|
|
|
 Re: شاهدوا منطقة الدندر على القوقل ايرث (Re: الطيب شيقوق)
|
Quote: البردانة
تبعد ربع ساعة من القويسي ، توجد مواصلات علي مدار اليوم معظم سكانها من العرب ، بها مدارس أساس ومدرسة ثانوية مختلطة ومسجد ، يعتمد سكانها في الدخل علي الزراعة المطريةواكبر عائلة فيها
عائلة امبلى ومنها دكتور امبلى عبد اللة العجب ودكتور طة امبلى بالجامعة الاسلامية ودكتور البدرى بابكر بجامعةالتقانة والمحامى الطيب شيقوق والمفتش زراعى ابراهيم احمد البشير شيقوق والقاضى امبلى بابكر بمحكمة الاستناف ولاية الجزيرة ومهندس زراعى محمدابراهيم البدوى وعيسى بتوفير المياة والاستاد على الامام مصطفى والاستاد ابراهيم بابكر ود. ادم محمد بابكروالاقتصاديين عوض بانقا وفضل المولى العوض ونميرى بانقاوالمهندس كيميائى فضل اللة احمد ابراهيما |
ياظالم ما ذكرت : عربية التيمس ولا النهر الجاف ولا القرود اصحابك الذين لولاهم لما كنت "المحامي" وبشان عمايلك دي الجماعة قالو "الفحامي ولا المحامي " ..............
| |
 
|
|
|
|
|
|
|
|
Re: شاهدوا منطقة الدندر على القوقل ايرث (Re: abubakr)
|
يزدان السودان اكبر أقطار إفريقيا مساحة بالعديد من الحيوانات البرية والطيور التى ينفرد بها ، ومحمية الدندر الاتحادية وغيرها من المحميات تقوم بحفظ هذه الثروة القومية وتتيح للسياح أجمل لحظات الدهشة والمتعة بإستكشاف اعظم مملكة للحيوانات والطيور فى أفريقيا شمال خط الاستواء . تم اعلان محمية الدندر كمحمية قومية فى بواكير 1935 ، وتقدر مساحتها ب 3500 ميلاً مربعاً . وتبعد المحمية عن الخرطوم مسافة 300 ميل ، ويمكن للزائر الوصول اليها براً . وتستغرق الرحلة بالعربات ثمانية ساعات حتى محطة القويسى ، ومن ثم مواصلة الرحلة للمحمية لفترة لا تزيد عن الاربع ساعات.
وتعتبر الفترة من يناير حتى ابريل من افضل الفترات لزيارة المحمية ذات الموقع الفريد حيث تغطيها السهول ذات الحشائش والنباتات والادغال ، بجانب البرك والبحيرات وملتقيات الانهار ، مما يخلق مناخاً مناسباً لتكاثر الحيوانات . وإتاحة الفرصة للسياح لاكتشاف ثراء الطبيعة البكر.
ومن اهم الحيوانات التى توجد بمحمية الدندر : الجاموس الافريقى ، وحيد القرن ،الافيال ، ظبى القصب ، البشمات ، ظبى الماء ، الكتمبور ، الزراف ، التيتل النلت ، الاسود ، الضباع ، النمور، الحلوف ، ابو شوك ، القط ابو ريشات ، النسانيس والغزلان وغيرها من الحيوانات الصغيرة.
اما فيما يتعلق بالطيور فإن السودان به اكثر من 983 نوعاً من الطيور من اهم الانواع التى توجد بمحمية الدندر : دجاج الوادى ، نقار الخشب ، البجع الابيض ، ابو سعن ، الغرنوق ، الرهو ، النعام وغيرها .
mangol
| |
|
|
|
|
|
|
|
|
|
Re: شاهدوا منطقة الدندر على القوقل ايرث (Re: فيصل محمد خليل)
|
اول يا الرطاني العرب الركابين في الجمال ديل كلهم بعرفهم ليك واحد واحد ولما ارجع السودان كلهم بيجوا يقولوا لي حمد الله على السلامة
فيصولي
المساحات التي تكرمت بعرضها بعرفها ليك شدرة شدرة ودى كمان محل القنيص بتاعي للصيد مش زي صيدك انت لل ...
