الشباب السوداني بالتنسيق مع القوى السياسية السودانية بولاية كولارادو يدعون لوقفة يوم الأحد ٤ ديسمبر
أرقام قياسية سودانية: مرشحة لموسوعة جينيس العالمية Guinness World Records!
التفكير الاستراتيجي و التفكير الآني - بين العصيان المدني و المقاطعة الجزئية آراء و مقارنات
الوقفة الاحتجاجية الكبرى بفلادلفيا لدعم العصيان المدنى فى السودان
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-03-2016, 09:54 PM الصفحة الرئيسية

مكتبة منير عبدالرحيم(Munir)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

مجهود حربي جبار .. ياريت لو كان للصالح العام !!!.ــ

12-03-2003, 02:15 AM

Munir
<aMunir
تاريخ التسجيل: 02-11-2002
مجموع المشاركات: 9647

للتواصل معنا

FaceBook
تويتر Twitter
YouTube

كيف احذف مداخلة من بوستى
مجهود حربي جبار .. ياريت لو كان للصالح العام !!!.ــ

    المتابع لهذا البورد يري كمية من المشاحنات والعداوات غير العادية !! ــ يعني أي بوست تشوف عليه ردود كثيرة تدخل تلقي قيامته قايمة !!! ــ اذا قلنا أن هذا المجهود العنيف الظاهر في شكل كتابة هو فقط الجزء البسيط من المعركة ، تخيل حجم الجهد الذهني والمعاناة النفسية والضغط العصبي الهائل الذي يسبق مرحلة الكتابة !!! ـ أضف الي ذلك التوتر والجلوس أمام الكمبيوتر في قمة التحفز في انتظار الردود ويكون الواحد مثل الفارش ليهو بضاعة للبيع ــ يعني كميـــــــــــــــة من الجهد العدائي لو وجه للخير لكان نظف كوش الخرطوم كلها !!! ــ أنا حقيقة ما عارف ليه غاشين نفسنا بأننا ناس طيبين؟؟ ــ والظاهر أن دا هو السب الاساسي في أن الناس بتمشي لي قدام ونحن راجعين لي وراء ـــ
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-03-2003, 06:43 AM

محمد عبدالقادر سبيل

تاريخ التسجيل: 09-30-2003
مجموع المشاركات: 4312

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مجهود حربي جبار .. ياريت لو كان للصالح العام !!!.ــ (Re: Munir)

    طيبين بتاع الساعة كم ؟

    والله ما قلت الا الحق
    تعال نشكل مجموعة داخل البورد ونسمي انفسنا ( اجنحة بدل الشفرات) .. أو المعاول ليست فراشات اضمن ليك معانا الشاعر الفاضلابي وآخرين .. خلينا نفتح بوست خاص نرفع فيه اهداف المجموعة ونضم البورداب الذين يؤمنون بالاهداف التي سنتفق عليها وبعد ذلك
    تكون مهمتنا دخول جماعي لأي بوست ملئ بقيم العنف والتطرف والكراهية والاعتداء على المشاعر الانسانية ونقوم بتوبيخ المتباغضين والهدامين وليس ( تحنيسهم فقط ) .. ثم ندعو الى الخير والكلام البناء واصلاح ذات البين ونتبني المشاريع السمحة ( عبر رسائل الماسنجر ايضا) .. هذه الفكرة ستغير الاجواء المحتقنة هنا وتضفي روحا من التسامح والمحبة والجمال
    اذا اتفقت معي على هذه الفكرة ارجو ان ترسل لي عبر الماسنجر بينا تأسيسي نتفق عليه ثم ترفعه انت في بوست خاص يشكل انقلابا على هذا الواقع
    انا شخصيا اؤيدك واضع يدي على يدك وسأحاول تجنب الشحناء قدر الامكان وهيا لقدام
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-03-2003, 12:32 PM

Munir
<aMunir
تاريخ التسجيل: 02-11-2002
مجموع المشاركات: 9647

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مجهود حربي جبار .. ياريت لو كان للصالح العام !!!.ــ (Re: محمد عبدالقادر سبيل)

