48 ساعة حظر.. سرقة حسابي في الياهو.. قليل من التوتر.. وكثير من الحب.. هي حصيلة غارة القرصان رجاء أو الأحمر على المنبر البورداب الأعزاء،، عدت اليكم بعد غياب إجباري لا ذنب لي فيه سوى ان القرصان اياه سرق أسمي، وملفي، ولم يكتف بذلك بل سرق مني الايميل الخاص بي في الياهو.. وهو ايميل عمره 5 سنوات،، وقفة الزملاء معي واتصالاتهم للسؤال عني من كل العالم.. كان هو العزاء في ذلك الغياب،، فبقدر ما تحترمونني وتحبوني.. احترمكم وأحبكم،، لي عودة
الأخت رجاء العباس تحياتي و رمضان كريم و تصومي و تفطري على خير و عودا حميدا و أنا كنت فاكر الغيبة بسبب المشغولية فقط الجاتك في إيميلك سامحتك تسلمي و دمت
11-05-2003, 02:03 PM
Raja Raja
تاريخ التسجيل: 05-19-2002
مجموع المشاركات: 16054
الاستاذة رجاء عدته والعود احمد حقيقة افتقدناك فى البورد قربت اقول لخالد الحاج انته رجاء ده الهكرز خطفه والله شنو وربنا يعوضك فى حزمة الايمل المثقل تحياتى
11-05-2003, 02:03 PM
bayan bayan
تاريخ التسجيل: 06-13-2003
مجموع المشاركات: 15417
العزيز أبو الريش محمد عثمان،، والله لغاية الليلة الصباح كنت مع ناس الياهو كستمر،، وبيحاولوا يعملوا حاجة.. وشكرا لشعورك.. وان شاء الله ما تفتقد غالي،، ولا تحنار جنس الحيرة دي،،
11-05-2003, 02:22 PM
Raja Raja
تاريخ التسجيل: 05-19-2002
مجموع المشاركات: 16054
بيان الحبيبة،، فريدة انتي الشايفاني انا فريدة.. وكريمة انتي الشايفة كل الناس كرماء،، دمتي،، وتلاقيني دايما بردد مثل اخوانا المصريين: قال يا قاعدين يكفيكو شر الجايين.. لوووووووول رمضان كريم،،
11-05-2003, 02:18 PM
Raja Raja
تاريخ التسجيل: 05-19-2002
مجموع المشاركات: 16054
الزميل غريبة،، أنا المحيرني انه لو كان فكر أيهما أجدى: تدمير المنبر الحر.. أم إنشاء منبر آخر منافس له، لوجد أن الثاني هو الكاسب،، لكن تقول شنو لزول جا بالليل ليسرق الايميلات شانه شان أي حرامي حلل،، شكرا لشعورك،
11-05-2003, 02:55 PM
Raja Raja
تاريخ التسجيل: 05-19-2002
مجموع المشاركات: 16054
الغالي أبا،، شفت الحصل لي يا ود عمي.. أها ده نقول ليهو شنو..؟ لسة أنا بسال: هو متغاظ من بكري والمنبر ولا من الأحمر ولا مني..؟ وكله كوم وطلبه أغنية منك كوم تاني.. عارف أنا بس قعدت أضحك.. يالله.. حقيقي كان في قليل من التوتر.. لكن كان هناك سيل جارف من الحب الذي غمرني به زملائي في المنبر..
11-05-2003, 02:08 PM
ghariba ghariba
تاريخ التسجيل: 03-09-2002
مجموع المشاركات: 13231
رجاء اهلاً رمضان كريم لك العتبي حتي ترضي كل اوقات ظمأك لهذا المكان الجميل وقليل من التوتر .. كثير من الحب .. اذاً هي الكتابه السمحه الجايانا. وربنا يعوضك خير في ما فقدته وسلام الي مطلع الامر
11-05-2003, 02:59 PM
Raja Raja
تاريخ التسجيل: 05-19-2002
مجموع المشاركات: 16054
الزميل العزيز سعد،، لو المسألة مسألة طرد من مصر كانت تكون حاجة عديلة كده وبنعرف منو؟ وليه..؟ ولمصلحة من..؟.. لكن المصيبة انو الموضوع كله جاء بليل،، وبقدر ما الليل هو ملهم الشعراء والعشاق.. إلا ان بعض السارقين يأبون إلا ان يغيروا هذا المعنى،،
11-05-2003, 02:15 PM
ود العجمى ود العجمى
تاريخ التسجيل: 09-21-2002
مجموع المشاركات: 1595
الحبيبة رجاء ربما تودي أن تكتبي مذكراتك وانت بدون إيميل. يعني مثلا: 48 ساعة هزت عرش البوح والتواصل.... لك الحب، ومرحبا بيك بيننا تاني. وربنا يعوضك أيميلا ود حلال، أبرك وأخير من داك. إيمان
11-06-2003, 02:48 PM
Raja Raja
تاريخ التسجيل: 05-19-2002
مجموع المشاركات: 16054
أبو حسين،، اتبسطت طبعا اليومين ديل.. لكن الحرامي انا كنت قايلاهو داخل مصادفة.. اتاري قاصد عديييل،، مسألة عندو أصل من عدمه دي تظهر أكتر لو أعاد لي الايميل بتاعي .. لأنو ما بيهمه بأي شكل،،
11-06-2003, 02:54 PM
Raja Raja
تاريخ التسجيل: 05-19-2002
مجموع المشاركات: 16054
والله دي مشكلة تحير, وكمان مؤلمة عشان انا كمان كنت قبل يومين عايش نفس الشعور , دا زول عرف الباسورد من ووين ماعارف ويدخل الايميل بتاعي كما يعمل شات مع اصاحبي المشكلة مرة انا فتحت فلقيته بس معاه عنوان تاني وكل احاول اتكلم معاه مافي فائدة شوفت البروفايل بتاعه لقيتو من ناس بعيدة خالص ، علي فكرة قالوا في فايروس يدخل علي الايميلات ويرسل رسائل بطريقة عشوائية ربنا يستر. اتمني ان لا يكون القرصان بتاعك الذي سرق الايميل.
