دعواتكم لزميلنا المفكر د.الباقر العفيف بالشفاء العاجل
|
|
 حروب الهامش عبثية - لا يستفيد منها سوي الأعداء ..
|
في الأول نسأل أنفسنا .. الحرب دي أساساَ سببها شنو؟ وضد منو؟؟ والهدف منها شنو؟؟ ومآلاتها شنو - في حالة النصر أو الهزيمة؟؟ .. والمستفيد منها منو والمتضرر منو؟؟ وفرصة إنتصار الفرق المحاربة شنو؟؟ وهل هي ذاتها تمثل بديل متحد ومنسجم يُجمع عليه أهل السودان؟؟ ..
أم أن الأمر كله عبارة عن شعارات وإدعاءات بطولة بإسم الثورية والتحررية البراقة ..؟؟ ..
والفلم ده حده وين؟؟ والمٌخرج بتاعه منو؟؟ ..
|
|
 
|
|
|
|
|
|
|
|
Re: حروب الهامش عبثية - لا يستفيد منها سوي الأعداء .. (Re: محمد جلال عبدالله)
|
مرحبتين محمد جلال ..
ودايرين نفلفل الموضوع ده برواقة وسط هذا الضجيج ونغمة الثورة والحرية التي يرقص علي إيقاعها المنتفعون وما دايرين النقارة دي تقيف أصلو ..
مع زنقة الحياة الواحد مابيلقي طريقة يجي يكتب ليهو كلمة كلمتين إلاّ بس مسارقة ساي ..
عشان كده داير أغيِّر استراتيجيتي وأبقي زي العوام جني - أقص وألصق وأكتب لي سطرين وأريح بالي ..
| |
|
|
|
|
|
|
|
|
|
Re: حروب الهامش عبثية - لا يستفيد منها سوي الأعداء .. (Re: Munir)
|
طبعاً القصة بدأت بحرب الجنوب - وهي مألوفة وموروثة ونتيجة محتومة للفوارق الإثنية والثقافية بين الشمال والجنوب .. وهي فوارق صارخة وواضحة وكل واحد شايلها في وجهه وحايم بيها، ولذلك فالحرب لم تكن مستغربة .. وقد زاد أوارها طبعاً التدخل الخارجي الذي دائماَ يزيد النار حطب ..
وهي تدخلات لا نفعت معاها دكتاتورية ولا نفعت معاها ديمقراطية .. فظلت النار مولعة ..
المُخرِج ما عاوز الفيلم ينتهي سريع ..
| |
|
|
|
|
|
|
|
|
|
Re: حروب الهامش عبثية - لا يستفيد منها سوي الأعداء .. (Re: Munir)
|
فالجنوبيون الذين حاربوا خمسين سنة قنعوا من الغنيمة أخيراً بالإياب بعد أن وعدوهم بسيطرة الأفريقانية علي عموم السودان وطرد العروبة والإسلام كما اندلوسيا .... فاكتشف المحرضون العالميون أن الأماني كوم والواقع كوم .. فكان أعلي ما حققوا هو جرجرة جيوبهم من الشمال والإنغلاق في الجنوب وهي الجنة التي تحيط بها الضباع الجائعة طمعاً فيها بعد أن وجدوها لقمة سائغة مقنطرة منفردة في حتة مقطوعة ..
| |
|
|
|
|
|
|
|
|
|
Re: حروب الهامش عبثية - لا يستفيد منها سوي الأعداء .. (Re: Munir)
|
التحرر في العالم القديم تحرر بمعني الكلمة ، كما فيتنام والصين والهند و..و .. شعوب تستقل بإرادتها وبدمائها ومن بعد ذلك تتجه نحو الإعمار والنهضة بعرق جبينها .. أما التحرر في أفريقيا في حقبة ما بعد الإستعمار فهو عبارة عن حروب أهلية يتم تغذية المحاربين فيها بحبال سرية من خارج رحم البلاد حتي تتم ولادة قسرية قيصرية ، فيخرج المولود وحبله السري ما زال مربوط برة .. ومادّي قرعته ..
| |
|
|
|
|
|
|
|
|
|
Re: حروب الهامش عبثية - لا يستفيد منها سوي الأعداء .. (Re: Munir)
|
ساهل جداً بعد إيقاد نار الحرب أن تجيش لها العطالي والأميين واليائيسين ليقوموا بالجانب الصعب والقذر من جوانب الحرب وهو القتل وسفك الدماء وطبعاً كل شرور النفس الإنسانية تتجلي في ميادين الحرب .. وبينما يقوم الجنود البسطاء بالقتل وسفك الدم ينعم مدراء الحرب وقادتها السياسيون بالتجوال حول العالم في ردهات الفنادق والضيافة درجة أولي في دول العالم في أفخم الثياب تحت تسليط الأضواء والتصريح في الفضائيات .. و..و..