    الاخ سبيل ـ سلامات ومرحبآ بك والاخ الفاضلابي ــ
    المشكلة أن هذه البغضاء ناتجة عن طبع عدواني فينا ولن يجدي التوبيخ سوي في زيادة الطين بلة، والطبع يغلب التطبع ــ ونحن السودانيين جننا وجن النصيحة ـ وبصراحة أنا شخصيآ لو قدرت علي نفسي أكون ما قصرت ـ بس لازم تكون هناك طريقة عبقرية كده لخلق تغيير في طبعنا العدواني دا ــ مرات أقول لو كنا شعب جبان (طالما مافي رحابة صدر ) لكنا أفضل بكثير ــ لأن (شجاعتنا) الفايتة الحد دي مغطسة حجرنا ـ أهو زي ما شايف كل واحد فينا عامل فيها أرجل راجل ــ أسود علي بعض وفي الحروب جداد .. ــ الناس كانت بتستعرض قدام البنات تفاخرآ بالرجالة ، لكين شايف الحكاية جاطت وبناتنا بقن أرجل مننا وفاتن الكبار زاتن ــ
    أنا داير علي سبيل المثال ينط بوست عن كيفية تطوير برامج التلفزيون، فتتسابق البشرية دي في ابداء الآراء بدلآ عن صب اللعنات علي الغير ـ أكيد كانت ستظهر مقترحات عبقرية ـ أو مثلآ كيف نغير نمط استهلاكنا أو سكننا أو مشاكل مواصلاتنا أو تعليمنا أو..أو كثير من الأشياء التي أكتسب فيها البورداب خبرات متفردة وفي مختلف المجالات بحكم شتاتهم في كل اركان الدنيا ــ ولكن الحاصل أن كأنك يا ابزيد ما غزيت !!! ـ
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-03-2003, 12:18 PM

Alsawi

تاريخ التسجيل: 08-06-2002
مجموع المشاركات: 845

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مجهود حربي جبار .. ياريت لو كان للصالح العام !!!.ــ (Re: Munir)

    منير كلامك صاح

    لكن الجمل ما بشوف عوجة رقبته

    المتشددون والاقصائيون هم من يدعون الدفاع عن التسامح وعن قبول الاخر!!

    وستجد دعوتك هذه، نظريا، تاييد الجميع لان كل واحد يري انه ليس معنيا بها وانما الاخرين.

    نحن شعب عدواني، وغير متسامح، ولا نحسن اي ممارسة حضارية مثل الحوار او الاستماع او احترام الاخر. واعتبر هذه مساهمتى الشخصية في نشر "بعض" التهم للاخرين.

    وما ابرئ نفسي!!

    تحياتي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-03-2003, 12:23 PM

haleem

تاريخ التسجيل: 09-10-2002
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مجهود حربي جبار .. ياريت لو كان للصالح العام !!!.ــ (Re: Alsawi)

    لم تقل إلا حقا يا صاوي
    الجمل ما بشوف عوجة رقبته
    لنرى عيوب انفسنا اولا ..ونتعلم ثقافة تقبل الآخر
    فلا نكفر من يختلفون معنا في الرأي
    حتى ولو كانت قسمة ميراث
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-03-2003, 12:58 PM

nasir hussain

تاريخ التسجيل: 08-10-2003
مجموع المشاركات: 121

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مجهود حربي جبار .. ياريت لو كان للصالح العام !!!.ــ (Re: haleem)

    اخى منير : نحن شعب قبلى وموقل فيها ، من يحمل ارقى الشهادات تجد يحمل نفس الفيروز الان تجد شخصا، هذا النظام اذله ورماه فى بيوت الاشباح وطرده خارج السودان ولكن رغم ذلك لايقبل احدا ان يقول ان على عثمان طه هو سبب بلاوى هذا الوطن اذا كان هذا الشخص من نفس القبيله .عزيزى نحن شعب متخلف نقف مع القبيله ونتفاخر بهاوللاسف نتربى منذ الصغر على هذه الجهويه ولا نقف مع الحق . نحتاج الى تربيه وطنيه تختلف من سابقاتها لخلق جيل جديد خالى من هذه الامراض .



