|
|
|
 Re: يا د. احمد ود القرشي / مجلسك مفهوم شوفه رايق عقده ناقص زول ولا تام (Re: الطيب شيقوق)
|
الطيب مضوى مساك الله بالخير..يقول اهل الباطن ان الاختفاء هو انصع انواع الظهور ويبدو ان دكتور احمد القرشى شغلته عنا المعامل ومعالجة السنان لهذه الامة المبتلاة ..واعتقد ان اخونا دكتور احمد مهموم ببلاوى ما وراء البحر الاحمر ..هل تصدق يالطيب ويا دكتور احمد ان سعر ربطة الملوخية بعشر الاف جنيه ..وشوال البصل بمائة واريعون الف جنيه ..وربطة الرجلة بخمسة الاف جنيه كما قرات فى جريدة السودانى عدد اليوم ..بالله يا الطيب دى مش حاجات تخلى الواحد يلبد واطنش ..تحياتى لدكتور احمد فى معمله وتحياتى لود المرتضى ..وتحياتى لمهمد صالح افصد المهندس ابوبكر بالامارات..
| |
 
|
|
|
|
|
|
|
|
Re: يا د. احمد ود القرشي / مجلسك مفهوم شوفه رايق عقده ناقص زول ولا تام (Re: الطيب شيقوق)
|
الطيب
هوووووووووووووووووووووووي
كـــــــــــــيفنـــــــــــك
هذه تحية عريبي راكب حماره بسلم علي واحد
مشغوووول بحش في بلداته ....
الزاكي , ودالقرشي , بت الشيخ.... هوي كيفنكم !!!!
تصدق يا الطيب لي يومين بفكر أعمل مناشدة لناس مسقط
لكي يقبضضوا على هذا الشاب الأنيق حيا أو (متونسا) .....
ويبدو ان سبب هذه الغيبة هو حردة من واحد منكم (والله أعلم)
أو لمعرفة معزته عندنا ... أو بستعد لحاجة كبييييييييييييرة
"الله أعلم بحجم كبرها" ونحن من هنا نناشد كل المسقطيين القبض
عليه والاتيان به الى هنا ... وسأشكل لجنة تحقيق
| |
|
|
|
|
|
|
|
|
|
Re: يا د. احمد ود القرشي / مجلسك مفهوم شوفه رايق عقده ناقص زول ولا تام (Re: فاروق حامد محمد)
|
Quote: ويبدو ان سبب هذه الغيبة هو حردة من واحد منكم (والله أعلم)
أو لمعرفة معزته عندنا ... أو بستعد لحاجة كبييييييييييييرة
"الله أعلم بحجم كبرها" ونحن من هنا نناشد كل المسقطيين القبض
عليه والاتيان به الى هنا ... وسأشكل لجنة تحقيق |
يطول عمرك يا الفاروق والرجال اصلها شرادة وورادة والراجل ده فقط مزحوم بصورة ما تتخيلها وكمان الايام دى معاه حادى ركب الاسرة والده العم حامد خيف الظل ما مديهو فرقه كل يوم معزومين في محله وانت عارف ناس مسقط علاقاتهم التي تميزهم عن غيرهم من جميع الجالية السودانية .
لك موتى
| |
|
|
|
|
|
|
|
|
|
Re: يا د. احمد ود القرشي / مجلسك مفهوم شوفه رايق عقده ناقص زول ولا تام (Re: الطيب شيقوق)
|
Quote:
يطول عمرك يا الفاروق والرجال اصلها شرادة وورادة والراجل ده فقط مزحوم بصورة ما تتخيلها وكمان الايام دى معاه حادى ركب الاسرة والده العم حامد خيف الظل ما مديهو فرقه كل يوم معزومين في محله وانت عارف ناس مسقط علاقاتهم التي تميزهم عن غيرهم من جميع الجالية السودانية |
واللـــــــــــــــه بخــــــتــــــه
ربنا يطول عمر عمنا حامد ويديه الصحة والعافية
ويا المرتضى الوالد وأنتم معزومون عندنا في أبوظبي
منذ لحظة قراءتك لهذا البوست والعزومة دي ما عزومة مراكبية
دي عزومة جموعية وفي الجموعية عزومة مكوك ............
أخوك/فاروق حامد
حفيد المك سليمان (النار)
(النار) ده ات ما بتعرفه لكن الوالد بعرفه
| |
|
|
|
|
|
|
|
|
|
Re: يا د. احمد ود القرشي / مجلسك مفهوم شوفه رايق عقده ناقص زول ولا تام (Re: الطيب شيقوق)
|
ياعزيزتي سمية
| Quote: مافى شى مايعرفوه عشان كده تلقاهم فى كل بورد عندهم بوست..غايتو الش المابعرفوه الايكون الله ماخلقه لسه |
.
اتخيلي جني رطان متلي مرمي مع العراريب تلاتيين سنة بحكم اني انا شغال عندهم فالفي راسي كلو بتاعمهم .. انا مما ربنا ابتلاني بيهم مصر علي اني مو عريبي واها مسمي نفسي النوبي وعشان كدة بيسوي في العجب وبعدة كلو يطلع لي عريبي الدندر بمشوار سنينو ورحلة عمرو التقولي ماجلان ..فركة كعب من حلتم الي المدرسة سواها رحلة عمر وعبور انهار.. انهار دي المكدراني عريبي شن دخلو بالانهار لو قال عبر صحراء مبلوعة لكين انهار وفيها تماسيح والعرب اخر تمساح شافوه كان سحلية وقعت في طشت موية ...
