لسه ما وصلنا ؟.. سؤال يردده الأطفال بملل شديد أثناء الرحلات الطويلة .. ولكن في هذه الرحلات الآتي ذكرها تجد حتي الكبار يصابون بالضجر والتعب من طول زمن الرحلة التي تجد نفسك مصبوباً في مقعدك بلا حراك لأكثر من ١٥ ساعة..
هوي .. البوست ده منقول بتصرف من أخبار الياهو .. عشان ما يجو متلقي الحجج ويطالبوا بالمصدر ..
حبيت أقزقز بيهو وأشارككم بعيداً عن ضوضاء الحرب .. فلاحتكم بس في الحرب ..
1- New York to Hong Kong on Cathay Pacific
كاثي باسيفيك لها ثلاث رحلات في اليوم - لا حظ ل في اليوم دي- من مطار كنيدي لهونق كونق .. وهي من كبريات خطوط الطيران في آسيا والكبري في هونق كونق .. هذه الرحلات تمتد ل١٦ ساعة في الجو مستغلة البوينج ٧٧٧ .. أنا غايتو مرة سافرت في كاثي باسيفيك دي من ميونخ لهونق كونق وكانت حوالي ١٢ ساعة واللاّ كم ماعارف .. وكانت شاقة بمعني الكلمة .. تنوم علي حيلك وتصحي علي ضوضاء الوجبات .. أذكر من الأوقات العصيبة حين عبرت الطائرة فوق الهملايا فأخذت الطائرة تهتز من شدة المطبات الجوية - والله الواحد حس بأنه راكب لوري في خلا الشمالية .. تقعد في مطار هونق كونق وتعاين بره تلقي كمية مهولة من طائرات البوينج الكبيرة دي (Cathay Pacific) الطالعة والنازلة والواقفة تشحن وتنزل في الركاب وتقعد تقارن في هذا الثقل الحضاري والسكاني والتجاري مع بلدنا التعبانة ومطارنا الفضائحي وسوق الخضار وجزارة سوق بحري، تحس بأنك كرور ساي ..
طول الرحلة =٨٠٥٩ ميل أو ١٢٩٦٩,٧ كيلومتر المدة = ١٦ ساعة السعر ٦٤٤ دولار ..
04-01-2012, 02:37 PM
Munir Munir
تاريخ التسجيل: 02-11-2002
مجموع المشاركات: 10496
تسافر في الزمن للوراء من بلاد الكابوي في دالاس لبراري استراليا قد يسبب شئ من الإضطراب .. تزيد عليهو كمان ١٦ ساعة في الجو دي تكون عذاب عديل كده .. لكين قاليك طيران كانتاس مجهز بمقاعد مريحة و وسائل الترفيه .. وتتضمن الرحلة تلاتة وجبات مع المشروبات والكحوبيات .. ولوعاوز كمان عدة حلاقة وفرشاة ومعجون ومزيل عرق و.و .. كما أنه يوجد بها بار صغير لو اردت تتمشي شوية أو احتجت لبعض المأكولات الخفيفة ..
طول الرحلة =٨٥٨٤ ميل أو ١٣٨١٤,٦ كيلومتر المدة = ١٦ ساعة السعر ١٩٦٢حوالي دولار ..
04-01-2012, 02:37 PM
وضاحة وضاحة
تاريخ التسجيل: 01-16-2005
مجموع المشاركات: 9116
يا أختي نحن لينا أكتر من عشرين سنة خاتين يدينا في قلوبنا - وكل يوم ننوم نقول بكرة القيامة حتقوم في السودان ، من كترة الشد والجذب والحروب والموت والأخبار الكعبة والكذب والنفاق والشر والحقد الحاصل .. لغاية ما مرارتنا فشفشت .. في الآخر قلنا أخير الواحد ينسي قيامة السودان ويغكر في قيامته هو ..
04-01-2012, 02:43 PM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
سلامات يا منير. 12 ساعة و اتجرست؟؟؟ انا كل سنة ( او سنتين) بأخد سفرية حوالي 16 ساعة و نص ( لما ال jet stream ) تكون تمام و 17 ساعة لما تكون ما تمام عشان بس اصل دبي. في السفريات دي انا بوقف حساب الساعات بعد ذي 8 ساعات كده. قبل ما يكون عندي أطفال كنت بنوووووووووم. الان - مع الاطفال-السفرية عباره عن موت. ببدا اسأل ربنا يسهلها قبل شهور.
