|
دعواتكم لزميلنا المفكر د.الباقر العفيف بالشفاء العاجل
|
|
 Re: تعالوا اتفرجوا في حركات الجكس على الهاتف - هييييييييييييييييييييع (Re: الطيب شيقوق)
|
نقلا عن موقع الحلاويين
واحدة جكسوية قالت لحبيبها :-
مرت سنين هيمانه احلم يوم لقاك
تمسح الدمع الغزير مستني بس لحظة رضاك
سنيني العشته في ريدك محال يا غالي ما بنساك
عشت الحب بدون آمال ما سليت وما عشقت سواك
وقام صاحبنا رد علي الجكسوية وقال :
وكم حاولت انسى هواك وابعد حرقة الاهات
الاقي قليبي يقسى على ويتمرد يعيد الفات
حبك يا حبيب عمري منحوت فى الفؤاد نغمات
حبك سنين مرويه من موية الجروف واحات
| |
 
|
|
|
|
|
|
|
|
Re: تعالوا اتفرجوا في حركات الجكس على الهاتف - هييييييييييييييييييييع (Re: عمار زكي)
|
عمار اللذيذ
| Quote: هسع يا شيخ العرب أخير ليك تكون معانا في موقع الدادائين والثقافة العالية ولا تقعد تباري لي في الجكسات وكلام الشباب اللي أنت أصلا ما ليك فيهو أولادك عرسوا ولن تعيش جيلين خليك معانا أحسن ليك |
حدى يشعر بالسعادة ويمشي يختار الدادائية
دحين امشى جيب معاك الزاكي وود الخضر وكان لقيت طريقة كمان للمرتضى خليهو بس يجي يتاوق ويهبر.
| |
|
|
|
|
|
|
|
|
|
Re: تعالوا اتفرجوا في حركات الجكس على الهاتف - هييييييييييييييييييييع (Re: الطيب شيقوق)
|
يا أخي الحبيب وصديقي العزيز شيخ العرب إنت قاري قانون ولا فنون لأنك فنان أكثر من قانوني ضليع وأنت بهذا الفهم الفني الرفيع والحس القانوني الضليع تعتبر أحد روافد الدادائية الهمسكوشورية الفانوفينية لبترونوكشن الذي عاش في القرن السابع قبل الميلاد وأسس حركة الجعليين والشكرية ثم إنتقلت الحركة بقانون الإنتخاب الطبيعي إلى أرض البطانة في السودان وخلي حسن مكي يكمل ليك باقي القصة..................... جايينك بعد شوية ...................
| |
|
|
|
|
|
|
|
|
|
Re: تعالوا اتفرجوا في حركات الجكس على الهاتف - هييييييييييييييييييييع (Re: الطيب شيقوق)
|
..
.
طيب دى رأيك فيها شنو ؟؟
يمين 5 ايام متلحانى ..
عبدالرحيييييييييييم .. عملت شنو فى الخروف ؟؟
تانى
عبدالرحييييييييييييم : بابى بقول ليك حتجيبوا متين
ثالث
عبدالرحيييييييييييم : ما تنسى تتذكر الزول البضبح
وكل مرة ياخى انت غلطانة
ما اسمى عبدالرحيم
انت ضاربة غلط ..
خروف شنو ؟؟ البجيبو ليكم ..
انا خروف امى ما اشتريتو ..
ومصرة كل يوم تجرجر لى اسم عبدالرحيم
وتجيب سيرة الخروف ..
يمين احلف قسم من صوتها دا وحنكشتها
ابوها الخروف ماحيشفوا يجيبوا السواق ومن ضهرالبوكس وللحلة
_____________
الله يعدى الضحية دى نشوف مكنتها شنو الجاية 
| |
|
|
|
|
|
|
|
|
|
Re: تعالوا اتفرجوا في حركات الجكس على الهاتف - هييييييييييييييييييييع (Re: Safia Mohamed)
|
..
.
أزيك يا صفصف
| Quote: عم عبد الرحيم بقيت علم يعني |
علم ساى علم وجنبو خروف ..
تعالى احكى ليك حركات الاولاد كمان ..
عندى ود اختى اتخرج من صيدلة من سنة كدا بعدين
عيونو طايرة وجنو جكس وونسة تلفونات وبارتيهات ..