مودتي
ابوبكر
| |
|
|
|
|
|
|
|
|
|
علفة الطير (Re: الطيب شيقوق)
|
يا الطيب اعدتنا الى فضاءات رائعة وها انت تفتح سيل الذكريات فى الصعيد وهاهى تداعى وتتزاحم على الذاكرة وهيا نبدا من غير مقدمات..حينما زرت الدندر بعد غياب طويلة غاب فيها عنى الكثير وتعلمت خلالها الكثير..اخذت حفنة من تراب السريفة شممتها قبلتها وعند عودتى حملت حفنات من ترابنا رششته فى انحاء المنزل ..ما الذى دفعنى لذلك ملات رئتى عن اخرها بهواء الصعيد فثملت كل حجيرة وبطين واذين فى جسدى..ثملت حقا كل كل حجيرة استعادة تاريخها بحيوية..هل كنت اتنفس هواء غريبا فى الغربة ..الشجر فى الغربة لا ينمو فى صدرى نمو شجر السدر والطلح واللعوت والقمبيل والكضيم والسنط والحراز ..واتعرف على اشجار الغربة كما اتعرف على رفاق سفر فى قطار صداقات مؤقتة مهما كانت عزيزة..كان الاصيل فى الدندر اكبر مشهد للحنان تتوهج الشمس بحمرة واسعة تتسرب من بين اشجار الطلح والكتر والجوير تمد اياديها بوداع انيس بوداع ناعم ساحبة ستارتها الحمراء عن سماء لاغطة بالنجوم..رجع الزمن دهورا وكان شيئا لم يكن هاهى السريفة وهاهى الدندر تستيقظ امام عينى ..بكل اناسها وبيوتها وازقتها ومواشيها ..افترقنا دهورا وها نحن نلتقى وكان شيئا لم يكن ..اتعرف على وجوه المارة كما اتعرف على مخطوطات ..الازقة متاحف بشرية حية..قررت ان اتجول فى السوق من الشرق للغرب لاجلس على قهوة الحميدانى او قهوة ادمو او ابراهيم الشايقى..هممت ان ادخل على مطعم عمنا ابو دقن واساله هل ما زال يبيع البيضة بتعريفة وما زال طلب الفول بقرشين خشيت عليه من برق السؤال وخشيت عليه من صاعقة الاجابة..مررت بقهوة ابراهيم الشايقى واجتزت زنك الخضار وها هو سليمان مالك يبيع خيرات بحر العاديك وبجواره بابكر ود الدرويش والى جواره ابنه ابراهيم وابنه يوسف وهما يتعاركان وكالعادة ..مررت على الجزارة ووجدت امحمد ود الطيب وهو جاس على فريسته والى جانبه صبى ضغير يساعده يدعى مصطفى وكانه يترجم قول الشاعر
لحى الله جزار يتل ضحية وركبته عبء على الصدر مطبق
حنا فوقها كالذئب فوق فريسة وما كل حان لو تدبرت مشفق
ولم ارها تزداد الا وداعة فما باله يزداد عنفا ويخنق
ونواصل
| |
|
|
|
|
|
|
|
|
|
Re: يا د. احمد ود القرشي / مجلسك مفهوم شوفه رايق عقده ناقص زول ولا تام (Re: الطيب شيقوق)
|
العزيز احمد حماد ... يدييك العافية
الاولي : هذا الفضاء السايبري /الاسفيري الذي سبحت فيه ثلث من عمري ( وانا كهل اليوم ) يسر لي ان التقي بامثالكم فزادت قامتي طولا مبتهجا بحرفكم الجميل و رسمكم البديع
الثانية: مزحة كالعادة : يالطيب انت احمد حماد كان معاك في المشوار ورحلةة العمر والا اصلا هي الرحلة بتاعتو وانت " بصيت" ؟؟ اكيد "بصيت" ماانت ما كت بتذاكر ومش فاضي من الحت ....؟ واهو مما عبرت النهر ما سمعنا عن رحلتك تاني اكيد السحلية خوفتك ما النهر بتاعك طلع خور جاف وما فيهو تماسيح ؟؟ قال عبرنا النهر قال ....
لك مودتي
ابوبكر
| |
|
|
|
|
|
|
|
|
|
Re: يا د. احمد ود القرشي / مجلسك مفهوم شوفه رايق عقده ناقص زول ولا تام (Re: abubakr)
|
| Quote: اتخيلي جني رطان متلي مرمي مع العراريب تلاتيين سنة بحكم اني انا شغال عندهم فالفي راسي كلو بتاعمهم .. انا مما ربنا ابتلاني بيهم مصر علي اني مو عريبي واها مسمي نفسي النوبي وعشان كدة بيسوي في العجب وبعدة كلو يطلع لي عريبي الدندر بمشوار سنينو ورحلة عمرو التقولي ماجلان ..فركة كعب من حلتم الي المدرسة سواها رحلة عمر وعبور انهار.. انهار دي المكدراني عريبي شن دخلو بالانهار لو قال عبر صحراء مبلوعة لكين انهار وفيها تماسيح والعرب اخر تمساح شافوه كان سحلية وقعت في طشت موية ... |
وووووووووب يقولوا شنو ويخلوا شنو التقول ما جلان - فركة كعب - سحلية وقعت في طشت موية - بجهيك اصبر لي يا سيدي
| |
|
|
|
|
|
|
|
|
|
Re: يا د. احمد ود القرشي / مجلسك مفهوم شوفه رايق عقده ناقص زول ولا تام (Re: الطيب شيقوق)
|
| Quote: ما ولعتوها خلاس .. الجدو نار والعمو عندو تيمس جاز والعريبي ابو صفيحة طحنية التقول عندو قرايبو في ليمان طرة ( دي ما بتقدر تفك رموزها يابناع المشاويير .. دي وعرة اوي )...بالمناسبة ايه اخبار الحت ؟؟ |
اللغة الرسمية للتعامل بها داخل هذا البوست هي اللغة العربية الفصحى .
نأمل من الاعضاء الكرام الالتزام بهذه القواعد وكل من يخالفها- قطع شك - سيحال للجنة التاديب التي يتراسها سعادة الجنرال فاروق حامد ضو القبيلة وعشاء البايتات .
