|
دعواتكم لزميلنا المفكر د.الباقر العفيف بالشفاء العاجل
|
|
 Re: وقعوا ضد اغتصاب القصر فى الجنوب من قبل بعض جنود الامم المتحدة (Re: Tragie Mustafa)
|
شكرا ياتراجى على المرور ... وحمدلله على السلامة
الاخت تراجى سأجيبك عن دارفور ...لكن ليس هنا حتى لايبدوا الامر وكأنه " ابتزاز" منك لى
أنا اعلم انك لاتقصدين الابتزاز ، و لكن لكى نحافظ على مبدئية الامر واتساقه مع فهمنا للاشياء اسمحى لى أن لااجيبك فى هذا الخيط – (كده اتفقنا على النقطه الاولى).
أعدك بانى بعد أن اخلص من أمر هذا الخيط سأناقشك حول دارفور ، وسنتفق انت و أنا على الكيفيه التى سندير بها النقاش – (وكده اتفقنا على النقطه الثانية وهى النقاش حول دارفور بعد ان ننتهى من أمر هذا الخيط).
| |
 
|
|
|
|
|
|
|
 Re: وقعوا ضد اغتصاب القصر فى الجنوب من قبل بعض جنود الامم المتحدة (Re: Tragie Mustafa)
|
Quote: الاخ عبد الغفار
كنت اتمنى ان تبدأ لنا قائمة توقيعات برفض الاغتصابات في دارفور من قبل
الجنجويد اول المغترفين لهذا النوع من الجرائم.
تراجي. |
المناضلة تراجي .... يقولوا ليك اغتصاب اطفال وورد الخبر علي لسان الصحف البريطانيه .... تقولي جنجويد .... قصتك دي يا ترجي ذكرتني بي عمو جحا ... لمن قالوا ليهو .. الحق يا جحا الفساد دخل بيتكم ... قال ليهم ... بعيد عن هناياتي ...
اول مره اشوف لي مناضله ما عندها رحمة وشفقة للاطفال .... غايتو نقول لنوع النضال ده ... محمد معانا ما تغشانا ..... واطفال السودان ليهم الله ... وليهم حارسنا وفارسنا البشير اطال الله في عمره وايامه ورزقه بالزرية الصالحه ...
تخريمه ... نوقع وندين ونشجب ....
| |
|
|
|
|
|
|
|
|
 Re: وقعوا ضد اغتصاب القصر فى الجنوب من قبل بعض جنود الامم المتحدة (Re: ناذر محمد الخليفة)
|
قلته ياناذر
ممكن اعرف التوقيعات الحا تتجمع دي حا تمشي وين ومصيرا شنو والجهة الحا تستلما منو ؟
سؤالك وجيه ومباشر ياناذر
حأوريك بصراحة البفكر فيه انا، عشان كده اسمح لى انو ابده بالمقدمه دى لانها بتشرح الفكرة
من خلال متابعتى للبحصل فى البورد هنا ملاحظ أننا فى كثير من الاحوال انتقائيين قول لى كيف..... مثلا نرفض الاغتصاب لمن يكون من الجنجويد لانهم مع الحكومة ...وطبعا هنا الموقف صحيح ....... بس مش لانو الجنجويد مع الحكومة !!!!!
لانو الاغتصاب فعل غير انسانى وينتهك حقوق الانسان المغتصب – وده انا بفتكر مفروض يكون موقف مبدئى مهما كان الجهة التى قامت به
ممكن الكثير من الزملاء هناحاسين بالحرج من ادانة جنود الامم المتحده لانهم كانوا مع دخول القوات الاممية لدارفور!!!
طيب أنا شخصيا لى موقف واضح مؤيد لدخول القوات الدولية لدارفور، فى نفس الوقت هسع لى موقف واضح ضد اغتصاب بعض جنود الامم المتحدة لى الاطفال فى الجنوب ، وده مافيه أى تناقض بالعكس انا مع الدور الانسانى البتقوم بيه الامم المتحده وضد أى انتهاكات ممكن نرتكب من أى جهة.
طيب نجى لسؤالك
ممكن اعرف التوقيعات الحا تتجمع دي حا تمشي وين ومصيرا شنو والجهة الحا تستلما منو ؟
طيب حسب فكرتى أنو لمجرد أنو الزملاء هنا قدروا يسجلواموقف أخلاقى ده مكسب كبير ، حتى لانكون ضد الاغتصاب فى مكان ونسكت عليه فى مكان آخر ، من ناحية تانية حتى نجبر حكومة الوحدة الوطنية بصورة عامة وحكومة الجنوب بصفة خاصة للتعامل بجدية وحزم فى مايصيب المواطنين وعشان هم يضغطوا على الامم المتحده وتحاسب المجرمين، وماتفتكر انهم مابقروا كلامنا ده هم بقروه .
