دعواتكم لزميلنا المفكر د.الباقر العفيف بالشفاء العاجل
|
|
 حاج العوض ( للعوض المسلمى) وحاج خالد ( للمنسي) ما احلاها لكن (حاج اسامة وحاج ناذر خليفة شينات)
|
بالله يا يا جماعة تخيلوا في حاجات كدا تطوف بخيالك تخليك تشك في سلامة عقلك
بالجد اسم حاج العوض ده وحاج خالد ليها ايقاع خاص وبتذكرنا اهلنا الطيببين وكت يحلبوا البقرات ويجوك شايلين قرعة اللبن زبدها يبقبق ويقوم حاج العوض يمد ليك القرعة عشان تشرب وهو واقف ومبسوط وتقول ليهو كتر خيرك يا خالي العوض .
في هذا العام ادى فريضة اثنان من اعمامي واسم واحد سراج شيقوق والتاني بانقا شيقوق بفكر براى كيف اهلي بنادوهم
حاج سراج - ابدا ما جاية وزى الفيها بشتنة للقب حاج
وحاج بانقا غريبة عندنا لكن عندها ايقاع جميل
طيب يا (حاج ناذر) دى يا ود الخليفة يودوها وين؟
نحن ما بنخليك علا تنزل لينا مدحة الطائرة قامت بيا ونهديها لحاج العوض المسلمى
يا حليل ايام زمان
حاج العوض
حاج احمد
حاج الطاهر
حاج عبد الله
حاج الطيب
اللقب يصير لاصق معاك لحدى المقابر
عندى ولدى سميتو احمد على عمي حاج احمد البشير وراح اسم الحاج لاصق في ولدى اضطرينا نغير اسمه في شهادة الميلاد للحاج بدل احمد لان الحاج هي الاكثر استعمالا .
وتعال شوف الحريم زمان
حاجة فاطنة
حاجة امنة
حاجة بتول
حاجة سلمى ( حظك يا بت الشيخ اسمك لقيناهو ماشي)
تعال هسع شوف ايش نقول لشاهناز يلا قولوا لي الاسماء النسوية البتبشتن كلمة (حاجة)
|
|
 
|
|
|
|
|
|
|
|
Re: حاج العوض ( للعوض المسلمى) وحاج خالد ( للمنسي) ما احلاها لكن (حاج اسامة وحاج ناذر خليفة شي (Re: الطيب شيقوق)
|
الاستاذ الحبيب والشاعر المجيد سلام والف حباب قلمك وابداعك
| Quote: بالجد اسم حاج العوض ده وحاج خالد ليها ايقاع خاص وبتذكرنا اهلنا الطيببين وكت يحلبوا البقرات ويجوك شايلين قرعة اللبن زبدها يبقبق ويقوم حاج العوض يمد ليك القرعة عشان تشرب وهو واقف ومبسوط وتقول ليهو كتر خيرك يا خالي العوض . |
ودشيقوق عدت بنا لزمن السرحه بالغنم والبقر ,,, زمن حش القش بانواعه دفره وحنتوت ومليسه وغيرها من انواع القش ,,,
وكيف كان اعطاء اللبن للجيران والحبان نوعا من تبادل الريده والتقدير ,,,
اما باقي اللبن فكان يوضع في السعون ليهز هزا ليصنع منه الروب في مرحلة اوليه ثم الغباشه في المرحله الثانيه ثم السمن
في المرحله الاخيره ,, ولكن هو سمن عادي ؟؟ ما ان تتذوقه يظل مسيطرا عليك لاربع ايام برائحته المنعشه تلك ,,,
ايام يا ود شيقوق لن نقول لن تعود ,, ولكن حلوة ولن تتكرر ,,,
ساظل واقف علي طولي وخاتي عصاتي بين كتفي متابع بوست الحجاج ده مودينا وين ,,,
| |
|
|
|
|
|
|
|
|
|
Re: حاج العوض ( للعوض المسلمى) وحاج خالد ( للمنسي) ما احلاها لكن (حاج اسامة وحاج ناذر خليفة شي (Re: الطيب شيقوق)
|
حاج العوض اخوى ( هيييييييع والله حلوة حلا)
