|
|
 فات زمن الوحدة فليعمل الشماليون علي إنجاح الإنفصال
|
لقد بدأ الشماليون يهيئون شعورهم لإنفصال الجنوب ويعوِّدون أنفسهم علي شمال خالي من الجنوبيين .. وبدأوا يفيقون من وهمة الوحدة والمليون ميل مربع ..
وبذا أصبح تراجع الجنوبيون عن الإنفصال غير مرغوب ..
لقد سبق السيف العذل ..
|
|
 
|
|
|
|
|
|
|
|
Re: فات زمن الوحدة فليعمل الشماليون علي إنجاح الإنفصال (Re: jini)
|
أفق يا جني أفق ..
هل تري الغرب ودعاة الإنفصال المتأمركين ليتركوا السودان موحداً ؟؟..
يعملوها الكبار ويقعوا فيها بسطاء الجنوبيين ..
نعم الشماليون الآن أحسب أنهم رموا طوبة الوحدة وبدأوا ينظرون محاسن الإنفصال .. وحينما يهيئون شعورهم للإنفصال تاني مافي مجال للتراجع للوحدة .. يعني زول يحزم حقائبه وتقدمه لغاية المحطة وتودعه تقوم ترجع البيت تلقاهو وراك ويقول ليك غيرت رأيي ولغيت السفر؟؟
too late ياخي too late
| |
|
|
|
|
|
|
|
|
|
Re: فات زمن الوحدة فليعمل الشماليون علي إنجاح الإنفصال (Re: عصام دهب)
|
| Quote: سلام يا هندسة لك و لكل من يحلم بسوداننا الجديد و بإذن الله شديد .. |
عصام يا دهب .. ياخوي الإنفصاليون معتمدون علي الدلع الأمريكي ويوهمون انفسهم بأن الغرب سيغدق عليهم - ولكن الغرب يهمه دائماُ مضرة العالم الإسلامي ، ودونك تيمور الشرقية .. فصلوها مضرَّة ساي من اندونيسيا وخلوها الآن معزولة في السهلة ساي لا بواكي عليها ..
الجنوب بلد كبيرة تنعدم فيها أبسط مقومات الدولة الحديثة، تفتكر الغرب حيجي يبنيها ليهم من الزيرو؟؟ هم مفتكرين إنهم حيفتحوه لأمريكا واسرائيل وأن ذلك سيقويهم ويظنون أن أمريكا واسرائيل محتاجة ليهم .. وينسون أن حليف أمريكا الرئيسي هو موسيفيني واوغندة كلها وكينيا كدول واقفة علي حيلها ومستعدة تكون تحت الخدمة في أي وقت ..
ممكن فقط يستخدموا الجنوب كمخلب قط لغلغة الشمال وممكن يمدوه بالسلاح ويغرقوه في حرب مع الشمال وثمن السلاح الخردة سيكون بترول ببلاش ..
قبليهم اسياسي افورقي ظن أن امريكا واسرائيل حيكونوا السند المتين لدولته وحيحولوها لسنغافورة افريقيا .. في الآخر الجماعة وقفوا مع اثيوبيا المسيحية وأدوه علي راسه .. هسه في زول جايب خبر اريتريا؟؟ ..
بعدين زي ما قلنا الشماليون أساساً حكاية السودان الواحد دي كانت شبه عقيدة موروثة لأنهم يحسون بالفخر ببلد المليون ميل مربع وأكبر دولة في افريقيا ووو من كلام النفخ .. لكين الآن الناس بدأت تتفك من البنج بتاع المليون ميل مربع ده والانفصاليون الجنوبيون اقنعونا بأننا أعداؤهم ومصرِّين علي الإنفصال .. وهم بذلك جعلوا الشماليين يفكروا في الأمر الواقع ومنه رؤية فوائد الإنفصال .. وقد انقطع شوط طويل وتاني ما ظنيت تاني في زول داير الوحدة حتي لو الجنوبيين غيروا رأيهم ..
هو أصلاً لو بقت في وحدة الشماليين شبه ممنوعين من العيش في الجنوب ، وتعلم مدي الإرهاب والمجازر والعنصرية التي يتعرض لها الشمالي في الجنوب .. فأساساً لو السودان اتوحد مافي شمالي حيقدر يمشي الجنوب ويعيش بسلام .. يعني الوحدة تعني حرية الجنوبي في العيش في الشمال بينما الشمالي محروم من العيش في الجنوب ..
| |
|
|
|
|
|
|
|
|
|
Re: فات زمن الوحدة فليعمل الشماليون علي إنجاح الإنفصال (Re: jini)
|
Quote: والفصل السابع!
والثامن ومرحلة الاساس واوكامبو والمساعدات والاعانات التى تتسولها والقوات الدولية القابعة فى السودان وحالة التململ!
