|
|
 الغربة سارقة الأعمار.. هل أنت قانع بها؟؟
|
هل أنت قانع أيها المغترب أو المهاجر بحياتك بعيداَ عن وطنك وأهلك وأصحابك وأقرانك وأخوانك؟؟ ..
أنضر سني العمر هي التي بين ٢٥ و٤٥ فهل أنت راضٍ عن قضائها في عزلة تأكل وتشرب وتنوم وتكبر وتشيب وتشيخ ، ثم تعود في آخر عمرك لتجد أن الحياة قد فاتتك .. ؟؟
|
|
 
|
|
|
|
|
|
|
|
Re: الغربة سارقة الأعمار.. هل أنت قانع بها؟؟ (Re: tariq)
|
يا طارق ، حميد قال :الغربة أصلو طعيمها مر لكني بقعد بالجبر .. لامن سنين الهم تمر ياربي ألزمني الصبر ..
بس يا خوي سنين الهم حينما تطول وتنقضي بعيداَ عن الديار والأهل والأخوان .. وفي الآخر الواحد يرجع كجثمان أو في أرذل العمر - ألا تعتقد أنه فعلاً فقد عمره معزولاً وفاتته الحياة السودانية والمحيط السوداني؟؟ .. اللهم إلا زولاُ يكون قلبه مات ..
| |
|
|
|
|
|
|
|
|
|
Re: الغربة سارقة الأعمار.. هل أنت قانع بها؟؟ (Re: Munir)
|
Quote: يا طارق ، حميد قال :الغربة أصلو طعيمها مر لكني بقعد بالجبر .. لامن سنين الهم تمر ياربي ألزمني الصبر ..
بس يا خوي سنين الهم حينما تطول وتنقضي بعيداَ عن الديار والأهل والأخوان .. وفي الآخر الواحد يرجع كجثمان أو في أرذل العمر - ألا تعتقد أنه فعلاً فقد عمره معزولاً وفاتته الحياة السودانية والمحيط السوداني؟؟ .. اللهم إلا زولاُ يكون قلبه مات .. |
منير ,, سلام
كلامك وقع لينا فى جرح.
بس طمئنى انو الحاجات دى بلقاها فى الوطن.
1ـ لا يضطر الإنسان ليرشى للحصول على حقوقه.
2ـ يجد الوظيفة دون حاجة الى واسطة.
3ـ يدفع الضرائب بناءا على تقدير علمى وليس عشوائي.
4 ـ يدفع الزكاة كفريضة دينية وليس بمزاج الحكومة.
5ـ البوليس يكون مصدر امن وليس مصدر خوف.
6ـ الجيش يفهم ان كلمة ياملكى ليست سبة.
7ـ الدكتور مايحنسوه عشان يجى يشوف المريض والمرأة الحامل مايلطعوها لاحدى ماتلد براها.
والباقى تموه براكم ,,
باكر دى بنجى.
| |
|
|
|
|
|
|
|
|
|
Re: الغربة سارقة الأعمار.. هل أنت قانع بها؟؟ (Re: عبدالعزيز الفاضلابى)
|
Salam
Quote: بس طمئنى انو الحاجات دى بلقاها فى الوطن.
1ـ لا يضطر الإنسان ليرشى للحصول على حقوقه.
2ـ يجد الوظيفة دون حاجة الى واسطة.
3ـ يدفع الضرائب بناءا على تقدير علمى وليس عشوائي.
4 ـ يدفع الزكاة كفريضة دينية وليس بمزاج الحكومة.
5ـ البوليس يكون مصدر امن وليس مصدر خوف.
6ـ الجيش يفهم ان كلمة ياملكى ليست سبة.
7ـ الدكتور مايحنسوه عشان يجى يشوف المريض والمرأة الحامل مايلطعوها لاحدى ماتلد براها |
.
والله ما قولتا الا الصحيح
| |
|
|
|
|
|
|
|
|
|
Re: الغربة سارقة الأعمار.. هل أنت قانع بها؟؟ (Re: mahmed alhassan)
|
Quote: بس طمئنى انو الحاجات دى بلقاها فى الوطن.
1ـ لا يضطر الإنسان ليرشى للحصول على حقوقه.
2ـ يجد الوظيفة دون حاجة الى واسطة.
3ـ يدفع الضرائب بناءا على تقدير علمى وليس عشوائي.
4 ـ يدفع الزكاة كفريضة دينية وليس بمزاج الحكومة.
5ـ البوليس يكون مصدر امن وليس مصدر خوف.
6ـ الجيش يفهم ان كلمة ياملكى ليست سبة.
7ـ الدكتور مايحنسوه عشان يجى يشوف المريض والمرأة الحامل مايلطعوها لاحدى ماتلد براها.