مؤة قال يا خال ممكن تلفونك
قلت ليهو جداً يا ابنى ..
بس تلفونك مالو ؟؟ ياخى الجكس محاصر ما برد وامو طوالى رافعه السماعة
اها ضرب الرقم ..
شوية كدا اسمع ليك نبرة ود اختى اتغيرت وصوتو علا وقعد يقول
ووين انت يا عمدة ؟؟
انت زول ما مسؤوول ؟؟؟ الناس دى منتظراك فى العيادة من الصباح
بتبالغ ياخى خلى عندك مواعيد
(والله كمية كلام وانا فاغر فاهى )
اخيرا قال
يازوووووول ؟؟
معليش اسفين .. حقك علينا الظاهر النمرة غلط
عارفه طلع شنو ؟؟
دقة الجرس اخو الجكس رفع السماعة :
الو ؟؟ منو معاى ؟؟
وود اختى هطل كلامو الكتير داك ..
اتصورى .. الحنك العجيب بدل ما يكون مذنب طلع ليك اخو البت متهم
______________
ياخى ديل عندهم فنيات مخارجة فى زمنا مافى
| |
|
|
|
|
|
|
|
|
|
Re: تعالوا اتفرجوا في حركات الجكس على الهاتف - هييييييييييييييييييييع (Re: Safia Mohamed)
|
وينك يا هدهد
Quote: فعلا يا ها حركات البنات وكمان الاولاد ما مقصرين وقالو أي بت عندها اربعة من الجكس
واحد للف
واحد للسف
واحد في الكف
واحد في الرف
فهمتهم ولا عاوزين شرح |
خصمتك بربك تشرحي لينا اترينا للسف ولا هيك؟
تبلدينا
صفية
ضحكتونا موت وحياتكم تواصلوا لينا في السوالف العسل دى
اتاريك يا تبلدينا ماك ساهل لعيييييب وناقش كل الافلام
صفية وحياتك طلعي لينا تبلدينا ده من علبو
| |
|
|
|
|
|
|
|
|
|
Re: تعالوا اتفرجوا في حركات الجكس على الهاتف - هييييييييييييييييييييع (Re: الطيب شيقوق)
|
بت زي 22 سنة كدي
دار الحوار التالي:
-اها حسع انت بصحك كدي عايزة تعقدي على الزول دة
-آيي
-يا زولة والجكس بتاعك
-الجكس دة ما فتح خشموا قال داير يعرس
خليه لشراية الرصيد
والمكاياج
والقشرة
والونسة
و هو قال معرس وما بقدر يعرسني لكن بحبني
انا طبعا ما بحب ولا واحد فيهم
لكن اهو واحد لزوم امي شابكاني عرسي عرسي
اها جبنا ليها واحد حيعقد ليها
والتاني لزوم الفرفشة والضحك والونسة
بس يا انتي نافصني واحد تقييل كدة يشتري لي عربية اصبري بلقاه ليك
-ووب علي منك لكن ما بالغتي خلاص ابقي على العريس وفكي الباقين عكس الهوا
- لا لا يا اختي هو شين
ما بطال يعني شبه مروق
لكن بس شناته دي اسوي ليها شنو
وبعدين هو الوحيد الفتح خشمه قال داير يعرس افوته يعني
وبرضو عشان ارتاح من نقة امي
واهو جكس الونسة قاعد كدة تمام
- طيب ما ممكن تلقي ليك واحد تحبيه ويكون جكس ودايرين تعرسو
انتي بتهظري ولا شنو
- يا هو دي الحاصل الداير جكس ما داير عرس والعكس صحيح نسوي شنو
انتهى الحوار
ازمة من هذه
هو هي ام مجتمع باكمله بكل ابعاده الاجتماعية الثقافية والسياسية والاقتصدية
بجد بحس انهم/هن ضحايا، وسياقهم هو الذي يقودهم الى حالة الضياع هذه
خارج النص: هو جكس يعني شنو
| |
|
|
|
|
|
|
|
|
|
Re: تعالوا اتفرجوا في حركات الجكس على الهاتف - هييييييييييييييييييييع (Re: Safia Mohamed)
|
الاخت صفية مساعد
Quote: ازمة من هذه
هو هي ام مجتمع باكمله بكل ابعاده الاجتماعية الثقافية والسياسية والاقتصدية
بجد بحس انهم/هن ضحايا، وسياقهم هو الذي يقودهم الى حالة الضياع هذه |
