نادي الفلسفة السوداني ينظم المؤتمر السنوي الثاني بعنوان الدين والحداثة
ياسر عرمان:نحو ميلاد ثانٍ لرؤية السودان الجديد قضايا التحرر الوطنى فى عالمم اليوم
مالك عقارا:اطلاق عملية تجديد و اعادة بناء الحركة الشعبية و الجيش الشعبي لتحرير السودان
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 10-23-2017, 04:34 AM الصفحة الرئيسية

مكتبة منير عبدالرحيم(Munir)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

البحر رايق والقعوي متضايق : المسلحين في وادي والجماهير بي غادي ..

09-15-2011, 10:33 AM

Munir
<aMunir
تاريخ التسجيل: 02-11-2002
مجموع المشاركات: 9979

للتواصل معنا

FaceBook
تويتر Twitter
YouTube


البحر رايق والقعوي متضايق : المسلحين في وادي والجماهير بي غادي ..



    الجماعة جايطين الثورة المسلحة الثورة المسلحة الثورة المسلحة .. والشغلانة مافايتة كواريك من كندا واوروبا وامريكا ..

    محل الضل الصاقط ..

                   |Articles |News |مقالات |بيانات

09-15-2011, 10:35 AM

Munir
<aMunir
تاريخ التسجيل: 02-11-2002
مجموع المشاركات: 9979

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: Munir)



    الخرطوم جوة الخرطوم جوة الخرطوم جوة .. والخرطوم دي الدخلها إلاّ مرقنبو سكاكاتو ..

                   |Articles |News |مقالات |بيانات

09-15-2011, 10:40 AM

Munir
<aMunir
تاريخ التسجيل: 02-11-2002
مجموع المشاركات: 9979

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: Munir)



    يا أخواننا الغبش الجارين وراء المعايش في الخرطوم ديل - غرابة شراقة شماليين جلابة - أصلو ما خاتِّين في بالهم إنهم يشيلوا سلاح ويتقاتلوا بيناتهم ..
    .
    .

    هناك طبعاً أقلية من كل هذه الفئات تكتم ضغائن ضد الآخرين .. لكين الأغلبية عايشين بدون تربص ..

                   |Articles |News |مقالات |بيانات

09-15-2011, 10:43 AM

Munir
<aMunir
تاريخ التسجيل: 02-11-2002
مجموع المشاركات: 9979

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: Munir)



    وحدة الغبش في العاصمة ظهرت في عدة حالات كان العالم يظنها ستشعل نار الفتنة في السودان كله .. وأديكم أمثلة :

    .
    .
    .

    حين ميسرة ..

                   |Articles |News |مقالات |بيانات

09-15-2011, 10:57 AM

Munir
<aMunir
تاريخ التسجيل: 02-11-2002
مجموع المشاركات: 9979

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: Munir)



    حين كان أركو مناوي مصراً أن يحتفظ بقواته داخل العاصمة ..بكامل عتادها بينما كان هو مساعد الرئيس، وأرادت قواته أن تكون فوق القانون وخارج إرادة الشرطة والجيش وأبت تنصاع لأوامر الشرطة القومية، بل قتلت ضابط الشرطة .. فقامت الشرطة بإجلائهم وإخضاعهم بالقوة .. وسط تشجيع وتهليل الجماهير ..

    فاكتشفت قوات مناوي أنها لا وزن لها وسط الشارع وأنها فئة قليلة معزولة وسط جماهير العاصمة الخليط من كل الأجناس الذي وقف مع الشرطة بكل حماس ..
    وهذا يدل علي أن الجمهور كوحدة غالبية هو كوم والفئات المسلحة وسط العاصمة هي كوم صغير لا وزن له وسطه ..

    .
    .

                   |Articles |News |مقالات |بيانات

09-15-2011, 11:14 AM

Munir
<aMunir
تاريخ التسجيل: 02-11-2002
مجموع المشاركات: 9979

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: Munir)



    الأثنين الأسود:
    بينما كانت الجماهير تعيش في عيشتها ، فجأة انقضَّ عليها الجنوبيون الذين كانوا قد فاضت أعدادهم في العاصمة القومية حتي أصبحوا في حالة فوق القانون بكثرة الشغب والتحرش بالشماليين بعد قدوم قرنق وإحساسهم بأنهم قهروا الشماليين - وبعد كده يقوموا ويقعدوا علي كيفهم غصباً عن الناس - فكان مقتل قرنق شرارة مفاجئة كقدح الزناد الذي أشعل أحقادهم ضد أهل العاصمة ، علي حين غفلة ، .. ففاجئوا أهل العاصمة بالقتل بدون فرز ..

    وفجأة استشعر أهل الخرطوم - ذلك الخليط من الغرابة والشراقة والجلابة - أنهم في وضع غير طبيعي وأنهم في خطر من عدو غريب لم يكن في الحسبان .. فهبوا في وحدة شاملة للدفاع عن انفسهم وعن عاصمتهم من هذه الفئة الغريبة .. وكان ما كان ..

    وتلك الأحداث أظهرت أن الخرطوم قد إلتحمت كأنها قبيلة واحدة ضد العدو المسلح الذي دائماَ يكتشف (بعد فوات الأوان) أنه فئة ضئيلة وسط جماهير خليط من كل الأعراق والجهات أتت للعاصمة لتعيش حياتها برواقة .. رغم صعوبة هذه الحياة .. فبالنسبة لها فإن آخر ما تتوقعه هو أن تأتيها فئة أقلية من بعيد لتتحكم فيهم بالقوة والقهر المسلح !!..
    هو نحن ناقصين ؟؟ !!!


                   |Articles |News |مقالات |بيانات

09-15-2011, 11:41 AM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: Munir)

    منير سيزر ... سلامات
    Quote: وفجأة استشعر أهل الخرطوم - ذلك الخليط من الغرابة والشراقة والجلابة - أنهم في وضع غير طبيعي وأنهم في خطر من عدو غريب لم يكن في الحسبان .. فهبوا في وحدة شاملة للدفاع عن انفسهم وعن عاصمتهم من هذه الفئة الغريبة .. وكان ما كان ..

    الشعبية اكبر نموزج
    تراهم في كل شيء متحدين ومتاخين
    حتى في الفزعة مع بعض
    .
    .
    اضحكني مثل البحر رايق والقعوي متضايق
                   |Articles |News |مقالات |بيانات

09-15-2011, 12:32 PM

Munir
<aMunir
تاريخ التسجيل: 02-11-2002
مجموع المشاركات: 9979

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: وليد عبد اللطيف)



    العزيز وليدعبدالطيف سلامات يا رايق ..
    البحر بتاع بلدنا رايق ، لكين القعونج الضاربه الصقط متضايق ضيق شديد .. الواطة باردة ياخ ..
    عليك الله هسه شايف ناس البلد بينقنقوا جنس النقيق ده ؟؟ .. أمشي ميدان الرابطة أو الصداقة أو النجوم تلقي الجمهور شغال عاك عيك عوك وآخر قرقرة وتقاريق .. التقول الواحد في جيبه في مليون جنيه (يا عملات كضلو) :)

    نقيق الضفادع ده خليهو للعالم الحايمة وعايشة في بيئة غير بيئتها ..
    وكمان أديك مثل تاني .. قالوا السمك ساعة يشبع بينطط من الموية .. الناس دي بردانين وشبعانين ياخ ..
    عليك أمان الله الزول تلقاه مرق من البلد معصعص تخاله مدبراً إذا أقبل عليك مستعجلاً .. فجأة كده يعرضوه عليك في شاشة سودانيزاون لاين ، فتقعد تبحلق في الشاشة وتقعد تقول ياربي ده ياهو زولنا؟ ..لاما ياهو؟ .. ياهو؟ .. ما ياهو .. ؟..
    .
    .

    وبالطريقة دي :) ..

                   |Articles |News |مقالات |بيانات

09-15-2011, 12:01 PM

Munir
<aMunir
تاريخ التسجيل: 02-11-2002
مجموع المشاركات: 9979

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: Munir)



    غزوة الموز:
    دي كمان كانت عملية زي حماقة أبوالدقيق .. يشوف النار وتتخ يجي طاير فيها ..
    والله أنا للآن راسه ضارب وماقادر يفهم الهدف من العملية دي شنو؟؟!!
    هل كان خليل ابراهيم فعلاً عشمان إنه قبيلة الزغاوة حتقهر القوات المسلحة كجيش نظامي فيهو زغاوة وفور وجنجويد وبقارة وأبالة وجلابة وهدندوة ونوبة و..و.. ومسنود بضهر قومي فيهو كل أجناس وجهات السودان وكل توجهاتهم الدينية والسياسية ؟؟!!..

    هل كان الهدف من غزوة الموز هو الصراخ بصوت عالٍ ليقول 'نحن هنا'؟!!.. وكيف يمكن لقائد مسئول أن يجازف بأرواح أناس أبرياء - موالين له أو ضده - بهذه السهولة، فقط ليثبت للعالم أنه موجود؟؟ !!!!!!!! ..

    اللهم إلاَّ أن يكون هناك وهمة كبيرة بأن أنصاره في الخرطوم من الجماهير وربما بعض العسكريين يمثلون أغلبية في سكان الخرطوم !!..
    ولو كان الوهم ده هو المعشعش في رأس خليل وأمثاله فمفروض يكونوا وعوا الدرس بأنهم حين يأتون من أطراف البلاد بقوات قبلية وجهوية ربما تمثل 2% من باقي القبليات والجهويات فإنهم سيكونون 2% من الحمقي يريدون قهر 98% من الشعب السوداني ..!!! ..