والباقى تموه براكم ,, |
يازول اول حاجة الغربة ما بالخاطر والله
ياخى الواحد بيت يلمو هو وعياله ما عندو
يرجع كيفن بس
اوع تقول لي يرجع يشترى بيت واظنك عارف اسعار البيوت كيف ودى ما بقدر عليها مغترب عادى الا مغترب سيوبر
وبعدين لقمة العيش الكريمة دى اهم حاجة
ياخى الاغتراب ده ورطه بت كلب والله
دعواتك لينا ربنا يتوب علينا ويفكنا منو بس
| |
|
|
|
|
|
|
|
|
|
Re: الغربة سارقة الأعمار.. هل أنت قانع بها؟؟ (Re: mahmed alhassan)
|
كل عام وأنت بخير يا منير
بوست أنا شخصيا يهمني جدا لست لأنني من المغتربين والحمدلله ولكنني من المهمومين برجوع المغترب الى بلاده
لاحظت أن الإخوة المغتربين يتحسسون جدا حينما نتحدث عن رجوعهم ويجاوبنك كما فعل أحد الإخوة ، لهم مطالب ويحلمون بمثالية لكن للأسف لا يريدون أن يشاركوا فى خلق هذه المثالية بل الرضا بالقوالب الجاهزة من سعادة وراحة للمواطن
في إعتقادي الشخصي الحياة ليس رحلة سهله وليست مجرد أن تأكل وتشرب وتتمتع بإمتيازات الرفاهية المدنية إنما هي أن تصارع من أجل أن تحقق هذه الرفاهيه ولا أعتقد ستشعر بهذه الرفاهية إلا حينما تكون من صنعك ومن تصميمك الشخصي وليس أن تمنح لك جاهزة
الان إذا عانى المغترب - وأعلم الكثيرون يعانون غير الضغط النفسي الضغط المعيشي أيضا ويتحايلون على القانون لكيما لا يرجعوا ، ويتواكلون على بعضهم لكيما لا يعاودوا النضال فى السودان - هؤلاء إذا منحت لهم الرفاهية ونُزعت منهم لن يتحملوا الكفاح من أجل إستعادتها وسيبحث عن بلاد أخرى ليجد فيها رفاهيته . ولن يعرف معنى الرفاهية فى يوم أو لقمة العيش والنعيم إلا حينما يكافح من أجل إستعادتها كحق يمنح له غصباً
للأسف نتحدث عن السودان والفساد المستشري فيه كأنما نحن لسنا جزء منه ، أو كأنما من يعيشون الآن فى السودان ليسم بأهالينا . إذا كنت تطالب بحقك فى المصالح الحكومية وتريد الأ ترشي أحدهم فلا تفعل لأنه قانونيا وأخلاقيا فعل مشين إذن هذه ثقافة يجب أن تكافحها ولا ترضاها لغيرك ولا تساهم فيها لكيما تستشري .. وهذه مشكلة أننا نعزز من الخطأ ونشد على يديه ونجد تبرير لمن يفعلونه ولأنفسنا أيضاً.. فلا يصح إلا الصحيح
المجتمعات التي يتغرب فيها أهلي السودانيين لم يساهموا ولم يعرفوا كيف صارع المجتمع فى بنائها ، وكيف نضالوا لتطبيق هذه القوانين فالوعي والسلام الذين ينعمون فيه كان بمراحل وبتدرج وصبر وكفاح لكيما يسود فى مجتمعاتهم ، إذن إذا ثلاثة أرباع الشعب السوداني خارج بلاده من سيحقق مثل هذه إنجازات فى دولتنا ، من سيطبق ويحارب لإشاعة الأمن والمطالبة بالحقوق إذا لم نعود ونفكر ونتعب حتى نحصد الراحة ؟ هل المصريين والأحباش والوافدين الى السودان لهم الحق فى ذلك هم أيضا جاءوا للبلاد لغرض أساسي وسيرحلون وقد يشيعون فوضى وبؤس ووبال على ما نحن فيه
سادتي لا تنظروا للغربة من منطلق خلاص ولكن إعلموا أن الخلاص ليس فى الهروب أو إيجاد الحلول السهلة إنما الخلاص فى التفكير من أن نبني لأنفسنا وأهلينا والأجيال القادمة مستقبل جميل. حتى هؤلاء الصغار يصارعون الغربة وحينما يعودون سينفصلون بمناخ تربيتهم وما نشأوا عليه عما يرونه فى المجتمع وأول من سيلومونه هو أنت أيها الأب ورب الأسرة سيحاسبونك أنك تركت هذه البلاد تضيع وتستشري فيها الكلاب وكان يمكننا تدارك الأمر كأيادي تعمل دون كلل أو ملل.
للأسف أستاذ منير كتبت موضوع إسمه الإغتراب أم الإنسحاب وبلورت فيه أسفي على غربتنا ولكن إعترض القوم وكالعادة يرون أنفسهم أنبياء والخطأ ليس خطأهم .. في ذات يوم قد تقرأه فى أونلاين
كل التقدير
| |
|
|
|
|
|
|
|
|
|
Re: الغربة سارقة الأعمار.. هل أنت قانع بها؟؟ (Re: بكري عباس علي)
|
Quote: هل أنت قانع أيها المغترب أو المهاجر بحياتك بعيداَ عن وطنك وأهلك وأصحابك وأقرانك وأخوانك؟؟ ..
|
اخى منير تحياتى
تشكر على هذا البوست الهام فى حياة الاخوان المغتربين
والله يا منير
الغربه تجعلك غريبا بين اصدقاائك ولا تجد من يعينك
الغربه طعمه مر والمرااره قد تزدااد بالأختنااق حين يصيبك
حين تبحث عمن تذهب اليه وخااصه فى المنااسبات والأعيااد
تجد نفسك تدور حولك ولا تجد بصيصا من نوور ولا امل
الغربه تقتلك وتقتل احااسيسك حين تشتااق ويعتصرك الحنين للأحبااب
والأهل والأصدقاااء الذين كبرت معهم وسااندوك دوما
الغربه كلمه صعبه ومعنااها اصعب وقد لا تفهمها فى اعمااقك بكل سهووله
الغربه هى سبب دموعك وحزنك وهى سبب المك واهاااتك
وقد لا تجد من يحس باحسااسك الا من عااش الغربه واشتااق الحنين
اسال الله ان يرجع كل مغترب الى احباابه ووطنه
والله غالب اخى منير
| |
|
|
|
|
|
|
|
|
|
Re: الغربة سارقة الأعمار.. هل أنت قانع بها؟؟ (Re: خالد درق)
|
تحياتي عبد العزيز الفاضلابي
وكتر خيرك على الإهتمام والرد وطبعا بقولوا الإيده فى الموية ما زي الإيده فى النار وإنته العارفين حال المغتربين والله يعينكم
وإن إختلفنا في وجهات النظر التي لا أرى أننا مختلفين فيها فإنني أشد على يد من بالداخل والخارج ليسوا كافراد فقط إنما كعصبة كبيرة لإعطاء المسؤولية المجتمعية حقهاحتى وإن ساد الفساد ..
وعلى فكرة لقد أرسلت المقال ..
كل التقدير
| |
|
|
|
|
|
|
|
|
|
Re: الغربة سارقة الأعمار.. هل أنت قانع بها؟؟ (Re: ملاذ حسين خوجلي)
|
| Quote: وعلى فكرة لقد أرسلت المقال .. |
تسلمى ياملاذ.
قرأته وقمت بطباعته ,, وسأقوم بقراءته بتأنى مرة اخرى ومن ثم مناقشته مع ابنى خالد فبعض اجزاء المقال تهمه وسابعث لك برأيي ورأيه.
واقترح عليك طرحه فى المنبر العام سواءا فى بوست منفصل او فى هذا البوست او فى بوست الأخ بكرى عباس لتعم الفائدة.
