دعواتكم لزميلنا المفكر د.الباقر العفيف بالشفاء العاجل
|
|
 حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ ..
|
كيلو الطماطم في سوق الشعبية بحري بـ 12 ألف جنيه وفي عاصمة أوروبا لا يتعدي الـ 3 ألف جنيه.. !!!!!!!!!!!!!!!!!!!!
والله يا عمر البشير الناس ممكن تدعمك وتهتف ليك ضد أوكامبو وأذنابه بسبب عزة نفسها هي وإنها ما بترضي الحقارة .. و ما عشان خاطر عيونك ـ ولكن لا يغرنك ذلك الدعم !!! لأن هذه الجماهير يومها التقبل عليك حتكشك إنت والمعاك زيك زي أي دكتاتور !!!!!!!!! ..
معقول بعد نهضتك ونفرتك الزراعية والسدود والجعجعة الكتيرة والقيامة القايمة دي يكون الطماطم ، رغم إنو مفروش في الواطـ ـة والغبار ، (والكان يتباع الصفيحة بريال) يبقي أغلي اربعة اضعاف من الطماطم في بروكسل ـ عاصمة أوروبا ـ وهو مستورد ومعروض في أرقي المحلات وبيصرفوا عليه كهرباء وتلاجات ؟؟ !!!!!!!!!!! ..
قاعد تسوي شنو والرعية يتم نهبها وتجويعها بواسطة حكومتك وتجارك الطماعين ومافيات السوق الحرامية والسماسرة ؟؟ !!!!
أمشي لف السوق وشوف الطماطم بي كم وقبل ما تبقي رئيس كنت بتشتريهو بي كم؟؟!!!!!! ..
|
|
 
|
|
|
|
|
|
|
 Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: عكود عبد القادر عكود)
|
Quote: و
(( مما يزيد طمام البطن أن سعر كيلو الإنسان في بركسل أربعة آلاف أضعاف سعره في السودان!!!)) |
الأخ عكود سلامات ياخي .. بالله دي مش حاجة تفقع المرارة؟؟ ..
ياخ الصباح ضربت تلفون قلت إطمن علي الناس .. الوالدة قالت لي كيلو الطماطم ب12 ألف !!! .. قلت ليها خلي الأولاد يمشوا سوق بحري أو السوق المركزي واشتروا بالجملة بدل شراية القطاعي ـ قالت لي كلو بقي زي بعضه !!!..
طبعآ الطماطم ده فقط مثال !! .. والظاهر إنو العصابات بتشوف أكثر حاجة الناس بتشتريها مضطرة من قلة ذات اليد وتقوم تخنقهم بيها ..
تخيل أسه بالصدفة في أثناء ما بكتب في المداخلة دي سامع واحد في التلفزيون ضارب تلفون بيشتكي من إنو سعر البطاطس يظل مرتفع طول العام ما بينزل في موسم انتاجه ـ ما قال يظل منخفض ـ
| |
|
|
|
|
|
|
|
|
|
Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: داليا الكباشى)
|
Quote: العجوره الواحده بي 3 الف ...!!!
كيلو الخيار 8 الف ...!!!
كيلو البطاطس 8 الف ...!!!
دسته المانجا 22 الف , 35 الف , 45 الف حسب نوعها ......!!!!!!! |
سلامات داليا ..
هنا غايتو الخياراراية بتحصل أقل من نص يورو يعني 1500 ووزنها إحتمال ربع أو تلت كيلو ما عارف .. أما كيلو البطاطس ممكن ينزل لغاية برضو 1500 .. المنقاية الواحدة بيورو ـ يعني تقريبآ 3000 لكنها طبعآ مستوردة .. وطبعآ الحاجات ما مفروشة في الواطـ ـة ساي ..
أما في أسواق المغاربة الفي الهواء الطلق في وسط بروكسل يوم الأحد مع آخر اليوم ممكن تشيلي باقي خضار البائع كله ببضع نقود ..
| |
|
|
|
|
|
|
|
|
|
Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: Munir)
|
.
| Quote: ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. |
...
نفس الذي يجعل قطعة الأرض في (أم ضريوة) أغلى منها في (الأسكندرية)
ونفس الذي يجعل رطل السكر في (كنانة) أغلى منه في (سمرقند)
ونفس الذي يجعل كيس الأسمنت في (عطبرة) أغلى منه في (دبي)
...
منير
رمضان كريم
....
بالمناسبة
معلومة انو شرطة المرور بياخدوا نسبة من ايرادات المخالفات اتأكدت لك منها من مصادر موثوقة في رئاسة الجهاز نفسه
ويتم تقسيم النسبة حسب الرتب
فالعميد أعلى من النقيب .... والملازم أعلى من الرقيب وهكذا
كانت المناسبة
أن بعض الناس علّقوا في حضور (الرتبة الكبيرة في المرور) على أن النسبة التي تُعطى للعاملين في معامل التحليل داخل المستشفيات الحكومية هي 30% من الإيراد..
فما كان من الرتبة الكبيرة الا أن علق قائلاً
اها شوفوا...
ونحن ... نسبة ال15% بس ... حاسدننا فيها!!! 
....
| |
|
|
|
|
|
|
|
|
|
Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: abubakr salih)
|
ابوبكر صالح ـ الله أكرم ..
ياخوي الشغلة ما عندها علاقة بضمائر حية وضمائر ميتة.. والبديهيات دي أوع تكونوا مفتكرنها حياة ضمير يميزكم من الناس .. يامان لا تظنوا أن مناقشة بديهيات الحياة حياة ضمير تحتكرونه أنتم كرصيد نضالي .. دي يا بكري أشياء بيصدح بيها أي مواطن عادي في مواصلات عامة بدون ما يكون معتبر نفسه مناضل ومقددها .. وصاحب الضمير الحي بكرة لمن يتسلط علي الناس إحتمال كبير جدآ إنو ضميره يموت برضو ويرفع القزاز .. والمواطن العادي القلتو ليك ده ساعة يشوف بديل أحسن من أدعياء الضمير الحي براهو حيتحرك وما بيهمه عمر بشير أو عبدالزمبار ـ وزي ما كش نميري ممكن يكش غيره ـ بس يضمن إنو ما هو يتعب والهبوب تشيل !! ..
فهمتني يا مان .. ؟؟
| Quote: خبرناك بوشانى كبير، اكيد بتعرف البوشانى |
والله عاد بوشاني دي ما اكضب عليك ما بعرفها .. لكين طبعآ طالما جاية منك حأعتبرها نبذ .. ومع رمضان ده نفوتها ليك ..
| |
|
|
|
|
|
|
|
|
|
Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: Munir)
|
يا سلام يامنير ورمضان كريم..
طبعاً ده هو اس المشكلة فلولا وجود الحكومة في السودان لعاش الناس في ثبات ونبات..
فالجبايات وتعددها وتنوعها بأسماء ما أنزل الله بها من سلطان هذا إضافةً لكثرة مبالغها والغلظة في جمعها
هي ما أذل الشعب السوداني وأحال حياتة لجحيم..
والغريبة أن دخل السودان من هذه الجبايات قد يفوق دخل دول الخليج مجتمعة ولكنه يصرف على راحة المسئولين والوزراء والولاة والمعتمدين وأبنائهم واسرهم غيرهم من صبية وانتهازية الجبهة ولاعزاء للشعب السوداني الفضل..
ياخ من فرضوا هذه الرسوم وبددوا أموال الشعب السوداني وأذلوه نسأل الله أن يخسف بهم الأرض..
تعرفوا ياشباب أي برنامج انتخابي يركز على هذه الرسوم وكشف من بددها والتعهد بالغائها كفيل باسقاط البشير في الانتخابات القادمة..
فلتكن هذه الرسوم والجبايات مدخلنا لاسقاط النظام لأنها افقرت وأذلت أهلينا وقفزت بشذاذ الأفاق ممن يقتاتون على تعب الشعب بدون أي مجهود من كيزان وجبهجية..
كترت عليكم لكن معليش .. زعلان شديد
| |
|
|
|
|
|
|
|
|
|
Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: الزوول)
|
Quote: معلومة انو شرطة المرور بياخدوا نسبة من ايرادات المخالفات اتأكدت لك منها من مصادر موثوقة في رئاسة الجهاز نفسه
ويتم تقسيم النسبة حسب الرتب
فالعميد أعلى من النقيب .... والملازم أعلى من الرقيب وهكذا
كانت المناسبة
أن بعض الناس علّقوا في حضور (الرتبة الكبيرة في المرور) على أن النسبة التي تُعطى للعاملين في معامل التحليل داخل المستشفيات الحكومية هي 30% من الإيراد..
فما كان من الرتبة الكبيرة الا أن علق قائلاً
اها شوفوا...
ونحن ... نسبة ال15% بس ... حاسدننا فيها!!! |
الزوول العزيز رمضان كريم ..
ياخي البدعة بتاعة تقسيم جزء من إيراد المؤسسة الحكومية للعاملين بها زي ماقلت ليك إنو حاصل من زمان ـ وهو كما قلنا بدعة خطيرة جدآ لأنها بتحول القطاع العام الـ هو ملك للشعب تحوله لقطاع خاص بالعاملين به وتتحول الهيئة الحكومية لشركة خاصة، بإمكانات حكومة، لأناس ما دافعين فيها مليم كرأسمال تأسيس !!! ..
