|
|
 بوح بالممنوع..... الطيب شسقوق مهكر ومحتار
|
منذ احداث التهكير الاخيرة في البورد يعاني الزميل الرائع الطيب شيقوق من اثار تهكيرية غريبة فقد دخل علية شخص عبر المسنجروفي الياهو صاقرو يوميا تقريباوحدثوا بكل تفاصيل حياتو منذ ان كان طفلا وحتى بلغ سن الفطام ثم عبر مسيرة حياته الاكاديمية حتى بلغ ما بلغ من شان في الحياة العامة والخاصة..... الطيب شيقوق يسمية بالهكر .. وصارت هذه الكلمة ديدنه في صباحه ومسائه وصار يتوجس تهكيرا من اي شئ حتى من المتداخلين على بوستاته الرائعه.... ففي احد البوستات اتهم احد المتداخلين واسمه سيد وبدون سبب بانه هكر .. ولان الهكر يعرف كل شئ عن الطيب فقد شكل ود شيقوق لجنة عليا برئاسة السيدة الفضلى ام عبدالله لمناقشة المسالة ومحاولة فك سر هذا الشخص الغامض.... ود شيوق في بوحه يقول بان هذا الهكر شخص مهذب مثقف عف اللسان يعرف كل تفاصيل حياته.... ولكن الشمار كاتل الطيب لمعرفة هذا المجهول ... نصحته بالاستعانه باصدقائة في البورد بما لهم من خبرة فنية ... ولكن قال ( عاوز الرطانه يشيلو حالتي) وهكذا الطيب مابين شمار الهكر الفامض والخوف من الرطانه لو ضرب لستك ينط ويقول هكر..... صارت عنده ( هكر فوبيا)
|
|
 
|
|
|
|
|
|
|
|
Re: بوح بالممنوع..... الطيب شسقوق مهكر ومحتار (Re: عبدالله)
|
الاخ عبد الله
والله بالجد الراجل ده حيرني جدا فعلا يعلم كل تفاصيل حياتي من الدندر مرورا بالحوش وجامعة الخرطوم وكوستي ومسقط الاولى ومسقط الثانية وكمان ادارة سوق مسقط وكمان العمال الشغالين في بيتي .
تعامل معي عبر الياهو مسنغر باسم عبد الله ( ابو رزاز) في حين يكون ابو رزاز الاصلا في قائمتي معه في نفس اللحظة -
هو هكر واعي مثقف جدا يعلم كل اصدقائي طريقته في التعامل راقية جدا وفكرو صفوي جدا لا يمل اطلاقا.
| |
|
|
|
|
|
|
|
|
|
Re: بوح بالممنوع..... الطيب شسقوق مهكر ومحتار (Re: عزام حسن فرح)
|
الاخ عزام تحياتي وكل المودة
البركة دي مباركة على التهكير
ولا البركة دي كفارة
لو يوم شفت اللجنة العليا برئاسة ام عبدالله وهي تناقش موضوع الهكر بتاع ابوعبدالله
وتضع في الاحتمالات وتناقش فيها واحد واحد
تجي تكفر طوالي لود شيقوق..... ورغم انو الموضوع من ناحية فنية ليست هكر بالمعني الدقيق
الا ان المحير الطيب انو الزول دة جاب ليه صورة التي اختفت من المنبر العام
بعدين حسب قول الطيب انو في رطانة في المنبر العام هو شاكي فيهم
بس خايف يصرح
| |
|
|
|
|
|
|
|
|
 Re: بوح بالممنوع..... الطيب شسقوق مهكر ومحتار (Re: فيصل محمد خليل)
|
السلام عليكم يا سادة,,,
الطيب شيقوق صديقى اللدود,,,,
الهكر الخلاك تهلوس دا,,,,,,
ما بنخليه,,,,,
ما تهرش بس إنتا فتّو هنا,,,
وخليك و!!!!!ضح,,,
تحياتى..
