|
دعواتكم لزميلنا المفكر د.الباقر العفيف بالشفاء العاجل
|
|
 Re: ده ياهو بوليس أمريكا الراجنو ؟؟ .. (Re: Deng)
|
في إنتظار منير عشان نفهم الرابط بين عنوان البوست و الفيديو الجابو دا
أنا غايتو ثقتي في ثقافة منير و إنو زول تفتيحة بتخليني ما أظن إنو منير فايت عليهو إنو دا فيديو كليب
غايتو يا منير لو طلعت قايل ناثان برنات دا بوليس امريكي جد جد تكون خزلتني و تاني لا بيني لا بينك ياخي
| |
 
|
|
|
|
|
|
|
|
Re: ده ياهو بوليس أمريكا الراجنو ؟؟ .. (Re: Hafiz Bashir)
|
صاحبي حافظ بشير .. معقولة بس؟؟ .. الكليب في عنوانه official music video ياخي .. هههه
العنوان مبتكر لجذب الملكيين أكتر من الملك الحيجوا يدافعوا عن البوليس ههه .. ما كنت قايل الحكاية بايظة للدرجة دي ..
الحصل أني أمبارح في طريقي للشغل من أول الصباح سمعت الأغنية في راديو العربية فعجبتني- فأول ما وصلت بحث عنها وقعدت استمع .. جيت البيت سمعتها تاني يمكن ٥٠ مرة وأخيراً قلت أشارك بيها للملكيين أكتر من الملك الأذكياء .. فجاءني الأبرياء وبعض الأغبياء ..
حكمته بالغة ..:)
| |
|
|
|
|
|
|
|
|
|
Re: ده ياهو بوليس أمريكا الراجنو ؟؟ .. (Re: Munir)
|
جذبتني الأغنية في الراديو بسبب موسيقي الجيتار الخلفية - ريذم ونغمة مكرورة تجعلك تغوص في الموسيقي لتستمع لموسيقي الباكقراوند .. وهذا اللحن الجيتاري الدائري يشبه لي برضو ساوندتراك في أحد ألعاب البلي استيششنن اسمها ssx tricky - عن ال snow bording - كان ولدي مبدع فيها منذ كان عمره ٧سنوات ..
ثم الإبداع التاني في الفيديو هو البوليس الذي يبدأ جاداً، ثم يبدأ يتسلطن، ثم يتجنن .. !!!..
| |
|
|
|
|
|
|
|
|
|
Re: ده ياهو بوليس أمريكا الراجنو ؟؟ .. (Re: Munir)
|
الهيت لست يا منير فيها اغاني اكثر من رائعة ارشح لك اغنية ون دايركشن Nobody can drag me down
اما بالنسبة للبوليس الامريكي فحقيقة تنطبق عليه مقولة تطير عيشتو.. هم مادة مفضلة للكوميديين..يتم تصويرهم
في مسلسلات الكرتون الرائجة هذه الايام على انهم كسالى و اغبياء لا هم لهم سوى اكل الدونات..هوليوود اشتغلت
على ثيمة الشرطي الفاسد لامن تعبت..في اطار الفري سبييتش ما سمعنا زول جا قال هيبة القوات النظامية و للا
احترام الكاكي و للا الحجج الميتة بتاعتنا ديك.
| |
|
|
|
|
|
|
|
|
|
Re: ده ياهو بوليس أمريكا الراجنو ؟؟ .. (Re: Munir)
|
يا دكتور سيف كتر خيرك ياخي خشيت في الموضوع علي طول :) .. وشكراً علي الون دايريكشن - ديل ناس الأجيال الشابة ياخ .. لكنهم برضو علي نمط موسيقي الباك ستريت بويز، والاسبايس قيرلز بتاعين التسعينات .. هسه طبعاً يكونوا جلكنوا ..
