بسم الله الواحد الأحد نبدأ مشوارنا الثالث الحبابيب سلام سلاااام يا اهل السريرة الطيبة والكلمة الطيبة سلاااام حلفنا يمين ما نزح من شديراتنا نتجادع كلم طيب نغم طيب مناكفة طيبة وكلنا طيبة وتبقى هي ( الكلمة الطيبة ) تجمعنا ونفترق عليها لنعود من تاني وما أحلنا زهرات من كل صوب وحدب
نغني وحتى غنانا طيب قدامنا عقدائنا قدمناهم الباشمهندس وشيقوق والعم كمال ( بال DHL )
وكلمة انجمامة دى عجبتنى شديييد وخاصة انها كلمة بتاعة عروب ماعارفاك جبتها من وين..
اها المرة دى جبتا بنبرى معاى..
اميرة الشيخ تحية سلااااام بسم الله سمينا وبك بدينا إنجمامتنا سعيدة الدنيا وسعيدين نحن وسعدن حتى الشديرات بقدومك المبكر وما أحلاه قدوم ( قدم الخير عليك بلادنا ).
فوق عجبك بكلمة إنجمامة سوف تجدي العجب وانتِ متحكرا فوق بنبرك الوهيط ( بنكلم شيقوق يشد حبلو كان مرخي ) باقي دي مِهنتو علا أتنكر لها ... بين شديراتنا نطرب بين شديراتنا نرتع بين شديراتنا نحب بين شديراتنا ننشد بين شديراتنا نتناكف وكلامنا حلو ويسر البال
مرحب بك أميرة وتحياتي
04-01-2008, 03:50 PM
أيمن الطيب أيمن الطيب
تاريخ التسجيل: 09-19-2003
مجموع المشاركات: 5845
يا خالد... الخبر شنو يازول ,,,إت يا زول أرشفوك ولا شنو
نعم الكلمة الطيبة باقية حتى النهاية,, ومن يغرسونها موجودين بكثرة...هنا,,, كل من مر بتلكم الشديرات,,أكيد جاى صاد,,, شايف الجماعة فتحوا أبواب كلام كتيرة,, لكن صدقنى بجوك راجعين,,,
نحن بنلحقكم قدام بعد ما العصرة دى تخف شوية!! وكان غبنا ,,أعرف إنو برضو بنسرق الزمن ونشوف السجال وصل وين,,,وصدام الحضارات البعيدة خبارو الليلة!!
وشيقا بتاع الكورولات وناس اللورى والرطانة والسنجك والحمامة والعصفورة ومراسلنا المشى الدمازين داك ولا مشى مايرنو ما عارف وودالمرتضى والقمر بوباى بتاع المعاهد العليا والشاعر وناس الحصاحيصا وعيييييك
يا زول أبقى عافية وجهز العدة
04-01-2008, 04:01 PM
ممدوح أبارو ممدوح أبارو
تاريخ التسجيل: 02-27-2008
مجموع المشاركات: 3162
Quote: نعم الكلمة الطيبة باقية حتى النهاية,, ومن يغرسونها موجودين بكثرة...هنا,,, كل من مر بتلكم الشديرات,,أكيد جاى صاد,,, شايف الجماعة فتحوا أبواب كلام كتيرة,, لكن صدقنى بجوك راجعين,,,
ودشيقوق فتح السوق والرطاني في حراج العربات وسلمى بتجهز لزواج بنيتها
بقضو غرضم وبجو راجعين لي الشديرات
بس انت يا جميل خليك قريب وتسلم وتسعد يا أيمن
04-01-2008, 04:37 PM
أيمن الطيب أيمن الطيب
تاريخ التسجيل: 09-19-2003
مجموع المشاركات: 5845
خالد وكتيبة الإنجمامه، جينا المحل المُكيَف دا في نسخته الثانيه، زي مابيقول بتاع النشره الرياضيه في قناة الجزيره ، ونسلم على ناسنا ، أتمنى أن يشاهد شيقوق العجول الفيديو حتى نهايته. مودتي تفيض
04-01-2008, 07:36 PM
خالد علي محجوب المنسي خالد علي محجوب المنسي
تاريخ التسجيل: 04-09-2006
مجموع المشاركات: 15968
Quote: خالد وكتيبة الإنجمامه، جينا المحل المُكيَف دا في نسخته الثانيه، زي مابيقول بتاع النشره الرياضيه في قناة الجزيره ، ونسلم على ناسنا ، أتمنى أن يشاهد شيقوق العجول الفيديو حتى نهايته. مودتي تفيض
الجميل ومكلمل الزوق ود المرتضى مكانك بيناتنا محفوظ يا الآصيل ومركز مستمرين يا ود المرتضى معاً نرسخها كلمة طيبة أصلها ضارب في أعماق باطن الأرض وفرعها يناطح السُحب الدُكّن ويباعد
لك منا أجمل التحايا
04-01-2008, 07:51 PM
محي الدين جبريل محي الدين جبريل
تاريخ التسجيل: 11-05-2007
مجموع المشاركات: 1848
ومعاى سلام كتييييييير من اهلكم فى الكمر ريفى ودحامد خاصة ناس سوق الإتنين والخميس فيها ( القشاشة والسبابة ) وكمان ناس سوق البسابير ، أصلو ده سوقا عاااااااااامر بجوهو الناس من العوتيب والنقعة وحجر العسل .
