|
دعواتكم لزميلنا المفكر د.الباقر العفيف بالشفاء العاجل
|
|
 Re: مـسـيـنـجـر عـلـى الـهـواء.. (Re: معتصم دفع الله)
|
معتصم يا عزيز..
ســلامات كتارات خالص..
انتا الوين..؟ ووين صديقي صلاح شتات.. شفتو يوم كده جا كتب كلمة ورد غطاها.. وما عرفنا الحاصل شنو..
لا لا.. شفتو في بوست البكا بتاع عمي شيخ الدين برضو..
تحياتي.. ورمضان كريم..
| |
 
|
|
|
|
|
|
|
 Re: مـسـيـنـجـر عـلـى الـهـواء.. (Re: osly2)
|
سلامات
وعوافي
تخريمة
امشي بي هناك علي بوست رفاعة دا يارجاء انكن يكون في زول شخبت تخريماتك وانتقدا ليك من نقد الدجاج الحب اي يلقطه ويسفسفه سفسفة الكتاحة لي الدقيق..
| |
|
|
|
|
|
|
|
|
|
Re: مـسـيـنـجـر عـلـى الـهـواء.. (Re: Raja)
|
سلامات
وعوافي
رجاء سبحان الله عن سؤالك تتخيلي راكوبة قبل ساعات قد وصل الدوحة قادما من اجازة قصيرة في السودان..
تخريمة: انتي راوية دي مالا زي هلال رمضان كدا تظهر من الحول للحول
تخريمة 2: قولي ليها سلمي علي نور الطيبة وانتي الفيك اتعرفت
| |
|
|
|
|
|
|
|
|
|
Re: مـسـيـنـجـر عـلـى الـهـواء.. (Re: الواثق تاج السر عبدالله)
|
العزيز واثق..
ســــلامات..
ما تتخيًل أمبارح رجعتا البيت مبسوطة قدر شنو.. الحمد لله..
وأنا جاية عندكم زي الموديني للدكتور  .. أقدم رجل وأأخر التانية.. وقلبي قعد في معدتي  .. وحالتي كانت صعبة بجد  ..
سعدت بكل الشباب الواعي الواعد بمستقبل باهي.. وسعدت أكتر بمقابلتك..
الملخص حينزل ما تقلق.. وبكرة حأجي أحضر معاكم المحاضرة الختام..
| |
|
|
|
|
|
|
|
|
|
Re: مـسـيـنـجـر عـلـى الـهـواء.. (Re: Ehab Eltayeb)
|
العزيز إيهاب..
كل عام وانتم بخير..
رمضان كريم.. تصومو وتفطرو على خير..
تعرف حاجة.. امبارح في بوست الترتيب العائلي.. كنتا عايزة اعمل ليك تخريمة طويلة.. أسأل فيها عن احوالك..
وبجد أفتقد أيام وبوستات جميلة..
| |
|
|
|
|
|
|
|
|
|
Re: مـسـيـنـجـر عـلـى الـهـواء.. (Re: Raja)
|
الله اكرم ياغاليه...
يعود علينا وعليكم بالف خير وعلى الجميع ان شاء الله
Quote: تخريمة: انا وردتك دي عاجباني شدييد..
|
لو عرفتي سر الورده دي يا رجويه اديكي ليها هديه  
لك حبي
وسلامي للجميع
نوف
| |
|
|
|
|
|
|
|
|
|
Re: مـسـيـنـجـر عـلـى الـهـواء.. (Re: WaD OmI)
|
العزيزة نوف
الــــ1000ـــف حمداً لله على السلامة
تحيات كتاااااااااااااار
وشوق شدييييييييييييييد والله
أنا قلت طالما رجاء عملت ماسنجر على الهواء
ولقيتك هنا قلت أجي أسلم عليك
والله كنت ناوي أنزل ليك بوست اليوم معليش مزحوم على الآخر
وأنا زاتي زي رجاء الوردة دي عاجباني شدييييد
كل سنة وأنت طيبة
عليك الله تاني ما تغيبي
خليك معانا هنا دا ..
| |
|
|
|
|
|
|
|
|
|
Re: مـسـيـنـجـر عـلـى الـهـواء.. (Re: معتصم دفع الله)
|
الله يسلمك يا معتصم دفع الله
ويسال منك الخير دايما
| Quote: والله كنت ناوي أنزل ليك بوست اليوم معليش مزحوم على الآخر |
وكل سنه وانت طيب وكل الاسرة الكريمه
والورده دي والله غااااااااااااااااااااليه على جدا جدا جدا
لو ماكده كان اهديتها ليك انت ورجا
لك شكري الجزيل
نوف
| |
|
|
|
|
|
|
|
|
|
Re: مـسـيـنـجـر عـلـى الـهـواء.. (Re: Raja)
|
مسينجر على الهواء للرجل الفاضل كمال عباس..