Quote: ودشيقوق عدت بنا لزمن السرحه بالغنم والبقر ,,, زمن حش القش بانواعه دفره وحنتوت ومليسه وغيرها من انواع القش ,,,
وكيف كان اعطاء اللبن للجيران والحبان نوعا من تبادل الريده والتقدير ,,,
اما باقي اللبن فكان يوضع في السعون ليهز هزا ليصنع منه الروب في مرحلة اوليه ثم الغباشه في المرحله الثانيه ثم السمن
في المرحله الاخيره ,, ولكن هو سمن عادي ؟؟ ما ان تتذوقه يظل مسيطرا عليك لاربع ايام برائحته المنعشه تلك ,,,
ايام يا ود شيقوق لن نقول لن تعود ,, ولكن حلوة ولن تتكرر ,,,
ساظل واقف علي طولي وخاتي عصاتي بين كتفي متابع بوست الحجاج ده مودينا وين ,,, |
كيفتني بالحيل وحاة الرسول كنت فاكرك زول بندر ساى ما بتعرف الكلام ده كلو وخاصة لما شفت لمة ناس المدينة في بيتك السمح والموائد السمحة حرم صينيتك فعلا صينية (حاج العوض) وحقيت الاسم بالحيل .
| |
|
|
|
|
|
|
|
|
|
Re: حاج العوض ( للعوض المسلمى) وحاج خالد ( للمنسي) ما احلاها لكن (حاج اسامة وحاج ناذر خليفة شي (Re: الطيب شيقوق)
|
لووووول دى هالة ذاااااتها
Quote: تعرف،
أنا من صغيرة،
شايله هم،
الواحدة لما تكبر و تمشى تحج،
يقولو ليها حاجة هالة كيف؟؟؟
و العجب،
حبوبة هالة،
اصلها ما بتجى،
غايتو نقوم نتصرف بعدين،
و نخليها كاجوال و لا نسوى شنو؟؟؟ |
اقول ليك حاجة يا هندسة انا يوم قابلتك في دار المحامين كنت متكيف من الهدؤ بتاعك والقدلة البرااااااااحة حقتك دى تشبه قدلة الحاجات الكريمات وممهولات مش زى بنات البندر الشلقانات هسع ديل
بس حاجة هالة وحبوبة هالة رغم سهولة النطق ولكنها تحمل الكثير من صراع الحضارات .
مودتي
| |
|
|
|
|
|
|
|
|
|
Re: حاج العوض ( للعوض المسلمى) وحاج خالد ( للمنسي) ما احلاها لكن (حاج اسامة وحاج ناذر خليفة شي (Re: الطيب شيقوق)
|
سلام حاج الطيب
Quote: لقيتك بركة وصباح خير
كدى ورين يا اللخو ات اهلك اصلهم من وين كلامك كانك قريبي طااااب
اخوك حاج الطيب |
يا اخوي قريبك دي اصلها ما بتغالطوا فيها اتنين تب ,,,,
ومن كلامك وسماحة كلامك اياك زولي واياني زولك ,,,
وكان جادت عليك بخيط العنكبوت تنقاد ,,,
وخلينا سواء وتاني ما في شئ بهمنا ,,, هيييييييييييييييع
| |
|
|
|
|
|
|
|
|
|
Re: حاج العوض ( للعوض المسلمى) وحاج خالد ( للمنسي) ما احلاها لكن (حاج اسامة وحاج ناذر خليفة شي (Re: الكباشى البكرى)
|
حاج العوض
Quote: يا اخوي قريبك دي اصلها ما بتغالطوا فيها اتنين تب ,,,,
ومن كلامك وسماحة كلامك اياك زولي واياني زولك ,,,
وكان جادت عليك بخيط العنكبوت تنقاد ,,,
وخلينا سواء وتاني ما في شئ بهمنا ,,, هيييييييييييييييع |
ومالك نان يا اللخو الزمن ده كلو مديني ضهرك ومقابل ناس البندر الما عاجباهم في اللغة دى كلها الا كلمة هناى
نحن ناس الداهي وناس حداك وناس صنقر وناس انقل لا فوق.