| |
|
|
|
|
|
|
|
|
|
Re: يا د. احمد ود القرشي / مجلسك مفهوم شوفه رايق عقده ناقص زول ولا تام (Re: abubakr)
|
الاخ الاكبر ابوبكر تعليقاتكم الرائعة تشجع الكسلان وتصحى النعسان وتهدهد الغلبان الزى حالتنا وتنفح فيه روح الحركة والكتابة على ضعفها لك منى تحية والف تحية..ونواصل
المدن العظيمة اخ ابوبكر تولد كل يوم تتجدد كل يوم فننظر اليها بشغف..المدن العظيمة تثير الفضول والمدن التعيسة تولد لمرة واحدة ثم تكرر نفسها مئات السنين ..الدندر شوارع ممدودة باسترخاء كابية..لاتبلغ الشوارع سعادتها الا اذا باتت كالجسور على الانهار وصيل للتواصل والاتصال ..السماء هنا يا ابوبكر السماء تتغير باستمرار والامواج تتدافع باستمرار وحيث الناس يمسون بامزجة ويصبحون على امزجة ..التغير ولادة جديدة للحواس ..والشوارع لا تسعد الا بواجهات الدكاكين على جانبيها..ولا تسعد واجهات الكاكين الا بعرض سلعها الجديدة ولا تسعد السلع الا بما تثيره من فصول المارة..وهكذا كانت الدندر ..وهناك فى شارع الصعيد او شارع يوسف العجب او شارع الصيد اذا كنت من محبى تعدد الاسماء او نسبة الى جيلكي الطيب ..هرم شارع الصعيد ومافى هرمه من وقار ..مجرح بلا تضميد فقد الحكمة التى كثيرا ما ترتبط بالشوارع العريقة رائحته داكنة يدوسه المارة بلا اكتراث ..الصائغ الخبير يقيس الماسة يثقلها النوعى وحجمها والشاعر يقيسها باشعتها اولا وببهجة صدور النساء ..وكذلك الشارع الرئيسى لا يقاس بكيلومتراته القليلة وحجم دكاكينه..شارع الصعيد ماسة اضاءت التاريخ تفرعت كشجرة وفروعها فى كل كتاب تاريخى للمنطقة وفى كل مدرسة على ارض القويسى ..هل جعلتنى الغربة شبحا اجوس فى الاطلال..كفلاح صينى وازنت العصا والسلتين على ظهرى الغربة فى كفة والوطن فى كفة وعدت الى اوكار الغربة ..رششت التراب الذى حملته من الصعيد على سكنى هنا لماذا فعلت ذلك لا ادرى ..واذا كان ثمة معنى لتعبير -خالى الوفاض-فانى عدت من الصعيد خالى الوفاض تماما مثلما غادرتها لاول مرة مخذولا ومكسورا ..وها انا اتخيل نشور الصعيد امام عينى ..عاد البشر الى الحياة بكامل اجسامهم ..عادت البيوت بكامل غرفها ..عادت الخلاوى بكامل تراتبلها وعادت الحقول بكامل غلتها ..وهدلت الطيور..ونواصل الحلقة القادمة فى يوم الختان
| |
|
|
|
|
|
|
|
|
|
Re: يا د. احمد ود القرشي / مجلسك مفهوم شوفه رايق عقده ناقص زول ولا تام (Re: احمد حماد ادريس)
|
اخي جنى حماد
مع تلك البساطة التي تحكي عنها بهدوئك المعهود وحيائك الذي يماثل حياء عروس ايام زمان التي كان عصي علينا رؤية ملامحها حتى وان كانت من المقربين اليك ، فتلك الرموز التي تحكى عنها ، اخي احمد ، كانت ومازلت تشغل حيزا في ذاكرتنا ورغم ان التشبس بحياة المدينة المليئة بضوضاء الترويج للجرجير والفجل والمنقة والموز والنبق واللالوب رغم كل هذا كان ينتابني الاحساس بانهم قد ظلموا انفسهم عندما اختاروا السكن في المدينة.
كبرت اخي احمد وعدت اتامل مرة اخرى في تلك الرموز التي تحكي عنها وتذكرت ان هجرتهم من الريف الى المدينة كانت مستصحبة بكثير من التضحيات فلولا هولاء لما كان ابو بكر ولا الفاروق ولا ود المرتضى ولا نخبنا السياسية التي ادمنت الفشل . كانت تلك الرموز تستقبل وفودا من طلاب القري ليقيموا معم بمقدار سني دراستهم . كانت تلك الرموز تأوي طلابا لم يكن يعنيهم درجة قرابتهم ولا حتى ضرورة الانتساب لقرية واحدة وانما لمجرد رحلة جمعت الابوين الى ارض الحجاز .
لا انسى اخي احمد والدى عندما يأتي الينا زائر لم اكن قد رايته من قبل و كنت اتامل في اسارير والدي وهي توحي اليك بسعادته وفرحته وهو يترس ( يهرول يا ابا بكر) لزريبة الاغنام ليختار فحل الخراف اكراما لهذا الضيف . لقد هممت بسؤاله في ذلك اليوم (منو ده يا ابوى؟) فنظر الى بابتسامه الاب الراضي ، ده يا ولدى (ود حجتى)آه من ايام زمان يا احمد.
نواصل
| |
|
|
|
|
|
|
|
|
|
Re: يا د. احمد ود القرشي / مجلسك مفهوم شوفه رايق عقده ناقص زول ولا تام (Re: الطيب شيقوق)
|
عزيزي احمدحماد للبيوت والمباني و للمدن ارواح.." بيت مسكون" في الخاطر يعني جنا وهلعا وخوفا ولكن لولا انها مسكونة لما قربنا منها بعض من تجربة طويلة مع بناء البيوت والعمائر والمدن ومثال تجربة اخيرة قي السنوات الثلاث الماضية ...:-
الان وحيث مكتبي كان صحراء لا ماء ولا زرع فيه قبل سنوات ثلاث ومكتبي وزميلي البريطاني غرقتيين من الخشب .. في الصيف كانت المكيفات تتلجم من التراب والحر فنركب سياراتنا نجول المنطقة ونعمل من داخلها ...انهااحد المدن الصغيرة التي تعمرها الشركة التي ادير مشاريعها (اعمار)..اليوم شوارع وطرق وبيوت واندية ومتاجر ومساجد منها الذي اكتمل والقليل باقي تحت الانشاء ..كلما يتم انشاؤه يسكن .. هي مقسمة الي حارات بكل خدماتها قبل ان تسكن هذه الحارات والبيوت ورغم اكتمال كل شيئ من مبني وخدمات وانا اطوف باي حارة اكتملت تخفيني الوحشة احيانا .. نعم مباني جميلة واشجار ومسابح ووو كل الاعمال التي قمت بها منذ ان كانت صحراء الا ان الوحشة تبقي وكانها ما زالت صحراء .. ثم ياتي البشر .. الاطفال في الطرقات .. هؤلاء الذين يزاولون رياضة الركض والمشي .. نساء مجتمعات في احد الاركان .. خليط من السكان في المسابح والحدائق .. سيارات وعجلات و كلاب يصحبها اصحابها .. المتاجر والمطاعم فيها بشر وامس كانت مباني فقط ..صوت الاذان .. باصات المدارس... البشر ..البشر ...
الان وانا اطوف ذات الحارات التي كانت خالية بالامس اشم رائحة البشر .. ليست العمائر التي ابنيها او اصممها هي صانعةالمدن ولكن ارواح البشر ...ارواح البشر وحتي الانعام هي التي تعطي للمكان حميميته والذكريات هي التي تستقز تلك الحميمية الساكنه في وجدانناان غبنا عن المكان .....