مش كدة وبس ، بل يصبح الموظف أو العامل الماسك شباك تذاكر يكسب أكتر من المدير البيقبض ماهية بس في مؤسسة تانية غير ربحية .. ولذلك يقلب الناس الهوبة عشان يحولوا مؤسسة خدمية صرفة لمؤسسة ربحية بإختراع رسوم لحاجة ما انزل الله بها من سلطان .. دي مصيبة كبيرة تحول مؤسسات الدولة كلها لجيوب جائعة للجبايات .. وتخلي الناس تتنافس للعمل في شبابيك تحصيل الجبايات .. يعني العاملين كلهم يصبحوا يسترزقوا قانونيآ بأموال ما حقتهم ..
| |
|
|
|
|
|
|
|
|
|
Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: rani)
|
| Quote: الكميكل... قلنا الكمكل... المواد الكيمائية |
راني .. والصفيحة الكانت بعشرة قروش ديك كانت فيزيكال واللا كانت سرتية؟؟ .. ياخ البلجيك لو استوردوا الطماطم من السودان حيبيعوه بأقل من الـ12 ألف دي ..
الحاصل ياخوي إنو تجارنا عاوزين يربحوا بمعدلات كسب المواطن الغربي وخاتين الـload علي المواطن الذي يكسب معشار من مثقال كسب المواطن الغربي .. طبعآ مع استثناء المدراء الكبار الذي يصرفون مخصصات تجعل دخلهم يقارب دخل المواطن الغربي وما بيدفع ضرائب مثله ..
| |
|
|
|
|
|
|
|
|
 Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: Munir)
|
السلام عليكم منير
كيلو الطماطم ممكن يصل 14 جنية ويكون أغلى من كيلو اللحمة تصوّر
لكن يا منير السودانيين ديل ذاتهم يستاهلوا
عشان بقو مستكينين للإبتزاز والتجّار الجشعين وما بيفكّروا في حلول بديلة مجدية
يعني البيمنع شنو الواحد يعمل ليهو حوض في حوش البيت يزرع فيه طماطم وعجور وبامية
متر في متر تكفي لأسرة دا غير منظر الزراعة في البيت من ناحية جمالية
الزراعة دي عايزة مجهود بسيط وموية
الواحد عشان يسعى خروف قد تكون مكلفة جداً يشتريه بالشيء الفلاني وتكلّفة برسيم وعلف وغيره
بعد دا ثمن كيلو اللحمة ساوي ثمن كيلو الطماطم
| |
|
|
|
|
|
|
|
|
|
Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: Frankly)
|
عليكم السلام فرانكلي ..
الشئ البيغيظ إنو الحاجات دي بتنزرع في مساحات كبيرة جدآ والإنتاج في بلد المليون ميل ده وفير لمن عوير .. ثم بعد داك المحصول ما بيمر بمراحل تعبئة وتنظيف وديباجات وحاجات ممكن تضيفها للتكاليف إنما من المزرعة طوالي وللسوق معروضة في السهلة بدون تكاليف تبريد وكهرباء . وبعد ده كلو التجار عاوزين يربحوا منها ربح فاحش ..
وتلاحظ إنو دائمآ التجار بيختاروا أكتر سلعة بيحتاجها الفقراء ويكونوا مضطرين ليها لأنهم ما عندهم بديل ليها ويقوموا يسيطروا عليها .. وتلاحظ من زمان خالص ـ من زمن نميري ـ الويكة التعبانة دي بقت غالية .. الملح الذي يضرب به المثل كان في زمن كده طلع السما .. وهكذا .. معناها هناك طفيليات تراقب حركة الفقراء وتقنص ليهم في معيشتهم ..
زمان كان عندي صديق ترك شغل الهندسة وقال يعمل مزرعة دواجن ـ ومشي اشتري الكتاكيت وهيأ الأقفاص وكل شئ وجهز حاله للإنتاج .. ولكنه فجأة إكتشف إنو علف الدواجن هو أهم شئ في الشغلانة وإكتشف إنو مافية تجارة العلف هم الوحيدون الذين يربحون من إنتاج الدواجن أضعاف ما يربحه المنتج سيد المزرعة .. ياخي الطفيليين ديل لو ما تم تجفيف السوق منهم ما ممكن السوق يترخي ..
| Quote: بعد دا ثمن كيلو اللحمة ساوي ثمن كيلو الطماطم |
كيلو اللحمة ده كمان خليه ساي .. بلد فيها أكبر ثروة حيوانية في افريقيا وبعد ده كيلو اللحمة سعره طاير في السما .. وشبابنا هناك مشتهين الجكن !!!! ..
| |
|
|
|
|
|
|
|
|
|
Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: Ahmed Osman)
|
عليكم السلام أحمد عثمان .. وين كده تجي في السنة مرة ..
ياخ قصة الموية دي كمان قصة .. غايتو لمن سكنا في الشعبية كنا ساعة نرش الحوش في ظهائر النهار الغياظة كنا بنلعب ببوز الخرطوش ونقيف في ركن الحوش وندوس خشم الخرطوش ونوصل رشة الموية لغاية آخر الحوش .. طبعآ في آخر الزمن الحكاية بقت العندو موتور أكبر يكسب والباقين مواسيرهم تشخر ..
لكين يا أحمد نفس كمية الموية التي كانت تنتجها محطات المياة لسكان الخرطوم البضع عشرات الآلاف اتوزعت الآن علي 5 ملايين !! .. يعني بعد كده التماسيح بس البتعوم والغزلان يشربن كدرآ وطينآ ..
| |
|
|
|
|
|
|
|
|
|
Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: Abd Alla Elhabib)
|
Quote: مبروك الإ نعتاق !
ورمضانك كـريم |
..شنو يا شباب كلام انعتاق والذي منه؟؟.. تفتكروا إنكم يعني سابقين الناس بالفهم والتفتيح؟؟ .. يعني إلا الواحد يكون هتافي ببغاوي عشان تظنوا إنو منعتق ؟؟ .. يا شباب الكلام البتشوفوا نفسكم فايتين بيهو الناس نضال ده بنسمعه في التلفزيون عادي والمواطن العادي بيجهر بيهو في المواصلات العامة ـ فبالله ما تعملوا لينا فيها اسياده و قايمين بيهو سداري وقاشرين بيهو ..
والحرومية دي ما مقصورة علي حكومة إنقاذ .. الشئ ده ابوحريرة حاربه في عز الديمقراطية وخسر منصبه عشان برضو في حرامية منتخبين أقوي منه ..
وبرضو الله أكرم
| |
|
|
|
|
|
|
|
|
|
Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: Frankly)
|
يا اخونا المزارعين كلهم في الخرطوم لانو الزراعة بتخسر معاهم ويطلعوا مديونين ويخشو السجن
فوق كم اصلو الديون والتعسير وتجي الحكومة والبنوك تطالبهم ، مش احسن يجو الخرطوم ويفرشو
في واطة الله دي رغم الكشة..
نسيت اقول ليك الليمونين بالف جنية وبرضو سغار جدا (ماعارف قزمية الخضار السنة دي جات من وين)
والعجورة اقل حاجة 3 الف جنيه..وربع البصل من 4 الي تمانية الف طوالي..السكر كنانة 135 الف
والسكر المصري احسن منه.. 5 قرون شطة بمائتي جنيه ..والطاطم زي ماقالو لو وجدت لان الخضرجية
نفسهم ما مقتنعين باسعارها وعارفين بتجيب ليهم مشاكل مع الناس...
لكن تفتكر الغلاء دا بياثر في الطفابيع من سكان القصور والمنشية والطائف وبقية القصور
طبعا ديل ماعارفين اصلا انو في مشكلة زي دي ، لان البيمشي السوق هو خادم المنزل بعد مايستلم
المبلغ من الصراف الالي في اقرب شارع لهم....
ربنا يورينا فيهم يوم ببركة رمضان
| |
|
|
|
|
|
|
|
|
|
Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: jini)
|
Quote: عشان بقو مستكينين للإبتزاز والتجّار الجشعين وما بيفكّروا في حلول بديلة مجدية
يعني البيمنع شنو الواحد يعمل ليهو حوض في حوش البيت يزرع فيه طماطم وعجور وبامية
متر في متر تكفي لأسرة دا غير منظر الزراعة في البيت من ناحية جمالية
الزراعة دي عايزة مجهود بسيط وموية
|
منير رمضان كريم :
يعني ياحضرة رجل مرور الغضب الجماهيري وصاحب السبق في تحديد سير الغضب انت عايز غضب الناس
يخلي الفيل ويتجهة الي التاجر ؟؟؟؟ياخي هل هناك فرق بين التاجر والحكومة؟؟؟الحكومة تحمي وتصنع
وتمول وتصدر القوانين التي تحمي التجار وكمان الجشعين والطفيلين منهم ..
بمعني زي اخونا منير دة اذا اتصل علي امه واشتكت له زيادة اسعار الطماطم يقول ليها كان تزرعيها في
مزرعة صغيرة ؟طيب الليمون برضو ؟وكيف تعمل مع السكر؟ برضو تعمل مصنع صغير عشان تتخلص من جشع التجار؟
بمعني اكثر وضوحاً يعني المعركة تكون بين الشعب والتجار والحكومة محايدة خالص؟؟؟؟
والله الناس بتجتهد بطريقة ذكية كيف في تحويل الغضب العام الي حاجة هلامية ماعندها اي مردود...
| |
|
|
|
|
|
|
|
|
|
Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: haroon diyab)
|
Quote: وفي الغلاء .....
