|
دعواتكم لزميلنا المفكر د.الباقر العفيف بالشفاء العاجل
|
|
 Re: أشكو إليكم الطيب شيقوق ... (Re: الطيب شيقوق)
|
يالطيب .. غيرت راي وانا المشتكيك لخلق الله .. ياخي ليك اسبوع واخر دعايات عن رحله العمر ومشوار السنيين وبعد دة كلو كام سطر عن رحلة من القرية للدندر وكلها اقل من عشرة كيلو وفطور في الصفرة وقعدة تحت شجرة سنط وخلاس ... وزواج هندي ل "بججا" ...
الواحد من الدغش يشوف الرحلة وصلت وين ويلقاك في الصفرة ويرجع اخر الليل يلاقك مسطح تحت السنط ... دي رحلة شنو ؟ ده ومشوار سنيين وكلها يوميين..
اونطة في اونطة ولا رحله ولا حاجة ...ولا بتاع بادية ولا حاجة .. دعاية ساي
مودتي
ابوبكر
| |
 
|
|
|
|
|
|
|
|
Re: أشكو إليكم الطيب شيقوق ... (Re: abubakr)
|
| Quote: اونطة في اونطة ولا رحله ولا حاجة ...ولا بتاع بادية ولا حاجة .. دعاية ساي |
كتلتني بالضحك انا يا اخوانا مربوط بشغل مكثف عايز انجم حبه بكتب ليكم في خميس جمعة سبت خلوكم معانا بس .
انت عايز ليك سبب تحيي البوست ده بعد سيده نفض ايدو منه مالك . طيب خليهو وحيكون احلى بوست في الدنيا . وعندى اقتراح نعمل البوست ده لمداخلاتكم في بوست رحلة عمر لانكم هناك ما بتخلونى اكتب ليكم.
اتفقنا ؟ تانى الواحد يتابع بهناك لكن يعلق بهنا بس.
مودتى
| |
|
|
|
|
|
|
|
|
|
Re: أشكو إليكم الطيب شيقوق ... (Re: الطيب شيقوق)
|
| Quote: كتلتني بالضحك انا يا اخوانا مربوط بشغل مكثف عايز انجم حبه بكتب ليكم في خميس جمعة سبت خلوكم معانا بس . |
ياخي دي بورصة عمان ما بورصة نيويورك ؟؟ والبورصات في المنطقة كلها نضمي وقهوة وشاشات كمبيوتر ..شغل شنو ..ياخي انا بناء واهو موجود ومستعد اكتب لك معلقة ...القصة ما ربطة شغل لكن ورطة دخلت فيها روحك باسم رحلة العمر و مشوار السنيين ومن الطمع ما اكتفبت بواحدة قلت رحلة ومشوار يعني انت في الرحلة كنت راكب قطر وفي المشوار كعابي ؟؟
مودتي
ابوبكر
| |
|
|
|
|
|
|
|
|
|
Re: أشكو إليكم الطيب شيقوق ... (Re: abubakr)
|
القصة ما ربطة شغل لكن ورطة دخلت فيها روحك باسم رحلة العمر و مشوار السنيين ومن الطمع ما اكتفبت بواحدة قلت رحلة ومشوار يعني انت في الرحلة كنت راكب قطر وفي المشوار كعابي؟؟
ضـحكتني كتير ياأبو بكر ...
سـيد البوست وين?
لازم يجي علشان يضحك
| |
|
|
|
|
|
|
|
|
|
Re: أشكو إليكم الطيب شيقوق ... (Re: abubakr)
|
تصدق يا الطيب وقعت في أصغر مقلب حفره ليك قرض.
وتفتكر لو هو ولا أناولا الباشمهندس لو كنا مصدقين بنسبة
واحد من مليون بجدية الموضوع تفتكر كان في واحد دخل
علق على موضوع زي ده ... كان يمكنك أن تفجر منها
ملايين الطرف والنكت ... لأنه الموضوع لو جد ما كان
في أي زول بقدر يفتحه ... يا شيح العرب لو ما عارقنك
شيخ عرب وراضع الكرم مع الحليب ما كنا مزحنا مزحات زي دي
لوكان الزول معروف بأي حاجة وجاء واحد هظر حوالينا
ساي ... الناس كلها بتجري عديل كده... ونحن يا شيخ العرب
خاتينك للكبيرة .... كدي حسع خلينا نتابعك في بوستاتك
البنطط فيها دي وما قادرين نحصلها..
| |
|
|
|
|
|
|
|
|
|
Re: أشكو إليكم الطيب شيقوق ... (Re: محمد ابراهيم قرض)
|
Quote: سـيد البوست وين?