11-05-2003, 10:23 PM
bakri abdalla bakri abdalla
تاريخ التسجيل: 10-09-2003
مجموع المشاركات: 1976
Dear Raja: Welcome back!!!I thought you resigned from the baoard because of your new job, congrats!!! and sorry for what happened to your mail .....Wahid Hassid wa bus
الأستاذة رجاء رمضان كريم والف حمدا لله على السلامة كويس انه سرق الايميل بتاعك وما سرق حاجة تانية ، لانه اللصوص من أمثاله لما يتحركوا بالليل بسرقوا الديمقراطية ويصادروا البسمة من أفواه الناس ويمنعوا الحريات . ويقوموا في الناس تقتيل وتعذيب بلا رحمة . لكن واضح انه دا لص أظرف من لصوص الحكومات عشان كدا خلي قلبك كبير وسامحيه ، زول تعبان ساكت . وزي ما قالوا الاخوان الجاتك في ايميلك سامحتك .
11-06-2003, 03:12 PM
Raja Raja
تاريخ التسجيل: 05-19-2002
مجموع المشاركات: 16054
العزيز ابوقصي،، شكرا يا زمل،، ده سرق الايميل وبدأ في الابتزاز،، ولم اعرف حتى الآن ماذا يريد..؟ إذا ارد مثلما قال تشويه صورتي وسمعتي،، فأنا رجاء نفسها قبل وبعد السرقة.. لم ولن يغير في شئ،، ودمت،،
11-06-2003, 03:06 PM
Raja Raja
تاريخ التسجيل: 05-19-2002
مجموع المشاركات: 16054
حمد الله على السلامة يا رجاء وفعلا الجاتك في ايميلك سامحتك وفي السودان في سرقة موبايلات منتشرة ..والعبارة المنتشرة هنا "الجاتك في موبايلك سامحتك" تعيشي وتاخدي غيرها بس لو كان الاحمر دة اداني نظرة في ملف الاسرار..!! تحياتي ورمضان كريم فيصل
11-06-2003, 03:10 PM
Raja Raja
تاريخ التسجيل: 05-19-2002
مجموع المشاركات: 16054
فيصل العزيز،، ازيك،، ويعني إلا سرقة كده وكفارة حتين نشوفك..؟ المهم يا صاحبي ده الايميل القعدنا عملناهو سوا في جريدة الخرطوم.. تتذكره.. ولو عايز تعرف فيهو شنو القرصان ما بيقصر قال لي راوية انه حيبيعو لي جريدة سودانية.. فانتظرونا قريبا،، ورمضان كريم،،
رجاء حمدا لله على السلامة وزى ما قالوا ليك الجماعة انتى وابو قوتة والاحمر اكتبوا لينا مذكراتكم وانتم خارج الاسوار والجاتك فى ايميلك سامحتك والبركة بالطلة من تانى
11-06-2003, 03:14 PM
Raja Raja
تاريخ التسجيل: 05-19-2002
مجموع المشاركات: 16054
العزيز أبو ساندرا،، لا والله الحكاية ما بث تجريبي،، بس بعد الفطور خرجت مشوار ما رجعت منه الا الساعة 2 صباحا،، يعني لسه معاكم،، وعشان لسانك الما بقدر عليهو ده رديت ليك آخر زول قبل الفطور،، وناس تمبس وحمزاوي وأهل العوض والعريس ايهاب لي بعد الفطور،، دمت،، وسلمت من كل ردئ،،
11-06-2003, 11:17 AM
Ahlalawad Ahlalawad
تاريخ التسجيل: 02-05-2002
مجموع المشاركات: 2832
حقو أساطنة القانون يفتونا في هذا النوع من الجرايم أو المجرمين .. حسابهم كيف؟ يعني واحد يسرق معلومات خاصة .. فيها مشاعر خاصة وذكريات ومجهود ذهني .. دي بحسبوها كيف؟
عموما يا رجاء (الحقيقية) سعداء بي رجعتك .. وربك يوكي الجراب على العقاب .
