|
|
|
 Re: عجبيييييييييي / قاموس انجليزي عربي والعكس - ميزتو بلفح منك الكليمة قبّال تتمها (Re: الطيب شيقوق)
|
هيييييييييييييع
أمانة ود شيقوق ..ما جاب االليلة..
عارفك يا سعادة المستشار..
تغيب و تجي بالدر المكنون...!
ويلا يا با شمهندس ..نحن في الانتظار....!!
سؤال يا العمدة؟؟
المصيبة دي ...بترجم لينا كلمات ( المسنوح,هييييع.كع..,معولق,مبشتن,,,,,,,الخ)
ولا كيف؟؟
تسلم يا زول ياروعة
هواري
| |
 
|
|
|
|
|
|
|
|
Re: عجبيييييييييي / قاموس انجليزي عربي والعكس - ميزتو بلفح منك الكليمة قبّال تتمها (Re: هواري نمر)
|
ود النمر كيفنك
| Quote: المصيبة دي ...بترجم لينا كلمات ( المسنوح,هييييع.كع..,معولق,مبشتن,,,,,,,الخ) |
ده اكتب ليهو (14) ذاتها شوف بترجمها ليك كيف تقول لي كليماتك الساهلات ديلاك؟
Fourteen
وكان كترت بجلسك مع راب...........ة
لقيتني كيف؟
| |
|
|
|
|
|
|
|
|
|
Re: عجبيييييييييي / قاموس انجليزي عربي والعكس - ميزتو بلفح منك الكليمة قبّال تتمها (Re: الطيب شيقوق)
|
سلامات يا شيقوق,,,
لفح الكلام قبال تمامتو دا هو زاتو البودر !!!
إستعمال القواميس الإلكترونية فى الترجمة يكون
خطرا لتغير معانى الكلمات حسب وقوعها فى الجملة,,
بعض الكلمات الإنجليزية تحمل أكثر من معنى واحد
ودونك مثلا ترجمات الأفلام الناطقة بالإنجليزية مثلا
فكثيرا ما تجد الكلام غير مطابق للترجمة المكتوبة
على الشاشة لأن المترجم قام بإستعمال معنى مختلف
وغير سليم للكلمة أو الجملة,,ولم يجهد نفسه لإيجاد
المعنى الحقيقى ,,,,
ترجمانك جميل والله وقل ربى زدنى علما,,,
وأين صديقنا خالد المنسى؟؟؟؟؟؟؟؟
مودتى يا عزيز...
| |
|
|
|
|
|
|
|
|
|
Re: عجبيييييييييي / قاموس انجليزي عربي والعكس - ميزتو بلفح منك الكليمة قبّال تتمها (Re: الطيب شيقوق)
|
عزام يا عزام
Quote: البركة يا ود شيقوق الخلا المَدردَم كلو ليمون ... نحنا بِالنسبة ليكُم < عِلوج >
وإنتُم بِالنسبة لِلخواجة حتو < عُلوج > ... |
دى مشاكلنا اكان جايناكم ما بتناسبونا واكان جيتونا برضو عندنا فيكم راي وعيييييييييك يا مشاكل بلدنا الموروثة
Quote: أكان دايِر أنضُم فوق الشمِش أقول < الشمش ده > ولا < الشمِش دي > القاعدة شنو؟
يعني بِتِتعرِف كيف؟ < الباب ده > ولا < الباب دي > ... شكيتكُم على الله صعبتو
الشغله ساي علينا ... حليل أبوي قال لي إنو إتعلم العربي بِالإنجِليزي مِن شِده
ما صعب ... |
قولوا اى حاجة بس اعترفوا بالمسنوح القال في باديتنا :-
وجدت فيك بنت عدنان دارا علمتها بداوة الأعراب
| |
|
|
|
|
|
|
|
|
|
Re: عجبيييييييييي / قاموس انجليزي عربي والعكس - ميزتو بلفح منك الكليمة قبّال تتمها (Re: الطيب شيقوق)
|
ياهو عمارك بس فالح في اللفحي يلفحك شيطان سروبة يعوج شقك
Quote: ودونك مثلا ترجمات الأفلام الناطقة بالإنجليزية مثلا
فكثيرا ما تجد الكلام غير مطابق للترجمة المكتوبة
على الشاشة لأن المترجم قام بإستعمال معنى مختلف
وغير سليم للكلمة أو الجملة,,ولم يجهد نفسه لإيجاد
المعنى الحقيقى ,,,,
|
أيمن ياحلاوي عمك ده علي كبرو وشلاقتو جاب ليه لفحي ربك يستر
والله خوفي باكر يجيبا( ضقلها يتلولح) !!!