فللجنود العضم ولهم اللحم..
| |
|
|
|
|
|
|
|
|
|
Re: حروب الهامش عبثية - لا يستفيد منها سوي الأعداء .. (Re: mahmed alhassan)
|
يامحمدالحسن عبدالمطلب سلامات أيها العزيز .. والله مشتاقين ..
زي ماعارف يمحمدالحسن القلم ليهو رافع .. ومصيرنا نرجع للبلد .. لو الله مدّ في العمر .. كنت راجع الصيف الفات ده لكين أتوكعت لي وكعة شديدة مت وحييت منها.. والحمد لله اتكتب لي عمر جديد .. نسأل الله حسن الخاتمة ..
Quote: أما ساقية حروب الهامش ده 0
لها سماسرة سلاح وتجار أزمات |
كده إنت - كتر خيرك - إختصرت لي مضمون البوست كله .. ولكن برضو نحاول نرمي فيهو سطر سطرين من باب التذكير بس ..
Quote: لان الخرطوم نفسها مهمشــة
وكله في الهواء سواء |
أها نحن كلمة تهميش دي دايرين نوهطها ونكشف قناعها .. لأنو الشغلانة ماياها ..
سلامي للأسرة وجميع الأهل ..
| |
|
|
|
|
|
|
|
|
|
Re: حروب الهامش عبثية - لا يستفيد منها سوي الأعداء .. (Re: Munir)
|
كدي أول حاجة نلقي نظرة علي الجنوب القال اتحرر ده .. نقول الجنوب اتحرر من شنو؟ .. طبعاً القيامة الكانت قايمة ديك كلها أنو الجنوب يريد الفكاك من الثقافة الشمالية العربية الإسلامية .. عربوسلامية كما يقولون .. أهو قول الحمدلله الإنفكوا .. النتيجة شنو؟ .. هل امتشطوا الثقافة الجنوبية الأفريقية؟؟ .. طبعاً لا وابداً لا .. طوالي بعد إعلان الدولة الجديدة يعلنون أن لغة الدولة هي اللغة الإنجليزية .. أبو الزفت .. هوية مافي أساساً .. وليس لهم بديل إلاّ التمسح بالأسياد البيض - عقدة الافارقة الأزلية - ولذلك شايفين رئيسهم اليوم كله مركِّب في راسه برنيطة الولاء للأسياد .. ولسان حاله يقول نحن ملكيين أكتر من الملك ..
الذي يدعو للسخرية هو أن الشعب الجنوبي ما بيعرف يتكلم إنقليزي .. والعجيب برضو أنهم عشان يتفاهم الشعب البسيط فيما بينه لا يملك غير يتكلم عربي .. إذن المفاهمة والكلام بإسم الشعب محتكر مية في المية للناس البعرفوا انقليزي .. وهؤلاء أقلية من أقلية مروَّضون علي السمع والطاعة.. ولو قال لهم الأسياد أدخلوا جحر الضب دخلوه .. فهم الوحيدون المستفيدون فوائد شخصية من الحرب والإنفصال والإغاثة ..
والشعب ياكل نيم .. والبيفتح خشمه يتم قمعه بالشرعية الثورية ..
يعني المحصلة بتاعة حرب الخمسين سنة التي قلنا إنو الجماعة بيحاربو فوق رأي .. وأننا سنشهد دولة افريقية مستقلة عن العروبة والاسلام لغتها أفريقية ودينها الكجور ، فإذا بنا نشهد ولادة دولة تتمسح بثقافة ماوراء البحار بالنقطة والشولة .. يعني حرب عبثية و كأنك يا أبزيت ماغزيت ..