    والحصل أنو إبادة كل القوة الدخلت الخرطوم جوة في أقل من ساعتين ومساندة الجماهير للقوات المسلحة والتهليل بدحر القوة الغازية يعتبرأكبر برهان أن هذه الجماهير العاصمية القادمة من شتي بقاع السودان بمختلف إثنياتها وجهوياتها تقيف صفاً واحداً ضد كل قبيلية أو جهوية تأتي منفردة - ومهما كانت مدججة بالسلاح - لتستولي علي السلطة بالقوة ..!!! ياخي دي حاجة بديهية أي طفل عارفها ..!!!
    إن هذه الجماهير لن تقبل أي تغيير إلاّ أن يكون بالإنتفاضة الجماهيرية الجمعية السلمية التي يقيف فيها الكل كتفاً بكتف ويهبوا هبة رجل واحد لتغيير النظام .. وصلاة الجماعة أفضل من صلاة الفذ ب٢٧ درجة .. !!! ..

    وهذه هي الحالة الوحيدة التي يمكن للجيش أن ينقلب فيها علي السلطة وينحاز للتمرد الجماهيري ..

                   |Articles |News |مقالات |بيانات

09-15-2011, 02:16 PM

محمد جلال عبدالله
<aمحمد جلال عبدالله
تاريخ التسجيل: 06-24-2011
مجموع المشاركات: 4246

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: Munir)

    أردم يا أستاذ منير بالله
    ضرب تحت الحزام
    أضحك الله سنك ^_^
                   |Articles |News |مقالات |بيانات

09-15-2011, 03:45 PM

Munir
<aMunir
تاريخ التسجيل: 02-11-2002
مجموع المشاركات: 9979

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: محمد جلال عبدالله)


    Quote: ضرب تحت الحزام
    الضرب علي الميت حرام يا أخي محمد جلال ..

    الواحد بيحاول يتكلم في البديهيات التي كنا نظن أنها معلومة بالمنطق علم ضرورة ..

    ماكنا قايلين إننا نحتاج نكرر ونعيد نكرر ونعيد نكرر ونعيد من أجل التوعية التي نأمل أن نتفادي بها سفك الدماء المجان ..
    .
    .

    الردم ممكن .. أهو الزول غايتو بيردم ساي - عسي تجيب مريسة تامزين ..

                   |Articles |News |مقالات |بيانات

09-15-2011, 03:30 PM

Munir
<aMunir
تاريخ التسجيل: 02-11-2002
مجموع المشاركات: 9979

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: Munir)



    .. نلاحظ في الحالات الثلاث التي ذكرتها أعلاه أن الجماهير العاصمية بمختلف فئاتها لم تكن تتوقع مثل هذه التفلتات العنيفة المفاجئة المتهورة .. وواضح أيضاً أن هنالك سوء تقدير فادح من هذه المجموعات العنيفة التي أرادت أن تعكر صفو الخرطوم .. فأعتقد أنها مصابة بتضخم حاد في الحالة النفسية وتظن أنها أغلبية عددية في الخرطوم !! .. وذلك غايتو أنا شايفه مرض نفسي غريب !! ..
    فإذا كان المتمرد حتي في أقليمه ووسط أهله وقبيلته يٌقابل بالرفض - بل بالحرب والإنشقاق المتسلسل - فما بالك بشعبيته في المحلية التي ينطلق منها، ثم علي مستوي الولاية ، التي بها عدة قبائل وعشائر واقفة ضده جملة وتفصيلاً .؟؟. ثم مابالك حين تتوسع دائرة الرفض لمستوي الإقليم كله ثم السودان كله؟؟ !!! ..
    أكيد من يفكر هذا النحو من التفكير لابد أن يكون في حالة غيبوبة عن طبيعة التركيبة النفسية والديموغرافية للشعب السوداني ذو التنوع العريض ..

    {/darkblue]
                   |Articles |News |مقالات |بيانات

09-15-2011, 08:24 PM

Munir
<aMunir
تاريخ التسجيل: 02-11-2002
مجموع المشاركات: 9979

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: Munir)



    أكتر شئ بيجيب المشاكل هو أن دعاة الهامش عندهم فكرة ساذجة أن الماهامش ديل حناكيش خوافين وهرَّاشين .. !!
    و برضو في ملاحظة إنو ناس الغرب والجنوب عندهم فكرة ساذجة جداَ أن الجلابة وناس الخرطوم جبناء ..!!

    وثقافة الهرشة حاجة قديمة يعتقدها أهل الأقاليم عموماً تجاه أهل العاصمة .. وأتذكر عندما صغار نسافر البلد في الإجازات .. فكنا أول حاجة نعملها بمجرد وصولنا للبلد هو أن نقلب لهجتنا طوالي .. لأنك لو قلت آآي أو أيوة - اللهجة الخرطومية - طوالي شفع البلد يقولوا خلاس أولاد الخرتوم المدلعين المايعين وصلوا .. ولذلك عشان تحافظ علي كرامتك وهيبتك تنقلب بلدي فوراً - وإلاّ فالحقارة راجياك .. وكمان لازم تبقي شرس وتبرز مهاراتك في البونية - اللكمات - لأنو أولاد البلد عندهم اعتقاد إنو ناس الخرتوم بتاعين بونية وبيخافوا من العكاز !! ..
    وتحضرني شكلة في أحد سفراتنا ونحن صبية ثانوي عام .. قام واحد من أولاد البلد عمل شكلة مع أخوي الصغير .. وهذا الأخير ماكان بيلاوز - والشكلة دوَّرت .. فقام أخوي دوَّر في الولد بلنجات بس تقول فريد شوقي .. فصاحبنا عندما شاف نفسه اندق قدام أولاد الكورة - وهو كان من فتوات صبية الحلة - التفت لأخوه الصغير وقال ليهو بهرشة شديدة .. عبدالله .. إجري أجري آ عبدالله سريع فوق راس الراكوبة تلقي عكازي الغليد داك جيبو تعال .... طبعاً راس الراكوبة ده كان علي بعد ١ كيلو من ميدان الشكلة ..
    أهو ده مثال للفكرة المغلوطة لأهل الأقاليم عن أهل الخرطوم ..

    الفكرة دي أظنها بتكبر مع كثير من سياسيي الأقاليم و هي التي تسوِّل لهم مغامرة غزو العاصمة ظانين أن أهلها سيلبسوا الطرح ويندسوا في بيوتهم .. !!!.. أها الكلام بعد داك بيجيب الكلام والكعة تدوِّر والسلاح يبكي ..

                   |Articles |News |مقالات |بيانات

09-15-2011, 08:41 PM

Munir
<aMunir
تاريخ التسجيل: 02-11-2002
مجموع المشاركات: 9979

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: Munir)



    .. طبعاً زي ماقلت إنو كل حالات العنف الخارجية دي كانت علي غفلة من سكان العاصمة .. ولكن سرعان ما يفيق السكان من المفاجئة ويستلموا المبادرة ويقضوا علي المعتدين بالوقوف بقوة مع قوات الشعب المسلحة ...

    لكين طبعاً الغفلة دي ظلت دائماً مكلفة في الأرواح والممتلكات .. ولذلك لابد من اليقظة والحذر من مثل مغامرات المغامرين ..

                   |Articles |News |مقالات |بيانات

09-15-2011, 08:59 PM

Munir
<aMunir
تاريخ التسجيل: 02-11-2002
مجموع المشاركات: 9979

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: Munir)



    علي العموم، أنا أعتقد أن الحياة اللصيقة بين الأجناس في هذه العاصمة والتواصل الجمعي الاجتماعي كوَّن قبيلة وسطية خرطومية آلفت بينها وحدة الغباش وشظف العيش .. فكل من عاش بينهم يعرف أن الحال كله من بعضه .. والمهمشين كلهم في العاصمة همهم واحد - بدون فرز .. وهذا الواقع المعيشي لا يعلمه إلاَْ من عاشه .. وهذا هو السبب الذي جعل كل دعاة حركات التهميش لم يعيشوا في الخرطوم ويتغبروا بغبارها .. فخليل ابراهيم مثلاً تلقاه جاء من دارفور وما غادرها إلاّ للجامعة .. وحتي الجامعة قضاها في الجزيرة حين كانت تسكنها الوطاويط من وحشتها .. فهو لم يعش حياة الناس الغلابة في الخرطوم ولا حتي جنوده كانوا يعرفون الإذاعة بي وين .. و..و..و..

                   |Articles |News |مقالات |بيانات

09-15-2011, 09:09 PM

Munir
<aMunir
تاريخ التسجيل: 02-11-2002
مجموع المشاركات: 9979

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: Munir)



    وبمناسبة وطاويط الجامعة دي .. قال ليك حيطان قاعات الدراسة كلها كانت مجوفة تعشعش فيها الوطاويط ..
    وقال ليك مرة في النشيشيبة في حيطة كدة من شدة ما مجوفة ، الظاهر في وطواط اتضايق بالنهار ، فقام فرفر وإتمط ، فقامت الحيطة الطويلة ورررر وقعت من طولها وقربت تلحِْق بنات الزراعة - الكسارات - أمات طه ..

    نشيشيبة موحشة شديد ..

                   |Articles |News |مقالات |بيانات

09-16-2011, 03:12 AM

محمد جلال عبدالله
<aمحمد جلال عبدالله
تاريخ التسجيل: 06-24-2011
مجموع المشاركات: 4246

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: Munir)

    سلمت يمينك
    لايك شدييييد + فووووووووووق ^__^
                   |Articles |News |مقالات |بيانات

09-16-2011, 05:34 PM

Munir
<aMunir
تاريخ التسجيل: 02-11-2002
مجموع المشاركات: 9979

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: محمد جلال عبدالله)


    Quote: سلمت يمينك
    الله يسلم يمينك وشمالك زاتو ياخ :)..