لازم يجي علشان يضحك |
يامني .. زولنا زي البتشوبرو في برنامج "اربح المليون " حافظ ليهو شوية نضمي وقت راحن استعان باصدقاء وما نفعت الحين جاب ابن عمو من الدمام ؟؟اهو يخسر الالفيين الكان لاقاهم في الاسئلة العامة الساهلة ودحين يخسرهم ويرجع كعابي من لندن الي مسقط وياهاتبقي رحلة عمر ومشوار سنيين "صدج"
| |
|
|
|
|
|
|
|
|
|
Re: أشكو إليكم الطيب شيقوق ... (Re: abubakr)
|
| Quote: يامني .. زولنا زي البتشوبرو في برنامج "اربح المليون " حافظ ليهو شوية نضمي وقت راحن استعان باصدقاء وما نفعت الحين جاب ابن عمو من الدمام ؟؟اهو يخسر الالفيين الكان لاقاهم في الاسئلة العامة الساهلة ودحين يخسرهم ويرجع كعابي من لندن الي مسقط وياهاتبقي رحلة عمر ومشوار سنيين "صدج" |
ارد على منى ولا الفاروق ولا ابي بكر
ليدس فرست منى كتر خيرك على الطلة الجميلة وكان عايزة الفرحة والسعادة والضحكة بس يتلحوك ناس ميرغنى المامون واحمد حسن جمعة ديل .
الفاروق على الطلاق اكان ما طليت راكب جاييك في ابو ظبي عديل والبوست بقى سائب ما عنده سيد امرحوا فيهو ساى انشاء الله تغنوا فيهو قام يتعزز اليمون عشان بالغنا في ريدو.
الباش كلامك في بورصات الخليج تقول قاريهو فعلا تصفح الواد يملس ليهو في جواب من سطرين اسبوع كامل . اكتب كلمتين واطل المنبر اشوف الباش كتب شنو والفاروق طل ولا ما طل .
خليكم لي هنا بس ما تجوا على مشواري خلونى امشى فيهو القيد حرن كية على المابينا.
ودى
| |
|
|
|
|
|
|
|
|
|
Re: أشكو إليكم الطيب شيقوق ... (Re: abubakr)
|
[| Quote: B]الفاروق على الطلاق اكان ما طليت راكب جاييك في ابو ظبي عديل والبوست بقى سائب ما عنده سيد امرحوا فيهو ساى انشاء الله تغنوا فيهو قام يتعزز اليمون عشان بالغنا في ريدو. |
منى وابوبكر وعلاء
الزول ده عايز يعملني سبوبة
| |
|
|
|
|
|
|
|
|
|
Re: أشكو إليكم الطيب شيقوق ... (Re: فاروق حامد محمد)
|
Quote: منى وابوبكر وعلاء
الزول ده عايز يعملني سبوبة |
والله ما سبوبه حاشاك وتاني سبوبة في شنو انا وقرض بقينا صافيين . عطرتكم ده شوفوا محل تدقوهوا فيها.
نادوا قرض قولوا ليهو تعال ساى الداير يقولو يقولو ( دى منى خوجلي قالت كده وما بسمع غيرها ام آيه) لانها توسطت واصلحت ذات البين مش زيكم انتو يا ميرغنى المامون واحمد حسن جمعه شايلين عطر منشمكم وحايمين بيهو .
| |
|
|
|
|
|
|
|
|
|
Re: أشكو إليكم الطيب شيقوق ... (Re: الطيب شيقوق)
|
يالطيب ...
| Quote: نادوا قرض قولوا ليهو تعال ساى الداير يقولو يقولو ( دى منى خوجلي قالت كده وما بسمع غيرها ام آيه) لانها توسطت واصلحت ذات البين مش زيكم انتو يا ميرغنى المامون واحمد حسن جمعه شايلين عطر منشمكم وحايمين بيهو |
.
كان ما الثنائي انت كنت دحين مورط ما تعرف شن تسوي لو جاتك نزلة او انفلونزة لانو كل الدكاترة كانو مجتمعيين امس ولولا وساطتنا كان قرارتم خلتك في خانة اليك ؟ انت بكترة نطيطك اكيد تشقلب وتقع مرة تانية بعدين نشوف ام اية تسوي ليك شنو ؟؟
| |
|
|
|
|
|
|
|
|
|
Re: أشكو إليكم الطيب شيقوق ... (Re: الطيب شيقوق)
|
Quote: B]الفاروق على الطلاق
ياخي يا مولانا نحن بنتكلم على الحليفة!!!!!!!!!!!!!!!!!