ايضا امتهان لكرامة الانسان |
الحبيب الحبوب هارون دياب .. الله أكرم ..
طبعآ زمان البلد رخية ومقفولة مستوي الدخل والمنصرفات بالخارج كان أعلي من الداخل .. أسه منسوب المياه بالداخل بقي أعلي من الخارج ..
وسلع السودان فاتت الكبار وقدرها وبقت أغلي من سلع بلاد بره .. السبب الدقيق للغلوتية دي شنو؟؟..
أمبارح أو أول أمبارح في الأخبار جابوا خبر من شمال كردفان عن رمضان وكيف إنو الولاية سهلت الأمور مما سهل توفر سلع رمضان للجمهور ـ وقالوا يدعموا الخبر بالصورة ـ وقاموا جابوا ليك الناس شايلة صواني الإفطار قدام البيوت كعادة الإفطار الجماعي ـ وقمت قلت سلع رمضان الاتوفرت دي كدي النشوفها ـ وانتظرت أشوف القمردين والمشمش وماشابهه.. فإذا بها تطلع كلها نبق وقنقليز وعرديب وكركدي وقضيم !!!..
ماقلنا حاجة .. تراها منتوجات سودانية اصيلة وأي حاجة .. لكين البيغيظ إنو يقولوا ليك مجهودات الولاية وتوفير سلع رمضان !!!.. يعني لو ما النبق والقنقليز البقوموا براهم ديل متوفرات حيكون المتوفر شنو يعني؟؟ !!!..
| |
|
|
|
|
|
|
|
|
|
Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: عبداللطيف حسن علي)
|
Quote: يا اخونا المزارعين كلهم في الخرطوم لانو الزراعة بتخسر معاهم ويطلعوا مديونين ويخشو السجن
فوق كم اصلو الديون والتعسير وتجي الحكومة والبنوك تطالبهم ، مش احسن يجو الخرطوم ويفرشو
في واطة الله دي رغم الكشة.. |
والله يا عبداللطيف حاجة غريبة .. ياخي رغم النفرة الزراعية وتسهيل إستيراد الآليات الزراعية ـ المزعوم ـ والأراضي الماعندها حدود دي برضو المزارع العادي ما قادر ينتج الإنتاج الزمان؟؟ وحتي لو الإنتاج وفير برضو الاسعار تظل عالية كم سمعت امبارح من متصل في برنامج تلفزيوني .. ربما المشاريع الحكومية يكون فيها المزارع تحت قبضة الحكومة، لكين خضار بحري ده مثلآ كله بيجي من مزارع أهلية شمال بحري ..
| |
|
|
|
|
|
|
|
|
|
Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: Munir)
|
Quote: كيلو الطماطم في سوق الشعبية بحري بـ 12 ألف جنيه وفي عاصمة أوروبا لا يتعدي الـ 3 ألف جنيه.. !!!!!!!!!!!!!!!!!!!!
والله يا عمر البشير الناس ممكن تدعمك وتهتف ليك ضد أوكامبو وأذنابه بسبب عزة نفسها هي وإنها ما بترضي الحقارة .. و ما عشان خاطر عيونك ـ ولكن لا يغرنك ذلك الدعم !!! لأن هذه الجماهير يومها التقبل عليك حتكشك إنت والمعاك زيك زي أي دكتاتور !!!!!!!!! ..
معقول بعد نهضتك ونفرتك الزراعية والسدود والجعجعة الكتيرة والقيامة القايمة دي يكون الطماطم ، رغم إنو مفروش في الواطـ ـة والغبار ، (والكان يتباع الصفيحة بريال) يبقي أغلي اربعة اضعاف من الطماطم في بروكسل ـ عاصمة أوروبا ـ وهو مستورد ومعروض في أرقي المحلات وبيصرفوا عليه كهرباء وتلاجات ؟؟ !!!!!!!!!!! ..
قاعد تسوي شنو والرعية يتم نهبها وتجويعها بواسطة حكومتك وتجارك الطماعين ومافيات السوق الحرامية والسماسرة ؟؟ !!!!
أمشي لف السوق وشوف الطماطم بي كم وقبل ما تبقي رئيس كنت بتشتريهو بي كم؟؟!!!!!! |
منير.
أنت بتدافع على الحكومة الظالمة دي طيلة الفترة الماضية وهي تقتل في السودانين في الجنوب،شرق،غرب وشمال. كل ذلك لم يحرك فيك شعرة ولم تدلي بأي كلمة تنتقد فيها سلوك الحكومة. في النهاية جاي تنتقد الحكومة علشان طماطم وعلشان شوية مطرة غرقت ليها كم بيت وكم شارع في الخرطوم؟ شفته الان أنك أناني كيف؟
أركز لغاية ما يجيك محمد سليمان وبشاشا وبقية ناس الهامش في بوستك ده بس.
| |
|
|
|
|
|
|
|
|
|
Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: Deng)
|
Quote: منير.
أنت بتدافع على الحكومة الظالمة دي طيلة الفترة الماضية وهي تقتل في السودانين في الجنوب،شرق،غرب وشمال. كل ذلك لم يحرك فيك شعرة ولم تدلي بأي كلمة تنتقد فيها سلوك الحكومة. في النهاية جاي تنتقد الحكومة علشان طماطم وعلشان شوية مطرة غرقت ليها كم بيت وكم شارع في الخرطوم؟ شفته الان أنك أناني كيف؟
أركز لغاية ما يجيك محمد سليمان وبشاشا وبقية ناس الهامش في بوستك ده بس. |
إنت يا دينق عاوزني أأيدك وأؤيد ناس محمدسليمان وبشاشا عشان الحكومة كعبة يعني ؟؟!!! .. أقعد أدعم لي تمرد عنصري عدمي يسب فوقي وفي أهلي ليل نهار وداير يجي يتسلط علي بقوة السلاح؟؟ ..
بعدين إنت يادينق النفاق العليك شنو؟ مش الحكومة دي إنتو شراكة فيها ونائب رئيس الجمهورية منكم؟؟ طيب مالك شاتح كراع جوة وكراع بره؟؟ .. وبالمناسبة برضو ما سمعنا منك كلمة وإنتقاد لحكومة الجنوب التي استلمت المليارات لم ير منها أهلك الجنوبيين شيئآ سوي الحروب القبلية والثأرات وهسه الأمم المتحدة شخصيآ قالت إنو 40 في المية من الجنوب حيكون في حالة مجاعة ..
قبل اسبوعين تلاتة مش ماتو 180 جنوبي في مجزرة ضحاياها معظمهم نساء وأطفال؟ ليه ما قرينا ليك كلمة واحدة عن المآسي دي يا البتتكلم عن دارفور وجبال النوبة؟ وينو سودانك الجديد ورفاهية حكومتك عشان تبقوا لينا نموذج يحتذي؟؟
ووينو إنتقادك لحكومتك ومساهمتك المفروض تكون علي الأقل متناسبة مع معارضتك؟؟ .. بعرف اصدقاء وزملاء جنوبيين تركوا الغربة ورجعوا لتعمير الجنوب من الداخل .. إنت حترجع متين؟؟ واللا بس فالح تسافر لي للخليج؟؟ !! أوعوا تكونوا طارحين نفسكم إنت ومحمدسليمان وبشاشا كبديل؟؟!!!
يازول أنا موقفي واضح وما داير ليهو لف ودوران وما محتاج ابرره لزول ..وهو أني ضد العنف والسلاح، وأدعم اتفاقيات السلام وأري أن التحول السلمي الديمقراطي هو أسلم وسيلة للتغيير مهما كانت العراقيل .. وضد أوكامبو وأذنابه !!.
| |
|
|
|
|
|
|
|
|
|
Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: Munir)
|
انا البندوره الحمره
مزروعه بين الخضره
تاكلني ما تشبع وتصير خدودك حمره
______________
منير ياحبيبي
حبايبنا الاطفال دي ما اغانيهم
تعرف يامنير انا طبعا زي ماعارف انا جيت قريب
وكنت في قلب سوق الشعبية الذي تحكي عنه
الوضع اصبح ممل
وايه الخلاص يادنيتي
يامنير الان انت ماشايف
كل السودانيين بنكتوا
وكل السودانيين بغنوا
صراحة فقدوا الامل في اي شي
من عهد الديمقراطية الى عهد الانقاذ
يا منير الشعب ماعيز طماطم
عايزين دكاتره . دكاتره نفسانيين
عشان اول شي يعملوا ليهم توازن نفسي
وتأهيل للحياه من اول وجديد.
| |
|
|
|
|
|
|
|
|
|
Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: وليد عبد اللطيف)
|
قبل سنتين سألت إقتصادي (رحمه الله ) ليه السودان أغلى من أمريكا???
