دعواتكم لزميلنا المفكر د.الباقر العفيف بالشفاء العاجل
|
|
 الشايقية والشيوعية !!
|
ليـــه !!! !!!..
ليــه اغلب الشيوعية شايقية ؟؟ !! .. هناك علاقة كدة ما قادر افهمها !!! ..
العاجبهم في الاحمر شنو بالرغم من انه اغلبهم هلالاب ؟؟ !!!..
.. يا ربي السبب حرف الشين ؟؟ !!!..
|
|
 
|
|
|
|
|
|
|
|
Re: الشايقية والشيوعية !! (Re: القلب النابض)
|
أختنا قلبنا النابض .. "يانا ختمية" دي خلي بالك تبعاتها كتيرة خلاس .. أقلها البعد الشديد عن الكتاحة الترابية  ..
بعد داك المسك القوي في درب ولاد سيدي ..
الله يهدينا ويمنحنا منهم نظرة ..
| |
|
|
|
|
|
|
|
|
|
Re: الشايقية والشيوعية !! (Re: Munir)
|
الحبيب منير
سلام مطبوق
يقول الأستاذ الشاعر عاطف عوض خيري:
لآني بعثي ولآني شيوعي
طريق أحمر ماني عارف يوم رجوعي
لآني جبهة ولآني أمة
ولآني في حزب المَلَمَّا(ة)
الخاتي فوق الريحة صورتو
تدي صوتك تلقى شمَّا(ة)
ورغم هذا الإقرار الصريح يتم تصنيفه في معسكر الشيوعيين
ولا أدري إذا كان السبب في عدم الأخذ بشهادته على نفسه هو "أن الشعراء يقولون ما لا يفعلون أو العكس"
"الريحة: اشارة لفتيل ريحة السيد على الميرغني ، للجيل الذي لم يشهد ذاك الزمان"
| |
|
|
|
|
|
|
|
|
|
Re: الشايقية والشيوعية !! (Re: yasiko)
|
العزيز ياسيكو .. كيفنك ..
Quote: الخاتي فوق الريحة صورتو
تدي صوتك تلقى شمَّا(ة) |
والله عاد الخاتي فوق الريحة صورتو الله ينفحنا بي طيبه ..
حيا الله الاستاذ عاطف عوض خيري ..
ياخي اهلنا ديلك أي زول منكر يقولوا عليه شعوعي .. بس البيتين الفوق ديل مرقن الاستاذ تب من النكيرة ..
طبعآ المنكرين يا ياسيكو منقسمين لقسمين : العاصرين يسار شديييد ـ الشعوعيين  ـ والعاصرين يمين كمان لامن غلط ـ كيزان علي وهابية علي معتزلة ـ
أها طبعآ خير الامور الوسط ـ ناس الطار مع الطمبور .. واللا كيف ؟؟ ..
| |
|
|
|
|
|
|
|
|
|
Re: الشايقية والشيوعية !! (Re: Munir)
|
الاخ منير,
القاعــدة دي مــش عامـة,
هي اقل من الاستثناء حتى ,
بس والله هاشـم العطا ما راجلا هـيّن,
المشكلة الاكبر رغم كلامك دا, إنه شلة صغيرة من القبيلة دي في قيادة الانقـاذ,
جعلت من (المهمشين) كلهم أعداء تقليديين للقبيلة دي.
القلب النابض،
Quote: القال ليك منو يا منير يا أخوي نبرا ونستبرأ من الشيوعية
انا ختمية |
رغم انك ما قاصـداها,
لك التحيـة
| |
|
|
|
|
|
|
|
|
|
Re: الشايقية والشيوعية !! (Re: أحمد الشايقي)
|
العزيز أحمد الشايقي ..| Quote: القاعــدة دي مــش عامـة, |
انا طبعآ لم أقصد حتي ان اقول انها قاعدة .. بل هي ملاحظة !! .. أي شيوعي مسلط سايط الواطـ ـة تهبشه تلقاه ابوكديس !! .. من ناس هاشم العطا وعبدالخالق .. ولا عند كثير من متصدري عمل اليسار عمومآ !! .. وهسه لو محصت يساريي البورد ده تلقي الشوايقة منهم ما بيتحسبوا .. فهل يا تري هناك صفة محددة في الفكر الشيوعي جاذبة للذهنية الشايقية أم أن هناك ميزة ذهنية محددة شكلتها بيئة الشايقية لها علاقة بطبعهم الثائر والمتمرد علي التقليدية والرتابة هي التي تجنح بهم للفكر اليساري ..
طبعآ الفكر اليساري عمومآ في الـ ideal situation بتاعه منصف وعدالي وتلك محمدة .. يعني يمكن نقول أن جنوحهم لليسار برضو صفة حميدة ..
| |
|
|
|
|
|
|
|
|
|
Re: الشايقية والشيوعية !! (Re: Munir)
|
مثلما كتبت
هناك ميزة زهنيه شكلتها بيئة الشايقية لها علاقة بطبعهم الثائر
و المتمرد على التقليديه و الرتابة.
و قد ذكر هذه الميزة احد الرحاله الاجانب عندما كان مرافق
لحملة اسماعيل باشا التى غزا بها قبيلة الشايقيه
فى معركة كورتى رقم تقدم الذى احدثه بفضل السلاح النارى لكن الشجاعة
كانت من نصيب الشايقية وقد شهدوا بذلك الرحالة الاجانب
| |
|
|
|
|
|
|
|
|
|
Re: الشايقية والشيوعية !! (Re: محمد احمد ابراهيم)
|
الاخ محمد احمد ابراهيم .. سلامات
تعرف .. فعلآ الذي يقرأ تاريخهم يحس بأن الناس ديل روحهم كانت محرقاهم .. وليوم الليلة الوسيعة دي ضايقابهم .. نصفهم يطارد نصفهم !! ..
