دعواتكم لزميلنا المفكر د.الباقر العفيف بالشفاء العاجل
|
|
 ليه الشوايقة بنطوا من كل اتفاق ؟
|
الاسبتالية , ريحةالديتول ... صراخ الناس , عواميد الاكل ... القاك ممددة شاحبة قطعتى القلب ... ( اشراقة ) عيانة ... وسط غابات من الابر العجيبة ... فوق السرير , تحت المخدة , على الارض ... درباتك خيوط العنكبوت مدلدلة من سقف ... ( اشراقة ) همستا ... ( اشراقة انتى كويسة ؟ ) ... اتخبطتى ما بين الحياة والموت ... ومشيتى فى الخيط الرفيع بين الرجوع ولا رجوع ... شايقية خنتى الاتفاق ... كان اتفاقنا كما يلى ... بعد العرس نولد ولد وبعد سنين نختم ببت ... ( الولد حلفاوى طبعا ) ... ( ما بيضر , بس المهم ما يكون سكرجى بتاع بنات زى ابوه وكل ثانية يسب فى دين , لازم يصلى ) ... ( ممم ممم ) ... ( مالك تطنطن ؟ ) ... ( والبت ؟ ) ... ( زى امها شايقية هادية وبت حلال ) ... ( يعنى تنطق شندى , شندو ) ... ( يا مطرطش ) ... شايقية خنتى الاتفاق ... هل اتفقنا اودعك لابسة الكفن على عنقريب ؟ ... ليه الشوايقة بنطوا من كل اتفاق ؟ ... ليه ؟
|
|
 
|
|
|
|
|
|
|
 Re: ليه الشوايقة بنطوا من كل اتفاق ؟ (Re: mohamed osman bakry)
|
محمد عثمان بكرى تحياتى يا اخى هل استوعبت عن ماذا يحكى يحكى شاهين ؟ هنا مقام للحزن يجب ان تواسيه فيه او احترم حزنه وانصرف وناقشه فى وقت آخر ليس هنا مقام لشئ آخر!!!!!!!!!!
. يا شاهين
ليس فى يدها شئ . اعتقد جازما انها كانت تريد ان تفئ بوعدها ولكن هنا فقط لا يستطيع اى إنسان ان يفئ بوعده تبقى امامنا فقط مساحات التمنى . يا له من حزن عظيم
| |
|
|
|
|
|
|
|
|
|
Re: ليه الشوايقة بنطوا من كل اتفاق ؟ (Re: shaheen shaheen)
|
| Quote: شايقية خنتى الاتفاق ... هل اتفقنا اودعك لابسة الكفن على عنقريب ؟ ... |
هل القصة دي واقعية,بلغ بنا الحزن مبلغه.
لا أري في القصة كلمات ذم, بل هي تكاد تكون مدح .
| Quote: ( الولد حلفاوى طبعا ) |
إعتزازا بالحلفاوين ,
| Quote: ( والبت ؟ ) ... ( زى امها شايقية هادية وبت حلال ) |
إعتزازا بالشوايقة.
............................
لعل حاله الان يقول.
..ولو بقدر أشيل من الزمن وقتي
بموت في لحظة ..
وأوهب ليك عقاب عمري
| |
|
|
|
|
|
|
|
|
|
Re: ليه الشوايقة بنطوا من كل اتفاق ؟ (Re: Eng. Mohammed al sayed)
|
جميل النص المكتوب هنا.. سواء أعبر عن واقع أم خيال أم الاثنين ممتزجين
الرحيل عبر المرض كما الرحيل عبر الموت هو خيانة كبيرة.. لا يقترفها الشوايقة وحدهم.. الزمن يرغم الجميع على اجتراح الغياب و ارتكاب هذه الخيانة.. أما الخيانات الأخرى فهي ما تسمح لنا الحياة باختياره من بين أسوأ المتاح
تحية لصاحب البوست و كل المتداخلين
بوعسل أبوعسل
| |
|
|
|
|
|
|
|
|
|
Re: ليه الشوايقة بنطوا من كل اتفاق ؟ (Re: ناذر محمد الخليفة)
|
السلام عليكم جميعا
لا أرى أي سبب في الاساءة الى القبائل.