| |
|
|
|
|
|
|
|
|
|
Re: بوح بالممنوع..... الطيب شسقوق مهكر ومحتار (Re: أيمن الطيب)
|
ايمنووووف
يا اخي الشوق ليك بحور يا جافي
Quote: الطيب شيقوق صديقى اللدود,,,,
الهكر الخلاك تهلوس دا,,,,,,
ما بنخليه,,,,,
ما تهرش بس إنتا فتّو هنا,,,
وخليك و!!!!!ضح,,, |
عندي شك يكون الهكر انت ده المسنوح
احسن ليك تجيني بالباب عديييييييييييل عشان تشوف الويل
| |
|
|
|
|
|
|
|
|
|
Re: بوح بالممنوع..... الطيب شسقوق مهكر ومحتار (Re: الطيب شيقوق)
|
أخى وصديقى حافظ ,,
كيف حالك ,,
والله الشوق ليكم كيمان كيمان ,,
ياخى ,,
ده احلى بوست اشوفو مما لميت على المنبر ده ,,
اشوف فيه يوم ,, شيقا الشوم
دا كلو من المقابضة والشيباق والريباق
زولك يقابض تقول راميه(جمل) مع انو فات فيه الفوات ,, وغنايو مات ,,
*****************************************************************
ياودخليل اتهكر شيخ العرب ان شاء الله ثابت اجرو
كيف الشورة يالرطانة خلا الإسفير بلا الطيب منو البعقرو
شيقا سالك فى دا الدريب صباباتو جابن خبرو
ومن يوم جاهو القرين لزم سبحتو واعلن توبتو البقا ليه من دهرو
هذه الابيات مهداة لشيخ العرب ودشيقوق يتصبر بيها لحين زوال الغمة.
البارح براى وكتين الخلايق هاجعه
طافت روحى جات بى دياركم راجعه
وكتين شافت الزول اب بسيمتا ناجعة
اب حسا حنين متل القمارى الساجعة
ابت الجية حلفت يمين ما راجعة
******************************
البارح براى بعد العصير بى حبة
شفته الاخدر الليهوالعيون تدبه
وكتين اتلفت ورصاص عيونو انكبه
روحى ابت تروق وعقلى طشه وغبه.
*****************************
هـــــيييييييييييييع
(عدل بواسطة عبدالعزيز الفاضلابى on 02-18-2009, 11:07 PM)
| |
|
|
|
|
|
|
|
|
|
Re: بوح بالممنوع..... الطيب شسقوق مهكر ومحتار (Re: عبدالله)
|
Quote: ما بنخليه,,,,,
ما تهرش بس إنتا فتّو هنا,,,
وخليك و!!!!!ضح,,,
تحياتى.. |
ايمن الطيب سلام
اوع من فتو دي
القصة فيها كلام كتير ما بنقلب هنا تب
بس الراجل ساعدوة بدون قلب كلام
| |
|
|
|
|
|
|
|
|
|
Re: بوح بالممنوع..... الطيب شسقوق مهكر ومحتار (Re: عبدالله)
|
Quote: اشوف فيه يوم ,, شيقا الشوم
دا كلو من المقابضة والشيباق والريباق
زولك يقابض تقول راميه(جمل) مع انو فات فيه الفوات ,, وغنايو مات |
الفاضلابي
ايها الجميل من الزمن الجميل تحية مودة ومحبة
انت عارف طبعا شيقوق وقد انتقل من تكنلوجيا اللاندروفر ابومنفلة بتاع ناس حرس الصيد الفي الحظيرة
الى تكنلوجيا ( مايكروسفت فستا)
اها زمان ابومنفلة داك اي شئ يحصل فيه بيتلتق من هنا وهناك
شئ كوز صلصلة قديم للعادم
وشئ قصدير سجاير للكتاوت
لكن صندوق الحاوي البجيب قصص الدنيا والعالمين ده
بقي يجيب الهكر للناس في عبهم
وجوة اوض نومهم
هكر ود شيقوق مشكلته ماسك ملفات كتيرة جدا
وعندو معلومات وصور كمان تحير
يوم يقول للطيب الونسة الدندر
ويوم الونسة امدرمان
ويوم مسقط
وفي كل واحدة عندو عناوين فرعية كمان
وما بعيد يكون كلموا حتى عن صاحبو عبدالعزيز الفاضلابي
الطيب ما خلى زول ما تهموا
وهسع هنا في البوست دة اتهم واحد من التداخلين
| |
|
|
|
|
|
|
|
|
|
Re: بوح بالممنوع..... الطيب شسقوق مهكر ومحتار (Re: عبدالله)
|
فاضلابي
Quote: البارح براى وكتين الخلايق هاجعه
طافت روحى جات بى دياركم راجعه
وكتين شافت الزول اب بسيمتا ناجعة
اب حسا حنين متل القمارى الساجعة
ابت الجية حلفت يمين ما راجعة
******************************
البارح براى بعد العصير بى حبة
شفته الاخدر الليهوالعيون تدبه
وكتين اتلفت ورصاص عيونو انكبه
روحى ابت تروق وعقلى طشه وغبه |
.