قال لى إنت ما قريت إقتصاد !!! الضرائب
الضرائب تؤدى لإرتفاع كل السلع
و لا تتساوى و لا من قريب بما تقدم الحكومة من خدمات (بتكون شايف الخريف والمصارف)
سألت الضابط الإدارى لماذا المدينة بهذا القدر من الوساخة??? قروش مافى??? ضحك وقال أن ربطهم اليومى من قبانة وضرائب 10 مليون, قلت ليه بمليونين أخلى ليك البلد دى أنظف من لندن, قال بس الخدمات ما هى الأولوبة... طيب والأولوية شنو????? قال الأمن والسياسة
حاجة مهمة
الأمن مقصود بيهو السلطة مش المواطن
| |
|
|
|
|
|
|
|
|
|
Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: Nasr)
|
يا منير
ازيك
ياخي انت البلد دي ما كنت قاعد فيها معانا ... وعارف تماما انو الطماطم بالذات من المحاصيل الشتوية ودا ما موسمها وبتتزرع الايامات دي في بيوت زجاجية وتكييف وكهربا وسماد وبعد كدا يمكن بتترحل في عربات مبردة لمناطق الاستهلاك ودي تكلفة اضافية وايييييييك .. .يعني تكلفة انتاجها عالي جدا والداير يشتري ومن ما الله خلقنا زي الايام دي زمان لا بنشوف طماطم ولا بناكلها وانت عارف كدا كويس ....
وبالرغم من كدا دا ما سعرها الاساسي والسائد - 12 جنيه - انا قبل 4 يوم اشتريت من السوق المركزي بحري 2 كيلو بـ 6 جنيه وكل يوم عندها سعر وخاضعة للعرض والطلب اها اليومين دي دستة البرتقال البلدي بـ 2 جنيه والمستورد دستتو بـ 4 جنيه في حين انو الـ 12 ليمونة بـ 6 جنيه برضو عرض وطلب ...
وتحياتي
| |
|
|
|
|
|
|
|
|
|
Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: عبدالوهاب علي الحاج)
|
Quote:
قبل سنتين سألت إقتصادي (رحمه الله ) ليه السودان أغلى من أمريكا???
قال لى إنت ما قريت إقتصاد !!! الضرائب
الضرائب تؤدى لإرتفاع كل السلع
و لا تتساوى و لا من قريب بما تقدم الحكومة من خدمات (بتكون شايف الخريف والمصارف)
سألت الضابط الإدارى لماذا المدينة بهذا القدر من الوساخة??? قروش مافى??? ضحك وقال أن ربطهم اليومى من قبانة وضرائب 10 مليون, قلت ليه بمليونين أخلى ليك البلد دى أنظف من لندن, قال بس الخدمات ما هى الأولوبة... طيب والأولوية شنو????? قال الأمن والسياسة
حاجة مهمة
الأمن مقصود بيهو السلطة مش المواطن |
| |
|
|
|
|
|
|
|
|
|
Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: بريمة محمد)
|
بالأضافة يا منير .. هناك عامل آخر مهم جداً هو إنتاج البترول ..!!
تشير الدراسات الأقتصادية كلما تنامى إنتاج البترول يقل الأنتاج الزراعى والرعوى .. وكذلك الصناعات الخفيفة .. وقد مرت هذه الحالة على أوروبا وهولندا بالذات .. بما يسمى بالدتش سندروم .. وقد أشار الدكتور إبراهيم البدوى الخبير السودانى السابق فى البنك الدولى إلى الألفتات إلى تلك الحالة مبكراً ..
فقد سألت الدكتور إبراهيم البدوى .. مراراً عن شرح هذه الظاهر وماذا تعنى لنا ككرادفة ورعاة .. قال سوف يرى القطاع الزراعى تدهور ملحوظ وكذلك القطاع الرعوى والصناعات الخفيفة .. وسوف تنمو الثروة فى القطاع النيلى حيث تتركز إستثمارات البترول ..
والأن ظهرت البوادر فى الطماطم .. وأنتهى إنتاج القطن .. الفول والصمغ العربى من قبل ..
بريمة
| |
|
|
|
|
|
|
|
|
|
Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: nazar hussien)
|
Quote: وكيس العيش بي 2000
وشوال السكر بي 150.000
والخيار غالي..والجزر...غالي...والزيت غالي..
والجاز...غالي...والبنزين...غالي...والبيوت
غالية...والايجارات...غالية...وقندهار...ملانة
لحمة بي ضبابين...والساحات بين الاحياء...يسكنها
البعوض والقعونج...قاق قاق...نمنمنم طول الليل
انتو القشران دا بتدوروا بيه شنو؟ |
| Quote: انتو القشران دا بتدوروا بيه شنو؟ |
نزار حسين .. كيلو السكر هنا بـ 80 سنت يعني 2.81694 جنيه سوداني . ولتر البنزين بـما يعادل 4.92966 جنيه سوداني .. يعني الجالون بحوالي 20 ألف جنيه قديم .. ـ ديل ما ظنيت مفروض نشتكي منهم ..
الحاجات الذكرتها دي كلها عرفناها .. بس القشران ده شنو؟؟ أوع تكون قاصد الطماطم  ..
| |
|
|
|
|
|
|
|
|
|
Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: بريمة محمد)
|
Quote: يا أخى الطماطم فى أوروبا بديهى تكون أرخص من السودان .. والسبب يعود إلى أن أوروبا طورت الزراعة بالذات بالنسبة للخضروات .. أصبحت الزراعة فى داخل البيوت الحرارية greenhouses مصدر مهم جداً ويتم أنتاج الخضروات فى موسم غير موسمها off-season ..
أوروبا أيضاً طورت نوع أخر من أنواع زراعة الخضروات ما يسمى بالهيدروبونك .. تزرع الخضروات فى محاليل كيمائية .. فى وسط سائل دون الحوجة إلى تربة .. |
| Quote: تشير الدراسات الأقتصادية كلما تنامى إنتاج البترول يقل الأنتاج الزراعى والرعوى .. وكذلك الصناعات الخفيفة .. وقد مرت هذه الحالة على أوروبا وهولندا بالذات .. بما يسمى بالدتش سندروم .. وقد أشار الدكتور إبراهيم البدوى الخبير السودانى السابق فى البنك الدولى إلى الألفتات إلى تلك الحالة مبكراً .. |
مرحبتين يا بريمة والله أكرم ..
يا بريمة أسلوب الزراعة الأوروبي الحديث ما ظنيته يتفوف علي مساحاتنا الشاسعة .. يعني إذا هم سبقونا بالتكنولوجيا فنحن مساحتنا المزروعة مفروض علي الأقل تكافئ تكنولوجيتهم والتي حتمتها المساحة المحدودة والطقس ونوع التربة .. ياخي ريفي بحري براهو ممكن يساوي كل المساحات المزروعة في بلجيكا .. ومساحاتنا الشاسعة دي دائمآ بتجيب انتاج وفير جدآ يروح هدرآ بسبب عدم المقدرة علي التخزين والتسويق الذكي ..
الشئ التاني ـ الملاحظ أن الحكومة تكثر الكلام عن النفرة الزراعية وما ادراك ما النهضة الزراعية وما عاوزة البترول يغطي علي الزراعة و.و.و .. ولذلك بعد الضخ الإعلامي الكثيف ده يجو يقولوا ليك الطماطم بـ12 ألف والشنو ما عارف بي كم، تحس بأنو في حاجة غلط .. وإنو الجوطة دي كلها كضب في كضب .. لو المواطن المغلوب الفقير ماشاف إنو السوق مرخي يبقي جوطة البشير دي تكون كلام ساكت !!! ..
وعمر البشير الآن أكتر زول مصيره مرتبط برضاء الجماهير عنه ـ ولو هو وفي للوقفة الـ الناس وقفتها معاهو مفروض يغشي الأسواق ويشوف بعينه ويقارن بحياته زمان زمن الفقر وينحاز للمواطن في معيشته .. لأنو لو افترضنا فيهو حسن النية فالواحد لن يثق في تلك البطانة الـ الواحد يعاين في العربات غرقانة في وسط العاصمة ـ ناهيك عن الأطراف ـ ويجي يقول ليك الأوضاع تحت السيطرة !!! ..
الجماهير وقفت مع نميري طوال فترة حكمه ضد أي جهة مسلحة حاولت تنتزع منه السلطة ـ بإختلاف ايدلوجياتها ـ لكن عندما الناس اتضايقت في معيشتها وجاء نميري استفزاها وقال ليهم أكلوا موص كشوهو ليك زي الماحصل حاجة بينما بطانته كانت بتقول ليهو الأوضاع تحت السيطرة !!!..
| |
|
|
|
|
|
|
|
|
|
Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: Deng)
|
Quote: أعصابك يا راجل أعصابك.
أنا ما كنت قايل أنوا بطنك دي ممكن تطم كده علشان طماطم فقط وتخليك تطرش كمية من الكلام الما خمج.
تصوم وتفطر على خير من غير طماطم |
.
دينق .. الاعصاب نجيبها من وين ياخ ـ نقول ليكم 12 ألف تقول لي بشاشا وهامش ومركز ؟..
يادينق قصة هامش ومركز دي ذاتها الخالقة المشاكل دي كلها .. ياخي نحن اتربينا في قلب المركز وحياتنا كلها عشاناها هامش !! .. عكسك إنت يا فردة من الهامش المزعوم حسب تصنيفك وعشت حياة مركزية مية المية .. دعاوي التهميش دي دعاية سياسية شغالين فيها ناس بغرض السلطة ولقوها اقصر طريق للقصر الجمهوري ..
كدي عليك الله يادينق خليها مستورة ساي ..
وآسف علي التسخينة ويعود رمضان علينا وعليك بالخير والبركة ..
