العنوان الجديد للمنبر العام
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 10-20-2017, 02:23 PM الصفحة الرئيسية

مكتبة منير عبدالرحيم(Munir)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

الحذر من البقاء في هذه ال5 مناطق عند الإنهيار الإقتصادي المتوقع

07-02-2014, 07:32 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


الحذر من البقاء في هذه ال5 مناطق عند الإنهيار الإقتصادي المتوقع

    (عدل بواسطة Munir on 07-31-2014, 09:55 PM)

                   |Articles |News |مقالات |بيانات

07-17-2014, 02:49 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)



    علي السودانيين بأمريكا أخذ الإحتياطات اللازمة تحسُّباً للتسونامي الإقتصادي الكبير الذي سيضرب أمريكا لا محالة ، حسب رؤية الخبراء الإقتصاديين ..
    وذلك لأن دول العالم أصبحت تتخلي عن التعامل بالدلار وأصبحت تعتمد عملاتها المحلية في التعامل التجاري .. وعلي رأس هذه الدول الصين وروسيا وباقي دول المجموعة الإقتصادية الصاعدة ال BRICS - برازيل روسيا الهند الصين وجنوب افريقيا - وهؤلاء يمثلون 40% من سكان العالم .. وقد بدأوا فعلياً في إنشاء الصناديق المالية الدولية البديلة للبنك الدولي .. والإجتماعات بين هذه الدول تجري علي قدم وساق لتسريع الإستغناء الكلي عن الدولار كإحتياطي عالمي للعملة .. قبل أيام كان هناك خبر في الصحافة التاطقة بالأسبانية عن600 شركة في دول الBRICS تريد الإستغناء عن الدولار .. وهذا الأمر آخذ في التسارع المطرد ..
    أفريقيا ودول أمريكا الجنوبية جاهزة للإنضمام التجاري لهذه المنظومة الإقتصادية الصاعدة والتي ستودي بالدولار مورد الهلاك .. وبذا تصبح أمريكا إحدي دول العالم الرابع ..

    الخبراء الإقتصاديون صاروا يحذرون من نتائج فقدان الدولار لميزته كعملة إحتياطية عالمية نتيجة لهذا الإتجاه الجديد للتخلي عن البترودولار .. وصاروا ينصحون بشراء الذهب والفضة كبديل أمين للعملة، بل حتي باتوا ينصحون بتخزين المواد التموينية في بيوتهم .. - والآن ظلت دول عملاقة كالصين وألمانيا أصبحت تخزن الذهب والفضة بصمت حتي لا تجد نفسها في السهلة حينما يحدث الإنهيار الكبير الذي قد يعلن بين يوم وليلة .. والأمر سئؤثر علي الأفراد أيضاً حين يقوم المواطن من النوم ويجد أن كل مدخراته الدولارية ذهبت في مهب الريح ..

    الشئ ده ظهر للدول الكبري حين تبين لها أن أمريكا أستغلت ميزة الدولار كإحتياطي عملة فصارت تستدين من الداخل والخارج ثم تطبع العملة كما تشاء للتغطية بدون رصيد حقيقي من الذهب .. فقيمة الدولار تكمن فقط في إسمه وفي حروف ال دال والواو واللام والألف والراء ..

    الدول الأروبية أصبحت لا تثق في أمريكا وبريطانيا - الأنجلوسكسون - ولم تعد مطمئنة علي ودائعها من الذهب، ففي الماضي القريب أرادت النمسا أن تطمئن علي ذهبها - تشوف شوف عين - في بريطانيا فرفضت بريطانيا ذلك، وكذلك حاولت ألمانيا مع أمريكا ورُفض طلبها أيضاً .. والسبب أن هذه الودائع أساساَ ليست موجودة .. أكلوها الحرامية .. ذلك سيجعل الدول الأوربية تحك رأسها وأعتقد أنها ستستجيب للمحور المالي الجديد ال BRICS وتنأي بنفسها عن الدولار.. وخاصة بعدما تابعنا في الأيام الماضية كيف أن أمريكا أجبرت أكبر بنوك فرنسا BNP PARIBAS علي دفع غرامة مقدارها 8,8 مليار دولار عقاباً له علي التعامل مع السودان وايران وكوبا .. والغريب أن البنك رضخ بسرعة لهذه العقوبة الكبيرة .. ولكن حسب رؤيتي للواقع أظن أن البنك لقاها فرصة للتخلص من الدولار !!! -
    ولِمَ لا؟ فالدول كلها تسعي بصمت للتخلص من الدولار الآيل للإنهيار .. !!..

                   |Articles |News |مقالات |بيانات

07-17-2014, 08:07 PM

إبراهيم عبد العزيز عثمان
<aإبراهيم عبد العزيز عثمان
تاريخ التسجيل: 07-06-2013
مجموع المشاركات: 165

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)

    الأخ منير
    تحياتي
    هي فعلا بداية سحب البساط من تحت الهيمنة الغربية علي مجريات الإقتصاد العالمي والتحكم فيه. وكنت أتمني أن تدرك الدول الإسلامية والعربية والأفريقية الأخري( عدا جنوب أفريقيا) هذه الخطوة ومدي اهميتها وبداية المساهمة في بريكسBRICSلأنهم سيكونون من أكبر الخاسرين عندما ينهار هذا النظام العالمي الجائر والذي قام أساسا علي نهب ثروات الشعوب المستضعفه وذلك عن رضي وقبول بعض قادتها المتواطئين ...ولقد تمت تلك الهيمنه كثيرا علي منطق القوة والإحتيال علي رغبات الشعوب. لابد أن تعي هذه الدول أن وضع كل البيض في سلة واحده له مخاطرة كبيرة خاصة بعد الهزة الأخيرة التي تعرض لها الإقتصاد الأمريكي....لكنني أتوقع أن تشارك دول أخري والتي تتمتع بنوع ما من بعض حرية القرار الإقتصادي.....مثل تركيا وماليزيا....!! الإقتصاد البرازيلي يسير بخطا ثابته وكذلك الصيني الذي سوف يكون الإقتصاد المهيمن في العالم في غضون سنوات قليلة. أعتقد انها فرصة تاريخية لدول العالم الثالث والتي تمتلك راس المال الفايض في أن تسارع للمشاركة وتحدي الهيمنة والوصاية الأمريكية المفروضه عليها لأن التسونامي الآتي لا محالة سوف يبتلع كل الإستثمارات العالمية في أمريكا وبريطانيا ....هو قادم لا محالة برغم من محاولات السيطرة والتشبث وبسط نفوذ القوة علي هؤلاء القادة من دول العالم الثالث......!!!

    (عدل بواسطة إبراهيم عبد العزيز عثمان on 07-17-2014, 08:10 PM)

                   |Articles |News |مقالات |بيانات

07-18-2014, 07:47 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: إبراهيم عبد العزيز عثمان)

    الأخ إبراهيم عبدالعزيز عثمان ..سلامات وشكراً علي مشاركتك ..
    إشتداد العداء بين روسيا والغرب الأوروبي الأمريكي سيدفع إلي الإستقطاب الإقتصادي .. فقد سئم العالم الغطرسة الأمريكية وقرر أن يتخلي عن التعامل بالدولار .. قبل مدة قصيرة عقدت روسيا والصين صفقة غاز بليونية متجاوزة الدولار .. وفي الشهور الأخيرة هناك 25 دولة عقدت إتفاقات للتجارة الثنائية بعملاتها متجاوزة الدولار .. والBRICCS ستكون الفأس التي ستقصم ظهر البعير ..
    وزارة المالية والإحتياطي الفيدرالي الأمريكي وأرباب البنوك لاعبين بالشعب الأمريكي ويعرفون أنهم مسرعون نحو هاوية مالية ولكنهم يخدرون الجماهير بالأكاذيب عن تعافي الإقتصاد وإنخفاض معدل البطالة ووو .. وهم في الحقيقة يبرزون للمواطن أرقاماً مزيفة .. علي العموم ، أساسأً إقتصاد يقوم علي الربا المضاعف والقمار مصيره الهلاك وإن طالت سلامته ..

    وفي رأيي أن العقوبات الأمريكية علي سوداننا كانت لها جوانب إيجابية منها فك إرتباط السودان بهذه العملةالآيلة للسقوط..

    الفيديو أعلاه يذكر خمسة مناطق ستتحول إلي جحيم إذا دخل الناس في حالة هلع مع الإنهيار المتوقع للدولار .. وطبعاَ نعرف كيف يصير الحال لو عندك قفص جداد مزدحم بالجداد وتقوم تجي كديسة داخلة القفص .. مدينة زي نيويورك محشوة بالشقق والمباني الشاهقة الممتلئة بالناس ويكون راس مال الفرد فيها هو مرتبه فقط وسط تلك الغابات الأسمنتية ، ثم فجأة يصبح ذلك المرتب لا يساوي شيئاَ، وتنقطع إمدادات الغذاء والماء وو..

    (عدل بواسطة Munir on 07-27-2014, 07:33 AM)

                   |Articles |News |مقالات |بيانات

07-26-2014, 12:29 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)


    ( وإذ تأذن ربك ليبعثن عليهم إلى يوم القيامة من يسومهم سوء العذاب إن ربك لسريع العقاب وإنه لغفور رحيم )

    الظاهر أن بني اسرائيل علي أعتاب موجة هولوكوست جديدة .. فما يفعلونه الآن في غزة من قتل أشعل موجات متصاعدة من كراهية اليهود حول العالم .. وحتماَ ستصل تلك الكراهية لأقصاها حين تنهار الإقتصادات العالمية ويكتشف الناس أن القوي المسيطرة علي أموال الجماهير في البنوك والمسيطرة علي الإعلام المخادع الكاذب هي الصهيونية العالمية .. فحين ينهار الدولار وتعجز امريكا عن حماية اسرائيل ستفتك الجماهير الغاضبة في أنحاء العالم بالصهاينة وتنقلب إسرائيل إلي جحيم ..

                   |Articles |News |مقالات |بيانات

07-26-2014, 05:58 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)

                   |Articles |News |مقالات |بيانات

07-26-2014, 07:28 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)



    في الفيديو أعلاه يقال أن الحكومة الأمريكية ستلجأ لسرقة أموال المواطنين - وأسوأ أنواع السرقة الحكومية هي تخفيض التضخم - قيمة الدولار بطباعة كميات مهولة من الدولارات .. فتصبح مدخراتك ومعاشك بلا قيمة ، بين ليلة وضحاها ..

    أصبحت مقتنعاً أن أسوأ أنواع العبودية هي أن تكون مستعبداً وأنت تظن أنك في قمة الحرية .. وذلك هو الحاصل الآن للمواطن الغربي وخاصة الأمريكي .. فالإقتصاد الأمريكي يعتمد علي الربا والقمار والديون .. ووفق حساب الإقتصاديين فإنه في المتوسط أن أي مولود أمريكي يولد وعلي عاتقه دين قدره خمسين ألف دولار .. والسبب الرئيسي الذي حوَّل المواطن الغربي لحمار شغل هو أنه مثقل بالديون - البيت بالدين، السيارة بالدين، التلفزيون بالدين .. إلخ - ولذلك يعمل فوق طاقته حتي لا يغلط ويفقد وظيفته ، وهي رأسماله الوحيد .. فالإنسان إذن يشتري مستقبله ومستقبل أسرته بالديون لعشرات السنين .. أين الحرية إذن إذا كنت مكبَّل بالديون حتي الموت لتنتقل ديونك لأولادك؟؟
    اللهم نعوذ بك من غلبة الدين وقهر الرجال ..

                   |Articles |News |مقالات |بيانات

07-26-2014, 09:14 PM

Deng
<aDeng
تاريخ التسجيل: 11-28-2002
مجموع المشاركات: 44392

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)

    أحلام زلوط
                   |Articles |News |مقالات |بيانات

07-27-2014, 03:19 AM

Mohamed Adam
<aMohamed Adam
تاريخ التسجيل: 01-21-2004
مجموع المشاركات: 3832

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Deng)

    أخونا مُنير كيف الحال..
    Quote: أحلام زلوط

    يا أستاذ دِيّنق ، شيخ مُنير جاب كلام موثق ومؤسس ياريت كمان إنت تجيب كلام قوي زيّو.
    احلام زلوط حافيّه كدا مُش كِفايّه ولن تُحصن قناعات الناس من هذه الماساه المذكوره!
    علي أساس مايتخمّا القارئ بلغة الإقتصاد الوارده بالبوست ! هات دليّلك الذي يدحضها!.


    مع التحايا ومُتابعين.
    .


    .
                   |Articles |News |مقالات |بيانات

07-27-2014, 11:53 AM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Mohamed Adam)

    الأخ محمد آدم سلامات ودعك من هذا النجس فأن لا أعبأ به ..

    ولكن تأمل معي ما سيحدث عندما كل العالم يتخلي عن الدولار فتفقد أمريكا ميزة طباعة الدولارات .. دي كارثة حقيقية ، وليست خيالية لأن عملية لتخلي عن الدولار بدأت فعلياً بدول الBRICS التي تمثل 40% من سكان العالم بينما الأمريكان فقط 4% ..

    أمريكا يجن جنونها حين تحاول الدول أن تستبدل الدولار بعملة أخري ، و أنظر ماذا حدث لصدام حسين حين أراد بيع بترول العراق باليورو بدلاً عن الدولار - وماذا حد للقذافي حين إتجه لإختلاق الدينار الذهبي الأفريقي ليوحد أفريقيا ككتلة إقتصادية ذات عملة حقيقية موحدة .. لقد تم قتلهما بعنف وتدمير بلادهم .. ولكن طبعاَ مع الصين والروس ما بيقدروا يقولوا بغم ..

    والفيديو الأول يوضح مناطق بعينها ستتحول لجحيم.. مثلاً نيويورك - غابة من الأسمنت محشوة بالبشر الذين سيجدون أن مدخراتهم اصبحت لا قيمة لها .. وأن السلع أختفت وأصبحت باهظة الثمن .. ده سيناريو جاهز للفوضي ..
                   |Articles |News |مقالات |بيانات

07-27-2014, 04:14 PM

أمين عمر

تاريخ التسجيل: 10-22-2012
مجموع المشاركات: 446

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)

    الأخ الأستاذ منير ..

    تحية طيبة ..

    "الأخ محمد آدم سلامات ودعك من هذا النجس فأن لا أعبأ به .."

    في الحقيقة هذه أول مرة أدخل بوست لكم، وكنت متابعاً بجدية شديدة الحوار الدائر والذي شعرت به حواراً جاداً وربما يشير فعلاً لوجود تغييرات قادمة على مستوى العالم.
    لكن حقيقة صدمت بجملتك أعلاه مما أثار إستغرابي حقيقة.
    بأمانة ليس لدي أي خلفيات عن المتحاورين وربما كانت العبارة ناتجة عن سؤ تفاهم سابق لا علم لي به.
    لكن العبارة غريبة للغاية ومهينة جداً ولها دلالات قبيحة لا أرى أن أي إختلاف بين شخصين يمكن أن يبررها.
    على كل بطني طمت من المتابعة وكتبت لك هذا فقط كنصيحة لك الحق في قبولها أو رفضها.