04-01-2012, 02:56 PM
نادر النور آدم نادر النور آدم
تاريخ التسجيل: 04-29-2010
مجموع المشاركات: 1126
يا ناس هوي لي كلامكم نحن في نعمة كبيرة خلاس انا ما كان عندي مشكلة مع الطيران لكن مرة واحدة الخطوط السعودية حصلت لينا فيها مطبات عنيفة لحد الآن بقت عندي حساسية من حاجة اسمها طيران .. عليك امان الله الساعتين وأربعين دقيقة بتاعة الخرطوم الرياض دي بقيت اشوفها شهر عديل ..
04-01-2012, 03:02 PM
Munir Munir
تاريخ التسجيل: 02-11-2002
مجموع المشاركات: 10496
3- Johannesburg to New York on South African Airways
في مايو ٢٠١١ جنوب افريقيا بدأت رحلاتها الطويلة من جوهانسبيرج لنيويورك والتي تستمر برضو ١٦ ساعة في الجو بالإيربص ٣٤٠-٦٠٠ سعة ٣٠٠ راكب .. الرحلة فيها وجبتين كاملتين (دحين وجبتين في ١٦ ساعة ديل ما شوية؟) .. وبرضو تتخللها بعض الsnacks والمشروبات - قهوة شاي عصائر غازيَّات روحيات إلخ.. طبعاً طائرات الإيربص فيها شاشة قدام كل راكب يمكنك فيها مشاهدة العديد من الأفلام والبرامج .. الكويس فيها إن مقاعدها مرصوصة بالترتيب ٢-٤-٢ لتقليل مقاعد الوسط حين تكون الرصة ٣-٣-٣ ..
طول الرحلة =٧٩٧٠ ميل أو ١٢٨٢٦,٥ كيلومتر المدة = ١٦ ساعة السعر بين ١٢٠٠ - ١٧٠٠ دولار ..
04-01-2012, 03:07 PM
وضاحة وضاحة
تاريخ التسجيل: 01-16-2005
مجموع المشاركات: 9116
الأخت وضاحة .. والله بالنسبة للتذاكر علمي وعلمك واحد .. لكين غايتو أنا شايف إنو الأسعار مرتبطة مع بعضها نوعاً ما .. إلا الفروقات تجي من تباين أسعار الصرف للدولار ما بين السعر الرسمي وسعر السوق .. طبعاً أي شئ حين يرتبط بالسودان ينقلب رأساً علي عقب ويبقي ما مفهوم ..
04-01-2012, 04:28 PM
الفاتح الفاتح
تاريخ التسجيل: 09-28-2003
مجموع المشاركات: 58
Quote: يا ناس هوي لي كلامكم نحن في نعمة كبيرة خلاس انا ما كان عندي مشكلة مع الطيران لكن مرة واحدة الخطوط السعودية حصلت لينا فيها مطبات عنيفة لحد الآن بقت عندي حساسية من حاجة اسمها طيران .. عليك امان الله الساعتين وأربعين دقيقة بتاعة الخرطوم الرياض دي بقيت اشوفها شهر عديل ..
قلت لي الرياض الخرطوم؟؟ .. ياخوي أحمد الله إنو الأجواء في تلك النواحي صحراوية ما فيها هواء .. لكين تعال شوف الرحلات العابرة للمحيطات والسلاسل الجبلية العملاقة مع العواصف والصواعق العملاقة البشوفها زنننن من السماء للأرض وتشلع ليك في عينك شدييد لغاية ما تشبع منها شوف وتستغفر ربك حتين تطفي .. وبعد كده تلقي المغامرين الشفوت ديل الواحد الطيارات الكبيرة الآمنة يخليها وينط ليهو في طائرة شراعية يتحاوم بيها في الجو ويقعد يتشقلب بيها كمان .. تقول لي الخرتوم الرياض :) ..
