دعواتكم لزميلنا المفكر د.الباقر العفيف بالشفاء العاجل
|
|
 5 لوحات مهر "مـي مـحـجـوب شـريـف".. ألف مبروك
|
الأحباب جميعا..
مسا الخيرات..
اليوم وفي برنامج الجزيرة "هذا المساء" حضرت وكل المشاهدين حفل خطوبة او قولة خير او الحاجات الحلوة البتسبق الزواج.. للحليوة "مي" إبنة الكبير محجوب شريف على شاب فنان تشكيلي.. وكان المهر هو تقديم 5 لوحات هدية من معرضه الذي كان قاعة الإحتفال..
خطوبة شيك.. والمعنى أشًيك.. والعروسين مثال جميل لكل شباب بلدنا..
التقرير كان جميلا وهو يتحدث عن حلول لمشاكل الشباب وغلاء المهور.
ألف مبروك لمي وعريسها ولأستاذنا محجوب شريف ..
|
|
 
|
|
|
|
|
|
|
 Re: 5 لوحات مهر "مـي مـحـجـوب شـريـف".. ألف مبروك (Re: Raja)
|
رجاء سلام
حاجة جميلة وراقية جداً
ومفرحة في جمالها واختلافهاخطوبة مي محجوب شريف واسماعيل حسن
حينما شاهدت التنويه للخبر بقناة الجزيرة، لفتني جداً
فجلست انتظر حتى تم بثه
ليكون الاحساس بالجمال مضاعف :
أن يكون العريس فنان تشكيلي " اسماعيل حسن " والعروسة مي محجوب شريف
ورائع جداً كلامهم عن الفكرة / مي / اسماعيل / محجوب وآخرون ..
وسعادتهم بها
وأيضا يا كانت سعادة كل الحاضرين رائعة وواضحة جدا ..
زواج مختلف وجميل
والف مبروك للعرسان ...
| |
|
|
|
|
|
|
|
|
|
Re: 5 لوحات مهر "مـي مـحـجـوب شـريـف".. ألف مبروك (Re: Adrob abubakr)
|
Quote: هي فرحة رسالة.. لا تأتي إلا من شخص مثل محجوب شريف..
ألم تكن كل قصائده رسائل..؟ |
الأخت العزيزة رجاء:
مرحب بعودتك عضوا فاعلا فى المنبر،
الأعلام المبدعين أمثال محجوب شريف تمثل كل خطواتهم رسائل ستكون باذن الله لبنات لتغيير المجتمع
نحوالأفضل والأجمل فالتحية لهم
تحياتى
| |
|
|
|
|
|
|
|
|
|
Re: 5 لوحات مهر "مـي مـحـجـوب شـريـف".. ألف مبروك (Re: خضر حسين خليل)
|
الحبيبة مهيرة..
الأحباب:
أدروب أبوبكر..
ملاسي..
وخضر حسين..
الأشياء لا تنفصل.. فكل كلمة خطها أستاذ محجوب كانت حقيقة ومعبرة عما يؤمن به. وجعل من ذلك منهجا لكل من حوله بدءا بآل بيته..
مجرد الأمل الذي دخل نفوس الشباب والشابات اليوم، ومجرد الفكرة الجميلة الدخلت عقول بعض الأمهات.. ده في حد زاته فرحة..
وربي يديم الهنا للعروسين الشابين..
| |
|
|
|
|
|
|
|
|
|
Re: 5 لوحات مهر "مـي مـحـجـوب شـريـف".. ألف مبروك (Re: Raja)
|
ملايين التهاني للعريس الفنان إسماعيل حسن وعروسته الفنانة مي ..
وفرحتا ليك يا "سمعة" جدا ..
-------------خضر :
| Quote: ومعاوية كرفس ومجدي بحر وبنبن ومتوكل مبارك ..... |
وكانوا عاملين فيها اهل العريس واهل العروس ..صاح؟؟ 
ياااا خضر ..مشتاقون ..
بلغهم التحايا..
| |
|
|
|
|
|
|
|
|
|
Re: 5 لوحات مهر "مـي مـحـجـوب شـريـف".. ألف مبروك (Re: Elkhawad)
|
سلام يارجاء والف مبروك لمي والاخ اسماعيل والف شكر لهما علي هذه الفكرة الرائعة..