    وشكراً.
                   |Articles |News |مقالات |بيانات

07-27-2014, 04:41 PM

GAAFER ALI

تاريخ التسجيل: 11-03-2009
مجموع المشاركات: 1676

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: أمين عمر)

    بعد 30 سنة من دراسة الاقتصاد والبحث فيه ومتابعته
    هي أنا اواجه بأغرب الخلطات بين علم الاقتصاد النقدي (Monetary Economics)
    وعلم التجارة الخارجية ونظرية المؤامرة.
    أخي منير
    هذا الموضوع الذي طرحته ليس لديه علاقة بحائق الاقتصاد الدولي ولا بحائق هياكل التجارة
    الدولية ودور النقود فيه فنصحيتي لك ان تبدأ في المراجعة فورا للحقائق والنظريات قبل ان
    تطل علينا بمثل هذه الادعاءات والنصائح غير المثتوثقة
                   |Articles |News |مقالات |بيانات

07-27-2014, 04:43 PM

Deng
<aDeng
تاريخ التسجيل: 11-28-2002
مجموع المشاركات: 44392

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: أمين عمر)

    الأخ أمين عمر.

    الكوز منير رجل منافق. الرجل يعيش في الغرب المسيحي ويحمل جنسية من دولة مسيحية علمانية وكلمة نجس هذا لا يستطيع أن يقولها للغربين المسيحين الذين أستضافوه وقدمو له المساعدات.

    ولكنه هنا في البورد يكتب ذلك بالعربي. و هذا هي أخلاق الأخوان المسلمين الحقيقية. فيجب أن نتوقع منهم أي سوء في هذه الدنيا. لعنة الله عليهم جميعا.
                   |Articles |News |مقالات |بيانات

07-27-2014, 06:33 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Deng)


    الأخوين أمين عمر وجعفر علي شكراً لكما علي المداخلات ..
    أمين عمر .. إن كنت تدري أو لا تدري فإن المدعو دينق هو فيروس هذا المنبر الجاسوس الأمريكي الجنوبي الذي يدخل البوستات حسب أصحابها ليفسدها بالمهاترات والشتائم .. فلو بطنك إنت طمت أنا ذاتي بطني طمت يا زول ..
    وياجعفر علي ، ده الكلام الما بتلقاهو في الكتب ياخوي حتي لو قريت 50 سنة ..
    الأمريكان يتكلمون عن ترليونات الدولارات .. هل تعتقد أن هناك ترليونات الدولارات موجودة كأوراق نقدية متداولة؟؟ إنها أرقام فقط في كمبيوترات البنوك ..
    وعشان تفهم دورة المال أدعوك لمشاهدة هذا الفيديو ..
    هذا أفضل فيديو أشاهده في حياتي يشرح دورة المال في الدولة وكيف أن المواطن المسحوق يشتغل شغل الحمير ليدفع ضرائب تذهب معظمها لدفع إستحقاقات الديون البنكية مع فوائدها ..



    (عدل بواسطة Munir on 07-27-2014, 06:41 PM)

                   |Articles |News |مقالات |بيانات

07-27-2014, 06:52 PM

Frankly
<aFrankly
تاريخ التسجيل: 02-05-2002
مجموع المشاركات: 32301

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)

    الأخ الفاضل منبر

    كل عام وأنتم بخير

    تقبّل الله الصيام والقيام

    قال تعالى ( يَمْحَقُ اللَّهُ الرِّبا وَيُرْبِي الصَّدَقَاتِ وَاللَّهُ لا يُحِبُّ كُلَّ كَفَّارٍ أَثِيمٍ) (البقرة:276)

    قبل فترة أنزلت خبراً مفاده موافقة الحكومة الصينية فتح حساب بالعملة الصينية اليوان لحكومة السودان وأن تكون المعملات البينية باليوان عوضاً عن الدولار
                   |Articles |News |مقالات |بيانات

07-27-2014, 07:11 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Frankly)



    يا ألف مرحباً أخي فرانكلي وكل سنة وإنت طيب ..
    نعم سيمحق الله الربا ويربي الصدقات ..
    الربا والقمار الذي تمارسه البنوك حولت الإقتصاد العالمي لكازينو كبير ..
    والله أنا مستغرب لهذع العبقرية لهؤلاء الذين المؤسسين للنظام البنكي العجيب الذي يعتمد علي الديون الربوية ، حيث لن تكون هناك أبداً أموال كافية لسداد الديون - مستحيل حسابياً - .. والطريق الوحيد هو السير قدماً والإستغراق في مزيد من الديون إلي مالانهاية .. لغاية ما ينطرشق البالون .. والفيديو أعلاه يشرح ذلك بطريقة مدهشة ..

                   |Articles |News |مقالات |بيانات

07-27-2014, 07:27 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)


    طبعاَ يا فرانكلي إتجاه السودان للتخلي كلياَ عن الدولار كان خطوة موفقة رغم أنها جاءت غصباً عن الحكومة .. وأنا أتوقع تسارع شديد في التخلي عن الدولار من دول العالم ..
    تأمل فقط تلك الخطوة الغبية من أمريكا لغرامة البنوك الأوربية التي لا تخضع لسياسة أمريكا الخارجية .. فهذه البنوك تجد نفسها مكبلة بالقيود لإرتباطها بالدولار .. ما ممكن دولة تفرض غرامة مقدارها حوالي 9مليار دولار علي بنك دولة أخري علي تعاملات تحظرها تلك الدولة .. ذلك سيكون دافع قوي للدول الأوربية للقفز من سفينة أمريكا الغارقة .. إلاّ أن يكون المانع هو الخوف من فقدان الرجل الأبيض للريادة العالمية ..

                   |Articles |News |مقالات |بيانات

07-27-2014, 09:15 PM

Frankly
<aFrankly
تاريخ التسجيل: 02-05-2002
مجموع المشاركات: 32301

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)

    نعم أخي منير الإتجاه العام الأن هو التخلي عن الدولار والبترودولار وإبداله بسلة عملات أخرى في التعالملات التجارية , أقواها الرنمبي (اليوان) واليورو


    Quote: الهند ستدفع ثمن النفط الإيراني باليورو
    الأثنين 24/3/2014 الساعة 12:36 مساء

    كتبت – شيماء الصباغ
    تستعد نيودلهي لدفع ثمن النفط الخام الإيراني المستورد بأي عملة ترغب بها الجمهورية الاسلامية الايرانية. وتسدد الهند حاليا ثمن 45 بالمائة مما تستورده من النفط من ايران بالروبية فيما تدفع الباقي 55 بالمائة من ثمنه بالدولار

    فأن الهند تتابع وبدقة المباحثات بين المسئولين الإيرانيين ومجموعه 5+1 من اجل التوصل الي اتفاق شامل بشان برنامج إيران النووي.. هذا وقد شهدت صادرات النفط الايراني الي الهند زيادة خلال الاشهر الاخيرة.

    وأكد رئيس الشئون الدولية بشرکة النفط الوطنية الايرانية 'محسن قمصري' بأن الهند دعت الي زيادة استيراد النفط الإيراني وان إيران رحبت بذلك واشترطت ان تدفع الهند ثمن النفط المستورد منها باليورو


    Quote: روسيا تنأى عن الدولار وتعتمد اليورو لمبيعات النفط والغاز للاتحاد الأوروبي

    انتصار جديد للعملة الأوروبية مع إقصاء الدولار عن منطقة نفوذها وترحيب أوروبي بالرغبة الروسية

    بروكسل: عبد الحميد اليحياوي
    حققت العملة الاوروبية الموحدة «اليورو» نصرا جديدا في المواجهة المستمرة مع الدولار الاميركي حيث اعلنت المفوضية الأوروبية ان المباحثات التي أجراها وفد اوروبي رفيع المستوى امس الخميس في الكرملين مع القيادة الروسية قد نجحت في اقناع روسيا باستخدام اليورو كعملة تبادل دولي مع اوروبا بدلا عن الدولار.
    واوضح متحدث رسمي اوروبي في تصريح خاص لـ«الشرق الأوسط» في بروكسل «ان موافقة روسيا المبدئية على استخدام اليورو كعملة لتسعير مبيعاتها البترولية والغازية الى الاتحاد الاوروبي سيكون اذا ما تم تنفيذه عمليا مكسبا من اكبر المكاسب الخارجية التي حققتها مسيرة الاندماج الاقتصادي الأوروبي منذ ميلاد المجموعة الاقتصادية الأوروبية».

    واوضحت مصادر دبلوماسية اوروبية في بروكسل ايضا «ان اجتماع القمة الأوروبي ـ الروسي الذي عقد امس الخميس في موسكو بمشاركة الترويكا الأوروبية المكونة من رئيس المفوضية الأوروبية رومانو برودي ورئيس وزراء السويد جورين برسون (الذي تتولى بلاده حاليا رئاسة الاتحاد) وخافير سولانا رئيس الدبلوماسية الأوروبية المشتركة مع القيادة الروسية المكونة من اهم اقطاب القيادة الروسية وفي مقدمتهم الرئيس بوتين، سيكون يوما تاريخا فاصلا في تحديد مستقبل العملة الاوروبية الواحدة «اليورو» وان القرار الروسي سوف يدخل اليورو ميدانيا الى حلبة المنافسة مع الدولار الذي ظل لزمن طويل منفردا بالتحكم بسوق تبادل التجارة الدولية».

    (عدل بواسطة Frankly on 07-27-2014, 09:16 PM)

                   |Articles |News |مقالات |بيانات

07-28-2014, 02:26 AM

Bashasha
<aBashasha
تاريخ التسجيل: 10-08-2003
مجموع المشاركات: 18004

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Frankly)

    الشديد جديد قال ليك!

    ياداااب عرفتا دروبات كلام محطات اخر الليل!

    قطع شك ماعندك ادني فكرة عن الحركة دي البتمثل جبل الجليد القاتس للحركة المعادية للسامية في امريكا حسب توصيف المعسكر الاخر اي حركة اليمين المتعصب ضد اليهود والسود، اللي من اجلهم القوي المهيمنة ابتدعت دراما سبتمر، غزو العراق واحتلال افغانستان وانتخاب اوباما!

    اها ده شعرا ماعندك ليهو رقبة تب!

    الموضوع مازي ما انتا فاهم، فاديها صنة ياهذا!

    ده صراع افيال فخليك بعيد بدل شغل الانبهار ده بي مصيبة لاتعلم عنها شئ!

    (عدل بواسطة Bashasha on 07-28-2014, 02:27 AM)

                   |Articles |News |مقالات |بيانات

07-28-2014, 03:48 AM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Bashasha)

    Quote: اها ده شعرا ماعندك ليهو رقبة تب!

    طيب ما تنورنا يا ابرقبة ...
                   |Articles |News |مقالات |بيانات

07-28-2014, 05:28 AM

هاشم احمد ادم
<aهاشم احمد ادم
تاريخ التسجيل: 02-28-2014
مجموع المشاركات: 394

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Bashasha)

    سلام استاذ Bashasha وعيد سعيد لك ولاهلنا (الغبش) الذى بنوا الحيطة الذى رأتها (نعمة ) فى منامها لتسترهها . و مع هذا الدنيا (قبائل ) عيد ، خلى الملكين اكثر من الملك فى احلامهم وبيع الوهم ببركات شيخ ( google ) الذى مازال ( طفلا يحبو ) لا يعى (التأريخ ).
    وعشان ما يجى "زول " يقول ليك ( ياتوا أفيال) المذكورة فى المقتبس :


    Quote: ده صراع افيال فخليك بعيد بدل شغل الانبهار ده بي مصيبة لاتعلم عنها شئ!


    بعرف واحد مهم وهو فيل سودانى اصيل , كمان (ادروبى ) مولود قبل 150 سنة فى نواحى (نهر ستيت ) المقترح لتوطين (البدون ) ، كما انة اقام فى ايطاليا وفرنسا وبريطانيا ، وفى الاخيرة خرج البرطانيين فى احتجاجات لعدم بيعة لصاحب سيرك امريكى Barnum and Bailey $10,000 ( واتمنى من ناس الاقتصاد تحويلة لسعرة الان ) . واترك الخيط هنا مع وضع هذا الكلمات المفتاحية للبحث عن الكتب والصحف والمعلومات التى تتحدث ذلك الفيل فى زمانة ، وللذين يحبون (الجديد شديد) او يظنون ان (الطفل) google ، اوالشيخ الماحيتو ببسى ، او شيخ ( العسل ) ( ملاحظة : سؤال لفرانكى انت برميل العسل الصافى فى المانيا بى كم ؟ وكمان طن الامباز بكم ؟) . الكلمات المفتاحية : jumbo the greatest elephant

    Quote: طيب ما تنورنا يا ابرقبة ...
    Quote:
    size="4" color=blue>استاذMunir
    فى واحد اسمو عبد الرحيم حمدى رقبتة
    اطول ( طولها زى 25 سنة ضؤية ،حصلت
    فيها حاجات زى المليون بقى ربع مليون ، والكان حدادى مدادى بقى مرقع ذى جبة اهلنا فى ايام التركية والمهدية . )






    فى واحد اسمو عبد الرحيم حمدى رقبتة
    اطول ( طولها زى 25 سنة ضؤية ،حصلت
    فيها حاجات زى المليون بقى ربع مليون ،
    والكان حدادى مدادى بقى مرقع ذى جبة اهلنا فى ايام التركية والمهدية . )

    (عدل بواسطة هاشم احمد ادم on 07-28-2014, 05:52 AM)

                       |Articles |News |مقالات |بيانات

07-28-2014, 08:48 AM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: هاشم احمد ادم)

                   |Articles |News |مقالات |بيانات

07-28-2014, 08:50 AM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)

    test
                   |Articles |News |مقالات |بيانات

07-28-2014, 08:51 AM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)

    2 test
                   |Articles |News |مقالات |بيانات

07-28-2014, 08:53 AM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)

    نحاول نعدِّل البوست القفله الأشتر الإسمه الهادي منو كده ..


    زمان الواحد كان خبرة في فتح البوستات القافلة .. بطقة كيبورد نفتحه ضلفتين وما يظهر الفتحه منو .. لكين هسه نسيت وزي ما شايفين الطمبجة الحصلت دي ..

    (عدل بواسطة Munir on 07-28-2014, 10:17 AM)

                   |Articles |News |مقالات |بيانات

07-28-2014, 08:54 AM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)

    عفوا .. لقيت إسمه هاشم وللا شنو ماعارف ..
                   |Articles |News |مقالات |بيانات

07-28-2014, 09:46 AM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)


    منتظرين أبو رقبة بشاشا يجي ينورنا عن كلام محطات آخر الليل - مع إني أكاد أجزم إنه بعد المغرب تاني ما بيعتِّب بره خشم الباب ، الجابانيز ده :) -
    وندِّي نبذة مبسطة عن بشاشا .. أولاً الزول ده من شدة تكبره وغروره إنه ماعارف نفسه جهيليل - والعينة دي من الجهاليل أصلو ما ممكن يتعلم .. لأن التكبُّر يمنع التعلم ..
    أسع عليكم أمان الله البوست ده فيهو أي عبارة عن حام واللا سام؟؟ البوست عبارة عن predictions للأحوال عند إنهيار الدولار ويذكر مناطق بعينها ينصح بعدم البقاء فيها عند ذلك الوقت وهي إسرائيل وجنوب كاليفورنيا وبريطانيا ونيويورك وواشنطن .. وقمت أنا جبت فيديوهات متعلقة بدورة المال في امريكا مابين البنك المركزي والإحتياطي الفيدرالي والحكومة والبنوك ودافع الضرائب .. هسه أنا جبت سيرة سيدنا نوح واللا حام أو سام؟؟ ..