وكما قال شاعرهم : ورينا الحانك بعزفك .. خطوة أمامك واثنين خلفك ونصك سيبه يطارد نصك .. ههه ..
| |
|
|
|
|
|
|
|
|
|
Re: الشايقية والشيوعية !! (Re: Munir)
|
(القبيلة التي يطارد نصفها, نصفها الاخر )
المعنى نصها امنجية والنص التاني شيوعية
الكلام ده قالو كانو بقولو في مدرسة عطبرة زمان
غايتو بي جهة كويسة لانو اللون الرمادي ده نحن ما عندنا
| |
|
|
|
|
|
|
|
|
|
Re: الشايقية والشيوعية !! (Re: يحى الشريف)
|
العزيز يحي الشريف | Quote: ..(القبيلة التي يطارد نصفها, نصفها الاخر ) |
| Quote: غايتو بي جهة كويسة لانو اللون الرمادي ده نحن ما عندنا |
ويبدو أن هذا الحزم جعل بأسهم بينهم شديد !! .. حرارة القلب الشديدة دي كمان دايرة ليها كنترول .. زمان ساعة الترك دخلوا البلد هم من دون شعوب المليون ميل بس الوقفوا ألف أحمر .. دايرين نعرف سيكلوجية الصدر أوالقبر دي حدها وين !! .. لأن نتيجتها زي ما ذكرت انت أن نصفهم يطارد نصفهم !! ..
| |
|
|
|
|
|
|
|
|
|
Re: الشايقية والشيوعية !! (Re: Munir)
|
الأخ منير ،تحياتي ،،
المشكلة تكمن في التعميم ،، فبسبب علي عثمان وعوض الجاز وصلاح قوش ،، تم تصنيف الشايقية كقبيلة انقاذية ووصمت بكل ماتوصم به الانقاذ وزادوا عليه.
الشايقية قبيلة كباقي القبائل في السودان فيها الشيوعي والجبجهي ولكن الغالبية العظمي من الاجيال السابقة كانت ختمية.
الآن وكأغلبية شباب السودان ليس للشايقية توجه محدد هم كباقي الشعب عايشين حياتهم اليومية ، يعانون مما تعاني منه بقية القبائل وهمهم الأكبر توفير لقمة العيش وحق الدواء والكساء والمسكن ومصاريف دراسة العيال.
ولك تحياتي،،
شرووم
| |
|
|
|
|
|
|
|
|
|
Re: الشايقية والشيوعية !! (Re: شرووم)
|
الأسـتاذ منير..
تحياتي
مـن حـق كـل انسان أن يختار انتمائه....وبينما هـو او هي يفعل ذلك بقناعة ومسئولية تجـعله يحتفظ للغير بنفس القناعة.... والأهم المسئولية الوطـنية ...أري أنه لا يجـب أن يكـون عـدد الأفـراد المنتمين لجهة معينـة مهما كـبر أو قـوي سببا للتعميم..
هـل كـل ابناء الختمية مثلا شـيوعيين أو جـبهجية او حـتي ختمية كـأهلهم?
لمـاذا يكثر التعميم ويسـود..فيصـير كـل الشايقية كعلي عثمـان' والعياذ بالله' ? ويصـير كـل الشيوعيين سـيئين? ويصـير كـل المصـريين مـن الصنف الردئ? ويصـير كـل متـدين جبهة وأمـن.... ويصـير كـل مـن يختلف مـع بعض الآراء .....إما ظـلامي.... أو متفسخ في حـريته والأمثلة كـثيرة!
مـني خـوجلي
| |
|
|
|
|
|
|
|
|
|
Re: الشايقية والشيوعية !! (Re: Muna Khugali)
|
الاخت العزيزة مني خوجلي ..
أنا لم اعمم .. بل كما ذكرت هي ملاحظة .. لم أقل الشايقية شيوعية .. بل عنيت أن معظم الشيوعيين البارزين شوايقة ..
بالمناسبة لاسم المرحوم الخليفة عوض خوجلي جرس مألوف لي .. فإن كان الاسطورة المرحوم علي خوجلي عمك فإنت إذن بنت بلدي رسمي ..
| |
|
|
|
|
|
|
|
|
|
Re: الشايقية والشيوعية !! (Re: Munir)
|
علي خـوجـلي الموشـومة ذراعـه كـانت بكلمة خطـر...الرجــل الشجـاع الوسـيم العملاق..العسـكري في الجيش ..ابن الزومة والشقيق الوحيـد للخـليفة عـوض خـوجـلي والـد الشهيـد مصطـفي .. كـنت أقفـز علي ظـهره وأتحاشي السلام عيه في كـفه..خـوفـا مـن قبضـة يـده القـوية..كـان عمـي...
كـما كـان عبـد الخـالق محجـوب ابن عـم جـدي...وكما هـو الشفيع خضـر
قريبي أمه وأم أمي بنات خـالات..
ازيـك يامنير..أهـا قريبتك ولا ماقريبتك?
مـني
| |
|
|
|
|
|
|
|
|
|
Re: الشايقية والشيوعية !! (Re: Muna Khugali)
|
أختي العزيزة مني خوجلي تحايا مباركة ..
إن بقي كدي يانا قرايب ..