دحين ديل كلهم بيسلموا عليكم اصلى عندى سعية بى هناك مشيت اشوفا قبل يومين .
Quote: ومعاى سلام كتييييييير من اهلكم فى الكمر ريفى ودحامد خاصة ناس سوق الإتنين والخميس فيها ( القشاشة والسبابة ) وكمان ناس سوق البسابير ، أصلو ده سوقا عاااااااااامر بجوهو الناس من العوتيب والنقعة وحجر العسل .
دحين ديل كلهم بيسلموا عليكم اصلى عندى سعية بى هناك مشيت اشوفا قبل يومين .
مرحباً بك في انجمامتك الثالثة ، و دائماً تأتينا بما يسر الخاطر و يبهج النفس و يفرج الكرب ، و من أعظم الصدقات سرور تدخله على مسلم ، و الكلمة الطيبة صدقة ، و الكلمة الطيبة جواز سفر ، و لا أعظم من كلمة التوحيد طيباً ، تلك الكلمة التي شبهها الله تعالى بالنخلة حيث يقول في سورة إبراهيم : ( ألم تر كيف ضرب الله مثلاً كلمة طيبة كشجرة طيبة أصلها ثابت و فرعها في السماء * تؤتي أكلها كل حين بإذن ربها و يضرب الله الأمثال للناس لعلهم يتذكرون ) .
فجزاك الله خيراً أخي الفاضل / خالد محجوب .
04-02-2008, 07:28 AM
sama7 sama7
تاريخ التسجيل: 02-05-2002
مجموع المشاركات: 1342
( الإمام الشافعي ) عزيزى العم ودالمنسى ..(حسب كلام اخونا عماد ابارو) لك التحية والود وانت تواصل هذا السفر الوجدانى والرومانسى و تجمع تحت شجيراتك هذا العقد الفريد والذى اتمنى عندما نحال للمعاش ان نتفرغ للتواصل معكم فناخد لينا يومين فى كسوفا واسبوع فى بودابست بس انشاء اللة نسوانكم بعرفوا يسوو العصيدة والتركين وبعد داك نمر على باقى الاحباب المهندس الذى رسم البنا والاستاذ ابو بكر سيد احمد الذى اخجل تواضعى بكلماتة الرقيقة والمرهفة وعزيزنا ود ابو القاسم ذلك الكوم من المشاعر والعزيز قمر بوبا والشاب ايمن والوجة الجديد محى الدين ..اما عن شيقا ..سائق الكورلا وست البنات سموحة فكلماتى عنهم مكتوبة هنا ولكن....بالحبر السرى عمكم كمال
04-02-2008, 08:32 PM
خالد علي محجوب المنسي خالد علي محجوب المنسي
تاريخ التسجيل: 04-09-2006
مجموع المشاركات: 15968
محي الدين وليد جبريل أبقى جنبنا يا الزين والله نضمك طاعم بالحيل ونشيلا كلمة طيبة ونقول زي ناس البسابير
بص الشركة شحن وقام بص الشايقي قام زعلان الشعيت تقول دُنان حسن النعيمة يا اب سنان
منتظرين عودتم من الرحلة الجملية تسعدنا بها في الإنجمامة أولاً في التبادي وبعدها تشوف ناس التلزيون زي مابقةل شيقوق تديهم المادة السجلتها وارقد عافية يا الحبيب
04-02-2008, 08:36 PM
خالد علي محجوب المنسي خالد علي محجوب المنسي
تاريخ التسجيل: 04-09-2006