هيييييييييييييييييع
شوف لينا عمو كمال ولا نام ؟
| |
|
|
|
|
|
|
|
|
|
Re: شاهدوا منطقة الدندر على القوقل ايرث (Re: الطيب شيقوق)
|
يا فيصل بالله مش حاجة تغيظ العرريب يخلي الجمال دة كلو ويبني بيت في ام مبدة ويهاجر الي ارض تابط شرا .. هسع ما في الثريا والواي فاي وممكن من فوق شدرة هناك حيث الجمال الرباني يشتغل مستشار بورصات وهو بيتونس مع اصحابو القرود وياكل موز بدل البرياني العمل ليهو قرحة
| |
|
|
|
|
|
|
|
|
|
Re: شاهدوا منطقة الدندر على القوقل ايرث (Re: abubakr)
|
| Quote: يا فيصل بالله مش حاجة تغيظ العرريب يخلي الجمال دة كلو ويبني بيت في ام مبدة |
والله يا الرتاني انا لما ارجع السودان واكون في امبدة بحس وكاني في الغربة بس الجابراني عليهو ظروف مدارس الاولاد وحرم مجرد ما كملوا دراستهم واتخرجوا انا تاني راجع الدندر اتحكر وسط اهلي واسمع منهم ويسمعوا منى القطيعة في الرطانة الهمل مقطوعين الراس
| Quote: ويهاجر الي ارض تابط شرا .. هسع ما في الثريا والواي فاي وممكن من فوق شدرة هناك حيث الجمال الرباني يشتغل مستشار بورصات وهو بيتونس مع اصحابو القرود وياكل موز بدل البرياني العمل ليهو قرحة |
الله يجازي محنك آ الفقر
| |
|
|
|
|
|
|
|
|
|
Re: شاهدوا منطقة الدندر على القوقل ايرث (Re: abubakr)
|
باشمهندس أصلو قالوا في المثل
مرمي الله مافي زول برفعوا
بس كمان جماعتو ناس كسرة كرهو المكتب والسكرتيرة إجو إنكسرو
لي من دغشن بدري كل واحد جادع مركبو قدامو ومكوم السفة دقار تيمس
وجط جط ويمصمص في الخشيم وإرجع يملا عينو في السكرتيرة ( أها قلتي لي
الطيب دا بجي متين ؟؟؟ بندورو لي امراً ضروري بالحيل .. وهو ماعندو التكتح )
| |
|
|
|
|
|
|
|
|
|
Re: شاهدوا منطقة الدندر على القوقل ايرث (Re: الطيب شيقوق)
|
| Quote: بس كمان جماعتو ناس كسرة كرهو المكتب والسكرتيرة إجو إنكسرو |
الفلهمة دي المودراهو .. وكت هو هناك ما كان يجيب سكرتيرة بنت البيئة والمنطقة ( مرة وحيدونة ساغرت مقديشو ودة بعدما سياد بري كان عدمها العافية وقربت تتكسح اها افتش علي وزارة فيها مكتب الامم المتحدة لقيتلي بناية هه ما فيها شي بس واحدة قاعدة قدام الباب ورابطة غنماية سالت قالو لي دة السكرتيرة اصلو سياد كان بس بشغل ناس قبيلتو في اخر ايامو من السواق الي ابدو هوش )....
| |
|
|
|
|
|
|
|
|
|
Re: شاهدوا منطقة الدندر على القوقل ايرث (Re: Tragie Mustafa)
|
تراجييييييييييييي
Quote: ود شيقوق
تسلم
وان شاء الله البردانة دفت آخير ولم تظل بردانة بعده.
شكرا لك ولخالد على الموسيقى ولكل الحضور العظيم واضافتهم الاحلى.
