|
|
 أسـاسـي.. عـجـبتـنـا لـيـك البـنـيـة.. مــبـروك
|
الحبيب السماني المعروف بأساسي جابو ليه بنوتة هسسسع..
بجد فرحت ليك لأسباب كتيييرة.. أهمها البنية حتخلًص تارنا كلنا منك ..
مبروك البنوتة.. وكل الأمنيات لأمها بالعافية..
تخريمة: لو سميتها رجا عندها حلق دهب عيار 24 ..
ودي
|
|
 
|
|
|
|
|
|
|
 Re: أسـاسـي.. عـجـبتـنـا لـيـك البـنـيـة.. مــبـروك (Re: حمزاوي)
|
مبروك
لاساسى
قدوم البنوتة اساسية..
اساسية السمانى مبارك
حلو الاسم مش
..
.
شكلها السنة دى كل مواليد البورد بنات..
شد حليك وقلل من المناكفات بعد كدا بقيت ابو بنات..
ياسمانى جواك ضاع مع الجهاز القديم..لو محتفظ
بهاتفى اعمل لى رنه
شكرا رجاء على نقل الاخبار الجميلة
احمد
| |
|
|
|
|
|
|
|
|
|
Re: أسـاسـي.. عـجـبتـنـا لـيـك البـنـيـة.. مــبـروك (Re: abuguta)
|
والله خبر سعيد
خلاص عايزنك يا اساسي تنفشخ في واطاة الله دي
رجوية الغتيتة
قبل كده أنا جبت بنت ماباركتيها
والله لو كنت عارف الحكاية في { حلق ذهب عيار 24 } كان سميتها رجاء
وهسي ماعندي مانع
نقلبها من نون لرجاء
أمس واحدة قريبتنا أسمت ابنتها { شفق } صراحة اسم حلو
لكن صاحبنا دا بعد ماشاف عيار 24 ما اظنه يفكر في اسم تاني
أها أكثر من بيض فقيه للدواجن
ست النفر بتاعتك حا تقول ليك لازم تجيب بيض للصغيرونه دي
أها الشافعة يدوها الصفار
وامها عشان في طور بتاع رضاعة تاكل البياض
وانت تاكل القشرة عشان الجضوم ينزلن شوية
قال رومانسي قال !!!
والله الرومانسية حاتطير ليك في حلقك
وما أظنك حاتجيب ليك مولود تاني بي سرعة
لأنو شفع الزمن دا تلقاهم صاحيين لحد الساعة 4 صباحاً
نحن بالله العظيم لمن كنا صغار ننوم من المغرب
عشان كده الأسرة تلقى فيها 12 و15
| |
|
|
|
|
|
|
|
|
|
Re: أسـاسـي.. عـجـبتـنـا لـيـك البـنـيـة.. مــبـروك (Re: mulhim)
|
العزيزات:
لنا..
عواطف..
سلمى..
الأعزاء:
كمال عباس..
البرنس
عبدالماجد..
عمر القرضابي..
عباس..
أسامة..
حني..
اسعد..
الخير..
ناذر..
حمزاوي..
أبو قوتة..
أبو حراز..
وليد..
ملهم..
شكرا ليكم على تهانيكم الحلوة..
ويا أبو حراز عروستك الصغيرونة مبروكة.. ما عرفت بيها وإلا وحاة خوتك كان الحلق وصلها.. ولسة ما فات فوت..
أساسي.. أمبارح زوار البوست ده فجأة بقو صفر والمشاركات كانت 56 تصدق .. بيني وبينك خفت الجماعة يجو يقولو ليك البوست الكاتباهو البت الردود فيهو أكتر من القروهو .. الزول بقى يتحسس اليومين دي ..