    اذا لم نستطع ان نقبض مجرد كلمات
    فعلينا ان ندفع من اجسادنا ثمن هذه الكلمات
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-03-2003, 03:30 PM

Munir
<aMunir
تاريخ التسجيل: 02-11-2002
مجموع المشاركات: 9647

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مجهود حربي جبار .. ياريت لو كان للصالح العام !!!.ــ (Re: nasir hussain)

    أخي ناصر ـ
    أن هذا البلد الهلامي يعتبر وطن واحد نظريآ فقط !! ـ و اكـيد أن اساس البلاوي هو التركيبة المتخلفة البدائية للنسيج البشري الموغل في قبلية العصر الحجري ـ وطبعآ الأمن الاجتماعي يعتمد اساسآ علي العشائرية والجهوية علي نطاق اوسع ـ وللاسف لم يستطع المتعلمون الخروج من هذه الدائرة المتخلفة ـ ولا أظن انها ستنكسر قريبآ ـ كان من المفترض أن تضعف هذه الحلقة بالتدريج، ولكنها يبدو انها تزداد احكامآ ــ أما بخصوص علي عثمان ورفاقه فأري أن من الأخطاء القاتلة لحركتكم أنكم خلعتم عنه ثوبه الايدلوجي وألبستوه ثوب قبيلته وجهته الجغرافية ـ ـ وأنا حين أري أن القضية تحولت ألي تحميل قبيلتي واقليمي جريرة فرد ينتمي لها فسأشعر بالخطر القبلي وانتقال الصراع ضدي مباشرة ـ يعني بأختصار أنتم تريدون تحوير الصراع من صراع ضد أقلية تنتشر في كل أنحاء السودان الي معركة قبلية وعنصرية ـ وهذا طبعآ اخطر انواع الصراع ــ لأنه سيفتت البلد وفي نفس الوقت لن يحل المشكلة لأن هذه الاقلية ستتوزع علي هذا الفتات كأن شيئآ لم يكن ـ فقط أنظر دليل كلامي هذا في قيادة حركتكم الذين كانوا جزء اصيل في هذا السرطان ــ والذين أول ما بدر منهم كان تغيير جلد المشكلة ـ وبالمناسبة أنظر حولك تجد أن أشرس أعداء علي عثمان هم من أبناء قبيلته ذاتها كدليل علي أن هنالك من تحرر من حلقة القبلية الي مفهوم اكبر ـ ولكن يبدو أنهم أجمالآ قليلون بالنسبة لحجم السكان الكلي، لذا نتوقع أن نظل نتقوقع في حفرة القبلية الي حين ـــ
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-03-2003, 12:56 PM

Munir
<aMunir
تاريخ التسجيل: 02-11-2002
مجموع المشاركات: 9647

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مجهود حربي جبار .. ياريت لو كان للصالح العام !!!.ــ (Re: Alsawi)

    مرحبآ الاخوان الصاوي وحليم ــ
    طبعآ زي ما شايفين أن التشخيص ساهل، لكين يبقي التحدي في كيفية العلاج ــ ولا بد من طريقة للعلاج ـ لا بد ـ لأن فعلآ الطاقة المهدرة في الشكل كبيرة جدآ ــ والجدل الحاصل بيزنطي، وكلما احتد النقاش زاد كل طرف في تصلبه و تعصبه ــ والبورد مساحته محدودة والشكل في العلن يشعلل العداوة ـ ولتري كيف أن هذا الجهد فيه كثير من الاستعراض انظر كيف أن كل هذه الزوابع تنزل علي مافيش حالما تنزل في دهاليز المسنجرات ــ
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-03-2003, 02:14 PM

Alsawi

تاريخ التسجيل: 08-06-2002
مجموع المشاركات: 845

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مجهود حربي جبار .. ياريت لو كان للصالح العام !!!.ــ (Re: Munir)


    عزيزي منير: العلاج سهل: داوني بالتي كانت هي الداء! المزيد من الحوار والجدل حتى يتيقن القوم ان المسألة لا تنتهي بشوية صوت عالي وبعض الاتهامات والتهديدات الخ.. بعد سنوات او حتى شهور من الحوار تلاحظ الكثير من التغيير في طريقة ولهجة وحتى فكر كل واحد فينا. سبب "فشل" الديمقراطية عندنا هو اننا لم نمارسها اصلا، بما فيه الكفاية، كلها شهرين وبعدين ينط الحرامي مدعيا انها فشلت! يمكنك ان تخدع بعض الناس لبعض الوقت، ولكن مستحيل تخدع كل الناس كل الوقت. الحقيقة ح تبين، والعقل الجمعي ينمو باستمرار في معارفه، والامة لن تجتمع على الضلال.