مجموع المشاركات: 15968
Quote: إنت ماك سيد الشدرة البقت عاملة زى دكان ودالبصير دى ياخ قرب تعال ما تبتعد وأخوك فى إنتظارك وكان ما جيت....بنجى نسكن حداكم,,,,الليلة شيقا وين ياخ,,
الزول ده ما تديهو طرفك بشهيك العافية انا عارفو كلالالالالالالالالالالام والكلمة ما بكمل حروفها للبنية زيك انت يا السجم بقطع الحرف الاخير وبخليها تتكي اضانها عشان تفرز الحرف الغائب او المغيّب وعييييييييييييييييييييييييييييييييييييك خير البر عاجله
عمو كمال معاى ولا سارح؟ اجري اتفرج في شباب العولمة جات لسماحات
Quote: الزول ده ما تديهو طرفك بشهيك العافية انا عارفو كلالالالالالالالالالالام والكلمة ما بكمل حروفها للبنية زيك انت يا السجم بقطع الحرف الاخير وبخليها تتكي اضانها عشان تفرز الحرف الغائب او المغيّب وعييييييييييييييييييييييييييييييييييييك خير البر عاجله
عمو كمال معاى ولا سارح؟ اجري اتفرج في شباب العولمة جات لسماحات
ياخ إنت إمسكوك بي جاى تنفتح بهناك إسكوك بهناك إلقوك بي جاى...
إنت ود المنسى دا مالك مخوفو منى قدر دا...يا زول الخديعة الكبرى بتاعتكم دى أنا دا طرفى منها
والله فى ناس جهزوا ليكم دلاليك السيرة أنا بس خوفى كلو أصحابكم الرطانة ديل يكونوا مشاركين فى هذه المؤآمرة الكبرى,,,, والله السارح الله بعلمبو!!!!!@@@@@@ شوف يا صاحبى,,,, فى دى لا شفتكم ولا بعرفكم ...
نتلاقى بهنوك تحت الشجرة ونجهز للسيرة
04-02-2008, 10:09 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
سيد الكل.. شجرة الضل.. إنجمامتك ظليلة و مرشوشة و باااااااااااااردة على القلب.. ربنا يديمها عليك نعمة.. و يجعل حواليك دايماً أصدقاء صدق...و سياد كلمة طيبة.. ---
جرٌيت بنبري و صنقرت قصااااااااااااااد شديرة النيمة... ما عندكم شاي بالنعناع..؟!!!
04-03-2008, 07:57 AM
أيمن الطيب أيمن الطيب
تاريخ التسجيل: 09-19-2003
مجموع المشاركات: 5845
Quote: مرحباً بك في انجمامتك الثالثة ، و دائماً تأتينا بما يسر الخاطر و يبهج النفس و يفرج الكرب ، و من أعظم الصدقات سرور تدخله على مسلم ، و الكلمة الطيبة صدقة ، و الكلمة الطيبة جواز سفر ، و لا أعظم من كلمة التوحيد طيباً ، تلك الكلمة التي شبهها الله تعالى بالنخلة حيث يقول في سورة إبراهيم : ( ألم تر كيف ضرب الله مثلاً كلمة طيبة كشجرة طيبة أصلها ثابت و فرعها في السماء * تؤتي أكلها كل حين بإذن ربها و يضرب الله الأمثال للناس لعلهم يتذكرون ) .
فجزاك الله خيراً أخي الفاضل / خالد محجوب .