...دي كانت نصيحتي للصديق خليل محمد خليل ابان صيحته الشهيرة منذ عام
Quote: خليل يا ملك العزاب
يا زول انا 100 مرة قلت ليك
غير الاستشاريين بتاعنك ديل
ولانو الناس ديل حناكيش وح يجيبوا خبرك وخبر جيبك العارفوا انا كويس
واوع تكلمني تاني عن حنانة ولا كوفير ولا شنو كده ما عارف
يا زول احنا في بلد اغلبه جياع وفقراء
فبالتالي اعمل كما عمل صديقي....(عبس)
الشيلة
4 كتب
الرحيل الي مدن المستحيل
وقراءت شعرية للصادق الرضي
وكتاب كان كان العوام الذي مات مرتين
وحكاية البنت التي طارت عصافيرها
...
شيل ليك 4 توب من سوق واقف
وملحقاتها
شهر العسل اعمل ورشة لاهل العروسة
واتكلم عن الريف وشوية كلام عن الهامش والمركز
واكسح ليك اي حلة كده في الصعيد فيها اهلك
حتما سوف تستمع
الحفلات ممكن تعمل 10 حفلات
بس جهز للشباب العشاء
وحق الاورغن
وحق (البتاع)
في اطار ده كلو كتر كلامك عن نمط الاغتراب القديم
واذكر بانك مغترب ما زي الناس الزمان
وانك عندك راي في فخفخة المغترب التاريخية
اسمع النصيحة دي يا ابو خلييل وصدقني
مافي عوجة....
والا ...موضوع ح يكون بايظ |
يا بهية وشباب الزمن جنية وعرس مافي
| |
|
|
|
|
|
|
|
|
|
Re: 5 لوحات مهر "مـي مـحـجـوب شـريـف".. ألف مبروك (Re: Raja)
|
روعة والله
وما قادرة اصدق فى السودان بلد البوبار بالكضب والديون
بيع البيوت والاراضى والدهب عشان تعرس لبتها احسن من ناس
فلانة وعلانة .
الحدث ما غريب على هذه الاسرة الرائعة
مبروك لمى وعريسها
مبروك للاستاذ محجوب شريف واميرة الجزولى
مبروك للاخ مصطفى مدثر وزوجته منى الجزولى
ومبروك لينا كلنا على هذه اللفته الرائعة
ملحوظة :
انا غايتوا البخطب بتى شيماء لو ما طلع فنان بديه بالفاتحة بس
اها رأيكم شنو ؟؟؟؟؟؟؟؟؟؟
بت العباسى مشتاقيييييييييييين يا نجمة نجوم الدنيا .
لك الحب
ام وضاح
| |
|
|
|
|
|
|
|
|
|
Re: 5 لوحات مهر "مـي مـحـجـوب شـريـف".. ألف مبروك (Re: Raja)
|
العزيزة رجاء...شكرآ لك.....
ألف مبروك للعروسين...إسماعيل و مي....وإن شاء الله بالسعادة والذرية الصالحة....وشكرآ لشاعر الشعب محجوب شريف ولزوجته الفضلي أميرة ...إنها هدية ودرس ولحظات للتأمل لكل الشعب السوداني...خصوصآ الشباب..... فهلا حزونا حزوهم.....
| |
|
|
|
|
|
|
|
|
|
Re: 5 لوحات مهر "مـي مـحـجـوب شـريـف".. ألف مبروك (Re: Raja)
|
لانه علم انها لون أساسي
يمنح اللوحة ازدواجية القراية
وبفتح الضوء بين خطوط الريشة والخط الاضافي
الذي أتى من عينيه حين راها..
ألف مبروك .. ألف ومبروك
ليس غريبا فهي ابنة محجوب واميرة التي طلبت ان يكون مهرها مكتبة
عائلة اخذت على عاتقها تعليمنا معاني الحب والأنسانية
شكرا رجاء
| |
|
|
|
|
|
|
|
|
|
Re: 5 لوحات مهر "مـي مـحـجـوب شـريـف".. ألف مبروك (Re: Raja)
|
...