بوست مميز. |
الليلة يبخروووووووووووك والله يطول عمرك دفيتي البردانة الله يدفيك دنيا واخرة
يلا يا الرطاني تراجي جاتنا بوستينا ولع يا ريت اكان جاتنا مرة تاني وادت لينا البوست خجة واحدة والله يدور زى التيمس بتاعنا
شكرا ليك تاني يا بت مصطفي
| |
|
|
|
|
|
|
|
|
|
Re: شاهدوا منطقة الدندر على القوقل ايرث (Re: الطيب شيقوق)
|
| Quote: الفلهمة دي المودراهو .. وكت هو هناك ما كان يجيب سكرتيرة بنت البيئة والمنطقة ( مرة وحيدونة ساغرت مقديشو ودة بعدما سياد بري كان عدمها العافية وقربت تتكسح اها افتش علي وزارة فيها مكتب الامم المتحدة لقيتلي بناية هه ما فيها شي بس واحدة قاعدة قدام الباب ورابطة غنماية سالت قالو لي دة السكرتيرة اصلو سياد كان بس بشغل ناس قبيلتو في اخر ايامو من السواق الي ابدو هوش ).... |
نحن نضافنا في عروض وشرف مصيوووووووون
نحن ما بنقول ليك شحاد يا الرطاني نحن بنقول ليك ات متعشم
يطول عمرك يا الرطاني نزلت ود الشوبلي
منسي
والله ولعت النا و دى والله تكفر ليك كل سيئاتك الا من غيرتي عليك من سماح البقيت مشنق وقادل بيها برااااااااااااااك
| |
|
|
|
|
|
|
|
|
|
Re: شاهدوا منطقة الدندر على القوقل ايرث (Re: خالد علي محجوب المنسي)
|
| Quote: بنجيبا لي الحجبوها من عين الحسود والناس |
منسي فتح عينك دى نعل سماح جاي تقشر بيها فينا بهنا
البوست ده كلو اسود وثعابين اوع تجينا بهنا
بالمناسبة انا رسلت الرطاني جلسات فيديو من البردانة اخوك مشنق فيها وسط اهلو وبغنوا ليهو بعد شوية جاياك وتابع بس حتى الانجمامة بنزل فيها
هيييييييييع
| |
|
|
|
|
|
|
|
|
|
Re: شاهدوا منطقة الدندر على القوقل ايرث (Re: abubakr)
|
| Quote: انا داير اطقعك بدرابنا المقدس عشان تكسب الانتخابات الجاية و دة املك الوحيد بعد ضبوب الدندر ابت تصوت ليك .... |
درابكم قالوا كان زمان بجيب النواعم الفارغات من كندا عشان يكشفن سرو صاح وناس فيصولي هيييييييييييع كاجين الشرك صاح؟
| |
|
|
|
|
|
|
|
|
|
Re: شاهدوا منطقة الدندر على القوقل ايرث (Re: فيصل محمد خليل)
|
Quote: عاد منو غيرها ؟
قاعدين وخالفين كراع في كراع وبنقول ليها :
أقدلي وسكتي الخشامة وأنزلي في العوازل كي
وهي المحجوبا من عين الحسود والناس |
المنسي المسلط المسنوح خراب الديار انا هارب من مغسك الحماني النوم تاني جاي متلحنى بهنا - اخلي ليك المنبر ده ؟
ما برضى منك الا تنزل لينا الاغنية بتاعة البنية ديك بهنا البتقول المحجوبا من عين الحسود والناس كانت زمان في بوست الانجمامة على قناة هارمونى ولا الشروق ما عارف
| |
|
|
|
|
|
|
|
|
|
Re: شاهدوا منطقة الدندر على القوقل ايرث (Re: خالد علي محجوب المنسي)
|
عليك الله يا الرطاني وفيصل تابعوا الفلم الرهيب بتاع فيصل ده هو طريق قرانا للمحمية والشفع البيلعبوا وسارحين ديل يوروكم انحنا كانت طفولتنا هكذا ويا حليل مجانية التعليم .