الأخ الفاضل الجميل عبدالرحمن الطقي والله نورت وإزدانت شديراتنا بزيارك سعدنا بها شديد ربنا يديم سرور الخواطر يا أخي وهي الدنيا دي فيها شنو عابرين نحن فيها فلما لا نترك ورانا كلمة طيبة تخلد ذكرانا بعد الرحيل التوحيد هو عقيدة الكل وبي التوحيد نتوحد في قلب رجل واحد ويارب يتحقق الحُلم
مودتي وتحياتي أخي الفاضل وجزاك الله كل خير وخيل
04-03-2008, 03:19 PM
خالد علي محجوب المنسي خالد علي محجوب المنسي
تاريخ التسجيل: 04-09-2006
مجموع المشاركات: 15968
نظام فى الأول كدا قلنا ندخل بروقة بعدين نشوت ضفارى
ويا شيقا كان أخير ليك تبدأ بداية محنة يمكن كان ..........
سماح قمر سبعتين والله غيابكم الذي دام يومين فقط هدَّ حيلنا فكان لابد من إستمرار القعدة الحلوة تحت الشديرات نفتح قلوبنا لبعض نتصافى ونتحانن ونتاودد مودة طيبة
سماح دا كلام شنو إنت شايفك ليك فترة ....... راعي شعورنا
04-03-2008, 03:27 PM
خالد علي محجوب المنسي خالد علي محجوب المنسي
تاريخ التسجيل: 04-09-2006
مجموع المشاركات: 15968
Quote: عزيزى العم ودالمنسى ..(حسب كلام اخونا عماد ابارو) لك التحية والود وانت تواصل هذا السفر الوجدانى والرومانسى و تجمع تحت شجيراتك هذا العقد الفريد والذى اتمنى عندما نحال للمعاش ان نتفرغ للتواصل معكم فناخد لينا يومين فى كسوفا واسبوع فى بودابست بس انشاء اللة نسوانكم بعرفوا يسوو العصيدة والتركين وبعد داك نمر على باقى الاحباب المهندس الذى رسم البنا والاستاذ ابو بكر سيد احمد الذى اخجل تواضعى بكلماتة الرقيقة والمرهفة وعزيزنا ود ابو القاسم ذلك الكوم من المشاعر والعزيز قمر بوبا والشاب ايمن والوجة الجديد محى الدين ..اما عن شيقا ..سائق الكورلا وست البنات سموحة فكلماتى عنهم مكتوبة هنا ولكن....بالحبر السرى عمكم كمال
العم كمال عامر وعامر إياك مس العابر تحت الشدير نقولو وندفنو وتحت الشديرات نسمو صفاء لا يضاهي صفاء لتجسيد معاني الأخوة والعلاقات الطيبة
مرحب بيك وكل ما تتمناه نفسك سوف نوفره لك بس انت تعال ومرحببكل زوار الشديرات بناتنا في المجر أو كوسوفا ... نكون مصيفكم ونعمرها شديرات في بلد العجم والله مرحب بكم كلكم بيننا في المجر
يا عم كمال حديث شيقوق مقدور لكن الحبر السري دا نسوي في شنو
04-03-2008, 03:43 PM
خالد علي محجوب المنسي خالد علي محجوب المنسي
تاريخ التسجيل: 04-09-2006
مجموع المشاركات: 15968
Quote: زول أسكت خلك ساااااااااااااااااى إنت ماك سيد الشدرة البقت عاملة زى دكان ودالبصير دى ياخ قرب تعال ما تبتعد وأخوك فى إنتظارك وكان ما جيت....بنجى نسكن حداكم,,,,الليلة شيقا وين ياخ,,
أيمن قريب صاحبي بدر كيفنك يا طيب ود الطيب تعرف يا أيمن فيسل هليل قال لي أنو شيقوق دا عامل زي تور الجر وفعلا قلب الإنجمامة دكان ود البصير ما عندنا ألا نجيب لي السم القدر غدا ( القمر بوبا ) هو البوقفو في حدو
ايوة خليك كدي مع كل زيارة زهرة يا وردة تعرف شيقوق أمس قال لي أيمن الطيب دا بنت ما ولد متخفي ما شفتو جنو ضحك كيف ؟
04-03-2008, 03:38 PM
abubakr abubakr
تاريخ التسجيل: 04-22-2002
مجموع المشاركات: 16044
Quote: مرحب بيك وكل ما تتمناه نفسك سوف نوفره لك بس انت تعال ومرحببكل زوار الشديرات بناتنا في المجر أو كوسوفا ... نكون مصيفكم ونعمرها شديرات في بلد العجم والله مرحب بكم كلكم بيننا في المجر
عمو كمال شفت زولك شغال معاكم انتو نسابتو كيف هو ختير الرمة ما قاصدكم هي رسالة لسموحي يعني اياكي اعني فاسمعي يا جارة ( احب الجارة ذاتي انا واموت منها مفلق عديل كده)
وانتوا الرطانة شايلين القفف ساااااااااااااى اصلكم عمركم كلو ما بتخلوا شيل القفف من زمن الزبالة البتمسحوا بيها بوت الجالوص من المطر .