    الشئ التاني إنه فاكر نفسه مقددها في أي حاجة .. تتكلم في التاريخ يقوم يجيب ليك أرقام مليارية لما قبل التاريخ .. يعني يقوم يقول ليك الشئ ده حصل قبل 500000 سنة قبل التاريخ - ده رقم رمزي بلاغي - تقوم تجيب سيرة افريقيا يقوم يجيب ليك عبده ضيوف واللا منو كده ما عارف ومعاهو سيكس بيكو بتاع جنوب افريقيا هههه .. تجيب سيرة الهامش يجي يعمل ليك فيها إنه سيِّد بالميلاد وذو حظوة بالميلاد .. وليهو أكتر من عشرة سنة في المنبر ده راكب فوق ضهر دعاة التهميش ومدلدل كرعينه فوقهم بإعتباره الأمير الكوشي - وهو إستغل النغمة وعمل زريبة زي زرائب أهله القال مليانة عبيد .. والله قال بقول المهمش البيحاول يمرق من زريبته ويهادن الجلابة .. طوالي يصرف ليهو من دمغات الجراقيس وكاره زاتو والمتجولب ، إلخ .. إرهاب شديد لكل عقلاني ينأي بنفسه عن هوس التهميش والبكاء الكاذب ..
    لكين اليومين ديل شايف كبير المهمشين طلع من الزريبة وقلب عليهو قلبة الذين قلبوا .. اللهم أضرب الظالمين بالظالمين واخرجنا من بينهم سالمين ..
    لكين ما أكضب عليكم الواحد بقي ينظر لكتابات بشاشا من ناحية الجزء المليان من الكوب .. فالرجل عندة تعبيرات بلاغية ما بطالة - رغم سذاجتها - زي مثلاً .. آآخ نسيت .. لكين العبارات الفيها الكوامر العمروها وحاجات زي دي -very entertaining-.. وبرضو في حاجة مخلياني محتفظ بخيط إحتياطي للود مع هذا الزول ، وهو أنه رغم أنه كاره للشايقية وغيران منهم شديد إلاّ أنه كأنما قرأت له يوماَ أنه يحب الطمبور والقراصة .. وفي دي أنا معاهو تب ..

                   |Articles |News |مقالات |بيانات

07-28-2014, 11:00 AM

Zakaria Fadel
<aZakaria Fadel
تاريخ التسجيل: 01-24-2013
مجموع المشاركات: 579

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)

    العزيز منير وضيوف البوست الكرام
    كل عام وانتم بخير
    طبعا يا منير .. أنت بهذا البوست قد تثير حفيظة كل من تفتح وعيه على امريكا و اعلام امريكا...ومعهم ناس الاقتصاد البحت الذين يعرفون (وقد درسوا) دورة واضحة للمال و الاوراق المالية
    يعرفون انهيار الاسواق المالية وتدهور قيمة الاوراق المالية..ولكن ان تصبح عديمة الجدوى ...هذا مالم يأخذوه في قاعات الدرس....هذه الاوراق المالية لا غنى عنها في إطار تبادل عمليتي السلع و الخدمات....
    انا شخصيا (ما عندي رقبة) رغم اني عشت ردحا من الزمن في امريكا و يحمل ابنائي جنسيتها....وتعلمت الكثير فيها ...واوليت كثير اهتمام للاعلام الموازي وجماعات الضغط (يمينا ويسارا)....
    ما اعتقده هو ان امريكا (وما أشرت انت له بالسيطرة الانجلوساكسونية) لن تسمح بأنهيار الدولار ...وهناك الكثير من الاوراق التي تمتلكها امريكا واوروبا الغربية والتي يمكن بها لي ذراع روسيا و الصين
    الصين الان هي أكبر مالك لودائع دولارات نقدية (أي هي أكبر ضامن لديون امريكا)...وتمثل امريكا بالنسبة لها أكبر الاسواق هاجسها الاكبر في إعتقادي هو توفير الطاقة....وهو مجال لا تزال امريكا هي اللاعب الاكبر فيه
    قد تلعب الصين دور أكثر بروزا عندما تضمن حصولها على الطاقة الكافية دون اي تهديد لها و لمصالحها...
    اما روسيا فهي لا تزال هشة سياسيا ....لم تتخل تماما عن الشمولية ...ولم تحتضن الاساليب الغربية كاملة..ولم تجد (طريقا ثالثا) تميز بها نفسها بعد......
                   |Articles |News |مقالات |بيانات

07-28-2014, 11:05 AM

Zakaria Fadel
<aZakaria Fadel
تاريخ التسجيل: 01-24-2013
مجموع المشاركات: 579

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Zakaria Fadel)

    اسف منير ...لو فتحت لي قوس لي كلام ماليهو علاقة بموضوع البوست (ولكنك ذكرته...)
    تذكر في اوائل عام 1986 عندما تخرجنا من الجامعة ...وعملت رابطة الشمالية حفل وداع لمنسوبيها ...
    غنى فيه شاب شايقي من مدرسة مدني الفنية...اين هذا الشاب ياترى الان ..وهل احترف الغناء
    اذكر انني وقتها اعجبت جدا بغنائه وطلبت من تكرار اغنية معينة اداها وقتها أكثر من مرتين
    والله كلما استمع للفنان ود النصري اتذكر ذلك الشاب
    وشخصيا اعتقد ان ود النصري موهبة فنية حقيقية
                   |Articles |News |مقالات |بيانات

07-28-2014, 03:03 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Zakaria Fadel)



    أخي العزيز زكريا سلام يغشاك وكل سنة وإنت طيب ..
    ممكن تدرس إقتصاد زي ماعايز لكين الفهم زاتو قِسم .. وبعد داك يجي الذكاء الذي يمكنك من هضم ما تقرأه ومن ثم النبوغ الذي يمكنك من إستقراء ماوراء الأرقام والجيوبولوتيك وغيرها .. لأنو ممكن الواحد يقرأ إقتصاد ويكون السنة كلها داكّي المحاضرات ويباصي الإمتحانات مع الحركرك .. ويتخرج مافاهم التكتح .. وبعد داك يمشي يشتغل شغل مكاتب هامشي عشرات السنين ما يكون عارف من الإقتصاد إلاّ النشرة الجوية ههه ..
    لو شاهدت فيديو مايك مالوني - الفيديو الأخير - حتشوف كيف شغل الربا المذكور في القرآن - أضعافاً مضاعفة - يمشي علي قدمين ..

    أمبارح شاهدت فيديو يوضح الصراع الرهيب بين البانكرز - bankers - والحكومات منذ مئات السنين من أجل التحكم في من يصنع العملة ونظام العمل بها وكيف أن مؤسسي أمريكا ناضلوا بقوة ضد الإقتصاد الذي يعتمد علي الديون وكيف أنهم تم إغتيالهم حتي لا يتم تطبيق ال dept-free economy - فأصحاب البنوك يريدون الموديل الإقتصادي الذي به تتحكم البنوك في إنتاج العملة، ثم تقوم الحكومة بإستلاف المال من البنوك وتردها مع فوائدها الربوية .. وذلك يتم بفرض الضرائب التي يذهب معظمها لتسديد ديون الحكومة .. وقد نجت البنوك في فرض هذا الموديل الذي يعتمد علي الديون الربوية .. وطبعاً by definition فإن المبالغ مستحَقة السداد أكبر من المستدانة .. وده معناهو fundamentally لا يمكن أبداُ سداد الديون .. بل أن الفارق بين المبلغ المستدان والمبلغ الواجب تسديده يتزايد بمتوالية هندسية إلي مالانهاية .. no mathematical limit .. في أمريكا تميز الدولار كإحتياطي عالمي جعل الوضع ساهل لأنهم فقط يطبعون مزيد من الدولارات للتغطية ، والسوق الجعان للدولار يمتصها لإستخدامها في شراء الطاقة والبضائع البينية .. يعني أي دولة عاوزة تشتري بترول من السعودية تقوم تشتري أولاً الدولار لتدفعها للسعودية - وطبعاً هناك إتفاق بين آل سعود وأمريكا بالنفط بالدولار مقابل الحماية لآل سعود -
    لكين هذه الميزة آيلة للزول الآن لأن الدول الكبري دايرة بديل للدولار لأن أمريكا أساءت إستخدام هذه لميزة .. فالحكومة الأمريكية بعد أن مصت دماء دافع الضرائب الأمريكي إمتد الإمتصاص لدماء الشعوب الأخري .. ولذلك بدأت الإتفاقات الثنائية للتجارة المتجاوزة للدولار .. وقامت أمريكا برعونة في تنفيذ حصارات علي الدول واحدة تلو الأخري لغاية ما هبشت روسيا .. والآن بعد إرغام الBNP PARIBAS علي دفع 9 مليار دولار لأنه تعامل مع السودان وسن القوانين التي تعاقب أي بنك أوروبي يتعامل مع أهلنا الغبش ، فلا بد أن يكون لكل فعل رد فعل مساوٍ له في المقدار ومضاد في الإتجاه .. وسنري ماذا سيحدث في المستقبل القريب نتيجة لهذه الرعونة ..


                   |Articles |News |مقالات |بيانات

07-28-2014, 03:22 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)


    بالنسبة للفنان يا زكريا ، أذكر أني كنت السكرتير الثقافي للرابطة في إحدي الدورات ، لكن ما بتذكر لو كان ذلك الإحتفال كان في تلك الدورة أم لا .. وبرضو ما بتذكر إن كانوا أجّلوا تخريجكم وخرجوكم معانا أم لا .. فلو بتتذكر نحن بسبب مشكلة الكلية إتخرجنا بعد سنة كاملة لأنو قفلوا من دفعتنا الكلية سنة كاملة بعد إنتهينا من الإمتحانات، وخرَّجونا مع الدفعة الورانا - سنة ضاعت من عمرنا - كله من الحماس ههه ..
    أنا اتذكر ذلك الشاب الفنان لأن صوته كان جرسي متميز لكين ماعارف خبره الآن .

                   |Articles |News |مقالات |بيانات

07-28-2014, 03:27 PM

Bashasha
<aBashasha
تاريخ التسجيل: 10-08-2003
مجموع المشاركات: 18004

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)



    Quote: أسع عليكم أمان الله البوست ده فيهو أي عبارة عن حام واللا سام؟؟


    الطيرة المباري السيرة منير،

    يعني اثبتا كلامنا!

    نعم حام ولاسام ماوردو في كلامك، لانك ماعندك مثقال ذرة كخلفية عن الفيديوهات الحايم بيها دي اللي قلنا هو راس جبل الجليد القاتس للصراع الحامي او عنيف مابين اليمين المسيحي واليهود في امريكا، وهذا الصراع هو الماكنة المحركة لعجلات التاريخ كلو علي مدي ال600 سنة الماضية، ولكن كعنقالي ماعندك اي فكرة عن ايا من هذا، منتشي حد الثمالة او حايم بالشريطين ديل دون ادني المام بالخلفية، تماما زي كيزانك، او وهابيتك!

    كيس نايلو، قال والهوا شايلو!!!
                   |Articles |News |مقالات |بيانات

07-28-2014, 03:35 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Bashasha)



    Quote:
    وهذا الصراع هو الماكنة المحركة لعجلات التاريخ كلو علي مدي ال600 سنة الماضية

    أها يا جماعة .. ما قلت ليكم؟ الجهيليل ما عنده التكتح ..

    قلنا ليهو نورنا يا أبو رقبة ، قام جاء خت لينا 600 سنة .. ههههه

    (عدل بواسطة Munir on 07-28-2014, 07:11 PM)

                   |Articles |News |مقالات |بيانات

07-28-2014, 08:01 PM

Mohamed Adam
<aMohamed Adam
تاريخ التسجيل: 01-21-2004
مجموع المشاركات: 3832

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)

    David Icke and Alex Jones Discuss Global Monetary System

    https://www.youtube.com/watch?v=Y72vzkotigE


    .
                   |Articles |News |مقالات |بيانات

07-29-2014, 01:30 AM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Mohamed Adam)



    شكراً محمد آدم علي الرابط .. هذا الرجل - ديفيد - كمان ماسك نظرية الماسونية التي تسعي لتكوين حكومة عالمية مركزية - حتي أنه يقول أن تكوين الإتحاد الأوروبي جزء من الخطة ، فقد أفقد الدول الأعضاء إستقلاليتها لتكون تحت إمرة مركز واحد ..
    لم يخطر ذلك يوماً ببالي .
                   |Articles |News |مقالات |بيانات

07-29-2014, 01:37 AM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)


    يا فرانكلي هل الخبر الجبته في المقتبس الثاني بعد أزمة أوكرانيا أم قبلها؟؟ فبعد الأزمة شايف اوروبا خاضعة لإرادة أمريكا في حصار روسيا علي مضض ..

                   |Articles |News |مقالات |بيانات

07-29-2014, 10:33 AM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)


    إنتظرنا الجهيليل الدعي بشاشا يجي ينورنا عن كلام محطات آخر الليل قام جاء صرف لينا شتائم ومعاها 600 سنة وشتّت ..
    طبعاً بكده يحق لينا أن نستنتج إنو يا إما الزول ده أساساً ماعنده شئ يقوله - وهو المرجح بدليل أن تعليقه في وادي وموضوع البوست في وادي - أو كمان داير يربط البوست قسراَ بالماسونية ومعاداة السامية ويعمل فيها ناقش فوق نقش الناقشينا ، لكنه في نفس الوقت رعيديد وجَبَان وخايف يتكلم في أمور قد تورده موارد الهلاك ، علي الأقل تخرب عليهو البزنس بتاعه لو ما دخلته السجن أو أودت بحياته ..

                   |Articles |News |مقالات |بيانات

07-29-2014, 02:15 PM

هاشم احمد ادم
<aهاشم احمد ادم
تاريخ التسجيل: 02-28-2014
مجموع المشاركات: 394

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)

    اسف على (الشتارة) لان عنوان (البوست)
    بالانجليزى ، وقلت اشارك امكن نتعلم
    حاجة جديدة . المهم شكلك داير(عتالة )
    وابدى اعتذارى حيث تم قبولى مع
    (عتالة) الخبراء صلاح غريبة . وانت زى
    ما عارف Time is Money.
    وما حارجع بيك 600 سنة زى بشاشا
    بس ارجعك لتعليق ولدنا فايز ود القاضى
    فى احد بوستات بمكتبك (العامرة).


    Quote: قالوا عن الحقيقة :
    تحكي قصة صينية قديمة عن ثلاثة عميان، صادفوا فيلا فبدأ كل واحد منهم بتحسس جزء منه:
    فالأول تحسس خرطومه فقال إن الفيل عبارة عن ثعبان، والثاني صادف وتحسس أذنه فقال إنه
    عبارة عن مروحة، اما الثالت فتحسس قدمه الضخمة فقال إنه عبارة عن جذع شجرة.



    ولك العتبى ايها (المواطن العاقل ) . .