زمااان عندما كنا ننزل البلد ونحن صغار كانت تستهوينا قصص البطولة والقوة والشجاعة .. وكان اولاد عمتي هم من يزودونا بقصص ابطال البلد وكانوا ايضآ مفتونين بالفروسية ومفتولي العضلات .. فمنهم مثلآ شابآ نحيلآ في ذاك الزمان يسمي يوسف علي طه اشتهر بقوة القلب الغريبة !! ومنهم علي عواد والبركالي .. أما قمة اساطير القوة فكان العم علي خوجلي الذي كثرت الحكاوي عن شجاعته و قوته الخارقة !! .. ويبدو أنه جبد أخوك الشهيد مصطفي.. عليهم الرحمة ..
أما عبدالخالق محجوب فكثيرآ ما تذكرني والدتي بصلة قربته لنا كلما جاءت سيرته عليه الرحمة .. إذن يا أختي أكيد نحن أهل .. 
| |
|
|
|
|
|
|
|
|
|
Re: الشايقية والشيوعية !! (Re: شرووم)
|
أخونا العزيز شرووم سلامات ..
ليس المقصود هو أن الشايقية شيوعيون بل لاحظ أن قلت أن النسبة الكبري من الشيوعيين متصدري نشاطهم شوايقة ..
| Quote: الآن وكأغلبية شباب السودان ليس للشايقية توجه محدد هم كباقي الشعب عايشين حياتهم اليومية ، يعانون مما تعاني منه بقية القبائل وهمهم الأكبر توفير لقمة العيش وحق الدواء والكساء والمسكن ومصاريف دراسة العيال. |
تحدثنييي ؟؟ ..
بس اولادهم السايقين شمال والسايقين يمين وفي الجيهتين هم الماسكين الدركسون .. جايبين لأهلهم الهبوب ..
| |
|
|
|
|
|
|
|
|
|
Re: الشايقية والشيوعية !! (Re: طارق جبريل)
|
في علاقة...
الشوايقة مبدعين وانا ماشايقي
والشيوعيين مبدعين برضو وانا ما شيوعي...لكن بشهد ليهم بكدة
والسودانيين دايما بيقولو للمبدع لما يكون عندو رأئ في حاجة ممكن تكون عايزة تغيير بيقولوا ده شيوعي.
لكن مافي قبيلة كلها شيوعيين ولا في قبيلة كلها كيزان أو ختمية...وما سمعنا بأنو في قبيلة كاملة بتبايع جهة محددة الا في سنوات الانقاذ...
قبيلة المسيرية تبايع وتنضم للمؤتمر الوطني ...طيب ما يعينوا القبيلة وزير خارجية.
| |
|
|
|
|
|
|
|
|
|
Re: الشايقية والشيوعية !! (Re: GamarBoBa)
|
قبيلة الشايقيه لم تبايع الانقاذ ولم تفكر الانقاذ فى فبركة مبايعة منها حتى اعلاميه ولن يصدر من هذه القبيله مبايعه , وهى قبيله لها من الانفه والكبرياء والكرامه ما يجعل الانقاذ لن تقترب منها لمثل هذا السلوك, وانا اعتقد اذا فبركت الانقاذ مبايعه انشاء الله صوريه من قبيلة الشايقيه فى هذه الحاله حتى الكيزان من هذه القبيله سوف ينفضون عن الانقاذ لانهم لن يرضوا ان يفرض عليهم فكره او رأى.
يالباشا الغشيم قول لى جدادك كر
الليله العقيد بالاغر دفر
نحن عيال شايق البنرشى الضعيف ونلحق الضايق
| |
|
|
|
|
|
|
|
|
|
Re: الشايقية والشيوعية !! (Re: wadalzain)
|
الاخ ودالزين تحيات طيبات ..
| Quote: وانا اعتقد اذا فبركت الانقاذ مبايعه انشاء الله صوريه من قبيلة الشايقيه فى هذه الحاله حتى الكيزان من هذه القبيله سوف ينفضون عن الانقاذ لانهم لن يرضوا ان يفرض عليهم فكره او رأى. |
ياخي انا بالعكس شايف أن تماسك الشايقية كقبيلة اصبح هشآ .. ولاحظ براك أن الكيزان منهم الواحد مستعد يعمل أي حاجة في سبيل التنظيم وخاصة من تبندر منهم !! .. وفي نفس الوقت المعارضين منهم برضو شايلين ارواحهم ومارقينها في السهلة دي عشان يطيحوا بالكيزان .. يعني نعرة القبيلة تكاد تذوب بينما نري الآخرين صاروا يتمترسوا خلف جهوياتهم وقبائلهم .. واصبح عدوهم الرئيسي هو هذه القبيلة والسبب فقط هو أن نائب الرئيس شايقي .. أمال لو كان الرئيس هو الشايقي كانوا عملوا شنو !! .. الشايقية ماممكن يبايعوا ليهم حكومة كقبيلة لأنهم ليسوا مجموعة محدودة ومحصورة في بقعة واحدة. طبعآ ممكن في أي لحظة يتجمع فوج من المنتفعين ويمشوا يبايعوا اي حكومة بإسم القبيلة ولا من شاف ولا من دري ..
| |
|
|
|
|
|
|
|
|
|
Re: الشايقية والشيوعية !! (Re: GamarBoBa)
|
الاخ قمربوبا .. سلامات ..