يعني أنا لو غلطت غلطة ما تسبو الحبش كلهم اشتموني أنا بس.
كذلك الشايقية والجعليين والكوناما والحلفاويين واي قبيلة اخرى
أنفعهم انفعهم للناس وأكرم أفرادهم عند الله اتقاهم.
يعني كلام اقتل جنى الحبشي وخلي جنى الشايقي ده كلام ما مقبول.
وكذلك كلام زي الحلفاويين بسبو الدين ده فيه تجني كتيراناس مسملمين.
وبوست زي عقلية الغرابة ده والله ما احترام لعقولنا
اي جنس صالحه صالح وطالحه طالح
هل تركنا هذه الجاهلية
تقديري الحبشي.
| |
|
|
|
|
|
|
|
|
|
Re: ليه الشوايقة بنطوا من كل اتفاق ؟ (Re: shaheen shaheen)
|
شكرا متأحرة ( على طريقة ينعى ابنه ويصلح ساعات ) فرصة للشكر ورفع البوست , اكتب كمية لان وقت العمل هنا فى مصر لايسمح لى سوى بالقليل وهذا استغله فى كتابةالغثاء . شكرا للذين مروا قبل مدة على هذا البوست ( ارجو ان يكونوا ما زالوا على قيد الحياة لان المدة طالت ) . الطاهر , hope full , نادية عثمان , ناصر محمد خليل ( صاحب الفتنة الطائفية ) , ابو يسرا , ملكة سباء , العمدة ناذر الخليفة ( اجدع من صلاح السعدنى ) وهو واحد من الذين قدموا التزكية لى ( تشكرات حظراتكم ) , محمد الامين .
شكرا
thanks
شاهين
| |
|
|
|
|
|
|
|
|
|
Re: ليه الشوايقة بنطوا من كل اتفاق ؟ (Re: shaheen shaheen)
|
شاهين
سلامات
كنت بصدد كتابة بوست عن (من أين يأتي الشوايقة بكل هذا الحنين والكلمات المليئة بالشجن) وخوفا من ان اتهم بالعنصرية (وان لم تكن قصدي ابدا) احجمت ولو انه البوست جاهز.
طارق ود الامتداد يا ربي يا شاهين بتعرف الامتددّ؟ّ؟؟؟
بنات الشوايقة من اكثر بنات السودان مقدرة على الحب والعطاء...
دمت
| |
|
|
|
|
|
|
|
|
|
Re: ليه الشوايقة بنطوا من كل اتفاق ؟ (Re: shaheen shaheen)
|
بيناتنا كان بنمو الفراق لمن كبر ..
بكاني فيك آخر الكلام ..
عذبني جافني الشعر ..
جفت حروف الألفه ماغنت شجن ..
داعب شقاي رمش الأسى ..
ملن العيون بالشوق بكن ..
ذرفن دموع الحين فراق ..
غاب من سماي فرح الوطن ..
القمري ماغناك معاي ..
غنانني ليك أنا من بديت ..
أنا من بديت حاسيه كان بنموا لفراق ..
حاسيه في ليل الأسى وطعم القسى وآخر الكلام ..
وأنا أقر تلك الرحلة الحزينة في عالم الإنسانية أحسست بصوت إبن عطبره المرهف (خوجلي هاشم ) يهز دواخلنا التي هي أصلاً منحازة للحزن بقدر ماهي منحازه للسودان جميعاً شمال وجنوب وشرق وغرب ولم أجد غير أن أكتب لك بعض مما شدى به .
تحياتي ،،
خالد الأرباب
| |
|
|
|
|
|
|
|
|
|
Re: ليه الشوايقة بنطوا من كل اتفاق ؟ (Re: shaheen shaheen)
|
تحية طيبة للجميع
وضاحة كتبت
Quote: كنت شايفة عنوان البوست لي مدة
بس كنت خايفة أفتحو
عنوانو ظاهريا مسني |
و انا بقول ليك الزول ده دائما كده ، تشوفى العنوان تخافى من
المضمون ، لكن لديه قدرة غريبة على الابداع الذى يدفعك الى قراءه
النص مرات و مرات من فرط الدهشة و الاعجاب.