وشكرآ علي النفس الهادئ والدعوات الطيبات ـ وكده بيسحروك ياخ  ـ
| |
|
|
|
|
|
|
|
|
|
Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: عبدالوهاب علي الحاج)
|
Quote: ازيك
ياخي انت البلد دي ما كنت قاعد فيها معانا ... وعارف تماما انو الطماطم بالذات من المحاصيل الشتوية ودا ما موسمها وبتتزرع الايامات دي في بيوت زجاجية وتكييف وكهربا وسماد وبعد كدا يمكن بتترحل في عربات مبردة لمناطق الاستهلاك ودي تكلفة اضافية وايييييييك .. .يعني تكلفة انتاجها عالي جدا والداير يشتري ومن ما الله خلقنا زي الايام دي زمان لا بنشوف طماطم ولا بناكلها وانت عارف كدا كويس ....
وبالرغم من كدا دا ما سعرها الاساسي والسائد - 12 جنيه - انا قبل 4 يوم اشتريت من السوق المركزي بحري 2 كيلو بـ 6 جنيه وكل يوم عندها سعر وخاضعة للعرض والطلب اها اليومين دي دستة البرتقال البلدي بـ 2 جنيه والمستورد دستتو بـ 4 جنيه في حين انو الـ 12 ليمونة بـ 6 جنيه برضو عرض وطلب ...
وتحياتي |
وهبة العزيز سلامات .. قفلت لينا بوست الشعبية وقطعت راسنا ياخ ..
يا عبدالوهاب غايتو أسعارك دي تطمئن .. ولكين ياخي لأنو أنا حياتي كلها يا إما نشتري طماطم رخيص يا إما يكون معدوم عشان كده حكاية الـ 12 ألف دي فورت لي دمي .. أخير يكون معدوم عديل ..
طبعآ الشغلانة بتاعة الآلاف دي بتزيد نار الغضب حطب .. بعدين يا عبدالوهاب إنت لو تلاحظ إنو أساسآ نحن عندنا وفرة يعني تمسك أي خضار بلقاهو مالي السوق بكميات مهولة لا تتناسب مع سعره .. ياخي خاصة الخضار ده ـ يعني معناها التجارة فيها جشع شديد ..
وتاني شئ الزراعة هنا ليست في الهواء الطلق بل برضو في تلك البيوت المكيفة وبيصرفوا عليها ترحيل وأي شئ وزايدين عليها تعبئة وديباجات ونظافة وضرائب وغيرها.. وبعد كده بيشتريها المواطن بنصف الـ12 ألف دي ـ كسقف أعلي .. أما في أسواق الأحد بتاعة السهلة ساي زي بتاعتنا فالحكاية تقرب تبقي مجان ..
| |
|
|
|
|
|
|
|
|
|
Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: Nasr)
|
Quote: قبل سنتين سألت إقتصادي (رحمه الله ) ليه السودان أغلى من أمريكا???
قال لى إنت ما قريت إقتصاد !!! الضرائب
الضرائب تؤدى لإرتفاع كل السلع
و لا تتساوى و لا من قريب بما تقدم الحكومة من خدمات (بتكون شايف الخريف والمصارف)
سألت الضابط الإدارى لماذا المدينة بهذا القدر من الوساخة??? قروش مافى??? ضحك وقال أن ربطهم اليومى من قبانة وضرائب 10 مليون, قلت ليه بمليونين أخلى ليك البلد دى أنظف من لندن, قال بس الخدمات ما هى الأولوبة... طيب والأولوية شنو????? قال الأمن والسياسة
حاجة مهمة
الأمن مقصود بيهو السلطة مش المواطن |
الأخ نصر : الضرائب هنا تصل لـ50% من الدخل ـ ومافي زول بيشتكي منها ..
الأمن ضروري عشان الناس زاتها تطمئن وتنتج ـ مش الناس قاعدين في بيوتهم فجأة تجيهم لاندكروزرات من حدود تشاد مدججة بالسلاح ويقعدوا يشتغلوا في الناس ضرب نار !! .. في جوبا لأنو المواطن ما آمن أسعار السلع أضعاف مضاعفة .. وأي سلطة تترصدها قوي مسلحة أكيد حتتدرع بتشديد الأمن .. والقوي المترصدة ذاتها إذا نجحت في استلام السلطة برضو حتنفق كل قدراتها لتأمين سلطاتها .. وهكذا دواليك ..
وأكبر دولة بتنفق علي الـ homeland security بتاعها هي الولايات المتحدة معقل الحريات التي تعيش فيها وهي التي غزت العالم وخاضتها حروب لا نهائية عشان أمنها .. لغاية ما فلست .. إنت هناك لو قعدت ساكت تأكل عيشك وعايش في الضري ما بتجيك عوجة من السلطة، إلا تجيك رصاصة من العصابات واللصوص ـ لكين لوقعدت تفرفر وتهابش في سياسة اللحم الحي بتمشي غوانتنامو ..
.
.
نحن نحتاج لآليات تقضي علي الجشع والفساد ـ جشع التجار وفساد السلطات ..
| |
|
|
|
|
|
|
|
|
|
Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: Munir)
|
منير ..
مع الامطار الشديده الكانت الايام الفاتت دي .. عندي ليك بشاره مباااااالغه ..
كيلو الطماطم بقى بي 12 الف , ولما سالت البائع ليه ؟؟ قال لي والله يا بت اخوي مافي عربيه خدار دخلت الخرطوم من يومين والسبب المره الشديده والطرق المقطوعه ...!!!
طيب يا عمو مش الطماطم المفروشه دي اصلا انت دفعت تمنها وسعرتها بالسعر القديم قبل المطره ما تنزل ؟؟؟ قال لي : ايوه لكن الطماطم اسي معدومه ...!!!
ما قدرت اواصل نقاشي مع البائع .. ما عرفت هو جاني ولا ضحيه كده زينا ...
يا منير .. الليمنوتين بي خمسميه جنيه ...
يعني مع الصيام دا كبايه عصير ليمون بعد الفطور ممكن تكلفك حق تذكره للقطينه ...
كان الله في العون ...
| |
|
|
|
|
|
|
|
|
|
Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: داليا الكباشى)
|
Quote: يا منير .. الليمنوتين بي خمسميه جنيه ...
يعني مع الصيام دا كبايه عصير ليمون بعد الفطور ممكن تكلفك حق تذكره للقطينه ... |
ياداليا كدي راجعي الاسعار الجابها عبدالوهاب فوق ديك .. وأعملي لينا check في السوق المركزي يمكن أسواق الأحياء دي بتبالغ ..
بالله التذكرة للقطينة بـ 500 جنيه؟؟ .. بالمناسبة تذكرة بص مواصلات داخلية هنا بـ 1.6 يورو يعني 5633.89 جنيه (حسب سعر الصرف في هذه اللحظة).. ممكن تستعمليها في تنقلك داخل المدينة من بص لبص لمدة ساعة ..
| |
|
|
|
|
|
|
|
|
|
Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: Munir)
|
البندورة (الطماطم) غذاء و دواء موقع وين 2009-07-05 12:52:17  الصورة من موقع أخر عن مصدرها* المحتويات: - تحتوي البندورة على سكريات (سكروز، فركتوز، رافينوز، فرباسكوز)، مواد بكتينية وآزوتية، مواد قلوية، ألياف، أحماض عضوية، مواد معدنية وفيتامينات وهي غنية بشكل خاص بالفيتامين C. - وفي بذور البندورة كمية محترمة من البروتينات (32%) تحتوي على ثمانية عشر من الأحماض الأمينية الضرورية للجسم (تشكل غذاء كاملاً). - كما أن زراعة البندورة في البيوت الزجاجية والخيم البلاستيكية تفقدها الكثير من العناصر المفيدة خاصة الفيتامينات. * الفوائد والاستعمالات: - إن اللون الأحمر الذي يجمل حبة البندورة ناتج عن مادة كاروتينية تعرف بالليكوبين (Lycopene) وتعتبر من أهم المواد المضادة للأكسدة. - وللحصول على أكبر قدر من هذه المادة يجب تناول البندورة مطهوة (أو مسخنة) لأن مادة الليكوبين يتم استخراجها من البندورة بواسطة الحرارة. - وإضافة كمية من الزيت إلى البندورة تسهل عملية امتصاص الليكوبين منها داخل الجسم. لذلك تعتبر أنواع الحساء واليخنة التي تضاف فيها البندورة إلى بعض الخضار مفيدة.. حتى أن الكاتشاب الذي يستعمل على نطاق واسع في المأكولات السريعة والبيتزا نغفر بعض ذنوبه لأنه يحتوي على كمية كبيرة من البندورة المطبوخة. - تفيد نتائج بعض الأبحاث العلمية أن مادة الليكوبين فعالة في تخفيض خطر الإصابة بسرطان البروستات بنسبة 35% لأولئك الذين يتناولون البندورة عشر مرات في الأسبوع. وتساهم البندورة في تخفيض خطر الإصابة بسرطان المعدة والقولون والمعي. - وتفيد دراسة أخرى بأن الجسم الذي يحصل على كفايته من الليكوبين يتجنب خطر الإصابة بالسكتة القلبية بنسبة 50%. * طريقة الاستهلاك: - يتم تناول البندورة طازجة، مطهوة، مشوية أو كجزء من السلطة. - البندورة المعلبة تحتوي على نفس العناصر النافعة إلا أنها تفقد الفيتامين C وجزءاً من الكاروتين (يفضل استعمال البندورة المعلبة في عبوات زجاجية). - عصير البندورة مفيد وهو خيار جيد لمن يريد أن يروي عطشه إلا أنه غني بملح الصوديوم فيجب على أولئك الذين يعانون من ارتفاع الضغط أن ينتبهوا لذلك. - أما البندورة المجففة في الشمس وتلك المطحونة كبودرة فتعتبر من الخيارات الجيدة http://www.wen.co.il/newsview.php?type=125&NewsID=15097
| |
|
|
|
|
|
|
|
|
|
Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: Maawya Hussein)
|
Quote: دينق .. الاعصاب نجيبها من وين ياخ ـ نقول ليكم 12 ألف تقول لي بشاشا وهامش ومركز ؟..