اها تاني عندك كلام؟
| |
|
|
|
|
|
|
|
|
|
Re: حاج العوض ( للعوض المسلمى) وحاج خالد ( للمنسي) ما احلاها لكن (حاج اسامة وحاج ناذر خليفة شي (Re: أنور سيد ابراهيم)
|
| Quote: حاجة سلمى ( حظك يا بت الشيخ اسمك لقيناهو ماشي) |
الحبيب ازيك
اصلو ياهو فاضل لى الحج والموت ود امى
زمان كان عندنا واحدة سنغالية بتجى تدق البهارات فى البيت لى حبوبة
وبتبيع لينا التسالى
اسمها سلمتو
اها سلمتو دى ياها سلمى
عندها ولد اسمه اسحاقو
ياخ كنا متصاحبين صحبة انا واسحاقو دا
لمن غلط
هو صغيرونى اصغر منى
لكن متصاحبين ونلعب سوا
وناكل سوا
لكن حجة سلمتو كانت امراة لطيفة جدا
وحنونة تبكى لاقل الاسباب
كانت بتشيل اسحقو فى ضهرا
تلقاهو نايم وراسو مدلدل لمن تحن عليهو
لمن مشيت السودان مؤخرا سالت عليها قالو رحلت من العباسية
تقول لى ما حجة سلمتو ؟
ويا سلام عليها لمن تسخى وتمشط لينا شعرنا
لكننا ما بنخليهو لانه الشعر مشدود بحمينا النوم
غايتو يابو الطيب
يوم بتكتل ليك زول
تسلم ود امى
| |
|
|
|
|
|
|
|
|
|
Re: حاج العوض ( للعوض المسلمى) وحاج خالد ( للمنسي) ما احلاها لكن (حاج اسامة وحاج ناذر خليفة شي (Re: سلمى الشيخ سلامة)
|
انور
Quote: ابدا ..انا من ست الحبايب .. كوستى ..و الحى العريق الجميل
حى المرابيع .. يا ســلااااااام...!!!!!
بس انت قول لى ..انت جيت كوستى ولا ..انا متلبّط ساكت ؟؟ |
يا اخي انا كوستس تمثل لي اجمل واروع محطة في حياتي تدربت فيها المحاماة في مكتب الاستا> عبد المحمود الحاج صالح ورغم انها سنة واحد فمازال المحامون في كوستي يت>كرون ود شيقوق .
عبرك احيي ناس المرابيع الاستا>ة التومة الجاك والاستا> مبارك صلاح وندى ابراهيم الشيخ والرشيد على عمر وعبد الرحمن هارون وادم الطويل المحامي بالمناسبة أدم ابو سارة المحامي من كوستي ساكن معاى في شقة واحدة 10 سنوات وقد كنا الاثنان نعمل في مكتب عبد المحود وانا كنت ساكن الحلة الجديدة جوار دكان عمك الزين المشهور بالفول وسكنت الدريسة ايضا وعييييييييييييييييك ارخي لي اضانك احكي ليك يا سجم .