لك الشكر شاهين على هذة الروح
| |
|
|
|
|
|
|
|
|
|
Re: ليه الشوايقة بنطوا من كل اتفاق ؟ (Re: shaheen shaheen)
|
| Quote: ليه الشوايقة بنطوا من كل اتفاق ؟ ... ليه ؟ |
أوفت بعهد أوثق وأعظم من عهدكما .. أدت ألأمانة الى بارئها .. ففازت بالرضى .. فهنالك عند البارئ كثيرون أحسن مني ومنك فاليرزقها البارئ من هو خير منك ..........
أقنع بالرضاء .... أركز
| |
|
|
|
|
|
|
|
|
|
Re: ليه الشوايقة بنطوا من كل اتفاق ؟ (Re: shaheen shaheen)
|
Dear Shaheen, you never sieze to surprise me with your thoughtful words and crazy ideas, I am reading this post almost three months after it came, and hit a nerve in me. I've been watching what your write for a while now and I would like to tell you that you are one of the few people now when ever I see your name on a post I click on it right away
Keep up the good work, and by the have you ever thought of publishing these short stories of yours???
| |
|
|
|
|
|
|
|
|
|
Re: ليه الشوايقة بنطوا من كل اتفاق ؟ (Re: Osman Malik)
|
الجميل شاهين
يااخي شويه علينا شويه
كل يوم تدهشنا اكثر
في حزنك مدهش
وفي نقدك مدهش
وفي مدحك مدهش
وفي تحليلك مدهش.
الله .....الله......على هذا الحلفاوي.
على فكره لم اكن اعلم انك حلفاوي الا اليوم.
طارق جبريل:
Quote: بنات الشوايقة من اكثر بنات السودان مقدرة على الحب والعطاء...
|
بترفع في اسهم بنياتكم
والله يا سعادتهن برجالا مثلكم.
نحن لينا الله وعيشة السوق.
تراجي.
| |
|
|
|
|
|
|
|
|
|
Re: ليه الشوايقة بنطوا من كل اتفاق ؟ (Re: shaheen shaheen)
|
Quote: طارق جبريل:
Quote: بنات الشوايقة من اكثر بنات السودان مقدرة على الحب والعطاء...
بترفع في اسهم بنياتكم
والله يا سعادتهن برجالا مثلكم.
نحن لينا الله وعيشة السوق.
تراجي. |
العزيزة تراجي
منو القال ليك انت ليك عيشة السوق بس
اي نعم بنات الشوايقة ريادات شديد
بس انتو كمان الريدة دي مدفقة عندكم بيهناك
لولا انه اخوك خايف يطلع ليه جانجويد ولا تحريري كان كبيتو كله
شفتة يا شاهين خليتنا ندفق المدفون كيف
تحياتي لكم جميعا
| |
|
|
|
|
|
|
|
|
|
Re: ليه الشوايقة بنطوا من كل اتفاق ؟ (Re: طارق جبريل)
|
طارق جبريل
شكرا لك يا غالي
Quote:
العزيزة تراجي
منو القال ليك انت ليك عيشة السوق بس
اي نعم بنات الشوايقة ريادات شديد
بس انتو كمان الريدة دي مدفقة عندكم بيهناك
لولا انه اخوك خايف يطلع ليه جانجويد ولا تحريري كان كبيتو كله
شفتة يا شاهين خليتنا ندفق المدفون كيف
تحياتي لكم جميعا |
وشكرا لشاهين الجميل
الذي في حضرة بوستاته نتدفق كلنا جمالا.
تراجي.
| |
|
|
|
|
|
|
| |
shaheen shaheen
القلب النابض
altahir_2
ابوعسل السيد احمد
HOPEFUL
ناصر محمد خليل
ابو يسرا
ملكة سبأ
ناذر محمد الخليفة
Mohamed E. Seliaman
ضحيه ابراهيم
wadda7a
طارق جبريل
Khalid Saeed
jini
محمد الامين احمد
Ahmed Abdallah
Muna Khugali
KOSTA
كمال حسن
Tragie Mustafa
فيس بوك
تويتر
انستقرام
يوتيوب
بنتيريست