لك الشكر مرة أخرى
| |
|
|
|
|
|
|
|
|
|
Re: الغربة سارقة الأعمار.. هل أنت قانع بها؟؟ (Re: Abdelrahim Elamin)
|
Quote: ياخى الواحد بيت يلمو هو وعياله ما عندو
يرجع كيفن بس
________________________
قرشو
كفيت ووفيت
ـــــ
منير تحياتي |
الأخوين قرشو وعبدالرحيم الأمين تحياتي وعامكم سعيد .. ورد الله الغربة ومتعكم بالأهل والديار ..
كما ذكرت للأخ عبدالعزيزالفاضلابي ومحمدفتوحلي، لا حرج في الاغتراب والهجرة، وكل زول طبعاً كايس راحة رقبته .. بس أنا مرات أتأمّل إنقضاء العمر في حياة شاقة أخري - شقاء بإختلاف نوع ومقدار - حيث أنك مثلاً قلت لا تملك بيتاً في البلد، فهل تملكه في الغربة أم أنه أيضاً إيجار في إيجار ؟؟.. ده بس نوع مقارنة بسيط ..
لكين أنا أتأمل في العيشة المعزولة في أقاصي أركان الدنيا لا يشوفك عزيز ولا تشوفه وتمضي السنين وينقضي الشباب ما بين الدخول فحومل  ..
طبعاً أنا كما ذكرت للأخ محمدالحسن عبدالمطلب إن ناس السعودية والخليج ديل ما ظنيت البوست ده بيمسهم بعمق لأنهم قريبون - قطعة بحر .. لكين العوجة في قطع المحيطات والقارات !!!..
| |
|
|
|
|
|
|
|
|
|
Re: الغربة سارقة الأعمار.. هل أنت قانع بها؟؟ (Re: خالد درق)
|
Quote: الغربه هى سبب دموعك وحزنك وهى سبب المك واهاااتك
وقد لا تجد من يحس باحسااسك الا من عااش الغربه واشتااق الحنين
اسال الله ان يرجع كل مغترب الى احباابه ووطنه
والله غالب اخى منير |
أخوي خالد درق سلامات يا ولد الشعبية الوفي ..
والله يا خالد إنتو تحمدوا الله قريبين من البلد ومجتمعكم مثل مجتمع البلد ومعاكم كثيرون من أهل البلد .. فإنتو زي كأنكم قاعدين في البلد ..
والغربة في الدول العربية مهما طالت فهي محدودة وأيامها معدودة ومغتربها عارف نفسه راجع راجع - ولو عاوز يبل شوقه البلد قريبة والتذكرة رخيصة ..
لكين تعال شوف الناس الفي ما وراء البحار .. ناس غرب كندا وألاسكا وسواحل الباسيفيكي .. وناس بحار المانش والبلطيق والقطب الشمالي ..
في بلاد الصقيع يا خالد تكون براك في الصقيعة ويجيئك الجليد مشرئب من الشباك يريد أن يدخل إليك تحت بطانيتك ويقول ليك كان راجل تعال طالع بره ..
| |
|
|
|
|
|
|
|
|
|
Re: الغربة سارقة الأعمار.. هل أنت قانع بها؟؟ (Re: بكري عباس علي)
|
Quote: موضوع العودة للوطن بعد عناء الغربة هم يشغل الجميع ولكن للاسف هناك شريحة كبيرة منهم تنتظر ان ينصلح حال البلد ثم يعودوا
وكنت قد سالت عن اوان العودة في ما يلي تعالوا لتعرفوا الاجابه
عزيزي المغترب ... متي تعود الي وطنك السودان |
الأخ بكري عباس .. دخلت علي الرابط بتاعك ومن أول مداخلتين لقيت الموضوع قاجي .. ودسم - يشبه الموضوع بتاعي ده، لكين أنا مركز علي المحنة والناحية المشاعرية - ما داير أقول عاطفية طبعاً -
المهم .. قلت ده داير ليهو قعدة برواقة .. وحأرجع ليهو إن شاء الله ..
| |
|
|
|
|
|
|
|
|
|
Re: الغربة سارقة الأعمار.. هل أنت قانع بها؟؟ (Re: ملاذ حسين خوجلي)
|
الأستاذة ملاذ شكراً لك وعلي المشاركة الناضجة.. وكل سنة وإنتي طيبة ..
حقيقة كما ذكرت للأخوة - إذا تغاضينا عن كل العوامل المادية والاقتصادية والسياسية - وحاولنا ننظر للهجرة من منظور قضاء العمر بعيداً من المحيط الأهلي هل ذلك وضع مريح نفسياً؟؟.. يعني مفارقة الوالدين والأخوان والأقربين في سنين العمر التي تتمتع فيها العين برؤية العين .. مقارنة بالعيش وحيداً ، غريباَ، هامشياً، مقطوع، مشلهت، وتمضي بك الأيام في روتين - كل أشرب نوم - وعنت العيش هو نفسه عنت العيش ولكن بنكهة مختلفة .. فأسياد البلاد الأخري أنفسهم يعانون قسوة الحياة بأشكال مختلفة ..
ربما ثلاثة أرباع المهاجرين وكثير من المغتربين لا يتعدي دخلهم منصرفاتهم الحياتية العادية .. ويصبح إدخار ثمن التذاكر وميزانية السفر في زيارة للوطن فوق القدرات .. زيدي علي كده النظرة الإتكالية علي منجزات الآخرين وصب اللعنات علي ديار الأهل و المقربين بإزدراء واستعلاء .. ويبقي تساؤلي أعلاه هل فعلاً سيقنع المهاجر ويستقر نفسياً وتهدأ نفسه تماماَ وهو يقضي شبابه كله في المهاجر مثل السمكة المرقت من البحر؟؟ .. فهل له القدرة إنه يقنع من أهله ويبعد منهم عمره كله؟ أم أن العكس هو الصحيح وأن الهجرة والعيش في العالم الأول هو فرصة العمر ذاتها التي لا يحلو العمر ولا تحلو الحياة إلا بإغتنامها وإفناء السنين في نعيمها ؟؟!!!..