غايتو نثبت ليه حقوا عشان شهادة عماد وبت بشير وعزازيمو وبقية المتداخلين(وش مجبور)
بالنسبة للافلام وكدا....
فعمك بيضحك لمن طاقيتو تقع لما يترجموا ليه (فكفكة ولا شتشتة) علي أساس (تباً)
ــــــــــــــــــــــــــــــــ
ياخ وين إنت؟
| |
|
|
|
|
|
|
|
|
|
Re: عجبيييييييييي / قاموس انجليزي عربي والعكس - ميزتو بلفح منك الكليمة قبّال تتمها (Re: ممدوح أبارو)
|
ود شيقوق ...
Quote: دى مشاكلنا اكان جايناكم ما بتناسبونا واكان جيتونا
برضو عندنا فيكم راي وعيييييييييك يا مشاكل بلدنا الموروثة |
وحات سيدي شفيع الله لِفِردوسو ...
شقيت البُطانة وبقيت فانوسو ...
حاضر دون أمنِيه أدوني عروسو ...
نِحن المحس البِدنينا ترانا ندوسو ...
بِت إبراهيم حيلا التقيل في دوبا ...
كواهلة .. عربًا صعيد وبادوبا ...
الشينه بتلهموها جميع بالشوبا ...
فيهُم كرمًا قديم مُش يادوبا ...
| |
|
|
|
|
|
|
|
|
 Re: عجبيييييييييي / قاموس انجليزي عربي والعكس - ميزتو بلفح منك الكليمة قبّال تتمها (Re: abubakr)
|
أبارو يا عريس,,
سلامات يا حبيب,,
بركة فى الشوفة والله,,Quote: أيمن ياحلاوي عمك ده علي كبرو وشلاقتو جاب ليه لفحي ربك يستر
والله خوفي باكر يجيبا( ضقلها يتلولح) !!!
غايتو نثبت ليه حقوا عشان شهادة عماد وبت بشير وعزازيمو وبقية المتداخلين(وش مجبور)
بالنسبة للافلام وكدا....
فعمك بيضحك لمن طاقيتو تقع لما يترجموا ليه (فكفكة ولا شتشتة) علي أساس (تباً) |
أولا هو شهر العسل دا كم شهر!!!!
بعدين بقيتو ولا لسة؟؟؟
تبا لك وصاحبك شيقا دا إنتو الجوز,,
شايفو جلاّنى عديييييييل كدا,,
وكمان الليلة متقمص ليهو شخصية وكدا(هل عرفتها يا هذا)
وأين س!!!محكم ومنسيكم ووض!!!!حكم وأبوبكركم!!!
ياخ شوق بطول شارع الزلط الشاقى الترام داك!!
مازلت منتظر تلفون محمد عوض السنى ود القبة,,,
تحياتى,,,
| |
|
|
|
|
|
|
|
|
|
Re: عجبيييييييييي / قاموس انجليزي عربي والعكس - ميزتو بلفح منك الكليمة قبّال تتمها (Re: أيمن الطيب)
|
Quote: أولا هو شهر العسل دا كم شهر!!!!