| |
|
|
|
|
|
|
|
|
|
Re: حروب الهامش عبثية - لا يستفيد منها سوي الأعداء .. (Re: Munir)
|
المشكلة إنو الشعب الجنوبي أكتشف الوهم الكبير بعد الإنفصال ووجد إنو قاعد في الهوا ساي ودولته الجديدة ذاتها محتاجة ليها تاني خرطمية سنة عشان هم زاتهم يعرفوا بعض كويس ويتعايشوا في كيان موحد .. فوجدوا إنهم لابد محتاجين يعيشوا علي الإغاثة والعون الدولي .. لكين بي وين؟؟ إذا كان أمريكا زاتها ناسها بقوا يسكنوا الخيام .. وأوروبا بدأت تنظر إنهيارها الإقتصادي بهلع .. إذا كان اليونان وايطاليا قربوا يعلنوا ا لإفلاس لو ما المكابرة ساي .. وأوروبا عاوزة تساعدهم بشق الأنفس عشان هم زاتهم ما تصيبهم العدوي .. تقول لي يجوا يدلقوا قروشهم في مستنقعات الجنوب المليانة تماسيح ؟؟
في الآخر الجنوبي المغلوب علي أمره قام جاء راجع الشمال المكجننه ده ..
لا بدورك لا بحمل بلاك ..
| |
|
|
|
|
|
|
|
|
|
Re: حروب الهامش عبثية - لا يستفيد منها سوي الأعداء .. (Re: Munir)
|
الهبيب منير
كل بوستاتك في المنبر ده منذ ان بدأت تكتب هنا تحمل ذات الوتيرة التي تخلص الي ان الهامش لا قضية لهم و هذه هي المعضلة الحقيقية التي اوقعت نفسك فيها. المعضلة انك لم تري المشكلة في الاساس و لذلك لا يمكنك ان تأتي بأقتراح قد يؤدي الي الحل.
لذلك مبدأ النقاش غير موجود من اساسو بينك و بين من تود ان تنقاشهم و عشان كده ياهو بجوك ناس الطبطبة و هكذا انت في هذه الدوامة من بوست الي اخر في ذات المحطة لمدة 7 سنين او يزيد و لم تتقدم خطوة.
يا اخي منير ... في مشكلة في السودان منذ عام 55 اي قبيل الاستقلال و لم تحل حتي عام 2005 و هو ذات الحل الذي كان يمكن ان يكون في 1955 دون فقدان الموارد البشرية و المادية (و هذا هو العبث).
الان ايضا في دارفور و كردفان و النيل الازرق ذات المشكلة و سوف تحل بذات الحلول و لكن بعد ذهاب الاخضر و اليابس. ما دام الناس ما عندهم استعداد يتنازلو عن المكتسبات السياسية و للي هي حقوق الاخرين يبقي ما في داعي لخارطة الطريق الطويل و المعروف بيودي لنفس النهاية ده. الافضل انو تفصلو نفسكم و تخلو السودان الباقي في حالو.
| |
|
|
|
|
|
|
|
|
|
Re: حروب الهامش عبثية - لا يستفيد منها سوي الأعداء .. (Re: Munir)
|
Quote:
في الأول نسأل أنفسنا .. الحرب دي أساساَ سببها شنو؟ وضد منو؟؟ والهدف منها شنو؟؟ ومآلاتها شنو - في حالة النصر أو الهزيمة؟؟ .. والمستفيد منها منو والمتضرر منو؟؟ وفرصة إنتصار الفرق المحاربة شنو؟؟ وهل هي ذاتها تمثل بديل متحد ومنسجم يُجمع عليه أهل السودان؟؟ ..
أم أن الأمر كله عبارة عن شعارات وإدعاءات بطولة بإسم الثورية والتحررية البراقة ..؟؟ ..
والفلم ده حده وين؟؟ والمٌخرج بتاعه منو؟؟ ..
|
يا منير......
