|
|
 اهلا وسهلا .. انت مين ؟
|
اهلا وسهلا
انت مين ؟
لما عاينتا فى مراية
ما عرفتك
انت مين ؟ يا وش حزين
عاملة ايه فيك السنين ؟
مركب تودى .. التوديك ما بتجيب
انت مين ؟
يا زول مداقش فى دروب الهجرة
فى جيوب البنطلون شايل حنين
دربا بوديك .. البوديك ما بيجيب
...................
...................
ضيعتا وشك يا غريب
ضيعتو فى زحمة رصيف
وصرختا فى الوش البديل
- منو انت ؟ انا شايفك كتير .
انت مين ؟
يا الماشى حفيان فى الطريق
شاكيك شوك درب المسير
وين الجناحين شان تطير ؟
لا راحة فى الوطن الاساس
لا راحة فى الوطن البديل
....................
....................
مكتوب عليك الاندهاش
مقسومة ليك سكة سفر
شنطك مستفة للرحيل
موعود تكون فى الغربة يا بحار غريب
يا غربة فى الوطن الاساس
يا غربة الوطن البديل
...................
...................
وشك صرخ فيك
- انت مين ؟
رديت
- غريب , داير استريح
وشك قفل باب وشو فى وشك
وبقيت براك
انسان وحيد .. مهجوم من الامطار .. حزين
موعود تكون فى الغربة يا بحار هجين .
......
شاهين.
|
|
 
|
|
|
|
|
|
|
شاهين يا شاهين
يا بسيط يا معقد
يا لسان حال حالنا المقدد
شكرا علي التحفة
| |
|
|
|
|
|
|
|
|
|
Re: اهلا وسهلا .. انت مين ؟ (Re: shaheen shaheen)
|
عزيزي شاهين
قلبتا علينا المواجع...
غربة في الوطن الاساس
و غربة في الوطن البديل
ذكرتني قصص كليلة و دمنة
الغراب اللي كان عايز يغني زي البلبل و لمن ما قدر حاول يرجع ينعق زي اخوانو الغربان فما قدر، و دي البقت علينا لا قادرين نزغرد زي اهلنا و لا نعوعي عوعاي الغربة
لك كل التحايا الجميلة يا رقيق
اخوك امجد
| |
|
|
|
|
|
|
|
|
|
Re: اهلا وسهلا .. انت مين ؟ (Re: shaheen shaheen)
|
بختهم ناس ملاسي الشافوكم Live
اما انا فقد اصبت باحباط(ين)
الاول لاجبار الظروف لمتابعة القراءات
بالصور الديجيتال
والثاني لان "البيه طلع مش شبه الصور"
والمقصود صور رسمتها لك في مخيلتي
الله يستر على مخيلاتي
فبالامس طلال عفيفي طلع شبه
المذيع/مقدم البرامج خالد ابو النجا
والاسواء طلع طويل تقول صنافور
الحمد لله لسة ما شوفتا شكل الجيريفاوي
خازوق يطلع شبه محمد السني دفع الله
او يكون الخير محمد عوض ذو شعر سبيبي
| |
|
|
|
|
|
|
|
shaheen shaheen
فيصل محمد خليل
شهاب الفاتح عثمان
nada ali
Walid Safwat
مجاهد عبد الرحمن
فيس بوك
تويتر
انستقرام
يوتيوب
بنتيريست