    العلاج التاني ضرب المثل والقدوة. المتشدقون بالتسامح وقبول الاخر واعلاء قيمة وثقافة الحوار عليهم ان يرونا هذا في انفسهم، لا تنه عن خلق وتات بمثله. ايها المثقفين والمتحاورين الحضاريين واهل العقول والثقافة: ورونا كيف يكون احترام الاخر مع الاختلاف معه، ومحاورته من باب ابانة الراي والحجة، لا الافحام والاذلال والتحقير والاقصاء والالغاء، اخص بذلك تلاميذ الانقاذ وحوارييها واتباعها ومن لف لفهم

    العلاج التالت الصبر على الزمن، كل شئ باوانه، ولن يتعلم الرعاع "حضاريا وعقليا وثقافيا" قيمة الحوار من اول يوم ادخلهم فيه بكري حوشه الكبير، لابد من مران وتمارين واحتكاك بالاخرين للتعرف على "الشئ" البقولوا عليه الحوار دا، واتيكيته وطرائقه وفوائده ومضار الحياد عنه الخ

    لن يكون هناك علاج ابدي ناجع تنتهي بعده كل المشاكل، كلا، هذه هي طبيعة الدنيا وسنة الله، سيبقي هناك بعض العدوانيين وبعض المتحجرين وبعض المتخلفين وبعض الجهلاء وبعض الاقصائيين ومدعي احتكار الحقيقة والحق والعلم، وسيبقي علينا ان نسعي فقط لتقليل اعدادهم واجتذاب المزيد منهم للجماعة الراضية ببعضها المحاورة بادب واحترام. الكثير منا هنا مراهقون ، عقلا وتجربة، وسيكون امامنا الكثير من الوقت لبلوغ النضج بعد تجارب ومحاولات وسقوط وقيام متعدد، وسيكون هناك الكثير مما يجب ان نتعلمه من تجاربنا ومن الاخرين.. ومن الزمن.. حتى البشير وجماعته، الذين قالوا امريكا دنا عذابها رجعوا وصالحوها وباسوا راسها، وقالوا لن تعود الاحزاب الا على جثتنا، ورجعوا وحنسوها لتعود بدون تسجيل وبدون اخطار كمان، وقالوا لن يعود المتمرد ليشرب قهوة في قرية سودانية، وعادوا وحنسوه بالواسطات ليعود الى القصر رئيسا.. الزمن يا اخي، انه سن البلوغ، وربما يصلوا يوما لسن النضج والحكمة، حكمة الكهول والشيوخ، وبعض المحظوظين من ذوي العقول والنضج المبكر

    ومعا من اجل نشر هذه الثقافة الهامة، ثقافة الحوار والقبول، بدون بروتوكولات، وبدون اتفاقات سرية عبر الماسنجر، وبدون بيانات فارغة والفاظ متقعرة، لينضح كل اناء بما فيه، والزمن بيننا..

    وسنة الله في خلقه

    وسنن التقدم البشري والتاريخ الحتمي

    بالمناسبة: حتى السلفيين القالوا زمان ركوب الطيارة بدعة وحرام، مع الزمن غيروا رايهم..
    والقالوا ما بغيروا شريعة الله، لليلة ما رجموا زول!!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-03-2003, 09:47 PM

Munir
<aMunir
تاريخ التسجيل: 02-11-2002
مجموع المشاركات: 9647

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مجهود حربي جبار .. ياريت لو كان للصالح العام !!!.ــ (Re: Alsawi)