شكرا لطرح الموضوع كظاهره اجتماعية يتعين علينا مخاطبتها بافكارنا ورؤآنا واقلامنا واحسب ان المختصين في علم النفس والاجتماع هم الجديرين بالكتابة الينا عنها كما دعيني اشاركك الاسفسارات الاتية:-
هل هذه الظواهر تتواءم مع المجرى العادي لطبائع الاشياء؟
هل تكشف لنا غياب عاملي الصدق والامانة في التعامل مع الاخرين؟
هل هي ظواهر مرضية تحتاج فعلا لعلاج نفسي؟
هل هي ازمة ضمير ام افرازات لازمة اقتصادية؟
هل هي فن التعامل مع الاخرين من اجل احراز نتائج او تحقيق غايات ايا كانت الوسائل؟
لماذا استشرت هذه الظواهر في عصرناالحديث؟
الاخ عماد العريس
كيفك انت اكيد مجكس يا مسنوح
نواصل
| |
|
|
|
|
|
|
|
|
|
Re: تعالوا اتفرجوا في حركات الجكس على الهاتف - هييييييييييييييييييييع (Re: الطيب شيقوق)
|
| Quote: إنشـــاء الله الحسادة التولدك بنات ....... وتشيلي همهن لامن تشيبي ..... |
كدي كدي دقيقة بالله
قلت لي شنو
تولدك بنيات
واشل همهن
يعني لو وليدات مافي هم
اجي يا اخواني
حرتونا
مالن يا يومة حلاتن البنيات
وعموما بنيات وليدات يفترض انها ما بتفرق عند اي زول
ما لم
ان تكن اي البنيات شرف القبيلة ولذلك نشيل همهن ام ان كن اولا واخيرا اناس داخل كل انسان
فلا يوجد هام خاص بهن وانما هم الابناء والبنات يتساوى
ولا ما كدي يا عواطف يا اختي هي كان فغي شييب راس بشيب من البورد دة ما من هم البنات
| |
|
|
|
|
|
|
|
|
|
Re: تعالوا اتفرجوا في حركات الجكس على الهاتف - هييييييييييييييييييييع (Re: ممدوح أبارو)
|
ابارو السجم
خلي بالك كويس يا مسنوح ده بوست بيحكي عن ظواهر اجتماعية مزعجة ولنا ان نتساءل؟
هل هذه الظواهر تتواءم مع المجرى العادي لطبائع الاشياء؟
هل تكشف لنا غياب عاملي الصدق والامانة في التعامل مع الاخرين؟
هل هي ظواهر مرضية تحتاج فعلا لعلاج نفسي؟
هل هي ازمة ضمير ام افرازات لازمة اقتصادية؟
هل هي فن التعامل مع الاخرين من اجل احراز نتائج او تحقيق غايات ايا كانت الوسائل؟
لماذا استشرت هذه الظواهر في عصرناالحديث؟
محبتي
| |
|
|
|
|
|
|
|
|
 Re: تعالوا اتفرجوا في حركات الجكس على الهاتف - هييييييييييييييييييييع (Re: ممدوح أبارو)
|
أبـارو ياصاحب ...
ســـلامات ومشتاقين ياخ ... مالك طولت الغياب ...
| Quote: عماد ياخ ما تعقل صاحبك ده |
بصراحة كده غلبني خااااالص ... عاد بعد الكبر ده تااااني ما أظنو يتغير .. من شب على شيء شاب عليه .... الله يديك الصبر بس ... شيال تقيلة ياابارو .... وعيدك سعيد وكل سنة وانت طيب مع خالص الامنيات .....
مودتي لصاحب البوست وزوارة ...
تمريرة :
عطوفة لكن الفيك اتعرفت ... أصبري وحتماً ح نلتقي انشاء الله .. وبوريك إيا .... 
| |
|
|
|
|
|
|
|
|
|
Re: تعالوا اتفرجوا في حركات الجكس على الهاتف - هييييييييييييييييييييع (Re: Safia Mohamed)
|
يا ود شيقوق أنت ياصحبي ما لك ومال الجكس 
أنت أحكي لينا عن حِجوات الحبوبات وكده خلينا نرجع للجزور هسي شفت ليك حبوبه جكست  لناااس القدرنا وبس .