يعنى هنا أنا بفتكر تسجيل الموقف مسألة محترمة جدا وهى مبرر موضوعى لجمع الامضاءت
، وتسجيل الموقف بالطريقة دى حيأسس لفهم ديمقراطى معافى بساعدنا مستقبلا فى أنشأ حركة سياسية معافاة
قولى كيف؟
لمن أنا اكون دايما بسجل موقفى المبدئى ضد الخطأ ...,. بعدين حأسجل موقفى حتى لوصدر من الحزب البكون فيه عضو .... وبى كده ببقه تسجيل الموقف هو واحده من الطرق البنطور بيها موقفنا تجاه اتساقتنا الاخلاقى.
أما عن
ومصيرا شنو والجهة الحا تستلما منو ؟
تعرف ياناذر أصلوا ماعندنا قشه مره لو الناس جات مضت هنا واتفقت معانا على تسليمها للامين العام الجديد للامم المتحده ، حنصيغ الاحتجاج بى صورة كويسه ونرفعة للامم المتحده ، ولو دايرين كمان نرفعوا برضو لى افركه ووتش ، ومنظمة العدل الدولية
المهم فى الناحية دى هو الحاجة الحيتفقوا عليها الناس _ تسجيل موقف بس وله نسجل موقفنا ونرفعه للجهات المسؤلة؟.
أتمنى اكون جاوبت على سؤالك كما اتمنى أن تكون اجابتى معقولة
| |
|
|
|
|
|
|
|
|
 Re: وقعوا ضد اغتصاب القصر فى الجنوب من قبل بعض جنود الامم المتحدة (Re: عبدالغفار محمد سعيد)
|
الاخ عبد الغفار
اطلقوا سراح اطفال السخر من المدن الشمالية،بعض ضباط الجيش الشماليين جلبوا اطفال جنوبيين معهم الي الشمالية بعد قتل والديهم وانا شاهد اعيان في الشمالية.مئات من اطفال في مزارع البصل والبلح...حررنا سبع اطفال من المتمة في فترة بين 1991 1995 ..نطالب ايضا بجمع التوقيع لادانة اغتصاب الجيش السوداني القديم والدفاع الشعبي للقصر في مدن الجنوب وبعض تجار الشماليين تورطوا في عملية الاغتصابات ..ايضا نطالب بتوقيع لادانة الاغتصاب في جبال النوبة ودارفور واغتصاب طالبات الجامعة في العاصمة.
لن اوقع قبل التوقيع لادانة المتورطين اعلاه في الاغتصاب، ونطالب بتشكيل لجنة التحقيق في جرائم الاغتصاب في دارفور قبل محاكمة جنود الامم المتحدة.
جوك
| |
|
|
|
|
|
|
|
|
 Re: وقعوا ضد اغتصاب القصر فى الجنوب من قبل بعض جنود الامم المتحدة (Re: عبدالغفار محمد سعيد)
|
اخوي
عبد الغفار
كمان سجل الرافضين لموقفك..ومطالبة بادانة خطف اطفال من الجنوب الي الشمالية ومطالبة باطلاق سراح اطفال جنوبيين في خلاوي الدعوة الاسلامية تم اختطافهم ووضعهم هناك في العيلفون وام ضوبان كمان في مدن الشمالية في مزارع البصل والبلح وفي بيوت بعض الشماليين في الشمالية توجد كثير من اطفال يجب اطلاق سراحهم اذا كنا هنا بصدد حماية حقوق الانسان خاصة حقوق الاطفال!!!
وانا شاهد أعيان واخرين معى وتاحصلنا على هذه الحقائق خلال وجودنا كطلاب داخليات ثانويات في مدارس الشمالية.
ولكم منا الشكر
جوك بيونق
| |
|
|
|
|
|
|
| |
Tragie Mustafa
ناذر محمد الخليفة
peace builder
Mandingoo
JOK BIONG
تبارك شيخ الدين جبريل
Mustafa Mahmoud
خالد عبد الله محمود
محمدين محمد اسحق
Elmoiz Abunura
Kostawi
ابوعسل السيد احمد
فيس بوك
تويتر
انستقرام
يوتيوب
بنتيريست