لنكون قادرين على الرد فلدينا اسئلة تقريرية... أو البسموها Leading questions
من الذي دعا الناس لحمل السلاح؟؟
من الذي قتل الابرياء في دارفور؟ ابيي؟ جبال النوبة؟ النيل الازرق؟
من الذي بدأ الحرب؟؟
من الذي مارس العنصرية في ادراة البلاد؟
| |
|
|
|
|
|
|
|
|
|
Re: حروب الهامش عبثية - لا يستفيد منها سوي الأعداء .. (Re: Munir)
|
السياسيين الجنوبيين مثلوا دور الضحية ورقدوا سلطة للحنان الغربي المزيف - ومن غفلتهم ظنوا أن هؤلاء الداعمون سيحنوا عليهم ويقولوا يا حليلهم إلي مالانهاية عشان خاطر عيونهم!!... مساكين مغلوب علي أمرهم - أو هكذا ناموا قفا - !! .. لغاية ما فصلوهم علي نغمة الوعود بالمساعدة بعد الإنفصال !!! .. لكين بي وين؟؟ الغربيين لي رقبتهم غرقانين في الديون - ودول متقدمة مثل اليونان وايطاليا - وكل دول الجنوب الأوروبي - تصارع الفلس .. فهل معقول يجوا الجماعة يكبوا قروشهم في مستنقعات الجنوب المليانة تماسيح ؟؟.. دعم الغرب للجنوب كان حرباً ضد الشمال المسلم ، وقد أدي غرضه بتقسيم الدولة .. وقبلوا الآن لدور جديد ..
| |
|
|
|
|
|
|
|
|
|
Re: حروب الهامش عبثية - لا يستفيد منها سوي الأعداء .. (Re: Munir)
|
نجي لحروب دارفور وجنوب كردفان والنيل الأزرق ..
ماهي الغبينة الظاهرة التي تستدعي كل هذا الموت والتشريد ؟؟ وهل ستؤدي هذه الحروب لإسقاط الحكومة المركزية؟ وهل سيتمكن المتمردون قهر الجيش السوداني وتحطيم الدولة وإبدال الأغلبية السودانية بواسطة مليشيات قبلية تمثل أقليات بالنسبة لعموم الشعب؟؟ .. وهل يعلم المتمردون أنهم لن يستطيعوا تغيير التركيبة السودانية الحالية التي تكونت علي مر عدة أجيال ؟؟ إن كانوا يعلمون فلِم هذا الإصرار علي طريق الموت ذو النتيجة المحتومة؟؟ إن كان الجنوب الذي يمثل ربع السودان طق راسه بالحيطة ولم تنكسر إلاّ قرونه وأخيراً قنع بالإنفصال رغم الدعم الخرافي الذي لقيه من قوي العالم العظمي بكل جبروتها، فكيف بمليشيات قبلية ليس لها سند شعبي حتي بين قبائلها ذاتها؟؟ ..
ومن المستفيد من هذه الزوابع والرعود؟؟ ومن الخسران؟؟ ..
| |
|
|
|
|
|
|
|
|
|
Re: حروب الهامش عبثية - لا يستفيد منها سوي الأعداء .. (Re: Munir)
|
منير
يا حبيب سلامات ..
ياليت قومى يعلمون .. أن هذه الحروب العبثية هى قتل للأرواح وقطع للنسل وأبادة للحرث .. ولا يجنى من خير إلا العملاء ..
أنظر لكلام دكتور الحسن محمد
Quote: أما ساقية حروب الهامش ده 0
لها سماسرة سلاح وتجار أزمات
|
هذه إحد وسائل ديمومة الحروب ..
اللهم أجل بالفرج ..
بريمة
| |
|
|
|
|
|
|
|
|
|
Re: حروب الهامش عبثية - لا يستفيد منها سوي الأعداء .. (Re: بريمة محمد)
|
سلامات يا أخي بريمة .. كل سنة وأنتم بخير ..
سنأتي لنري ماهي دوافع دعاة الحرب الحلو عقار لإدخال البسطاء في النيل الأزرق وجنوب كردفان في هذه الحروب ؟؟عرمان داك أسكت خليهو فما هو إلاّ بائع موت متجوِّل ..
.. أيظنون أن جنوب السودان أقرب لشعبهم من شمال السودان؟؟ فإن هم لم يستطيعوا العيش مع شعوب الشمال المتنوعة التي يربطهم بها الدين - علي الأقل - فهل سيقبل بهم الجنوبيون الذين تتحكم فيهم قبيلة واحدة ؟؟ ..
هل يريدون الإنفصال؟؟ فإن كان الجنوب بكل حجمه وإحتضان الغرب له قد أصبح غابة دموية بعد الإنفصال، فما بالك بمنطقتين صغيرتين ليست لهما مقومات دويلة ؟؟
هل يريدون التبعية للجنوب ؟؟ هل يريدون الوحدة مع الجنوب؟؟
الفهم شنو يعني من الحرب دي ؟؟!!!
| |
|
|
|
|
|
|
|
|
|
Re: حروب الهامش عبثية - لا يستفيد منها سوي الأعداء .. (Re: Munir)
|
بالنسبة لحرب دارفور ، فقد كتبت كثيراً عن أنها ستؤدي للإستقطاب الجهوي والإلتهاب العنصري الحاد .. ليس فقط بين القبائل المتمردة وباقي الشعب السوداني، بل داخل دارفور ذاتها ، بل وحتي بين هذه القبائل المتمردة ذاتها، بل حتي داخل بطون القبيلة ذاتها .. ده لو ماقلنا داخل العائلة الواحدة ..!!!