    ______________________________

    نجي يا جماعة نشوف أهل الخرطوم ديل منو ..
    ياجماعة الخرطوم دي ملتقي النيلين حيث التقت فيها الأنهار وحيث أتي إليها الناس من كل فجاج السودان لينصهروا في مجتمع صاخب حيث يترك كل زول ثقافته وراء ظهره ويخالط الناس برؤي مختلفة ولهجة مختلفة توافق عليها الناس بدون عقد مكتوب - بل سرت في المجتمع تلقائياً .. فتجد الشايقي يتخلي عن لكنته ويندمج في لهجة الخرطوم - والحلفاوي يتخلي عن رطانته ليتفاهم مع الآخرين، وكذا الجعلي والهدندوي والفوراوي والكواهلي و..و.. يتخلون عن لهجاتهم المحلية بدون حرج - ولكن شيئاً فشيئاً تتطعم اللهجة الخرطومية بمفردات من هنا وهناك وهي بذلك تكتسب طعم مميز بنكهة كل السودانيين .. ولذلك فإن كل من عاش في الخرطوم لفترة من الوقت وكان قلبه مفتوحاً للآخرين فإنه يشعر بأنه منهم وجزء منهم والبلد بلده.. أما من لم يعش في الخرطوم ومن جاءها بقلب أسود ومغلق وحقود فإنه سيشعر بأنه ليس من أهلها وأن هذه المدينة ليست مدينته .. ولذلك ستجده أكثر الناس رغبة في تحطيمها .. لأنه يحس بالعزلة وأنه داخل قوقعة لم يكن مؤهلاً نفسياً للخروج منها ويختلط في هذا المجتمع الخليط الغني بتنوعه ..
    وعشان كده لو ملاحظين أن كل دعاة الحرب علي العاصمة وأهل العاصمة هم من أطراف بعيدة ولم تتح لهم فرصة الإختلاط بالتنوع الثقافي والعرقي وتنوع كسب العيش في هذه البوتقة الإنصهارية الفريدة .. تلقوا مثلاًً دعاة الغزو الواحد فيهم من أقصي قرية في طرف السودان وزوووط لكندا وواحد تاني من القطية للمطار وزووووطك لفلاديلفيا راس ..
    .
    .
    وبالطريقة دي ..

                   |Articles |News |مقالات |بيانات

09-16-2011, 05:47 PM

Munir
<aMunir
تاريخ التسجيل: 02-11-2002
مجموع المشاركات: 9979

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: Munir)



    والاستنتاج البديهي هو أنه في هذا البحر الرايق من الشعوب المتعايشة في العاصمة فإن أي قعونجة تتضايق وتجي تقول دايرة تتفرعن وتنعزل وتطلق النار علي الآخرين فإنها ستكون طلقات انتحارية بلا شك ..
    ففي هذا البحر المختلط من البجا والجعليين والدناقلة والفور والمسيرية والزيادية والزغاوة والنوبة..و ووو .. فإن أي فئة من هذه القبليات تشوف نفسها أرجل من الباقين وتقوم تشيل السلاح عشان تسيطر علي الآخرين فإنها ستكون كمن يحفر قبره بيده ويطلق النار علي نفسه ويدفنها ويخلي كراعه بره !!! ..

                   |Articles |News |مقالات |بيانات

09-16-2011, 06:25 PM

فتحي الصديق
<aفتحي الصديق
تاريخ التسجيل: 06-17-2003
مجموع المشاركات: 6023

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: Munir)

    هلا حدثتنا عن الهامش نفسه يا منير ؟
    الهامش المكاني أعني ...
    الأبيض
    كادقلي
    خزان جديد
    الفاشر
    الدمازين
    القريشة
    الكرمك
    المقينص
    -----------------------------------------
    السودان ماهو الخرتوم بس يا منير .....
    المؤتمرجية حددوا الخرتوم كساحة للمعركة الفاصلة .... وبقية المهمشين حددوا ساحات أخرى للنزال ...
    .وشكرا ..
                   |Articles |News |مقالات |بيانات

09-16-2011, 07:17 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 07-02-2008
مجموع المشاركات: 7846

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: فتحي الصديق)

    Fooooooooooooooog
                   |Articles |News |مقالات |بيانات

09-16-2011, 08:03 PM

Munir
<aMunir
تاريخ التسجيل: 02-11-2002
مجموع المشاركات: 9979

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: عبدالعزيز الفاضلابى)


    Quote: Fooooooooooooooog
    عبدالعزيز الفاضلابي .. يعليك فوق المابيك ياخ ..
    شكراَ كتير..

                   |Articles |News |مقالات |بيانات

09-16-2011, 07:47 PM

Munir
<aMunir
تاريخ التسجيل: 02-11-2002
مجموع المشاركات: 9979

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: فتحي الصديق)



    Quote: السودان ماهو الخرتوم بس يا منير .....

    كدي إنت في الأول أشرح لينا لماذا لم تذكر ولم تخطر علي بالك ابودليق ومبيريكة والحقنة والدهسيرة والقولد وامبكول والدغفلي وبدين وجبيت وطوكر وسودري وبارا وكاب الجداد والحاج عبدالله وقوز البيض وكجيك العركيين و..و.. أم أن هذه المناطق ليست هامش ؟؟ لماذا دائماً تحاولون استدرار العنصرية بهذه الوسيلة التحريضية المكشوفة؟؟ .. أسأل نفسك بأمانة ، لماذا تخيرت مناطق معينة وتعاميت عن أخري ..؟؟

    أنا ركزت علي الخرطوم وذكرت ليكم أنها عاصمة قومية وكل سوداني يجي يعيش فيها بتصبح جزء منه وهو جزء منها .. أيوة هي مركز لكنها مركز لكل المهمشين .. إلاّ من أبي .. يأتيها المهمش من الشمالية ومن الشرق ومن الغرب ويكابس مع الآخرين في دروب معيشتها .. ولذلك أي فئة عصبية أوقبلية أو عنصرية تحاول أن تستولي عليها ستلقي حتفها بواسطة الأغلبية الجماهيرية المختلطة ..
    أقرأ تسلسل البوست عشان تستوعب فكرته ..

    السؤال الثاني : هل المؤتمر الوطني ده مافيهو أعضاء من مناطق التهميش الذكرتهم إنت أم أنهم فقط من مناطق التهميش الذكرتهم أنا ؟؟ !!..
    بالمناسبة خت في بالك إنكم تخلطون نوعين من الصراع مع المؤتمر الوطني .. المعارضة *الما مهمشين* تصارع المؤتمر الوطني لأسباب مفاهيمية وعقائدية وسلطوية وثرووية ، وتستغل المعارضة *المهمشين* لتحارب نيابة عنها - بالرغم من أن أهاليهم هم ذاتهم مهمشين للطيش .. وفي المقابل تلقي المعارضة *المهمشين* مشكلتهم جهوية وعنصرية وتستغل التعاطف المزيف من *الما مهمشين* لتغطي لها حربها الجهوية العنصرية سياسياً - بالرغم من أنها ليست بالضرورة تمثل أي مهمشين .. !!!!
    :
    :

    وشكراً للمشاركة
                   |Articles |News |مقالات |بيانات

09-16-2011, 08:24 PM

Munir
<aMunir
تاريخ التسجيل: 02-11-2002
مجموع المشاركات: 9979

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: Munir)



    بمناسبة المهمشين وما مهمشين دي : السبب الذي يجعل المؤتمر الوطني دائماً كسبان المعركة أن تركيبته أصلاً مليانة مهمشين وما مهمشين - مجازاً - وهدفهم واحد وواضح .. سواءً كان هي لله هي لله أو كان هي للسلطة وهي للجاه .. المهم أنو إتجاهم واحد .. بدون لولوة بيناتهم ..
    وفي المقابل تلقي المعارضة *المهمشين* والمعارضة *المامهمشين* شغالين بينافقوا في بعض نفاق شديد .. كل منهما يظهر للآخر خلاف ما يبطن له .. وكلاهما كاشف نومة التاني وعارف نواياه .. لكين إنتهازيتهم لبعض للقضاء علي المؤتمر الوطني بتخليهم عاملين حِميل من بعض .. وطبعاً الجماهير المتفرجين كاشفين النومة ..

                   |Articles |News |مقالات |بيانات

09-16-2011, 09:16 PM

محمد جلال عبدالله
<aمحمد جلال عبدالله
تاريخ التسجيل: 06-24-2011
مجموع المشاركات: 4246

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: Munir)

    فوووووووووووووق
    تعرف أنا بوستيك ده زي ما قال الفنان
    أعاين فيهو واضحك .. وامشي واجيهو راجع
    هاهاهاهاهاهاهاها

    أها المثل ده: البحر رايق والقعوي متضايق عاجبني عجب :))
    لدرجة إني قاعد أردد فيهو داخل مارق طالع نازل
    اليوم مشيت زرت الوالدة الله يديها العافية قلت ليها:
    يا حاجة : البحر رايق والقعوي متضايق في كلام زي ده؟؟

    قالت لي: آآآي .. البحر لمن يكون رايق القعوي بقعد يعمل قاق قاق قاق قاق
    هههههههههههه والله الوالدة دي حقو بكري يديها باسوورد
                   |Articles |News |مقالات |بيانات

09-17-2011, 08:55 AM

Munir
<aMunir
تاريخ التسجيل: 02-11-2002
مجموع المشاركات: 9979

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: محمد جلال عبدالله)


    الأخ محمدجلال .. تحيات عطرات ..
    بالله استنطق لينا الوالدة - الله يحفظها ويديها العافية - أكيد حيكون عندها ذخيرة حية من الحكم والأمثال النادرة .. خلينا نحشو بيها الفراغ الحاصل في سودانيز ده ..