نمّك الحلو ده بيشبه نم الهكر ذاتو انا خايف يكون الهكر ده انت لانو مافي حد عارف المعلومات العندو غيرك يا مسنوح
اطلع بالاصبع الصغير يا سجم
| |
|
|
|
|
|
|
|
|
|
Re: بوح بالممنوع..... الطيب شسقوق مهكر ومحتار (Re: الطيب شيقوق)
|
عبد الله
Quote: هكر ود شيقوق مشكلته ماسك ملفات كتيرة جدا
وعندو معلومات وصور كمان تحير |
ات عارف ايام العطل الفني لسودانيز اونلاين الهكر كان معاى على الياهو مسنغر . تخيل انا ما قادر ادخل المنبر العام بسبب العطل الفني لسودانيز او لسبب التهكير الاصاب المنبر. تخيل زولك ده معاى على المسنغر بصورة مهذبة جدا باسلوب راقي جدا يقوم يقول لي ود شيقوق دخلت المنبر؟ قلت ليهو ما بقدر متعطل المنبر. قال لي طيب محتاج لاي معلومة منو ؟ قلت ليهو عندى بوست عن مدينة صحار فيهو صوري محتاج اشوف الصور دى . تخيل بيعمل شنو يدخل المنبر ويتناول ملف الصورة ويقول لي هاك يا ود شيقوق على الطلاق زولك نقل الصور كلها على المسنغر بالياهو .
والاكتر من كدا شال صورة انا لابس فيها جلابية وعمة وعملها صورتو هو على نافذة المسنغر.
اها يا بكري تاني منبرك ده ما عندو ضمان
| |
|
|
|
|
|
|
|
|
|
Re: بوح بالممنوع..... الطيب شسقوق مهكر ومحتار (Re: الطيب شيقوق)
|
ايوووووووووووا ما تقول كده وانا اقعد اضرب اخماس في اسداس واقول الزول ده مالو علي انا اول مرة اتداخل معاه يتهمني بالتهكير كده فعلا عرفت انه ضايعليك هكر بالمناسبة يا الطيب فيصل ده قريبي والمربي الجليل المعاكم في مسقط استاذي ايضا قريبي ورطاني على السكين وتعبت عشان اكتب الكلمتين ديل بالعربي واظن بعد المعلومات دي ما ممكن اكون هكر اها بعد كده شوف اللي بعدي
سلامي وودي الاكيد
| |
|
|
|
|
|
|
|
|
|
Re: بوح بالممنوع..... الطيب شسقوق مهكر ومحتار (Re: علي سيد همد)
|
اخي على السيد حمد
ايوا اتاريك من إند الرتانة
الله يخليك
Quote: ايوووووووووووا ما تقول كده وانا اقعد اضرب اخماس في اسداس واقول الزول ده مالو علي انا اول مرة اتداخل معاه يتهمني بالتهكير كده فعلا عرفت انه ضايعليك هكر بالمناسبة يا الطيب فيصل ده قريبي والمربي الجليل المعاكم في مسقط استاذي ايضا قريبي ورطاني على السكين وتعبت عشان اكتب الكلمتين ديل بالعربي واظن بعد المعلومات دي ما ممكن اكون هكر اها بعد كده شوف اللي بعدي
سلامي وودي الاكيد |
اها كدا عايزك تكون عرفت الحاصل وحياتك انا بقيت كان نائم مع ام اولادى اشك في انها هكر
| |
|
|
|
|
|
|
|
|
|
Re: بوح بالممنوع..... الطيب شسقوق مهكر ومحتار (Re: ناهد بشير الطيب)
|
ناهد
ازيييك
Quote: طيب مايخدمنا ....طالما واسطاته قوية كده
عندى اتنين اخوان عزاز على عايزين عضوية
اها كيف الشورة بالله |
اكتبي طلباتك وانتظري في الصف شايف وضاحة برضو مطرودة برة من زمان دى حتلقوها جواكم في المنبر بدون اذن بكري
عبد الله
شفت كيف - قد ينعم الله بالبلوى وان عظمت
| |
|
|
|
|
|
|
| |
الطيب شيقوق
عزام حسن فرح
فيصل محمد خليل
أيمن الطيب
عبدالعزيز الفاضلابى
علي سيد همد
ناهد بشير الطيب
فيس بوك
تويتر
انستقرام
يوتيوب
بنتيريست