المنسي
Quote: الزول البدور من البوادي ضريبة
ببقى موارك الغربة ويبعد الريبة
ما بندبّى لي الهاملة البشوفا غريبة
ألا السيدا في الدندر مسيلها زريبة |
داقي كراعي تااااااااااااااااح نامن جابت علال في عناك السمح في الدندر ده
يلا شغل لينا الليمونا بدل وردى
| |
|
|
|
|
|
|
|
|
|
Re: شاهدوا منطقة الدندر على القوقل ايرث (Re: abubakr)
|
| Quote: افوو....الليمونا بدل "الفرعون" وداير الرطانة يصوتو ليك في الانتخابات الجاية ..اها المرة دي الا تدخل انت في صندوق الانتخابات ... |
الاخ ابو بكر الرطاني
عليك ربك تابع الفلم بتاع فيصل خليل ده عن محمية الدندر كما هي اليوم وتخيل الثروات الموجودة في السودان والله الدندر دى اغنى من ابيي واخر المعلومات ان الدندر على بحيرة من النفط .
| |
|
|
|
|
|
|
|
|
|
Re: شاهدوا منطقة الدندر على القوقل ايرث (Re: abubakr)
|
| Quote: انا مزاجي الغنائي غير جهوي بل سوداني |
هييييييييييييع ابو رشا
عليك الرسول تورى المدام سامية محمية الدندر يمكن تنبسط وتعمل لينا اعلام بناتكم يقبلن زواج عريريب الدندر الفرسان .
ولا انتو الفرسة ما واحدة من معاييركم ؟
انا عارف معاييركم بس الواحد بيعرف انجليزى يترجم للاوربيين قداسة حجارتكم الحجر اللكسر رسيكم امشوا بلا حجار يا رطانة حابسين ليكم دراب .
تعالوا نديكم جداد وادى سوهو صالونا
| |
|
|
|
|
|
|
|
|
|
Re: شاهدوا منطقة الدندر على القوقل ايرث (Re: وضاحة)
|
Quote: خالد وووووووووووووووووب على
نفسى ارقص واديكم شبال
الطيب امسك التوب دا
اعدل براطيشى علشان اعرف ارقص كويس |
الأخت الفاضلة وضاحة وواضحا والواضح مافاضح
أولاً في التبادي سلااام والسلام مطبوق من ربوع شندي
ماجهوية لكن بنعز شديد شندي وربوعها وطولنا خلاص
أخبار شندي فوق ما جاتنا
شبالك مكمتر وفوق طريفو ودع
هيا ألكعي وأنا ياني الهازي في الدارة وتالي ضرعاتي
للبطان عشان السمحة ما بتحوق ( دي سماح يا شيقوق ) .
ودشيقوق مو زول بطان مسكي التوب البراطيش .. متعود من زمن
بعيد بمسك طرح البنيات لما يلعبن ( اركا عميى ).....وبعدها يوزعّلهن
الطحنية السارقها من دكان عمو ...
تحياتي ومودتي وضاحة
هسي بجيني زي صاقعة النج ناطي ( ودشيقوق )
| |
|
|
|
|
|
|
|
|
|
Re: شاهدوا منطقة الدندر على القوقل ايرث (Re: خالد علي محجوب المنسي)
|
Quote: ودشيقوق مو زول بطان مسكي التوب البراطيش .. متعود من زمن
بعيد بمسك طرح البنيات لما يلعبن ( اركا عميى ).....وبعدها يوزعّلهن
الطحنية السارقها من دكان عمو ... |
الليلة يا المنسي انعدل طالما جابت ليها شبال انا تاااااااااح داقي كراعي في الدلجة لحدى تتطلع علال وقول للرطانة ابعدوا انتو ما ناس حارة خلوني اجيهك ليكم الجى القلبو محدثو ده
الليلة ........... اهلك .