    بأمانة ، أنا مثل البحر الرايق ده زاتو لقطته من المنبر ده .. كتر خيره ..
    [:darkred]
                   |Articles |News |مقالات |بيانات

09-16-2011, 11:09 PM

Munir
<aMunir
تاريخ التسجيل: 02-11-2002
مجموع المشاركات: 9979

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: Munir)



    طبعاً يا جماعة البشوف كلامي ده يقول أنا ما مهمش .. لكين والله ماتشوفوني كده .. أنا في الأصل مهمش لامن غلط .. عشت عمري كله في حي المهمشين في الشعبية بحري .. طبعاً بالنسبة للمواهيم الشعبية دي بيشوفوها زي باريس ..
    أها أنا زاتو جدي المهمش الأصلي الله يرحمه جاء زمان من معقل التهميش في الشمالية بعد قضاء شبابه كله شغال تربال وكان من الترابلة البيغنوا غناء الشوايقة القدماء الذين كانوا يمجدون حياة الشدة لدرجة إنو كريمة القريبة ديك كانوا بيشوفوها بعيدة.. وكان شاعرهم يغني ويحذر البنات من الزواج من الأفندي الشغال في كريمة ويحضهن علي التربال الشغال في الزراعة فيقول: *لا تاخدي المسافر لي كريمي ** أخدي الكقشها وقلع الهديمي* - والله دي إلاّ تجيبوا ليكم جلكين يشرحها ليكم - والتحذير الشديد كمان من الزول البيفوت كريمي ويقطع الصي ويمشي الخرطوم .. فيقول فيه .. *لا تاخدي المصوبن يجري طافر ** يرمي حمله فوق أهلك يسافر ** ويسوي لِك سواة النار للكافر **.. طبعاً ده تحذير شديد اللهجة .. والمصوبِن هو الزول الغسل هدومه بالصابون - كناية عن النظافة والقشرة الصاح - حتي لو كان عرَّاقي وطاقية .. يعني الشاعر بيشكِّر حياة الغباشة والتهميش ويحذر البنات من زواج المسافرين لكريمة أو الخرطوم ..

    أها ناس جدي ده جو في مواسم بناء الخزانات فانتقل من خشم القربة لخزان سنار واشتغلوا شغل شديد حتي جعلوا الخزان ممكناً .. ومنها استقر في بحري في حالة هامشية شديدة .. ومن ثمّ جينا نحن من هامش لهامش .. لكين رغم قسوة العمل في الخرطوم إلاّ أن جيله الذي إنتقل من حياة الترابلة لحياة القسوة الشديدة في الخرطوم إلاّ أنهم كانوا يرون عيشة الخرطوم جنة بالنسبة لجحيم الترابلة والزراعة .. وأصبحوا يرون حياة السواقي والشادوف والنوريق والمحراث شقاوة ما منها أي فائدة سوي تعذيب لبقر الساقية .. فأنشدوا يسخرون من الترابلة الملازمين السواقي : * قعاداً في البلد ساكت تعابا ** خانقين البقر ماخدين حسابا** .. - طبعاً خانقين بقر الساقية وماخدين حسابها يعني ربنا حيحاسبهم علي خنقها وتعذيبها بالشغل الشاق في الحراثة والسواقي ..
    المهم .. بعد السخرية من حالة التهميش الجحيمي للترابلة في الشمال بدأ القادمون للبندر ينتشون بالحياة الجديدة بالخرطوم ويأسون لحال أهاليهم وضيق عيشهم في الشمال فتغنوا يقولون : * نشرب نحن في الوِرد والترة ** أمانة أهلنا ضايقين مُرَّة *.. يعني الجماعة يغنوا ويشربوا في المرايس والعرقي وآخر بهجة وانبساط بينما أهلهم هناك في الشمالية يتذوقون مرارة التهميش ..

    طبعاً الحكاية تطورت وخلفوا من بعدهم خلفٌ عملوا السفر لاسكندنافيا وكندا وواشنطن دي سي .. حيث الوِرِد والتُرّة غير ..


    ملحوظة .. بمناسبة الوِرِد والتُرّة، أشهد أن جدي لا كان بيشرب وِرِد لا تُرَّة لا سجاير لا صعوط ..
                   |Articles |News |مقالات |بيانات

09-17-2011, 04:25 AM

فتحي الصديق
<aفتحي الصديق
تاريخ التسجيل: 06-17-2003
مجموع المشاركات: 6023

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: Munir)

    Quote: كدي إنت في الأول أشرح لينا لماذا لم تذكر ولم تخطر علي بالك ابودليق ومبيريكة والحقنة والدهسيرة والقولد وامبكول والدغفلي وبدين وجبيت وطوكر وسودري وبارا وكاب الجداد والحاج عبدالله وقوز البيض

    أول شيء القرية الأخيرة اسمها قوز أب بيض لا قوز البيض ...
    تاني شيء أنا ذكرت هذه المانطق كنماذج فقط لمدن وقرى السودان التي ادرك أهلها كيفية نيل الحقوق ...
    تالت شيء ..أنا أنتمي لمنطقة تقرب من المقينص بالنيل الأبيض ...
    رابع شيء ...
    لازال سؤالي قائما ..عن الهامش المكاني والسودان ا لذي تشظى الان وأنت تتحدث غن الخرطوم ..




    ---------------------------------------------------
    العام الماضي سئل خال الرئيس من خلال لقاء تلفزيوني بقناة الجزيرة عن المشاكل المتوقع حدوثها حال انفصال الجنوب ..فرد قائلا ..( الجنوب دا بعيد جدا..ارتريا أقرب لينا منو ) ..
    كان الرجل يعني الخرطوم طبعا ناسيا بقية مناطق السودان ..
                   |Articles |News |مقالات |بيانات

09-17-2011, 09:00 AM

Munir
<aMunir
تاريخ التسجيل: 02-11-2002
مجموع المشاركات: 9979

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: فتحي الصديق)


    Quote: أول شيء القرية الأخيرة اسمها قوز أب بيض لا قوز البيض ...
    فتحي الصديق .. كمان عاوز تغالطني في بلد زميلي وصديقي الروح بالروح؟؟ .. أقول ليك قوز البيض تقول لي أبو بيض؟؟ .!!.


    ردي ليك عن الخرطوم: سألتك أن تقرأ تسلسل البوست لتجد الإجابة ..

                   |Articles |News |مقالات |بيانات

09-22-2011, 07:42 PM

Munir
<aMunir
تاريخ التسجيل: 02-11-2002
مجموع المشاركات: 9979

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: Munir)



    حكاية تهميش ومهمشين دي شايف الناس كانت بتحتفي بمقال تنظيري لدكتور أبكر آدم اسماعيل وسط الكثير من التطبيل .. وكنت قد ناقشته في مقالته ودحضت تنظيراته حتي أفلس ولجأ للغة التكك والسراويل .. بالله شوفوا زي كلام أبكر الذي يحتفي به الجلابة ..
    Quote: وحسب النظرية دي إنو ناس شداد العباسي، وشداد الهاشمي، وشداد الجهني، وشداد القريعتي راحت ساي آول ما نزلوا من السفينة (سفينة الصحراء طبعا) الجابتم لأرض السودان، حلوا تككهم ووقعوا ليك فجغ في خديم السودان (فجغ دي المعادل الدارجي لـ"وطء" بتاعت ناس الفقه) وكانت النتيجة عنتر بن شداد العباسي/الهاشمي/الجهني/القريعتي راحت/إلـ "إلخ" الملقب جورا بالسوداني -
    وتجدون النقاش في البوست : ابكرآدم اسماعيل: حول المركزوالهامش

                   |Articles |News |مقالات |بيانات

09-23-2011, 07:51 AM

عمر موسي منجي

تاريخ التسجيل: 11-24-2010
مجموع المشاركات: 780

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: Munir)

    من أجمل و أصدق ما قرأت في سودانيز اون لاين
    لا فض فوك أخي منير

    لكن البقنع "القعوي" منو ؟؟؟؟؟؟

    تحياتي
                   |Articles |News |مقالات |بيانات

09-23-2011, 09:45 AM

Barakat Alsharif

تاريخ التسجيل: 06-08-2010
مجموع المشاركات: 1253

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: عمر موسي منجي)

    منير
    اجمل ما في هذا البوست هو التحليل (الجدلي) للعلاقة بين المعارضة (غير المهمشة) معارضة اسيادي حفظهم الله، ومعارضة سليلي الأسر، ومعارضة من يسمون نفسهم بالمستنيرين، وهذه الفرق كلها كوم في ناحية، و الكوم الثاني هوالمعارضة (الطرفية) التي ترفع شعار التهميش..
    فالشيوعي مثلا، وهو من معارضة الكوم الأول، حزب مركزي تقيم قيادته في الخرطوم وشارك في الوزارة مرات عديدة وعمل انقلاب وكل هذا في الخرطوم، فقيادته جزء من تركيبة المركز وعلاقاته الإجتماعية، وونسة قادته ولسانهم لسان الخرطوم، ولو قلنا لقادته عيشوا في مناطق التهميش فلن يقوموا بذلك إلا في ظل زيارة لمنطقة ما في مهمة عمل أو دراسة أو نشاط حزبي وتكتسي المهة بطابع (تغيير جو) وزيادة ثقافة وتوسيع مفاهيم، اكثر من كونها العيش الحقيقي في مناطق طرفية تفتقر للخدمات، ولن يصبر هذا المركزي على حياة الهامش إلا فترة قليلة ويكر عائدا للمركز. ويكتب لنا بعد ذلك مقالات طويلة عن التهميش بعد ان يشرب كوبا من العصير البارد ويشغل المروحة ويتصل بزوجته ليطمئن على سير اعداد صينية الغداء

    أما حاملي راية التهميش من المناطق الطرفية، فهم لا يريدون توسيع كلمة هامش لتشمل الشمال، أو الشرق، هامش يجب ان تكون ماركة مسجلة لمناطق بعينها، واي محاولة لإضافة مناطق اخرى فهذا يعني انك أمامؤتمر وطني منتفع أو جلابي وتريد حرف القضية.