    سؤال قبل الختام انتا شغال تجارة عملة
    ولا دهب ؟
                   |Articles |News |مقالات |بيانات

07-31-2014, 07:05 AM

Zakaria Fadel
<aZakaria Fadel
تاريخ التسجيل: 01-24-2013
مجموع المشاركات: 579

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: هاشم احمد ادم)

    في الاخبار الان أن الارجنتين تأخرت (للمرة الثانية في السنين العشر الاخيرة) في تسديد اقساط ديونها لبعض الصناديق المالية....
    مسلسل ديون امريكا اللاتينية ليس جديدا....ولكنه الاخطر ...خاصة إذا تعلق الامر بدولة مثل المكسيك....لقربها من امريكا ..وكثافتها السكانية العالية
    سبق لامريكا ان تدخلت وبقوة مع صندوق النقد الدولي لانقاذ المكسيك من إشهار الافلاس عندما تدهورت عملتها بشدة في اواخر 1994
    وقتها كلينتون مع ال IMF دفعوا عدة مليارات (ليس من اجل سواد عيون المكسيك بل ) من اجل إنقاذ استثمارات امريكية (وعلى رأسها صندوق معاشات ولاية كاليفورنيا ...ان لم تخني الذاكرة)

    حركة الاموال اصبحت تعتبر جانب مهم في الاقتصاد و تراكم الثروات رغم انها ليست اقتصاد (حقيقي)...واصبح المال نفسه سلعة....(بعد ان كان وسيطا في تبادل السلع)....وهنا تكمن الخطورة
                   |Articles |News |مقالات |بيانات

07-31-2014, 01:46 PM

اسماعيل عبد الله محمد
<aاسماعيل عبد الله محمد
تاريخ التسجيل: 08-26-2007
مجموع المشاركات: 2329

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Zakaria Fadel)

    بوست مفيد
    شكرا منير
    لا تنشغل بالاواني الفارغة
    واصل في السرد التحليلي
                   |Articles |News |مقالات |بيانات

07-31-2014, 04:48 PM

smart_ana2001
<asmart_ana2001
تاريخ التسجيل: 04-17-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: اسماعيل عبد الله محمد)

    Quote: وبذا تصبح أمريكا إحدي دول العالم الرابع ..

    You wish!!!1


    دى يا منير يا فردة اسمها "احلام العصافير"!!!!

    معليش على السغالة...لكن كلامك اللى بتقول فيه ده...كلام فارغ.
    انت اخر مرة كنتا هنا قبل كم سنة كدا كنتا بتقول فى نفس كلامك ده....
    الغريبة من الزمن داك الاقتصاد الامريكى نعنش ...
                   |Articles |News |مقالات |بيانات

07-31-2014, 05:14 PM

smart_ana2001
<asmart_ana2001
تاريخ التسجيل: 04-17-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: smart_ana2001)

    منير ليه سنيين بيحلم بموضوعه ده. دى مداخلة ليه فى بوست قديم قبل 3 سنوات(بالضبط...الفرق كم يوم بس): 07-08-2011

    Quote:
    عايشين في أمريكا عمايا من الموية التحت التبن القاعدين فوقها !! .. مخمومين بالميديا الأمريكية وتقعدوا تبحلقوا في فوكس نيوز والسي إن بي سي يلخموكم بالنقة الانجلبزية السريعة بمعدل and#1637;and#1632; كلمة في الثانية عشان ما تفهموا حاجة وتقتنعوا إن طالما هناك فطاحلة بيتكلموا إنقليزي بالسرعة دي في المال والاقتصاد والاعمال معناها إنكم تحت ايدي خبيرة وتقولوا لأنفسكم everything is fine and under control، لغاية ما تجيكم الطامة !!! .. الناس الفي الخيام ديل كانوا نايمين في بيوتهم في أمانة الله، فجأة تاني يوم لقوا نفسهم في الشارع ..!
    إذا كان ديل المحاربين القدامي الاصليين فكوهم عكس الهوا في الخيام بدلاً عن أن يكونوا عايشين ديسكو معززين مكرَّمين بمعاشاتهم ، فما بالك بمصير المرتزقة من غير الامريكيين البيض البيمشوا يحاربوا في العراق وافغانستان ويقتلوا الأطفال من أجل حفنة دولارات ؟؟ أكيد ديل في الأخر مش حيتجدعوا في الخيام بس، بل حياخدوا بالبرطوش ..

    الدولار الامريكي عايش وقابض العالم بدون رصيد - ورصيده فقط النفخة الامريكية التي بدأ العالم ينتبه بأنها نفخة نمر من ورق .. وزي ما امريكا مطمئنة علي أنها سيدة العالم وعندهم غرور السطوة فبرضو حوة والدة، وقد ظهرت شعوب أخري متطلعة برضو ودايرة تسيطر وما راضية إنها تكون درجة تانية .. روسيا والصين مثالاً - بوتين قبل يومين قال إنو أمريكا عايشة براسايت (طفيلية) علي الاقتصاد العالمي !!.. أوروبا رغم إنها حليف إثني لأمريكا لكنها إذا وجدت فرصة لإبدال الدولار باليورو كعملة محورية في التجارة العالمية فلن تتردد أن تطيح بسطوة أمريكا - خاصة إذا علمنا أن الاتحاد الاوروبي تتزعمه ألمانيا وفرنسا ، وهما أساساً يتقبلون امريكا علي مضض - في الآخر منافسات بني آدم في الدنيا دي هي في أساسها منافسة علي السلطة والثروة - وإنتو سيد العارفين - !

    قال ليك صدام حسين دقَّ أول مسمار في نعش الدولار حين إتجه لبيع البترول باليورو ثم أعقبه بتحويل احتياطي العراق في الأمم المتحدة البالغ and#1633;and#1632;بليون دولار لليورو !! .. تلك كانت عملية مذهلة لأمريكا لم تكن تتوقعها !!!! .. وذلك أن الدولار في ذلك الزمن كان أعلي من اليورو - فظنها الناس خطوة مكايدة سياسية غبية خسر العراق فيها ملابين الدولارات !! .. ولكن بعد زمن وجيز ارتفع اليورو بنسبة and#1633;and#1639;في المية مقابل الدولار فانعكس ذلك ارباحاً كبيرة للعراق !! .. وذلك كان السبب الرئيسي لحرب العراق الثانية للإطاحة بصدام وتنصيب نظام عميل خاضع لأمريكا - وكذلك خوفاً من أن تحذو دول الأوبك حذو العراق وتحوِّل تجارة البترول لليورو بدل الدولار !! .. وبذا يخلٌّوا الدولار عريان قاعد في السهلة لا قيمة له !!!.. ونلاحظ أنه ابتدأ تدريجياً تنامي عدم الثقة في الدولار وابتدأ الناس تحس بأن امريكا قاعدة علي الهبشة .. والناس ما حتفرِّط في مصالحها ووجودها عشان خاطر امريكا .. فستبدأ الدول شوية شوية تتحول لليورو - أو حتي ربما تبرز العملة الصينية كبديل - وبذا ينسحب البساط من تحت اقدام الدولار القاعد بدون رصيد !!.. يعني النفخة دي حتطرشق ..!!..
    وأولريدي التحول لليورو بدأ بالدول التي تحاصرها أمريكا وتناصبها العداء .. فبدأت بناس إيران والسودان ، والقائمة ستطول !! .. فكلما اتجهت امريكا لحصار دولة ما وعزلها، اتجهت تلك الدولة للبديل - اليورو والصين - حتي تصل أمريكا لمستوي تكون فيه حاصرت أغلب دول العالم وعزلتها - وبذا تكون دولة واحدة قد عزلت and#1633;and#1632;and#1632; دولة وهو ما معناه أنها لفَّت حبل الحصار والعزلة حول رقبتها هي !!!!



    و ده كان ردى لاخونا منير زمان....
    Quote: شابكنا مدن خيام مدن خيام، أنا و محمد سليمان عايشين في البلد دي و عارفين الحاصل، ما تغالط في الفاضي.
    سكان امريكا اكتر من 308 مليون نسمة. عارف المتشردين ديل كم من السكان؟ أكيد ما عارف. لو عارف ما كنت شبكتنا مدن خيام مدن خيام. المتشردين في اسؤا الأرقام حوالي 0.3 % من السكان.
    و اغلبهم ( ما ذي الشماسه في السودان) بيكونوا مشردين لفترات معينة. و كل الدراسات عنهم بتقول ان اغلبهم مدمنيين مخدرات. و لو عاوز تغالط في الموضوع ده علي كيفك. أنا ما ح اغالط في شيء وضح و اتعملت فيه عشرات الدراسات.
    و شنو البخلينا إحنا( القاعدين في البلد دي و شايفين كل شيء) ما فاهمين شيء و انت فاهم كل شيء.؟
    و اكبر دليل علي انك ما فاهم الحاصل في البلد دي شنو انك فاكر ان موضوع التامين الصحي ده بالنسبة لي أنا و لمحمد سليمان ذي اي زول فقير.
    الفقراء بيتعالجوا علي حساب الحكومة في نظام اسمه مديكيت. لو كنت مشرد في الشارع و مشيت اي مستشفي بيعالجوك. ما ح يطردوك.
    أنا و محمد سليمان لانننا ما فقراء بنشتري تاميننا الصحي. و مع ده ( علي الاقل) امريكا معترفه ان في مشكلة في نظامها الصحي و شغالين عشان يصلحوه.
    بعدين يا اخي اذا كنت ( انت) ما بتفهم الانجليزي البيتقال بسرعة خمسين كلمة في الدقيقة ما تفترض إحنا ذيك ما بنفهموا يا اخي. و لو كنت بتصدق اي شيء يقولوا ليك اعلام بلدك من غير ما تفكر فيه برضو ما تفترض اننا ذيك.
    بعدين انت ملخبت قصتين ( ما عاوزه اقول ما في علاقة بينهم) لكن قصتين مختلفات. للمرة التانية: الديون دي ما شيء جديد. الحكومة الامريكية ( ذي اي بزنسس) بتصرف من كردت و بدفع الفاتورة من الدخل عليها من ضرايب و غيره. رفع السقف ده ذي انك تضرب للبنك و تقول ليه يا اخي أنا الكردت limit بتاعي الف دولار، زيدوه لي لالفين دولار. ده يا شباب ما معناه أنك ما عندك قروش تدفع الألفين ديل.


    لعدم الاتفاق على رفع سقف الاستدانة أميركا مهددة بالإفلاس !!!!!!!!!!
                   |Articles |News |مقالات |بيانات

07-31-2014, 05:55 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: هاشم احمد ادم)



    الأخ هاشم أحمد آدم .. بصراحة أنا ماعارف المزعلك شنو جاي شايت ضفاري لغاية ما قفلت البوست يا عزيز .. بعدين ياخي لغة الإيحاءات والأقواس دي شنو ؟؟ .. خليك واضح يا حبيب ، ما بيناتنا غبائن ف تيك إت إيزي ..
    وشكراً جبت لينا سيرة عزيزنا فايز ود القاضي الذي كان أحد فواكه المنبر وفجأة إختفي .. وثانياً نحن نحب ناس الشرق الفيهو قبة سيدي الحسن - إن كنت منهم زي فايز -
    وإجابة علي سؤالك الأخير أنا ما عندي قضية بالتجارة سواءً كانت عملة أو دهب .. لكين مايكل مالوني بتاع الفيديو الأخير هو تاجر دهب .. وأنا الموجعني في الموضوع أن أمريكا محاصرة أهلنا الترابلة الغبش وكل ماليها تضيق عليهم الخناق ، ولذلك أنا أدعو الله أن ينتقم منها ويمرق أهلنا السودانيين سالمين والبوست بمثابة ال wake up call

    وأخيراً عاش أبوهاشم ..

    (عدل بواسطة Munir on 07-31-2014, 05:58 PM)

                   |Articles |News |مقالات |بيانات

07-31-2014, 06:23 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)


    الأخ زكريا .. المكسيك دي كمان قصتها مع الأمريكان قصة .. خاصة تهريب البشر والمخدرات .. عندي صاحب مكسيكي قال لي مع التضييق علي تجار الخدرات، الجماعة ابتدعوا طريقة عبقرية للتهريب، وهي أنهم يفكوا طرود مليانة مخدرات عبر الحدود كمقذوفات زي مدافع المنجنيق بتاعة القرون الوسطي .. البني آدم أب كراعين ده أصلو ما بيغلب حيلة ..
    هسه اليومين ديل في الأخبار شايف الحكومة في تكساس دايرة تخلي الأهالي المتطوعين يحرسوا الحدود بالسلاح .. شوت آند كِيل للمتسللين المكسيك .. زي نظام تسليح القبائل ..

                   |Articles |News |مقالات |بيانات

07-31-2014, 06:26 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)


    شكراً اسماعيل عبدالله علي المشاركة والمتابعة ..
                   |Articles |News |مقالات |بيانات

07-31-2014, 07:45 PM

الصادق اسماعيل
<aالصادق اسماعيل
تاريخ التسجيل: 01-14-2005
مجموع المشاركات: 8440

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)

    منير
    عيدك سعيد

    الكلام الفوق وبتاع الفديوهات وبتاع الدولار دا كلام فيه (دغمسة) زيو وزي الكلام التاني البيقول إنه الإقتصاد بينتعش والأمور سالكة

    الحاجة الناس كتيرين ما شايفينها (معظم الوكت عن كسل وعدم وجود زمن للبحث) هو إنه المشكلة مش في الدولار، المشكلة في العولمة ذاتها، وهسع الموضوع (مشربك كله)، الدولبار ما في دولة حتخليه ينهار (حتى أشد أعداء أمريكا)، لسبب بسيط أي إنهيار للدولار هو إنهيار للإقتصاد العالمي، وحينها بيكين وطوكويو وموسوكو والرياض وتل ابيب ونيويورك كلهم حيكونوا في الهواء سوا.

    النظرية ممكن نلخصها في نظرية too big to fail، والنظرية دي ما عندها علاقة بالدولار لكن عندها علاقة قوية بموضوع العولمة، عشان كده حتى الدول الفقيرة خاشة في التأثير بتاع (أكب من إنها تفشل)، والمثال المعروف (هو رفض دولة ما دفع ديونها) زي ما حصل في الأرجنتين (تأثير الفراشة).

    الصين لازم تنقذ الإقتصاد الامريكي نمن الإنهيار وروسيا كمان.

    العالم كله لو بكرة قرر ما يتعامل بالدولار حينهار وأوله الدول الكبيرة (الصين اليابان الهند امريكا روسيا فرنسا والمانيا وبقية الاتحاد الأوربي، آسيا وأسواقها ، أفريقيا بجنوبها). الإقتصاد الأمريكي كبير جداً ومتشعب والمختبر الممكن تشوف فيه الحكاية دي (أزمة الرهون العقارية)، ونص القروش المستثمرة كانت صينية وروسية (واخد بالك)، أرجع وشوف فديوهات محايدة عن الأزمة المالية، فديوهات أخد منها الحقائق وبعد داك حتفهم إنه المشكلة مش الدولار ولا أمريكا ولا روسيا ولا غيرها، المشكلة إنه العولمة خلت الإقتصاد ما عندو (بلد)، وعشان كدا الجقلبة من (إنهيار الإقتصاد الأمريكي) لأنه ببساطة بيعني (إنهيار الإقتصاد العالمي)

                   |Articles |News |مقالات |بيانات

07-31-2014, 08:09 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: الصادق اسماعيل)


    سلامات يا سمارت أنا وكل عام وأنتم بخير ..
    ظاااهر عليكي إتوترتي ..
    أنا البستغرب فيهو هذه الحالة السودانية الفريدة الإسمها ملكي أكتر من الملك أو متتورك أكتر من الترك أو متجولب أكتر من الجلابة .. ياخي تجي تتكلم أي كلام سلبي عن أمريكا يجيك المتأمرك أكتر من الأمريكي ينط ليك في حلقك ويقرِّب يخنقك من شدة الغيظ .. تجي تقول السعودية ومشيخات الخليج مافيها ديمقراطية يجوك ناس طال عمرك شايلين السيوف دايرين يقطعوا رقبتك وهاك يا شكريبة في أبو متعب .. لكين لو قمت قلت السودان كعب تعال شوف النهش الشديد في لحم البلد والهجاء اللا محدود للوطن .. أنا ممكن أدفع مليون دولار لو فهمت السر في كده شنو..؟؟ !!! ياخي بلادي وإن جارت عليّ عزيزة ..

