فمرمي الله ما بترفع.
...
...
وديدي النسي ريدتنا ...
| |
|
|
|
|
|
|
|
|
|
Re: الفاتح وديدي ... (Re: الفاتح وديدي)
|
وديدى
| Quote: جمبك يانادية.. الأمور ماشة كويس بالمناسبة.. وشاكرييين على الإفادة |
وديدى ياخ ماتخلينا نتلفّت ساى !!
جنبى وين ؟!!
انت رجعت القاهرة وانا مااعرفش ياجدع ؟!!
اسمع كلمنى فى التلفون عشان اطمئن على مستقبلك الكروى !!(وجه منتظر)!!!
| |
|
|
|
|
|
|
|
|
|
Re: الفاتح وديدي ... (Re: Ibrahim Algrefwi)
|
وديدي .
وأيماني طبعاً ...
غطسته كالعادة ، ولعل المانع خير ؟
أما اذا سألتم عن اخبارنا ، فقد استبد بي الحُزن ...
الفقد ياعزيزي ،
انه الالم، ان تفقد ماهو عزيز عليك ، يتخطفه الموت وشيئا فشيئا النسيان ،
ان يُخطف منك عنوة، يتركك لسؤالات زرقاء وحزينة ، تاني بس سواها كيف ،
ياللزمن الظالم ،ان تسرق منك الاغاني والصور بذكرياتها السمحة ،
أن يُسرق (موبايلك) ...
أستبد بي الحزن يا وديدي علي(موبايلي) الجميل البنات عمو ما سمعو بيه ...
شفتو كان حلو كيف ، سمح سماح وصوته جميل ...
موبايل اولاد العز البيخش الانترنيت ...
اللهم ارني قدرتك في الظالمين.
| |
|
|
|
|
|
|
|
|
|
Re: الفاتح وديدي ... (Re: Ibrahim Algrefwi)
|
هيما،
شوق شديد والفقد واحد والله.. غايتو فكّر في القصّة دي بي منطق عسى أن تكرهوا.. أنا ذاتي والله جاني احساس قبل فترة كده في مسأله علاقتكم دي لكن ما قدرت أواجهك بيهو، خفتك تقول علي حاسد وللا بغران؛ ياخي إنتو أبداً والله ما كنتو لايقين لي بعض في يوم من الأيام، بعدين ياخي برضو أحمد ربّك، جهازك ده عند ناس النظام العام فيهو ستّه شهور.. كويس إنو مرق منك بي أخوي وأخوك.. جهاز بي إمكانيات ملتيميديا زي دي قطِع شك بيكون إتواطأ مع فكرة غيابو الأبدي من جيبك عساهو يحظى بي رفقة حنينة وحسن معشر.. رِفقة مَنْ يُحسن استعمالو ويستغل وسائطو المتعدّدة بي شكل إيجابي!!
التحيّه ليك يا آمنه.. ويسعد مساك كل خير.. قولي معانا لي الشاب ده: الجاتك في موبايلك سامحتك..
| |
|
|
|
|
|
|
|
|
|
Re: الفاتح وديدي ... (Re: Ibrahim Algrefwi)
|
قولوا معانا لي أحمد في فاتر غيابه: (الدنيا حلوة)!!
بعدين ياخي؛ نحنا متين عرفناك عشان (تمُر)، (تعدِّي) وتفوتنا؟!
أهو إنتَ كايس (الغُسْلِ) ما لقيت غير (الغَسيلْ)!! وفي (الياء) تكمن (حياة).. عرفْتَ كيف إنّّها ما في يَدّّك؟! يعني ماتشيل همّها.. كلو مسطور..
إلى نشادر: ياخي ماتستعجل!! ذات عبورٍ حَـتَلْتِقْ مَعَاك وتَفْرِِْق مَعَانَا!!
| |
|
|
|
|
|
|
|
|
|
Re: الفاتح وديدي ... (Re: الفاتح وديدي)
|
شباب ونستكم مبالغة .........
بعدين يا وديدي الناس ديل ختوها ليك كدة لي شنو ؟؟؟؟؟؟
أقول ليك سر....؟؟
(وأنا احب لأرفع الانقاض عن نفسي
واحيانا أحب لكي أحب.......)
و.......السؤال صحيح.
| |
|
|
|
|
|
|
| |
Ibrahim Algrefwi
سفيان بشير نابرى
خدر
عبير خيرى
طلال عفيفي
الفاتح وديدي
هضيبي علي سعيد
طارق جبريل
عبد الله إبراهيم الطاهر
nashaat elemam
الملك
خضر حسين خليل
معتز تروتسكى
Dia eldin khalil
معتصم دفع الله
AMNA MUKHTAR
Soumeta
فيس بوك
تويتر
انستقرام
يوتيوب
بنتيريست