04-03-2008, 03:52 PM
خالد علي محجوب المنسي خالد علي محجوب المنسي
تاريخ التسجيل: 04-09-2006
مجموع المشاركات: 15968
لاعب تمام برد ليو كده وقنطرو وشوووووووووووووووووووووووووووت خلي العريريب خشمو ملح ملح بلا سماح بلا وجع راس انا اها ده طرفي منها.
اوصيك بالكلام البارد والجمل الطاعمة الممزوجة بالشعر العاطفي والرومانسي وكتر ليها من لكل حديث عندعن بشاشة وكل قتيل عندهن شهيد . وقدمها وصلها كداري لحدى بيتهم ووقت تودعها ما تديها ضهرك طوالي عاين ليها لحدى تنزوى جوة بيتهم وباكر اكان سالتك قالت ليك كنت واقف ليش لحدى انا انزويت قوليها لا لا لا وما حب الديار شغفن قلبي ولكن حب من سكن الديارااااااااااااا .
تاني المنسي ما بياكل معاك عيش اقدل سااااااااااى بقت في الجيب .
04-03-2008, 04:23 PM
abubakr abubakr
تاريخ التسجيل: 04-22-2002
مجموع المشاركات: 16044
Quote: اوصيك بالكلام البارد والجمل الطاعمة الممزوجة بالشعر العاطفي والرومانسي وكتر ليها من لكل حديث عندعن بشاشة وكل قتيل عندهن شهيد . وقدمها وصلها كداري لحدى بيتهم ووقت تودعها ما تديها ضهرك طوالي عاين ليها لحدى تنزوى جوة بيتهم وباكر اكان سالتك قالت ليك كنت واقف ليش لحدى انا انزويت قوليها لا لا لا وما حب الديار شغفن قلبي ولكن حب من سكن الديارااااااااااااا
يا خلبوص ات ما اتزوجت وانت تلميذ في الوسطي اها الحركات دي نقشتها من وين ؟؟؟.
04-03-2008, 04:25 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: بعدين يا اخي ات ماك عارف التجارب بتكسبك المهارات هسع انا مش كنت معامي ابل وبقر وسمسم وعيش واراضى وموت اها هسع مش محامي بورصات ؟ زمان كنت بتفاوض في صلح اوسام البهائم وهسع بحكر كراع في كراع بجتمع ليك مع الاوربيين بالفديو كونفرنس لمناقشة الجوانب القانونية في الاتفاقيات ذات بيرتين تو انترناشونال اشوز .
وانا اقول الدنيا مالا مدردقة بينا كدة.. اخر زمن .. يعني من تلفون علبتيين الصلصة و السينما المتجولة وفيلم يوم المزارع الي الفيديو كونفرس وناسدك وهييييييع .. حكم
04-03-2008, 06:07 PM
خالد علي محجوب المنسي خالد علي محجوب المنسي
تاريخ التسجيل: 04-09-2006
مجموع المشاركات: 15968
Quote: وانا اقول الدنيا مالا مدردقة بينا كدة.. اخر زمن .. يعني من تلفون علبتيين الصلصة و السينما المتجولة وفيلم يوم المزارع الي الفيديو كونفرس وناسدك وهييييييع .. حكم
المسلط ضحكتني لحدى ناسي جو جاريين
04-03-2008, 09:09 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: يعم سلامنا في وجودك حمامة سلااامنا سلمى صبحي الفاضلة يكتمل البدر وانت بيننا ونلهو نحن بقمرين قمرا في السماء وأخر يمشي بيننا هونا الدندة من طباع الحسان ونطرب نحن لها
لك تحياتي حمامة سلااامنا
العب بعيد ات قايل دى ساهلة دى والله تقراك من اضافرك لقدومك وتبيعك وتشتريك في سوق الجمعة حاسب يا الحبيب سلمى حسن عباس صبحي . اسمها كلو مكتوب مش اسماء مرقعة احرف وارقام هييييييييع سلومة ارخي ليهو الحبل واديلو الشبلة من حنكو وسوقيهو بيعيهو في الملجة .