قرض عارفينه بهظر وعارفين انك حنين وكلك حسن نية
الطيب أخوي في بورصتكم دي ما بتلقى لي أسهم كيوبيد ما غالية ؟؟؟
| |
|
|
|
|
|
|
|
|
|
Re: أشكو إليكم الطيب شيقوق ... (Re: محمد ابراهيم قرض)
|
| Quote: انا وقرض بقينا صافيين .. |
نحن متين يا الطيب كنا معكرين ...
نحن في بلد واحدة و ما أظن نختلف ..
بس انت أديني أسرار هواك ..
بحفظ حروفها حرف حرف ....
| Quote: نادوا قرض قولوا ليهو تعال ساى الداير يقولو يقولو ( دى منى خوجلي قالت كده وما بسمع غيرها ام آيه) لانها توسطت واصلحت ذات البين مش زيكم انتو يا ميرغنى المامون واحمد حسن جمعه شايلين عطر منشمكم وحايمين بيهو |
بصراحة يا الطيب .. أنا في (محنتي) دي طلعت
بأصدقاء كاربين .. منى خوجلي ، و فاروق و أبو بكر ..
يا زول ديل مراكز قوى عديييييل ...
وحاتك ات .. تاني ألخبط سااااااااكت يمين و شمال ..
و مافي زول يقدر يقول حاجة .. شن قدروا ؟؟!!!!
| |
|
|
|
|
|
|
|
|
|
Re: أشكو إليكم الطيب شيقوق ... (Re: محمد ابراهيم قرض)
|
Quote: وحاتك ات .. تاني ألخبط سااااااااكت يمين و شمال ..
و مافي زول يقدر يقول حاجة .. شن قدروا ؟؟!!!! |
الحقونى يا اخوانا الزول كتلني بضحكة مرة واحدة .
هم ديل فزعك انت ولا انا؟ ديل شغالين جواكر بس وانا فرمالتي واحدة بقت منى خوجلي اكان فقدتها ماني عايش في الدنيا ام بنايا قش دى .
وانت يا قرض ما بتوب اصلك شنو هسه الجاب محل هواى دى تاااااااااااااااااااااااانى
| |
|
|
|
|
|
|
|
|
|
Re: أشكو إليكم الطيب شيقوق ... (Re: الطيب شيقوق)
|
Quote: نطيط الكانغرو دة ما تخليهو يالطيب ..؟؟ الرحلة والمشوار شن لماهم بغنا عثمان حسين ..؟؟ رحلة من قريتكم لصفرة المدرسة في البندر وسطيح تحت شجرة السنط مالها ومال عثمان حسين و"الشجن" ؟؟ ماتبطل السلبطة دي وورينا شن سويت بعد نومة الضحي تحت شجرة السنط مبنج بفطور الحيكومة ؟؟؟
قال عثمان حسين قال ؟؟ راديو ما كان عندك عشان تسمعو تحت الشدرة !! |
لا لا زمان ابوى العنده التيمس ده هو الوحيد الكان عنده الراديوا البعلقوا اريله فووووووووووق بالقناية . ابو بكر انا بتذكر زمان بطلعونى بالعنقريب الهباب فوق المربعة بتاعة الطين عشان اوجه الاريال كويس واثبتو من الهواء .
الراديو كان جنبه بطارية تشبه بطارية العربية لكن صغيره وزرقاء اللون . كان في برنامج ما يطلبه المستمعون وكنت حابس كنتين ابوى ووقت الزبائن ينقطعوا بعمل فيها ود جلابه بنوم في ظل الشجرة وبعاين لكنتيني والراديوا شغال . كان احلى حاجة بحب اسمعها برنامج ما يطلبه المستمعون وكانت اغتية شجن اكثر رواجا ومعاها بتاعة ابو داؤود بيقول فيها مع النسم العليل زاد ويل نوم عيني اصبح .....
كانت اغنية قصة حب طويلة لوردى وكمان بعد ايه جيت تصالحنى بحبهن شدييييييييد معاهن كانت مدحة السراى الجافو النوم وعقدوا الراى وكمان يا ليلة ليلك جن .