! |
سابع شنو وثامن شنو وأساس شنو ياخوي أكتر من النحن فيهو ده؟؟ بلد مخنوقة ومحاصرة منذ زمن نميري والصادق وديمقراطيتنا في أوجها .. تقول لي فصل سابع؟؟ .. يا جني الصهيونية العالمية ضد السودان الشمالي مهما كان .. أولوية الإنحياز للجنوب الزنجي ضد الشمال .. ثم بعد فصل الجنوب يتحول الإنحياز للشمال الزنجي ضد العربي .. ثم بعد حرق الشمال ستري الإنحياز للبجا والنوبيين ضد العرب .. ثم الأمثل فالأمثل .. وهكذا .. هذا صراع أزلي حتي قيام الساعة ..
إنت لو مغشوش بلبراليتك وتظن البشرية كلها تجارة وأكل وشراب تكون غلطان .. هناك بعد عقائدي وروحي إن كنت أنت تفتقده ولا تحسه فاعلم بأن الآخرين في الطرفين ليسوا بغافلين عنه ..
ودونك البوست بتاعك بتاع البيرقر الحلال .. الفرنسيين قالوا البيرقر الحلال استفزاز لمسيحيتهم وعلمانيتهم ولبراليتهم .. اللقمة الحلال دي عاوزين يحرموها عليهم .. تقول لي شنو؟؟ ..
الشئ التاني ، شايفك مفزوع من فقدان البترول .. ياخي البلد دي زمان كان فيها بترول؟؟ إنت اتربيت وكبرت واتعلمت بأموال بترول؟؟ ..
| Quote: والبشير الذى يتمتع بكراهية غير مسبوقة فى تاريخ السودان |
الكراهية هي مصير أي حاكم سوداني .. لأنو مافي سوداني راضي بسوداني .. وأسه إنت بوطنيتك دي بكرة لو مسكت الحكومة حتلقي مليون واحد لو لقوا فيك فرصة حيلحقوك الزينين من قولة تيت .. تفتكر في كم واحد زي الإسمو عربي يعقوب ده ممكن يتلحك بلا سبب وبلا فهم ؟؟..
يازول في الآخر حتلقي نفسك في خانة ياقاتل يا مقتول .
| |
|
|
|
|
|
|
|
|
|
Re: فات زمن الوحدة فليعمل الشماليون علي إنجاح الإنفصال (Re: amir jabir)
|
| Quote: يعملوا شنوا يعنى ؟؟ |
منو البيعمل شنو؟؟.
.
.
بالمناسبة ترسيم الحدود كيف معاك؟؟
وبالمناسبة برضو إنت كنوباوي تعتبر نفسك مع الجنوب أم مع الشمال؟ ولو رسموا الحدود فهل تريد أن تكون شمال الحدود أم جنوبها ..أم تكون قاعد فوق الخط ؟؟ ..
بالله جواب صريح لو سمحت لأنو مسألة جبال النوبة دي بالذات أنا ماعارف رأي أهلها شنو؟؟
| |
|
|
|
|
|
|
|
|
|
Re: فات زمن الوحدة فليعمل الشماليون علي إنجاح الإنفصال (Re: Munir)
|
يا منير
كلام العقل ما ممكن تكملوا اصلا؟؟!!
العنوان جدي لكن جو واضع السم في الدسم
| Quote: فات زمن الوحدة فليعمل الشماليون علي إنجاح الإنفصال |
الانفصال قادم لانه راي الغالبيه الجنوبيه.
علينا احترام خيارهم اولا.
بلا تهديد ولا وعيد ولا حروب.
ثانيا:
هم لن يتراجعوا فكف عن الكلام البايخ بلا سبب.
ثالثا:
كيف ننجح في ايجاد دولتين متجاوريتن بسلام تحترم حقوق الجوار و الرحم البينهم هذا هو التحدي الحقيقي.
لا صهيونيه عالميه ولا بطيخ.
اها ما قلت لي عربي ولدنا اتلحك وين عشان نتابع الفيلم ده؟؟!!
Quote: تفتكر في كم واحد زي الإسمو عربي يعقوب ده ممكن يتلحك
بلا سبب وبلا فهم ؟؟.. |
| |
|
|
|
|
|
|
|
|
|
Re: فات زمن الوحدة فليعمل الشماليون علي إنجاح الإنفصال (Re: Tragie Mustafa)
|
| Quote: هو أصلاً لو بقت في وحدة الشماليين شبه ممنوعين من العيش في الجنوب ، وتعلم مدي الإرهاب والمجازر والعنصرية التي يتعرض لها الشمالي في الجنوب .. فأساساً لو السودان اتوحد مافي شمالي حيقدر يمشي الجنوب ويعيش بسلام .. يعني الوحدة تعني حرية الجنوبي في العيش في الشمال بينما الشمالي محروم من العيش في الجنوب .. |
للأسف العميق كلام صحيح 100%
| |
|
|
|
|
|
|
|
|
|
Re: فات زمن الوحدة فليعمل الشماليون علي إنجاح الإنفصال (Re: Kamal Karrar)
|
| Quote: للأسف العميق كلام صحيح 100% |
شكراَ أخي كمال كرار للمشاركة ..