04-01-2012, 03:32 PM
Munir Munir
تاريخ التسجيل: 02-11-2002
مجموع المشاركات: 10496
سمارت أنا تحياتي (إن شاء تكوني عفيتي لي من المجادلة الخشنة الزمان ديك ):)
Quote: 12 ساعة و اتجرست؟؟؟ انا كل سنة ( او سنتين) بأخد سفرية حوالي 16 ساعة و نص ( لما ال jet stream ) تكون تمام و 17 ساعة لما تكون ما تمام عشان بس اصل دبي. في السفريات دي انا بوقف حساب الساعات بعد ذي 8 ساعات كده. قبل ما يكون عندي أطفال كنت بنوووووووووم. الان - مع الاطفال-السفرية عباره عن موت. ببدا اسأل ربنا يسهلها قبل شهور.
تعرفي ال١٢ ساعة كانت رهيبة في مدة محدودة عندما كنا طايرين فوق جبال الهملايا .. فبدأت الطائرة بالإضطراب الشديد لغاية ما شاشات التلفزة التقيلة بقت تكركب كركبة شديدة، أنا قلت إنو الشاشة الكبيرة القدامي دي حتنخلع من مكانها وتقع في راسي.. دي كانت بترتج إرتجاج شديد لدرجة إني ما قدرت أشرب كوب العصير الماسكه في يدي .. تجي تخت الكوز في خشمك تلقاه في نخرتك .. فزاد الكابتن الإرتفاع وبرضو ما اتحسن كتير .. غايتو قلت بس الله يمرقني من دي ..
طبعاً المطبات الجوية أكتر شئ مخيف .. .. تخليك تقول هسه يفتحوا لي الباب ده وأنط لي في سحابة إن شاء الله تصبَّني في الخلا .. يمكن تأثيرها ما بيكون محسوس في الطيارت العملاقة .. لكين بس أوعك تجربي تسافري في طيارة صغيرة في جو مضطرب ..
لكين برضو الواحد لمن يحسبها ليكم إنتو يا ناس أمريكا ويتذكر ليكم ال١٦ ساعة بتاعتكم دي - وكمان معاها مثلث برمودا - يحن عليكم رسمي .. ١٦ ساعة ومع أطفال (أقل من ٤ سنة؟) عذاب عذاب .. الله يكون في العون .. العجب كمان ناس الساحل الغربي .. أما كندا ديك فإظنها دقة قنع عديل !..
04-01-2012, 03:50 PM
Munir Munir
تاريخ التسجيل: 02-11-2002
مجموع المشاركات: 10496
4- Newark to Hong Kong on United Airlines مقارنة بكاثي باسيفيك - التي تقوم من نيويورك - قال ليك الرحلات من نيوارك لهونق كونق علي الخطوط الأمريكية United Flight تعتبر غير مريحة بسبب ضيق مقاعد الشركة الأمريكية .. عموماً قيل أن سمعة الشركات الأمريكية سيئة في الطيران الطويل نسبة لضيق المقاعد كما ذكرنا، زائداً سوء الوجبات .. هذه الجزئيات غير المنظورة في الرحلات الصغيرة تصبح كابوساً في الرحلات الطويلة ، حيث تجد نفسك محشوراً في مقعد ضيق ل١٦ ساعة ، وبعد ده يجيبوا ليك أكل كعب .. يبقن عليك التعب والأكل الكعب ..
طول الرحلة = ٨٠٦٥ ميل أو ١٢٩٧٩ كيلومتر المدة = ١٦ ساعة السعر بين ١٥٠٠ - ١٩٠٠ دولار ..
وانا بملاء فى مستندات الشغل اللى شغال فيهو دى الوقت ملئت ورق البنك وورق الصحة وشنو وشنو مرت على ورقة بيطلبو فيها من المنصبين الجدد إقرار انو ماعندو مشكلة مع السفر بى الطيران فى اوقات مختلفة قعدتة اضحك ومليتة ليك بى منتهى السهولة أتضح لى لاحقا باننى استسهلت الامر وضحكت ساى !!! لان السفر قطعة من العذاب لو كان بطائرة او لورى فى. كثبان رملية جربت السفر لمدة ساعة الى ساعة ونصف بى الهليكوبتر فى جو ممطر وتمنيت من جوة نفسياتى انو ربنا يسهلة وننزل بى السلامة ولن أكررها مرة اخرى وهو مالك يحدث لان المعايش جبارة
04-01-2012, 04:38 PM
Munir Munir
تاريخ التسجيل: 02-11-2002
مجموع المشاركات: 10496
الرحلة دي من Delta Aitlines يقوم بها ٤ كباتن وطاقمين ضيافة بطائرة بوينج٧٧٧ لتقطع ٨٤٣٣ ميل في ١٦ ساعة و١٥ دقيقة.. قال ليك الطيارة في الرحلة دي تستهلك ٤٠ألف جالون وقود - (حولا !! في الشهر؟)- ما تستغرب الركاب كمان بيستهلكوا ٧٠ألف علبة صودا و١٠٠ألف كيس معجنات - وبسكويتات وكيك ..و - كما يستهلكون ٢٠٠ألف كيس بتاع فول حاجَّات :)، ونص مليون رطل ثلج (في الشهر؟!!) .. الجماعة شغالين كسير تلج ساي .. برضو في ال١٦ ساعة يدوك وجبتين بس .. يعني مفروض الواحد يكون شايل ليهو زوادة معاهو .. واللاّ شنو؟ .. يمكن أكلهم ما ينفع معاك .. !! ..