يادينق قصة هامش ومركز دي ذاتها الخالقة المشاكل دي كلها .. ياخي نحن اتربينا في قلب المركز وحياتنا كلها عشاناها هامش !! .. عكسك إنت يا فردة من الهامش المزعوم حسب تصنيفك وعشت حياة مركزية مية المية .. دعاوي التهميش دي دعاية سياسية شغالين فيها ناس بغرض السلطة ولقوها اقصر طريق للقصر الجمهوري ..
كدي عليك الله يادينق خليها مستورة ساي ..
وآسف علي التسخينة ويعود رمضان علينا وعليك بالخير والبركة ..
وشكرآ علي النفس الهادئ والدعوات الطيبات ـ وكده بيسحروك ياخ |
يا طمطم (منير)
مش قالو نبي المسلمين كان يصوم ويفطر على بلح ؟
أنت مالك ومال الطماطم ؟
هي لله هي لله لا للطماطم ولا للجاه .
بعدين شايف حساباتك كلها بقت يورو في يورو ، يا حليل ديناركم اللي أكلو جنيه نيفاشا.
| |
|
|
|
|
|
|
|
|
|
Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: Munir)
|
Quote: طبعاً ده هو اس المشكلة فلولا وجود الحكومة في السودان لعاش الناس في ثبات ونبات..
فالجبايات وتعددها وتنوعها بأسماء ما أنزل الله بها من سلطان هذا إضافةً لكثرة مبالغها والغلظة في جمعها
هي ما أذل الشعب السوداني وأحال حياتة لجحيم..
والغريبة أن دخل السودان من هذه الجبايات قد يفوق دخل دول الخليج مجتمعة ولكنه يصرف على راحة المسئولين والوزراء والولاة والمعتمدين وأبنائهم واسرهم غيرهم من صبية وانتهازية الجبهة ولاعزاء للشعب السوداني الفضل..
ياخ من فرضوا هذه الرسوم وبددوا أموال الشعب السوداني وأذلوه نسأل الله أن يخسف بهم الأرض..
تعرفوا ياشباب أي برنامج انتخابي يركز على هذه الرسوم وكشف من بددها والتعهد بالغائها كفيل باسقاط البشير في الانتخابات القادمة..
فلتكن هذه الرسوم والجبايات مدخلنا لاسقاط النظام لأنها افقرت وأذلت أهلينا وقفزت بشذاذ الأفاق ممن يقتاتون على تعب الشعب بدون أي مجهود من كيزان وجبهجية..
كترت عليكم لكن معليش .. زعلان شديد |
الله أكرم يا عثمان جلال الدين ..
الجبايات والرسوم المقرونة بعدم رضا المواطن، والتي يري المواطن أثرها منعكسآ في شكل رفاهية للآخرين، تتراكم آثارها النفسية علي المواطن حتي تنفجر ثورة عارمة !!! .. وشعبنا ليس مغرمآ بالولاءات السياسية الآن بقدر انشغاله بلقمة عيشه .. وحينما تتناوشه الحكومة من هنا وهناك وتنتزع لقمة عيشه من السلع الرخيصة لتسخرها لراحة المسئولين الذين يريدون أن يؤسسوا مكاتبهم بفخامة مستوي دول العالم المتقدم، تنشأ فجوة غير منطقية بين الراعي والرعية تؤدي لجفوة تنفجر حتمآ يومآ ما !!..
.
.
.
دايمآ يا حبيب، رغم الزعل، اكتب مداخلاتك كآخر مداخلة عشان تنشاف ..
| |
|
|
|
|
|
|
|
|
|
Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: Munir)
|
منير والحضور سلامات ...
معروف إنو الطماطم شتوي لكن هذا لا يبرر أن يكون الكيلو بـ 12 جنيه في الصيف، يعني الأموال الصرفت في النفرة والنهضة وكل المسميات العجيبة دي كانت كفيلة بتأسيس آلاف البيوت المحمية والتي تنتج المحصول خارج موسمه المعتاد، وهي مكلفة فـ (الصوبات أو البيوت المحمية) عند الإنشاء ولكن التكلفة التشغلية معقولة والصوبة الواحدة مساحتها 8*40 م بتكلف حوالي 24000 ألف جنيه بي تركيبها وممكن تقل هذه التكلفة في حال إستخدام مواد محلية في إنشاء الصوبة....
ده فيما يخص الطماطم...
| Quote: يادينق قصة هامش ومركز دي ذاتها الخالقة المشاكل دي كلها .. ياخي نحن اتربينا في قلب المركز وحياتنا كلها عشاناها هامش !! .. عكسك إنت يا فردة من الهامش المزعوم حسب تصنيفك وعشت حياة مركزية مية المية |
وفي دي يا منير الهامش/مركز هي نتيجة لوضعية قائمة وأظنك تعاملت معها كما يتعامل معها الكثيرين في الفترة الأخيرة فالمركز أو الهامش ليس بإعتبار الجغرافيا ... المركز عبارة عن مركز ثقافي مفاهيمي أيدولوجي .... والهامش هو رد فعل تجاه المركز ... وإن بقت المسألة جغرافيا لكانت الأبيض هي مركز السودان.......
ورمضان كريم
| |
|
|
|
|
|
|
|
|
|
Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: بشري الطيب)
|
Quote: (جدول 3) محاصيل الخضر المستخدمة في زراعة أسطح المنازل
المحصول ميعاد الزراعة طريقة الزراعة ميعاد الحصاد الأصناف
1- الطماطم محصول صيفى يزرع طوال السنةوفى الأشهر الباردة يتم حمايتها من البرودة بالتغطية بالبلاستيك الزراعة بالشتلات المسافة بين النباتات 25-35 سم
حسب الأصناف بعد حوالى 80 – 85 يوم من زراعة الشتلة ويستمرالحصاد لمدة شهر إلى شهر ونصف 1- كاسل روك
2- سوبر رد
3- جى أس 12 |
المرجع
http://www.alkherat.com/vb/showthread.php?t=792
صيفي هنا تعني أنّ الغالب في الصيف والطقس الدافي ما دون ال35 درجة مئوية وما فوق ال15 درجة مئوية وله ثلاث أو أربع عروات وخيرها التي هي في الصيف المبكر والصيف الدافئ والخريف
فالطماطم لا تستحمل البرد لذلك تزرع في أوروبا طيلة العام في في المنازل الزجاجية greenhouse
| |
|
|
|
|
|
|
|
|
|
Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: Frankly)
|
Quote: (جدول 3) محاصيل الخضر المستخدمة في زراعة أسطح المنازل
المحصول ميعاد الزراعة طريقة الزراعة ميعاد الحصاد الأصناف
1- الطماطم محصول صيفى يزرع طوال السنةوفى الأشهر الباردة يتم حمايتها من البرودة بالتغطية بالبلاستيك الزراعة بالشتلات المسافة بين النباتات 25-35 سم
حسب الأصناف بعد حوالى 80 – 85 يوم من زراعة الشتلة ويستمرالحصاد لمدة شهر إلى شهر ونصف 1- كاسل روك
2- سوبر رد
3- جى أس 12
المرجع
http://www.alkherat.com/vb/showthread.php?t=792
صيفي هنا تعني أنّ الغالب في الصيف والطقس الدافي ما دون ال35 درجة مئوية وما فوق ال15 درجة مئوية وله ثلاث أو أربع عروات وخيرها التي هي في الصيف المبكر والصيف الدافئ والخريف
فالطماطم لا تستحمل البرد لذلك تزرع في أوروبا طيلة العام في في المنازل الزجاجية greenhouse |
هناك فرق بين الشتاء في السودان والشتاء في أروبا وهذه من البديهيات يعني أقل درجة حرارة في شتاء السودان سجلتها دنقلا كانت 8 درجات وكانت حالة نادرة بينما مثل هذه الدرجة في أروبا عادية والصيف في السودان لا تقل درجته عن 35 فيبقى كلام المرجع بتاعك ده ما بينفع معانا هنا... وكلامي عن أن الطماطم شتوي هو نتاج تجارب ودراسة وليس إلقاء للقول على عواهنه.
| |
|
|
|
|
|
|
|
|
|
Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: بشري الطيب)
|
Quote: وفي دي يا منير الهامش/مركز هي نتيجة لوضعية قائمة وأظنك تعاملت معها كما يتعامل معها الكثيرين في الفترة الأخيرة فالمركز أو الهامش ليس بإعتبار الجغرافيا ... المركز عبارة عن مركز ثقافي مفاهيمي أيدولوجي .... والهامش هو رد فعل تجاه المركز ... وإن بقت المسألة جغرافيا لكانت الأبيض هي مركز السودان.......
ورمضان كريم |
بشري الطيب سلامات ..