تحايا وود..
طلبت رقم هاتفك من راوية وكتبته لي.. ولكن لدي مشكلة في الـ 2 و 3 لذلك طلع الرقم غلط.. وجاتني خواجياية ظريييفة  ..
انتظر من راوية ان تكتب لي الأرقام بالحروف..
رمضان كريم..
| |
|
|
|
|
|
|
|
|
|
Re: مـسـيـنـجـر عـلـى الـهـواء.. (Re: kamalabas)
|
الأحباب راوية وكمال عباس..
ســـلام من هسع لغاية ما نسمع الصوت..
وكل سنة وانتم بخير..
بالمناسبة الاستعدادات لرمضان بدأت من فترة..
الشوارع كلها شودار لبيع الياميش.. والأفران اتجهًزت للكنافة والقطايف.. والأطفال زيًنو كل الشوارع وربطو بين العمارات بالزينة والفوانيس الكبيرة ولمبات الكهرباء..
نشتاق لكم..
| |
|
|
|
|
|
|
|
|
 Re: مـسـيـنـجـر عـلـى الـهـواء.. (Re: ASAAD IBRAHIM)
|
الغالي أسعد أبو هديل العسل..
كل سنة وانت وأسرتك بألف خير..
وتصومو وتفطرو على خير..
أها جينا للغنية..
ما عندي غيرها: تحرمني منك.. لعبد العزيز المبارك..
وأهديها لكل الناس الحلوة الشاركو في البوست ده.. والحيشاركو.. والقراء المتابعين.. الحلوين منهم .. الوحشين لأ..
دمت..
| |
|
|
|
|
|
|
|
|
|
Re: مـسـيـنـجـر عـلـى الـهـواء.. (Re: ASAAD IBRAHIM)
|
الله يا رجاء شكرا على الاغنية
تحرمني منك وكلام في الخاطر وذكريات المدرسة وقميص تحرمني ، شكرا على الاستراحة ن
تخريمة /ودرملية انت بنات العباسي ديل عايز ترحلهم رفاعة ولا شنو ؟
الاغنية دي جاية من وين واللنك وين يا رجاء
| |
|
|
|
|
|
|
|
|
|
Re: مـسـيـنـجـر عـلـى الـهـواء.. (Re: Ali Alhalawi)
|
العزيز علي الحلاوي..
ألف مرحب بيك.. وكل عام وانتم بخير..
نور وداليا بنات الغالية أميرة - رحمها الله - بألف خير وعافية.. وهن يعشن مع جدهن الأستاذ بشير في الخرطوم.. نور في تانية ثانوي وداليا داخلة الثانوي..
كل صيف يأتين لوالدهن لقضاء شهرين.. وقد التقيت بهن وهن على ما يرام..
دمت وسلمت للسؤال..
وربنا يرحم أميرة إسحق..
| |
|
|
|
|
|
|
|
|
|
Re: مـسـيـنـجـر عـلـى الـهـواء.. (Re: عشة بت فاطنة)
|
الحبيبة عشة بت فاطمة..
رمضان كريم..
وكل سنة وانتي وعيالك وأبو عيالك بألف خير..
انا غايتو خلاص ستًفتا عفشي ورحلتا رفاعة.. ود رملية مؤخر لينا اجراءات الدخول..
يا أسعد جيب لينا اللينك للغنية الجميلة الحتجيب لينا الناس المرهفة..
| |
|
|
|
|
|
|
|
|
|
Re: مـسـيـنـجـر عـلـى الـهـواء.. (Re: tmbis)
|
تمبو الحبيب..
كل سنة وانت بخير..
قلت لي (لطشة) ..