Quote: الشوايقة مبدعين وانا ماشايقي
والشيوعيين مبدعين برضو وانا ما شيوعي...لكن بشهد ليهم بكدة |
الملاحظ برضو أن ابداع الشايقية كشايقية ظاهر في شعرهم والذي غالب صفته الحنية .. بينما غالب ابداع الشيوعيين في الاشعار الثورية !! .. الجاب الحنية مع الثورية شنو ؟؟ !! .. يعني مرج بحرين بس التقول مقرن النيلين !! ..
| Quote: قبيلة المسيرية تبايع وتنضم للمؤتمر الوطني ...طيب ما يعينوا القبيلة وزير خارجية |
.يازول مبايعات القبائل دي ناتجة من الشديد القوي .. والمسيرية وضعهم بين نيران كثيرة .. فهم في مناطق تماس ينامون متوسدين سلاحهم .. دايرين لهم ضهر ..
والملاحظ أن عهد الايدلوجيات في السودان في طريقه للاندثار وطغي عليها القبليات والجهويات .. وهي اسوأ انواع الصراعات ..
| |
|
|
|
|
|
|
|
|
|
Re: الشايقية والشيوعية !! (Re: طارق جبريل)
|
Quote: أها انا شايقي ومريخابي احمر تب
دي تحلها كيفن |
هوي يا طارق جبريل .. إنت شايقي و شيوعي وكمان صهيوني ؟؟!! .. إن بقي كدي دواك كوز كارب يكون رشاشة يرشك زي الترتيب ..
بس الاسألك : إنت عاجباك حمورية علم المريخ ومن ثم اتشوعنت ؟؟ واللا حمورية الشيوعي هي الطلعتك المريخ ؟؟ ..
| |
|
|
|
|
|
|
|
|
|
Re: الشايقية والشيوعية !! (Re: Munir)
|
في التمانيات من القرن الماضي حدثني احد الرفاق سابقا
بان احد القيادات من الشايقية عرف الشايقية من وجهة نظره بانها
القبيلة التي يطارد نصفها النصف الاخر
المعني واضح
نص سياسي و النص التاني قوات نظامية و أمن
و الحكاية دي من باب الداعبة رغمان النص تحت الخط يعرف معظم قدامي الرفاق من هو قائله
| |
|
|
|
|
|
|
|
|
|
Re: الشايقية والشيوعية !! (Re: domdom)
|
الاخ دمدم سلامات ..
| Quote: القبيلة التي يطارد نصفها النصف الاخر |
ودي بالله يحلوها كيف .. دي والله مصيبة كبيرة .. بس قصة قابيل وهابيل زاتها !!! ..
في نظري مافي شئ يوحد هذين النصفين غير الرجوع للحق ـ العباءة الختمية !!.. ـ serious !!o ـ
أولآ إذا قلنا النصف الشيوعي فالشيوعية أهلها زاتهم خلوها و بقوا راسمال للرأسمالية وشيوعيينا بقوا لافين و راسهم ذاته لافي في دوائر الراسمالية .. وإن جيت للنصف الكيزاني فبراك شايف انهيار المشروع الحضاري الذي تفتت لشلليات وعصبيات ..
يا زول العرجاء لمراحها ..
| |
|
|
|
|
|
|
|
|
|
Re: الشايقية والشيوعية !! (Re: Munir)
|
صديقي الدكتور منير
كيف أخبارك وين ما ظاهر ، طبعا أنا عارف الخواجات ديل ما صدقوا لقوا زول شغل زيك و كمان شبكوك في شغل خاص بالفضاء و ربنا يعينك و يوفقك في المهمة الشاقة جدا و الانت قدرها.
تعرف يا منير أنا ما متاكد من مدى صحة نظريتك دي لكن برضو اذا وصلت لي نتيجة ان السبب حرف الشين تكون حليت نظرية بتقول ليه أغلب ناس الشعبية شيوعية
مع اختلافي مع النظرية لكن يبدو أن تمسك ناس الشعبية بالنادي و صراعهم مع الانقاذ في أوج قوتها كان سبب في ذلك.
لك ودي و لو فضيت عاوزين نشوفك في بوست بحري الحكومية.
| |
|
|
|
|
|
|
|
|
|
Re: الشايقية والشيوعية !! (Re: hajhamad)
|
العزيز منير
تصدق انو نحن اسرة واحدة اخوان وابناء عمومة ابناء خؤولة
يزيد عددهم عن الخمسة وستين شابا ناهيك عن كبار السن والكبار
وكلنا شايقية من الام والاب
التوزيع السياسي لشريحة الشباب والمهتمين بالسياسة غريب جدا
من عمر 45الى 20 80 % منهم كيزان
10% منهم شيوعيين 10% بلاهويةسياسية
من عمر 45 الى 65 30% منهم اتحاديين 20% كيزان
والبقية موزعة بين الحياد والانتماء او التعاطف مع تيارات اخرى
من هم دون العشرين القليل منهم له انتماء وهوانتماء عقايدى بحت يسارا او يمينا
واضح من الاحصاءآت ان كبار السن الذين تفتحوا على مكانة
الطائفة الختمية وماكان يروج لها من مكانة وقدسية واساطير
اما الجيل التالى هو جيل الاختيار الفردى خاصة من تاثروا
باستقطاب الحركات العقائدية فى الجامعات والمدارس
وبالنسبة للشوايقة الذين بقوا فى دارهم -ديار الشايقية-
انتقلوا فكريامن الاسلام الطائفى الى الاسلام الحركى وهولاء هم
الاغلبية فى شريحة 45---20 لان النقلة كانت اسهل من الانتقال الى اليسار
اما اهلنا الذين هاجروا الى امدرمان او الخرطوم
فقد اختار معظم ابنائهم المنشغلين بالسياسة
الافكار العقائدية القوميةوالماركسية
يعنى حاجة تتلاءم مع مناخ المدينةوثقافتها
اذن هنالك تتداخل بين العوامل ا لاجتماعية والبيئية والتعليمية
فى الاختيار السياسي والفكرى
لذلك تجد رموز الحركة الاسلامية من الشوايقة الذين لم ينفصلوا من ثقافة القرية
وفقرها‘على عثمان نموذجا، وقيادات الحركة الماركسية من شوايقة المدن
كتمرد على الاذلال الطائفى والاستغلال البشع للقبيلة
باسم الكرامة والقداسة عبد الخالق نموذجا
| |
|
|
|
|
|
|
|
|
|
Re: الشايقية والشيوعية !! (Re: سيد أحمد خليفة)
|
الاخ سيداحمد خليفة .. مرحبآ بك وشكرآ علي المساهمة النيرة ..