انت حاقر بى ساى وكمان كنت البنات السمحات بديهن الطحنية بالمعلقة من القروانه ( القروانه الصفيحة )
مودتى
| |
|
|
|
|
|
|
|
|
|
Re: أشكو إليكم الطيب شيقوق ... (Re: الطيب شيقوق)
|
| Quote: عليك الله القروانه نوبية يا ابوبكر؟ |
بسيطة مشت انت في بلد عربي وفي الجزيرة العربية بكرة وفي سوق الاوراق المالية الانت شغال فيها خت ليك في الصالة يافطة ياسم "اسهم شركة القروانة " وشوف كام واحد حيسالك فيك ؟؟
| |
|
|
|
|
|
|
|
|
|
Re: أشكو إليكم الطيب شيقوق ... (Re: abubakr)
|
| Quote: "اسهم شركة القروانة " |
Algarawana LLC
انت عارف يا باشمهندس الاسماء هنا كملت والقروانه ده ممكن تبيعه عديل لانه ما في اسم بيشبهه. وعندما يدخل الكمبيوتر طوالى بتجيك :
Approved
| |
|
|
|
|
|
|
|
|
|
Re: أشكو إليكم الطيب شيقوق ... (Re: الطيب شيقوق)
|
يالطيب .. مشكلتك مشكلة عويصة لا بتحلها اغاني ولا بورصات و لا قراونة ...انت ورطت نفسك في رحلة وكمان مشوار و وعايز تبقي زي صاحبنا بتاع حول العالم في ثمانيين يوم وتدخل التاريخ من باب صفرة مدرسة الدندر الماقدرت تطلع منها للساعة دي ....
ارجع لرحلتك وشوف لك طريقة اهو الاستعانة بالاصدقاء والمعارف خلصت فلازم تجاوب براك ...
| |
|
|
|
|
|
|
|
|
|
Re: أشكو إليكم الطيب شيقوق ... (Re: abubakr)
|
Quote: لمن يهمه/يهمهما/ يهمهم/ يهمهن الأمر
في شنو؟ |
أبوبكر
ياخ أنا سألت السؤال ده الصباح ومافي زول قال لي عينك ورا نضارتك .. في شنو؟
البوست كلو تعديلات .. مجلس وزرا بس.
| |
|
|
|
|
|
|
|
|
|
Re: أشكو إليكم الطيب شيقوق ... (Re: الطيب شيقوق)
|
| Quote: لا لا زمان ابوى العنده التيمس ده هو الوحيد الكان عنده الراديوا البعلقوا اريله فووووووووووق بالقناية . ابو بكر انا بتذكر زمان بطلعونى بالعنقريب الهباب فوق المربعة بتاعة الطين عشان اوجه الاريال كويس واثبتو من الهواء . |
(عدل بواسطة بدرالدين شنا on 02-11-2006, 02:23 ص)
| |
|
|
|
|
|
|
|
|
|
Re: أشكو إليكم الطيب شيقوق ... (Re: رأفت ميلاد)
|
[Quote: B]: لمن يهمه/يهمهما/ يهمهم/ يهمهن الأمر
في شنو؟
أبوبكر
ياخ أنا سألت السؤال ده الصباح ومافي زول قال لي عينك ورا نضارتك .. في شنو؟
البوست كلو تعديلات .. مجلس وزرا بس.
|
كان في قروانة مليانة يا مرتضي وفضاها الطيب بالمعلقة للبنوت
| |
|
|
|
|
|
|
|
|
|
Re: أشكو إليكم الطيب شيقوق ... (Re: محمد ابراهيم قرض)
|
Quote: أبوبكر
ياخ أنا سألت السؤال ده الصباح ومافي زول قال لي عينك ورا نضارتك .. في شنو؟
البوست كلو تعديلات .. مجلس وزرا بس. |
هي زي مجلس وزراء بس عندنا يقوم يعمل اجتماع ومؤتمر للماكنيين المانحيين يوكلهم ويفسحهم باليخت الرئاسي ويسكنهم في الفلل الرئاسية وبعدين يزوغ ويدفعهم الفاتورة .. اها شغل بادية في اهل البندر ...
