دعواتكم لزميلنا المفكر د.الباقر العفيف بالشفاء العاجل
|
|
 هل نحن احسن ناس فى الدنيا ؟
|
( 1 )
قال صديقى الذى فى السعودية , ان الفنان السودانى اخذ يبكى وهو يردد ( وطنى .. وطنى ) .
وبعد انتهاء الفاصل , فجاء الصديق , الفنان المتشبع وطنية بسؤال مباغت
- لو بتحب السودان بالشكل ده ارجع المقعدك شنو فى السعودية ؟
اخرج الفنان الوطنى منديلا فرنسيا فاخرا من جيب جلبابه السعودى الانيق وهو يقول
- يا ولدى البكاء فى السعودية ارحم من الرجعة للسودان .
|
|
 
|
|
|
|
|
|
|
|
Re: هل نحن احسن ناس فى الدنيا ؟ (Re: shaheen shaheen)
|
( 2 )
سبحان الله قلب المؤمن دليله , عندما اتصل بى ( عبدالرحيم ) فعلت الاعاجيب للزوغان
- يا شاهين لازم تكون موجود فى الليلة الشعرية .
- يا عبدالرحيم انا عيان والله العظيم عندى ملاريا.
- ما فى اى طريقة بديك حق التكسى .
يوم واخر ويتصل
- الو يا شاهين بعد بكرة انشاء الله .
- عبدالرحيم ياخى بصراحة ندوتك دى اسمها ( غنيوة فى حب الوطن ) وانا قصة وطن ووطنية واغانى للوطن بتعمل لى حساسية فى الجيوب الانفية.
- لا , لا , الوطن ده غالى يا ابوالشباب . حتكون موجود يعنى حتكون موجود.
وذهبت يوم الخميس مثل الجمل فى السلخانة . وحدث ما توقعت . قلت لكم مرارا قلب المؤمن دليله لكنكم لم تسمعوا هذا العبث , ففاضت الاشعار الوطنية .
| |
|
|
|
|
|
|
|
|
|
Re: هل نحن احسن ناس فى الدنيا ؟ (Re: shaheen shaheen)
|
( 3 )
وكما توقعت كمية من الشعراء صغار السن يدخنون بشراهة مفرطة بينما توسطت القاعة خريطة كبيرة للسودان ذكرتنى بحصص الجغرافيا الكئيبة . افتتح ( عبدالرحيم ) السفاح هذه المجزرة بقصيدته الشهيرة ( كلنا بنحب السودان ) . ورغم ان القصيدة تؤكد ان كل من يحمل جواز السفر السودانى هو بالضرورة عاشق اصيل للتراب الوطنى , الا اننى مرارا وتكرارا طلبت من ( عبده ) تاجيل هذه التحفة الفنية لحين اجراء استفتاء بواسطة لجنة دولية محايدة , يؤكد لنا ان 100% من السودانيين يحبون بلدهم .
تتابع صعود وهبوط الشعراء من على المنصة , وكانت الطامة الكبرى قصيدة ( نحن احسن ناس ) , كان الشاعر متشنج وعصبى , وهو كما عرفت مهندس ميكانيكى لم يجد وظيفة فى مجال تخصصه ففتح دكان بقالة , وتزوجت حبيبته من الابتدائية من صديق عمره المغترب , ومع ذلك مازال يقول ( نحنا احسن ناس ) !!!!
تامل معى هذه السادية والعنطزة العرقية والاستعلاء الشعوبى القبيح :
نحنا احسن ناس
ايوه فى السودان نحنا اعظم ناس
هما ايه من غيرنا ؟ .
يقصد شعوب العالم الاخرى , تخيل يا قارىء يا مؤمن وموحد بالله , ويا قارىء يا ملحد ( ان وجد ) , ان الشعب الامريكى والشعب الفرنسى وشعوب النمور الاسيوية هما ايه من غيرنا !!!! قلت لكم من البداية اننى كنت اريد الزوغان لولا ( عبدالرحيم ) ابن ال ... الحلال .
اخذ المهندس يصيح :
عايزين الشجاعة تعالوا
عايزين الكرم هاكم
عايزين الثبات نحنا.
والمسكين لم يعرف انهم يريدون الثروات الطبيعية والسوق المحلى , وليذهب هو وشجاعته ودكان بقالته الى الجحيم .
وصلت ذروة القصيدة عندما قال الشاعر لا فض الله فوه :
ذرة تراب من الوطن
بتساوى مليون الف دولارات سجم .
ووسط لهيب تصفيق الحضور الكريم , هبت عاصفة ترابية خفيفة , انحنيت على ( عبدالرحيم ) السفاح وهمست له
- نحن اغنياء , ملايين الدولارات سابحة فى الهواء .
ولكن ( عبده ) كان هائما فى وجد وطنى صوفى ذكرنى بذلك الدرويش الذى كتب للملكة البريطانية ( ان اسلمتى امنتى شرنا وزوجناك الامير يونس ود الدكيم ) .
فلا الملكة اسلمت , ولا ذاق ( ود الدكيم ) حلاوة اللحم الانجليزى .
| |
|
|
|
|
|
|
|
|
|
Re: هل نحن احسن ناس فى الدنيا ؟ (Re: shaheen shaheen)
|
( 4 )
هل تتذكرون اغنية الدفاع الشعبى الشهيرة ( امريكا روسيا قد دنا عذابها .. عليا ان لاقيتها ضرابها ) , يعنى اختار الشاعر اعظم قوتين نوويتين فى العلم لضربهما ؟؟؟؟ . هل تحفظون اغانى الحماسة العبيطة عن السودانى البياكل النار , الفارس الدكر اخو البنات .