هيييييييييييييع وضاحة اقدلي ساااااااااى وانا مشنق الطاقية في الهامة يا دنيا ما فيك الا انا
| |
|
|
|
|
|
|
|
|
|
Re: شاهدوا منطقة الدندر على القوقل ايرث (Re: وضاحة)
|
Quote: الطيب
بتعرف تعرض زى الجعلين
والله انا جعليه راقصة بشكل
كيف ممكن انزل الاغنية فى الجهاز
عندى مزاج رقيص ياخي |
بعرف يعرض عرضة عريب الدندر سويقات السقد ويكركبن زي
جرس الدلال والسوق بارد
تعالي بي جاي علي ولاد جعل ( ماجهوية ) نسوي للعريب الكي
عرضة وصوقير ومتلفح وتوبي مجرجر سابل
أنا أخو البت اللكعّت قرن الخُمرة النازّا
علي وردان الصبوة الراكزة
الجنيات الهازّا
صدورن لازّا
ورق النص زي خيت الشللا
بالحيل آجني اي والله
| |
|
|
|
|
|
|
|
|
|
Re: شاهدوا منطقة الدندر على القوقل ايرث (Re: خالد علي محجوب المنسي)
|
Quote: الليلة يا المنسي انعدل طالما جابت ليها شبال انا تاااااااااح داقي كراعي في الدلجة لحدى تتطلع علال وقول للرطانة ابعدوا انتو ما ناس حارة خلوني اجيهك ليكم الجى القلبو محدثو ده
الليلة ........... اهلك .
هيييييييييييييع وضاحة اقدلي ساااااااااى وانا مشنق الطاقية في الهامة يا دنيا ما فيك الا انا |
وضاحة الزول العرريب إتحداني
وأنا متحزم ومتلزم وراجي ..
أها يا وضاحة وفوقي أنعكي هزّي
وكان زحيت يوم الحارا قرنك جزّي
| |
|
|
|
|
|
|
|
|
|
Re: شاهدوا منطقة الدندر على القوقل ايرث (Re: ممدوح أبارو)
|
ابارو
Quote: ود شيقوق عندك مولد متل ده وما بتدينا خبر؟
أما خبرك خبر والله؟ |
ها زول الدار دارك انت حرم ده بلد اهلك ناس الدندر الكانوا زمان رعاياكم
والله فقدناك بالحيل لكنك مشغول بالزهور والورود .
تخيل يا ممدوح جمال الدندر ومحمية الدندر اغنى من ابيي لكن اعلام تعبان بس
| |
|
|
|
|
|
|
|
|
|
Re: شاهدوا منطقة الدندر على القوقل ايرث (Re: وضاحة)
|
| Quote: شوف الطيب بحدر لى كيف خالد |
تحدر لي نسيبتو في الضلما
خلي يجي والله اقمطمو ليك فد عصا في صفحتو الحقو السمحات
وترلا وترلا
وانا بسوي
وحات ابوي انا الكي كدي
برمكي العيال تومي يا علي
سوي لي سهر الجداد ولا نومو
اصلو زولا خط واحد وبخرف سنيناتو وقعن
ورقد هرما يشرب في اللبن شوفتو لي اللحيمات
عرس بت عمو سنة التساب والسيل وخلل سنيتو بي
حنقوقة سراحها من قطية ناس عمو ومن ديك وعيك
قاعد في السلطنة يفت في لبة الرغيف بي اللبن
| |
|
|
|
|
|
|
|
|
|
Re: شاهدوا منطقة الدندر على القوقل ايرث (Re: خالد علي محجوب المنسي)
|
Quote: تحدر لي نسيبتو في الضلما
خلي يجي والله اقمطمو ليك فد عصا في صفحتو الحقو السمحات
وترلا وترلا
وانا بسوي
وحات ابوي انا الكي كدي
برمكي العيال تومي يا علي
سوي لي سهر الجداد ولا نومو
اصلو زولا خط واحد وبخرف سنيناتو وقعن
ورقد هرما يشرب في اللبن شوفتو لي اللحيمات
عرس بت عمو سنة التساب والسيل وخلل سنيتو بي
حنقوقة سراحها من قطية ناس عمو ومن ديك وعيك
قاعد في السلطنة يفت في لبة الرغيف بي اللبن |
انت والله ود حرام ومسلط الله يكفينا شرك لكن بس وضاحة دى فيها الموت
| |
|
|
|
|
|
|
|
|
|
Re: شاهدوا منطقة الدندر على القوقل ايرث (Re: الطيب شيقوق)
|
خالد
ووووووووووواى من الجعلين الماعرست جعلى الترابة فى خشمة
اها يا الطيب
بوستيك دا انشاء الله اجى بكرة القى الجماعة السياسين علقوا ليك فى صلعت بكرى ابوبكر
انا طايرة انوم طهرى وجعنى من الرقيص ومصاقرة المنتدى تصبحوا علي خير
| |
|
|
|
|
|
|
|
|
|
Re: شاهدوا منطقة الدندر على القوقل ايرث (Re: الطيب شيقوق)
|
ود شيقوق سلام
مع اني زعلانة منك جيت تاوقت لينا في بيتنا ورجعت
قبل ما تشرب العصير ولا حتى موية سكر نولفك بيها .