بعدين بقيتو ولا لسة؟؟؟ |
ايمنووووف نحنا ياخوي أيامنا كلها عسل نحمد الله
بالنسبة للموضوع التاني ففي طبات غريبة الايام دي علي أنواع نادرة من الفواكهه(مالقيت وش مناسب)
Quote: وكمان الليلة متقمص ليهو شخصية وكدا(هل عرفتها يا هذا)
وأين س!!!محكم ومنسيكم ووض!!!!حكم وأبوبكركم!!!
|
أجل عرفته وهل يخفي الأمر؟
المنسي عامل رايح وس!!مح باسويردو رايح وأبو بكر بجهز في اللوائج أما وط!!!حكم فشمارو فايح
(وش كالذي للصايم)
Quote: ياخ شوق بطول شارع الزلط الشاقى الترام داك!!
مازلت منتظر تلفون محمد عوض السنى ود القبة,,,
تحياتى,,, |
ولك بمثل الذي يقسم سنار نصفين
وحاتك ما لاقي طريقة بس أوعدك في الويك إند ده(حلوة؟) أمشي أفتشو ليك
| |
|
|
|
|
|
|
|
|
|
Re: عجبيييييييييي / قاموس انجليزي عربي والعكس - ميزتو بلفح منك الكليمة قبّال تتمها (Re: الطيب شيقوق)
|
عزام حسن فرح
Quote: وحات سيدي شفيع الله لِفِردوسو ...
شقيت البُطانة وبقيت فانوسو ...
حاضر دون أمنِيه أدوني عروسو ...
نِحن المحس البِدنينا ترانا ندوسو ... |
هيييييع كع حرم استحقيت النسب تعال حبابك . لكن هسع انتو يا المحس انا ادوبي ليكم كيف ؟
Quote: بِت إبراهيم حيلا التقيل في دوبا ...
كواهلة .. عربًا صعيد وبادوبا ...
الشينه بتلهموها جميع بالشوبا ...
فيهُم كرمًا قديم مُش يادوبا ... |
خليني اشرح للرطاني الكلام ده
الحيل هو الحمل او الثقل ودوبا قرية شرق ود مدنى يقطنها اهلنا الكواهلة
والبادوب والعزاز نوع من الاراضي الزراعية الاولى بتوحلك للركب في الخريف . والتانية بتجي قادل فيها ساى بسفنجتك وان كانت المطرة صابة .
الشينة البلوى او المحنة وبتلهموها يعني بتوجهوها او بتعنوا بيها
وجميع بالشوبا يعنى بتتشايلوها بالدور والشوبا عند العرب السرحة بالبهائم التي تتداول يوميا بين اصحابها
ات يا عزام المسنوح الكلام ده جبتو من وين؟
| |
|
|
|
|
|
|
|
|
|
Re: عجبيييييييييي / قاموس انجليزي عربي والعكس - ميزتو بلفح منك الكليمة قبّال تتمها (Re: ابراهيم قناوي)
|
ودشيقوق ...
| Quote: ات يا عزام المسنوح الكلام ده جبتو من وين؟ |
مَن عرِف لُغة نسابتو آمن شرهُم ... والله يا ودشيقوق
أرض الله واسعالي وكتين طاشت نار البشير وعِيارو ...
وأصلو مِتِل ناس قوش شِن بعرفو لِوزن الدهب وعِيارو ...
عَقُب القبضة شِن بِجبُرني أجاوِر البشير في دِيارو ...
طشيت في بُطانة أب سِن (8) سنة مُكَوِع فوق هباباً لي
ناجِر سِدابو مِن غابة أُم عضل وناسِج قِدو مِن حلالي
أها في تِكِوِعتي دي عيني لِلهباتي ولِلبِسالِف والجار
بهيمة جارو لِزريبة الحيكومة ... والله ما خصاني
ده كُلو عِلا الغُنا والنم والأسوم ... هازول الشي
كتير ما بِنعد ... طلقت لامِن شقيت البُطانة وحدي
ما بفرُز التور مِن البقرة ... أها نجاضة مِتِل دي
دايِر تسيها فوق بِلادِنا ... شوقك والله ...
< شَتالي إكْشتا >
| |
|
|
|
|
|
|
|
|
|
Re: عجبيييييييييي / قاموس انجليزي عربي والعكس - ميزتو بلفح منك الكليمة قبّال تتمها (Re: سلمى الشيخ سلامة)
|
سلام يا شيخ العرب، " ود شيقوق" قراء البوست الآخرين
هذه مداخلتي الأولي معك رغم كوني قارئ نهم لمعظم ما تكتبه، خاصة مماحكاتك الظريفة مع الباشمهندس أبوبكر.