فعلآ كما ذكرت فإن فئة الشباب معظمهم اتجه للاحزاب العقائدية يمينآ ويسارآ .. ولكني ربما اختلف معك في أن من ساروا يمينآ هم المستمسكون بصفات القرية ومن اتجهوا يسارآ هم تربية المدن .. فكثير من الامثلة تناقض ذلك .. فهناك اغلبية كيزانية لم تري الريف في حياتها وأظن حتي علي عثمان علي حسب ما ذكر في مقابلة تلفزيونية علي ما اذكر فقد نشأ في السجانة ـ الخرطوم .. بينما تجد مثلآ اليساري الشاعر المبدع حميد نشأ وتربي في البلد .. حتي أنه ما كان راضي يفارق البلد .. وقال: شن طعم الدروس ما مدام مكانها مشي قطر .. وكيف زاتها ترتاح النفوس تقبل قرايةفي سفر ..
| |
|
|
|
|
|
|
|
|
|
Re: الشايقية والشيوعية !! (Re: hajhamad)
|
العزيز منير
تصدق انو نحن اسرة واحدة اخوان وابناء عمومة ابناء خؤولة
يزيد عددهم عن الخمسة وستين شابا ناهيك عن كبار السن والكبار
وكلنا شايقية من الام والاب
التوزيع السياسي لشريحة الشباب والمهتمين بالسياسة غريب جدا
من عمر 45الى 20 80 % منهم كيزان
10% منهم شيوعيين 10% بلاهويةسياسية
من عمر 45 الى 65 30% منهم اتحاديين 20% كيزان
والبقية موزعة بين الحياد والانتماء او التعاطف مع تيارات اخرى
من هم دون العشرين القليل منهم له انتماء وهوانتماء عقايدى بحت يسارا او يمينا
واضح من الاحصاءآت ان كبار السن الذين تفتحوا على مكانة
الطائفة الختمية وماكان يروج لها من مكانة وقدسية واساطير
اما الجيل التالى هو جيل الاختيار الفردى خاصة من تاثروا
باستقطاب الحركات العقائدية فى الجامعات والمدارس
وبالنسبة للشوايقة الذين بقوا فى دارهم -ديار الشايقية-
انتقلوا فكريامن الاسلام الطائفى الى الاسلام الحركى وهولاء هم
الاغلبية فى شريحة 45---20 لان النقلة كانت اسهل من الانتقال الى اليسار
اما اهلنا الذين هاجروا الى امدرمان او الخرطوم
فقد اختار معظم ابنائهم المنشغلين بالسياسة
الافكار العقائدية القوميةوالماركسية
يعنى حاجة تتلاءم مع مناخ المدينةوثقافتها
اذن هنالك تتداخل بين العوامل ا لاجتماعية والبيئية والتعليمية
فى الاختيار السياسي والفكرى
لذلك تجد رموز الحركة الاسلامية من الشوايقة الذين لم ينفصلوا من ثقافة القرية
وفقرها‘على عثمان نموذجا، وقيادات الحركة الماركسية من شوايقة المدن
كتمرد على الاذلال الطائفى والاستغلال البشع للقبيلة
باسم الكرامة والقداسة عبد الخالق نموذجا
| |
|
|
|
|
|
|
|
|
|
Re: الشايقية والشيوعية !! (Re: سيد أحمد خليفة)
|
الأخ الدكتور منير
أها خم و صر قعدت تهبش لما الأستاذة منى خوجلي طلعت قريبتك و بكرة يجي حش التمر تلقاها نازلة معاكم الزومة ماشة تفتش حقها معاكم ما كان تخليها في لندن بتاعتها و انت في بلجيكا بتاعت ضاربين البرد عشان كده خلي الشايقية في شيوعيتهم و بيني و بينك اذا عملت احصاء دقيق (ياهم ختمية 100%)
| |
|
|
|
|
|
|
|
|
|
Re: الشايقية والشيوعية !! (Re: Munir)
|
منير كيفنك
Quote: إنت عاجباك حمورية علم المريخ ومن ثم اتشوعنت ؟؟ واللا حمورية الشيوعي هي الطلعتك المريخ ؟؟ ..
|
يا اخوي انا عاجباني حمورية ام راس في الدفيق
| |
|
|
|
|
|
|
|
|
|
Re: الشايقية والشيوعية !! (Re: طارق جبريل)
|
طارق جبريل :
| Quote: يا اخوي انا عاجباني حمورية ام راس في الدفيق |
نان ما تمشي محل ام راسآ احمر فادع العراجين .. المقعدك في بلد المغاربة شنو .. خل البنيي المسيكينة دي تمشي تندل فوق واطات ابوها تفك ريقها بأم رويسات وتتعلم قولة أيييي ..