وعن محن الجكس فهي بلا شك زي كورة مريخ هلال اللعبه الحلوة في لحظتها وبس ،وجنس أستنكاحات المشكله الواحد فاهم وبيمشي بي مزاجوا.
لك التحية ولمنتدي الحلوين مليون سلالالالالام واصل ياسيدي ومنكم نوزع الصكوك للأجيال القادمه.
،،،،أبوقصي،،،،
| |
|
|
|
|
|
|
|
|
|
Re: تعالوا اتفرجوا في حركات الجكس على الهاتف - هييييييييييييييييييييع (Re: طارق جبريل)
|
الموضوع يختلف بإختلاف الزمان والمكان
فالجكس قديماً كان يرضي بغمزه عين من أحدهم
حتي المكان كان إما علي ضهر الاسكيف وهن يرمين الحصي في مياه الترعة
ويترنمن حين يأتي أخو البنات مشنقاً طاقيتة ومظهراً لحجباتة في خيلاء
كان كل شيء بسط وصادق .
أما الآن وبعد ظهور الديقتال والانترنت والموبايل
وأمواج والرفيرا فالوضع سيختلف حتماً
ستجد الكذب والمواسير (مسطلح للشرة)
| |
|
|
|
|
|
|
|
|
|
Re: تعالوا اتفرجوا في حركات الجكس على الهاتف - هييييييييييييييييييييع (Re: طارق جبريل)
|
ده زمن العولمه ياسى شيقوق
لكن فى زمانك زمن الجهولة أكان الله فتح ليك بى جكسويه واحدة بس تكون محظوظ
والزيك كان بيحرس البير
والا يقيف فوق قيفة البحر ينتظر بنات الحلة يجن شايلات الصفائح واردات
ويشحد فى الله تكون فيهن البت العاجباه ،،،
والموبايل كان:
نظرة منه : ألو ...
نظرة منها: أهلا ...
بسمة منه : انا معجب بيك
بسيمة منها : انا زاتى
بعدها يقعد يتمرصع وينكرش
ويحس الدنيا ما سايعاك
ولو كان محظوظ يشوفا بعد داك فى حفلة عرس
الباقى تمو براك ....
من دفاترك القديمة الملانه !!!
| |
|
|
|
|
|
|
|
|
|
Re: تعالوا اتفرجوا في حركات الجكس على الهاتف - هييييييييييييييييييييع (Re: الطيب شيقوق)
|
ود الجنيد الموسوعة
كييييييييييييفك
Quote: لكن فى زمانك زمن الجهولة أكان الله فتح ليك بى جكسويه واحدة بس تكون محظوظ
والزيك كان بيحرس البير
والا يقيف فوق قيفة البحر ينتظر بنات الحلة يجن شايلات الصفائح واردات |
وما تنسى زيارة المستشفيات والكواسة المغربية للعجول والطاحونة بعد الناس خلوا المراحيك وحبس الطير وعيييييييييييك
Quote: نظرة منه : ألو ...
نظرة منها: أهلا ...
بسمة منه : انا معجب بيك
بسيمة منها : انا زاتى |
وحياتك تخصص عديل
Quote: ولو كان محظوظ يشوفا بعد داك فى حفلة عرس
الباقى تمو براك .... |
نوم قفا تميتها ليك طااااااااب وبحكي ليك بالتلفون بعدين ولا هيك؟
| |
|
|
|
|
|
|
| |
الطيب شيقوق
عواطف ادريس اسماعيل
محي الدين جبريل
ناهد بشير الطيب
خالد علي محجوب المنسي
Abdlaziz Eisa
فيصل محمد خليل
هاشم أحمد خلف الله
هويدا شرف الدين
Safia Mohamed
Magdi Ahmed Elsheikh
ممدوح أبارو
مجدي عبدالرحيم فضل
طارق جبريل
الفاتح الجنيد
حسن طه محمد
سامى عتبانى
ناذر محمد الخليفة
yasir tamtam
وضاحة
عمر صديق
فيس بوك
تويتر
انستقرام
يوتيوب
بنتيريست