أنا أقيم في أمريكا قرابة القرنين من الزمان. بصورة عامة هدا القاموس: إنجليزي/عربي، جيد، لكنه لا يخلو من عيوب. كم كبير من الكلمات الإنجليزية المعبرة عن قيم غير مادية تجيئ ترجمتها عبر هذا القاموس مبهمة و غير دقيقة. يعزي ذلك العيب لإعتماد هدا القاموس علي الترجمة المتكافئة تعبيريا. فهو يعطي المقابل العربي للتعبير الإنجليزي بحسب عدد كلماته.فإدا طلبت منه مثلا ترجمة كلمة ماللعربية يأتي حاصل الترجمة كلمة عربية واحدة مقابلة للكلمة الإنجليزية المطلوب ترجمتها، بينما يتطلب الامر ف احيان كثيرة إستعمال أكثر من كلمة في اللغة المقابلة لإعطاء المعني المطلوب في أقرب صوره.
سآتيكم بامثلة في المرة القادمة، بإذن الله
طارق الفزاري
ود زينب
| |
|
|
|
|
|
|
|
|
|
Re: عجبيييييييييي / قاموس انجليزي عربي والعكس - ميزتو بلفح منك الكليمة قبّال تتمها (Re: wedzayneb)
|
خذ مثلا، أخي الطيب، العبارات التالية:
token, and symbol
يحملون معني واحدا في هدا القاموس; " رمز "، وستحتار بالطبع في ترجمة جملة: By the same tokens
إدا كانت عبارة: tokens بصورة عامة يتشابه معناها في ذهنك بعبارة: symbol
عبارة: manipulate ترجمة بمعني: يعالج، فلربما إختلط عليك الأمر هنا، هل المقصرد المعالجة كما في عبارة: to heal, أم هي نوع آخر من المعالجة؟ و ماذا عن صفة هذه الكلمة: manipulative , كيف تترجمها إّّذا وردت في سياق جملة ما هكذا: he is very maipulative
عبارة: enigma أخذت معني ك اللغز في العربية، بينما عبارة اللغز العربية تعطي عبارة: A puzzle معناها بشكل دقيق و صائب, , و لا يمكننا البتة إستخدام عبارة: enigma لتعطي معني اللغز: أي الحدوتة.
غير أنه يمكننا إستخدام عبارة enigmatic لتعطي معني الشيئ المحير
هذه الكلمات لا يوجد مقابل لها بالعربية: monger, as it comes within this context: hatemonger
idior
moron
phenomena, phenomenology , etc
,و الأمثلة ستطول إدا إستغرقت وقتا أطولا في التحري
و الله من وراء القصد
طارق الفزاري
| |
|
|
|
|
|
|
|
|
|
Re: عجبيييييييييي / قاموس انجليزي عربي والعكس - ميزتو بلفح منك الكليمة قبّال تتمها (Re: wedzayneb)
|
للمعلومية وبشان بعديين ما يلوموني وواحدين يلطمو الخدود اي ديكشنري ي للانكليزي بتاعنا يجي من طرف العرريب دة مهكر والنت مليان ديكسرنات ناس اوكسفورد وهيرتيج يعني شغل اسيادو واسبيرات اصليه ... اها شوية كلمتين تلات كدة في الاول وبعدين دبابيب الرفاعية تطلع ليكم وتقولو ياسيدي الرفاعي؟؟؟ انا غايتو ناس ويستمنستر وملكتنا المصمون اليزابيتث الثانية وصتني وقالت لي اي امور هكر في الموضوع دة انا طوالي اتخد الخطوات اللازمة واحذر شعوب العالم وخصوصا ضد العرريب والذين يعادون الرطان...
| |
|
|
|
|
|
|
|
|
|
Re: عجبيييييييييي / قاموس انجليزي عربي والعكس - ميزتو بلفح منك الكليمة قبّال تتمها (Re: wedzayneb)
|
الاخ طارق الفزاري
يا اخي شكرا على كلماتك الطيبة ومداخلتك الرائعة
انا فعلا راجعت كلمة manipulte وجدت كلام صاح تماما عند الفعل جاءت يعالج وعند الصفة ايضا هكذا اما عندما كتبتها manipulation فجاءت بمعني مغاير تماما ولكنه صاح وهو التلاعب ويغلب استعمالها عندنا في البورصات في التلاعب ببيع الاسهم .