والجهد الذي يبذله المغترب/المهاجر في العمل تحت إمرة مستخدمه يساوي اضعاف جهده في بلده - والسبب غالباً هو الرغبة في البقاء في دنيا :البقاء فيها للأصلح - فيكون التفاني بالعمل والاجتهاد الزائد الذي يترفع عن بذله في بلده .. والمحصلة تكون رهاق متواصل - ذلك في الدول التي لا ترحم إلاّ المجتهد الكادح - الدول العربية وأمريكا كمثال -
طبعاً هناك دول إذا كانت غاية طموحك هي الأكل والشراب والغطاء فيمكنك أن تنوم قفا لا شغل لا مشغلة .. (أوروبا وكندا كمثال) ..
..
يبقي السؤال كما هو: هل الانسحاب (حسب تعبيرك) وتبديل إرهاق بإرهاق يستاهل تبديد العمر بعيداً عن الديار؟؟ - حتي ولو في حالة لا شغل لا مشغلة الأخيرة دي؟
هناك علي كل حال إجابة سهلة وبسيطة سمعتها من أخ صديق صوفي ورع لخصها لي في عبارة واحدة ساطعة كما البرق .. فقال وهو يتبسم :
إذا كان حبيبك وأنيسك هو الله وأملك وهدفك هو أن تكون مع الله اللطيف الخبير فلا يهم في أي بقعة من الكون تكون !!..
| |
|
|
|
|
|
|
|
|
|
Re: الغربة سارقة الأعمار.. هل أنت قانع بها؟؟ (Re: mahmed alhassan)
|
Quote: ود أهلـــي منيـــر انت بالذات بعادك طــال كفاية تعال 0
محمد الحسن عبد المطلب |
محمدالحسن ودعبدالمطلب .. سلامات يا ود العم .. يخيل لي إنتو يا المغتربين قراب قراب في جزيرة العرب حقو نمرقكم من المخاطبين في البوست ده - لأنكم تقريباً لا ينطبق عليكم الكلام ، في أغلبه - فإنتو من البلد جدعة حجر.. يعني الواحد ممكن يمشي خميس وجمعة والمسافة بقت قريبة .. لكين تعال شوف المدفونين في صقيع كندا وشيكاغو والشرق الأقصي واستراليا واسكندنافيا ..
بالنسبة لي أنا شخصياً ، اسكت خليني ساكت .. ياخي أنا دخلت بي هنا ومرقت بي هنا لقيت العمر كمل .. أمال أنا فتحت البوست ده بالهين؟؟..
أسمع الصورة ده من ساقيتكم؟؟ .. يا حليل ساقيتكم ومنقتكم المشهورة وساقية خشم الموس والعوم وقطع البحر عند راس الساب ..
ياخي أنا داير لي هبرة كده علي البلد إندل في ساقيتنا وأجي شاحن صور وفيديوهات طالما إنت مصهين من المهمة دي ..
وبالمناسبة أنا زماان كنت رسلت لك إيميل وما جاني منك رد بعلم الوصول ..
| |
|
|
|
|
|
|
|
|
|
Re: الغربة سارقة الأعمار.. هل أنت قانع بها؟؟ (Re: Mohamed Foto7li)
|
Quote: بس طمئنى انو الحاجات دى بلقاها فى الوطن.
1ـ لا يضطر الإنسان ليرشى للحصول على حقوقه.
2ـ يجد الوظيفة دون حاجة الى واسطة.
3ـ يدفع الضرائب بناءا على تقدير علمى وليس عشوائي.
4 ـ يدفع الزكاة كفريضة دينية وليس بمزاج الحكومة.
5ـ البوليس يكون مصدر امن وليس مصدر خوف.
6ـ الجيش يفهم ان كلمة ياملكى ليست سبة.
7ـ الدكتور مايحنسوه عشان يجى يشوف المريض والمرأة الحامل مايلطعوها لاحدى ماتلد براها
.
_______________________
والله ما قولتا الا الصحيح |
الأخوة عبدالعزيز الفاضلابي و Mohamed Foto7li سلامات وكل سنة وانتم طيبين ..
كدي ياخواننا خلونا في الأول ننزع من هذا البوست اللبوس السياسي وعسر العيش .. فذاك موضوع يمكن أن يكون به كثير من الشد والجذب .. المقصد الرئيسي متعلق بالناحية المشاعرية - ماداير أقول العاطفية عشان ما تقولوا بكاي - .. أيوة ، ننسي كل مثالب المجتمع السوداني التي طبعاً تتضخم في عين المغترب/المهاجر حينما يقارنه بمجتمعه الجديد الهادئ العالم الأول .. وركزوا معاي في تسرب العمر في لهاث وراء معايش الغربة والهجرة مقرون بعنت متساوي لعنت العيش في الوطن ولكن بمذاق مختلف .. وتأملوا في الحياة المعزولة التي يعيشها المهاجر تاركاَ أمه وأبيه وأخوته صغارَاً وشباباً وبيئته التي نما فيها ويترك كيانه المعنوي كله وماضيه ويرميه وراء ظهره ثم يغيب سنيناً طويلة فيشيب هو ويشيخ .. وحين يرجع حتي لو زيارة قصيرة يجد أبواه قد أهلكهم الزمن ويجد أباه القوي وقد انحني ظهره - إن كان علي قيد الحياة - وأمه الرؤوم قد باتت سبعينية أو ثمانينية لا تقوي حتي علي مقالدته .. وينظر أخوته الأطفال وقد زحف الشيب علي رؤوسهم .. و..و.. فاتت فرصة التمتع برؤية العين ومتعة الحياة بين الأقربين وحيث لا يمكن جر الزمن إلي الوراء ولا ثانية واحدة .. مستحيل .. مستحيل ..