بيني وبينك عندي واحدي قدر بنيتك دي داير اعمل ليها تدجين سريع ..
| |
|
|
|
|
|
|
|
|
|
Re: الشايقية والشيوعية !! (Re: Munir)
|
منير كيفك ........
جيت أسلم عليك وبالمرة أقول ليك حاجة ........
أنا زولا جعلي (تب) وما عندي علاقة بالشيوعية !!!
بس المحيرني أغلب (ناسنا) بعثيين !! ودي ما عارف احلها كيف !!
صنفرة :
الشي (مكاواة) ولا شنو الحكاية؟؟؟؟؟!!!!!
| |
|
|
|
|
|
|
|
|
|
Re: الشايقية والشيوعية !! (Re: بدري الياس)
|
اخي بدري الياس ـ سلامات .. ودعني أولآ اعلق علي صورتك في البروفايل فهي ما شاء الله تعطي انطباع مريح عن شخصية مسالمة و friendly ـ حياك الله ..
| Quote: والكويس إنو لغاية هسع المسألة ما انجرت لي تأويلات ثقيلة وسمجة، كما انو الموضوع ما مشى في جانب (عنصريتكم وعنصريتنا) والفجاجات التي أصبحت سمة غالبة في المنبر. ويا ريت - وانت ماسك دفة الموضوع- تحميهو من متل تلك الانجرافات والتي ربما تدخل عن طريق (غمزة) أو (همزة) حتى وإن كانت على السطر. |
يازول الله لا جابلو عنصرية هنا .. لكين الاقول لك كلام .. العنصرية دي زاتها خشم بيوت .. وطبعآ ممكن واحد يقول لي كوني افتح بوست فيه اسم قبيلة ده زاتو نوع من العنصرية .. لكين ده ما القصد والله .. انما القصد فقط معافرة هذه الجزئية المتعلقة بالشيوعية .. وزي ما قلت ليك العنصرية خشم بيوت .. والعنصرية الضارة هي مثيرة الكراهية .. يعني الواحد يفتح ليك موضوع في شتم قومية معينة ويكيل لها السباب والتقريع بلا سبب .. وهذه ما يمكن ان اسميه العنصرية المتعدية .. علي وزن الفعل المتعدي الذي يتعدي علي مفعول به .. ولا يدخل في ذلك فخر قوم معينين بقبيلتهم أو ابداء ملاحظاتهم علي بعض خصائصها سواءآ كانت سالبة او موجبة .. فاطمئن ما ظنيت ننحرف لمشاكل عنصرية إلا يجينا ناطي زولآ أشتر وأطرق ساكت ..
طبعآ ناسنا الزمان ما كانوا بيعرفوا حاجة اسمها شيوعي ولا اخوان مسلمين .. الفئتين ديل تشملهم ليك كلمة واحدة بس : "منكــر" .. حتي عندما ظهرت كلمة شيوعي دي زاتهم ما اجتهدوا يفرزوها وينطقوها صاح .. شبكوها ليك "شعوعي" وخلاس .. اسم اعجمي فالعب به !! .. والانكار علي ما اعتقد هو انكار كرامات الأولياء عمومآ .. وطبعآ المعروف هو أن أشد المنكرين هم الوهابيين والمعتزلة والاخوان المسلمين .. وبما أن الزمن داك التنظيمات دي ما كانت معروفة لاجدادنا القدماء فأي منكر يلصقوا ليك فيهو صفة شعوعي حتي لو كان كوز !! .. غايتو جنس مفارقات ..
قال ليك أيام نميري قبل علي الشيوعيين ديلك .. باص البراري كان شاحن ركاب فل .. والدنيا وسطنهار والناس عرقها يخر وكل زول اخلاقه في طرف نخرته .. قام الظاهر السواق سها وفط محطة !! .. والناس متأهبة للنزول والجو مكهرب بريحة الانقلاب .. قاموا الركاب يخبطوا للسواق ويكوركوا ولبع شديد في الحديد وسقف الباص وجوطة شديدة عشان يقيف !! .. فالسواق زعل طبعآ وهو زاتو كان اساسآ قرفان وكاره يومه .. فقام طبعآ حك ليك فرملة ومعاها سب للركاب وبالامارة كده استغل الظرف السياسي وقال ليهم : ما خلاص قلنا ليكم واقفين .. عالم طير .. عارفكم كلكم شيوعيين !! .. 
| Quote: كده حا تخلينا نودي الكلام كلو علي الزومة. |
وكدي اسع ما نجيب سيرة الزومة تاني عشان الشوايقة زاتهم ما يقولوا علينا عنصريين هههه ..
ومنتظرين ...
| |
|
|
|
|
|
|
|
|
|
Re: الشايقية والشيوعية !! (Re: خال فاطمة)
|
الاخ خال فاطمة تحياتي ..
| Quote: منير .. تعال النسعلك الزمن دا في شيوعية ؟؟؟ |
الحقيقة .. في نظري أن محض فكرة "شيوعية" أفضل وأكثر إنصافآ من "الرأسمالية" .. فجوهر الشيوعية المساواة المطلقة إذا وضعنا الفكرة علي بلاطة .. بينما الرأسمالية الغربية محصلتها الواضحة هي الاقطاعية والتسلط ومحركها الاساسي الطمع الغريزي !! .. فجوهر الشيوعية في نظري أشرف وأكرم أخلاقيآ من غريمتها الرأسمالية .. يعاب علي الفلسفة الشيوعية :"المادية"!! .. ولكن بالدارجي كدة فالحضارة الراسمالية الغربية دي هي المادية زاتها !! .. ياخي ديل بتاعين مادة بس ..