كيف البنوتة؟ لسة ما دخلت المدرسة..؟
ودي للكل
| |
|
|
|
|
|
|
|
|
|
Re: أسـاسـي.. عـجـبتـنـا لـيـك البـنـيـة.. مــبـروك (Re: Raja)
|
رجوية الغتيتة
قبل كده أنا جبت بنت ماباركتيها
والله لو كنت عارف الحكاية في { حلق ذهب عيار 24 } كان سميتها رجاء
ابوحراز العسل
انا عندي اتنين تومات
من اسي غيرت اساميهم من روان ورزان لي ( رجاء 1 ورجاء 2 )
شوف الصورة اليمين رزان واليسار روان اسف اليمين رجاء 2 واليسار رجاء 1
| |
|
|
|
|
|
|
|
|
|
Re: أسـاسـي.. عـجـبتـنـا لـيـك البـنـيـة.. مــبـروك (Re: Raja)
|
Quote: وما أظنك حاتجيب ليك مولود تاني بي سرعة
لأنو شفع الزمن دا تلقاهم صاحيين لحد الساعة 4 صباحاً |
هههههههههههههههههههههههههههههههههههههههه شديتك فوق الله يا ابوحراز
الحبيب أساسي (في حياتي)
مبروكة البنية وربنا يجعلها من الصالحات القانتات التائبات العابدات
حبي
| |
|
|
|
|
|
|
|
|
|
Re: أسـاسـي.. عـجـبتـنـا لـيـك البـنـيـة.. مــبـروك (Re: Raja)
|
..
.
شكلك يا اساسي تقليدى وكنت عايز الولد
بس والله ما احلى وافضل واحن من البنات
شنو يعنى بتتحاوم بره بره وما عايز تجى تقول الله يبارك فيكم
ولا منتظر تحدد ناس السمايه كم؟ ومنو ؟ 
مبروال والله عجبنى ليك وتتربي فى عزك وعز رزقك فى ارض الحرمين
_________________________
يالله 3 بنات ..( اسمائهم محددة اوردى .. تحب اسلفك واحد )
وولدين ( ح / أ ) .. ايام
الله فى ..
| |
|
|
|
|
|
|
|
|
|
Re: أسـاسـي.. عـجـبتـنـا لـيـك البـنـيـة.. مــبـروك (Re: ابو جهينة)
|
أحبة الصفاء إخوة المنتدى أصدقاء الأثير
لكم اسمي ايات شكري وتقديري جميعكم
اعرف ان لساني دائما ما يسبقني
لكن الان ابحث عنه لاجد كلمات تعبر عني فلا اجد الا ان اقول
بفرح بيها
البنيه الهاجده في احضان خواطري ..البشتهيها
بفرح بيها .. بفرح بيها
البنيه اللامست ايد السعاده..وضجت الاشواق عليها
الحبيبه .. الايقظت
نبض الحروف .. في قلوب صدر الكلام
القريبه .. الزيي لي
في عيونها برتاح الهيام
دي الشوقها نص الليل بصحي
غامض الغمضه وجليها
وبفرح بيها
ليها بتحن القوافي ... فيها تندس المرافي
الجمال الشايفو فيها
في رحاب دنيتنا مافي
جايه من فوق البنيه
ولامست إيد السعاده .. وضجت الأشواق عليها
بفرح بيها .. بفرح بيها
واردد مع المغني بفرح بيها
| |
|
|
|
|
|
|
|
|
 Re: أسـاسـي.. عـجـبتـنـا لـيـك البـنـيـة.. مــبـروك (Re: أبوذر بابكر)
|
بفرح بيها
البنيه الهاجده في احضان خواطري ..البشتهيها
بفرح بيها .. بفرح بيها
البنيه اللامست ايد السعاده..وضجت الاشواق عليها
الحبيبه .. الايقظت
نبض الحروف .. في قلوب صدر الكلام
القريبه .. الزيي لي
في عيونها برتاح الهيام
دي الشوقها نص الليل بصحي
غامض الغمضه وجليها
وبفرح بيها
ليها بتحن القوافي ... فيها تندس المرافي
الجمال الشايفو فيها
في رحاب دنيتنا مافي
جايه من فوق البنيه
ولامست إيد السعاده .. وضجت الأشواق عليها
بفرح بيها .. بفرح بيها
أساسي
ربنا يزيد أيامكم فرح في كل يوم تكبر فيه
ويحفظها ويخليها
وتتربى في عزكم
رجا يا حبيبة تسلمي
| |
|
|
|
|
|
|
|
|
|
Re: أسـاسـي.. عـجـبتـنـا لـيـك البـنـيـة.. مــبـروك (Re: ebrahim_ali)
|
الحبيب اساسي
الف مبروك البنوتة ... لكن جني ماقصر معاك
اها في الاول سميها لينا رجاء عشان يكون عندها حلق دهب ...