فهل التمتع بالحياة السهلة، والطعام والشراب والسكن والمال والعيش في هامش حياة العالم الأول سيعوض المهاجرعن العيش في البيئة الأم؟؟ ..
| |
|
|
|
|
|
|
|
|
|
Re: الغربة سارقة الأعمار.. هل أنت قانع بها؟؟ (Re: Munir)
|
| Quote: ثم تعود في آخر عمرك لتجد أن الحياة قد فاتتك .. ؟؟ |
ياتا ؟ حياة الكتاحة ، والكهرباء القاطعة ، والعجاج القايم ، والناس الما عندها أخلاق ، النص حرامية ، ومرتشين ، والنص التاني ما لقي فرصة ؟ آآآدي طرفي منها ، نعم (فلتفتني) مثل هذه الحياة .
| |
|
|
|
|
|
|
|
|
|
Re: الغربة سارقة الأعمار.. هل أنت قانع بها؟؟ (Re: ود شاموق)
|
| Quote: ياتا ؟ حياة الكتاحة ، والكهرباء القاطعة ، والعجاج القايم ، والناس الما عندها أخلاق ، النص حرامية ، ومرتشين ، والنص التاني ما لقي فرصة ؟ آآآدي طرفي منها ، نعم (فلتفتني) مثل هذه الحياة |
بكرة بتكبر ياخوي وتأتي الفكرة وتذهب السكرة والصدمة الحضارية ..
| |
|
|
|
|
|
|
|
|
|
Re: الغربة سارقة الأعمار.. هل أنت قانع بها؟؟ (Re: Munir)
|
ياتو صدمة حضارية؟
ممكن تكون بالنسبة ليك صدمة حضارية انك تعيش في بلد تتوفر فيه الخدمات الأساسية (ماء، صحة، تعليم، بنية تحتية)، وحق الحياة الكريمة بعيداً عن الفساد والفاسدين ، لكن بالنسبة لي دا أبسط حقوق البني آدم ، أن يعيش في بلد عادل له في حقوق وعليه واجبات. لحدت ما بلدنا تبقى بلد محترمة ، والإنسان فيها عزيز ، والحقوق محفوظة ، أني ياني دا في مكاني دا ... وتاني دا طرفي من حياة البؤس والتعاسة الله لا يقسم لي حياةً في بلد السوء - دان.
| |
|
|
|
|
|
|
|
|
|
Re: الغربة سارقة الأعمار.. هل أنت قانع بها؟؟ (Re: Munir)
|
...
| Quote: هل أنت قانع أيها المغترب أو المهاجر بحياتك بعيداَ عن وطنك |
تحياتى أستاذ منير ولضيوفك الكرام
من السهل طرح سؤال كهذا ،
ولكن ليس من السهل بأى حال من الأحوال الإجابة عليه
فالغربة قضية معقدة للغاية و متشابكة و مرتبطة بالكثير
و على سبيل أبسط الأمثلة :
كيف تفعل إذا كنت مغتربا
و كان فى رجوعك هلاكا لمن تحب؟
و إنقطاعا للتحويلات المالية التى تقيم أعمدة البيوت؟
وتحفظ ماء الوجوه؟
كيف ترجع إذا كان الجميع - رغم أنوفهم- يشجعونك على البقاء
ويتمنون سراً ، ألا تفقد وظيفتك بالخارج
تشتاق لذويك ، ويشتاقونك كما يجب ،
ولكن الشوق أرحم من الجوع ..
مفهومنا للغربة كسودانيين مختلف عن كافة شعوب الأرض
يضحى الأخرون بسنوات معدودة لتحقيق هدف محدد
ثم يرجعون لبلدانهم ، أفضل ، أقوى ، أعلم ، وأقل إحتياجاً
نسافر نحن كسودانيين للتضحية بأعناقنا ، أحلامنا و أمنياتنا
من أجل أسرنا الممتدة
يتسربل العمر من بين أصابعنا مع ضربات الكيبورد فى مكتب موحش
فى بلاد بعيدة و قاسية .
لأننا كسودانيين تعلمنا ألا نعيش لأنفسنا و حسب
لأن حياتنا فى حياة الأخرين .
زميلى المصرى فى (دبى) صاحب الزوجتين ، أخبرنى بأنه (يبعت) شهريا ما قيمته مأئتى درهم
فقط لا غير ، لأنه جاء إلى الخليج ليشترى شقة أخرى فى المحروسة و( يعمل له سبُّوبة) يعتاش منها هو و أولاده من زوجتيه فى المستقبل ، ويبدو أن مسعاه هذا فى سبيله للتحقق فى فترة تقل أو تزيد عن السنتين . ثم أخبرنى بأنه سيرجع بعدها لأم الدنيا و لن يغادرها حتى يموت.
العمال الهنود البسطاء ذوى الرواتب المنخفضة
يتفاخرون بصورٍ لمنجزاتهم فى الوطن من بيوت و عقارات
ولست أعرف سودانى واحد تمكن من بناء بيت أو شراء عقار ،
رغم الفارق الكبير فى مستويات الدخل !
إذن فهل هى المشكلة فى الغربة نفسها ؟
أم المشكلة فى السودانى كمغترب؟
أم تكمن المعضلة فى علاقة السودانى بأسرته الممتدة و سوء فى إدارة
و ترتيب الأولويات ؟
المأسى كتيرة يا أخوى ، و عشمنا فى العودة الناجحة للوطن ، كعشم إبليس فى الجنة
و يبدو أن ( الفشفاش ) لا زال كثيراً على (أم الفضل) ...
مودتى
...
| |
|
|
|
|
|
|
|
|
|
Re: الغربة سارقة الأعمار.. هل أنت قانع بها؟؟ (Re: الوليد عمر)
|
منير
مرسل ليك تحية شعباوية
الغربة شئ ايجابى فى الغالب وهى وسيلة لتحقيق اهداف وطموحات يصعب تحقبقها فى السودان
وقد تكون هذه الاهداف مادية اكاديمية مهنية او غير ذلك.
هنالك الغربة القصرية وهى ومن غير الولوج فى السياسة نتاج طبيعى للفساد السياسى والاجتماعى
اذا وجدت نفسك بدون عمل - للصالح العام- او لانك ابديت رايا لا يتماشى ورأى السلطان ماهى خياراتك؟
وحتى خيار الغربة قد لايكون متاحا لك اذا كان اسمك محظور وممنوع من السفر
وهنالك الغربة القصرية لظروف مادية اجتماعية- غالبا المغترب بكون متكفل بغيره من الأهل وخيار العودة فى كثير من الأحيان مربوط بظروف غيرهز
اخى منير
لقد دار بخلدى ما يدور بخلدك فلذلك اظنى اعلم تماما ماذا تعنى
انى اتفق معك تماما بان ثمن الغربة باهظ ومهما حققت من نجاحات فى الغربة فانك لن تلحق قطار الزمن.
| Quote: .. وركزوا معاي في تسرب العمر في لهاث وراء معايش الغربة والهجرة |
| Quote: ماداير أقول العاطفية عشان ما تقولوا بكاي - |
| Quote: ....... يا حليل ساقيتكم ومنقتكم المشهورة وساقية خشم الموس والعوم وقطع البحر عند راس الساب .. |
هو البكا ده كيفنو؟
| |
|
|
|
|
|
|
|
|
|
Re: الغربة سارقة الأعمار.. هل أنت قانع بها؟؟ (Re: اسامة سعد)
|
الغربة البتقصدا انت كانت في السبعينات..