    ويا اسمارت سغالتك مقبولة منك بس إنتي سيبي التوتر ..
    بعدين أنا كلامي ده عبارة عن تعقيب علي فيديوهات الأمريكان القدامك دي من أصحاب الشئ زاتا ، ما جبت حاجة من عندي .. أها عاوزة تبقي متأمركة أكثر من الأمريكان اصحاب البلد والإقتصاديين زاتهم ؟؟..
    وزي ما ذكرت قبل كده التسونامي ما بيجي واقع من السماء، بل الناس مرات تلقيهم يشوفوا في الموجة جاية من خط الأفق وما يهتموا ، وبعد شوية يشوفوا موية البحر إبتدأت ترتفع ببطء يقوموا يظنوا الأمر عادي ويقعدوا يلتقطوا في الصور- لغاية ما الموية تكْسِر وتجيهم من الشارع الورا - وفجأة لا يجدون طريق للهروب too late -

    ثم أشكرك علي جلب ذلك المقتبس من كلام كتبته قبل سنين وشايفه أصلو ما وقع واطة .. وهو الحاصل الآن بحذافيره .. ويبدو أنك ما ناقشة الحاصل زاتو - جايبة كلامي القديم البيدعم البوست بدون وعي؟؟ ..
    طيب أنا أقوم أجيب ليك فيديو تاني بتاع خبير إقتصادي أمريكي ما حيعجبك .. listen carefully ..




                   |Articles |News |مقالات |بيانات

07-31-2014, 08:39 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)


    الأخ الصادق اسماعيل .. سلامات وكل سنة وأنتم بخير ..
    ياخوي ما سمعت بال BRICS؟ .. التخلي عن الدولار جارٍ علي قدم وساق .. ياخي طالما الدول اصبحت تعقد إتفاقات ثنائية متجاوزة الدولار تاني راجي شنو؟؟ وأنصحك أن تقرّط علي نغمة too big to fail دي .. ياخي ما شفت أبراج التجارة إنهارت كيف؟؟ وقعت في محلها بدون ما تؤثر كثير في الأبراج المجاورة .. شفت كيف؟؟
    بعدين فرضنا أن قمة الدولار ما وصلت صفر .. علي الأقل ستنخفض وتبقي أقل من الجنيه السوداني .. .. هذه طبيعة الأشياء ياخوي ..
    وأكون صريح معاكم - فرغم ولائكم الشديد للبلد التي آوتكم واحتضنتكم فأصبحشعور الإمتنان عندكم يغطي عواطفكم، فأنا أرجو أن يجنبنا الله ويجنب البشرية شرور هذا البلد البلطجي الذي يحاصر أهلنا ويقتل الأبرياء في كل أرجاء الكوكب .. شر مستطير ياخي ..

    ونسأل الله لكم السلامة ..

    .
    .

    يا جماعة خاصية تغيير العنوان يلقوها وين؟؟
                   |Articles |News |مقالات |بيانات

08-01-2014, 02:07 AM

smart_ana2001
<asmart_ana2001
تاريخ التسجيل: 04-17-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)

    محب يا اخوي أمريكا دي فيها مجانيين كتاااار. و ممكن اجيب ليك فيديو بيقول اي شيء انت عاوزه.
    بعدين شنو أمريكية اكتر من الامركان دي. انا أمريكية 100and#1642;. لا ينقص من امريكيتي شيء.

    تعرف أحب ما علي الحكومة الامريكية الان انه يحصل انفليشن و تنزل قيمة الدولار. ده يوم المنى. عارف ليه؟ لانه الصين اللي شارية سندات من الحكومة الامريكية ب تريليون دولار دي قروشها ح تبقي ما عندها قيمة. و الامركان يخلصوا من موضوع الدين ده. مواضيع الاقتصاد دي معقدة جداً جداً. و علي ضمانتي، أمريكا دي لو بدا ينهار اقتصادها بكرة دي، عاوز ليه 50 سنة عشان تبقي بلد عالم رابع.
    انت ما ح تقتنع كلو كلو عشان كده .....اها أجي أسالك من كلامك ده بعد كم سنة؟؟؟
                   |Articles |News |مقالات |بيانات

08-01-2014, 12:22 PM

مجاهد عبدالله

تاريخ التسجيل: 11-07-2006
مجموع المشاركات: 3988

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)

    السلام عليكم أخي منير والأخوة

    هنالك كتاب مهم للغاية وأعتقد أن كل من يريد أن يعرف عن خبايا الأمر الإقتصادي العالمي أن يقرأه هو كتاب الإغتيال الإقتصادي للأمم إعترافات قرصان إقتصاد ( Confession of an economic hitman )

    ويمكن تحميله من الرابط التالي

    http://www.traidnt.net/vb/traidnt1906740/

    تقديري ..
                   |Articles |News |مقالات |بيانات

08-01-2014, 12:59 PM

عبد الله شم
<aعبد الله شم
تاريخ التسجيل: 05-03-2013
مجموع المشاركات: 2205

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: مجاهد عبدالله)

    Quote: اقتصادها بكرة دي، عاوز ليه 50 سنة عشان تبقي بلد عالم رابع.

    سلام منير وبقية المتداخلين
    اعتقد ان كلام الاخت سمارت كلام منطقي جدا
    امريكا تملك احتياطي ضخم من الموارد والطاقة هذا غير الاستثمارات الاجنبية الموجودة باميركا
    وكذلك ان شعرت امريكا بخطورة تراجع الدولار امام العملات الاخرى ستنحني للعاصفة حتى تمر
                   |Articles |News |مقالات |بيانات

08-01-2014, 03:36 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: عبد الله شم)



    بصراحة يا سمارت أنا ، الظاهر عليك عايشة وهمة الأمركة .. هل إنتي أمريكية بيضاء ؟ هل إنتي أفريكان أميركان؟ هل أنتي هسبانك؟ الإجابة لا علي ما أعتقد .. إذن أنتي سودانية .. فالأمركة ليست أوراق وقرين كارد .. الجنسية وجدان وشعور .. ده كوم براهو ..
    الكوم التاني هو محتويات الفيديوهات التي جعلك تفقدي أعصابك وتنسي إسمي وتقولي لي محب .. ما فضل ليك إلاّ تنادي ناس عاطف ولوزة ونوسة وتختخ ..
    كلامك صاح إنو أمريكا مليانة مجانين ، لكين ديل ما مجانين، ديل خبراء إقتصاديين .. والقصة ما قصة إنو الإقتصاد سينهار - القصة هي عواقب ذلك الإنهيار وزي ما أبتدأ الفيديو الأول بجملة you can ignore the reality, but you can not ignore the consequences of ignoring the reality.- فتخيلي إنك محصورة في غابة من الأسمنت مليانة مجرمين وجياع وعنصريين ، وتقوم فجأة المواد التموينية تشح والمواصلات تتدهور والخدمات تنهار ويدخل الناس في panic .. كل شئ ولا الناس تخش في هلع ، لأنه جارك القريب إذا عرف إنو عندك تموين داساهو ممكن يخش عليكم بالسلاح لينهب مخزونك ليطعم أبناءه .. ده موضوع الفيديو الأول .. الفيديو الثاني يوضح طبيعة دورة المال التي تعتمد علي الديون الربوية التي تتحكم فيها البنوك .. وزي ما شايفة العبقرية في توليد الأموال من فراغ ، وكيف أن الحكومات تستدين من البنوك ، وبموجب الديون يتم فرض الضرائب العالية حتي تتمكن الحكومات من تسديد الديون بفوائدها، وشفتي كيف أن هذا الموديل الذي يعتمد علي الديون لن يقوي علي البقاء بدون إستمرار الديون .. وشفتي كيف أن تلك الأرقام الترليونية هي أرقام وهمية موجودة فقط في ذاكرة كمبيوترات البنوك - تأملي فقط حقيقة ال partial reserve lending - معناها ممكن تفتح بنك وأقوم أنا أودع مية دولار، فيقوم البنك يترك ليك منها 10 دولارات فقط ويقوم يشيل ال90 دولار يسلفها لزبون تاني ويصبح رصيد البنك 190 دولار وثم الشغلة تتكرر وتتكرر حتي تختلق آلاف الدولارات الوهمية بناءَ علي تلك ال100 دولار بتاعتي .. دي لعبة بهلوانية رهيبة تجعل فئة من البشر تكسب البلايين من مافيش .. وطبعاً الإسلام منع هذا الأسلوب في التعاملات المالية فإنه لا يجوز مثلاً أن تبيع أو تتعامل تجارياً في سلعة ليست ملكك أو حتي ستكون ملكك قريباَ - يعني لو السلعة ما تحت يدك physically لا يحق لك أن تتصرف فيها .. فما بالك لو كانت هذه السلعة هي أموالك التي يدخلها البنك فوراً في حيازته ويسلفها لغيرك .. ولذلك تلاحظي أنك لو مشيتي البنك وقلت عاوزة مبلغ كبير كاش من حسابك إنتي - حر مالك - بالبنك (say 20000 dollar) يقولوا ليكي لازم تقدمي طلب للبنك قبل 10 أو 20 يوم عشان يجهزوه ليكي .. لأنه طبعاً كاش حقيقي مافي ... البنوك فيها رصيد من الأرقام فقط ..
    الفيديو التالت - الفيهو راس البوم أوباما - ده بقي الكلام الخطر الذي يفلفل حال الإقتصاد الأمريكي ويتنبأ بإنهيار وشيك .. طبعاً يا جماعة الشغلانة زاتها مامحتاجة عبقري إقتصادي عشان يفهمها .. القصة وما فيها أن الدولار هو العملة الإحتياطية العالمية وهذا ما جعل امريكا متفوقة إقتصادياَ ، لأن الأمريكان ما بيهمهم تغطية الدولار فإنهم فقط يمكنهم طباعة ما يشاؤون من الدولارات ويتدافع العالم علي الدولار للتجارة الدولية وخاصة تجارة البترول .. لكين قلنا ليكي الميزة خلاص في طريقها للزوال .. يعني تاني طباعة أمريكا للدولار حتبقي زي طباعة زيمبابوي للدولار - يعني تضخم داخلي فظيع .. تكون داير ليك مليون دولار عشان تشتري جني جداداية واحدة .. ده لب الموضوع ..
    طبعاً أوروبا زاتها ستتأثر .. لكين السودانيين ناس أوروبا ممكن كداري يمشوا بلدهم .. الواحد يشاقق بتركيا وأيران ويقطع مضيق هرمز ثم عمان ثم اليمن ثم جيبوتي وتكون خلاس وصلت تب .. لكن امريكا بعيدة شديد ..

    المهم ..

                   |Articles |News |مقالات |بيانات

08-01-2014, 03:51 PM

Osman Musa
<aOsman Musa
تاريخ التسجيل: 11-28-2006
مجموع المشاركات: 16011

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: عبد الله شم)

    عزيزنا أستاذ منير
    سلامات والعيد مبارك عليك .. ياخ زمن فاقدنك يازول .
    عان يا منير .
    جيت وأنا تاجر ولقيت البلد دي زي الحلاوة . أتملطعته في الأيامات الأولانيات .
    بس الملطعة ما طالت .. الايام كانت أيام الرئيس المحبوب بيل .
    بديت أعمل دخل صافي حوالي الألف دولار وشوية أقل وده يوماتي .. وده كان حال كتير من الناس في أمريكا .
    لاحدي ما جات هبوب الأزمة والدربكة الحصلت لي ليمان برازار وكسحت علي باقي الشركات والبنوك .
    بس صدقني يا أخ منير أمريكا العظيمة تاني حتقوم أقوي وبي سرعة .. والصين حتدق الدلجة دقة حمار ود علي سعيد بي قشو .
    أمريكا يا أخ منير حاجة لا توصف في النظام والدقة والوطنية .. الصين فيها سرقة وخداع في الصناعة ودي الحاجات البتضبح
    أقتصاد البلد ..
    تحياتي
                   |Articles |News |مقالات |بيانات

08-01-2014, 05:07 PM

smart_ana2001
<asmart_ana2001
تاريخ التسجيل: 04-17-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Osman Musa)

    انت يا منير قائل الأمركة دي انك تكون ابيض بس؟؟؟
    شنو (أسياد البلد)، انا مهاجرة لكن بقيت عضو فاعل في مجتمعي. بشارك في اجتماعات الحي و المحلية و الولاية. بشارك في الانتخابات. بتمتع بكامل الحقوق و بقوم بكل الواجبات. بانتخب بأمانة لما تجي الانتخابات. انت قائل المواطنة دي شنو؟؟؟
    تعرف ان الامركان ديل لو قعدوا بس اكلوا بقرهم ده و قمحهم ما بتجيهم عوجة. أمريكا يا منير قارة. فيها موارد طبيعية مهولة.
    ما كمان تحضر أفلامهم بتاعة هوليود دي و تقوم تصدقها. ده الوهم اللي بيبيعوه للعالم. أفلامهم و خزعبلاتهم دي.
    في حاجة اسمها الأمن الغذائي. عارف الحكومة الامريكية بتدعم الزراعة بكم؟ بلايين الدولارات. ده كلو عشان المزارعين ما يقولوا زراعة شنو !. و يمشوا يشوفوا شغلة تانية.
    ملم تحصل كارثة طبيعية من الله كده، امريكا دي قااااعدة.
    أزعل ما امريكا ذي ما عاوز. لكن ما تجي تخت امنياتك بأنها حقائق.
    تعال هنا زيارة و انا افسحك في البلد دي. ما ح اوديك اي مدينة خرسانية. ح اوديك المحميات الطبيعية. السهول الوسطى و مزارع القمح. اوديك مزارع البرتقال اللي بتكون علي مدي البصر. العربية بتكون ماشة ساعات في الطريق السريع و كل اللي ممكن تشوفوه هو مزارع الحوامض و المكسرات. تجي تشوف مزارع الأبقار. أبقار بتآكل من الحشائش في الهواء الطلق ، موش في أماكن ضيقة وساخنة.افرجك في غابات فيها أشجار عمرها اكتر من 3 الف سنة. انهار جارية و خزانات تم هدمها بس عشان يخلو أسماك السالمون ترجع تاني للأنهار دي. آلاف الفدانات من مزارع الرز.
    اما البترول، فده موضوع تاني.
    دي ما أموال وهمية في البنوك. دي حجات شايفاها انا بعيني.
                   |Articles |News |مقالات |بيانات

08-01-2014, 05:39 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: smart_ana2001)

    Quote: Aloop Ali · يعمل لدى ‏‎Govt.Accountant‎‏
    موضوع شيق والاجمل فيه تباين الآراء تسلسل النقاش والحوار أتى بكثير من المعلومات شكرا منير وزكريا وفرانكلي وإسمارت .... بشاشا ودينق أنتم كتاب كبار في الموقع ولكن تعاملكم مع البوتسات واضح يعتمد على رايكم الشخصي في كاتبه وليس على ما يكتب في هذه البوستات يا ليتكم أثريتم النقاش بدلا من آراء وعبارات مبتورة في كاتب الموضوع . الأخ منير طرحك في كل مداخلاتك جميل ومقبول حتى وإن إختلفنا معه إلا عبارتك التي وصفت بها دينق شوهت مداخلاتك


    الأخ Aloop Ali .. أشكرك علي الإشادة والمتابعة ..
                   |Articles |News |مقالات |بيانات

08-01-2014, 06:05 PM

آدم صيام
<aآدم صيام
تاريخ التسجيل: 03-11-2008
مجموع المشاركات: 4120

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)

    الحمد لله الذي نقلنا من العنصرية إلى الاقتصاد
    مع أن الضدين لا يتلاقيان

    أجبرت أمريكا الصين لتنزيل قيمة اليوان من قرابة 8=1 إلى 6= 1 لأن أرصدة الصين الفعلية في جب الفراء اليانكي.
                   |Articles |News |مقالات |بيانات

08-01-2014, 06:10 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: smart_ana2001)


    أخونا العزي Osman Musa كل سنة وأتتم طيبين .. ة ..
    طبعاً الواحد بيقدِّر أن البوست ده مستفز للناس القاعدة هناك بسبب أن الزول غريزياَ يتمني إزدهار البلد القاعد فيهو .. وزولنا صاحب الفيديو الثالث قال هو بدأت تجيهو رسائل الكراهية بسبب حديثه عن هذه المشكلة الإقتصادية ..
    لكين ياخي بصراحة أنا مغبون من هذه الدولة البلطجية التي تخنق أهلنا وتمنع عنهم حقهم في العيش مثل باقي الشعوب .. مانعين مننا التكنولوجيا ومانعين حتي تحويل المصاريف للغلابة الذين تطحنهم المعيشة .. فتدمرت الخطوط البرية والجوية والبحرية .. ده غير تأجيج الحرب ومنع السلام وتمزيق البلاد - فصل الجنوب - والحصار التكنولوجي .. فهي تمنع طلابنا من حقهم الطبيعي في استخدام البرامج التي تؤهلهم علمياً ليرقوا مثل باقي طلاب العالم .. عداء مهووس للسودان يؤثر مباشرة في الشعب السوداني وهي تعلم ذلك ..
    ولذلك لن نأسف عليها إذا دقت الدلجة .. و ثِق يا عثمان أن الدلجة حاصلة حاصلة .. لأنو يا عثمان هذا النظام المالي طبعاَ ربوي في كل دولار حايم - وربنا قال أنه يمحق الربا ويربي الصدقات ..