| |
|
|
|
|
|
|
|
|
|
Re: أشكو إليكم الطيب شيقوق ... (Re: الطيب شيقوق)
|
يا ابو بكر شنو الحكاية البوست ده ماشى كتير كمان جاب ناس رافت شوفو فوق ده هسه كلامنا ده بيقع ليهو والمرتضى بطل من القطارا واللواري جانا بهنا كمان
يعني يا الطيب عشان اسمه رأفت قايلو زول بندر ساي وعايز تحقر بيه والله
لو قريت ليه تحلف تقول ده قسم السيد ود عوض الكريم عوض الجيد
من المتمة عدييييييييييييييييل كده يدخلك في القيروانة ويطلعك بقدها ويباطنك
لمن تقول الروب عدييييييييييييييييييل كده ..... يا خي ده شقيق البطل الشهيد
سليمان ميلاد اللي فدانا في الشرق وكانت له بطولات فاقت بطولات عثمان دقنة ذاااااته
وبعدين رأفت يعمل ليك ملاح أم تكشو يحيرك لامن تؤمن .... أنا ذاتي ما بعرف أم
تكشو دي معناها شنو .... ديل أولاد بلد أصليين ... مش زي جماعة الأوزون
| |
|
|
|
|
|
|
|
|
|
Re: أشكو إليكم الطيب شيقوق ... (Re: فاروق حامد محمد)
|
Quote: يعني يا الطيب عشان اسمه رأفت قايلو زول بندر ساي وعايز تحقر بيه والله
لو قريت ليه تحلف تقول ده قسم السيد ود عوض الكريم عوض الجيد
من المتمة عدييييييييييييييييل كده يدخلك في القيروانة ويطلعك بقدها ويباطنك
لمن تقول الروب عدييييييييييييييييييل كده ..... يا خي ده شقيق البطل الشهيد
سليمان ميلاد اللي فدانا في الشرق وكانت له بطولات فاقت بطولات عثمان دقنة ذاااااته
وبعدين رأفت يعمل ليك ملاح أم تكشو يحيرك لامن تؤمن .... أنا ذاتي ما بعرف أم
تكشو دي معناها شنو .... ديل أولاد بلد أصليين ... مش زي جماعة الأوزون |
الكلام ده كلو يحير فيك انت ذاتك مش رافت . الله يمسخك يا فاروق انا حرم وقعت من الكرسي ضحكة بس من قسم السيد ويباطنك وام تكشو ولا من تؤمن .
انا حرم قايله من ناس البازار دمتري وناس بطرس وجرجس كمان .
عليك الله كلام صاح فعلا هو ود البطل سليمان ميلاد؟
انت الفاروق ذاتك من وين؟
| |
|
|
|
|
|
|
|
|
|
Re: أشكو إليكم الطيب شيقوق ... (Re: فاروق حامد محمد)
|
Quote: انا حرم قايله من ناس البازار دمتري وناس بطرس وجرجس كمان .
عليك الله كلام صاح فعلا هو ود البطل سليمان ميلاد؟ |
الطيب
لايهم أي دين يتّبع الأخ رأفت ميلاد سيما في زمن الأتجار بالدين وأهو انت شايف حاخامات وأساقفه و (محافظون جدد) و( جبهة قومية اسلامية) ولا للسلطه ولاللجاه..الخ. المهم انو رأفت ( الذي لاأعرفه الا من كتاباته ) سوداني يحب بلده ويعمل له (مش مجرد حب عذري).
أما بالنسبة لمن أشرت لهم ناس المرحوم ديمتري البازار ، فهذا الرجل خدم السودان في عدة مجالات أبرزها الجانب الفني وهو الباب الذي منه اشتهر ويقول عنه من أرّخ له أنه سوداني أصيل يبز كثيرا ممن ينعق بوطنية كرتونيةأما ناس (بطرس وجرجس) يا شيقوق جمعتني بهم جيرة الحي في المسالمه وحي العرب وأيضا في مدن أخري كالنهود ونيالا والأبيض بعلائق دامت سنينا فلمست فيهم أصالة معدن وتهذيب وأمانة واحترام وتمسك بالشرف لايترك لك خيارا غير أن تشيلهم في عيونك. كنا نداخلهم ونجالسهم ونخالطهم ونؤاكلهم وهم يشاركوننا الأفراح والأتراح ومنهم من أسلم ومنهم من بقي على مسيحيته وكما قال الحبيب المصطفى ( الدين المعاملة) وكانت معاملة هؤلاء الجيران قمة في السمو. ديل سودانيين أصيلين ياشيقوق وأنا أدرك انك ملم ومؤمن بما قلته وتتفق فيه معي لكنها مجرد شهادة موجزة ماوددت كتمانها حتى لايعد قلبي آثما.
| |
|
|
|
|
|
|
|
|
|
Re: أشكو إليكم الطيب شيقوق ... (Re: محمد ابراهيم قرض)
|
| Quote: يا ابو بكر شنو الحكاية البوست ده ماشى كتير كمان جاب ناس رافت شوفو فوق ده هسه كلامنا ده بيقع ليهو والمرتضى بطل من القطارا واللواري جانا بهنا كمان |
ولسه كتار جايين .. " دى نفرة الشكاوي " يعني مرحلة ما قبل مجلس الامن .. شيل شيلتك ات قت قايل نطيطك الكتير دة جان برونك ما شايفو ....
| |
|
|
|
|
|
|
|
|
|
Re: أشكو إليكم الطيب شيقوق ... (Re: محمد ابراهيم قرض)
|
| Quote: عليك الله كلام صاح فعلا هو ود البطل سليمان ميلاد؟ |
أخوي الطيب ..