أيام كان السودان...سودان...
والمتغربين ...بسيطين جدا ...واغترابهم مشروط
حاليا السودان تشظي الي سودانات كثيرة حول العالم...
فأينما ذهبت ستجد سودانا مصغر...
والاغتراب اصبح للضرورة...
التواصل كذلك الآن ايسر من قبل..
فيمكنك وانت في الغربة...
ان تتواصل مع أهلك أكثر..
من تواصلك وانت في السودان...
هسي في ذمتك آخر مرة شفت خالك الفي عطبرة متين؟؟؟؟
| |
|
|
|
|
|
|
|
|
|
Re: الغربة سارقة الأعمار.. هل أنت قانع بها؟؟ (Re: اسامة سعد)
|
| Quote: هو البكا ده كيفنو؟ |
أسامة سعد يا حبيب .. قلتي لي البكاء كيفنو؟؟ . خلاس يازول بكاء بكاء ومحل رهيفة التنقد ..
أها إنت يا أسامة إحساسك كيف عندما يغمرك الشوق فجأة وتكون هسه ده داير تشوف وتقالد الأحباب في الشعبية وتقوم تلقي قدامك قارتين وبيناتهم محيط؟؟ .. محيط عديل كده ..أكيد حتبكي بس ..ههه .. يعني هسه لو المواصلات انقطعت العوم ما بيحلك .. والله إلاّ تبقي كولمبس ..
إنت عارف مهاجري اوروبا الزمان الأبادوا الهنود الحمر قعدوا قبلهم ليه؟؟ لأنهم ما قدروا يرجعوا ..ههه .. فالقطع المحيط ومشي امريكا الزمن داك ما كان عنده خيار الرجعة ، عشان الشغلة بعيدة ومقاديفهم اتكسرت وكسروا ركبة قبلهم .. لكين العصرة خلتهم ينتجوا وينهضوا ويقودوا البشرية ..
| |
|
|
|
|
|
|
|
|
|
Re: الغربة سارقة الأعمار.. هل أنت قانع بها؟؟ (Re: الوليد عمر)
|
الأخ الوليدعمر مرحباً بك أولاً ومبروك العضوية في المنبر - شايفك مسجل أول امبارح بس ..
قلت لشبابنا ناس الدول العربية ديل ما عندكم مشكلة وتراكم قراب ومافي عوجة .. لكين برضو لو الواحد غاب غيبة طويلة يكون قصر .. وأنا مركز علي شوفة العين وسلام المقالدة مع الأهل ، التي أراها ساهلة لناس الخليج والسعودية - أي يمكن تقول كأنما مافي غربة حقيقية .. خاصة إنو التواصل بقي ساهل .. لكين برضو مروق الزول من بيئته وعيشته كغريب كوجه معزول في زحام الشعوب يعتبر وضع ما طبيعي في عمومه .. وينعكس ذلك في حياته حيث يغمره الإحساس المستديم بأنه في وضع مؤقت .. مؤقت .. مؤقت .. حياة ناقصة مثل الصلاة المقصورة لأنه علي سفر.. علي سفر ..علي سفر حتي ينقضي عمره ..
| |
|
|
|
|
|
|
|
|
|
Re: الغربة سارقة الأعمار.. هل أنت قانع بها؟؟ (Re: Munir)
|
المنير, منير
لك التحية قبل كل شئ شايف واحد قال ليك كلام يوحى بأنك من عطبرة وانت قلت كلام تانى يوحى بأنك من الساب أو مسَاوى أو نواحيهما. كان الكلام ده صاح فأنا علاقتى بتلك الأماكن تعدل مشاعرك فى هذا البوست . ثم نجى للمشاعر :
أنا والله مادخَلت السياسة فى بالى وأنا أكتب فى هذا البوست أما بالنسبة للمشاعر بس فايتينك بالصبر.
لكن يامنير ياخوى قالوا:
شن جبرك على المر ,, ؟
الجواب الأمرَ منه.
نسأل الله أن ينعم علينا بوصل أرحامنا مشاهدة ومقالدة
| |
|
|
|
|
|
|
|
|
|
Re: الغربة سارقة الأعمار.. هل أنت قانع بها؟؟ (Re: عبدالعزيز الفاضلابى)
|
العزيز الفاضل عبدالعزيز الفاضلابي .. سلام معطر ..
والله أنا سألت نزار إن كان مخاطباً أسامة سعد لأن رده كان لاسامة، أم كان يخاطب بكري عباس الفاتح بوست عن الغربة وذاكر فيه خاله .. وأنا احترت لأني لست من عطبرة ..
وراس الساب كان في ردي لأخوي محمدالحسن الجايب صورة من الزومة بلدنا الجميلة، متين يا الله نمشي لها .. وراس الساب في الزومة عندنا هناك هو شاطئ منحني في النيل في منطقتنا كنا في صبانا نقضي فيه إجازتنا عوم مع ناس محمدالحسن - ونقطع البحر عند راس الساب ده ونرجع عدة مرات في النهارية ونتم باقي النهار أكل منقات الجروف .. أها الكلام ده كان في الإجازات ساكت لأني أساساَ من سكان الشعبية بحري الحياني بإسمها أسامة سعد .. شفت الشربكة دي؟ ..