وبعدين حانخطبها لي ولدنا حسن حسين ...
--------
ملحوظة:
طبعا هي الخطيبة التانية لانو نحنا حانزوج ليهو اربع من الظلاميات ... الاولي بت عبد الرازق الطالب والتانية بت اساسي ... ولسه في خانتين فاضيات..
مجرد سؤال:
ولا عندكم اعتراض علي كلام الله
| |
|
|
|
|
|
|
|
|
|
Re: أسـاسـي.. عـجـبتـنـا لـيـك البـنـيـة.. مــبـروك (Re: يازولyazoalيازول)
|
العزيزات:
سهام..
منى..
الملكة..
نادية..
نهال الطيب..
نهال كرار..
الأعزاء:
عباس أبو التومات..
بدر الدين السمح..
شرير والبرتقالة..
عمران..
تبلدينا..
إدريس البدري..
ابو جهينة..
أبو الحسين..
فاضلابي..
المطر..
إبراهيم..
أبو آمنة..
إدريس خليفة..
هشام يا زول..
سعدت بمشاركاتكم وسعادتكم بالبنية.. ربنا يحفظها وكل أطفالنا..
يا أساسي البوست ده جاب ناس لي 3 سنين ما شفتهم.. زي فيصل.. ليهم كل التحايا
| |
|
|
|
|
|
|
|
|
|
Re: أسـاسـي.. عـجـبتـنـا لـيـك البـنـيـة.. مــبـروك (Re: Raja)
|
العزيز أساسي الأساسي
هسع عليك الله بعد طولة اللسان والشناكل والعنكبة الفي البورد دي كلها... بت!
طيب كان تخليهم تيمان كان اصلها بت، كان شوية تكون مبلوعة
اها هسع تودي وشك وين زاتو ما عارفين؟!!
هي والله ده كلام مريسة ساكت
اولا الف حمداً لله على سلامة الأم، والف مبروك البنية وان شاء الله تتربى في عز والديه وتكون من بنات الوطن العاملات القانطات الصالحات، وكمان كان ختيت عليها تاني اتنين يا داب تكون ضمنت الجنة كده
وشكرا ليك رجاء على الاخبار الحلوة
| |
|
|
|
|
|
|
|
|
|
Re: أسـاسـي.. عـجـبتـنـا لـيـك البـنـيـة.. مــبـروك (Re: tmbis)
|
الاحبة
طارق
هشام المجمر
عاطف عمر
ياسر طيفور
الصادق خليفة
تمبس
لكم جميعا تقديري واعزازي لهذه الكلمات الجميلة وهذه التهاني القلبية الصادقة التي جعلت للحدث بعدا اخرا
اسال الله ان يغر اعينكم بالبنون والبنات ويفتح عليكم ابوابا من رحمته ورزقه
تمبس مكرر
عليك الله اميرة زي دي يهاوشوا ليها بي جنس اسمك دا؟
| |
|
|
|
|
|
|
|
|
|
Re: أسـاسـي.. عـجـبتـنـا لـيـك البـنـيـة.. مــبـروك (Re: عزاز شامي)
|
السلام عليكم ورحمة الله وبركاته
ومبروك البنوته اخى الكريم اساسى
وحمدلله على سلامه المدام,,,ان شاء الله صحتها تكون تمام الآن,,بلغها تحياتى ومباركتى
أسأل الله تعالى ان يجعلها قره عين لكم ويجعلها من التقيات الصالحات العابدات الساجدات ومن حمله لواء الاسلام
وبارك الله فيكى الحبيبه رجويه وعقبال مانفرح ليك
p.s
عرض الحلق ده لاساسى بس ولا نحنا ننفع برضو????