قضية المركز والهامش دي قتلناها نقاشآ مع مخترع العبارة د. ابكرآدم اسماعيل : ابكرآدم اسماعيل: حول المركزوالهامش
أولآ نتعامل في هذا المنبر مع هذه العبارة من منطلق جهوي وقبلي لأن دعاة التهميش هم من طرحوا هذا المفهوم .. وشويةشوية حصروا المركز في أهل الشمال والوسط بصفة إثنية ثم ضيقوها حتي حصروها في قبائل الشايقية والجعليين والدناقلة ..
ثانيآ الجنوبيين يعتبرون المركز هو اسلام وعروبة وعازفين علي الوتر ده .. ولاحقآ التقط الافريقانيون العبارة وشالوا منها الاسلام وبقوا يعزفوا علي وتر العروبة ـ فأصبحت العروبة والعمل في السعودية مذمة وإنو نحن في السعودية عبيد وفي الغرب أحرار .. ده هو الخلي الصراع يتحول لحزازات بين العرب وغير العرب لدرجة إنو حتي نوبيو الشمال ركبوا الموجة وبقوا يوصفوا وجودهم بمهمشي أقصي الشمال وهكذا ..(ركز علي أقصي الشمال دي) !!!..
طيب نجي لمفهومك إنت للتهميش والذي تقول أنه ثقافي مفاهيمي ايدلوجي .. أيدلوجي دي ممكن نصنفها ليمين ويسار .. و كلا الصنفين يعجان بأبناء جميع الجهات والقبائل وليس الإنتماء مقرون بالثروة والثقافة فالكيزان والشيوعيين فيهم اعضاء في غاية الثراء وآخرين في فقر مدقع وفيهم الذي أصوله عربية والذي اصوله افريقية . خليل ابراهيم كوز وعبدالواحد يساري و..و.
إذن أيدلوجية دي ما عندها علاقة بالتهميش المزعوم ..
نجي للثقافة .. المعروف أن المقصود هو الثقافة العربية .. كدي وريني ماهو البديل للثقافة العربية الذي يمكن تجميع كيان السودان المتنوع الثقافات والأعراق؟؟ علمآ بأن العرب والمنتمين للعروبة هم أغلبية السكان ـ امسك عندك الشمال: كل جنوب الشمال عرب، أو علي الأقل لا يعادون العروبة .. امسك الشرق : نصف سكانه عرب .. دارفور نصفها عرب .. كردفان غالبيتها العظمي عرب ـ الوسط غالبيته العظمي عرب .. إذن ماالذي يدعونا لتفكيك هذه الثقافة واستعدائها وضربها من الداخل من أجل ثقافات متنافرة في اقاصي الأطراف ووجودها الأساسي إمتداد لدول الجوار ؟؟ .. وأكبر مثال لها ثقافة الزغاوة التي تتزعم تمرد دارفور في الحرب ومفاوضات السلام !!!! وولاؤهم الرئيسي لتشاد حيث هم هناك مركزيون مهيمنون علي السلطة وخليل ابراهيم بقواته يحارب مع ادريس دبي من منطلق قبائلي ..
إذن مهما كانت الحقيقة مرة علي بعض الحلاقيم فالثقافة العربية هي المكون الأساسي لمعظم أهل السودان ومحاربتها ومحاولة قهرها بدعاوي التهميش يعتبر هدم لأساس الدولة ..
أنظر لغياب الثقافة العربية في الجنوب وتأمل ماذا سيكون القاسم الثقافي المشترك الأعظم بين قبائل الجنوب .. حتقول الدولة ستتبني اللغة الإنجليزية مثلآ كلغة رئيسية و..و.. إلخ .. أها أهل الجنوب ديل كانوا دافنين صرتهم في لندن؟؟ !!! ..
والله أكرم
| |
|
|
|
|
|
|
|
|
|
Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: Munir)
|
الزراعة المنزلية (حديقة المطبخ)
تصميم حديقة خضراوات
من ويكيبيديا، الموسوعة الحرة
مقدمة تتميز الخضروات بقيمة غذائية عالية وهي تعد رخيصة الثمن مقارنة بقيمتها الغذائية ، إلا انها تحتوي على نسبة عالية من الماء تتراوح بين 90-95 % ، لذلك فهي سريعة التعرض للتلف والتلوث بالبكتيريا والعفن ، وأيضا تحتاج إلى عناية في التعبئة والشحن النقل والتوزيع . ولأنها دخلت إلى جميع مطابخ العالم كمادة غذائية رئيسة ، حيث أنها متنوعة وموسمها الزراعي قصير ، فمن الممكن ومن السهولة أن يتم إنشاء حديقة منزلية في كل منزل خاصة للخضار وتلبي احتياجات المطبخ.
محتويات [إخفاء]
1 تعريف الخضروات
2 أهمية نباتات الخضار في حديقة المنزل
3 القيمة الغذائية للخضراوات
4 العوامل المؤثرة في زراعة الخضروات
5 قواعد تصميم وتنظيم زراعة الخضار في الحديقة المنزلية
6 زراعة نباتات الخضروات (إرشادات)
7 عمليات الخدمة لما بعد الزراعة
8 تقسيم نباتات الخضراوات
9 طرق إكثار الخضروات
10 حصاد الخضروات
11 بعض نباتات حديقة الخضار
12 المصادر
[عدل]تعريف الخضروات
هي نباتات عشبية أغلبها حولي وبعضها ذو حولين والقليل منها ممعمر، تختلف فيما بينها بالجزء الذي يستفاد منه في تغذية الإنسان، فيبعضها يزرع للاستفادة من أوراقه ، وبعضها من أزهاره أو أوراقه ومجموعه الخضري وبعضها من جذوره ودرناته.
[عدل]أهمية نباتات الخضار في حديقة المنزل
تكمن أهمية حديقة المطبخ بأنها:
تمد الأسرة بكافة احتياجاتها من الخضار على مدار العام.
توفير الجهد والوقت لإحضارها من الأسواق
تكون طازجة بدرجة لا تتوفر في الخضروات التي تشترى من السوق
وجود خضراوات غير شائعة وغير موجودة بالسوق
متعة ذهنية ونفسية خلال الزراعة والاعتناء بالمزروعات ، حفظ أوقات الفراغ
التوفير المادي حيث تكون التكلفة أقل من شراءها من الأسواق، فالأسواق تضيف أجور النقل والتسويق والربح للبائع
[عدل]القيمة الغذائية للخضراوات
من الفوائد للخضراوات هي أنها :
تحوي مواد غذائية منوعة يحتاجها الجسم البشري مثل المواد النشوية والدهنية والبروتينية والملاح والفيتامينات
وجود الألياف بنسب عالية في الخضار ينشط المعدة ويسهل من عملية الهضم وبالتالي التقليل من الإمساك.
تمد الجسم بالماء ، حيث أن نسبته عالية في الخضار
[عدل]العوامل المؤثرة في زراعة الخضروات
الموقع:
درجة الحرارة
الضوء
الرطوبة
الرياح
الهواء الجوي ( التهوية)
تأثير التربة الزراعية
[عدل]قواعد تصميم وتنظيم زراعة الخضار في الحديقة المنزلية
توفير سور أو سياج للحماية من الحيوانات والأطفال.
مصدات للرياح من الجهات التي تهب منها الرياح ويفضل أن تكون مصدات نباتية.
إضافة طبقة من التراب إلى التربة الغير عميقة حتى تصل إلى ارتفاع 40-50 سم على الأقل.
استبدال التربة بتربة خصبة زراعية إذا كانت التربة الأصلية متدنية كان تكون كلسيه أو بيضاء أو غير زراعية.
إضافة الأسمدة العضوية المختمرة من اجل تحسين خواص التربة.
توفير منبت مناسب إذا كانت عملية زراعة الخضار ستتم بصورة مستمرة .
تقسيم الحديقة ; أي تخصيص منطقة للزراعة بأحواض وأخرى للزراعة بأثلام وغيرها مع مراعاة إجراء التبديل بين فترة وأخرى.
[عدل]زراعة نباتات الخضروات (إرشادات)
طرق الزراعة : تكون الزراعة في أثلام ( الفاصوليا ،الكوسا ،البندورة ،الباذنجان) حيث تزرع البذور أو الأشتال في الثلث العلوي للخط ،أو في أحواض مستوية بنثر البذور بانتظام على سطح التربة في الحوض ( مثل السبانخ ،الفجل ،الجزر). (انظر الصورة في الأسفل)
عمق الزراعة للبذور: البذور الصغيرة مثل الخس تزرع على عمق 0.5-1.0 سم ، أما البذور الكبيرة كالبطيخ الكوسا تزرع على عمق 2-5 سم.لكن في الأراضي ذات القوام الخفيف تزرع على عمق أكبر في الأراضي الثقيلة لنمو أكبر.
مسافات الزراعة : تتوقف المسافات على نوع التربة وموعد الزراعة وطبيعة الزراعة سواء كانت بعلية أو مروية.
مواعيد الزراعة : وتعتمد أيضا على نوع النبات والظروف الجوية السائدة في منطقة الزراعة، فالمحاصيل الشتوية تزرع في الخريف ،أما الصيفية فتزرع في الربيع بعد انحسار الفترة الباردة
التشتيل :يفضل الزراعة في المشاتل أولا حيث تتوفر العناية اللازمة لها بوقت وجهد وتكلفة أقل. ويجب الحرص عند النقل على عدم إيذاء الأشتال . ويمكن استخدام البتموس الزراعي لزراعة أشتال النباتات التي لا تحتمل السلت ( سحب الشتلة من التربة) ، مثل العائلة القثائية.ويتم الري الغزير قبل 24 ساعة من عملية النقل لتسهيل السلت.