    أعتقد أني شرحت جوهر المشكلة بما يكفي ..

                   |Articles |News |مقالات |بيانات

08-01-2014, 06:13 PM

ahmedona
<aahmedona
تاريخ التسجيل: 01-08-2013
مجموع المشاركات: 6118

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)

    كتب الأخ / منير ...
    Quote: أصبحت مقتنعاً أن أسوأ أنواع العبودية هي أن تكون مستعبداً وأنت تظن أنك في قمة الحرية .. وذلك هو الحاصل الآن للمواطن الغربي وخاصة الأمريكي .. فالإقتصاد الأمريكي يعتمد علي الربا والقمار والديون .. ووفق حساب الإقتصاديين فإنه في المتوسط أن أي مولود أمريكي يولد وعلي عاتقه دين قدره خمسين ألف دولار .. والسبب الرئيسي الذي حوَّل المواطن الغربي لحمار شغل هو أنه مثقل بالديون - البيت بالدين، السيارة بالدين، التلفزيون بالدين .. إلخ - ولذلك يعمل فوق طاقته حتي لا يغلط ويفقد وظيفته ، وهي رأسماله الوحيد .. فالإنسان إذن يشتري مستقبله ومستقبل أسرته بالديون لعشرات السنين .. أين الحرية إذن إذا كنت مكبَّل بالديون حتي الموت لتنتقل ديونك لأولادك؟؟


    شكراً أخ / منير على هذا الموضوع القيم والتنوير الطرح .....

    وما أورته هو لب الحقيقة الغائبة عن عقول الكثيرين ....
                   |Articles |News |مقالات |بيانات

08-01-2014, 06:15 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)


    ليكم السلام أخ مجاهد عبدالله .. وينك ؟ طالت بك الغيبة ..
    أشكرك علي الرابط وسأحاول مطالعة الكتاب في هذا الويك إند ..
                   |Articles |News |مقالات |بيانات

08-01-2014, 06:21 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)


    لأخ عبدالله شم .. وجهة نظرك مقدرة .. لكين لو شاهدت الفيديو الثالث حتفكِّر مرتين ..
                   |Articles |News |مقالات |بيانات

08-01-2014, 06:32 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)


    الأخ آدم صيام .. الله لا جاب العنصرية .. يبدو إنك عندك غبينة بايتة ضدي - أذكر أنك يوماَ ما دعيت عليّ - .. علي كل: العفو والعافية ..
    الواقع الحالي يقول أن الإقتصاد الصيني في نمو مطرد .. وأنها تسعي بصمت في التخلص من الدولار وأنها شغالة سياسةعلاقات عامة بذكاء ، فهي تصرف الدولارات في بناء الصداقة مع دول العالم الثالث بدلاً عن رميها بالقنابل وإرهابها كما تفعل أمريكا .. ومع تصاعد دور الBRICS فإنها ستكون الرائدة في العالم .. وإن غداً لناظره قريب ..

                   |Articles |News |مقالات |بيانات

08-01-2014, 06:30 PM

سيف النصر محي الدين
<aسيف النصر محي الدين
تاريخ التسجيل: 04-12-2011
مجموع المشاركات: 7970

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)

    كل عام و الجميع بخير
    الزوجة و الأبناء لا يتحملون ديون الزوج او الأب في حالة وفاته و لا ديون الام بعد وفاتها
    الديون تخصم من اي تركة تخص المتوفي ، و إن لم تكن هناك تركة او أملاك مسجلة باسم المتوفي
    او كانت قيمتها اقل من الدين يسقط الدين او ما تبقى منه تلقائيا و لا يلاحق الأقارب.
                   |Articles |News |مقالات |بيانات

08-01-2014, 07:08 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: سيف النصر محي الدين)


    الأخ ahmedona .. مرحباً بك ..
    بالجد هذا هو الواقع .. أغلب الناس مكبلين بالديون الربوية العالية .. ولذلك الخواجة قبل ما يعزمك كباية قهوة يضرِّبها كويس ..
    تخيل تشيل دين من البنك لشراء منزل وتكون فترة السداد 20 سنة .. وطبعاً الفائدة كبيرة جداَ يعني تستلف 200 ألف دولار وحين تسددها تكون دفعت 300ألف دولار .. ده لو حييت وضمنت وظيفتك طوال هذه المدة ،

                   |Articles |News |مقالات |بيانات

08-01-2014, 07:16 PM

ahmedona
<aahmedona
تاريخ التسجيل: 01-08-2013
مجموع المشاركات: 6118

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)

    Quote: و إن لم تكن هناك تركة او أملاك مسجلة باسم المتوفي
    او كانت قيمتها اقل من الدين يسقط الدين او ما تبقى منه تلقائيا و لا يلاحق الأقارب.


    دا معناه يا دكتور سيف النصر --- أن الأبناء يطردون من البيت لتسديد المديونية للبنك أو الشركات العقارية --- لأنه مسجل بإسم المرحوم....

    وساقية الديون لسه مدوره ...
                   |Articles |News |مقالات |بيانات

08-01-2014, 07:40 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: ahmedona)


    يا سيف النصر .. كل عام وأنتم بخير أنا مشمول فيها؟ ... طيب كل سنة وإنت طيب ..
    القول كما قال ahmedona .. يعني ديون البنك لن تسقط بوفاة المستدين ..
    المهم في الموضوع أن الإقتصاد المبني علي الديون يشجع علي الإستدانة - فإن توقف الناس عن الإستدانة أو سدد المستدينون ديونهم يضعف الإقتصاد وينهار .. راجع الفيديو الثالث ، وشوف كوم الحطام الوراء مايك مالوني .. وإذن يريد السياسيون أن يستمر نظام الإستدانة وهم يعرفون أنهم سائرون إلي الهاوية و لكن they kick the can down the road .. ويفكوها للسياسيين اللاحقين .. لكين بما أن الشغلة وصلت الترليونات معناها خلاص البالونة قرّبت تطرشق .. وما سيطرشق البالونة هو أن الدولار علي وشك فقدان مركزه كعملة دولية أولي .. وإحتمال زاتو نظام اللوتري والقرين كارد ده عشان يكون المهاجرون وقود متجدد للإستدانة بعد ما الناس كلهم خلاس كبلوهم بالديون .. لكين طبعاً أكيد البني كجة بيقولوا ليهم تلقوها عند الغافل ..

                   |Articles |News |مقالات |بيانات

08-01-2014, 09:49 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)


    غايتو يا سمارت مفاهيمك جايطة شديد، وشايلك حمار نوم الأمركة .. أول شئ أنا ما حصرت الأمركة في البيض - سألتك برضو عن إن كنت أفريكان أميركان أو هسبانك .. ماتقولي مهاجرة وإنتخابات .. لو طِرتي فررر برضو حتظلي سودانية ..
    بعدين نحن عارفين أن أمريكا مواردها كتيرة وأي حاجة ، ولكن هنا يكمن السر .. ويبرز السؤال : لماذا رغم كل هذه الثروات الطبيعية تعاني أمريكا من هذه الديون الترليونية ؟؟.. سبب الترليونات دي شنو؟؟ .. إذن المشكلة ليست في موارد أمريكا وليس المشكلة في الشعب الأمريكي المستعبد بالديون .. المشكلة في ميكانيزم تدوير الأموال .. هناك خطأ منهجي .. خطأ في الموديل .. خطأ في النظرية أو أن هناك خدعة كبيرة ..
    الرؤساء المؤسسين كانوا يكافحون من أجل عدم سيطرة البانكرز علي إنتاج العملة وكانوا يريدونه debt-free monetary system .. ولكن في الآخر كان النصر للبانكرز الذين حولوه ل-debt-based monetary system .. ولذلك الشغلة ما شغلة موارد ..
    هسه لو جينا للموارد أكتر بقر أمريكا واللا بقر السودان؟؟ أكتر غنم أمريكا واللا غنم السودان؟؟ أكتر جمال أمريكا واللا جُمال السودان؟ .. وطيب ..

    (عدل بواسطة Munir on 08-01-2014, 10:05 PM)

                   |Articles |News |مقالات |بيانات

08-02-2014, 01:57 AM

smart_ana2001
<asmart_ana2001
تاريخ التسجيل: 04-17-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)

    ...

    (عدل بواسطة smart_ana2001 on 08-02-2014, 01:58 AM)

                   |Articles |News |مقالات |بيانات

08-02-2014, 02:48 AM

خالد العبيد

تاريخ التسجيل: 05-07-2003
مجموع المشاركات: 21284

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)

    Quote: نعم سيمحق الله الربا ويربي الصدقات ..
    الربا والقمار الذي تمارسه البنوك حولت الإقتصاد العالمي لكازينو كبير ..

    أجاز مجلس الوزراء السوداني في اجتماعه يوم الخميس برئاسة الرئيس عمر البشير
    فتوى وتوصيات ندوة تمويل مشروعات الدولة بالقروض والتي قدمها محافظ بنك السودان محمد خير الزبير
    بمشاركة رئيس مجمع الفقه الإسلامي عصام أحمد البشير.
    وقال عصام أحمد البشير للصحافيين عقب اجتماع المجلس :
    إن الندوة شارك فيها علماء من داخل السودان وخارجه واستعرضوا خلالها 19 بحثاً حوت فقه الشرائع وفقه الوقائع.
    وأبان أن الفتوى أكدت أن الاقتراض بالربا من الكبائر والموبقات
    غير أن الدولة إذا وقعت في ضرورة أو حاجة عامة فإنه يجوز لها الاقتراض بالفائدة
    شريطة استنفاد كل الوسائل في الحصول على مصادر تمويل مقبولة شرعاً.
    ----------------------------------------
    الكيزان لا يستحون ابدا !
                   |Articles |News |مقالات |بيانات

08-02-2014, 03:08 AM

ahmedona
<aahmedona
تاريخ التسجيل: 01-08-2013
مجموع المشاركات: 6118

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: خالد العبيد)

    Quote: لماذا رغم كل هذه الثروات الطبيعية تعاني أمريكا من هذه الديون الترليونية ؟؟.. سبب الترليونات دي شنو؟؟ .. إذن المشكلة ليست في موارد أمريكا وليس المشكلة في الشعب الأمريكي المستعبد بالديون .. المشكلة في ميكانيزم تدوير الأموال .. هناك خطأ منهجي .. خطأ في الموديل .. خطأ في النظرية أو أن هناك خدعة كبيرة ..




    حقائق مؤلمه لمن يريد أن يعتبر .....

    (عدل بواسطة ahmedona on 08-02-2014, 03:59 AM)

                   |Articles |News |مقالات |بيانات

08-02-2014, 05:27 AM

Zakaria Fadel
<aZakaria Fadel
تاريخ التسجيل: 01-24-2013
مجموع المشاركات: 579

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: ahmedona)

    شكرا احمدونا على هذا الفيديو التوضيحي
    طبعا الدول التي لا تستطيع (طباعة) دولارات ينتهي بها الامر الى العجز عن دفع اقساط الديون ...وبالتالي توقف الدائنون عن ضخ مزيد من الاموال....
    هذا تحديدا ماحدث للسودان ابان نظام مايو.....لقد فشلت مايو في تسديد 25 مليون دولار (قسط ديون مستحقة) في وقتها .....في عام 1984
    في العام الذي سبق ذلك....كانت امريكا قد وافقت على (تجنيب) جزء من مال معونتها الاقتصادية للسودان لكي تدفعهم مايو لسداد اقساط ديونها...
    ورفضت فعل الشئ ذاته في عام 1984 ..والنتيجة رفضت الصناديق المالية ضخ المال لجعفر نميري...فعجزت مايو عن شراء السلع الضرورية ...فقامت الانتفاضة....