ده رأفت ميلاد ، شقيق الشهيد
سليمان مش إبنه .. و رأفت ده زول ختري
شديد .. ده راجل روعة و دهشة
و محنة و رحمة و مودة ...
و حاجات كتيييييرة حامياني ...
| |
|
|
|
|
|
|
|
|
|
Re: أشكو إليكم الطيب شيقوق ... (Re: محمد ابراهيم قرض)
|
Quote: أخوي الطيب ..
ده رأفت ميلاد ، شقيق الشهيد
سليمان مش إبنه .. و رأفت ده زول ختري
شديد .. ده راجل روعة و دهشة
و محنة و رحمة و مودة ...
و حاجات كتيييييرة حامياني ... |
الطيب أخوي
ديل سودانيين أقباط جو مع جدودنا من أيام عبدالله بن أبي السرح
وقعدوا معانا وقعدنا معاهم وتحملوا معانا أيام الدولة الدينية بتاعة ودتورشين
وحسع قاعدين معانا بتحملوا معانا كل مصائب الدلة الدينية الترابية
البشيرية العليطهوية الحاج نورية الصافيجعفرية الحسين خوجلية القوشية
ولو أديتهم كنوز الدنيا كلها ما ببدلوا وطنهم حتى لو عوضتهم بجنان عدن
تجري من تحنها الأنهار .... هدي الأصالة ولا بلاش ...........
| Quote: انت الفاروق ذاتك من وين؟ |
أما أنا فمن أهلك الجموعية البياكلوا النار ذاااااااااااااااااااااتها
وقبلها أنا سوداني من جوبا والجنينة وشندي وحلفا وكريمة ومدني وعطبرة
وجبال النوبة وهم أصهاري القادمون باذن الله .... ومن كريمة وكورتي والقضارف
وسنكات ثم من أهل "ظبية الثغر الأديبة" وكسلا التي لا زال يشرق بها شمس وجدي.
وجدي هو المك سليمان (النار) من جهة أبي.... أما من جهة أمي فجدي ودمدني السني
ابن دشين قاضي العدالة الما برضى الميالة.... "أحت ليك تاني ولا كفاية"
عمر الفاروق بن حامد بن محمد بن ادريس بن أحمد بن دياب بن المك سليمان النار
الملقب بالفاروق والمكنى بأبي ناصر
| |
|
|
|
|
|
|
|
|
|
Re: أشكو إليكم الطيب شيقوق ... (Re: محمد ابراهيم قرض)
|
اها يالطيب جاك الجدو بياكل النار والاخوه سليمان ميلاد ؟؟ اها لا "حتك" يتفعك ولا نطيطك بيخرجك من هنا ..
بالمناسبه رافت ده كان قبل عليك ومعاهو عم فارق يعني كدة تكون شهيد صفرة مدرسة الدندر ؟؟
اهو سويتا في نفسك .. الشلاقه العليك شنو .. ذكريات شنو وحتيت مع زيدان لزومها شنو .. القي الراجييك ....
| |
|
|
|
|
|
|
|
|
|
Re: أشكو إليكم الطيب شيقوق ... (Re: abubakr)
|
| Quote: "أحت ليك تاني ولا كفاية" |
لالالالالا كفاية خوفتنى . انت عارف في البورد الواحد ما يحقر بالناس سااااااااااى . لكن كتر خير اهلناالقرونا وما قصروا ابدا . انت هسه قايل يا الفاروق انا ده اكان ما اهلى قرونى اكان هسه بولد ليكم في النياق والضان ده اكان ما بقيت همباتي .