المسافة : ٨٤٣٣ ميل، أو ١٣٥٧١,٦كيلومتر المدة : ١٦ ساعة و١٥دقيقة التكلفة : ١٣٠٠ دولار
04-01-2012, 05:25 PM
Munir Munir
تاريخ التسجيل: 02-11-2002
مجموع المشاركات: 10496
طبعاً أي سباق مسافات طويلة لازم العرب يدخلوا فيهو كراعهم .. ولكن بما أنهم ناس بترول تجد مثل هذه الرحلة المباشرة بين الدوحة وهوستن في تكساس - ولاية البترول - دي طبعاَ أكيد بتكون معظم ركابها إداريين ومهندسين بتروليين .. أنا مرة سافرت يمكن أكتر من تلاتة أرباع هذه الرحلة، ولكن من باريس في طريقي لمكسيكو سيتي .. فتوقفت الطائرة لمدة ساعة في هوستن بعد رحلة حوالي ١٠ ساعات ثم تلتها ٣ساعات حتي المكسيك .. الواحد طبعاً مشي بدون فيزا لأمريكا - لكين أتذكر كان في واحد جاي مسافر في نفس الوكت من كولومبو - سريلانكا - وقام علي التعتره نزل من الطيارة بدون فيزا - قاموا الكابويات أولاد الذين قبضوه رجعوه من محل ما جاء مباشرة .. قلت كان كان ده أنا كان ودوني غوانتنامو ..
الحقيقة أنك تحس بالفرق بين جو السفر غرباً مع ركاب خواجات، والسفر شرقاً حيث تكتظ الدنيا بالآسيويين .. طبعاَ الكبسيبة بتحصل حين تكون مسافر في طريقك للخرطوم .. عليك أمان الله قبل موعد السفرية تلقي الصالة هاجت وماجت .. مرة كنت جاي من مطار جدة للخرطوم وعندما قارب زمن سفرية الخرطوم - علي الخطوط السعودية - ألقي ليك الدنيا جاطت .. أطفال يتجاروا ، دهب يتكشكش، عراريق ، صفوف جايطة !! .. قمت سمعت ليك إثنين ضباط سعوديين في المطار بعاينوا للجوطة دي وهمس لرفيقه .. قال مافي سفرية بتعذبهم إلا الماشة الخرطوم وكانو .!!!.
المسافة : ٨٠٤٧ ميل، أو ١٢٩٥٠,٤ كيلومتر المدة : ١٦ ساعة و١٥دقيقة التكلفة : ١٨٥٠ دولار
04-01-2012, 05:49 PM
Munir Munir
تاريخ التسجيل: 02-11-2002
مجموع المشاركات: 10496
طبعاً طالما القطريين عندهم رحلاتهم لهوستن، برضو الإمارات ما مقصرة .. من دبي لهوستن ١٦ ساعة و٢٠دقيقة بالخطوط الإماراتية .. الإماراتية طبعاً حاجة تمام .. بالمناسبة مقارنة بالشركات العالمية تجد أن الشركات الخليجية سخية في وجباتها - وجباتهم شهية وأطباقهم كبيرة ومشبعة بالجد وحلال كمان .. الكرم العربي - مدعوم بالثراء طبعاَ - الواحد غايتو في الخطوط الأوربية أصلو ما بيكون مطمئن للوجبة .. يعني لازم يدخلوا ليك فيها لحم خنزير ..