    ومن ملاحظاتي حول موضوع الهامش واحداث النيل الأزرق، ان الدمازين مثلا عاصمة النيل الأزرق ومركز عقار والمفروض انها هامش أو محاطة بهامش كثيف، ولكن هذه المناطق وهي قلب الهامش لم تخرج فيها مظاهرة واحدة مؤيدة عقار، ولا ساند اهل تلك المناطق (المهمشمة) الشخص الذي يزعم التحدث باسمهم ، واقتصرت الحرب على افراد عسكريين من الطرفين...هذا يعني ان قضية هامش تفتقر للدعم الجماهيري في عقر دارها وان فكرة هامش ضد مركز فكرة ولدت ميتة والناس بوعيها تفهم ما المقصود منها...لذا فقد اضطر زعيم المهمشين (عقار) للفرار
    وقبله كان الحلو
    ألا يدعو هذا الأمر قادة (المهمشين) للتفكير مليا في الموضوع؟
                   |Articles |News |مقالات |بيانات

09-25-2011, 11:50 AM

Munir
<aMunir
تاريخ التسجيل: 02-11-2002
مجموع المشاركات: 9979

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: Barakat Alsharif)



    الأخ بركات الشريف تحيات ..
    يا أخوي أصلو أنا عندي قناعة بأن حروب السودان صنيعة صهيونية - آآي ممكن تقول علي نظرية مؤامرة وأي حاجة - بدأها جون قرنق الذي وجد دعماً بهوادة من أمريكا ..
    وتذكر أن ناس علي الحاج في بدايات الإنقاذ كادوا أن ينجزوا توقيع السلام في أبوجا .. قامت امريكا استدعت قرنق في أخر دقائق وفركشوا الإتفاق .. وبدأت النغمة بمسلمين ضد مسيحيين إنتشرت في العالم كالنار في الهشيم .!!. وعندما رأوا أن للشمال قناة قوية لن تلين وكمان جابت ليها دبابين هزموا الدبابات الغربية في الميل ٤٠ ، قالوا هوي الكلام ده ماياهو..!! وقالوا أحسن ينجزوا سلام يضمن إنفصال الجنوب، لكين يخلوا الحرب مدورة في الشمال تحت مسميات أخري ..

    وتم نفش كلمة مهمشين وإصباغها بصبغة الإثنية .. ونفخوا في الدعاية الجديدة عرب ضد أفارقة - طبعاً مابيقولوا عرب ضد زنوج لأن كلمة أفارقة عندها عدة مدلولات وفوائد .. فهي أولاً تؤلب العالم ضد الشماليين علي خلفية الدعاية الصهيونية العالمية المعادية للعرب عداء حضاري أزلي إلي قيام الساعة !!.. وثانياً فإنها توحي بأن الشماليين وافدون علي البلاد كأنهم غير أفارقة .. وأن الضحايا هم أفارقة .. أهل البلد الأصليين .. وذلك كفيل بجذب تعاطف الأفريكان اميركان - مهمشي أمريكا الضارباهم العقدة -
    وبذا فقد إنتفشت قضية دارفور بصبغة إثنية أريد بها دق اسفين بين العرب والأفارقة .. ليس فقط في السودان ، بل في كل افريقيا المسلمة المنحازة طبيعياً للقضية الفلسطينية - وبالمناسبة أفريقيا هي القارة الوحيدة التي يكون المسلمون فيها أغلب السكان - .. وأشتعلت قضية دارفور التي حُشد لها نجوم هوليوود وأعتي المنظمات العالمية وظلت القضية تتحرك بالدعاية الجوهرية - عرب وأفارقة - لكين الجماعة ماعارف كيف فاتت عليهم أن نسبة العرب في غرب السودان بالنسبة للغرب يمكن يكونوا أكتر نسبة بالنسبة لباقي الأقاليم .!!. وهم بذلك فتنوا أهل الإقليم فيما بينهم .. ونشأت نتيجة لذلك قوي عربية مضادة تتسلح بالتوجس ..
    وكما تري فإنهم يحتضنون بعض العناصر من أدعياء التهميش في أوروبا وأمريكا ويوفرون لهم كل أدوات الدعاية للإبقاء علي الحرب مدورة .. ولذلك لم تُفِد كل الوساطات ومحاولات السلام .. وكلما تسالم فصيل محارب إنبثق عنه فصيل محارب آخر بقيادات جديدة ، سرعان من يتم إحتضانها في الغرب ونفشها لتستمر في الحرب ..
    وطبعاَ بعد إنفصال الجنوب تخيروا قيادات من القبائل الزنجية لتكوين المهمشين الجدد في جنوب كردفان والنيل الأزرق .. وكما قلت لك فإن كلمة مهمشين مصبوغة صبغة عالية الجودة بالملامح والشبه .. والجماعة شغالين بنظرية المراية ، بين قوسين المرآة، وهي إنك تمشي تعاين لنفسك في المراية .. لو لقيت نفسك شكلك كده أقرب للزنوجة - ودي حاجة تعرفها بينك وبين نفسك - فأنت إذن مهمش كامل الدسم ، وتمشي طوالي تقيف في صف التهميش وتقعد تكورك .. مهمش مهمش حتي لو كنت مليونير زي سلفاكير ملياردير !!.. أما لو المراية قالت ليك إنت شكلك كده ودعرب، فتقوم طوالي تعمل حسابك - فأنت لست مهمشاَ، بل مُستهدف لأنك من أصحاب الحظوة بالميلاد ، حتي لو كنت معلِّم الله من المليم ..!!!..

    ولذلك تجد أن العالم الخارجي لا يعير نوبيي الشمال ولا المناصير أي إلتفاتة ، رغم أنهم تهم تهجيرهم عديل كده من ديارهم وشغالين كواريك ، مهمشين مهمشين .. فهؤلاء ببساطة do not fit حسب نظرية المراية ..

    وده طبعاَ بإختصار محصلة مشروع السودان الجديد - مشروع المراية - .. من فوق صورة ومن تحت قرقورة ..

    (عدل بواسطة Munir on 09-25-2011, 11:59 AM)

                   |Articles |News |مقالات |بيانات

09-24-2011, 10:14 PM

Munir
<aMunir
تاريخ التسجيل: 02-11-2002
مجموع المشاركات: 9979

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: عمر موسي منجي)



    الأخ عمر موسي
    أشكرك يا أخي .. الواحد روحه المعنوية بترتفع حينما يعلم بأن هنالك من يتفقون معه في الرأي في هذا الفضاء..
    وأن آراءه لا تذهب أدراج الرياح ..


    ألف تحية معطرة
                   |Articles |News |مقالات |بيانات

09-25-2011, 02:17 AM

الصادق الزين
<aالصادق الزين
تاريخ التسجيل: 09-18-2009
مجموع المشاركات: 2690

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: Munir)

    منير سلامات..

    ياااخ عجبتنى حميتك عن الخرطوم (بشرط انتفاء الغرض من الحمية), ما خلاص كل زول يتعصب لخرطومه! الا بس القال ليك منو ناس الهامش ديل و جعتهم فى الخرتوم المكان او اهلها؟؟, بعضمة لسانك تفضلت بذكر كل مكونات الخرطوم من مختلف السحنات, اذن يبقى زول عندو غبينة مع الخرتوم(المكان و الناس) مافى يعنى هى حقتى متل ما هى حقتك و حقة اهل عقار و خليل الدخلها و اشترى جنوده من دكاكينها بحر مالهم قبل ما يتشبكوا مع مليشيات صلاح قوش!! خليل اهدافه كانت واضحة يا منير و زى ما ذكرت كان جنوده قاصدين الاذاعة, القصر, والقيادة و ما بين النيلين من دواووين و بساتين!! وما قالوا نحن قاصدين القبائل الساكنة فى الخرطوم و الا لكان اكتفوا بقبائل الريف الشمالى!( منهج المنطق) و اظن دا كان مشروع لطالما عمر البشير نفسه اتحرك من هامش حوش بنقا و قاد جنوده و سطى على السلطة الشرعية الكانت قائمة انذاك بليل و سكان الخرتوم كانوا فى ثبات عميق! يبقى دا اصبح تشريع(De facto) ينطبق على الجميع! وخلى الخرتوم تكون فى ثباتها (شيية جاييها مافى), لحدى ما يدخل ضيف جديد(ليس مهما من هو) على القصر ليطل على تلفاز امدرمان محييا الناس و مطمنا لهم على مالهم و امنهم و شيوع العدل و المساواة بينهم. الا كلامك دا اذا القصد منه سلبطة ساكت و عكيم (بث الرعب) بان ناس الخرطوم هدف حملات الهامش ببقى دا منهج ضال الطريق! لانه ما عاد من يتخم بمثل هذه الخطابات التعبوية التى تفتقر الى الذكاء و تخطئ اصابة الهدف!! الخرتوم التى يعنيها الهامش هى الخرتوم الرمز و ليست الخرتوم بالليل التى يجد فيها كل فرد نفسه و بالمناسبة الهامش هو نفس الهامش الببدا من فركة و عبرى و ديم القراى شمالا و بيمر ب اروما و ابايو ثم قيسان و ام بريمبيطة و كيلك و الميرم و حمرة الوز و سودرى انتهاءا بعديلة و ام دافوق غربا يعنى الهامش هامش ذكى وواعى ما قبيلة واحدة كما زعمت.