ولماذا لا تفعل "مي" ذلك وهاهي القصيدة التي قبلتها أمها من والدها كمهر وشبكة.. ومنفستو
السنبلاية
لّما عرفتك اخترتك سعيد البال..
وختّ شبابى متيقن
عليك آمال
لا جيتك قبيله..
ولا رجيتك مال
ولا مسحور
ويوم ما كنت في عينىّ..
أجمل من بنات الحور
جيتك عاشق اتعّلم
من الأيام
ومن سأم الليالى البور
ومن أسر الوِلِف كتّال
لقيتك فى طشاشى دليل..
وفى حرّ الهجيره مقيل
ركزت على ضاكِ عصاى
لقيتك فى حياتى جذور
بنيّه اتلفّحت بالنور
مهجّنه من غنا الأطفال..
ومن سعف النخيل والنيل
ومن وهج الشمس موّال
*
وان اخترتينى إنساناً..
عزيزَ النفس بتمنّى..
وبسيط الحال
علىَّ حرَّمت زرعاً
ما سقيتو حلال
ومافصّد حصادو قفاى
وبينى وبينك الضحكه..
ورحيق الشاى
وطعم الخبز والسُتْره..
ومساء النور
وعمق الإلفه..
بين النهر
والنخله
وغنا الطمبور
وصدق العُشْره بين الأرضِ..
والإنسان
وبيني وبينك الفكره..
وجمال الذكرى
والنسيان
وحسن الظن
ومشوار الحيا اليوماتى
ما بين الجبل والسهل..
ما بين الصعب والسهل
عزّ الليل..
وفى سكّه مطر بكّاى
فلا هماً تشيلى براكْ
ولا جرحاً أعانى براى
ولانا على بعض نمتن
*
وتزعلى يوم..
وازعل
وننفعل مرات
تقبّلى منّى..
واتوسّد ضُراعى سكات
وفينا حنينه
تتشابك موده..
تشابك الغابات
ونحن اذا اختلفنا سوا..
بنطيع الصاح
ولو بتنا القوا بنرتاح
اذا تمن الملح والعيش..
رُضا الشمّات
*
وتتكى سنبلايه على ضراعى..
واميل
كأنى غنا الطفوله العذبْ
كأن الدنيا طى القلبِّ والمنديل
كأنّ الدنيا طىِّ القلب والمنديل
| |
|
|
|
|
|
|
|
|
|
Re: 5 لوحات مهر "مـي مـحـجـوب شـريـف".. ألف مبروك (Re: عبد اللطيف عبد الحفيظ حمد)
|
مبرووووووووووووك
لكل الناس
مبروك للعريس الصغير اسماعيل حسن اسماعيل
وعروسه الصغيره مي لسه فاكرك طفله صغيره
في الحصاحيصا بتقولي ( بكت الكمنجات اتكت )
في ذلك الميدان الكبير وتلك الحشود يا مي
انت واسماعيل دخلتونا في ضفزرنا
ومزيدا من الفرح
كرفـــــــــــــــــــــس وشلة العذابة
ليكم الله وعيشة السوق معاك معتذ ومتوكل
عاطف انيس عقبال عرس الفه
لكم الحب
معتصم
| |
|
|
|
|
|
|
|
|
|
Re: 5 لوحات مهر "مـي مـحـجـوب شـريـف".. ألف مبروك (Re: معتصم ود الجمام)
|
رجاء .. شكراً على نشر عرس مهرو لوحات ..
أذكر أن مهر زواج محجوب وأميرة كان
أيضاً مهراً رمزيا .. سيف وكتاب تقريباً
شوفي كيف بالله .. وكنا حضورا فرحا في
دار إتحاد المعلمين بالخرطوم
وكان أحسن حفل زواج أحضروا .. وكان
الجميع على خشبة المسرح وودالأمين يغني
والكرت مكتوب عليهو:
ونطلع للحياة أنداد
زي سيفين مساهر فيهن الحداد
ونطلع من بذور الأرض
زرعاً فارع الأعوام
مبروك لـ مي وإسماعين
ومحجوب وأميرة
| |
|
|
|
|
|
|
|
|
|
Re: 5 لوحات مهر "مـي مـحـجـوب شـريـف".. ألف مبروك (Re: bushra suleiman)
|
الزول ما بتوقع من بت محجوب شريف الا تكون طليعية بالنسبة لى بنات جيلها ...