واضح فعلاً أنه لم يطرق الإنسان قط لفكرة موسم الهجرة إلي الجنوب .. فسهم الجذب المغناطيسي دائماً متجه شمالاً .. ناس الجنوب عاوزين يعيشوا في الشمال، وناس الشمال يكابسوا في إتجاه مصر ولبنان رغم المذلة .. وناس مصر ولبنان يموتون في قوارب الموت للعبور لشواطئ جنوب أوروبا، وبهناك تلقي ناس جنوب اوروبا من يونان وطليان واسبان خلوا بلدهم ومهاجرين شمالاً وناس غرب اوروبا القريبة شايفين اسكاندنافيا جنان الله في الأرض !!! ..
أها يخيل لي القطب المغناطيسي الشمالي متحكم في بوصلة مشاعر الناس ..
طبعاً من تهفو نفوسهم للآخرة فإن بوصلتهم متجهة علي القِبلة ، وطوبي لهم ..
| |
|
|
|
|
|
|
|
|
|
Re: فات زمن الوحدة فليعمل الشماليون علي إنجاح الإنفصال (Re: Tragie Mustafa)
|
تراجي إزيك يا أختنا ..
شايف فكرة السودان الجديد قطعها ليكي سلفاكير فوق راسك ..
يا تراجي أحسن تنظري للدنيا بغير منظار العرق واللون الخلاكم دخلتوا البلد في نفق مظلم .. حولتوا المشكلة لصراع بهيمي بتاع زرقة وعرب وافارقة وعرب وبذلك تحولت نظرة الناس لبعض تعتمد علي الملامح والشبه وتحول لفتنة ما عندها علاج .. والغريبة إنك واقفة في الضفة الغلط .. إنتي لو مشيتي عشتي في الجنوب حيعتبروك بت عرب واولادك اولاد عرب ولن تنعمي بالعيش الآمن ، اللهم إلاّ أن تكتبي يافطة تعلقيها في ضهرك مكتوب فيها تراجي مصطفي - ما بت عرب -
إنتي محسوبة مننا ولو مشيتي عشتي في أي بقعة في الشمال مافي زول بيجيب خبرك وتعيشي ايامك باسطة وبسبوسة.. أحسن من كندا زاتها التي قرأت أنك تشتكين فيها من التفرقة العصرية ..
نحن أساساَ اتربينا علي السودان الواحد وكنا نكون فخورين جداً بالمليون ميل .. لكين وين مع ناس باقان أموم البيمشوا امريكا يقول ليها حاصروا الشمال وأدوا الجنوب سلاح .. زول كريه زي دا يتآمر علينا عينك عينك نعيش معاهو كيف في بلد واحدة ؟؟ ..
المهم في موضوع البوست ده أن تحريك فكرة الإنفصال جاءت من الساسة الجنوبيين والفكرة خلاس خمرت في الذهن الشمالي - وحتي الوحدويين بدأوا يعيدون حساباتهم وينظرون للإنفصال رؤية إيجابية وزمان قيل أنه يمكنك منع البعير من دخول الحوش، ولكن لو تركته يدخل فلا يمكنك سحبه من ذنبه لإخراجه .. الإنفصال قادم نحترم خيار الجنوبيين، ولكن فليعلموا أن الذهن الشمالي قد تعبأ بالإنفصال أيضاً وأعتقد أن باب الأوبة قد أُغلق ..
| Quote: اها ما قلت لي عربي ولدنا اتلحك وين عشان نتابع الفيلم ده؟؟!! |
زولك ده ما منتلحني أنا - منتلح أخوي الكاشف جني ده .. هههه
| |
|
|
|
|
|
|
|
|
|
Re: فات زمن الوحدة فليعمل الشماليون علي إنجاح الإنفصال (Re: amir jabir)
|
Quote: مع الجنوب طبعا
دى عايزة كلام يعنى انته هسى منتظر انوا فى الحرب القادمة دى نقيف مع الموتمر الوطنى
جنوبا طبعا
لون دين لسان ثقافة |
طيب ساكت مالك ؟ لماذا لم تطالب بإنضمامك للجنوب ؟ عشان كمان الناس تعرف صليحها من عدوها في الشمال الجديد ..
قلت لي دين ثقافة لسان؟؟ .. أٌمَّال أمير وجابر ديل جبتهم من وين ؟؟
| |
|
|
|
|
|
|
| |
Munir
jini
عصام دهب
amir jabir
Tragie Mustafa
Kamal Karrar
فيس بوك
تويتر
انستقرام
يوتيوب
بنتيريست