    أخي الصاوي ــ تحياتي
    ــ أوافقك في هذا العلاج كحل نظري، ولكن كيف يمكن تطبيقه في الواقع ؟؟ ـ لأنك كما سبق قلت الجمل لا يري عوجة رقبته ـ ويمكن أضيف: البيقنع الديك منو ؟؟ ــ المشكلة أن علي النطاق الجماعي هنالك مشكلة التشرزم القبلي والجهوي و تلك هي العمود الفقري الذي يستقوي به الافراد حين يفلسوا ويفقدوا الحجة العقلية لتطبيق آراءهم ــ والديمقراطيات عندنا فاشلة لأن الانتخاب عندنا لا تحكمه الاستقلالية الفردية التي نراها في الدول الغربية مثلآ ــ و السبب الرئيسي لنجاح الديمقراطيات الغربية هو أن مجتمعاتهم مفككة حيث تخطت مجتمعاتهم مرحلة القبيلة و انفصم الفرد عن العشيرة و حتي الاسرة ـ و حتي أنهم ابتدأوا في مرحلة انفصام الشخصية زاتها ــ عشان كده المجتمع مبني علي الانفرادية ، فبالنسبة للفرد الحكومة تمثل له قبيلته وعشيرته وحتي والديه واولاده الذين يضمنون له عيشه في صغره ومعاشه في كبيره ـ لذلك يدلي الناخب بصوته وعينه علي مكتسباته التي تمثل حياته، حاضره ومستقبله ــ وهذه العملية يتحكم فيها نظام اجتماعي وسياسي محكم ــ وبالمقارنة نجد أننا تقريبآ تحت الصفر حيث لا يرجو الناخب من السياسي سوي تكبير كوم قبيلته وسط الآخرين ــ لذلك أشك أن سنتوصل لنظام ديمقراطي مستقر في المدي الزمني القريب ـ خاصة أذا ظل العسكري ذو ذهنية أنه أرجل راجل ـ وهو الشعور الذي لم يأت من فراغ، بل من الامهات والآباء الذين يشحنون ابناءهم به منذ الصغر ـ وينتظرون الزمن الذي يركب فيه ابنهم رأس السلطة ـ
    لكين دا كله كوم ومشكلة الطبع المتحفز للعداء لدي الفرد عندنا دا كوم تاني !! ــ ودا ناتج عن ثقافة الشجاعة وسحق الآخر عندنا ـ يعني مثلآ نتيجة لهذه الغريزة المتضخمة عندنا نجد الأب يحرض أبناءه (اذا فلان داك فتح خشمه معاك اديه في عينه طوالي)!! ـ وحتي في تعليمنا كأطفال نجد أننا نعجب أكثر بالصحابة الكرام علي بن ابي طالب وخالد ابن الوليد نسبة لسيرتهم المقترنة بالشجاعة و لا نتذكر كثيرآ سيرة سيدنا ابي بكر الصديق وعثمان بن عفان !! ــ وكذلك نأخذ بحزم الحديث الشريف : المؤمن القوي خير وأحب الي الله من المؤمن الضعيف ... و نأخذ الموضوع قوة العضلات ـ وننسي أميز الاحاديث الشريفة عن ( النظافة من الايمان) و (لا يؤمن احدكم حتي يحب لأخيه ما يحب لنفسه) .. ألخ ــ
    علي العموم أخشي أن ننتظر الانفراج بالتجريب حيث يموت الملايين في السكة قبل أن نعي الدروس ـ وهو اسلوب تعليم مكلف ـ وسيصبح حالنا كمن يكككددد شوال دوم عشان ملعقة سكر ـــ
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-04-2003, 10:46 AM

محمد عبدالقادر سبيل

تاريخ التسجيل: 09-30-2003
مجموع المشاركات: 4312

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مجهود حربي جبار .. ياريت لو كان للصالح العام !!!.ــ (Re: Munir)

    الاخ حليم

    لنرى عيوب انفسنا اولا ..ونتعلم ثقافة تقبل الآخر
    فلا نكفر من يختلفون معنا في الرأي
    حتى ولو كانت قسمة ميراث


    الظاهر انك بتقصد زول تاني !!!

    يعني حتى بوست الدعوة الى التسامح برضو عايز تحوله الى بوست ملاسنة وطعن
    الله يسامحك ويهيك ويهدينا معاك
    قل آمين
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-05-2003, 08:55 AM

haleem

تاريخ التسجيل: 09-10-2002
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مجهود حربي جبار .. ياريت لو كان للصالح العام !!!.ــ (Re: محمد عبدالقادر سبيل)

    أستاذ سبيل
    هي دعوة لنقد الذات
    ولا أستثني نفسي
    وعموما
    آمين
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-05-2003, 04:37 PM

محمد عبدالقادر سبيل

تاريخ التسجيل: 09-30-2003
مجموع المشاركات: 4312

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مجهود حربي جبار .. ياريت لو كان للصالح العام !!!.ــ (Re: haleem)