طبعا عمك أسعد حيخنقك .. لأن الناس كلهم قايلنك الجايب الحاجة الحلوة.. وهم ما غلطانين.. أصلو مجايبك كلها حلوة..
الوصية في الذمة.. فطور رمضان بتاع بورداب الرياض تقولو لينا متين.. عشان نتابع ونشارك..
| |
|
|
|
|
|
|
|
|
|
Re: مـسـيـنـجـر عـلـى الـهـواء.. (Re: Raja)
|
الغالية رجـاء ..
مهمــا غبنا ..
إو رحلت بنا الرواحــل بعيداً عن مضارب الأحباب ..
أو أخذتنا قوافل الصيف أو الشــتاء ..
أو تعثرت الخطى ..
فأنتم في قمـة الذاكـرة ..
في نبرات الصوت .. وبين أحرف الكلمـات ..
في ظلال المسـافة وصــدى الأمــاكن ..
عميق شكــري يا رجــاء ..
وتحيات كتييييييييييييييرة لي راوية
ونلتقي
صلاح / شتات
| |
|
|
|
|
|
|
|
|
 Re: مـسـيـنـجـر عـلـى الـهـواء.. (Re: Ana Zaty Omdur)
|
الاعزاء
رجاء ست البوست
والعزيز علاء
واختنا ام درمانية
وعشة بت فاطنة
وكل من خاض في امر الغنية
والله صحي المثل البيقول
الخيل تجقلب زي الشراء في القندول
وكمان الواحد يستغل الماسنجر :
الاخ النصري :
شنو يعني خلاص خليت رسالة وريحت ضميرك حاول تاني
مع الشكر
| |
|
|
|
|
|
|
|
|
|
Re: مـسـيـنـجـر عـلـى الـهـواء.. (Re: هاشم نوريت)
|
العزيز هاشم نوريت..
كل عام وانت والأسرة بألف خير..
طبعا يوم الأحد كنت المفروض أشارك معكم في يوم البجا..
حالت ظروف دون المشاركة..
لك ولكل أهل البجا العتبى.. والجايات أكتر..
ورمضان كريم..
| |
|
|
|
|
|
|
|
|
|
Re: مـسـيـنـجـر عـلـى الـهـواء.. (Re: Raja)
|
ماسنجر لرجويه وراويه مادام ما معبرنى
رمضان كريم وتصومو وتفطرو على خير, جعلنا الله من عتقاء هذا الشهر الفضيل, والشوووووق بحر
ماسنجر للحبيبه نوف
مشتاقيين كثير, وينك ياحبيبه, تانى ماتطولى الغيبه,
محتاجه اتكلم معاكى ضرورى, رمضان كريم , تصومى وتفطرى على خير
ماسنجر لكل الناس الكتبت هنا
رمضان كريم, تصومو وتفطروا على خير
وفى امان الله
لا اله الا الله
| |
|
|
|
|
|
|
|
|
|
Re: مـسـيـنـجـر عـلـى الـهـواء.. (Re: zola123)
|
كل الاحباب الهنا
كل سنه وانتو طيبين
تصوموا وتفطروا على خير
بونى والله مشيت ليك فى بوست الشكر والعرفان وسلمت عليك
وتانى هنا اهلا بيك
زوله العسل
الويب تعبت معاى فى النهايه طلعنا بالنتيجه دى ارجو ان تكون مقبوله
الصوره...... عشان المشاط عاجبنى
صراحه الفات كان احلى على قول البت كان فرعونى اكتر
لكن برضو تسلم ايد الست المشطتنى
وميرسي
| |
|
|
|
|
|
|
|
|
|
Re: مـسـيـنـجـر عـلـى الـهـواء.. (Re: zola123)
|
زولا واحد اتنين تلاتة العسل..
رمضان كريم.. وتصومو وتفطرو على خير..
تحياتي لكل أفراد اسرتك الكريمة..
تخريمة: انا زاتي عجبني مشاط راوية.. أدفع نص عمري وألقى زول يعمل لي زيًو..
| |
|
|
|
|
|
|
|
|
|
Re: مـسـيـنـجـر عـلـى الـهـواء.. (Re: Hadia Mohamed)
|
الحبيبة هادية..
كل عام وانتي وأسرتك الحبيبة بألف هناء.. وتصومو وتفطرو على خير..
الكنافة ماهي الكنافة مع الأحباب.. ولا ليالي الحسين والسيدة..