    (عدل بواسطة الصادق الزين on 09-25-2011, 02:55 AM)

                   |Articles |News |مقالات |بيانات

09-25-2011, 03:36 AM

محمد جلال عبدالله
<aمحمد جلال عبدالله
تاريخ التسجيل: 06-24-2011
مجموع المشاركات: 4246

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: الصادق الزين)

    Quote: الواحد روحه المعنوية بترتفع

    فووووووووووق
    لرفع الروح المعنوية لأخينا منير ^__^
                   |Articles |News |مقالات |بيانات

09-25-2011, 10:25 AM

Barakat Alsharif

تاريخ التسجيل: 06-08-2010
مجموع المشاركات: 1253

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: محمد جلال عبدالله)

    Quote: وما قالوا نحن قاصدين القبائل الساكنة فى الخرطوم


    سيبك من الأقوال خلينا في الأفعال وخلينا في واقع ما حدث...هل سقط مدنيين من سكان الخرطوم قتلى أم لا؟؟؟؟
                   |Articles |News |مقالات |بيانات

09-25-2011, 11:54 AM

الصادق الزين
<aالصادق الزين
تاريخ التسجيل: 09-18-2009
مجموع المشاركات: 2690

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: Barakat Alsharif)

    Quote: سيبك من الأقوال خلينا في الأفعال وخلينا في واقع ما حدث...هل سقط مدنيين من سكان الخرطوم قتلى أم لا؟؟؟؟



    حسب علمى (لا) واذا انت عندك احصائيات موثقة
    ااتى بها! بشرط تكون (موثقة) دا واحد ثانيا
    لنفترض (افتراضا) سقط خسائر من المدنيين
    اثناء الحرب وممكن جدا تكون نيران صديقة
    (الحكومة) طائشة اليست هى الحرب؟؟ و الكلام
    دا بفرق من كلام زول يجى يقول ليك خليل غزا
    الخرطوم وقتل اهلها دى فبركة لا تخلو من الغرض,
                   |Articles |News |مقالات |بيانات

09-25-2011, 12:46 PM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: الصادق الزين)

    Quote: طبعاً يا جماعة البشوف كلامي ده يقول أنا ما مهمش .. لكين والله ماتشوفوني كده .. أنا في الأصل مهمش لامن غلط .. عشت عمري كله في حي المهمشين في الشعبية بحري .. طبعاً بالنسبة للمواهيم الشعبية دي بيشوفوها زي باريس ..

    ههههههههه يازول ارفع يدك من الشعبية
    مره واحده قالت لي شابكننا الشعبية الشعبية انتو قايلنها باريس وللا شنو
    اها رجعتنا تاني لنفس المحل
    قلت لواحد نحنا تربية شوارع قعد يضحك ضحك ماعادي
    لم يستوعب كلامي كيف التلاحم كما ذكرت في حي الشعبية
    بين دنقلاوي وشايقي ونوباوي وجعلي وجنوبي
    ممكن يربيك ود الجيران ويوجهك وبت الجيران تقول ليك ارح معاي الترزي
    وعادي تدخل في اقرب بيت وتاكل وتشرب وتطلب شاي وتمشي
    وممكن ندعي ليك ناس الحلال المجاورة ونجيب ليهم جردل ليمون كارب
    يكونن عاملنو بنات الحله او فتحي موسى وسيف
    وبعدها الناس تشوف كوشة الجبل وين
    الشعبية طحنية يا منير سيزر ياخ
    امانه ما أشتقنا ليها شوق ...
                   |Articles |News |مقالات |بيانات

09-25-2011, 01:31 PM

Munir
<aMunir
تاريخ التسجيل: 02-11-2002
مجموع المشاركات: 9979

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: وليد عبد اللطيف)



    سلامات ياوليد .. عليك الله في تهميش أكتر من الشعبية؟؟ ياخي إسمها شعبية عديل كده .. في أكتر من كده؟؟
    ياخي نحن لو ما التهميش كنا قضينا يومنا كله في الشارع من ضل شدرة لضل حيطة ؟؟.. ياخي نحن من كترة قعاد الشارع جنب حيطة ناس صاحبك بريش والردم الكتير لامن الحتة بقت ردمية عالية .. تقعد فيها تكشف الشوارع الأربعة !! .. أُمَّال الواحد إتعلم الردم وين إنت قايل؟؟ مو كله من التهميش الكتير ده !! ..

                   |Articles |News |مقالات |بيانات

09-25-2011, 01:19 PM

Munir
<aMunir
تاريخ التسجيل: 02-11-2002
مجموع المشاركات: 9979

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: الصادق الزين)



    الأخ الصادق الزين .. عليكم السلام ..
    حكاية إنو المسلحين لا يستهدفون المدنيين وما أدراك ما يستهدفون العسكريين دي شيلها من راسك، لأنو ده كلام theory ساكت .. ده كلام سياسة ومنابر وفضائيات يطير في الهواء لكنه لن يمشي علي قدمين علي الأرض !!..
    جوهر البوست يقول أن الخرطوم أصبحت كالمنطقة المحايدة ومركز لكل المهمشين الذين يأتون إليها وهم خاتِّين في بالهم إنهم ماشين يعيشوا مع أجناس أخري وثقافات أخري في وسيط حضري متنوع .. ولذلك يتركون عصبياتهم القبلية وراء ظهورهم ويجوا يدافروا في المواصلات زيهم وزي باقي خلق الله .. وهذا الخليط السكاني ماعاوز شوشرة منفردة من إثنية واحدة أو قبيلة واحدة أو جهوية واحدة .. ولن يطمئنوا لوجود السلاح في يد أي فئة سوي قوات الشعب القومية المسلحة !!.. فما تقعد تقول لي خليل اتعرض أو ما اتعرض لمدنيين .. هو لحق ليهو سلطة عشان تحكم عليه إنو قتل مدنيين أو ماقتل ؟؟!! يكفيه أنه عرَّض جنوده للإبادة الكاملة في أقل من ساعتين !!!.. زول يعرِّض أنصاره للإبادة المحتومة، فما بالك إذا انفرد بأعدائه !!!.. بعدين إنتوا إذا كنتم تعتقدون أن الجيش القومي الذي ينطوي تحت لوائه كل اصناف الشعب السوداني - تعتقدون أنه يتعرض للمدنيين ويقتلهم، فما بالك بمليشيا قبلية إذا دانت لها السلطة علي هؤلاء المدنيين؟؟!! إذا كان الجيش الذي يمثل الاغلبية متهم من جانبكم بقتل المدنيين فما بالك بمليشيا أقلية عندما تجد أن الاغلبية ضدها؟؟!! مؤكد أن عنفها سيكون أضعافاً مضاعفة بقدر نسبة ضآلة نسبتها في المكوِّن السكاني في البلد !!..
    ولذلك لن ترضي الأغلبية المختلطة - سكان العاصمة - أن تشذ إحدي مكوناتها وتخرج عن المنظومة السلمية لأهل العاصمة الذين يريدون أن يعيشوا عيشتهم بسلام ..

    حينما يأتي التغيير المسلح من داخل الجيش لا يعبأ به الشعب كثيراً لأنه منه وفيه .. وغالباً ما يأتي الإنقلاب أيضاً بصبغة أيدلوجية .. كيزان شيوعيين ..إلخ .. وذلك لأن الايدلوجية ليس لها لون أو جهة أو قبيلة ..
    مش لا يعبأ به وبس ، بل يخرج الشارع مؤيداً له .. ونفس الشعب يخرج ليطيح بهم بعد حين !.. ولكن لو جاء التغيير بصبغة قبلية أو جهوية فإنه يتم إخماده داخل الجيش القومي نفسه قبل أن يحيا ويتنفس ..

    فالكنكلوشن إنو هذه العاصمة تحصنت تلقائياً ضد إنفراد قبيلة معينة أو فئة معينة بالسلطة والسلاح .. فأي مغامر عاوز يهدم النسيج ده إلاَّ يكون ساذج إقليمي لم يعش بالعاصمة ولم يستوعب العيش فيها .. وأي مغامرة إثنية من أقلية ساذجة سيتم إبادتها بواسطة الأغلبية..