    آهو كدا خليك حلواني يا حليم
    الظاهر بوست منير بدأ يفعل فعله .. مبرووك
    طيب ما دام كدا شجعتني .. أنا عايز اقول ليك قولة اعلنها هنا لأول مرة
    مش الجماعة ديل كلهم: ناس حيدر بدوي والفيا وود قاسم وكمال عباس وانت وابو الريش ووو قالوا اني افتيت بغير علم؟
    طيب الكلام داك كله نقلته من( تحقيق صحفي) آراء متخصصين وعلماء دين واساتذة جامعات يعني افهم مني ومن كل المختلفين معاي في الراي
    يعني البوست ما كان رايي أنا وبس .. أها شن قولك
    وحقه والله اعمل بوست مخصوص اضع فيه وصلة للموقع الذي فيه هذه الاراء ( اذكر ان العنوان كان كذبوا فقالوا المرأة نصف ميراث ونصف شهادة ) عدييل كدا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-05-2003, 05:01 PM

haleem

تاريخ التسجيل: 09-10-2002
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مجهود حربي جبار .. ياريت لو كان للصالح العام !!!.ــ (Re: محمد عبدالقادر سبيل)

    إعتراف خطير يا سبيل
    يعني انت كنت مجرد ناقل
    ومن تحقيق صحفي كمان وليس بحث أكاديمي
    وبالرغم من ذلك كنت تشفق على عجب الفيا من الجهد الذي يبذله
    للرد عليك..بالرغم من انو عجب الفيا سهر الليالي عشان يحل
    مسائل الميراث وينتقل من سنة ثالثة قانون
    لسنة رابعة..كما كاتب هذه السطور..ودة سري أنا

    لأنو بدون التمكن من حل مسائل الميراث بصورة صحيحة تقعد
    إلى ما شاء الله لك محلك مهما كانت نتائجك في بقية مواد القانون
    شريعة أو انجلو سكسوني
    لكن ...حتى وان اقتنعت برأيهم في التحقيق الصحفي
    لكن هل كان أصحاب الرأي الأصلي
    سيقفون نفس موقفك ممن خالفوك
    الرأي فوصمتهم بنعوت عديدة

    طيب خلي البوست يفعل فعله بالجد وما نطلع من موضوعو
    وتسامح مع الآخرين...وأدينا الوصلة مع الشكر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-05-2003, 07:13 PM

محمد عبدالقادر سبيل

تاريخ التسجيل: 09-30-2003
مجموع المشاركات: 4312

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مجهود حربي جبار .. ياريت لو كان للصالح العام !!!.ــ (Re: haleem)

    والله الظاهر عليك ظريف يا حليم !!
    ( مجرد ) ناقل ؟
    وما الدوشة الطويلة العريضة القاعدين انتو تعملوها دايما دي في شنو
    مش في ازمة النقل مقابل العقل
    يعني انا من ( النقليين ) الووول
    بس اطمئنك : وفقا لقوانين الملكية الفكرية
    وبعدين انت قايل التانين ديلك كانوا يعملوا في شنوا؟
    ماكانوا بينقلوا برضو من الكتب بس بدون الاشارة الى المصادر ( يعني ضد قوانين الملكية ) المشكلة الجننتني انهم كانوا بينقلوا حاجات ويفطوا حاجات .. انتقائيين!! وعشان كدا انا قعدت اهتف بالشكوى واطالب بالامانة العلمية على الاقل ، وكت اصلوا الهدف اساسا اظهار حكم الله شائها.. وطبعا في الف دليل في البوست نفسه على الهدف من الاعتراض علي ما اوردته انا .. والا مصلحتكم كانت شنو في محاصرتي كلكم كدا ؟ خايفين على الشريعة ما تتضرر بجهلي ؟
    الهدف كان هو قول جملة واحدة فقط هي (أن الاسس الاسلامية تقسيم التركة ظالمة للمرأة ) وهنالك ما يبرهن على هذا الاستنتاج في البوست نفسه وانت بتعرف هذا
    عموما التحقيق اياه اجري مع اهل الاختصاص واساتذة الجامعات المختصين بالموضوع وهم علماء موجودون معنا في الامارات ويمكن الوصول اليهم ومراجعتهم بالهاتف او النت
    واما موقع التحقيق فهو في جريدة الخليج ( ملحق الدين والحياة )
    ويا حبيبنا احكام الدين ما بيقولوا فيها (مجرد ناقل ) لأن معظم الفتاوى في امور الدين منقولة وما فيها رأي شخصي الا في اضيق نطاق