أمها قبلت قصيدة ...وحب واحترام حتى "عرس البنيات" ..
من رجل يمنح الحب زى ماالمطر بدى الدعاش...
الله يخليكم للسودان..وللمستقبل المستنير..ياطلائع المستقبل
_______
مع انه انا شايفة مهرها ده بالجد غالى ..
(هى اللوحة بكام؟)....
| |
|
|
|
|
|
|
|
|
|
Re: 5 لوحات مهر "مـي مـحـجـوب شـريـف".. ألف مبروك (Re: bushra suleiman)
|
الأحباب:
ود الجمام..
محمد عبدالجليل..
وبشرى..
ما أحلى ذكرياتكم التي شاركتكم بها.. فـ "العيال كبرت" ما شا الله..
ولغاية الآن أخال "مي" تلك الصغيرة التي حكيت عنها يا معتصم.. ويا محمد "مي" ورثت رضا ويقين والديها في البسيط.. حتى تعيش في نعيم دائم..
يا بشرى أنا زاتي بسأل عن الناس الحلوة.. بيننا اتصال قرييب
وربي يهني العروسين..
| |
|
|
|
|
|
|
|
|
|
Re: 5 لوحات مهر "مـي مـحـجـوب شـريـف".. ألف مبروك (Re: Raja)
|
إسماعيل قال: "مي فاجأتني بالفكرة"
ومي قالت: "أنا وإسماعيل عاوزين نقدم رسالة للمجتمع"
يعني الفكرة ما فكرة عم محجوب مباشرة!
والله عرفت تختار يا عريس
مشكلة عزوف الشباب عن الزواج بسبب التكاليف المبالغ فيها تحل بمبادرات جريئة زي دي
مش بأفكار الزواج الجماعي وعرس الإستاد و..!!
تحية (تاني) لعم محجوب وأميرة لاهتمامهم بتنشئة مي لدرجة قدرت تصارع غول العادات الاجتماعية المتخلفة
وتحية ليك يا رجاء (تاني)
| |
|
|
|
|
|
|
|
|
|
Re: 5 لوحات مهر "مـي مـحـجـوب شـريـف".. ألف مبروك (Re: Raja)
|
منذ ان شاهدت الخبر على قناة الجزيرة والفرح يغمرني...
ألف مليون مليار مبروك والله....اسماعيل ومي..
بارك الله لكما وبارك عليكما...وجمع بينكما في خير...
شكراً رجوية على زف الفرح...
محجوب شريف وحرمه...تقدمون النموذج الغائب في الزمن الصعب...
بالجمبة كده:
أسع حقوق الملكية الفكرية للوحات دي كيف!
| |
|
|
|
|
|
|
|
|
|
Re: 5 لوحات مهر "مـي مـحـجـوب شـريـف".. ألف مبروك (Re: Raja)
|
لقد اختارت مي محجوب شريف طريق الأحرار وأكدت أنها فعلا بنت أبيها عندما تركت بهرج المال (المهر والشيلة) وعرفت أن قيمتها لزوجها لا يعدلها مال الأرض ولو اجتمع .. واعتقد أن هذا درس لكل بنات جيلها من الفتيات السودانيات اللائي لم يجدن في زيجات "الحكومة" الجماعية غير المزيد من امتهان كرامة المرأة واسترخاصها .. فمهر الزواج ، اذا دفعه العريس ، أو دفعته الحكومة نيابة عنه ، هو في الآخر ثمن شراء للزوجة ، وهذا ما رفضته مي وقبلت بديلا عنه ، هذه اللوحات في رمزية عبقرية لأنها تريد زوجها كله مهرا لها ، بفكره وفنه ، أي بعقله وقلبه ، وتلك هي ثروته الحقيقية .. وهي بفعلتها هذه تضع نفسها على قدم المساواة معه في أمر هذا الزواج المبارك .. والنساء اللائي يتنازلن عن المهر وتكاليف الزواج الغير مبررة جديرات بأن يعطين حقوقهن كاملة وهن يدخلن مؤسسة الزواج فتكون العصمة بأيديهن كما هي بأيدي الرجال ولا يعدد عليهن ..