المسافة : ٨٣٣٩ ميل، أو ١٣٤٢٠,٣ كيلومتر المدة : ١٦ ساعة و ٢٠ دقيقة التكلفة : ١٤٠٠ - ٢٣٠٠ دولار ..
04-01-2012, 05:58 PM
مازن فيصل هلال مازن فيصل هلال
تاريخ التسجيل: 10-15-2009
مجموع المشاركات: 1003
سلام منير و الضيوف بوست رايق وسط الزحمة دي طبعا انا من عشاق السفر .. و السفريات الطويلة جوا بالتحديد ... ما عارف ليه فانا اعشق السفر و الطيارة
اطول رحلة قمت بها كانت من مطار جوهانسبيرغ الي مطار جانقي الدولي بسنغافورة ...عام 1995 ... إستغرقت الرحلة حوالي 13 ساعة و كانت علي متن الخطوط الجنوب افريقية الراقية .. كانت رحلة قارية لن انساها ابدا و اتمني ان تتكرر
_________________________________________ غايتو العاوز يسافر سفرية فوق ال 8 ساعات افضل ان يسافر بالاماراتية .... ولا في الأحلام!
04-01-2012, 08:01 PM
Munir Munir
تاريخ التسجيل: 02-11-2002
مجموع المشاركات: 10496
Quote: اطول رحلة قمت بها كانت من مطار جوهانسبيرغ الي مطار جانقي الدولي بسنغافورة ...عام 1995 ... إستغرقت الرحلة حوالي 13 ساعة و كانت علي متن الخطوط الجنوب افريقية الراقية .. كانت رحلة قارية لن انساها ابدا و اتمني ان تتكرر
جوهانسبيرج سنغافورة دي الواحد ممكن يتخيل ليك أشكال الركاب كيف .. أكيد شئ بيض وشئ هنود وشئ آسيويين ومعاهم سوداني أفروعرب (نقول نوبي عشان ما نتحسس :) .. كل ألوان الطيف الإنساني ..
04-01-2012, 06:18 PM
Munir Munir
تاريخ التسجيل: 02-11-2002
مجموع المشاركات: 10496
Quote: وانا بملاء فى مستندات الشغل اللى شغال فيهو دى الوقت ملئت ورق البنك وورق الصحة وشنو وشنو مرت على ورقة بيطلبو فيها من المنصبين الجدد إقرار انو ماعندو مشكلة مع السفر بى الطيران فى اوقات مختلفة قعدتة اضحك ومليتة ليك بى منتهى السهولة أتضح لى لاحقا باننى استسهلت الامر وضحكت ساى !!! لان السفر قطعة من العذاب لو كان بطائرة او لورى فى. كثبان رملية جربت السفر لمدة ساعة الى ساعة ونصف بى الهليكوبتر فى جو ممطر وتمنيت من جوة نفسياتى انو ربنا يسهلة وننزل بى السلامة ولن أكررها مرة اخرى وهو مالك يحدث لان المعايش جبارة
أخي راشد .. ياخوي ما تلاوز من شغلاً فيهو سفر .. سفر في شغل معناه فسحة ما بطَّالة تشوف الدنيا وشعوبها وتعاملات عمل عالمية تكتسب فيها الخبرة .. لكن طبعاً الواحد لازم يتعلم يخت الرحمن في قلبه وهو طاير في الجو .. وعلي كل حال السفر بالطائرات، حسب الإعتقاد، هو الأكثر أماناً مقارنة بسفر البر - يخيل لي السكة حديد أأمن - ..
قلت لي هليكوبتر؟؟ لا حولا !! أباتشي؟؟
طيب يا أخوي الإف١٦ معاك كيف ؟
ماكوك فضاء تجرِّب ؟؟ :)
04-01-2012, 07:35 PM
Munir Munir
تاريخ التسجيل: 02-11-2002
مجموع المشاركات: 10496
الإماراتية من دبي للوس أنجلوس تستخدم العملاقة البوينج٧٧٧ - وبها ثلاث درجات : السياحية (٢١٦ مقعد)، ورجال الأعمال (٤٢ مقعد) ، والكابينة الفاخرة .. طيران فاخر بخدمات فاخرة .. لكين قال ليك الأسعار نار .. التذكرة السياحية ساي سعرها ما بين ١٨٠٠ - ٢٤٠٠ دولار .. أما الدرجة الأولي حتكلفك بين ١٢٧٠٠ ل١٤٠٠٠ دولار ينطح دولار ..