في مقتبل العمر وكنا طلابا نذهب في رحلات خارج البلاد بما تيسر لدينا من معينات توفرها الجامعة وغيرها نجمعها من حفلات واسواق خيرية.. ذهبنا الي مدن المانية ما زالت العمائر تبني فيها بكثرة رغم مرور عقود ثلاث علي خراب الحرب العالمية الثانية .. مدن جديدة ملونة شوارعها مغسولة لامعة ولكنها لم تثير في ذلك العشق من اول نظرة ولكن عند زياراتنا لمدن قديمة في المانيا وباريس الحي الللاتيني كنت اشم رائحة العتاقة فاعشقها .. انها رائحة ارواح بشر كثيريين عاشو بها ومرو بشوارعها وما زالو .. رائحة تشمها في شوارع القاهرة القديمة وفي بمباي وكل المدن العتيقة .. نفس الرائحة رغم اختلاف الجغرافيا ... رائحة البشر ...
لكم مودتي
ابوبكر
| |
|
|
|
|
|
|
|
|
|
Re: يا د. احمد ود القرشي / مجلسك مفهوم شوفه رايق عقده ناقص زول ولا تام (Re: abubakr)
|
| Quote: ولكن عند زياراتنا لمدن قديمة في المانيا وباريس الحي الللاتيني كنت اشم رائحة العتاقة فاعشقها .. انها رائحة ارواح بشر كثيريين عاشو بها ومرو بشوارعها وما زالو .. رائحة تشمها في شوارع القاهرة القديمة وفي بمباي وكل المدن العتيقة .. نفس الرائحة رغم اختلاف الجغرافيا ... رائحة البشر ... |
صحيح البيئة بكل مكوناتها هي التي تشكل الوجدان الادمي . ويقيني وانت تروى عن احاسيك ومشاعرك حول تلك المدن ربما تكون مستلهما من مكوناتها بيئة اخرى خلدت في وجدانك يا باشمهندس .
| |
|
|
|
|
|
|
|
|
|
Re: يا د. احمد ود القرشي / مجلسك مفهوم شوفه رايق عقده ناقص زول ولا تام (Re: abubakr)
|
نسيت يالطيب احمد ود طراقع بائع الرغيف وهوينادى على بضاعته حار من نارو والسمن جارو..انا التسخو الله مسخو .ورد البحر جا بوسخو..وهناك صوت الدومة الخارج من زنك الخضار وهو يترنم جبناهو بالطيارة وبعناهو بالخسارة.طبعا بقصد التفاح اى والله يالطيب انا شفت التفاح فى سوق الدندر فى الستينات ..الشغلة ما شغلتنا لكن الظروف جبرتنا..
ليس ثمة مكان حيادى او باهت لكل مكان سطوته وسحره ..غوايته وفتنته مكائده ورونقه ..فهو فى شموليته مرابعللطفولة ومرتع الصبا ومواطن للقبلة الاولى واسفار الحنين وشاهد منحاز بلا شك الى الاحلام المهيضة والامانى الجميلة نرى تضاريسه المختلفة الانكسارات والقسوة والنشوة والحبور ..المكان حاضرا دائما وابدا فمن العبث ان نتجاهله او نحب بلا امكنة ولكن اى امكنة..المرء يهب للمكان مشاعره واحاسيسه وشغبه وتداعياته وهذيانه فيغدو المكان معها فضاء من خيوط العمر الموشاة والمنسوجة من حرارة المصافحات ودفء العناق واهات الوداع والذكريات الحلوة والمرة والشخوص والرموز ومن هذه الرموز الفكى اساقة هل تذكره يا الطيب..
تعطل راديو سيارتى ودلنى صديق على محل للاصلاح يقع على ناصية شارع الشيخ يوسف العجب واثنى على مهارة صاحبه ..ذهبت فاسعدنى انى وجدت نفسى بالقرب من مدرستى القديمة التى تركتها منذ اكثر من اربعين عاما ولما كان محمد سالم مشغول بالزبائن وطلباتهم فقد كان يؤجلنى يوما بعد يوم ولم يدر انه اتاح لى الفرصة فى ان اعيش لحظات ذكريات طفولة كانت سعيدة مرحة..تجولت هناك اتذكر اصدقاء الطفولة واحداثها الجميلة وكانها حدثت بالامس ..وجدت الشوارع اضيق والمبانى اصغر..فادركت كم كنت صغيرا ..وتمنيت يوما من ايام اللامسئولية والانطلاق..وكانما اعيش حلما لذيذا اتناول جزءا منه كل يوم ..راقت نفسى وارتسمت ابتسامة مرتاحة على ثغرى لما وجدنى محمد سالم صبورا لا الح عليه اخرج لى صندوقا خشبيا جلست عليه امام الباب اراقب الطريق وارقبه فى استسلام ..اقتحم الصورة الجميلة رجل غريب..اكتشفت انه موجود خلف الاشجار بتاعت المجلس الى جوار الرصيف ..كان رجلا عملاقاضخما قويا يطلق شعره..كله اسود اللون تتخلله شعيرات بيضاء فى وقار وقد تلبد وتتداخل شعر لحيته مع شعر راسه وشاربه..احاط كل ذلك بوجههواشترك فى ذلك حاجباه الكثيفان يظللان على عينيه ..كان الرجل واقفا فوق حجر يضع كل ما يملكه من ملابس فوق جسده ..علاوة على قطعتين من القماش يستخدمهما كفرش وغطاء ..ظننت ان الرجل يتسول مظهرا للناس هذه الهيئة المزرية ولكنى كنت مخطئا ..فعندما نزل احدهم من سيارته ونظر ناحيته ورق لحاله واخرج نقودا يحسن بها اليه..وكانت المفاجاة وقف المتسول فى عظمة ابية لاتتناسب مع مظهره البائس ..رايت حوارا دار بينهما ثم انتهى وقائد السيارة يرد النقود الى جيبه ويمضى ..وجلس المتسول العملاق فى مكانه فى نفس وضعه الاول ينظر الى ما لا نهاية فى شرود مستمر...ونواصل ان شاء الله
| |
|
|
|
|
|
|
|
|
|
Re: يا د. احمد ود القرشي / مجلسك مفهوم شوفه رايق عقده ناقص زول ولا تام (Re: احمد حماد ادريس)
|
اهلا بكم جميعا وشكرا لك يا الطيب شيقوق وضيوفك الكرام وانا فى هذه الايام بمسقط فى طريقى الى السودان عشان كده دخولى للنت غير منتظم واخونا محمد المرتضى بخير لكنه مشغول فى العمل يوميا يحضر من الدوام بعد المغرب ليتناول غداءه فى ذلك الوقت وحتى الان لم اجد الفرصة الكاملة والكافية حتى اتمتع بحديثه واتمنى ان يعود لنا قريبا لاثراء هذا المنبر وفعلا يا الطيب المرتضى هو واسطة العقد واتمنى الاينفرط بغيابه وشكرا لكل المتداخلين
| |
|
|
|
|
|
|
|
|
|
Re: يا د. احمد ود القرشي / مجلسك مفهوم شوفه رايق عقده ناقص زول ولا تام (Re: الطيب شيقوق)
|
الاخ/ ابوبكر الطيب مضوى فهمنى انك رطانى تتكلم عربى مكسر لكن كتاباتك تدل على انك ضليع فى اللغة العربية ..اذكر يا ابوبكر ان الجماعة اعابوا على الاخ /محجوب خليل وهو من جماعتكم رطانى كبير اعابوا عليه ان كل الغزوات جاءت من الشمال ولم تتصدوا للغزاة ولا فى معركة..اجاب محجوب واحنا مالنا الجماعة جو قالوا الابيد-العبيد- فين قلنا العبيد جوة..جوة..