فالعجب كيف ازدهرت فلسفة الطمع الغريزي وانتصرت علي فلسفة هي في عمقها الاخلاقي انبل واشرف !! .. ده معناه ان الانسانية عمومآ سائرة في طريق منحدر !! ...
الحدارة البترمي من الحمارة ..
| |
|
|
|
|
|
|
|
|
|
Re: الشايقية والشيوعية !! (Re: ناذر محمد الخليفة)
|
اخونا ناذر الخليفة ..
والله غايتو علاقة البعثيين بالجعليين إلا يكون حرف العين .. بعدين ياخوي هم البعثيين كلهم كم .. لكين زي ما قلت الواحد خايف يمشي يسأل قوقل يقوموا الـ "كلهم كم" ديل يطلعوا كلهم جعليين ..
وبمناسبة "جيت اقول ليك حاجة دي" انت يازول قنعت من رسالة دكتوراتك واللا شنو ?!.. شريتنا ياخي ..
واللا تكون جمدت السنة !!
| |
|
|
|
|
|
|
|
|
|
Re: الشايقية والشيوعية !! (Re: Munir)
|
Quote: نان ما تمشي محل ام راسآ احمر فادع العراجين .. المقعدك في بلد المغاربة شنو .. خل البنيي المسيكينة دي تمشي تندل فوق واطات ابوها تفك ريقها بأم رويسات وتتعلم قولة أيييي ..
|
منير كيفنك
انا التي وديتا البركل وطلعت لي شبا وشافت ام راس والمشرق والتمود كمان
واكلتلها حرف في القيف
المشكلة في اليلتك العايزة التدجين دي
| |
|
|
|
|
|
|
|
|
|
Re: الشايقية والشيوعية !! (Re: Munir)
|
الاخ منير
سلامات
دخّلت كلمة الشايقية فى قوقل. وقوقل الظاهر عليهو مشلخ، أدانى الاف المدخلات فى الانترنيت عن الشايقية باللغة العربية. ممكن الناس يجربوا كتابة الكلمة بطرق اخرى مثل الشايقيه، او الشايقيّة، او الشايقيّه ويشوفوا قوقل رايه شنو!
الشايقية فى قوقل
| |
|
|
|
|
|
|
|
|
|
Re: الشايقية والشيوعية !! (Re: Adil Osman)
|
عادل كيفنك !.. انت غايتو قوقل دا اصلو ما مريحو .. تشيل وترسل فيهو وهو بس يلفح منك طرف الكلام ويجري يخم ويجيب لك الدايرو والما دايرو !!! .. لكين تعرف الشئ دا خطير شديد !! باقي هو قوقاااال .. زي ما بيجيب لك الخبارات هو زاتو بيشيل منك ويودي .. لو عندك فايل سري اوعك تخته في web directory .. لأنه ممكن ينكته ويوريهو الباحثين بدون ما يستأذنك ..
أها اعمل حسابك من تجي تصيد بيهو يصطادك ..
| |
|
|
|
|
|
|
|
|
|
Re: الشايقية والشيوعية !! (Re: Munir)
|
| Quote: لو عندك فايل سري اوعك تخته في web directory .. لأنه ممكن ينكته ويوريهو الباحثين بدون ما يستأذنك .. |
هاهاهاهاههها
امس يا منير جهزت رد طويل على كلامك الظريف، ولكنه ضاع يا حسرتى بفعل تدخل تكنولوجى مجهول المصدر. زمان قريت كتاب طريف باللغة الانقليزية عن انه وسائل الحضارة الحديثة من ادوات كهربائية والكترونية اكتسبت حياة مستقلة وصارت لها ارادات تخصها، وتتصرف على كيفها.!
بالنسبة الى قوقل. فعلا قوقل كائن صديق وساحر جدآ. يجيب ليك الهواء من قرونه كما قال المرحوم عل المك عن الاذاعة السودانية اول ما بدت.
اما عن اسرارى فما تقلق. اسرارى فى الحقظ والصون. هذا من جانب. اما الجانب الاخر، فإننى (ما عنديش تلفون) على حد تعبير عادل امام.
جريدة الميدان، لسان حال الحزب الشيوعى، لها باب مشهور اسمه (الخرطوم مدينة لا تعرف الاسرار)!
اها كلامك عن قوقل خلانى ادخّل قوقل فى قوقل. يعنى زيت قوقل فى بيت قوقل! شوف الحصل شنو.. بلايين مدخلات المعلومات. يا زول قوقل الساحر ما قصر تب!!
زيت قوقل فى بيته
| |
|
|
|
|
|
|
|
|
 Re: الشايقية والشيوعية !! (Re: Hussein Mallasi)
|
Quote: ابو رزقة ......
نما الى علمنا بأنكـ عضو أصيل في الاتحادي
الديمقراطي منذ ايام الدراسة بالقاهرة
______________________________
ارجوا تأكيد المعلومة أعلآه ليعم الفرح ايها الشقيق !!! |
Re: الحزب الشيوعي مثال.. مرمي الله ما بترفع..!!
تحية خاصة للأخت القلب النابض.. 
وتحياتي ليكـ يا أخي منير..
وبحكم الـ DNA ووراثة حبوبتي الشايقية..
والموجهة التربوية بالفاشر أبو زكريا والمدعوة نفيسة بت حسب الرسول بت السناري..
يانا المسلمين..