    أي نشاط سلمي - حتي لو كان قبلي - فهو مُرحَّب به .. أما أي فرفرة مسلحة فإنها تعتبر خروج علي إجماع الجماهير المسالمة يتم التصدي الجماعي لها في الحال !!.. أديك مثال بسيط :- الزغاوة ديل عندما أنشأوا سوق ليبيا ، الناس كلها اتكيفت من هذا الإختراق التجاري الذي خفف عليهم من إرتفاع الأسعار (بالرغم من أنو في واحد صاحبي مرة من المرات إشتري ليهو بنطلون جينز من سوق ليبيا ، وعندما مشي فتحه من كيسه إتكسر عديل من محل المكوة لأنه كان مشمِّش تشميشة لمن بهناك !!!) .. كنت بقول في شنو؟ أيوه .. أها الزغاوة ديل عندما جاؤوا مع خليل في مغامرته الحمقاء كان يمكن للجماهير أن تبيدهم في العاصمة عن بكرة أبيهم .. لكن الحكومة تصرفت بحكمة وقالت ديل مرتزقة من تشاد وشتت اللعب ووجهت الغضب الجماهيري لخارج الملعب .. وحافظت علي السلام الداخلي ..
    .
    .... إلي حين الغزوة القادمة .. !! ..


                   |Articles |News |مقالات |بيانات

09-25-2011, 02:19 PM

Munir
<aMunir
تاريخ التسجيل: 02-11-2002
مجموع المشاركات: 9979

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: Munir)



    .. زمان درسونا في الجغرافيا عن الحزام الأخضر جنوب الخرطوم ليحمي العاصمة من الغبار والأتربة .. وحاجات زي دي !.. ماعارف الكلام ده كيف مع الغبار البيجي طاير بي فوق في الهوا !! .. وماعارف كيف فريع البان البيسيح نديان ويتثني من الميعان يقيف ضد الهوا الكاسح !!..
    أها يا أخواننا فجأة اختفت نغمة الحزام الأخضر وأطل علينا مصطلح الحزام الأسود !! .. وهو مصطلح تلقفه أدعياء التهميش وانتشر الإيحاء والتهديد بأن هذا الحزام الأسود يقطنه المهمشون وستأتي ساعة صفر كده يطبقوا فيه علي أهل العاصمة لإنتزاع حقوقهم وما أدراك ماحقوقهم !!!!!.. أها ياجماعة ده أنا بأعتبره وهمة تانية من أوهام أدعياء التهميش الذين يظنون أنهم أغلبية مهمشة سيحين اليوم الذي ينالون حقوقهم فيه من سكان الخرطوم .. فبقي أي زول جاء أول امبارح ليعيش في الخرطوم وما لقي ليهو بيت وسكن عشوائياً ، أعتبر نفسه مهمش ويقوموا تلقائياً يصرفوا ليهو الحزام الأسود !! .. طبعاً دي وهمة ضارة جداً وفيها غفلة كبيرة !!.. لأنو ياجماعة لو أعتبرنا هذا الحزام الأسود بيصرفوه كده مجاناً ، بدون تمارين، حسب الملامح والشبه ونظرية المراية ، فلا ننسي أن هذا الحزام محاط ببحر متلاطم من الملامح المضادة التي تنتشر وتمتد من بؤرة السودان جنوباً وشمالاً وشرقاً وغرباً .. إنتو قايلين الخرطوم اتمددت كيف؟؟ ماأصلو أسياد الأراضي الطرفية دي ظلوا يبيعوا الأرض القاعدين فيها ويتحركوا إلي الخارج في أراضي جديدة .. فتتعمر الأراضي الباعوها وتركوها ويُقبِل وافدون جدد لشراء الأراضي الجديدة الإتحركوا ليها .. فيبيعوها ليهم ويتحركوا هم من جديد للخارج شوية إلي حين عمران الأرض السابقة والإقبال الجديد علي الأرض الأجد .. وهكذا دواليك .. فيظل هؤلاء الأعراب سكان الأطراف دائماً محاوطين العاصمة وفي نفس الوكت عايشين في هامش الهامش !! .. يعني أي زول قايل نفسه محاوط العاصمة لازم ينتبه إنو هو زاته محاوط من الخلف بمجموعات حرة الحركة .. الخلا هو فضاءهم الطبيعي .. وهؤلاء هم من لهم القدرة علي إحكام الإطباق علي العاصمة إذا شعروا إنو العاصمة فيها ريحة وطيس سيحمي .. يعني في الآخر تلقي إنو الحزام الأسود ده محاط شندوتش بأهل العاصمة والمجموعات البشرية في محيط العاصمة، والتي هي أصلاً إمتداد إثني لكثير من أهل العاصمة إذا - لا قدر الله - انفلت النزاع العنصري حسب نظرية المراية في هذا الوسيط الحضري !! ..
    .
    .
    .. وبالطريقة دي ..


                   |Articles |News |مقالات |بيانات

09-25-2011, 02:33 PM

Munir
<aMunir
تاريخ التسجيل: 02-11-2002
مجموع المشاركات: 9979

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: Munir)



    .. والحاصل ياجماعة إنو التمدد العشوائي حيكون لا نهائي إلي تصل الخرطوم إلي شندي ومدني .. طبعاَ already شمبات والحلفايا بقوا عاصمة وتبعتها ناس الدروشاب وأم القري والجيلي وناس الكدرو حضروا .. وبهناك الثورات بقت لمد البصر وناس مرزوق وابوسعد وكرري وقري شمال امدرمان بقوا عاصمة .. وأطلع بهناك علي ناس أبو آدم وما أدراك ما الطائف والرياض ومنشية بقوا عاصمة .. ياخ الحاج يوسف دي زاتها كان لو عاوز تمشيها تشوف ليك لوري مسافر تتشعبط فيهو .. هسه الشغلانة كلها بقت عاصمة ..

    قال ليك عندي واحد صاحبي من الحلفايا البعيدة دي قلت ليهو في حالة تقريقة .. ياخي نحن زمان لمن نكون مسافرين الشمالية بالقطر، والقطر يصل الحلفايا ، نحن نكون already نمنا وصحينا .. فاستشاط غضباً وقال لي أُمَّال لمن تصلوا بلدكم ديك بتكونوا متوا وحييتوا ؟؟ ...

                   |Articles |News |مقالات |بيانات

09-25-2011, 02:53 PM

Munir
<aMunir
تاريخ التسجيل: 02-11-2002
مجموع المشاركات: 9979

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: Munir)


    .
    .
    .. تمدد العاصمة عنده فوائد كما أن له مثالب ..
    من فوائده أن دائرة إختلاط الأعراق والثقافات ستظل تتسع وتتسع كمثل دوائر الماء الرايق التي تتوسع حينما ترمي بها بحصاة .. وحين تتحد كل هذه الأجناس بالطريقة التي اختلطت بها في العاصمة فإن هذا يعتبر حِراك بشري إيجابي يجعل كل المواطنين كقبيلة واحدة يجمعهم العيش المشترك ، حلوه ومره ..
    طبعاَ هذا الإختلاط كان ماشي كويس تدريجياً حتي انتبه له بني صهيون وسعوا لفركشته بهذه الدعاوي العنصرية والفتن التي انتشرت كرؤوس الشياطين ..
    .
    .
    ومن المثالب هو أن الحكومات ستظل تلهث في محاولة التمدد في الخدمات الأساسية - موية وكهرباء .. إلخ - ولكن هيهات !!! .. فمهما حاولت الحكومات تمديد العيش الحضري لهذا التمدد الأفقي الأخطبوطي للمدينة لن تستطيع .. ياخي أمريكا زاتها ما بتقدر تجاري مثل هذا النمو اللوغريثمي للمدن - ودونكم مدن الخيام التي بدأت في الإنتشار - فما بالك ببلد من العالم التالت !!! ..
    عشان كده المواطن ما بيرتجي ليهو خدمات حضرية من حكومة .. والعاوز يعيش رفاهية - موية ونور وصرف صحي وخلافه - يسعي ليهو جنريتر وموتور موية مع صهريج ويحفر ليهو سايفون - يعني يبقي دولة هو لي رقبته دي .. لغاية ما يحلها الحلال ..

                   |Articles |News |مقالات |بيانات

09-25-2011, 02:56 PM

Munir
<aMunir
تاريخ التسجيل: 02-11-2002
مجموع المشاركات: 9979

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: Munir)


    .
    .
    ..... وإلي حين ميسرة ...


                   |Articles |News |مقالات |بيانات

09-25-2011, 07:26 PM

Munir
<aMunir
تاريخ التسجيل: 02-11-2002
مجموع المشاركات: 9979

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: Munir)


    Quote: طبعاَ already شمبات والحلفايا بقوا عاصمة

    ياجماعة ذكرنا ناس شمبات والحلفايا ديل علي سبيل المكاواة والمزاح المعهود بيننا، فبالله المستجدين فيها ما يحمبكوا ساي ..
    مع إنو مافيها مستجدين - فهم كلهم من زمن عمارة دنقس وعبدالله جمّاع ..

                   |Articles |News |مقالات |بيانات

09-25-2011, 08:54 PM

عصام دهب
<aعصام دهب
تاريخ التسجيل: 06-18-2004
مجموع المشاركات: 10343

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: Munir)

    سلام يا هندسة ..

    أحكي ياخي ,, و الله و النبي كان تقيف ..

    بوست يستحق الركلسة ..
                   |Articles |News |مقالات |بيانات

09-26-2011, 06:16 AM

مدثر صديق
<aمدثر صديق
تاريخ التسجيل: 04-30-2010
مجموع المشاركات: 2981

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: عصام دهب)

    سلام منير
    Quote: وواضح أيضاً أن هنالك سوء تقدير فادح من هذه المجموعات العنيفة التي أرادت أن تعكر صفو الخرطوم .. فأعتقد أنها مصابة بتضخم حاد في الحالة النفسية وتظن أنها أغلبية عددية في الخرطوم !! .. وذلك غايتو أنا شايفه مرض نفسي غريب !! ..
    فإذا كان المتمرد حتي في أقليمه ووسط أهله وقبيلته يٌقابل بالرفض - بل بالحرب والإنشقاق المتسلسل - فما بالك بشعبيته في المحلية التي ينطلق منها، ثم علي مستوي الولاية ، التي بها عدة قبائل وعشائر واقفة ضده جملة وتفصيلاً .؟؟. ثم مابالك حين تتوسع دائرة الرفض لمستوي الإقليم كله ثم السودان كله؟؟ !!! ..
    أكيد من يفكر هذا النحو من التفكير لابد أن يكون في حالة غيبوبة عن طبيعة التركيبة النفسية والديموغرافية للشعب السوداني ذو التنوع العريض ..