انا مرات يا باش بمشى بقيف مع الطوابة بلقى زملاى بتاعين الاولية الزمان بجو الاوائل وبفوتونى في المدرسة شغالين دباشة وطيانة وبتالم شدييييييييييد طوالى بتذكر شطارتهم وبقول جلسة النت الهسه مع ابو بكر وفاروق دى سرقتها منهم بس وما حقتى هم الاولى بيها . وكمان الفحامة البجتروا الكتل وبعتلوا الكتل وبيسهروا مع الكمينة للصباح عشان ما تنقد ديل بقول اكان قروا كان هسه وقفوا معاى ضد رافت الغريب والفاروق الجدو بياكل النار .
| |
|
|
|
|
|
|
|
|
|
Re: أشكو إليكم الطيب شيقوق ... (Re: محمد ابراهيم قرض)
|
| Quote: انا مرات يا باش بمشى بقيف مع الطوابة بلقى زملاى بتاعين الاولية الزمان بجو الاوائل وبفوتونى في المدرسة شغالين دباشة وطيانة وبتالم شدييييييييييد طوالى بتذكر شطارتهم وبقول جلسة النت الهسه مع ابو بكر وفاروق دى سرقتها منهم بس وما حقتى هم الاولى بيها . وكمان الفحامة البجتروا الكتل وبعتلوا الكتل وبيسهروا مع الكمينة للصباح عشان ما تنقد ديل بقول اكان قروا كان هسه وقفوا معاى ضد رافت الغريب والفاروق الجدو بياكل النار . |
وكت سيارة عمك التمس ودكان ابوك وقروانة الطحنية دييل كانو ين ؟؟ عشان نعرف هم الخلوك والا انت (واولاد الذوات الزييك) الخلوهم؟؟ .. يا اقطاعي ...
| |
|
|
|
|
|
|
|
|
|
Re: أشكو إليكم الطيب شيقوق ... (Re: abubakr)
|
اخوي الطيب /
اريتك طيب
باقي زمنا ما الزمن ده كان اولاد حيمورة عملوا ليهم بورت برااااااااهم ..
انت شفت شيء ... قال عنصرية قال ..
كدي احكي ليك الكلام الدار بيني وبين الوالدة الله يطول في عمرها ..
باقي الحاجة حنانة بت حيموره بوبااااارة وبتحب الشيء المجيه اصلها هي بت بندر (( وما هايفة ))
اها قلت ليها يا حاجة ما شايف ليك اي مشاركة في البورت قالت لي يا ولدي والله انا بقيت مشغولة مع خالاتك يوم في بري ويوم في الصحافة يعني ما انا النشيطة في اخواتي والكلام على النت بدور ليه لاب توب نسبة للظروف دي ...
وقتها كان بجواري اخونا ياسر فضل المولي ووريتو كلام الحاجة ___ ضحك ضحكة كبيرة وقال لي نحن نسوانا همهم في التوب انت امك همها في اللاب توب .. والله كلام احييك واحيي امك .
اها امي دي كان لحق ووصلها اللاب توب تاني بتلقى ليك فرقة معانا يا ود شيقوق ؟؟؟؟
اها وحا ادور في بوست جمعية شباب حيمورة من تاني ..
بس خليك معاي ..
وبهديك
بعد الصبر
ليه تقول أيامنا راحت وأنتهينا
يا حبيبي ولا كانت ديك سحابة
لو حصل في العمر مرة وأفترقنا
هي غلطة ونحن نتحمل عذابها
كنت عايش .. كل أيامك.. محنة
وأنا بحرق كل عمري ..في الصبابة
يا حبيبي ليه حياتنا ما تبقى جنة
ننسى ظلم الدنيا ناخد من شبابها
نبعد الشك من قلوبنا.. والمظنة
نمشي في درب الاماني المستطابة
لست أدري هل عذابي أم عذابك كان اكبر
حين شق الدهر بينا والفراق المر ....
فلماذا كنت تخشى أنت ماضي الميسر
كل واحد ليه في تاريخو ماضي
أي ماضي وليه ذكرى حب قديمة
وانت عارف لما لما أخترتك حبيبي
كان في قلبي جرح ينزف بالهزيمة
لكن انت صرت اغلى حب عذري
كنت راضي معايا بظروفي الاليمة
وكنت راضي بالشقى البتبع خطاي
والمآسي المرة في طفولتي الاليمة
فليه ما نصبر ونتحمل يا حبيبي
بكره نلقى الدنيا بخيرا ونعيمها
وتسلم يا الطيب يا طيب ..
| |
|
|
|
|
|
|
|
|
|
Re: أشكو إليكم الطيب شيقوق ... (Re: abubakr)
|
| Quote: يالطيب انت رافت بس عشان اسم ناس بندر افتكرتو زي الهندي صاحبك دة جدو بعانخي .. انت خليك في رحلتك ومشاويرك والحتيت |
طالما انت والمرتضى شكرتوهو ما فيهو طق بس دودروهو بجاى خلي يحكى لينا .
| |
|
|
|
|
|
|
|
|
|
Re: أشكو إليكم الطيب شيقوق ... (Re: رأفت ميلاد)
|
[Quote: U]
قال أقباط قال وعندنا فى البلد ....