تحياتي لهاشم.. وقولي ليهو كنت أتوقعه هنا في القاهرة.. فهنالك مولد ..
وسلامي لداليا وأخوانها.. وليحيي..
| |
|
|
|
|
|
|
|
|
|
Re: مـسـيـنـجـر عـلـى الـهـواء.. (Re: Raja)
|
مسينجر على الهواء لأتنين من أصدقاء النيمة الظليلة..
آمال أم وضاح وعلي عثمان..
أفتقدكم والمنبر كذلك..
أين انتم..؟
وكل عام وانتم وأركم بخير..
تخريمة: هذا الكارت هكر من مكان عزيز..
| |
|
|
|
|
|
|
|
|
|
Re: مـسـيـنـجـر عـلـى الـهـواء.. (Re: بلدى يا حبوب)
|
يا رجاء
رمضان كريم
كم جميل تلك الخلفيةالمصاحبة لهذا البوست وللموسيقي مقدرة فائقة علي اختراق عوالم مجهولة وللاغنيات مناخاتها فهي تمارس تحضير الارواح وتاتي اليك كل الازمان والامكنة السابقة واللاحقة في لحظة شجن كثيف قد يكون ممتلئا بحنين الي عالم من الصعب ان تجدة الان وقد يكون ممتلئا بامل ورجاء الي عالم ملئ بالبنفسج والحب .ولذلك تكون الموسيقي رقم سري للدخول .
اسف رجاء إذا خرمت شوية .انة هذيان الروح واستفزازها من قبل موسيقاكم المختارة .
لكم حبي الشديد
مجدي شبندر
| |
|
|
|
|
|
|
|
|
|
Re: مـسـيـنـجـر عـلـى الـهـواء.. (Re: Raja)
|
الحبيبة رجاء
كل سنة وانت بالف عافية وتصومى وتفطرى على خير انشاء الله والسنة الجاية على امانيك.
انا من اشد المعجبين بيك وبشخصيتك والله بريدك شديد.
نســــــــرين أميـــن
| |
|
|
|
|
|
|
|
|
|
Re: مـسـيـنـجـر عـلـى الـهـواء.. (Re: Amjed)
|
العزيزة رجاء
رمضان كريم
تصومى وتفطرى على خير
تخريمة :
فى بوست توقيعات العميد عبد العزيز خالد كان هناك توقيع من محمد وردى (صحفى) موجود فى القاهرة لو عندك ليه اى وسيلة اتصال ممكن تدينى اميلو او تلفون
محمد ادريس
| |
|
|
|
|
|
|
|
|
|
Re: مـسـيـنـجـر عـلـى الـهـواء.. (Re: لؤى)
|
لؤي العزيز الراقي..
كل يوم وانت بألف خير..
وربي يحقق كل أمنياتك.. قول آآآمين
تخريمة: والله الكروتا قاعدين يقعو لي في طرفي.. الحبايب ما قصًرو خالص.. وأعجبك في الهكر ..
ليك وحشة.. ورمضان كريم..
| |
|
|
|
|
|
|
|
|
|
Re: مـسـيـنـجـر عـلـى الـهـواء.. (Re: مراويد)
|
الغالي بجد مراويد..
ويييينك مختفي..؟ خير ان شا الله..
اوعك تقول لي رمضان.. انتا غاطس قبل رمضان..
وحاضر يا سيدي.. عليك علي آكل ليك نص كيلو كنافة.. بس.. وأشرب شوبًين فخفخينا من فرغلي.. كفاية ولا نزيد..؟
كل سنة وانت وأسرتك الكريمة بألف خير..
ورمضان كريم..
| |
|
|
|
|
|
|
| |
Raja
الواثق تاج السر عبدالله
osly2
معتصم دفع الله
ودرملية
Ehab Eltayeb
WaD OmI
Rawia
kamalabas
ASAAD IBRAHIM
عشة بت فاطنة
mohamed elshiekh
tmbis
شتات
هاشم نوريت
bint_alahfad
zola123
Safa Fagiri
أحمد الشايقي
Amjed
Kostawi
بلدى يا حبوب
مجدي شبندر
hanouf56
لؤى
omer almahi
فيس بوك
تويتر
انستقرام
يوتيوب
بنتيريست