لكن مع ده كلو اها جيتك في بطن بيتك واتحكرت في
قلب خدرة الدندر الوريفة .
اها عاد قولك شنو ما لك زغت مننا لقيت في كلاب
في خشم بيتنا والا شنو؟
تحياتي
بت اللمين
| |
|
|
|
|
|
|
|
|
|
Re: شاهدوا منطقة الدندر على القوقل ايرث (Re: اسماء الأمين)
|
يا سلام بت الامين
كتر خيرك وربنا يخليك انا عارفك دى اول مرة تطلعي فيها لا برة على الناس والله انا بكبرها شديييييييد والحمد لله جيت عشان ابلغك حقيقة .
اول حاجة ناس فداسي احلى ناس وافهم ناس . وتمنيت اكون وسطهم على الدوام بس انا فقدت اللنك بتاعهم في المكتب وبالمناسبة في لخبطة كتيرة جدا في اسم فداسي على القوقل رغم بحثي الكتير . ايضا فقدت الباسويرد وبقيت اعجز عن المداخلة رغم ايضا تفكيري في عمل باسويرد جديد .
على اي ربنا يخليك انت واوعدك بكرة من الصباح ببوست جديد معاكم او التواصل معكم في البوست الجميل القديم الذى تداخل فيه علماء منكم ولكم وددت ان اكون جاهزا للرد على مداخلاتهم .
لك يا بت الامين اطيب الاماني
| |
|
|
|
|
|
|
|
|
|
Re: شاهدوا منطقة الدندر على القوقل ايرث (Re: abubakr)
|
| Quote: يالعرريب دي ما شنييق طولقي وتكة طويلة دي فيها جلد وسياط وكرابيج وما هي عرضة تنقز ساي ... |
والله يا الرطاني انا بتذكر لما كنت صغير بركب مع ابوى في الجمل من خلف وعندما نكون عائدين من الزراعة عادة جميع المزارعين بيكونوا كاشفين عن ظهورهم لزوم التهوية من التعب شايف ليك ضهر ابوى كلو مشخت بالسياط .
كمان اذكر زمان لما والدى يسمع الدلوكة دقت ، ولو في القرى المجاورة ، يقوم ناطي بالليييييييل عشان يلحق محل الدلوكة ويعود لينا مبسوط وضهره كلو دم .
اذكر في عام 1982 م عندما كنا طلاب في الجامعة نظمت كلية الطب جامعةالخرطوم فعالية عن التراث السوداني و قدمت خلال الفعالية ندوة في قاعة البغدادي تحدث فيها المرحوم الطيب محمد الطيب وقد احضر معه (حميراء) وهي امراة مشهورة بدق الدلوكة واخريات من بنات الشمالية . كان الحضور اساتذة من الجامعة وطلاب كلية الطب وغيرهم .