    وحقيقة دراسة ما حدث للسودان ..وكيفية وقوعه في قبضة الديون...تكشف بكل وضوح فشل نظمنا السياسية قاطبة إدارة الدولة بمنهجية ..وبعد نظر....
    السودان كان يمكن ان يضرب خير الامثال في كيفية النهوض بالمجتمع باستغلال موارد بشرية (صفات انسانية رائعة)...وموارد مادية (مياه و اراض مسطحة)...
    ولكنه بإرث استعماري بغيض + انانية مفرطة من جيل رباه الاستعمار+ استيراد لافكار اجنبية واستعلاء ثقافي من هؤلاء المستوردين....ثم العسكر ..كل ذلك اوصلنا الى مانحن فيه الان
                   |Articles |News |مقالات |بيانات

08-02-2014, 05:51 AM

Zakaria Fadel
<aZakaria Fadel
تاريخ التسجيل: 01-24-2013
مجموع المشاركات: 579

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Zakaria Fadel)

    لا ادري كيف يتناول البعض موضوع الصين بهذا الاستخفاف
    الصين حاليا هي أكبر متعامل تجاري في العالم وثاني أكبر اقتصاد عالميا (ويتوقع ان يكون الاكبر قريبا جدا) واكثر دول العالم كثافة سكانية
    كيف يمكن لدولة بهذه المواصفات ..ان تقوم بغباء ( اكتشفه بعض المتداخلين هنا ) بامتلاك أكبر احتياطي نقدي لعملة اجنبية ليس في يدها امر التحكم في هذه العملة؟
    الاجابة في إعتقادي ان الصين تدرك جيدا عواقب ما تقوم به (من ان تكون أكبر ضامن لديون الولايات المتحدة)...تدرك حجم التجارة مع امريكا...تدرك نخبها الحاكمة شعرات معاوية التي تربطها بنخب امريكا الحاكمة
    درست (وفهمت) كيف تم القضاء على الشيوعية السوفيتية و القضاء على الاتحاد السوفيتي.....الخ
    لهذا انا شخصيا لا اشاطر الاخ منير في تفاؤله بنجاخ قريب لمجموعة ال BRICS .....
    البرازيل حققت نجاحا اقتصاديا جيدا في السنين الاخيرة (بتطبيق حزم رعتها الدول الغربية) وخلطها الرئيس السابق بكثير من (الاشتراكية) وستظل يدها مغلولة (بعض الشئ) نتيجة هذه الخلطة
    روسيا سبق لي القول بأنها هشة سياسيا ...ولا زلت عند رأي
    الهند تخلصت مؤخرا من حكم الاحزاب الاشتراكية وصوتت باغلبية ساحقة لحزب قومي رأسمالي التوجه الجغرافية و التاريخ ليستا في صالح الهند ..وعندما تنفتح أكثر للتدفق المالي من الخارج ستظهر حساسيتها (Vulnerability )
    خاصة فيما يتعلق بعدد الفقراء فيها و التنافس مع الصين
    اما جنوب افريقيا فلا أعتقد انها قد (نضجت) كدولة كبرى حتى الان
                   |Articles |News |مقالات |بيانات

08-02-2014, 07:17 AM

Abureesh
<aAbureesh
تاريخ التسجيل: 09-22-2003
مجموع المشاركات: 18280

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Zakaria Fadel)

    سلام يا منير،

    البقول إنو أمريكا ستنهـار لا يعرف عن ماذا يتحدث.. وهـذا لا يعنى ان هناك حضارة دائمـة الى الأبـد.. ولكن الاقتصاد لا يناقش بهـذه الطريقـة. وأنت تعلم، وقلت ان أمريكا فيها
    موارد كبيرة.. وفى الحقيقـة فإن الاقتصاد لا يقاس بالدولارات واليورو والجنيـه الإسترلينى فحسب، مع أهمية كل هـذا.. وهناك عوامل أخرى تساهم في تعريف الاقتصاد

    1- الموارد الطبيعيـة: وموارد أمريكا الطبيعية غير محدودة كما ونوعـا.. من ناحيـة الكم ففيها مخزون بترول يغنيها عن استيراد قطرة واحدة من الخارج، وتعمل جاهدة في تطوير
    الطاقة المتجددة.. ونوعاً فإن الصين تستورد أخشاب الموبيليا وغيرها من أمريكا لأن النوعية العالية للخشب الأمريكي المستعمل لا توجد اشجاره في القارة الأسيويـة.. وكذلك الصخور
    التي تنتج الرخام ذو الجودة العالية.. (مثالان فقط).

    3- القوة العسكرية: ورغم ان السلاح النووي صار غير ذي جدوى في تحديد المنتصر في اى حرب قادمة، وأتزلت مهمته في تخويف العدو من المجازفة في البدء بإستعماله intimidation
    إلا أن قوة أمريكا العسكرية نوويا وتقليديا وتكنولوجيا ما زالت هي المسيطرة والأولى في العالم.. وامريكا تستطيع ان تدخل في حرب في أكثر من قارة وفى وقت واحد.

    4- التكنولوجيا العاليـة: وهـذه لم تخرج من أمريكا حتى الان، وكل العالم عالـة على أمريكا في هـذا المجال، بما في ذلك اليابان وأوروبـا..

    إذا عليك ان تقرأ مصاعب أمريكا الماليـة جنبا الى جنب مع مقدراتها العملية.. وإنهيار البنوك عام 2008 كان سببه تلاعب مدراء البنوك وشركات العقارات والمضاربات الوهمية وتبادل
    الديون كسلعـة في حد ذاتها.. يعنى زول داير منك 100 دولار وما دفعها لفترة طويلة.. أقوم أنا اشتريه منك ب 50 دولار.. وإنت تخصم خسايرك كلها من الأرباح قبل دفع الضرائب، يعنى
    بعيارة أخرى تكون شلت قروشك من دافع الضرائب.. وأنا بعد سنة اعمل ذات الشئ.. ونكون كلنا ربحنا، ولكن ربح وهم يتحمل عبئه المواطن والخزينة العامة.. إذا ما حصل كان نتيجة
    إستهبال وبلطجة من مدراء البنوك ووكلاء العقارات.. ولا يمكن ان ينسبـه شخص الى مكانة أمريكا الاقتصادية.. مشكلة أمريكا في نيويورك وواشنطون وليست في إمكانياتها الاقتصادية الجبارة
    التي لا تدانيها دولة في العالم، وهى قادرة على تصحيح مسار واشنطون ونيويورك، فإنها تملك مكانزيم التصحيح الذاتي.. ومن لا يرى ذلك سيصل الى نتائج خاطئة في التحليل..
                   |Articles |News |مقالات |بيانات

08-02-2014, 08:04 AM

ahmedona
<aahmedona
تاريخ التسجيل: 01-08-2013
مجموع المشاركات: 6118

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Zakaria Fadel)

    Quote: وحقيقة دراسة ما حدث للسودان ..وكيفية وقوعه في قبضة الديون...تكشف بكل وضوح فشل نظمنا السياسية قاطبة إدارة الدولة بمنهجية ..وبعد نظر...


    أخ / زكريا --- كل عام وأنت بخير ....

    الإجابة تجدها في مقابلة عميل CIA أدناها ....

                   |Articles |News |مقالات |بيانات

08-02-2014, 07:11 AM

عثمان عبد الوهاب العامري
<aعثمان عبد الوهاب العامري
تاريخ التسجيل: 03-03-2014
مجموع المشاركات: 202

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)

    الحبيب منير ... كلنا أذان صاغية للفايدة .. الى ألامام
                   |Articles |News |مقالات |بيانات

08-02-2014, 11:27 AM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: عثمان عبد الوهاب العامري)


    يا خالد العبيد إنت مكبوس داخل كبسولة هوسك من الكيزان .. ولذلك ما شايف في الدنيا دي غير بعبع الكيزان ، بذا فإن النقاش الحاصل هنا ده رغم إنه ما عنده علاقة بالكيزان لكن جاي داخل شمال بعد أن نخستك كلمة الربا .. أنا ما داير أخش معاك في مهاترات لأني حافظ ليك كلمة كويسة قلتها لي حين قلت لي حتضبح لي كنقارو أحمر لو زرتك فس أستراليا ..
    وبالرغم من أن البيعرفوني عارفين أني ما عندي علاقة بالكيزان، لكني بقولها ليك بالخط العريض إنو الكيزان أذكي منكم وأرجل منكم .. يكفي أن كيزان مصر في جهادهم ضد الإنقلاب ثبتوا في الميادين فاستشهد منهم الآلاف في بضع ساعات ورغم ذلك لم يهنوا ولم يهربوا وما زالوا في الشوارع والميادين وهم يحتجون سلمياَ بدون سلاح .. لكين صدقني يومهم اليعلنوا الجهاد تاني السيسي إلا يشوف ليهو جحر يتحشر فيهو .. أما إنتو يا شيوعيي السودان الفكيتوا البيرق من قولة تيت أراهنك وأقول ليك جيب جماعتك كلهم في ميدان الشعبية شمال وخليهم يقابلو 10 كيزان بس وبالعكاكيز فقط فيس تو فيس .. وخلينا نشوف البيقوم جاري منو ..

    بعدين ياخي إنت مش شيوعي؟؟ طيب البوست ده في جوهره ضد النظام المالي الرأسمالي الإمبريالي الذي أفني المعسكر الشيوعي عمره في محاربته .. مفروض تكون فرحان لأنو النظرية التي قضت علي آيدلوجيتك بالضربة القاضية هي الآن بدورها تترنح ويستبين في الآخر إنك كنت صاح .. لكنك لأنك محشور في كبسولة ، فإنت ماك فارز الحاصل .. وجاي جاري بقمة طموح أن الكيزان لا يستحون .. أيوة ياخي لا يستحون so what ؟؟
                   |Articles |News |مقالات |بيانات

08-02-2014, 11:45 AM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)


    يا ahmedona ياخي الفيديو التوضيحي بتاع أنكل سام ده إبداع .. إختصر البوست كله في 5 دقائق .. والعجيب في الدقيقة 2:17 .. حين يقول أن الدول التي تدفع قروض لأمريكا تجعل المستدين (امريكا) تبدو غنية والدول الدائنة تبدو فقيرة .. سبحان الله ، عبارة عكس الواقع بالظبط .. الزول البيتسلف من الناس يقولوا عليهو غنيان والزول البيسلف يقولوا عليهو مفلس .. هههه .. والله الدنيا فيها العجائب ..

                   |Articles |News |مقالات |بيانات

08-02-2014, 12:31 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)


    سلامات يا زكريا .. التعويل علي الBRICS ليس لأن هذه الدول دول عظمي ، إنما الهدف هو خلق محور إقتصادي بعيد عن البترودولار والIMF .. وبالجد لو أحسنت أمريكا إستخدام البترودولار بطريقة fair ما كان الناس فرفرت .. وكانوا سيظلوا راضون بقيادتها للعالم .. ولكن طماعي امريكا كتلوا الجدادة وخموا البيض ..
                   |Articles |News |مقالات |بيانات

08-02-2014, 04:23 PM

ahmedona
<aahmedona
تاريخ التسجيل: 01-08-2013
مجموع المشاركات: 6118

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)

    (عدل بواسطة ahmedona on 08-02-2014, 04:26 PM)
    (عدل بواسطة ahmedona on 08-02-2014, 04:50 PM)

                   |Articles |News |مقالات |بيانات

08-02-2014, 12:03 PM

Hafiz Bashir
<aHafiz Bashir
تاريخ التسجيل: 12-04-2004
مجموع المشاركات: 2319

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)



    Quote: لكين ياخي بصراحة أنا مغبون من هذه الدولة


    نعم يا منير فغبينتك سبب كافي لإنك تصدق الخزعبلات الفي بوستك دا و تروج ليها

    عاذرك و الله


                   |Articles |News |مقالات |بيانات

08-02-2014, 12:39 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Hafiz Bashir)


    Hafiz Bashir .. تكون عايش في أمريكا .. صاح؟؟

    another frog warming in a boilling pan ..

    (عدل بواسطة Munir on 08-02-2014, 12:51 PM)

                   |Articles |News |مقالات |بيانات

08-02-2014, 12:00 PM

اسماعيل عبد الله محمد
<aاسماعيل عبد الله محمد
تاريخ التسجيل: 08-26-2007
مجموع المشاركات: 2329

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: عثمان عبد الوهاب العامري)


    الاخ منير تحياتي و سلامي

    ضمور الاقتصاد الامريكي واضح حتى بالنسبة لنا نحن غير المتخصصين في علم الاقتصاد و ذلك عندما نرى انتشار المنتجات الصينية في العالم , خذ افريقيا كمثال فقد انحسرت السلع الاوروبية و الامريكية و اصبحت السيطرة للسلع الصينية لمنافستها الكبيرة للسلع الاخرى , في دول مثل موزبيق و انقولا و يوغندا وكينيا و نيجيريا والسودان تجد انتشار المنتجات الصينية المستوردة يمثل نسبة كبيرة تكاد تفوق ال80 % من اجمالي استيراد هذه الدول , هذه الظاهرة الصينية لم تكن موجودة في القارة الافريقية الى ما قبل العام 2002 , حتى عندنا هنا في امارة دبي باعتبارها اكبر مركز تجاري في الشرق الاوسط تجد السيطرة للمستثمرين و التجار الصينيين في معظم المجالات من الملابس الجاهزة الى قطع الغيار و الاليات الثقيلة.
    حتى امريكا نفسها لم تستطع سلعها منافسة السلع الصينية الواردة اليها و في هذا الخصوص تقول واحدة من الطرف ان الصينيون تحدوا الامريكان وقالوا بان بامكانهم صناعة منطال و قميص وحذاء وادخاله الى السوق الامريكي ليصل الى المستهلك بقيمة واحد دولار فقط , ربما يأتي يوم وتصبح فيه هذه الطرفة حقيقة.
                   |Articles |News |مقالات |بيانات

08-02-2014, 01:30 PM

Hafiz Bashir
<aHafiz Bashir
تاريخ التسجيل: 12-04-2004
مجموع المشاركات: 2319

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: اسماعيل عبد الله محمد)





    Quote: Hafiz Bashir .. تكون عايش في أمريكا .. صاح؟؟

    another frog warming in a boilg pan ..


    هههههههه

    دايماً توقعاتك غلط يا منير

    امريكا دي بتمشوها إنتو و لما تتعصروا هناك تقعدوا تكتبوا في جنس البوستات دي

    يا زول كل سنة و إنت طيب و إن شاء الله السنة الجاية من العايدين (عايدين من امريكا) عودة نهائية


                   |Articles |News |مقالات |بيانات

08-02-2014, 01:31 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: اسماعيل عبد الله محمد)


    سلامات يا أبوالريش .. I am afried you missed the point..
    وأرجو أن تراجع ردودي لإسمارت أنا .. قلنا الموارد ليست مقياس .. وإنما إدارة الموارد هي مربط الفرس .. ثم ثانياً قلنا أن المشكلة في ميكانيزم تداول المال .. وعشان ما أكرر الكلام أدعوك أن تشاهد الفيديو بتاع أحمدونا لو ما عندك صبر للفيديوهات الطويلة .. فيديو أحمدونا فيهو المختصر المفيد ..
                   |Articles |News |مقالات |بيانات

08-02-2014, 01:47 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)


    ا اسماعيل عبدالله .. الصين ستحتوي أفريقيا وتشيلها في أباطها .. في الحقيقة الصين ليست أفضل أخلاقياً من أمريكا .. والخوف كمان لو الشعوب الصفراء هيمنت علي العالم .. الغربيين علي الأقل أهل كتاب ولهم أخلاق سماوية .. ولكنهم يسيطير عليهم قوي شريرة تعبد المال ولهم شهوة التسلط علي الناس ..
    لكين ناس الصين ديل لو إنطلق منهم العنان في خلق الله بدون رادع حيبقوا زي التتار والمغول .. فالعنان ده حاجة خطرة .. كل شئ ولا العنان ينطلق ..
    هسه مشكلة الأمريكان أنهم أطلقوا العنان لطباعة الدولار .. شوفوا النتيجة :)
                   |Articles |News |مقالات |بيانات

08-02-2014, 02:08 PM

صلاح عباس فقير
<aصلاح عباس فقير
تاريخ التسجيل: 08-08-2009
مجموع المشاركات: 4849

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)

    منير،
    كل عام وأنتم بخير!
    بوست في غاية المتعة!