بس العاجبني فيهو لفحو للكلمة زى البرق وما بخليك تتمها بيتبعك بالترجمة لاي جزئية من الكلمة الكلية المقصودة طالما شكلت هذه الجزئية كلمة قابلة للترجمة كدى انت امتحنو عشان يترجم ليك الاتي :
كان نبكولاي شاوسسكو رجلا كسلانا ويحب اكل الزبادي
اها لقيتني كيف ولا بالك ما معاى يا طارق اخوى ؟
| |
|
|
|
|
|
|
|
|
|
Re: عجبيييييييييي / قاموس انجليزي عربي والعكس - ميزتو بلفح منك الكليمة قبّال تتمها (Re: الطيب شيقوق)
|
للمعلومية وبشان بعديين ما يلوموني وواحدين يلطمو الخدود اي ديكشنري ي للانكليزي بتاعنا يجي من طرف العرريب دة مهكر والنت مليان ديكسرنات ناس اوكسفورد وهيرتيج يعني شغل اسيادو واسبيرات اصليه ... اها شوية كلمتين تلات كدة في الاول وبعدين دبابيب الرفاعية تطلع ليكم وتقولو ياسيدي الرفاعي؟؟؟ انا غايتو ناس ويستمنستر وملكتنا المصمون اليزابيتث الثانية وصتني وقالت لي اي امور هكر في الموضوع دة انا طوالي اتخد الخطوات اللازمة واحذر شعوب العالم وخصوصا ضد العرريب والذين يعادون الرطان...
قال اوكسفورد وهيرتنج لكن ديل يا مسنوح دايرات ليهن واحد ممهول يفتح الدكشنري ويركب النظارة المربوطة بالدبارة ويزعج المرة بفنجان قهو ويروح يبل اصبعو للتصفح وياخد ليهو وقفات وصنات لدى بعض الكلمات ووقت يقول يحصل الكلمة النعاس يسجم خشمو
اما اللفاح ده بيكون متابعك زى كاسحات الالغام .
| |
|
|
|
|
|
|
|
|
|
Re: عجبيييييييييي / قاموس انجليزي عربي والعكس - ميزتو بلفح منك الكليمة قبّال تتمها (Re: الطيب شيقوق)
|
Quote: قال اوكسفورد وهيرتنج لكن ديل يا مسنوح دايرات ليهن واحد ممهول يفتح الدكشنري ويركب النظارة المربوطة بالدبارة ويزعج المرة بفنجان قهو ويروح يبل اصبعو للتصفح وياخد ليهو وقفات وصنات لدى بعض الكلمات ووقت يقول يحصل الكلمة النعاس يسجم خشمو
اما اللفاح ده بيكون متابعك زى كاسحات الالغام . |
عندك اعاقة اسفيرية ولذا ما بتعرف الحاصل شنو والبرنامج دة بس لانو بنضم العرريب افتكرتو المدرعة الكاسحة الحتنصر العرريب علي الاعداء .. وينكم والتكنولوجيا ياحليكم في جهلكم تعمهون ياعرريب .. اصلو في "جهلكم تعمهون " و"الجاهلون " و"الجاهلية" " كلها بنضمكم وعشانكم ..
| |
|
|
|
|
|
|
|
|
|
Re: عجبيييييييييي / قاموس انجليزي عربي والعكس - ميزتو بلفح منك الكليمة قبّال تتمها (Re: abubakr)
|
| Quote: BMW X5 , X6 OR X7 please be specific as it makes a difference |
عييييييييك يا اللخو اتاري البي ام خشم بيوت؟
عزو
البلاك خربانة ما خاتي ود النمر ما بفوت مجالسك
بالمناسبة في عبد العزيز عيسى تاني ؟ لانو ود النمر قال لي كنا في بيت عبد العزيز عيسى ومعاهم هشام هباني بمناسبة تخريج بت عبد العزيز عيسى . وانا اعلم انك انت في والجلسة دى في اميركا .