لكين برضو طبعاَ - زي تنقاسي - نقول : علي مساوي دمعي جري وجروح قلبي ابت تبرأ ..
| |
|
|
|
|
|
|
|
|
|
Re: الغربة سارقة الأعمار.. هل أنت قانع بها؟؟ (Re: Munir)
|
Quote: أها إنت يا أسامة إحساسك كيف عندما يغمرك الشوق فجأة وتكون هسه ده داير تشوف وتقالد الأحباب في الشعبية وتقوم تلقي قدامك قارتين وبيناتهم محيط؟؟ .. محيط عديل كده ..أكيد حتبكي بس ..ههه .. يعني هسه لو المواصلات انقطعت العوم ما بيحلك .. والله إلاّ تبقي كولمبس ..
|
يا منير انا قلت ليك فاهم تماما الاحساس الأنت بتتكلم عنه. واديك تجربة شخصية
1) قبل سنتين كما تعلم توفى شقيقى (انزل الله عليه الرحمة وادخله الجنة) فى تلك اللحظة كل ما دار فى زهنى ان اكون فى حضن امى وان اخز بايده وامسح دموعها وخاصة انه كان فى ريعان شبابه كما تعلم.
لم استطع الوصول قبل اليوم الثالث.
نحن فى امريكا ما قاعدين طرف لكننا متوكرين فى الوسط.
المثال التانى (الفاضلابى اخوى خليك قريب)
فى المدينة البسكن فيها (Milwaukee ) فى ولاية (Wisconsin)- ملواكى وسكنسن. اجتمع مجلس التعليم لمناقشة تقرير عن استطلاع للتلاميز عمرهم 12 الى 18 سنة وكان عبارة عن سؤالين 1) هل انت بتمارس الجنس؟ 2) هل بتستعمل عازل (Condom)؟
نتيجة الاستطلاع: 60% منهم نعم للسؤال الأول ولا للسؤال التانى.
مجلس التعليم الموقر ناقش الجوانب السلبية ولخصها فى 1) انتشار الامراض الجنسية بما فى ذلك الايدز
2) الحمل وانجاب اطفال من هؤلاء الأطفال.
ما هو العلاج؟
ان تقوم المدارس بصرف عدد 2 عازل (Condom) اسبوعيالكل تلميذ فى سن 12 الى 18 ؟؟؟
..
.
.
.
.
.
.
.
| |
|
|
|
|
|
|
|
|
|
Re: الغربة سارقة الأعمار.. هل أنت قانع بها؟؟ (Re: اسامة سعد)
|
رحم الله شقيقك يا اسامة رحمة واسعة وأسكنه فسيح جناته مع الشهداء والصديقين ..
فعلاً يا اسامة هذه من عينة المواقف المشاعرية التي تقف المسافة بينك وبين إشباعها .. والله مرات الواحد يصحي نص الليل ويقعد يتأمل هذا الزمن الجاري وهذه المسافات الطويلة فيصاب بإنقباض شديد وخمة نفس ..
هناك شباب يجازفون في سبيل الغربة والهجرة عشان الواحد يكون نفسه ويرجع يكمل نصف دينه مع بنت الحلال.. فيطول به الكفاح في الغربة، وحينما يرجع وهو شايف نفسه سيكون فتي أحلام العذراوات، فيمشي يعاين في مراية بيتهم ويلقي نفسه زمانه فات وغنايه مات .. شيب وتجاعيد وذبول !!..أكل منه الدهر وشرب ..
أما حكاية تربية الأطفال دي كمان كوم براه .. كنت بدأت بوست عن مستقبل الأطفال في الغربة ولكن داهمته الأرشفة قبل أن أخوض في العميق ..
الأطفال في الغربة حاضرهم ومستقبلهم ..
| |
|
|
|
|
|
|
|
|
|
Re: الغربة سارقة الأعمار.. هل أنت قانع بها؟؟ (Re: Munir)
|
Quote: لمثال التانى (الفاضلابى اخوى خليك قريب)
فى المدينة البسكن فيها (Milwaukee ) فى ولاية (Wisconsin)- ملواكى وسكنسن. اجتمع مجلس التعليم لمناقشة تقرير عن استطلاع للتلاميز عمرهم 12 الى 18 سنة وكان عبارة عن سؤالين 1) هل انت بتمارس الجنس؟ 2) هل بتستعمل عازل (Condom)؟
نتيجة الاستطلاع: 60% منهم نعم للسؤال الأول ولا للسؤال التانى.
مجلس التعليم الموقر ناقش الجوانب السلبية ولخصها فى 1) انتشار الامراض الجنسية بما فى ذلك الايدز
2) الحمل وانجاب اطفال من هؤلاء الأطفال.
ما هو العلاج؟
ان تقوم المدارس بصرف عدد 2 عازل (Condom) اسبوعيالكل تلميذ فى سن 12 الى 18 ؟؟؟
|
الأحباء منير وأسامة سعد
مسألة تربية العيال هذه ارجو ان نعطيها حقها من النقاش وسرد تجاربنا مع أطفالنا حتى يستفيد اخواننا الذين يعانون فى هذا الجانب واعتقد لو خاطبنا الأخ بكرى لأعادة بوست منير للدوران من جديد
| |
|
|
|
|
|
|
|
|
|
Re: الغربة سارقة الأعمار.. هل أنت قانع بها؟؟ (Re: اسامة سعد)
|
دكتور منير
مساء الخير
موضوع الغربه باعتبره شي نسبي لانه في تصوري الغربه ما بس غايبك الجسدي عن اي مكان
سواء اتولدت فيه او شبيت فيه الغربه هي غربه الاحساس لانه ممكن تكون موجود وسط ناسك
في ارضك وتكون حاسس بالغربه واتهيا لي دي اقسى انواع الغربه
كتيرين ما اختاروا الغربه وبرضو كتيرين ما اتفرضت عليهم المساله ما بنقدر نحكم عليها في المطلق
لانه تعريف كل واحد للغربه بيختلف حسب هو اتغرب ليه وحسب تالقلمه معاه وتصالحه مع الوضع الهو فيه
الواحد لما يكون متغرب بيكون عنده دايما اليه نفسيه بتكون معدلاتها عاليه وهي التمني والامل كل ما تلاقيه
صعوبه في المكان الهو متغرب فيه تلقاه اول شي انفصل ذهنيا عن المكان وسرح في شريط ذكريات جميل
وطمن نفسه انه لما يرجع لي اهله ودياره بيكون بكره احلى يلا نفس الانسان دا لما يجي ويلقى ان احلامه كانت