فالخيار الوحيد لهذا النوع المعزول من العمل المسلح هو العمل من أجل الإنفصال .. وذلك إذا افترضنا جدلاً أنه إستطاعة المتمردين السيطرة علي ميادين الحرب التي يخوضون فيها !!! .. والعبرة بالحركة الشعبية ، والتي رغم أنها كانت لها جيش مكتمل قائم بذاته ومدعوم بكل دول الجوار - زائداً القوي الكبري - فإنها لم تستطع إحتلال جوبا ولا أي من المدن الكبري في الجنوب ..!! فقنعت من الحرب بالإنفصال !!.. والآن تجد نفسها لي رقبتها ماقادرة تحكم نفسها ولا قادرة تحكم الجنوب ..
كذلك فإن المنطق والعقل يقول أن الحركات المسلحة المتشرزمة المتنافرة لن تستطيع حتي أن تتوحد بينها - بل إنها تزداد كل يوم تشرزماً وإنقساماً - دعك من أن تطمح لقهر الجيش السوداني وكمان حكم باقي الشعب السوداني !!!.. الشعب السوداني هذا مستكين للقوات المسلحة القومية لأن أي قبيلة وجهة وأسرة تحس بالإنتماء إليه وأنه يمثلها لأن أبنائها منخرطين فيه ويمثلونها .. فإن شذت بعض القبليات عن هذا الإجماع وأرادت أن تحارب كل هذا الإجماع فإنها تكون قد حكمت علي نفسها بالإقصاء والنفي وربما الفناء !!!..
فجمهور الشعب السوداني الآن ينظر لتمرد دارفور علي أنه يمثل فقط قبائل الزغاوة والفور .. فما هي نسبة هتين القبيلتين لباقي قبائل الإقليم ، بل ولباقي قبائل السودان؟؟ ولنكون دقيقين نقول ماهي نسبة الفرق المسلحة من هذه القبائل للعدد الكلي لنفس هذه القبائل ؟؟ .. لقد رأينا أيام إصدار مذكرة أوكامبو ضد البشير كيف أن جماهير الفور والزغاوة والمساليت وزعاماتهم وسلاطينهم خرجوا بالآلاف لإستقبال البشير ومناصرته حين زارهم في الفاشر ونيالا وخاطبهم في الهواء الطلق !!!..
نفس المنطق ينطبق علي التمرد في جنوب كردفان والنيل الأزرق .. نسبة العناصر المتمردة مقارنة بالتعداد الكلي لساكني هذين الإقليمين نسبة صغيرة .. فمن المستفيد من إثارة هذه الحروب العبثية ؟؟
المستفيدون من الخارج هم تجار الحروب والدول المعادية للسودان وتقدم السودان واستقراره .. وهنا يمكنني ذكر أسباب لا تحصي لهذا العداء ..
والمستفيد الآخر هو بعض المنتفعين من الحرب من السودانيين الذين استثمروا الحرب للهجرة للعالم الأول وهجروا ميادين الدواس وتركوها للغبش بينما ينعمون بالعيش المريح في البلاد الآمنة .. وجعلوا ذروة كفاحهم تنظيم الندوات وبعض التظاهرات هنا وهناك !!!.. فتراهم يملأون الأسافير نواحاً وجعجعة وهتافاُ ووعيداً وتحريضاً علي الحرب والفتنة ولا نسمع بأحدهم ترك ملاذه الآمن وترك أولاده ليلتحق بالتمرد في ميادين الدواس .. ولا يذهبون للبلد إلاّ لتمضية إجازاتهم .. خلسة ..
:
:
| |
|
|
|
|
|
|
| |
Munir
محمد جلال عبدالله
Deng
mahmed alhassan
Al-Shaygi
Mahjob Abdalla
Abdlaziz Eisa
بريمة محمد
حماد الطاهر عبدالله
فيس بوك
تويتر
انستقرام
يوتيوب
بنتيريست