المسافة : ٨٣٣٥ ميل ، أو ١٢٤١٣,٩ كيلومتر المدة : ١٦,٥ ساعة السعر (economy): ١٨٠٠ - ٢٤٠٠ دولار ..
04-01-2012, 07:53 PM
Munir Munir
تاريخ التسجيل: 02-11-2002
مجموع المشاركات: 10496
خشينا زون ال١٧ ساعة بالطيران التايلندي من لوس انجلوس لبانكوك بالإيربص A٣٤٠ .. التايلندية من أفضل خطوط الطيران في العالم .. وطبعاً تايلند معروفة بالضيافة السياحية الراقية .. وأنا أذكر أن أول رحلاتي الطويلة كانت لبانكوك ومنها لشيانق ماي (chiangMai) في شمال تايلند التي بقيت فيها شهران.. وكانت بالنسبة لي نقلة نوعية في الإستمتاع بالعالم الآسيوي المتحضر وبالخضرة والنظافة والألوان الزاهية والوجوه الباسمة ديمة ..
المسافة : ٨٢٦٠ ميل ، أو ١٣٢٩٣,٨ كيلومتر المدة : ١٧,٥ ساعة السعر : ١٦٠٠ - ١٩٠٠ دولار ..
04-01-2012, 08:19 PM
Munir Munir
تاريخ التسجيل: 02-11-2002
مجموع المشاركات: 10496
جينا لأطول سفرية جوية من حيث المسافة (١٠٣٧١ ميل) .. بالسنغافورية من نيوارك لسنغافورة .. بالإيربص A٣٤٠ - بعدد ركاب ١٠٠ . لكين قال ليك أنو ليس من العدل تقول علي مقاعدها "مقاعد" الشوية دي .. بل سراير عديل .. مصفوفة حسب ١ - ٢ - ١ .. مقعدين قصاد الشبابيك وإتنين في النص .. لكين تكلفة السفرية عالية شديد ..
المسافة : ١٠٣٧١ ميل ، أو ١٦٦٩٠,٥ كيلومتر المدة : ١٨ ساعة السعر : ٦٠٠٠ - ٨٠٠٠ دولار ..
04-01-2012, 08:34 PM
Munir Munir
تاريخ التسجيل: 02-11-2002
مجموع المشاركات: 10496
والآن آخر رحلة في هذه اللستة، وهي أطول رحلة طيران من حيث الزمن من لوس أنجلوس لسنغافورة .. رغم أن المسافة أقصر من رحلة نيوارك لكن زمنها أطول، وذلك لأن رحلة نيوارك تعبر بنواحي القطب الشمالي حيث مقاومة الهواء أقل فتطير الطائرة بسرعة أعلي من رحلة لوس أنجلوس التي تعبر المحيط الباسفيكي ..
المسافة : ٩٥٠٠ ميل ، أو ١٥٢٨٨,٨ كيلومتر المدة : ١٨ ساعة و٣٠ دقيقة السعر : ٦٠٠٠ - ٨٠٠٠ دولار ..
04-01-2012, 09:19 PM
Munir Munir
تاريخ التسجيل: 02-11-2002
مجموع المشاركات: 10496
وضاحة .. في غمرة إنشغالي بتلخيص موضوع البوست فاتني أن أشكرك علي الفيديو الجميل والأغنية البديعة .. وأذكر أني أيضاً في أوائل أيامي في بلاد الجليد هذه كان أحد اصدقائي أهداني شريط الحزن القديم للمرحوم مصطفي سيداحمد والذي اختمر في ذاكرتي مع أجواء الغربة والبرد الشديد .. والآن أحسست بأن من منتح هذا الفيديو قد عاش نفس نفسياتي المخلوطة بالجليد والرمال وناطحات السحاب الزجاجية وبيوت الطين والجالوص ويتداخل في هذه الخلطة جناح طيارة شاقي السحاب يفتح ويقفل عند الإقلاع والهبوط ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Munir
وضاحة
smart_ana2001
نادر النور آدم
الفاتح
راشد يحى مدلل
فيس بوك
تويتر
انستقرام
يوتيوب
بنتيريست