مودتي
| |
|
|
|
|
|
|
|
|
|
Re: حاج العوض ( للعوض المسلمى) وحاج خالد ( للمنسي) ما احلاها لكن (حاج اسامة وحاج ناذر خليفة شي (Re: الطيب شيقوق)
|
بت الشيخ السمحة خلقا والجميلة فكرا والحلوة كتابة
Quote: اصلو ياهو فاضل لى الحج والموت ود امى
زمان كان عندنا واحدة سنغالية بتجى تدق البهارات فى البيت لى حبوبة
وبتبيع لينا التسالى
اسمها سلمتو
اها سلمتو دى ياها سلمى
عندها ولد اسمه اسحاقو
ياخ كنا متصاحبين صحبة انا واسحاقو دا
لمن غلط
هو صغيرونى اصغر منى
لكن متصاحبين ونلعب سوا
وناكل سوا
لكن حجة سلمتو كانت امراة لطيفة جدا
وحنونة تبكى لاقل الاسباب
كانت بتشيل اسحقو فى ضهرا
تلقاهو نايم وراسو مدلدل لمن تحن عليهو
لمن مشيت السودان مؤخرا سالت عليها قالو رحلت من العباسية
تقول لى ما حجة سلمتو ؟
ويا سلام عليها لمن تسخى وتمشط لينا شعرنا
لكننا ما بنخليهو لانه الشعر مشدود بحمينا النوم
غايتو يابو الطيب
يوم بتكتل ليك زول |
انا عارفك مما قمت ما بتعرفي تصاحبي ليك واحد كبير علا الصغار
قلت لي لما تسخى اوع تكون عندها حرنة؟
محبتي
| |
|
|
|
|
|
|
|
|
|
Re: حاج العوض ( للعوض المسلمى) وحاج خالد ( للمنسي) ما احلاها لكن (حاج اسامة وحاج ناذر خليفة شي (Re: الطيب شيقوق)
|
| Quote: انا عارفك مما قمت ما بتعرفي تصاحبي ليك واحد كبير علا الصغار |
هل تصدق انه العكس صحيح
مرة فى الاذاعة قام جانى الراحل خالد الكد
ومعاهو بالصدفة ايضا الراحل محمد سعيد القدال
وصديقى الجميل عبد الواحد كمبال
ومعاهو الراحل عثمان خالد
وتصادف انهم كلهم دخلوا الاذاعة فى لحظة واحدة
ما لقيت حته تليق بمقامهم غير مكتب صحبى الجميل خالص
استاذ صالح محمد صالح مدير الاذاعة ايامها
قعدوا واتونسوا كمان جانا استاذ عبد الرحمن احمد برضو كان صديق للكل
بعد مرقوا استاذ صالح نادانى
ـ يا بت هوى اسمعى صاحبى ليك ناس فى سنك ديل شنو العواجيز المبارياهن ديل؟
وكل اصحابى من العواجيز حكايييييين وعندهم خبرات ومفيدين
كان علم كان تجارب كان انسانية
هسى انا مالى بدافع عنى كدى ؟
النحكى ليك
يوم فى القاهرة فى جروبى اتلاقينا جماعة
دكتور محمد سعيد القدال،استاذ مصطفى عبد القادر ،دكتور على عثمان محمد صالح
دكتور عبدالسلام نور الدين، دكتور محمد الامين التوم
وديل كلهم اساتذتى لكنهم اصحابى اسوى كيف
اها جا زول صاحبنا عابر شاب وكده
قام شافنى وسط الامة دى قال لى
ـ بت الشيخ امرقى امرقى من العواجيز ديل بشربو دمك
قلت ليهو
ـ اليشربوه حلال عليهم، هسى عبد السلام نور الدين دا
مدينى بيته ساكنه فيهو لاملين لاتعريفة
القدال دا محل ما مشى وقعد كتب كتاب براجع معاهو الكتاب
بقسم لى حقى تالت ومتلت
دا غير الانسانية الفيهم
على النعمة يا ابو الطيب اختك اسعد زولة فى الدنيا
لانه ديل اصحابى حتى اسحاقو صحبى عارف اتعلمت منه
انى اكون صبورة بشكل لانه شيلة امه ليهو دى حارة وكان مازول صبور
كان نط من الربطة
اقعد عافية
| |
|
|
|
|
|
|
| |
الطيب شيقوق
العوض المسلمي
ممدوح أبارو
فيصل محمد خليل
طارق جبريل
Osama Mohammed
وضاحة
ناذر محمد الخليفة
حسن طه محمد
سلمى الشيخ سلامة
عزام حسن فرح
عبدالرحمن الحلاوي
فيس بوك
تويتر
انستقرام
يوتيوب
بنتيريست