ياخ سيد البلد قال ليك ملوكم قرضوا
لامن إنت الجيت أمبارح مع عبد الله بن السرح |
والله كلامك صاح جدا يا رأفت .... راجعت نفسي والتاريخ
ولقيت فعلا انتو الأقدم ... معليش يا روفو الكبر حصل ...
| |
|
|
|
|
|
|
|
|
|
Re: أشكو إليكم الطيب شيقوق ... (Re: فاروق حامد محمد)
|
اخوي الطيب
حبابك
والله بعد ما عايز اكتب كلام جميل في الزول النقادي ده جاب ليه كلام عصابات وما ادراك ما عصابات ... هو طبعا طبيعة الريف دي ما بكون شافا لانو الرقشات ما بتصلها ...
خليه لي وللاولاد حيموره هو لو كان عاشرهم كان كمل شعروا ده فيهم ..
من الليلة حا نبقى شعراء ونرد ليه... بس هو يشد حيلو
| |
|
|
|
|
|
|
|
|
|
Re: أشكو إليكم الطيب شيقوق ... (Re: علاء الدين حيموره)
|
| Quote: والله بعد ما عايز اكتب كلام جميل في الزول النقادي ده جاب ليه كلام عصابات وما ادراك ما عصابات ... هو طبعا طبيعة الريف دي ما بكون شافا لانو الرقشات ما بتصلها ... |
يا خوى كان كدة إنت داقس
كدى فتش البوست ده كويس وتعرف العصوبية جاتك من وين
ناس حيمورة ديل الما بعرفم منو
سـياد بلد
ما جايين فوق ضهر تيمس
أفو
ما بخاف
| |
|
|
|
|
|
|
|
|
|
Re: أشكو إليكم الطيب شيقوق ... (Re: رأفت ميلاد)
|
| Quote: ما جايين فوق ضهر تيمس |
انت يا رافت قايل التيمس ده زمان في الخرطوم غيركم انتو النقادة وابو العلاء عند منو تاني ؟
يديك العافية ابقى معانا بهنا وبنتكلم معاك بكلام ناس البندر عشان تتابع معانا بمزاج
اطيب المنى
| |
|
|
|
|
|
|
|
|
|
Re: أشكو إليكم الطيب شيقوق ... (Re: الطيب شيقوق)
|
يالطيب
| Quote: غيركم انتو النقادة وابو العلاء عند منو تاني ؟ |
بقوليك جدو بعانخي تقول نقادة... لو ما الزمن كان حسع كفيلك بس زمن ابي السرح خليناكم تدخلو البلد من غير تاشيرة واها عملتو فيها اسيادها ..
| |
|
|
|
|
|
|
|
|
|
Re: أشكو إليكم الطيب شيقوق ... (Re: abubakr)
|
| Quote: لو ما الزمن كان حسع كفيلك بس زمن ابي السرح خليناكم تدخلو البلد من غير تاشيرة |
ما تخاف الله يا الباش هو ابو سرح من وين ما اصلا مننا نحن ورشاكم خلا عرقيكم يطاقش بالقروانات .
رافت ده ختيني ليهو هو ضيفنا ما بنتلوم معاهو .
| |
|
|
|
|
|
|
|
|
|
Re: أشكو إليكم الطيب شيقوق ... (Re: الطيب شيقوق)
|
الظريف جدا رأفت ميلاد
والله احببناك من جوه القلب وكلامنا ده هظار ساي .. لكن كمان الطيب ده سيد الناس وما بنرضى فوقو اي كلام ...
كدي ارشيني يا رأفت باربع بيوت فوق هبة الله البت الما قدرت اقول فيها اي بيت ..
وهي تستاهل كل ما قيل من شعر جميل ..
الطيب اخوي عارفك بعد ده بتعذرني ...
| |
|
|
|
|
|
|
| |
abubakr
فاروق حامد محمد
الطيب شيقوق
بدرالدين شنا
Muna Khugali
علاء الدين حيموره
محمد المرتضى حامد
رأفت ميلاد
فيس بوك
تويتر
انستقرام
يوتيوب
بنتيريست