وانا اقول الدنيا مالا مدردقة بينا كدة.. اخر زمن .. يعني من تلفون علبتيين الصلصة و السينما المتجولة وفيلم يوم المزارع الي الفيديو كونفرس وناسدك وهييييييع .. حكم
علي اليمين عمنا ده اتخصص في العرريب قبل الهندسة
ابو احمد كيفنك والشوق من حاصف لي قاصف
04-03-2008, 09:40 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
في الطيف او في الصحيان"" زورني ياحبيبي انا عيان ــــــــــــــــــــ
مالو لو في بعض الاحيان ""تسمح لي صحوا اراك عيان تاخذ ياحبيبي عن حالي بيان "" عسي تبقي قلوبنا في الغرام سيان ــــــــــــــــــ
يافريد الحسن وبهجة امدرمان"" لي من شوفتك يا حبيبي زمان انا ساهر ونوم عيني حرمان ""وانت بين اترابك في نعيم وامان ــــــــــــــــــ النحول علي جسمي يا حبيبي بان"" وانت جسمك نامي وبالنعيم طربان لوراك الناسك المن الله جبان"" بيك يفتن ويصبح بالغرام تعبان ـــــــــــــــــــ كيف يحصر وصفك ياحبيبي لسان""والبان اتلعم من قامتك الميسان قبل حسنك قط مارايت انسان"" فاق العسجد لمعة والحرير لمسان
وهذه إنجمامة لطيفة اسمح لي أن أدندن بها تحت الشديرات واشرك معي الطيبين.....
أجسامنا ليه جسمين !!
أجسامنا ليه جسمين .. روحنا واحده وكيف اتقسمت قسمين شي عجيب في غرامك يافريع ياسمين أنا يا حبيبي تجدني على هواك أمين وما بيعجز عن أفكاري في التخمين حواسي تحسد نظري في حسنك منتظمين شمالي تاخده الغيره اذا جلست يمين من المنام ما معاي ولا السته من ستين عندي التلت من عقلي وعندك التلتين سايقاني بسمة فاهك در عقيد ومتين لولاها مالي صالح في الظلال والتين يالفريد في ظرفك زي صداقتك وين ما أظن تكون ولا بدعت قبل في التكوين يامن أسرت فؤادي ملكته في اليدين ياملفت الأنظار يا ناير الخدين نحن الجميع مادمنا قلوبنا متحدين تبقى الصداقه قرابه ونكسب الودين ...
وودي للجميييييييييع.....
04-03-2008, 10:47 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
الفين سلام يا خالد .. أو "الانجمامى الأكبر" ألفين سلام أهل الشدرة و تحيات كبار و كتار لأهل الكلمة الطيبة عجبنى و سرّ بالى أن أجيئكم و الأنجمامة فى فيرشنها الثالث (Version 3) و أود أن أتقدم بطلب إنجمام لهذا البوست الجميل لا أحتاج لوسيط أو مثنى لأنى أخاطبكم من مهبط الانجمامة .. بريشتينا العاصمة الكوسوفية سأجيئكم لاحقا و فى معيتى أسرار إنجمامة "عمكم" خالد
على الحلاوى بريشتينا-كوسوفو
04-04-2008, 00:38 AM
abubakr abubakr
تاريخ التسجيل: 04-22-2002
مجموع المشاركات: 16044
Quote: سيد الكل.. شجرة الضل.. إنجمامتك ظليلة و مرشوشة و باااااااااااااردة على القلب.. ربنا يديمها عليك نعمة.. و يجعل حواليك دايماً أصدقاء صدق...و سياد كلمة طيبة.. ---
جرٌيت بنبري و صنقرت قصااااااااااااااد شديرة النيمة... ما عندكم شاي بالنعناع..؟!!!