الأدوات اللازمة للزراعة : المجرفة ،المشط ،العربة ،الفأس ،المنكاش ،الكرك ،القفة ،الشوكة ، وغيرها من الأدوات المعروفة.
[عدل]عمليات الخدمة لما بعد الزراعة
تحتاج المزروعات الخضرية إلى بعض الخدمات الزراعة مثل:
الري : وذلك لغاية مستوى السعة الحقلية للرطوبة الأرضية ، وهناك عوامل تؤثر على كمية الماء وفترات الري ، مثل ،نوع المحصول ،نوع التربة ،مراحل النمو للنبات ، الظروف الجوية(الدافئة والباردة ) ،والكثافة الزراعية.
التسميد : مثل إضافة الأسمدة الفوسفاتية قبل الزراعة من أجل الإزهار وتكوين النبات ، أو الأسمدة النيتروجينية بعد الزراعة وذلك لتشجيع النمو الخضري للنبات.
العزيق (النكش) : وذلك لإزالة الأعشاب والحشائش التي تنافس النبات على عناصر النمو، وحفظ الرطوبة ،وتهوية الطبقة السطحية في التربة.
الخف (التفريد) : أي إبقاء بادرة نامية واحدة في الجورة الواحدة لنمو أفضل.
الترقيع : وذلك بإعادة زراعة النباتات التي لم تنبت ، ويفضل الاسراع بذلك حتى لتجنب الفروق الكبيرة في النمو.
وقاية نباتات الخضروات من الآفات الزراعية يجب القيام بإجراء عمليات المكافحة للآفات الزراعية سواء الوقائية أو العلاجية لحماية النبات والإنتاج ،وفيما يلي بعضا منها وطرق علاجها :
الأمراض النباتية : ومنها الأمراض الفيروسية وتكافح بزراعة الأصناف المقاومة لها ، والأمراض البكتيرية وتعالج بالمطهرات الكيماوية المناسبة ،والأمراض الفطرية مثل البياض الدقيقي واللفحة وتعالج بالرش بالمبيدات المناسبة والتعفير بالكبريت.
الحشرات : وتكافح بالرش بالمبيدات الحشرية والتعقيم الشمسي ومن أنواعها الحشرات الماصة(المن والتربس) ،الحشرات القارضة (الديدان) ،والحشرات الأرضية (الديدان الثعبانية –النيماتودا-)
[عدل]تقسيم نباتات الخضراوات
هناك عدة طرق لتقسيم نباتات الخضروات نذكر منها 3 تصنيفات وهي :
التقسيم النباتي : حسب ذوات الفلقة الواحدة Monocotyledonae مثل الذرة والبصل ،وذوات القلقتين Dicotyledonae مثل البطاطا البندورة والفول والجزر والملوخية.
التقسيم حسب الجزء الذي يؤكل منها : مثل نباتات الجذور ( الجزر والفجل ) ونباتات الاوراق ( الخس والملفوف) .
التقسيم حسب الاحتياجات الحرارية : أي الصيفية والشتوية من الخضار ، حيث النباتات الشتوية تكون صلبة تتحمل البرد مثل الفول ،الملفوف ،الثوم ،البصل ،البقدونس ،البازيلاء الفجل ،السبانخ ،اللفت ،الخس. أما النباتات الصيفية فتكون غضة مثل ، اللوبيا ،الفاصوليا
،الذرة الحلوة ،البندورة ،الخيار ،الباذنجان ،الشمام ،الفلفل ،الباميا ،الكوسا ،البطيخ ،الفقوس ،الملوخية
[عدل]طرق إكثار الخضروات
وهي كثيرة ومتنوعة حسب نوع النبتة وموعد الإكثار منها:
استخدام البذور :
الدرنات مثل البطاطا
زراعة الأنسجة مثل البطاطا أيضا
الفسائل مثل الخرشوف والبصل والثوم
[عدل]حصاد الخضروات
وبعد الجد والعناء في الزراعة يأتي موعد القطاف والذي يحتاج أن يكون المنتج على درجة عالية من الجودة التي تشمل اللون والقوام والحجم والشكل والنكهة والمظهر العام والخلو من العيوب والقيمة الغذائية المرتفعة والنضوج التام.
ومن علامات النضوج : ظهور اللون الثمار الخاص ،والعمر المفترض ،والحجم ،والصلابة ( حيث تصبح طرية كلما اقتربت من النضج ) ،وسهولة انفصال العنق عن الثمرة ،وظهور رائحة مميزة ،وسهولة فصل القشرة عن الدرنة ،وجفاف عنق الثمرة وسهولة فصله.
[عدل]بعض نباتات حديقة الخضار
البندورة ( tomato )
الباذنجان ( eggplant )
الفلفل ( pepper)
البطاطا ( potato)
الكوسا ( squash )
الخيار ( cucumber )
البطيخ ( watermelon)
البصل ( onion)
الفاصوليا ( snap beans )
الفراولة ( strawberry)
الفجل ( radish)
السبانخ ( spinach)
الخس ( lettuce)
البقدونس ( parsley)
النعنع ( menthol)
الملوخية ]jews mallow )
[عدل]المصادر
نباتات الزينة وتنسيق الحدائق ، جواد راضي المصري ، وزارة الثقافة 2007 ، وشروع مكتبة الاسرة ومهرجان القراءة للجميع
| |
|
|
|
|
|
|
|
|
 Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: Frankly)
|
عزيزي منير ، تحياتي ورمضان كريم...وربنا يستر على كل زول كادح في بلدنا ديك...
ويأمن المساكين من بلاء وشرور الساسة الطمّاعين والتجار والخ...
قبل عام من الآن...أرسلت أول فيديو على اليوتيوب مستنكراً تبرع عمر البشير بمبلغ ضخم للمنتخب المصري
الزائر للسودان في وقت الناس فيه لأبسط تعريفة وقرش...
وقد قلت بالحرف: أتق الله يا عمر البشير
هنا:
http://www.youtube.com/watch?v=3ZbZ5M00JvI
ومنذ ذلك الحين والأمور تتكشف تباعاً...فالأمر ليس سيادة الوطن ولا عزّته ولا غيره...
ودونك تتبع ومحاسبة الفساد والمفسدين الذين يُشار أليهم بالأسم هنا:
http://www.youtube.com/watch?v=nuJCKlUwHtk
والخ...
أسأل الله العلي القدير أن يكشف لكل سوداني وسودانية هذا البلاء والغلاء الجاثم في الصدور...فهو
من عمل يد الطغمة الحاكمة في الخرطوم، ولا يهمها أرتفع سعر الطماطم أم نقص سعر البني آدم...
فالمال مكرّس لخدمتهم وأمنهم وسلامتهم وحلّهم وترحالهم...
وليرحم الله الضحايا!
لا أستثني من الساسة أحداً بالمناسبة...فهم إمّا فاسدون، أو متواطئين مع الفساد بصورة لا تخطئها العين!
تحياتي
أنور
| |
|
|
|
|
|
|
|
|
|
Re: حاجة تطمم البطن !!!.. ما الذي يجعل كيلو الطماطم في الخرطوم 4 اضعاف سعره في بروكسل ؟؟ .. (Re: AnwarKing)
|
Quote: عزيزي منير ، تحياتي ورمضان كريم...وربنا يستر على كل زول كادح في بلدنا ديك...
ويأمن المساكين من بلاء وشرور الساسة الطمّاعين والتجار والخ... |
ولدنا العزيز أنور .. عشان كده يا أنور تستفزنا الحاجات الزي دي .. يعني الفقراء عندما يتجهوا لأرخص سلعة ويعتمدوا عليها في قوت يومهم تجي تلقي سعرها خرافي لهذه الدرجة تحس بأنو في تماسيح تتصيد ضروريات الناس وتحتكرها وتتحكم فيها .. ياخي سلطة الدكوة ظلت منقذة الناس من حيرة كبيرة !..
تلاحظ الظاهرة دي في إنو الكسرة التي تعتبر طعام الفقراء اصبحت أغلي من الرغيف .. ياخي نحن زمان لو صينية الغدا فيها رغيف بلدي ساي نعتبرها رفاهية !! .. أها لييه الكسرة دي بقت أغلي من العيش بالرغم إنو الذرة في موسمها من كترتها ما بتلقي البيحصدها !!! ..
| |
|
|
|
|
|
|
| |
Munir
عكود عبد القادر عكود
البدري عبد الله
نوفل عبد الرحيم حسن
داليا الكباشى
الزوول
abubakr salih
rani
Frankly
Ahmed Osman
Abd Alla Elhabib
عبداللطيف حسن علي
jini
Mamoun Ahmed
ibrahim alnimma
haroon diyab
abdalla osman
الحاج حمد الحاج
Deng
تاج الدين عبدالله آدم
وليد عبد اللطيف
Nasr
عبدالوهاب علي الحاج
عابدون محمد عابدون
معاوية الأرباب
بريمة محمد
nazar hussien
Maawya Hussein
ناذر محمد الخليفة
بشري الطيب
AnwarKing
محمد عكاشة
علي الكرار هاشم
فيس بوك
تويتر
انستقرام
يوتيوب
بنتيريست