استهل الاستاذ الطيب ندوته بحديث عن الدلوكة وتاثير ايقاعها على اهلنا في السودان وحاول تقديم نموذج لذلك حيث بدات حميراء في دق الدلوكة تم تم تم تم معها خلفة دقة للدلوكة والله يا الرطاني شفت ليك اهل المنسي ديل وبالتحديد ود بادي شاعر الحلمنتيش المشهور جاء جاري ناطي من وسط القاعة وتااااااااااح دق رجله وسط الحلقة بجدية مش تمثيل وطوالي قلع ملابسو ومسك السوط من الطيب محمد الطيب وراح يضرب في رجليهو براهو وبعد شوية جوا ناطين طلاب اخرين ومسكوا السوط من ود بادي وكلهم قلعوا ملابسهم والله والله الدم كان بيسيل على البلاط والبنات قامن جاريات -
المهم بعد هدا الموقف الطيب راح معلق ليك عن تاثير الدلوكة في الشعب السوداني وكيف لا يؤثر التعليم على ذلك الوجدان المتوقد حرارة
مودتي
| |
|
|
|
|
|
|
|
|
|
Re: شاهدوا منطقة الدندر على القوقل ايرث (Re: abubakr)
|
| Quote: اها انت اجلدت واللا مع الجماعة الجرو ؟؟؟ |
لا ابدا كنت لابس بنطلون جنز مسهوك الركبين ومولع سجارة بنسون وماسك ليك المبسم وجالس اجكس في بنات البندر وقلت ليهن يلا يلا ديل فاكرين نفسهم في العصر الحجري .
بالله الرطاني الجلد ده رجالة ؟ عليك ربك الرجالة هنا ولا الرجالة في نوع وفاء الفلسطينية بتملا نفسها متفجرات وتمشى تموت في سبيل القضية الفلسطينية .
| |
|
|
|
|
|
|
|
|
|
Re: شاهدوا منطقة الدندر على القوقل ايرث (Re: فيصل محمد خليل)
|
نهر الدندر من المنبع إلي النصب
ينحدر من هضاب الحبشة ويجري في فصل الخريف ويصب في النيل الازق جنوب مدينة واد مدني قرية الربوة مابين المنبع والمصب ملحمة جريان هادرة تنقطع عندما ينقطع فصل الخريف ويصب إثناء جريانه الساقط من الأشجار (كالكيت والشاف والصفاف ) والتي يستفاد منها في تحضير العطور البلدية وفي حمام البخار عند النساء ولهذه الأشجار ذي لون اسود وحجمه كحجم الليمون وتستخدم (كجرتق الخرز لتزيين يد العريس ) وفي جوف النهر حياة صاخبة من الأسماك الكبيرة والتماسيح المفترسة ولا توجد علي ضفتي النهر جنائن بالمعني وإنما توجد جروف تربي فيها الماشية وتزرع بها الخضروات ومن أشهر الأشجار الموجودة علي ضفتيه السنط والسدر (شجر النبق ) والجميز والدليب ذات الارتفاع الشاهق تقف اعلي بقية الأشجار لتشكل منظر طبيعي خلاب ولها ساق أملس يخلو من الفروع يستخدم في سقف البناء البلدي ولها ثمار يؤكل طعمه كطعم المانجو .
تشتهر المنطقة بمحمية الدندر وهي تغطي المنطقة الجنوبية إلى الحدود الحبشية وتتجمع فيها الحيوانات المفترسة كالأسد والزراف والفيل والحمار الوحشي ووحيد القرن وأنواع من الطيور أبو مركوب ودجاج الوادي ( الدجاج الحبشي ) والحباري والنعام والصقور وأنواع كثيرة من العصافير الصغيرة والمحمية معلم سياحي هام وجاذب وذلك لتوفر الطرق المعبدة ووجود الفنادق والاستراحات المجهزة و أشهر زوارها : الإمبراطور هيلاسلاسى ، والشيخ زايد بن سلطان آل نهيان والرئيس الروماني شاوسيسكو ، ورئاسة المحمية بمدينة الدندر .
قبائل منطقة نهر الدنرد :
أشهر الكواهلة والعقلييون والحلاويون والحمدة والغلاطيون والفلاته وتمتهن هذه القبائل الرعي والزراعة .
أشهر قرى المنطقة :
الصفة الشرقية : ومن اتجاه جريان النهر وهي : دبركي – الدقاق أبو هشيم – ودالركين – دوتا – اما بضفته الغربية فتوجد قرى : نجم الدين – كاكوم – اللويسة – مدينة الدندر – القلة – جليدات – كولي ( فلاته ) – عمود – وداونسة – ودسوار .أما أشهر النظارات في منطقة نهر الدندر هما نظارة الحمدة ورئاستها في أسرة إل أبو جن بمدينة الدندر وثانيتها نظارة الكواهلة ورئاستها في أسرة إل فضل ألمرجي بقرية دوبا .