الممكونة وصابرة والله يصبرك ويطمن قلوبنا عليك تحية طيبة مليون سلااااام لكم وبكم نحيى ونتنسم هواءً طيب يعمر محبتنا وإتلافنا ربنا يديم علينا كلنا هذه الإنجمامة الطيبة نسمر ونلهو
ما أحلى دعاك يا ممكونة لك كل ما تطلبين إن درتي القهوة بالزنجبيل وكان درتي الشاي بي النعناع أو القرنفل بس انت أدللي تحياتي ومودتي ممكونة
04-04-2008, 05:59 AM
خالد علي محجوب المنسي خالد علي محجوب المنسي
تاريخ التسجيل: 04-09-2006
مجموع المشاركات: 15968
بجمال أسمك الطيب نحيك تحية طيبة سلااام أبوبكر علي مرحب حباب وحباب النسيم الجابك.. وإن شاءالله ماتكون أخر زيارة كل منانا أن نشوفك بننا ومع ( سمينك ) ابي بكر سيداحمد السنجك .. وأبوبكرسيداحمد الرطاني وابوبكر ابوالقاسم .... دوبي قول وسمح القول في الدوبيت وبتجيك شويتين كدي ريحانة البطانة وات قول وهي بتخلف لك منا أجمل التحايا يا طيب وخليك قريب
04-04-2008, 06:13 AM
خالد علي محجوب المنسي خالد علي محجوب المنسي
تاريخ التسجيل: 04-09-2006
مجموع المشاركات: 15968
Quote: الفين سلام يا خالد .. أو "الانجمامى الأكبر" ألفين سلام أهل الشدرة و تحيات كبار و كتار لأهل الكلمة الطيبة عجبنى و سرّ بالى أن أجيئكم و الأنجمامة فى فيرشنها الثالث (Version 3) و أود أن أتقدم بطلب إنجمام لهذا البوست الجميل لا أحتاج لوسيط أو مثنى لأنى أخاطبكم من مهبط الانجمامة .. بريشتينا العاصمة الكوسوفية سأجيئكم لاحقا و فى معيتى أسرار إنجمامة "عمكم" خالد
على الحلاوى بريشتينا-كوسوفو
مرحب بالرجل الهميم وكريم علي الحلاوي وهو يقضي معنا في مهبط الإنجمامة خلسة من ثواني في مهمة عمل إنقضت قبل أن تبدأ وكنا ننمني النفس ان تطول ويطول جلوسنا معه ونستفيد من زخائر جرابه العامر. مرحب بك علي الحلاوي بننا وإن شاءالله يطيب لك المقام ونسمع منك كل ماهو طيب وجميل
مودتي واحترامي
04-04-2008, 06:02 AM
abubakr abubakr
تاريخ التسجيل: 04-22-2002
مجموع المشاركات: 16044
المهندس الراقي الانيق والذى لا يخشى في الله لومة لائم
اتقدم اليكم بهذا الطلب راجيا من سماحتكم شمول النظر فيه بعين الرحمة والاعتبار
واننا ومن خلال ما لمسناه فيكم من جدية في تسوية اى مواجهات بالحسم السريع فنرجو التكرم بترك هذا المسار ودعنا نتقدم خطوات لفتح مسارات جديدة على ان يكون هذا المسار من المسارات المخفية التي يمكن ملامستها ليكون فهمها مقصورا علي شخصى الضعيف وشخصكم السمين والعم كمال وفيصولي والسنجك لانهم رجال صنعوا التاريخ وصاروا اسماءا في حياتنا .
04-04-2008, 06:36 AM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
خالد علي محجوب المنسي
أيمن الطيب
ممدوح أبارو
أبوبكر أبوالقاسم
abubakr
GamarBoBa
محمد المرتضى حامد
محي الدين جبريل
الطيب شيقوق
فيصل محمد خليل
عبد الرحمن الطقي
sama7
أبي بكر سيد احمد
مازن الجمّال
salma subhi
mamkouna
فيس بوك
تويتر
انستقرام
يوتيوب
بنتيريست