|
|
 البنات فى الكلاكلة ... طعم تانى وحاجة تانية
|
(1)
أ أسد ... ناء نمر ... حاء حصان
كأ كلاكلة
الطفولة يا شباب
والكهولة
هى تكبر , وانت تكبر
هى تبقى , وانت تفنى
هاء هجين
اندماج
عربى , زنجى
شرقى , غربى
يا بصاولى يا صعيدى
الرطانة حلوة , نوبى
كلو ذاب فى كلو
خلطة
أ أسد , اتحاد
مع بعض
يلا قولوا (كأ كلاكلة)
جبهجى , وشيوعى , سنى
اتحادى , امة , بعثى
اشتراكى , ومستقل
كشة , عرقى
يلا نجرى
جأ جرى
عسكرى الكشات لئيم , زول مفترى
(2)
test ساون , صوت مغنى
عأ عرس
يلا نمشى
فيو بنات
والبنات فى الكلاكلة , طعم تانى وحاجة تانية
- يا حليوة لحظة ثانية .
- نظرة بس .
من عيونكم داير امان
النهود يا برتقان
من زمان
عاشق بناتكم يا كلاكلة
والكبار زى الشجر , والشجر فيهو الصمغ
والنبق
نيم شوارع
والبنات قدلات خطاهم فى الشوارع
ووووب علينا من شوارعك يا كلاكلة
(3)
زاء زلابية
يلا نمشى (اللفة)
شان ناكل زلابية
داير اسف
- لو سمحتا سفة يا
ووووب علينا
من صعوط (اللفة) فى قلب الكلاكلة
دوختا منك يا (عمارى)
ركشة
- امشى التركى , فى التركى اسبتالية
(4)
(قلعة) قالعة على البحر
(قبة) تحت القبة شيخ
(وحدة) واحدة
(صنقعت) انتى الاساس
بيت ابوى , يا سوق (3)
لحمة , انواع الخضار
عيش , جرايد
ووووب علينا من اكاذيب الجرايد
ووووب علينا من حقايق فى الكلاكلة
(5)
(قطعية) فيك انا قد قرأيت
أ أسد , ميم مشيت
(وحدة) حبى الاولانى
يا (عواطف)
عأ عواطف
وين جوابات ناس (عواطف)
كلها غلطات فى املاء وخط شين ( اننى قد احبتبو , وانت ذو ما تعرفن , احببك )
(كمبوديا) اوعك ما تجازف
ميم مجازف
كأ كلاكلة
عأ (عواطف)
(6)
خأ ختام
فى الختام
يا كلاكلة ليك سلام
جيلنا ماشى , جيلنا شطب
جيل جديد لبلاب حيطلع
جيل مصادم
جيل حيطلع فى ثوانى , زى اغانى
حاجة تانية وطعم تانى
بكرة يهتف فى الكلاكلة ( نحو سودانا الجديد )
جيل مثقف , واعى , فاهم
جيل ديمقراطية حرة
شعب واحد , اتحاد
عربى , زنجى
شرقى , غربى
اندماج
يا كلاكلة ليك سلام
عأ عواطف
وين جوابات ناس (عواطف) ؟
وين شبابى الراح شمار فى مرقة فى خضم العواصف ؟
أ أسد .
شاهين .
(عدل بواسطة shaheen shaheen on 03-06-2006, 01:05 PM)
|
|
 
|
|
|
|
|
|
|
 Re: البنات فى الكلاكلة ... طعم تانى وحاجة تانية (Re: shaheen shaheen)
|
Quote: خأ ختام
فى الختام
يا كلاكلة ليك سلام
جيلنا ماشى , جيلنا شطب
جيل جديد لبلاب حيطلع
جيل مصادم
جيل حيطلع فى ثوانى , زى اغانى
حاجة تانية وطعم تانى
بكرة يهتف فى الكلاكلة ( نحو سودانا الجديد )
جيل مثقف , واعى , فاهم
جيل ديمقراطية حرة
شعب واحد , اتحاد
عربى , زنجى
شرقى , غربى
اندماج
يا كلاكلة ليك سلام
عأ عواطف
وين جوابات ناس (عواطف) ؟
وين شبابى الراح شمار فى مرقة فى خضم العواصف ؟
أ اسد . |
تموت الكلمات حين تقال
و مت مرارا ثم حييت هنا
شاهين اخي لك و لكلكل
اجمل محبة عاشت في ضمير
| |
|
|
|
|
|
|
|
|
 Re: البنات فى الكلاكلة ... طعم تانى وحاجة تانية (Re: shaheen shaheen)
|
داء دكاترة
شوفوا اولاد الكلاكلة
د/ سيف النصر
ابن الكلاكلة الحبيب
نفس المعسكر الفكرى
نفس تجربة الدراسة فى مصر
لك الاحترام
رد الله غربتك لنراك بيننا فى انتخابات نقابة الاطباء
حبى واحترامى الشديد
لما تكون فى اجازة فى السودان اكتب لى فى الماسنجر عشان نعرف بعض اكتر
لك الود الكتيرررررررررررررررررررررررررررررررررررررررررررررررررررررر
| |
|
|
|
|
|
|
|
|
|
Re: البنات فى الكلاكلة ... طعم تانى وحاجة تانية (Re: hatim ibrahim)
|
شاهين
ياحنين
نحن عرب ابقوتة بنسميها كلاكلة الاستاذ عيسى
زى بطانة اب على وحسان
وهو الاستاذ المرحوم عيسى الحاج على ,سكن الكلاكة فى الستينات
قدام شرطة اللفة وكان مدير مدرسة تريعة البجا
ثم صار مدير مدرسة الكلالكة الثانوية رجل معروف وشيخ عرب
ولنا فى الكلالكة ذكريات..
بالاخص اللفة..وحاليا مستشفى التركى
اى مرة بطنها قرصتها حتى لو كان حبوبة كبيرة بتقول ودونى التركى..
فالكلاكة بتكوينتها الحالة فهى تمثل السودان الجديد
فالتحية للكلاكلة..وابنائها
وعضو البورد سمؤال شلبى والدش لانهم كثيرى الاعتزاز بالكلاكلة
| |
|
|
|
|
|
|
|
|
|
 Re: البنات فى الكلاكلة ... طعم تانى وحاجة تانية (Re: حمزاوي)
|
شاهين شغلك نضيف والله
تصدق حببت الكلاكلة لأنفسنا ، وقد كنا نفزع من إسمها ، نحس فيه قسوة ، ولم نكن نتصور أن الكلاكلة تحوى كل هذا الجمال وهذه الرقة وكمية ال (عواطف) النبيلة 
ياخ تسلم ويسلموا كل ناس الكلاكلة.
تخريمة للمداعبة فقط:
آل كلاكلة آل
| |
|
|
|
|
|
|
|
| |
shaheen shaheen
saadeldin abdelrahman
Tragie Mustafa
KOSTA
Ahmed El Gasim
Rabab Elkarib
Elkalakla_sanga3at
abuguta
يازولyazoalيازول
بلدى يا حبوب
فيس بوك
تويتر
انستقرام
يوتيوب
بنتيريست