نحن طبعاً وجداننا مشحون بحاجات كتيرة منذ الطفولة وإنت طالع .. حيث بدينا بريحة الزبالة وأصوات الحمير في البلد، ثم ناس الجداد والحمام ، ثم أغاني زمان بتاعتنا ، منذ ناس وردي زمان ومحمدالأمين- بعدين ناس زيدان - الله يرحمه- وعبدالعزيز المبارك، وخوجلي عثمان، وفي تلك الأزمان كان في المحاذاة الغربية ناس بوني إم وأببا وغيرهم .. لغاية من خشينا الزون في عقر دار الغرب - مع إنو غربنا السوداني ما شفنا بعيننا - .. أها في الغرب ده الواحد لقي نفسه قاعد في حتة مقطوعة .. لا راديو أمدرمان لا تلفزيون لا أغاني .. وفي وحشة الجليد ما كان عندنا غير ردستيوارت وفيلل كولن وروكسيت وإيس أف بيس وو ولم تكن الميديا وصلت مرحلة ال إم بي ثري فكان أوائل التسعينات أطول مدة فايل صوتي لا تتعدي بضع ثواني .. وأنا كذلك في مرحلة التسعينات هجرت كمبيوترات المايكروسفت وويندوز تمامًا وبقيت معلق في كمبيوتر الSUN ونظام يونكس .. بعد هجرتي من الSUN كان خلاس اليوتيوب فتحت والعالم إتطوَّر .. وأهو قمنا تاني نجترَّ أنغام السودان ونفتش الفاتنا زمان .. وبرضو زي ما شايف النغمة الغربية الدخلتنا من التسعينات ما مرقت وبقينا برضو نستمتع بالموسيقي الغربية ومعاها الصينية كمان ..
وزي ما قلت لحافظ إنو جاتني الأغنية وأنا خالي الذهن ماشي علي الشغل .. عجبتني نغمة الجيتار الكهربائي ده واللحن عمل لي إستمخاخ في المخيخ زاتو .. قلت أشارك بعنوان مبتكر نظام كاميرا خفية وكده .. لكن أولاَ فاجأني الأخ عبدالله عبدالله وتاني عفراء سند بأنهم ما نقشوني كويس، ربما بناءً علي فكرة إستباقية عني بسبب بوستات عن الإقتصاد والسياسة الأمريكية التي تغضب البعض .. ووهكذا :) ..
الجيتار الكهربائي يعطي الأغنية باقراوند قوي له قدرة علي الغلغلة في الوجدان لأن دوره في كل الأغنية هو ميلودية واحدة متكررة مهمتها تلصق في ذاكرة المستمع ..
وأظن أن جزء كبير من شعبية المرحوم زيدان إبراهيم ترجع ل أنه أول من أدخل البيزجيتار -أعتقد- والذي جعل أغانيه تختلف عن أقرانه ..
| |
|
|
|
|
|
|
|
|
|
Re: ده ياهو بوليس أمريكا الراجنو ؟؟ .. (Re: محمد نور عودو)
|
الأخوين الكرام هاشم احمد ادم و محمد نور عودو تحياتي وأشكركم علي المشاركة .. آسفين علي تأخير الرد - قلت لغاية ما الواحد يرجع البيت يشوف الفيديو بتاعكم .. إنتو متأكدين إنو فيديوي فكرته من فيديوكم واللاّ العكس؟ ..
في الفيديو بتاعي أنا أصلاً أعجبت بالأغنية بالسماع أولاً - راديو - ثم شاهدت كوميديا الفيديو ثانياً والذي قلنا نشاغل بيهو الأصحاب الملكيين أكتر من الملك ..
والبوست أساساً دعوة للسماع .. لكين زي ما شايفين القصة جابت آثار جانبية ..
| |
|
|
|
|
|
|
| |
Munir
Afraa Sanad
ABDALLAH ABDALLAH
Deng
Hafiz Bashir
Abureesh
سيف النصر محي الدين
هاشم احمد ادم
محمد نور عودو
فيس بوك
تويتر
انستقرام
يوتيوب
بنتيريست