التعليم بالمنطقة :
ليس بالمنطقة كلها مؤسسات تعليم عليا وإنما مدارس ثانوية قليلة وليس لأبناء المنطقة وجود في مؤسسات الدولة العسكرية إلا فيما يسمى سابقا بقوات حرس الصيد وأغلبهم أفراد . والمنطقة فقيرة ومتخلفة اقتصاديا وخالية من الزراعة المروية بالرغم من توفر الأراضي ومصادر الري
عصام الدين نصر
| |
|
|
|
|
|
|
|
|
|
Re: شاهدوا منطقة الدندر على القوقل ايرث (Re: فيصل محمد خليل)
|
فيصولي
والله خوفتونى يبدو عندكم نية تجوا راحلين علينا شنو الاهتمام الكتيييييييير ده والله وكانك كنت ساكن الدندر الله يخليك .
| Quote: اما بضفته الغربية فتوجد قرى : نجم الدين – كاكوم – اللويسة – مدينة الدندر – القلة – جليدات – كولي ( فلاته ) – عمود – وداونسة – ودسوار |
دى بس معلومات ناقصة الحقيقة اهم القرى في ريفي الدندر هي قرية البردانة التي يسكنها ما لا يقل عن 10 الف نسمة وهي اكبر قرى الدندر على الاطلاق واكثر القرى في كافة ولاية سنار تقدما من حيت تعليم ابنائها . كان منها والى ولاية سنار دكتور امبلي عبد الله العجب ومنها رئيس الجهاز القضائي لولاية سنا ابن عمنا مولانا امبلي واول استشاري لامراض النساء والتوليد في الدندر هو البروفيسر طه امبلي الذى تتلمذ على ايدى الطبيب الرطاني المشهور جرجس . وفي اجازتي الاخيرة ذهبت مع البروف طه لنادي النوبيين بالعمارت وذلك بمناسبة تكريم البروف جرجس . واول محامي في منطقة الدندر هو العريريب .
نواصل
| |
|
|
|
|
|
|
|
|
|
Re: شاهدوا منطقة الدندر على القوقل ايرث (Re: abubakr)
|
| Quote: العرريب خليك من االكرباج والقنبلة وتعال انقز واعرض مع الجمري - دة زولا فنان شديد : |
الرطانيييييييييييييييييييييييييييييييييييييييييييييي
يا سلالالالالالالالالالالالالالالالالالالالالالالالالالام عليك والله كنت متمنى الجمرى ده القاهو وانزلو هنا
الله عليييييييييييييييييييييييييييييييييييييييك انا هسع بعرض برااااااااااااااي ومشنق
| |
|
|
|
|
|
|
|
|
|
Re: شاهدوا منطقة الدندر على القوقل ايرث (Re: ممدوح أبارو)
|
ممدوح
| Quote: ذي الفلو اللماتو غابن في الضهاري |
الله عليك ودى بس كفى منك يا لعييييييييييب
دى يا ابارو لوحة كاملة بس الرطانة ما ناقشين ات بتقول في شنو . لانهم ما سمعوا شاعر البطانة لما قال عن العيش او الذرة عندما ترتفع اسعاره
وقت ما العيش يبقى في تحسيس تلقى الفلوة للملوة جالبة قصيص
يعنى لما العيش اساعرو تتحرك في السوق تجد البنية الجميلة اليافعة عشان بس تحصل على ملوة ذرة تبيع الدهب وهو القصيص
والفلو هو بهم الصيد والضهاري هي البلدات او المزارع البعيدة من القرية
عجبتني يا قريبي
| |
|
|
|
|
|
|
| |
الطيب شيقوق
فيصل محمد خليل
abubakr
Ali Alameen
خالد علي محجوب المنسي
Tragie Mustafa
وضاحة
ممدوح أبارو
اسماء الأمين
فيس بوك
تويتر
انستقرام
يوتيوب
بنتيريست