سرابا بقيعه وين يمشي هنا بتبدات المعاناة الحقيقيه لانانا في الشريط البيمر قدامنا ببكون حملاناه بس بالجوانب
الحلوة مثلا وجوه احبابنا زكريات جميله لحظات حلوة ريحه الشاي بالقنانه مثلا لمت الاهل حنيه الجيران وبنكون
لاشعوريا غيبنا كل الجوانب الغير مفرحه المرينا بيها لاننا عايزين كدا
بالنسبه للمفاضله بين الغربه او انك تعيش في وطنك ما بقت تفرق كتير لانه الناس كلها بقت عايشه مع بعضها
ثورة التكنلوجيا قربت الناس من بعضها ما بقت في اخبار مقطوعه البيحصل هناك بتشوفه وبتسمعه
زمان قصه يجيك جواب مرة في السنه وتفضل تشم فيه وتقراه مليون مره وتحفظه وتنساه وتحفظه مرة تانيه
فقدت رونقها او بالاصح تاثيرها بس ما بنكر وجود ناس لسه بتتاثر بكل شي
اكيد الحياه في الغربه ليها جانبين مشرق وقاتم لكن في النهايه الواحد بيفاضل بين الجانبين وبيعمل تاقلم
بغض النظر عن درجته في نفسه الا ان في النهايه بتحس انه مش العمر مشى بتحس انت زاتك مشيت
اختلفت بقيت متعود على نمط حياة معين لما ترجع بلدك بتشعر بالغربه لانه اسلوب الحياة اتغير
والناس ما ياها الخليتها لاننا في الغربه ما بنكبر في ارواحنا بنكون محتفظين بعمرنا الغادرنا بيه
ديارنا وبنحكم على هذا الاساس فجاة ترجع وتكتشف انك ما انت منير المشى زمان طالب ولا مغترب صغيروني
بتلقا نفسك فجاة كبرتا ونطيت من سن ال25 لغايت ال45 او يذيد قفزة بتكون سريعه بتزلزل كيانك
او لما يجيك خبر محزن فلان توفى او عيان شديد هنا برضو بتصحا وتنبه لي عمرك الحقيقي
او لما تسمع فلان الخليته شوفيع صغيروني اتخرج والليله قيدومته هنا بتقيف مع نفسك
في النهايه هي مساله نسبيه الشاهد فيها وين بتلقى راحتك وراحة اهلك المعاك و اهلك الجوة البلد
دمت بخير يا دكتور منير ورد الله غربتك
| |
|
|
|
|
|
|
|
|
|
Re: الغربة سارقة الأعمار.. هل أنت قانع بها؟؟ (Re: مريم عبد الله)
|
دكتورتنا بنت الشعبية روما .. شكراً لهذه المشاركة الضافية .. طبعاً لا يفتي ومالك في المدينة - وإنت ست التخصص ..
في الواقع كلامك كله صاح - والبوست ده مفتوح للتأمل في هذه الحالة الجديدة للزول السوداني - أي حالة الاغتراب الطويل والهجرة - يعني الغياب الطويل عن الأهل وتبديل البلد بوطن جديد .. طبعاُ لا نختلف في أن الإنسان يسعي للنوم علي الجنبة البتريحه ، ولربما كان الإغتراب والهجرة حلولاً لوضع مادي أفضل .. ولكن يبقي التساؤل هل نستطيع أن ننتزع من وجداننا رفقة الأهل الأقربين، وحشوه بإنتماء جديد - وهل نستطيع أن نعيش متوحدين في عوالم نحن فيها غرباء الوجه واليد واللسان؟؟.. وحتي لو استطعنا ذلك لبعض الوقت هل نستطيعه طول العمر ؟؟ ..
مهما كان الواحد متغرب بنفسه حتي وسط أهله ولكن وجوده في محيطه الذي يشبهه يحفظ له مستوي تاني من التواجد العاطفي في بيئة يألفها .. كيف يكون حال هذا الزول المنفصم عن أهله، وهو بينهم، في مجتمع الغربة أو الهجرة حيث لا أهل ولا قريب ولا حبيب .. أكيد سيكون إنفصامه مضاعفاَ ..
المقدرة علي العيش طول العمر بعيداً عن الأهل والبلد يتطلب زولاَ مكتفياَ بحياته الخاصة بحيث لا يهمه وجود أحد بقربه .. لو وضعنا في الاعتبار منقصات الحياة في السودان لا ننسي أن هناك مثلها في الغربة .. وإنسان السودان ليس أقل ضحكاَ وسعادة من المغترب ، والسبب بسيط وهو أن السعادة تنبع من دواخل المرء ولا تستجلب ..
.
.
وللكلام بقية...
| |
|
|
|
|
|
|
|
|
|
Re: الغربة سارقة الأعمار.. هل أنت قانع بها؟؟ (Re: Munir)
|
Quote: نذار.. إنت مع اسامة سعد أم بكري عباس؟؟ .. عموماً سؤالك يمكن تعميمه وبدل الخال ممكن تخت أي قريب آخر .. وبدل عطبرة ممكن الواحد يخت أي بقعة تانية في البلد ..
|
انا لا مع اسامة ولا مع بكري...
البوديني لي البلاد الما فيها صعوط شنو؟
قبل فترة بسيطة زارنا خالي هنا...ومشينا مطعم اتعشينا فول
وطعمية...وكوارع....وفي ناصية المطعم في بتاع صعوط...وزير موية
ساقط...غشيناهن شربنا وسفينا....اتلفت علي قال لي: آ زول أتاريكم
غاشننا...ونحن نشيل وندعو ربنا يرد غربتكم...دحين رجعتي بقول
ربنا ما يرد غربتكم ام زيرا ساقط دي...
بلاهي بلد لا كتاحة ولا ضبان...ولا كهرباء بتقطع...دي يسموها غربة دي؟؟؟
نحن هنا سوينا سوداننا الجديد برانا...
| |
|
|
|
|
|
|
| |
Munir
tariq
عبدالعزيز الفاضلابى
Mohamed Foto7li
mahmed alhassan
قرشـــو
ملاذ حسين خوجلي
بكري عباس علي
Abdelrahim Elamin
ود شاموق
الوليد عمر
nazar hussien
مريم عبد الله
فيس بوك
تويتر
انستقرام
يوتيوب
بنتيريست