تهانينا لمي واسماعيل وللأستاذ الشاعر محجوب شريف والأستاذة أميرة ولكل أفراد الأسرة
ولك جزيل الشكر يا أستاذة رجاء على الأخبار المفرحة
عمر
| |
|
|
|
|
|
|
|
|
|
Re: 5 لوحات مهر "مـي مـحـجـوب شـريـف".. ألف مبروك (Re: Raja)
|
الاستاذة رجاء بنت استاذى الخالد عبدالحميد العباسي
شكرا على هذه الإحتفالية باسرة عظيمة .. شاعر الشعب ولسان حال محمد احمد والكنداكة العظيمة التى وقفت وراءه والعروسة الغالية وزوجهاوالمهر وهم يرسمون لوحة السودان الجديد... التهنئة لكم جميعا وانتم تفرحون بزهرة شاعر الشعب... وانحناءة لمحجوب الذى جعل مشوار الحياة اليوماتى ما بين الصعب والسهل وما بين الجبل والسهل.. مشوارا جميلا ومليئا بالفرح رغم مكابداته وألامه.. ونرفع نخب العروسين عاليا فى صحة الشعب الجميل... شعب محجوب شريف..
المزيد من الصور .. رجاءا يا رجاء العظيمة..
نورالدين منان
| |
|
|
|
|
|
|
|
|
|
Re: 5 لوحات مهر "مـي مـحـجـوب شـريـف".. ألف مبروك (Re: معاوية كرفس)
|
سلامات
وعوافي
للناس الحلوة وطيبة..
الف مليون مبروك لي اسماعيل ومي..
وللوالد الحبيب استاذ محجوب شريف وللوالدة الحبيبة اميرة الجزولي وللاخت مريم كريم التهاني والتبريكات ..
ويا اسماعيل ومي فرحنا ليكم وللقيمة النبيلة التي افتتحتم بها طريق حياتكما ..
الف مليون مبروك لكل الناس ..
محبتي ..
تخريمة:-
رجوية شنو انتي وين وكيفك انشاء الله كويسة ياعزيزة ..
| |
|
|
|
|
|
|
|
|
|
Re: 5 لوحات مهر "مـي مـحـجـوب شـريـف".. ألف مبروك (Re: ودرملية)
|
أميمة يا حبيبة..
صديقي الحبيب عبدالرحيم ود رملية..
لما الناس الحلوة ديل فكرو يعملو معرض، كانو متأكدين من انو الحيشاركوهم ناس جميلين..
وفعلا.. كل من شارك في الاحتفال الجميل ده يستحق التحية..
وألف مبروك مي وإسماعيل..
أنا بخير وبسأل عنكم برضو..
| |
|
|
|
|
|
|
| |
Raja
مريم الطيب
nassar elhaj
طلال عفيفي
Ashraf el-Halabi
lana mahdi
Adrob wad Elkhatib
waleed500
.. 
خالد العبيد
صديق الموج
معاوية كرفس
kamalabas
Tagelsir Elmelik
المسافر
ABU QUSAI
elsharief
معتصم دفع الله
محمد أبوالعزائم أبوالريش
Hussein Mallasi
مهيرة
خضر حسين خليل
gessan
شهاب الفاتح عثمان
HAMZA SULIMAN
عبدالكريم الامين احمد
essam&amal
Rashid Elhag
امل احمد عمر
عبد اللطيف عبد الحفيظ حمد
معتصم ود الجمام
Mohamed Abdelgaleel
bushra suleiman
Tumadir
عامر تيتاوى
غادة عبدالعزيز خالد
عبدالمنعم خيرالله
AnwarKing
Omer Abdalla
خالد الأيوبي
عواطف ادريس اسماعيل
amar nagmaldyn
بدر الدين الأمير
Atif Makkawi
Mannan
عمر ادريس محمد
بدرالدين شنا
salma subhi
Azhari Nurelhuda
Omayma Alfargony
ودرملية
فيس بوك
تويتر
انستقرام
يوتيوب
بنتيريست