--------
Quote: ملحوظة:
طبعا هي الخطيبة التانية لانو نحنا حانزوج ليهو اربع من الظلاميات ... الاولي بت عبد الرازق الطالب والتانية بت اساسي ... ولسه في خانتين فاضيات..
مجرد سؤال:
ولا عندكم اعتراض علي كلام الله |
الاخ الكريم Gafar Bashir
طبعا ماعندنا اعتراض على كلام ربنا
والتالته بتى بأذن الله لو ما عندك مانع
بس ما ليك على حليفه اخلى بتى تتفق مع بنت عبد الرازق وبت اساسى ويخلوا الولد من جماعه التكفير والهجره....والا يكلم نفسو وهو نائم
تحياتى للولدعريس بتى
وفى امان الله
لا اله الا الله
| |
|
|
|
|
|
|
|
|
|
Re: أسـاسـي.. عـجـبتـنـا لـيـك البـنـيـة.. مــبـروك (Re: مهيرة)
|
الاحباب
حبيب نورة
عزاز شامي
بت الاحفاد (العروس)
مليار مبروك واسف للتهنئة المتاخرة اظن ايام زواجك كنت خارج المنتدي تقبلي تحياتي والمدام
مهيرة
لكم جميعا كل الامنيات الجميلة بدوام افراحكم وسعادتكم واسال الله ان يشملكم بالهناء والافراح
رجا
الحلق والله منتظرنه باسم ومن غير اسم  وتستاهل الاسم (حيكون اسم الدلع ان شاء الله ) عشان كدا رسلي من عيار 21 انحنا ما طماعين
البت اخدت اسم جدتها لابوها ومن الليلة انا حاغير من اساسي للزير سالم (المهلهل )
| |
|
|
|
|
|
|
|
|
|
Re: أسـاسـي.. عـجـبتـنـا لـيـك البـنـيـة.. مــبـروك (Re: Kostawi)
|
العزيزات:
سوميتا..
عزاز..
بت الأحفاد..
مهيرة..
تماضر..
الأعزاء:
محمد البشرى..
محمد فرح..
حاج حمد..
طارق..
مجمًر..
عاطف عمر..
ياسر طيفور..
الصادق..
تمبس..
أستاذ موصلي..
حبيب نورا..
أشرف..
وكوستاوي..
تكرموا على الحضور والتهنئة يا ذوق..
كوستاوي.. شيوعية الهينة دي.. لسة إنتظر وشوف..
غايتو يا أساسي بنًوتك دي جابت من الحبايب ألف..
| |
|
|
|
|
|
|
| |
Raja
kamalabas
عبد الحميد البرنس
ALGARADABI
lana mahdi
Abdel Aati
abas
أسامة خلف الله مصطفى
jini
ASAAD IBRAHIM
عواطف ادريس اسماعيل
salma subhi
الخير محمد عوض
ناذر محمد الخليفة
abuguta
ابوحراز
وليد محمد المبارك
mulhim
seham_musa
بدرالدين شنا
Muna Khugali
ملكة سبأ
عمران حسن صالح
إدريس البدري
ابو جهينة
اساسي
أبو الحسين
fadlabi
أبوذر بابكر
نهال الطيب
ebrahim_ali
ادريس خليفة علم الهدي
يازولyazoalيازول
Yasir Elsharif
غادة عبدالعزيز خالد
waleed500
ود العجمى
omar ali
Adam D.El-Asha
Yassir7anna
doma
شهاب الفاتح عثمان
محمد البشرى الخضر
Soumeta
محمد فرح
خدر
hajhamad
tariq
هشام المجمر
عاطف عمر
Yassir Tayfour
الصادق خليفة
tmbis
Elmosley
حبيب نورة
bint_alahfad
مهيرة
Ashraf Ibrahim
Tumadir
Kostawi
فيس بوك
تويتر
انستقرام
يوتيوب
بنتيريست