| |
|
|
|
|
|
|
|
|
|
Re: يا د. احمد ود القرشي / مجلسك مفهوم شوفه رايق عقده ناقص زول ولا تام (Re: احمد حماد ادريس)
|
زلنا فى وادى الذكريات وانا تائه فيه كالطاووس مزهوا ..سالت محمد سالم عن المتسول الغريب الذى يرد الصدقة ..قال لى انه هنا منذ اربعين عاما لا بل حمسين عاما ..وحكى لى عن غرابته حكايات لا تصدق قال انه لايقبل الصدقة ولا يتحرك من مكانه وعندما هدموا البيت الذى كان يقيم الى جواره فانه لم يترك المكان وفعل ذلك عندما بنوا البيت الجديد ..سالته ان كان متزوجا فقال انه لم يتزوج ولن يفعل وانه لايهتم بالنساء فالعالم عنده رجل فقط..سالت اساقة عن اشياء كثيرة ووجدته فاهما عارفا مع انه لايقرا الصحف ولا يتابع التلفاز والاخبار.ويرى الايام كلها متشابهات وقد زهد الناس والمال والدنيا فاصبح وحيدا يناجى نفسه سرا وعلانية ويحكى همومه بكلام عاقل لا يعيبه الا منظره الغريب ..قدرت ان الرجل يتوهم الاتصالات مع البشر رايته مجنونا عاديا تركه اهله بلا رعاية حتى انتهى به المطاف واشفقت عليه ..هرب من الناس الى داخله واكتفى بذاته عن علاقتهم ..يتوهم الاشياء ليكون سعيدا غير مضطر للتعامل مع البشر ..ولكى يحكم هروبه استغنى عن احتياجاته منهم الى الحد القليل ليتفرغ لنفسه يشكل حياته كما يتمنى ..خطر لى فسالته ماذا افعل فان زوجتى تعذبنى كثيرا ..قام اساقة وانتفض واقفا وقال فى جدية واضحة ان هذه المسائل الصغيرة من امور الدنياوان على حل مشكلتى بنفسى وان لا اشغله بمثل هذه الامور التافهة ونظر الى باستهانة وتركنى وسار الى الناحية الاخرى وعاد ومعه علبة سجائر جديدة جلس يفتحها فى هدوء وقال لى انك تستحق ما يحدث لك ثم شرد منى ..مر عام وكنت مارا من هناك شاهدت جمعا من البشر صغار وكبار وشيوخ واطفال وحريم ورجال وسالت ماذا هناك فاجابونى انه قبر الفكى والذى تبين فى هذا المكان وان هذه الجموع اتت للزيارة والبركة ونوبات ترن ناس ليلى جن..ناس ليلى جن..مررت بالقرب من دكان محمد سالم دققت النظر ناحية الشارع العريض متوقعا ان ارى الرجل جالسا ..لم يكن هناك لم اجد اثاره فى مكانه سالت عنه محمد سالم فقال بلا اهتمام لقد مات ..وجدناه ميتا ذات صباح وتحول عنى يكمل ما كان يفعل ..وما زال صوت الطبل والنوبة والطار فى اذنى وهى ترن ناس ليلى جن ..ناس ليلى جن..وقبر الفكى اساغة اشبه بقبر حرب ..وقبر حرب كما تعلمون فى مكان غفر وليس قرب قبر حرب قبر..رحم الله الفكى اساغة..
| |
|
|
|
|
|
|
|
|
|
Re: يا د. احمد ود القرشي / مجلسك مفهوم شوفه رايق عقده ناقص زول ولا تام (Re: abubakr)
|
| Quote: الاخ/ ابوبكر الطيب مضوى فهمنى انك رطانى تتكلم عربى مكسر لكن كتاباتك تدل على انك ضليع فى اللغة العربية ..اذكر يا ابوبكر ان الجماعة اعابوا على الاخ /محجوب خليل وهو من جماعتكم رطانى كبير اعابوا عليه ان كل الغزوات جاءت من الشمال ولم تتصدوا للغزاة ولا فى معركة..اجاب محجوب واحنا مالنا الجماعة جو قالوا الابيد-العبيد- فين قلنا العبيد جوة..جوة.. |
احمد اخوى ابو بكر ده لو جامعة الخرطوم معربة اكان هسه يبيع في البركاوي في شارع الشنقيطي .
| |
|
|
|
|
|
|
|
|
|
Re: يا د. احمد ود القرشي / مجلسك مفهوم شوفه رايق عقده ناقص زول ولا تام (Re: الطيب شيقوق)
|
.
ود شيقوق, ود حامد, ود القرشى
ود حماد , ود سيد احمد...
سلام جاكم
يا لها من روعة الكلمة فى هدا البوست الدى جمع تيم متناسق كانه حبات اللؤلؤ ...من اى معدن انتو
انا قلت خلاص ناس الطيب وابوبكر وودحامد ديل ما بتلاحقو......لكن الحكاى ود حماد
سوى الفوت....استمعت بهدا البوست لظروف عدة....اولا:-لانه يحكى عن البادية وطرافة مدينة فى شكل قرية...
ثانيا:- لانه جمع كوكبة بصدد الدراسة تحت اشرافى..لانى بصفتى عسكرى البورد ...المراغب الرادار
13 ساعة حارسو زى موية القمح....بفشتش لوطن فى كلمات ناس مهاجرين....سبحان الله الدائم
الدى جمع الطيب شيقوق من الدندر وابوبكر سيد احمد الحلفاوى....
ثالثا:- لانى داخا من البيت الشىء الوحيد
الدى خسرته هى كاسة الشاى التى صارت تلج....وما مهم لقد رايت مدن كنت اجهلها على مداد قلم مشقوق....