    نعم القول ما قلت ..........
                   |Articles |News |مقالات |بيانات

09-27-2011, 01:52 AM

الصادق الزين
<aالصادق الزين
تاريخ التسجيل: 09-18-2009
مجموع المشاركات: 2690

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: مدثر صديق)

    Quote: جوهر البوست يقول أن الخرطوم أصبحت كالمنطقة المحايدة ومركز لكل المهمشين الذين يأتون إليها وهم خاتِّين في بالهم إنهم ماشين يعيشوا مع أجناس أخري وثقافات أخري في وسيط حضري متنوع .. ولذلك يتركون عصبياتهم القبلية وراء ظهورهم ويجوا يدافروا في المواصلات زيهم وزي باقي خلق الله .. وهذا الخليط السكاني ماعاوز شوشرة منفردة من إثنية واحدة أو قبيلة واحدة أو جهوية واحدة .. ولن يطمئنوا لوجود السلاح في يد أي فئة سوي قوات الشعب القومية المسلحة !!.. فما تقعد تقول لي خليل اتعرض أو ما اتعرض لمدنيين .. هو لحق ليهو سلطة عشان تحكم عليه إنو قتل مدنيين أو ماقتل ؟؟!! يكفيه أنه عرَّض جنوده للإبادة الكاملة في أقل من ساعتين !!!.. زول يعرِّض أنصاره للإبادة المحتومة، فما بالك إذا انفرد بأعدائه !!!.. بعدين إنتوا إذا كنتم تعتقدون أن الجيش القومي الذي ينطوي تحت لوائه كل اصناف الشعب السوداني - تعتقدون أنه يتعرض للمدنيين ويقتلهم، فما بالك بمليشيا قبلية إذا دانت لها السلطة علي هؤلاء المدنيين؟؟!! إذا كان الجيش الذي يمثل الاغلبية متهم من جانبكم بقتل المدنيين فما بالك بمليشيا أقلية عندما تجد أن الاغلبية ضدها؟؟!! مؤكد أن عنفها سيكون أضعافاً مضاعفة بقدر نسبة ضآلة نسبتها في المكوِّن السكاني في البلد !!..
    ولذلك لن ترضي الأغلبية المختلطة - سكان العاصمة - أن تشذ إحدي مكوناتها وتخرج عن المنظومة السلمية لأهل العاصمة الذين يريدون أن يعيشوا عيشتهم بسلام ..




    جيد الاعتراف الفوق دا يامنير و بيدلل على ان كلامنا جاب دخل! الخرطوم دى حقة اى زول, لكن محاولاتك لاستخدامها دروة لهجوم الهاجمين هو البيفقد البوست دا موضوعيته و حياده, وتبقى الخرطوم و تنوعها فى وادى ونضمك الفوق دا فى وادى اخر! لو عايز تدافع عن حكومة الكيزان خليك واضح وهات ما عندك, لكن محاولات تغلفك بالخرطوم دى ما جايبها ثمنهاو ردمك الاتعلمت فى ازقة الشعبية دا اظنه ردم زبالات ساكت متى ما ناس البلدية جو حيخلوا المكان نقعة (حمرة) ومجرى كمان للسيول و الامطار!

    (عدل بواسطة الصادق الزين on 09-27-2011, 02:00 AM)

                   |Articles |News |مقالات |بيانات

09-27-2011, 05:30 PM

Munir
<aMunir
تاريخ التسجيل: 02-11-2002
مجموع المشاركات: 9979

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: الصادق الزين)


    Quote: ونضمك الفوق دا فى وادى اخر! لو عايز تدافع عن حكومة الكيزان خليك واضح وهات ما عندك, لكن محاولات تغلفك بالخرطوم دى ما جايبها ثمنهاو ردمك الاتعلمت فى ازقة الشعبية دا اظنه ردم زبالات ساكت متى ما ناس البلدية جو حيخلوا المكان نقعة (حمرة) ومجرى كمان للسيول و الامطار!
    يازول إنت الكلام حرقك وغلبك تستحمل واللاّ شنو ؟؟ .. من هنا ولقدام اعتبرني كوز عديل .. أوكي؟؟

    لو إنت بتاع زبالة خلاس نحن بنردم وإنت تعال خم ..

                   |Articles |News |مقالات |بيانات

09-27-2011, 07:40 PM

بشير أحمد
<aبشير أحمد
تاريخ التسجيل: 03-21-2008
مجموع المشاركات: 10341

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: Munir)

    الاخ/منير

    تحياتي؛؛؛

    سرد جميل وواصل(علي)



    ماتضايق وتخرب علينا النضم الجميل ده.




    ح اجيك تاني باقتباسات فوق عجبتني.
                   |Articles |News |مقالات |بيانات

09-27-2011, 09:08 PM

عبد الملك يوسف الملك

تاريخ التسجيل: 01-07-2010
مجموع المشاركات: 1044

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: بشير أحمد)

    Quote: الأبيض
    كادقلي
    خزان جديد
    الفاشر
    الدمازين
    القريشة
    الكرمك
    المقينص


    منير تحية
    كلمة الهامش دي كلمة حق اريد بها باطل
    اصبحت افيون السياسيين السذج
    او السياسيين الكذبة الذين يسوقونها للاغبياء
    وفي النهاية المعلم واحد صهيوني او عميل صهيوني ،،،تخيل ان الدمازين مهمشة
    وكان الهارب عقار يعيش فيها ملكايبني القصور والمراكز الثقافية باسمه
    على ضحالته وعمالته وثقافته المنحطة
    قال متحديا الدولة السودانية( اذا كان الرئيس عندو قصر انا عندي قصر واذا عندو سلاح طيران اناعندي سلاح طيران)
    وكان يقول ( سانقل الحرب الى الخرطوم)
    والان بجتته الضخمة يتلبد من شجرة الى شجرة،،، لم يستطع ان ينقل الحرب حتى الى غرفة نومه
    لم يجد الوقت ليحمع حتى اقمصة نومه المزركشة ولا اقمصة الغواني التي كان ينعم بهن ذلك المخزنجي الكذاب ال########
    ابنا الهامش يامنير هم الذين سحقوا تمرد مالك وطاردوه كال######
    90% من اللواء الرابع هم من ابناء الانقسنا والفونج والوطاويط وبقية قبائل النيل الازرق
    والذين يعتقدون ان ابناء الهامش مع الاعيب ياسر عرمان و مع العنصريين المسلحين جهلة
    واغبياء او بقايا شيوعيين ضلوا الطريق وانتهى بهم درب الفشل السياسي
    في احضان اليانكي والمحافظين الجدد (اكل عيش ولجوء سياسي مدنكل)
    في كادوقلي لم تحارب الملائكة هم ابناء المنطقة الذين طلعوا صليب الحلو وعرمان وبقية الكلاب
    في غزوة ذات الموز والعباطة التي قام بها المرتزقة خليل ابراهيم الذين سحقوه في الكبري كان اكثرهم من ابناء دارفور
    كلمة الهامش هذه سيجارة حشيش يدخنها ياسر عرمان لياكل عيش
    ويذهب ليصلي بين يدي الهته الجديدة الولايات المتحدة الامريكية التي لم تنقذ سدنتها الاهم (مبارك وبن على وشاه ايران)
    فكيف بهذا الفنطوط الذي لايساوي شئيا لابمقاييس السياسة ولامقاييس الاخلاق ولامقاييس التعليم
                   |Articles |News |مقالات |بيانات

09-27-2011, 09:40 PM

الصادق الزين
<aالصادق الزين
تاريخ التسجيل: 09-18-2009
مجموع المشاركات: 2690

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: عبد الملك يوسف الملك)

    Quote: يازول إنت الكلام حرقك وغلبك تستحمل واللاّ شنو ؟؟ .. من هنا ولقدام اعتبرني كوز عديل .. أوكي؟؟



    الحقيقة كلامى هو الحرقك و شايفك
    قعدت فوق فى ردمية الحاج يوسف دى
    اقصد (الشعبية) ان شاء الله الرؤية
    الان واضحة؟ طالما فرزت عيشتك خليك
    فى مكانك دا (تعوعو) لمن وطاتك تصبح.
                   |Articles |News |مقالات |بيانات

09-29-2011, 07:44 PM

Munir
<aMunir
تاريخ التسجيل: 02-11-2002
مجموع المشاركات: 9979

للتواصل معنا

FaceBook
تويتر Twitter
YouTube


Re: البحر رايق والقعوي متضايق : المسلحين في وادي والجماهير بي غادي .. (Re: عبد الملك يوسف الملك)



    الأخوة الأعزاء عصام دهب ومدثر صديق ومحمدعلي طه الملك لكم جزيل الشكر والتقدير علي المشاركة .. وزي ما شايفين أهو داهمتنا الأرشفة والواحد ما حيقدر يسهب في باقي الكلام ..
    وياملك قصة التهميش دي غايتو أي زول كاشف نومتها .. ولكني شخصياَ محتار في المستهدفين الشماليين العاملين فيها حقانيين ويتعامون عن الإستهداف العنصري ضد أهلهم والذي تقهقر بالنشاط السياسي للقرون الوسطي .. ..

                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de