هاشم خلف الله صاحب الشعر الغنائي الحلو
كيفك يا الحبيب ؟ بزيارتك بيتنا نور وكلو زينة
| |
|
|
|
|
|
|
|
|
|
Re: عجبيييييييييي / قاموس انجليزي عربي والعكس - ميزتو بلفح منك الكليمة قبّال تتمها (Re: doma)
|
دوماااااااااااا
كيفك يا الاميرة
وحياتك اكان لم بفعل شئ خلاف لفحتو ليك وجابك لينا لكفاه
سمعت كلامك ومشيت ليهو سالتو من اورد ان كنت تعنين Award والله جيها ليك وجبتك ليك منو خبرها وقال لي قولها الاتي :
Award: الجائزة
Awardable: مستحق مكافأة
Awarded: منح
Awarder: مكافئ
Awarders: مكافئون
Awarding: المكافئة
Awards: الجوائز
هييييييييييع عافي منك ابو اللفيح حتى كمان لغتو العربية مجيهة لا بغلط في نحو ولا صرف .
| |
|
|
|
|
|
|
|
|
|
Re: عجبيييييييييي / قاموس انجليزي عربي والعكس - ميزتو بلفح منك الكليمة قبّال تتمها (Re: محمد الشيخ أرباب)
|
Quote: دوماااااا
وحاة الله ما بقصر بس انت مالك عايزة تسأليهو من اسم المليون شهيد الجزائرين
هسع انا سألتو قلت ليهو ترجم لي Doma وجاب لي الكلام ده
Domain: المجال
Domain-specific: مجال معيّن
Domains: المجالات
HostDomain: النطاقالمضيف
شوفي كيف لفحك عافي منو العشاء
[ |
اجي يا ود شيوخ البطانه انت تراكا بتسعلو بالانجليزي ؟؟؟
نان يا ود اهلي وكت دومه بتعرف متل الانجليزي دا شن بتدور بالشئ باللفاح دا ؟؟!!!
انا بسعلو بالعربي
| |
|
|
|
|
|
|
|
|
|
Re: عجبيييييييييي / قاموس انجليزي عربي والعكس - ميزتو بلفح منك الكليمة قبّال تتمها (Re: الطيب شيقوق)
|
حباب النافع !
(قول للعبيد ود ريا في رصد محاسن الناس)
حباب ود شيقوق قيدومة عربان الصعيد، و صاحب الرطاني زول الحضارات و الحق القديم
ابوبكر سيد احمد
شكرا جزيلا على قاموس (خفقة جناح الفراش)
.. كلمة اللفحي يا شيقوق بحد ذاتا
لو سمعا الشيخ الراحل (الطيب السراج) بقطع راسنا بسيفو السنين
مرة زمان ركب حصانو، و شال السيف يلمع في شمس ابوروف وقال لازم يقطع راس خالد ابو الروس
لانو سمع الكاشف بقول عن توتي في الصباح: حتى السواقي بدت تسوق !
قرر إنو يقتلو في كلمة (تسوق) الشوارعية الشترا دي
قاموس الكتروني لو سمع به (مايكل وست) لعاد من القبر تائبا" متعجبا"
بإذن الله نعيش و نشوف القاموس الإلكتروني بتاع ناس صحبك الرطاني
القاموس بتاع اللغة النوبية الفريدة (الغير سامية) ذات الاصل الهيلوغروفي، و التداخل
التبداوي
سلامي لناس مسقط فردا فرد، الامانة في الزمة يا شيقا، يعنى تعمل زي قريبك الدخل سينما كلزيوم زمان
و بدأ يسلم على ناس الشعب و اللوج فردا" فرد
| |
|
|
|
|
|
|
|
|
|
Re: عجبيييييييييي / قاموس انجليزي عربي والعكس - ميزتو بلفح منك الكليمة قبّال تتمها (Re: Abdlaziz Eisa)
|
Quote: حباب النافع !