مستمتع حتى الدهشة
وهارب من جميع
البوستات
وقاطع معاكم النهر
وراكب فى عرية الفرامل
ودافر مع عمال الدريسة
مستنيك باود حماد
تجى راجع
ودى الفعدة
| |
|
|
|
|
|
|
|
|
|
Re: يا د. احمد ود القرشي / مجلسك مفهوم شوفه رايق عقده ناقص زول ولا تام (Re: الطيب شيقوق)
|
لحظة يا ابقوتا في زولا شين "صدج"- كما تقول الاعراب- في قناة البي ان سي ..خليني اطفشوا ....خلاس راح ..
اها نجي نشوف حكايتك مع النهر الجاف
العرريب ود شيقوق قال "عبر" ( زي بتاعة المصريين .. عبر القنال) وات جيت ب"قاطع" يعني رابط سكين في ضراعك ..وانا معاك في قطع دي عشان الطبيخ بيحتاج الي قطع كتير اما عبر بتاع العرريب دي فعايزة ليها المشير الجمصي لانو ودشيقوق عبر نهرا جافا ودي ما عارفين قبل والله بعد الدميرة والا نهركم دة ما عندو دميرة ؟؟السعوال فيه خدعة فدير بالك
| |
|
|
|
|
|
|
|
|
|
Re: يا د. احمد ود القرشي / مجلسك مفهوم شوفه رايق عقده ناقص زول ولا تام (Re: abubakr)
|
| Quote: ....بفشتش لوطن فى كلمات ناس مهاجرين.... |
يا سلام يا ابا قوتة انت انسان لماح ومتابع بتعمق خليك معانا بس قدم الطلب للجنة العليا المكونة من فاروق والباشمهندس بابكر واحمد حماد ادريس والاستاذة سمية بت طلحة كممثلة للعنصر النسوى .
قرار هذه اللجنة - إن كان بالرفض - يمكن الطعن فيه امام سعادتي وقرار سعادتي نهائيا وغير قابل للطعن فيه الا تشكيني لله وحاشاك انت دى ما بتشبهك .
معزتي
| |
|
|
|
|
|
|
|
|
|
Re: يا د. احمد ود القرشي / مجلسك مفهوم شوفه رايق عقده ناقص زول ولا تام (Re: abubakr)
|
| Quote: ات ما نسيت الغنم والسخلات الكت بتلعب معاهن قبل خمسيين سنة لسه ؟؟ معزتك والا سخلتك قول تحياتي .دي ما عايزة تشكيل اها شفت البرابرة ما بدورو العربي ليه ..بشان حكاية العنصرية الجنسية-مذكر ومؤنث - والتانية التشكييل لانو شغل عساكر .... |
ابو بكر عملت لي مشكلة اجتماعية هنا عندما امشى نادى الجالية الناس كلها بقولوا متابعين السجال البين الطيب والفاروق وابي بكر يكفينا شر اللبهه .
امشى اسمع منى خوجلي في بوست الفاروق بتاع كتاب ود شيقوق التحت الطبع .
| |
|
|
|
|
|
|
|
|
|
Re: يا د. احمد ود القرشي / مجلسك مفهوم شوفه رايق عقده ناقص زول ولا تام (Re: الطيب شيقوق)
|
الاخ/ ابو قوتا يا اخى كان معانا فى حنتوب اوائل السبعينات طالب ظريف ولطيف ودمى خفيف زى حالاتك عسل يعنى يا عسل انت ..ما بتجيب لينا خبره كان لقيتو اساله عن صديق دقنة ود غناوة وعن عادل باشرى وعن عوض سكاب كركوج ومحمد حمدان عيسى كان بعرف ديل يا هو زولى وسلم عليهو كتير السلام..ابو قوتا شامة غرب الجزيرة هل تذكر عشرة بيوت بتاعة موظفى مشروع الجزيرة ..هدول الموظفين يا ابوقوتا عيالهم كبروا ومشوا قروا فى الهند واحدين جو اشتغلوا فى السعودية وواحدين مشو اشتغلوا فى الامارات طبعا دا بعد ما اتخرجوا فعادهم الحنين الى ابو قوتا ومن منا لايحن الى ابوقوتا..فجادت قريحتهم بالقصيدة التالية..
حنينى اليك يا ابو قوتا وطفولتنا فى عشرة بيوتا
كنا نشرك للقمرى فى البرارى وفى الكنار للحوتا
وابوك موظف بالمكتب وكل حساباته مظبوطا
واليوم تفرقنا يا شلبى واب قوتا درة يا اب قوتا
اتذكر ليالينا فى بونا وحلة العدس والجوطا
وموترك الكوزاكى وكفتريا الكلية والبنوتا
وساقنا الزمن سرا لدول الخليج مغلوطا
انا فى الرياض زهجان وانت فى دبى مبسوطا
حبيبى يا شلبى انت فينك يا شلبى..طبعا القصيدة دى يا اخى يا ابو قوتا تجارى لقصيدة المشهورة لشاعرنا الفحل جيلى عبد الرحمن الذى اضاعته الشيوعية فافقدتنا شاعرا موهوبا فضاع عمره فى صراعاتها المتواصلة فمات وهو صغير طبعا نقصد قصيدته عبرى..
احن اليك يا عبرى حنين ماج فى صدرى
يا ابوبكر حدثنا عن هذا الشعر الاعجمى الرطانى انا على يقين انك تعرف عنه الكثير..الطيب ود مضوى ..واخونا ابو قوتا تعظيم سلام
| |
|
|
|
|
|
|
|
|
|
Re: يا د. احمد ود القرشي / مجلسك مفهوم شوفه رايق عقده ناقص زول ولا تام (Re: abubakr)
|
Quote: الاخ/ ابو قوتا يا اخى كان معانا فى حنتوب اوائل السبعينات طالب ظريف ولطيف ودمى خفيف زى حالاتك عسل يعنى يا عسل انت ..ما بتجيب لينا خبره كان لقيتو اساله عن صديق دقنة ود غناوة وعن عادل باشرى وعن عوض سكاب كركوج ومحمد حمدان عيسى كان بعرف ديل يا هو زولى وسلم عليهو كتير السلام..ابو قوتا شامة غرب الجزيرة هل تذكر عشرة بيوت بتاعة موظفى مشروع الجزيرة ..هدول الموظفين يا ابوقوتا عيالهم كبروا ومشوا قروا فى الهند واحدين جو اشتغلوا فى السعودية وواحدين مشو اشتغلوا فى الامارات طبعا دا بعد ما اتخرجوا فعادهم الحنين الى ابو قوتا ومن منا لايحن الى ابوقوتا..فجادت قريحتهم بالقصيدة التالية..