تخريمة:
براءة..
| |
|
|
|
|
|
|
|
|
|
Re: الشايقية والشيوعية !! (Re: A.Razek Althalib)
|
عبدالرازق .. Quote: وبحكم الـ DNA ووراثة حبوبتي الشايقية..
والموجهة التربوية بالفاشر أبو زكريا والمدعوة نفيسة بت حسب الرسول بت السناري.. |
اتاري انا أقول الزول دا جايب اللياقة العالية والعناد ديل من وين في الدافوري دا !!!! .. يعني العرق دساس ..
مرحبتين حبابك
وعشان ما يقولوا علينا متعنصرين نقول: دي إن إيننا كلنا لو فحصونا بيلقوه طين في طين ..
وبالمناسبة حقو ناس الجينوم يفتشوا لينا علاقة الطين الصلصال بالـ دي إن إي .. دي قضية دايرة بحث .. واللا كيف ?!..
| |
|
|
|
|
|
|
|
|
|
Re: الشايقية والشيوعية !! (Re: Munir)
|
| Quote: بيني وبينك عندي واحدي قدر بنيتك دي داير اعمل ليها تدجين سريع .. |
يا منير يا اخوي لحقها قطر اللحد قبل ما لسانها يتعوجلك.. على الجهة التانية ..
باقيلي الحكايي دايري عجلة شويي...
الحق الاحد الجاي
تحيات خاصة عبرك عبد الرازق الطالب
وابن العمة طارق جبريل وبته العسل ...التي سقاها من النيل وطلعها جبل البركل ..واكلها الدفيق والصفوري ...يلا نرجع للبلد ..نقعد تحت التمر بمزاج....
تحياتي أخ منير
| |
|
|
|
|
|
|
|
|
|
Re: الشايقية والشيوعية !! (Re: عبد المنعم سيد احمد)
|
الاخ عبدالمنعم .. مرحبآ ..
Quote: ومنذ ذلك الحين
والباسا تقدم ابناءها طلائعا للمد الثورى
او فلتقل لليسار عموما |
وكما قلنا .. هناك نزعة حارة عند هؤلاء القوم .. نتمني ان تبرد قليلآ .. ورغم انها نزعة زعائمية - ربما تكون غير حميدة - إلا أن كونها نزعة يسارية فتلك ايجابية فيها لأني كما قلت الفكر اليساري في جوهره منصف ويدعو للمساواة المطلقة .. إذن يمكننا ان نقول انهم لم ينزعوا للقيادة من أجل التسلط بل لنصرة الكادحين ..
طبعآ للأسف الواقع أقوي من مثاليات التنظير !! ..
| |
|
|
|
|
|
|
|
|
|
Re: الشايقية والشيوعية !! (Re: القلب النابض)
|
القلب النابض تحية جديدة ..
غايتو ود عمتك طارق اصلو ما قصر .. قوام قوام مشي ضوقها عسل البلد .. الشفقان .. لكين حقو يواصل وما يخليها تلخبط بين شبا والمغرب .. تقوم في الآخر تبقي له من ناس وا سجمي خالس ووب علي جدآ ..
أنا اللتي الظاهر محتاجة مجهود كبير .. غايتو الي الآن مجتهدين شديد .. قبل كم يوم كده (زوروهم مزرعة في المدرسة فيها جداد وبقر ونعاج و..) فجأة جات قالت لينا : الديك في السودان بيصحيكم الساعة كم ؟؟!! .. طبعآ لأننا دائمآ نحكي لها عن السودان وأنه الديوك بتصحي الناس لصلاة الصبح و..و. نحاول نعكس ليها صورة مختلفة شوية لاجل التشويق يعني .. جات قالت :انتو الديك في السودان بيصحيكم الساعة كم (قاصدة : الساعة كم بالضبط) ؟؟!!! هههه
| |
|
|
|
|
|
|
|
|
|
Re: الشايقية والشيوعية !! (Re: Adil Osman)
|
..| Quote: اها كلامك عن قوقل خلانى ادخّل قوقل فى قوقل. يعنى زيت قوقل فى بيت قوقل! شوف الحصل شنو.. بلايين مدخلات المعلومات. يا زول قوقل الساحر ما قصر تب!! |
يعني يا عادل سويت ليهو : من دقنه وافتل له ..
زي ما قلت ليك الواحد تلقاه متطمئن وخاتي فايلاته في protected directory برضو قوقل يجيب ليك خبرها ويشيل ليك حال الزول وهو ما جايب خبر !! .. دنيا عجيبة !!!
تعرف إذا الواحد تمعن في معجزة الانترنت دي .. وفكر كيف أن زي قوقل دا وهو مخلوق معنوي ساكت !! .. وفكر في طريقة تلقينه الامر فيأتيك زي الجن بما لا يخطر علي بالك من اعماق سيديهات العالمين قبل أن يرتد إليك طرفك .. تأآآمن بأن شكل المعرفة بعد سنين وطريقة تحصيلها ربما لم يخطر علي بال أحد الي الآن !!! ..
وللفائدة العامة ولمعرفة كيف تعمل محركات البحث في الانترنت يمكن الاطلاع علي :
How internet search engines work
| |
|
|
|
|
|
|
| |
Munir
القلب النابض
yasiko
أحمد الشايقي
محمد احمد ابراهيم
يحى الشريف
شرووم
Muna Khugali
طارق جبريل
GamarBoBa
wadalzain
hajhamad
ناذر محمد الخليفة
خال فاطمة
Adil Osman
Hussein Mallasi
A.Razek Althalib
عبد المنعم سيد احمد
فيس بوك
تويتر
انستقرام
يوتيوب
بنتيريست