    ما معقول تكون ما عارف .. اظنك نتتريق ساكت
    هذا ليس رأيا فكريا
    عموما ارجاني شوية لامن ارجع للموقع واشو الناس القالو سبيل بيفتي من عنده .. أنا زول مسكين ( مجرد ناقل ) لكل ما يعزز مكانة الاسلام
    في هذا البورد العتيد والذي ما ان تقول فيه دين الاسلام حتى يحبك الناس ويدافعوا عنك وليس العكس !!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-05-2003, 07:24 PM

Muhib
<aMuhib
تاريخ التسجيل: 11-12-2003
مجموع المشاركات: 3728

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مجهود حربي جبار .. ياريت لو كان للصالح العام !!!.ــ (Re: محمد عبدالقادر سبيل)

    حليم...لماذا انا غير مستغرب!!!!!!!!!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-06-2003, 08:14 AM

haleem

تاريخ التسجيل: 09-10-2002
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مجهود حربي جبار .. ياريت لو كان للصالح العام !!!.ــ (Re: محمد عبدالقادر سبيل)

    لأ أكيد بتهذر يا سبيل
    كمان بقيت في مصاف النقليين من (شفة) واحدة ومن تحقيق صحفي كمان
    رحم الله إبن رشد
    أما عجب الفيا فقد وفى وكفى..وما خلا ليك (نقلة) ما شرحها
    فعلا قد تكون أغلب أحكام الدين منقولة..لكن معقول ياخي (تشف) لينا الموضوع بعنوانو..وتجينا كأنك بلغت سدرة المنتهى
    بعدين كيف نقلت وفق قوانين الملكية الفكرية وانت طول مداخلاتك لم تشر إلى مصدرك...وتتهم الآخرين تاني بأنهم لم يشيروا لمصادرهم..قوة عينك بتحير
    أوعى أشعارك كمان تكون منقولة....(في دي أنا بهذر)

    مشكلتك إعتقادك بإمتلاك الحقيقة..تطالب عجب الفيا بالرجوع لشخص متخصص وانت نفسك غير متخصص..(مجرد ناقل)..(مع عدم الإنتقاص من جهدك في الإطلاع )
    بعدين ياخي انت ليه مصر على المعادلة دي
    المرأة نصف الرجل في الميراث = ظلم وإجحاف للمرأة
    دة مربع تاني يمكن أن تناقش فيه (المتخصصين) من الحكمة من وراء هذه القسمة..أو يمكن أن (تنقلها) لينا هنا حتى تعم الفائدة

    وتحياتي

    (عدل بواسطة haleem on 12-06-2003, 08:32 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-05-2003, 09:38 PM

nasir hussain

تاريخ التسجيل: 08-10-2003
مجموع المشاركات: 121

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مجهود حربي جبار .. ياريت لو كان للصالح العام !!!.ــ (Re: haleem)

    اخى منير : اولا ردك ل د. الصاوى انا لااتفق معك على ان نجاج الديمقراطية فى اروبا هو التفكك الاسرى او المجتمع هذا كلام غير صحيح البته. الديمقراطيه ناجحه لان الشعوب هنا شعوب متعلمه ودارسه ومتخصصه ولايمكن ان يعطى اى شخص صوته لاى مرشح لانه قريبه او من حلته اذا لم تكن برامجه مقنعه. ان هذه الشعوب شعوب لا تكذب ولا ترتشى ولاتخون الامانه واذا وعدت لاتخلف الميعاد ، ينقصها كلمة لااله الا الله وان محمد رسول الله ً(ص)واننا لم نفسر الاحاديث تفسيرها الصحيح فالمؤمن القوى احب الى الله من الضعيف ليس لانه يحارب ويقاتل بل لانه يقف الى جانب الحق ويدافع عنه مهما كان ثوب الظالم .