حنينى اليك يا ابو قوتا وطفولتنا فى عشرة بيوتا
كنا نشرك للقمرى فى البرارى وفى الكنار للحوتا
وابوك موظف بالمكتب وكل حساباته مظبوطا
واليوم تفرقنا يا شلبى واب قوتا درة يا اب قوتا
اتذكر ليالينا فى بونا وحلة العدس والجوطا
وموترك الكوزاكى وكفتريا الكلية والبنوتا
وساقنا الزمن سرا لدول الخليج مغلوطا
انا فى الرياض زهجان وانت فى دبى مبسوطا
حبيبى يا شلبى انت فينك يا شلبى..طبعا القصيدة دى يا اخى يا ابو قوتا تجارى لقصيدة المشهورة لشاعرنا الفحل جيلى عبد الرحمن الذى اضاعته الشيوعية فافقدتنا شاعرا موهوبا فضاع عمره فى صراعاتها المتواصلة فمات وهو صغير طبعا نقصد قصيدته عبرى..
احن اليك يا عبرى حنين ماج فى صدرى
يا ابوبكر حدثنا عن هذا الشعر الاعجمى الرطانى انا على يقين انك تعرف عنه الكثير..الطيب ود مضوى ..واخونا ابو قوتا تعظيم سلام
|
يا حمادة الحلو والله ابدااااااااااع ما تغيب عنا وحياتك
| |
|
|
|
|
|
|
|
|
|
Re: يا د. احمد ود القرشي / مجلسك مفهوم شوفه رايق عقده ناقص زول ولا تام (Re: abuguta)
|
الاخ/ ابو قوتا يبدو انو حلتكم دى كلها متعلمين ..صدق احنا فى اول السبعينات نعرف كل اولاد الدندر الفى الثانوى علما بان مساحة الدندر توازى مساحة دولة اوربية صغيرة ..الطيب مضوى والبدرى من البردانة ومصطفى الرضى من الغلاتين وهاشم العاقب ومامون الطريفى من نور الجليل وبابكر دفع الله من خميسة وعثمان الزاكى من الرميلة واقرب مدرسة ثاوية لينا كانت سنار ومدارس مدنى..صديقى الذى ابحث عنه هو النور يوسف..لك تحياتى وبعدين احنا اكتشفنا اسمك يا حمادة يا سكر زيادة..
| |
|
|
|
|
|
|
|
|
|
Re: يا د. احمد ود القرشي / مجلسك مفهوم شوفه رايق عقده ناقص زول ولا تام (Re: الطيب شيقوق)
|
| Quote: مدنى..صديقى الذى ابحث عنه هو النور يوسف..لك تحياتى وبعدين احنا اكتشفنا اسمك يا حمادة يا سكر زيادة.. |
الاخ
احمد
تحياتى
زميك النور يوسف...ما عرفتو لانه اسم العائلة مهم..وكمان اسم المنطقة..فابقوتة..هى المدينة بها 14 حى..وتبع ريفبها 114 قرية و80 كمبو...كل من قابلك بقولك من ابقوتة..ولكن لما تقولو ابقوتها ذاتها..بقولك القرية كذا...
واحد قريبى شغال فى البنك العربى..جاى من جنوب المملكة..ركب فى االنقل الجماعى.اشهر وسبلة نقل
فنظر داخل البص فشاف سودانى..فمشى وجلس جنو..فقال ليه ياخوى نتعارف...فبداء الرجل...انا فلان... من الحصاحيصا الغربية..ابقوتة..الطليح...فضحك قريبى لما وقع من المقعد..فان المسافة بين قرية الرجل وقريبى..تفصلهم غابة سنط..فعرفه من الدم ..ولكن اعتزر له على انه مهندم وظريف افتركو من ناس ام درمان او من ناس اخونا ابوبكر سيد احمد..
ودى لك
| |
|
|
|
|
|
|
|
|
|
Re: يا د. احمد ود القرشي / مجلسك مفهوم شوفه رايق عقده ناقص زول ولا تام (Re: الطيب شيقوق)
|
اخي جنى حماد
مع تلك البساطة التي تحكي عنها بهدوئك المعهود وحيائك الذي يماثل حياء عروس ايام زمان التي كان عصي علينا رؤية ملامحها حتى وان كانت من المقربين اليك ، فتلك الرموز التي تحكى عنها ، اخي احمد ، كانت ومازلت تشغل حيزا في ذاكرتنا ورغم ان التشبس بحياة المدينة المليئة بضوضاء الترويج للجرجير والفجل والمنقة والموز والنبق واللالوب رغم كل هذا كان ينتابني الاحساس بانهم قد ظلموا انفسهم عندما اختاروا السكن في المدينة.
كبرت اخي احمد وعدت اتامل مرة اخرى في تلك الرموز التي تحكي عنها وتذكرت ان هجرتهم من الريف الى المدينة كانت مستصحبة بكثير من التضحيات فلولا هولاء لما كان ابو بكر ولا الفاروق ولا ود المرتضى ولا نخبنا السياسية التي ادمنت الفشل . كانت تلك الرموز تستقبل وفودا من طلاب القري ليقيموا معم بمقدار سني دراستهم . كانت تلك الرموز تأوي طلابا لم يكن يعنيهم درجة قرابتهم ولا حتى ضرورة الانتساب لقرية واحدة وانما لمجرد رحلة جمعت الابوين الى ارض الحجاز .
لا انسى اخي احمد والدى عندما يأتي الينا زائر لم اكن قد رايته من قبل و كنت اتامل في اسارير والدي وهي توحي اليك بسعادته وفرحته وهو يترس ( يهرول يا ابا بكر) لزريبة الاغنام ليختار فحل الخراف اكراما لهذا الضيف . لقد هممت بسؤاله في ذلك اليوم (منو ده يا ابوى؟) فنظر الى بابتسامه الاب الراضي ، ده يا ولدى (ود حجتى)آه من ايام زمان يا احمد.