هل سمعتم خزعبلات السودانيين فى ونسات طق الحنك الفارغة , عن المصرى الخواف , والسعودى الابله الساذج , وعن النساء الخليجيات الائى لا يتكيفن ( هكذا !!!! ) لا يتكيفن فى السرير الا من السودانى صاحب الطاقة الجنسية والتى لا نظير لها من المحيط الهادر الى الخليج الثائر ؟؟
مسكين هذا الشعب المسكين , مهزوم وضروب فى خصيته , تشرد فى اصقاع الارض , وذاق الذل ونظرة الاحتقار , حتى فى السودان هناك اضطهاد من اعراق على اعراق . فكانت هذه السخافات التى تسمى ( شعر وطنى ) تقدم البنج الازم للتخدير حتى لا يحدث الانهيار النفسى المريع , ويتم عزف مقطوعة كله تمام , وانتم شعب عظيم !!! وعلينا ان نسال فى شنو ؟ عظماء فى اى مجال ؟ هل فى كرة القدم ؟ وابن ابن ابنى لن يحلم بوصول السودان الى كاس العالم . هل قدمنا للبشرية اى مساهمة فى الفلك والكيمياء والفيزياء النووية والطب ( بخلاف الطب النبوى طبعا ) . هل هناك فيلم سودانى ينافس على الاوسكار ( بل هل هناك افلام سودانية اساسا ؟؟ ) . وهل وهل وهل ؟ , معايير التقدم هى مستوى دخل الفرد ومتوسط الاعمار ومستوى الخدمة التعليمية والصحية وحقوق الانسان والمراة الخ الخ . اى نحن من كل ذلك ؟
يا اصحاب مدرسة السودانى البياكل النار والله العظيم لولا القمح الامريكى لمتنا من الجوع . ولولا الحضارة الغربية العظيمة لكنا حتى الان نركب الحمار من وراء ومن قدام .
| |
|
|
|
|
|
|
|
|
|
Re: هل نحن احسن ناس فى الدنيا ؟ (Re: shaheen shaheen)
|
( 6 )
نحن مثل شعوب ذيل العالم لا اكثر ولا اقل , نحن مثلنا مثل شعوب بورما وبنجلاديش وشاد والصومال والمكسيك وبورما , شعوب فقيرة , جائعة , خائفة , خانعة , مقموعة , مضطهدة , تحكمها وتتحكم فيها نخب عسكرية ومدنية عميلة , تابعة , فاسدة , مفسدة , شريرة .
وليس هناك ما يدعو اطلاقا للفخر بل هناك الكثير الذى يدعو للخجل .
| |
|
|
|
|
|
|
|
|
|
Re: هل نحن احسن ناس فى الدنيا ؟ (Re: shaheen shaheen)
|
( 8 )
هاتفنى ( عبدالرحيم ) بعد كارثة مفاعل ( غنيوة فى حب الوطن )
- يا شاهين الاسبوع الجاى ندوة شعرية عن الحب والمرأة .
هذه المرة صرخت فيه
- حب شنو ؟ ونسوان شنو ؟ يا متمرد الوطن بيمر بمنعطف حساس . انا اليومين ديل بكتب شعر وطنى .
وشتمنى ( عبده ) شتائم غير صالحة للنشر
( انتهت المقالة تصبحوا على خير )
شاهين .
| |
|
|
|
|
|
|
|
|
|
Re: هل نحن احسن ناس فى الدنيا ؟ (Re: مريم)
|
صحيح يا مريم , ولكن يجب عدم اعطاء الصورة رونق ليس فيها , يجب ان نعرف الصورة الصحيحة واين نقف , بدون ضجيج وجعجعة , عندها سنكون مثل المانيا مثلا التى خرجت من الدمار
شكرا
شاهين
| |
|
|
|
|
|
|
|
|
|
Re: هل نحن احسن ناس فى الدنيا ؟ (Re: shaheen shaheen)
|
اخي شاهين
سلام
و نضمك نار منقد بالحيييييل..عشان كده اكتفى
الشعب السوداني من امثالنا بالمرور علي هذه
الكوميديا السوداء والسخرية الهادفة واللاذعة..
قال احد الشعراء الكلامم ما بينبلع زي نضمك ده
(من صدقه)..قال في رثاء مصطفى سيد احمد رحمه الله
والذي انتقل الى جوار ربه من المنفى مقاسيا داء
هذا (الوطن).
وبرضو تقول وطن!
مع انو حباك ليل الغربة
و استكتر عليك كفن!(...)
سلامي الشدييييد لعم عبدالرحيم.
| |
|
|
|
|
|
|
|
|
|
Re: هل نحن احسن ناس فى الدنيا ؟ (Re: Ahmed Abdallah)
|
لا يا احمد اطلاقا لم نكون احسن ناس , متى ؟ انا قأرى جيد للتاريخ , بالعكس على الدوام فى ذيل التبعية , من الواجب ان نحلم , ان نكون مساهمين فى الحضارة الانسانية , اما ان نكون الاحسن , اعتقد انه صعب , ان لم يكون مستحيل
شكرا ابوحميد
شاهين
| |
|
|
|
|
|
|
| |
shaheen shaheen
عبدالرحمن عزّاز
saadeldin abdelrahman
Ahmed Abdallah
فيس بوك
تويتر
انستقرام
يوتيوب
بنتيريست