دعواتكم لزميلنا المفكر د.الباقر العفيف بالشفاء العاجل
|
|
 ود و بت .. حاجة باردة وسندوتش
|
ود و بت
ود و بت
حاجة باردة وسندوتش
كيس تسالى
طق حنك فى كلام خيالى
مسك ايادى
( مستعدة اعيش معاك فى ضل شجرة )
( مستعد اقنع عشانك ديك يبيض )
( بالجد ؟؟؟ )
( انتى خطرة , انتى فى صحرائى مطرة )
( انت شمس , لا sorry انت قمرة )
ود و بت
حاجة باردة وسندوتش
والسنين ماشية بتحش
( المرتب ما كفاية )
( اهلى ضغطوا )
( مغترب ؟؟؟ )
( جاى من امريكا )
ويكا
( وحبنا ؟؟؟ )
( ......... )
صمت مطبق
ديكنا بيض
ديكنا بيض
حاجة باردة وسندوتش
حب محلق فى سماوات المثالى
والبفضل فى الارض قشر التسالى .
شاهين .
|
|
 
|
|
|
|
|
|
|
|
Re: ود و بت .. حاجة باردة وسندوتش (Re: shaheen shaheen)
|
شاهين سيد الحلوين
صباحك خير
اليو مالك اتذكرت شواكيش قديمه ولا شنو؟؟؟
Quote: ( مستعدة اعيش معاك فى ضل شجرة )
( مستعد اقنع عشانك ديك يبيض )
|
بالله مريتوا بالمرحله دي؟؟؟؟؟
معزتي ودعواتي انه ضل الشجره يبقى بيت مسلح بالحب.
تراجي.
| |
|
|
|
|
|
|
|
|
|
Re: ود و بت .. حاجة باردة وسندوتش (Re: shaheen shaheen)
|
سلام يا شاهين،
هبشت حتة مهمة جداً. للأسف معظم علاقات الحب (إذا كان فعلاً حب؛ مش خداع من طرف للتاني) بتنتهي بالفشل ...
وغالباً البنت هي البتدفع التمن غالي؛ خاصة لو كانت ثقتها في غير محلها
وطبعاً في زي الذكرتها دي .. وكم من شباب إتباعوا لما المغترب جا
الغريبة (سبحان الله) الأيام الفاتت كنت بسمع في المحاضرة دي:
المصاحبة والحب قبل الزواج
وهي عن نفس الموضوع. ولو الواحد سمعها للنهاية بيلقي إنو فعلاً الكلام دا كلو صاح وهو الواقع في كل مجتمعاتنا الآن
في إنتظار رأيك ورأي الجميع في الموضوع عشان نكمل المناقشة ...
| |
|
|
|
|
|
|
|
|
|
Re: ود و بت .. حاجة باردة وسندوتش (Re: shaheen shaheen)
|
شاهين شاهين
الزول البكتب قصايده على إيقاع السامبا
كنا بنقرأ وننبسط ونمشى..
ما فكرنا يوم نقول ليك جميل يا شاهين
القراء في بوست النصري حسسونا بالخجل من روحنا
وكم كنا مقصرين (وش عامل وشيّ منك في الأرض)
ياخ لكن بوستات الشكل ما مديانا فرصة
المهم يا جميل حتى لو ما دخلنا كتبنا تأكد إننا مستمتعين
وتسلم
| |
|
|
|
|
|
|
|
|
|
Re: ود و بت .. حاجة باردة وسندوتش (Re: shaheen shaheen)
|
خالد عثمان جعفر
تحية استمعت الى المحاضرة
عموما عزيزى انا مع الدخول فى علاقة عاطفية قبل الزواج اذا استمرت خير وبركة لو لا الزول بيكتسب خبرة ونضج اضافى
يعنى ضد الزواج التقليدى
عموما الموضوع مطروح للنقاش
تسلم خالد
تحياتى
| |
|
|
|
|
|
|
|
|
|
Re: ود و بت .. حاجة باردة وسندوتش (Re: shaheen shaheen)
|
شاهين يا ابداع
دخلت عشان اقول نفس كلام محمد السر !!!
متابعين .................
ومندهشين ...............
ومعجبين ..............
واصل وخليك متاكد انا جووه بوستاتك كلها .......
عارف يا شاهين الوضع تتدهور جدا
والمسالة بقت بدون حاجة بارده ولا سندوتش !!!
قادر تتصور ؟؟؟ مودتى وجميل امنياتى .........
| |
|
|
|
|
|
|
|
|
|
Re: ود و بت .. حاجة باردة وسندوتش (Re: هميمة)
|
(والمسالة بقت بدون حاجة باردة وسندوتش )
لا حول لله
بالجد يا هميمة
حتى التسالى وفول الحجات اوعا يكونوا برضو فى عدم متناول اليد .
غايتو ربنا يصبرنا
تشكرى ستى على الكلام الجميل والمرور
تحياتى
| |
|
|
|
|
|
|
| |
shaheen shaheen
Tragie Mustafa
Emad Abdulla
سامي عبد الوهاب إدريس
فارس موسى
طارق جبريل
Khalid Osman Jaafar
ادريس خليفة علم الهدي
صديق حمدتو
AMNA MUKHTAR
مهيرة
فيس بوك
تويتر
انستقرام
يوتيوب
بنتيريست