    ...
    (وتلك المودّة)

    (عدل بواسطة صلاح عباس فقير on 08-02-2014, 07:14 PM)

                   |Articles |News |مقالات |بيانات

08-02-2014, 02:39 PM

Abureesh
<aAbureesh
تاريخ التسجيل: 09-22-2003
مجموع المشاركات: 18280

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: صلاح عباس فقير)

    *** قلنا الموارد ليست مقياس .. وإنما إدارة الموارد هي مربط الفرس ***

    شكرا يا منير على عدم مناقشـة ما طرحته لك وأكتفيت بالقرار العسكرى انى لم افهم موضوع البوست..
    وأنت تناقش إقتصاد دولة فكيف لا تكون الموارد مقياس، وكيف لا يكون الوزن العسكرى مقياس، وكيف لا يكون الإمساك بناصيـة التكنولوجيا مقياس. أي نوع من علم الاقتصاد تتحدث عنه؟
    أمشى لأى إقتصادى (درس إقتصاد) وسوف يؤمن على كلامى هـذا.. وهو من مبادئ علم الاقتصاد الحديث.
    بعدين حسب منطقك الفوق دا، أنا برضو قلت (لو قرأت مداخلتى بذهن مفتوح) عن سوء الإدارة في وول ستريت وفى واشنطون حيث إتخاذ القرار السياسى،
    ولكن سوء الإدارة شيء عابر وأنا تحدثت عن الفساد المالى عند البنكيين وعند شركات العقارات بأكثر مما فعلت انت.. والان تجى تقول (إدارة الموارد هي مبربط الفرس)؟
                   |Articles |News |مقالات |بيانات

08-02-2014, 02:35 PM

عماد الشبلي
<aعماد الشبلي
تاريخ التسجيل: 06-08-2008
مجموع المشاركات: 8606

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)

    Quote: هسه مشكلة الأمريكان أنهم أطلقوا العنان لطباعة الدولار .. شوفوا النتيجة :)


    منبر سلام وشكرا علي البوست المخيف الرايع

    في مختصين كثر قالو عن الازمة المالية الفاتت انها مجرد تسخية لازمة اكبر واخطر

    والله بستر من جهنم الافتصاد الفادمة

    لكن العديد من الدول ومنها دول الخليج كمثال عملتها مرتبطة ب الدولار مستقرة السعر منذ مدة طويلة

    ما تفسيرك لذلك
                   |Articles |News |مقالات |بيانات

08-02-2014, 02:58 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: عماد الشبلي)


    وهذا يا أعزاء فيديو لذيذ جداً يشرح ليك العملية الإقتصادية بصورة أبسط من بسيطة .. ياسلام ياخ أتاريهو الإقتصاد ده متعة .. واناري الما قريت إقتصاد .. الجميل في الفيديو هو الأنيميشن المعبر .. وذلك هو الأسلوب الحديث في البريزنتيشن .. البوست كوم الدرس الإقتصادي ده كوم براهو ..


                   |Articles |News |مقالات |بيانات

08-02-2014, 03:02 PM

سيف النصر محي الدين
<aسيف النصر محي الدين
تاريخ التسجيل: 04-12-2011
مجموع المشاركات: 7970

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)

    كل عام و الجميع بخير مرة تانية including Munir
    كلامك يا اخ اسماعيل هو جزء من النقاش او قل الصراع عديل الذي يدور في أوساط
    الاقتصاديين و رجال الاعمال و دوائر صناعة القرار في امريكا. كبار الاقتصاديين يدعمهم
    عدد كبير من السياسيين و الأكاديميين يرون أن امريكا يجب أن تبعد نفسها عن الصناعات
    الlow tech مثل صناعة الأواني و الملابس و الأحذية و غيرها و أن تركز فقط على الصناعات
    الhigh tech ، و بهذا الفهم هم غير منزعجين إطلاقا من ترك المجال للصين و غيرها لتتولى
    هذا الجانب، بل أن ظاهرة هجرة هذه الصناعات للخارج امر يجد منهم التشجيع، يعني
    عندما يشتكي اصحاب الصناعات الصغيرة من قلة الأرباح و شراسة المنافسة مع المنتجات
    الصينية و الماليزية و الإندونيسية منخفضة الأسعار يقولون لهم لما لا تهاجرون للخارج لتقللوا تكلفة الانتاج!
    مؤخرا دعا اوباما لإعادة بناء القاعدة الصناعية
    لأمريكا و للاهتمام بالصناعات الصغيرة، و لكن دعوته تلك تواجه انتقادات
    حادة ممن يرون أن امريكا يجب أن تشغل نفسها فقط بالتطوير و التركيز على
    انتاج الطاقة البديلة و المعلوماتية و الصناعات المتقدمة و أبحاث البايولوجيا و المنتجات
    المتعلقة بها. و في الواقع الكثير من "made in China" هو في الحقيقة مملوك لرؤوس أموال
    و لشركات أمريكية.
                   |Articles |News |مقالات |بيانات

08-02-2014, 03:20 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)


    يا أبو الريش تيك إت إيزي ولا تتحسس .. لو في تحسس مفروض أنا اتحسس من بداية مداخلتك الأولي الإستعلائية بوصف الزول البيتكلم عن أمريكا ستنهار لا يعرف عن ماذا يتحدث .. نفس مدخل اسمارت أنا القالت ده كلام فارغ ..
    ثم ثانياً الموضوع ده عنده عدة أعماق أنا زاتي لا أستطيع حصرها وهناك الكثير الغائب عني بحكم أني ما بتاع إقتصاد .. وأعيد ليك النقطة بتاعة الموارد دي .. وأصر علي أن الموارد ليست الشئ الحاسم في نهضة الأمم وازدهارها الإقتصادي .. والدليل عندك أفريقيا أكبر قارة مليئة بالموارد ولكنها كالحمار يحمل اسفارا .. وفي المقابل عندك اليابان قاعدة فوق ضهر تسونامي ولكنها قمة الرفاهية والإزدهار ..
    وبالنسبة لإقتصاد أمريكا الآيل للسقوط فقلت ليكم إنو المشكلة في الموديل الإقتصادي القائم علي الربا والتلاف .. هل عندك إعتراض علي أن الله يمحق الربا ويربي الصدقات؟؟ .. أها الكبير الله وعبارة too big to fail بتاعة أخونا الصادق إسماعيل ما بتقسِّم .. ودي فرصة أصحح عبارتي للصادق أني قلت ليهو قرِّط علي العبارة وأنا قصدي لا تقرِّط عليها .. لكني قلت اللبيب بالإشارة يفهم ..

                   |Articles |News |مقالات |بيانات

08-02-2014, 03:29 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)


    الأخ عثمان عبدالوهاب العامري .. شكراَ علي المشاركة والمتابعة ..

                   |Articles |News |مقالات |بيانات

08-02-2014, 04:04 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)


    بما أني لست إقتصادياً ولست فقيهاً دينياً فكان دائماَ يجول في رأسي أسئلة عن الفرق بين الإقتصاد الربوي والإقتصاد الإسلامي .. بالله شاهدوا هذا الفيديو القصير البسيط الذي يوضح حكمة الإقتصاد الإسلامي الذي يعتمد علي الزكاة بدلاً عن الضرائب .. فالفرق الجوهري كما فهمت في نهاية الفيديو هو أن الضرائب تؤخذ من الدخل بينما الزكاة تؤخذ من ثروة المواطن .. يعني النظام الضريبي يشيل ضريبة الدخل -قد تصل ل 40 في المية - من مرتبك شهرياَ ، يعني ما يخلوك تشيل نفسك .. بينما الزكاة تؤخذ من ثروة المرء بعد أن يستقر ويقضي حاجياته كلها ويفرفش ويغني ويوفّر كمان ثم يحول عليه الحول .. وبعد ده كله النسبة 2,5 في المية فقط .. ولكن قال ليك ال 2,5 في المية من الثروة الكبيرة تفوق ال25 في المية من المرتب الصغير ..


    (عدل بواسطة Munir on 08-02-2014, 07:32 PM)

                   |Articles |News |مقالات |بيانات

08-02-2014, 04:29 PM

ahmedona
<aahmedona
تاريخ التسجيل: 01-08-2013
مجموع المشاركات: 6118

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)

    Quote: التعويل علي الBRICS ليس لأن هذه الدول دول عظمي ، إنما الهدف هو خلق محور إقتصادي بعيد عن البترودولار والIMF ..





                   |Articles |News |مقالات |بيانات

08-02-2014, 05:00 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: ahmedona)



    Quote: امريكا دي بتمشوها إنتو و لما تتعصروا هناك تقعدوا تكتبوا في جنس البوستات دي

    يا زول كل سنة و إنت طيب و إن شاء الله السنة الجاية من العايدين (عايدين من امريكا) عودة نهائية

    الله يا حافظ بشير إنت مثال للزول البيتكلم وهو ساكت ..ههه ..
    تصدق أنا ما مشيت أمريكا إلاّ عابر سبيل؟ يعني قاعد جوة طيارتي مانزلت .. وفي الحقيقة عشان العبور ده فقط ، أنا إحتياطاً عملت ترانزيت فيزا قاموا العواليق كتبوا لي في الجواز Direct and immediate transit to...o
    -
    .. بس نفهم إنت مالك متضايق ؟؟


                   |Articles |News |مقالات |بيانات

08-02-2014, 05:25 PM

ahmedona
<aahmedona
تاريخ التسجيل: 01-08-2013
مجموع المشاركات: 6118

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)

    Quote: وحقيقة دراسة ما حدث للسودان ..وكيفية وقوعه في قبضة الديون...تكشف بكل وضوح فشل نظمنا السياسية قاطبة إدارة الدولة بمنهجية ..وبعد نظر...

    الحقيقة أنه في حقبة نهاية السبعنيات وبداية الثمانيات من القرن الماضي أبان حكم الرئيس جعفر النميري عليه رحمة الله --

    إستدانة الحكومة المليارات من الدولارات ( بالضبط قروض ربوية ) من البنك الدولي - وصندوق النقد الدولي - والولايات المتحدة ممثله بالوكالة الأمريكية للتنمية الدولية تصل تقريباً الى أكثر من (13) مليار دولار وهو ما يعادل تقريباً الدخل القومي للسودان في تلك الفترة ...

    تم عمل بعض مشاريع البني التحتية مثل -- طريق الخرطوم - القضارف - كسلا - بورسودان - وبعض الكباري - والمصانع وغيرها ...

    وبما أن فوائد تلك الديون تراكمية - مع سياسات عدم الإستقرار في السودان حرب الجنوب وعجز الحكومة عن سداد الديون وفوائدها ...

    تراكمت الديون وبدأ الإنهيار الإقتصادي وفق خطه مرسومة من الولايات المتحدة لدول العالم الثالث والسودان إحدى هذه الدول ....

    وما يحدث في جمهورية جنوب السودان يندرج وفق خطة إفقار دول العالم الثالث لإمتصاص خيراتها من بترول وغيره ....

    والفيديو أدناه يوضح ما ذكرته .....




    (عدل بواسطة ahmedona on 08-02-2014, 05:38 PM)
    (عدل بواسطة ahmedona on 08-02-2014, 06:04 PM)
    (عدل بواسطة ahmedona on 08-02-2014, 08:37 PM)

                   |Articles |News |مقالات |بيانات

08-02-2014, 05:49 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: ahmedona)

    Quote:
    Aati Badri · كلية الهندسة جامعة عين شمس
    يا دكتور منير
    اراك مركز على اية الربا في مواجهة امريكا فقط
    رغم ان الاقتصاد الصيني ايضا ربوي - رجل /كراع-


    الأخ Aati Badri .فيسبوك .
    نعم العلة في طبيعة الإقتصاد القائم علي الديون الربوية .. والصين زاتها داخلة في الموضوع ولإن إنتعشت في هذا العصر فلأن إقتصادها الحالي معتمد علي الإنتاج .. فالإنتاج في الصين هو الماكينة الحقيقية لدفع الإقتصاد، وهو مغطي علي الربا الحاصل .. ولكن في أمريكا فإن الإستدانة أصبحت الماكينة الرئيسية للإقتصاد وشجعها علي ذلك ميزة الدولار كعملة عالمية رئيسية جعلها لا تخشي الفقر وجعلها تطبع العملة بإطمئنان .. ثم ثانياً فإن الصين ليست بمنأي عن الضرر الإقتصادي..
    وعلي العموم نحن نؤمن بأن الله يمحق الربا ويربي الصدقات سواءً كانت أمريكا أو الصين أو غيرهما .. عاجلاً أو آجلاً ... و already الفوضي المالية الحاصلة الآن تؤكد أن أموال الربا ممحوقة ممحوقة .. ياخي الأف دولار بقت ما بتكفي ليك الإيجار - دي مو المحقة زاتها ؟..

    (عدل بواسطة Munir on 08-02-2014, 05:50 PM)

                   |Articles |News |مقالات |بيانات

08-02-2014, 06:20 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)


    كل سنة وإنت طيب الأخ الصديق صلاح عباس فقيري .. شكراً علي المداخلة والثناء .. الحمدلله البوست ما تحول كله لمخاشنات .. أصلو طبعاً المشاركة في المنابر الواحد ما بيطلع منها سالم بدون أذي وأعداء .. وتلك طبيعة الدنيا ..
    اللهم إلاّ أن الزول ينزوي بعيداً ويجبن عن أن يعبِّر عن رأيه ..
                   |Articles |News |مقالات |بيانات

08-02-2014, 06:41 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)


    الأخ عماد الشبلي مرحباً بك .. قلت لي بوست مخيف ؟.. أوع تكون لاوزت من مسدس جنيفر لوبيز في أول البوست
    .. لكين فعلاً الشغلة مخيفة .. هسه أنا لي مدة مفكر أتصرف كيف؟؟ علي كل حال الواحد شايف أوروبا قريبة شوية للبلد لو الواحد إضطر يقول يا فكيك ويقوم جاري كداري .. لكن ناس كاليفورنيا يقبلوا وين؟؟
    الدول الخليجية تقريباً في أمان لأن رصيدهم قاعد في باطن الأرض - فحتي لو خسروا قروشهم كلها فعندهم الرصيد - الذهب الأسود - الدول الأوروبية شغالين يلملموا في الدهب والفضة .. وأوروبا طبعا قارة فقيرة من الموارد وغذاءهم كله مستورد .. فلو حصلت مشكلة الناس حتأكل نيم .. وبالمناسبة لو الأمور دقت الدلجة فإن أفقر سوداني عنده غنماية وراكوبة جنب البحر حيكون في مأمن أكثر من ساكن نيويورك إذا حمي الوطِيس ..لكين طبعاً أكثر بلد في مأمن هي الحجاز لأنو المسيخ الدجال زاتو ما بيقدر يدخلها ..
                   |Articles |News |مقالات |بيانات

08-03-2014, 10:39 AM

اسماعيل عبد الله محمد
<aاسماعيل عبد الله محمد
تاريخ التسجيل: 08-26-2007
مجموع المشاركات: 2329

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: Munir)

    الى اخونا منير و المتداخلين : ما هو رأيكم في هذا الحدث و مؤشره على اقتصاديات امريكا ؟ هل سيكون خصماً اما اضافة لاطروحة قرب انهيار الاقتصاد الامريكي؟
    Quote: تصدير النفط الأمريكي لأول مرة منذ 40 عاما مع إبحار أول ناقلة نفط أمريكي

    إبحار أول ناقلة نفط أمريكية للتصدير منذ 40 عاما إلى كوريا الجنوبية في أعقاب السماح لشركتين بذلك

    بلال طربيه (ا ف ب/ارشيف)أشارت صحيفة "وول ستريت جورنال" إلى إبحار أول ناقلة نفط أمريكية للتصدير إلى كوريا الجنوبية مساء الأربعاء متفادية منع تصدير النفط الأمريكي والمفروض منذ 40 عاما عقب ازدهار عمليات الحفر آباء النفط الأمريكية التي يمكن أن تولد طفرة في النفط الخفيف جداhttp://www.i24news.tv/ar/
    .
                   |Articles |News |مقالات |بيانات

08-03-2014, 05:58 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: Economic Collapse a Mathematical Certainty - Top 5 Places Where Not To Be (Re: اسماعيل عبد الله محمد)


    ليست لي خلفية عن شئون النفط وتعقيداته. كلامنا كلام عوام ساي من فوق لفوق .. وعليه يبدو لي إن كان التصدير بكميات قليلة - إلي متوسطة - فإنه لن يكون له تأثير فعّال في حل مشكلة الديون ،، أما لو تصاعد التصدير وصار بكميات مهولة فإن ذلك يعني منافسة دول الأوبيك .. وهو ما سيؤدي لتأثيرات سياسية دراماتيكية ..
                   |Articles |News |مقالات |بيانات

[رد على الموضوع] صفحة 1 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de