أبا ساندرا .. يمكن تكون مشت تودي المفتاح الأوضة التانية .. هو الساعة كم عندهم في حلتهم ديك
11-06-2003, 11:24 AM
tmbis tmbis
تاريخ التسجيل: 10-19-2002
مجموع المشاركات: 24862
طبعا أول ما لقيت البوست معنون بي اسمك .. وصورتك والكلام الخارم بارم الكاتبو ده .. والاغنية العجيبة الطلبه من ابا .. اخدت لي ضحكة كبيرة كده ... وقلت ليهو الله قال بي قولك البيوديك تهبش رجاء العباسي شنو ؟؟
هو طبعا عارفك وعارف مكانتك بينا قدر شنو .. المهم ابقي مية علي باقي الحاجات .. وان شاء الله ما ينفعو ..
11-06-2003, 11:43 AM
فتحي الصديق فتحي الصديق
تاريخ التسجيل: 06-17-2003
مجموع المشاركات: 6072
تمبس العزيز،، عارف انو فتح رسالة في الماسنجر من ابن العم أبا، فيها كلام عن الأغاني، فحب يتظارف،، أنا والله لسة محتارة، هو زعلان من بكري ولا مني؟ ربنا يهديه، ورمضان كريم،،
11-06-2003, 10:42 PM
Raja Raja
تاريخ التسجيل: 05-19-2002
مجموع المشاركات: 16054
العزيز أهل العوض،، تسلم يا كريم.. المشكلة ان القرصان يريد مساومتي بممتلكاتي، وهي مهما كانت لا تجعله عملية السرقة صاحبها، فكيف بالله شعوره الآن..؟ حسبي الله ونعم الوكيل،، ورمضان كريم،،،
11-06-2003, 12:06 PM
حمزاوي حمزاوي
تاريخ التسجيل: 10-10-2002
مجموع المشاركات: 11622
وهل يخفى القمر يا رجاء يا بنت العباسي ما تقولي دا غزل واللهم اني صايم بس الحقيقة والله البورد بدونك ما ليها طعم انتي بقلمك قاعدة تنشليني من هموم الغربة فأقول كيف اوقع نشال بنشال الله يهديها الرجاء رقم 2 الحرامية دي
11-06-2003, 12:57 PM
ايهاب ايهاب
تاريخ التسجيل: 05-06-2002
مجموع المشاركات: 2878
رجاء الجاتك في باسوردك سامحتك LoOooOOOOoOOOOolz والله بالجد دي جريمه شنيعه انو الزول يسرق حاجه ما حا يستفيد منها في شي ولا بتهمو و في نفس الوقت تعني لك الكثير والكثير خساره والله ربنا ينتقم منو انشاء الله قولي امين الزول المريض دا حمد لله على السلامه ورمضان كريم
الفاضل حمزاوي،، الله يجبر بخاطرك،، المصيبة تعرف في شنو؟ انو عندي زحمة في الشغل بسبب مواعيد رمضان، وتجيك حاجة زي دي،، أها قول لي لو مكاني تعمل شنو..؟ ورمضان برضو كريم،،
11-06-2003, 07:35 PM
lana mahdi lana mahdi
تاريخ التسجيل: 05-07-2003
مجموع المشاركات: 16049
الحبيبة لنا،، والله أنا لما سرق الايميل قلت يمكن ما قاصد، يعني جاء فوق سرقة المنبر، لكن لما بدأ يهدد بنشر المحتويات قلت في بالي.. لأ، يبقى السرقة تمت مع سبق الاصرار،، أنا شخصيا مسامحة، وعندي أمل في أن يكون داخل روحه الزعلانة دي ذرة مروءة ويعتذر، للمنبر ولي،، ورمضان كريم،،
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Raja
ابو جهينة
doma
haneena
بلدى يا حبوب
bayan
Abureesh
ghariba
aba
عاصم الحزين
ود العجمى
almohndis
عبد المنعم سيد احمد
elsharief
ahmed_asad
bushra suleiman
kamalabas
ABUHUSSEIN
إيمان أحمد
passpar
bakri abdalla
الجندرية
ABU QUSAI
Faisal Salih
hammama
mohmmed said ahmed
أبو ساندرا
Ahlalawad
tmbis
ايهاب
lana mahdi
فيس بوك
تويتر
انستقرام
يوتيوب
بنتيريست