(قول للعبيد ود ريا في رصد محاسن الناس)
حباب ود شيقوق قيدومة عربان الصعيد، و صاحب الرطاني زول الحضارات و الحق القديم
ابوبكر سيد احمد
شكرا جزيلا على قاموس (خفقة جناح الفراش)
.. كلمة اللفحي يا شيقوق بحد ذاتا
لو سمعا الشيخ الراحل (الطيب السراج) بقطع راسنا بسيفو السنين
مرة زمان ركب حصانو، و شال السيف يلمع في شمس ابوروف وقال لازم يقطع راس خالد ابو الروس
لانو سمع الكاشف بقول عن توتي في الصباح: حتى السواقي بدت تسوق !
قرر إنو يقتلو في كلمة (تسوق) الشوارعية الشترا دي
قاموس الكتروني لو سمع به (مايكل وست) لعاد من القبر تائبا" متعجبا"
بإذن الله نعيش و نشوف القاموس الإلكتروني بتاع ناس صحبك الرطاني
القاموس بتاع اللغة النوبية الفريدة (الغير سامية) ذات الاصل الهيلوغروفي، و التداخل
التبداوي
سلامي لناس مسقط فردا فرد، الامانة في الزمة يا شيقا، يعنى تعمل زي قريبك الدخل سينما كلزيوم زمان
و بدأ يسلم على ناس الشعب و اللوج فردا" فرد |
حبابك مليون يا دكتور طراوة
برق الصعيد جاب لى طراوة بجاى
ذكرنى البريدو وقعدة.. الدوباى
قارقت اللغيبش الفى الدواب جراى
وبقيت زول مدن... لا نمة لا شاشاى
هييييييييييييع عافي منك وسلامك موصول لكل واحد قدام عتبة بيتو .
عزو
انت وينك الايام دي بقيت ترمي وتختفي
| |
|
|
|
|
|
|
|
|
|
Re: عجبيييييييييي / قاموس انجليزي عربي والعكس - ميزتو بلفح منك الكليمة قبّال تتمها (Re: عبدالعزيز الفاضلابى)
|
الاخ ود الكامل
والاخ محمود يعقوب بواسطة الجنرال ود الكامل ايضا
تحايا لكم عبر هذه النافذة الاسفيرية نافذة اللفاح سريع النهمة
التحايا لكم وانتم تنقبون عن ال Other options of this device والشكر والامتنان لكم وانتم تكشفون لنا خاصية صوتية التي لم يكشف عنها جميع المتداخلين في هذا بوست اللفحي .
فهلا تكرمت اخي محمود بتنويرنا عن كيفية استخدام الصوت .
اوصيك - وانت تطلب خدمات اللفاح - بعدم اصتحاب الاطفال دون ال 18 لان الفاح عندو فلقات حارة !!! لا يتحملها الا كبار السن
الفاضلابي
وييييينك انت وحاة 14 ما تقول لي بقيت تشرب الانجليزي شراب اللفاح بيعرف حاجات كوندا ذاتها ما بتعرفها .
| |
|
|
|
|
|
|
| |
الطيب شيقوق
Emad Abdulla
هواري نمر
SHIBKA
الفاتح ميرغني
Abdlaziz Eisa
الفاتح الجنيد
عزام حسن فرح
أيمن الطيب
ناهد بشير الطيب
ممدوح أبارو
abubakr
محمد المرتضى حامد
محمد أبوالعزائم أبوالريش
ابراهيم قناوي
سلمى الشيخ سلامة
سيف الدولة كامل
نوفل عبد الرحيم حسن
طلعت الطيب
Muna Khugali
هاشم أحمد خلف الله
doma
محمد الشيخ أرباب
أحمد طراوه
عبدالعزيز الفاضلابى
فيس بوك
تويتر
انستقرام
يوتيوب
بنتيريست