    اما بخصوص ردى : ياخى ان الانتماء الى القبيله ليس عيبافى حد ذاته لان فى القبيله فضائل ومكارم كثيره ومهمه ويفتخر بها الشخص .ولكن نحن ضد التعصب الى القبيله دون وجه حق . انا عمرى الان 42 سنه لم اكن من قبل هذا النظام احس بان هنالك فرقا بين هذا وذاك ولكن بعده جاءت العصبيه والقبليه والجهويه .ومعروف ان نظام الانقاذ ككل كان يقصى الاخر من حيث الاحزاب والمنظمات والكيانات الاخرى . ولكن بعد ان استلم على عثمان راينا اقصاء من نوع اخر اكثر ايلاما الا وهو الاقصاء القبلى والجهوى . وهو ما ادمى القلوب واوجع النفوس واصابها بالحزن ولهذا حاربناه . ولم نحارب قبيلته ابدا، بل حاربنا هذه المجموعه التى ادعت ملكيتها للسودان وجعلت بقية اهله لاحول ولاقوة لهم . اما بخصوص قيادتنا التى غيرت جلدها سوف اكتب بالتفصيل ان شاء الله فى هذا الموضوع وستعرف الحقيقه كامله فى الفتره القادمه . وتاكد ان مالاقاه الشعب السودانى من هذه المجموعه لن يتكرر البته وسوف نحارب انفسنا اولا لكى لايتكرر هذا لان السودان يحتاج الى تجرد ونكران ذات قبل كل شئ وارجو ان نقف معا فى خندق واحد ضد اى ديكتاتوريه شموليه فرديه او جماعيه كانت. وتاكد دعمنا الى اى خطوه ايجابيه .













                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-06-2003, 10:06 AM

محمد عبدالقادر سبيل

تاريخ التسجيل: 09-30-2003
مجموع المشاركات: 4312

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مجهود حربي جبار .. ياريت لو كان للصالح العام !!!.ــ (Re: nasir hussain)

    حليم !!


    هسع بالله عليك مالك؟
    سببك معاي شنو ؟
    بوست مفتوح للتسامح ونبذ الاحتراب وسوء النية والتوجه الى الخير
    أنا ايدته جاي فاتح علي ردئ مالك ... من باب النضال أم التوجه السياسي ؟
    يعني سوء نية وكعوبية طافحة للدرجة دي ؟ غالباك وما عارف توديها وين؟ اعمل بيها بوست ياخي
    انا ندمان والله على اني رديت عليك من اساسه افتكرتك بتستاهل
    لقيتك من النوع البقيف للواحد هنا في حلقومه يعني يحلنا الله
    لو اجتهدنا تقولوا نقليين وكان نقلنا تقولوا شفافين وبصاصين
    مع انك ما شفت المصدر عشان تحكم وللا عايز تلاوز لي عشان ما انزله!!
    يعني حكمك جاهز . يا اخي ارجع لأول البوست دا ، وتاني بالله اختاني كدا كدا
    لانو حتى اخلاقيات الحوار ما عندك كل شئ بالنسبة ليك مبرر للاعتداء
    والكلام الشين . وبعدين شعري ،اعترف ليك ما منقول وانما مسروق من مجلة العربي
    بصراحة كدا يعني ما تهذر، لا جد جد.. مسروق وانا آسف بعتذر ليك
    بسبب السرقة ، بس اسأل نفسك مالك بتحشر نفسك بدون دعوة ، وللا لدواعي مجاملة الآخرين
    الله يهديك ويطيب نفسك وينظف قلبك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-06-2003, 11:03 AM

haleem

تاريخ التسجيل: 09-10-2002
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مجهود حربي جبار .. ياريت لو كان للصالح العام !!!.ــ (Re: Munir)

    الله يهديك ويطيب نفسك وينظف قلبك

    جمعاً..... آمين

    بعدين ياخي أنا دخلت البوست دة برد على الأخ الصاوي
    جيتني انت ناطي (الفي راسو ريشة) ...وقلت


    الاخ حليم

    الظاهر انك بتقصد زول تاني !!!

    أما تقدير سعادتكم بالرد علي أو عدمه..فهذا يعود لنفسكم السنية

    الأخ منير صاحب البوست
    ها هي مشاحنة جديدة..وصاحبنا بلغ من التوتر ما بلغ بدون داع
    مع انو نفسو كان بارد في الأول..نسأل الهداية للجميع
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de