| |
|
|
|
|
|
|
|
|
|
Re: يا د. احمد ود القرشي / مجلسك مفهوم شوفه رايق عقده ناقص زول ولا تام (Re: الطيب شيقوق)
|
| Quote: الطيب مضوى مساك الله بالخير..يقول اهل الباطن ان الاختفاء هو انصع انواع الظهور ويبدو ان دكتور احمد القرشى شغلته عنا المعامل ومعالجة السنان لهذه الامة المبتلاة ..واعتقد ان اخونا دكتور احمد مهموم ببلاوى ما وراء البحر الاحمر ..هل تصدق يالطيب ويا دكتور احمد ان سعر ربطة الملوخية بعشر الاف جنيه ..وشوال البصل بمائة واريعون الف جنيه ..وربطة الرجلة بخمسة الاف جنيه كما قرات فى جريدة السودانى عدد اليوم ..بالله يا الطيب دى مش حاجات تخلى الواحد يلبد واطنش ..تحياتى لدكتور احمد فى معمله وتحياتى لود المرتضى ..وتحياتى لمهمد صالح افصد المهندس ابوبكر بالامارات.. |
| |
|
|
|
|
|
|
|
|
|
Re: يا د. احمد ود القرشي / مجلسك مفهوم شوفه رايق عقده ناقص زول ولا تام (Re: الطيب شيقوق)
|
| Quote: لا انسى اخي احمد والدى عندما يأتي الينا زائر لم اكن قد رايته من قبل و كنت اتامل في اسارير والدي وهي توحي اليك بسعادته وفرحته وهو يترس ( يهرول يا ابا بكر) لزريبة الاغنام ليختار فحل الخراف اكراما لهذا الضيف . |
ونحن لما يجونا ضيوف بنهرول الي بيتزا هت وماكدونالد ودووم وصبواي وكي اف سي و بيرغر كنج وبيرغر كوين وناندوس ...
شفت كيف تقولي فحل خراف .. ايه الوحشية دي ..
| |
|
|
|
|
|
|
|
|
|
Re: يا د. احمد ود القرشي / مجلسك مفهوم شوفه رايق عقده ناقص زول ولا تام (Re: الطيب شيقوق)
|
| Quote: يا جماعة انتوا نسيتونى ونسيتو ود المرتضى |
الزول النساكم هو صحبكم النطاط زي كورة الاسكواش ودشيقوق .. اها ضحك عليك ياودالقرشي ووعدك بانو بياخد بالو من البوستات ودحين مسافر لوليداتو .. العراريب ما بتامن نب .. ما عليك انا وعمك فارووق ناطريين اصلو السفر نسيناهو ولينا عقود من الزمان لم نتجه صوب البلاد ....
ات بس سافر ..تصل بالسلامة وتعود بالسلامة ...
والله ياود القرشي منال بنية "وايد " (دي من لغة اهل الجزيرة العربية) حبوبة ....
| |
|
|
|
|
|
|
|
|
|
Re: يا د. احمد ود القرشي / مجلسك مفهوم شوفه رايق عقده ناقص زول ولا تام (Re: abubakr)
|
| Quote: ما عليك انا وعمك فارووق ناطريين اصلو السفر نسيناهو ولينا عقود من الزمان لم نتجه صوب البلاد .... |
ما عندكم اهل في السودان هملة سااااااااااااااااااااااى الغربة - يا اخونا روتين يلاكم كلفور ويلاكم اللؤلؤ ويلاكم الكرنيش ويلاكم ويلاكم بس كباااااااااار تابعين ليهم ارواى (جمع رأي عندنا ) نسوان 20 سنة في الهملة _ حرام عليكم عماتكم وخالاتكم وحبوباتكم (الفاروق ما عندو قطع شك) تنسوهن سااااااااااااى ( لا لا معليش متاسف هن ذاتهم بيكونن متهملات معاكم في الغربة) ويجي يقول ليك ود عقيد اتعنصر ود عقيد ما يستاهل العنصرة حابس ليكم دياركم المهملة دييييك برضو تلوموهو .
| |
|
|
|
|
|
|
|
|
|
Re: يا د. احمد ود القرشي / مجلسك مفهوم شوفه رايق عقده ناقص زول ولا تام (Re: الطيب شيقوق)
|
اها "ماما" جاية الليلة ...بطيارة الامارات من الخرتوم ...وانتو خليتو بكان لعماتنا وخالاتنا الرطانات ما غرقتو بيوتهن والباقي خليتو لبعوض نهر عطبرة( ما بقول البطانة يجيني سيفا طائر) ...
اها وكت سفرك قرب بقيت تتقرب من المتعنصريين واهل البادية وات ما عرفت التبلاح ....
نحن ابناء ملوك الزمان (لانو انتو ودرتو لينا المكان واديتوه للمصاروة ولما جينا نسكن جنبكم سويتوها دوبيت ونم واتعنصرتو وواحدة من ملكاتكم شوية وتعلق لينا المشانق ووالله لو عظمة اجدادها قبل مية وعشرة سنة او كام سنة زيادة الواحد كان طلب تدخل القوات النوبية الاممية )
| |
|
|
|
|
|
|
|
|
|
Re: يا د. احمد ود القرشي / مجلسك مفهوم شوفه رايق عقده ناقص زول ولا تام (Re: abubakr)
|
Quote: اها "ماما" جاية الليلة ...بطيارة الامارات من الخرتوم ...وانتو خليتو بكان لعماتنا وخالاتنا الرطانات ما غرقتو بيوتهن والباقي خليتو لبعوض نهر عطبرة( ما بقول البطانة يجيني سيفا طائر) ...
اها وكت سفرك قرب بقيت تتقرب من المتعنصريين واهل البادية وات ما عرفت التبلاح ....
نحن ابناء ملوك الزمان (لانو انتو ودرتو لينا المكان واديتوه للمصاروة ولما جينا نسكن جنبكم سويتوها دوبيت ونم واتعنصرتو وواحدة من ملكاتكم شوية وتعلق لينا المشانق ووالله لو عظمة اجدادها قبل مية وعشرة سنة او كام سنة زيادة الواحد كان طلب تدخل القوات النوبية الاممية ) |
ووووووووووب حبوباتكم يكونن عرافات لدخول المطارات بيعرفن الكنكشن والترانسيت ومشى السلم البدور براهو ( انا المحامي ده لهسه السلم ده بلج منو اركب سلالم المشى ساى كربته( الكربته هى الهرولة ابو بكر)
هسه انا اكان حبوبتي جاية يكون همى كلو كيف تقطع الفرقة بين الهبوط ومحل استقبالى ليها الخارجية .
زمان عندى صاحبي كنا مستقبلين امه في سودانير وطولنا في المطار لما مشينا ناس الاستعلامات قالوا جات والطائرة رجعت بيها مطار الخرطوم على الطلاق الكلام ده حصل الا كلفنا سودانير ترجعها لينا على حسابها .
| |
|
|
|
|
|
|
| |
الطيب شيقوق
الزاكى عبد الحميد
احمد حماد ادريس
abubakr
فاروق حامد محمد
Adel Sameer Tawfiq
Ahmed al Qurashi
abuguta
محمد المرتضى حامد
فيس بوك
تويتر
انستقرام
يوتيوب
بنتيريست