دعواتكم لزميلنا المفكر د.الباقر العفيف بالشفاء العاجل
|
|
 كــل هــذا الــشــوق..
|
الأحباب البورداب والمتصفحون..
أسبوعان قضيتهما في البلد الجميلة اريتريا.. وكان الجمال سيكون مكتملا ان وجدت سبيلا للقياكم في المنبر.. ولكن نسبة لبطء في "السيرفير" يتطلب روحا طويلة ووقتا أطول لم يكونا بحوزتي.. تعذر به التواصل معكم..
أحمل معي بجانب الأخبار والتقارير ذكرى لقاء زملاء المنبر سواء الأسمريون أو ضيوفهم.. حيث تشرفت بمقابلة نهار عثمان نهار.. ووائل محجوب إضافة لتواجد الصديق الحبيب بكري الجاك معي في كل الأوقات، وفائز السليك الذي كان متغيبا في دارفور وشهدته أسبوعا..
أحمل عهدا في نفسي إلا أنساق وراء مهاترة أو لفظ دون المستوى.. ولن أكون طرفا في أي حديث يراد به قيادة هذا المنبر إلى درك أسفل.. فقد عرفت من خلال حديث كل من ألتقيته انهم يبدأون به يومهم ويختمون..
أحمل أيضا خبرا مفرحا لن أطلقه إلا يوم الخميس القادم.. وهو برطمان "مربى" يا تماضر وراوية  ..
وأحمل ودا وشوقا لكل نفس جميلة وقلم نبيل وفكرة رائعة وقلب محب..
إن غبت قليلا.. فسيكون فقط لأني أعاني من نزلة برد حادة وإرهاق..
|
|
 
|
|
|
|
|
|
|
 Re: كــل هــذا الــشــوق.. (Re: osly2)
|
الغالي كمال أوسلي..
لييه البرطمان الفاضي..؟ انت تستاهل كرتونة مليانة  ..
أصبر بس لغاية يوم الخميس..
لو مشيت قريت بوست معيًن كده حتعرف يوم السبت فيهو شنو  ..
تحياتي وودي..
| |
|
|
|
|
|
|
|
|
|
Re: كــل هــذا الــشــوق.. (Re: شمهروش)
|
شمهورش الكوز الظلامي العنصري العزيز..
| Quote: من غبتي ماشرقت شمس والدهشة ساساق الدروب لي وين تمش.... |
ده كلو لي انا..؟ ما قادرة اصدق إنو منك ..
سلمت ودمت..
| |
|
|
|
|
|
|
|
|
 Re: كــل هــذا الــشــوق.. (Re: Raja)
|
راجا
ياخي حمدا الله علي السلامة
سلامتك من الحمّي أم برد
وتاني بقول
بسم ايات الله امين
وبسمك
مدخل اول :بيني وبينك الضحكه ورحيق الشاي
وطعم الخبز والستره
ومساء النور
وعمق الالفه بين
الزهر
والنخله
مغنا الطنبور
مقدق العُشره بين الارض .. والانسان
وبيني وبينك الفكره
وجمال الذكري
والنسيان
وحُسن الظن
| |
|
|
|
|
|
|
|
|
|
Re: كــل هــذا الــشــوق.. (Re: Raja)
|
Quote: الغالي ورًاق..
الله يسلمك.. اتمنى ان تكون الأخبار الجاية من السودان حلوة.. عشان نحضًر الحلق والغويشة كمان.. |
رجاء الله فكاك من الحلق والحاح اهل العوض..بختك وبختنا اسماعيل
جابو ليه ولد وسموه ( امحمد) بضم الميم وتشديد الحاء لو سمحتى،
| |
|
|
|
|
|
|
|
|
|
Re: كــل هــذا الــشــوق.. (Re: صديق الموج)
|
رجاء النبيلة
الضربات التى لاتقتلنا تقوينا
ستأتى تماضر تصهل بالنشيد
وراوية البنت الشجاعة الجميلة
اكيد برطمان المربى عندى منو نصيب، ماتنسى ياصديقة
حمدللة على السلامة وفى انتظار اخبارك تفصيلا
| |
|
|
|
|
|
|
|
|
|
Re: كــل هــذا الــشــوق.. (Re: osly2)
|
الجندرية
ماتخافى عندنا فيها نصيب، اطمئنى وكان رجاء بقت غتيته، حاشاها، بسافر ليها فى القاهره وبأخد نصيبى من البرطمانية وبجيب ليك معايا لكن تدى معاك عثمان، اتفقنا بالجميلة الراقية
| |
|
|
|
|
|
|
|
|
|
Re: كــل هــذا الــشــوق.. (Re: Raja)
|
رجاء
عودا حميدا
اهم حاجه برطمانية شمار اسمرا. بالله ورينا الحصل كله
اماكمال اوسلى ده فساكن جنبى و بعرف اشيل منو الفاضى كيف.
جاييكم فى كايرو وداير لى شقه. ارجوا المساعده و بالله خلى الكومشن صغنن عشان يادوب باديين وكده.
| |
|
|
|
|
|
|
|
|
|
Re: كــل هــذا الــشــوق.. (Re: Ahmed Al Bashir)
|
العزيز أحمد البشير..
الله يسلمك..
اللذيذ اني جيت محمًلة ببرطمانيات شطة "دليخ".. وبكمية مقدًرة من "الأنجيرا".. وكلها وصايا.. يعني ما نالنا من الحب ولا برطمانية..
مرحب بيك في القاهرة..
| |
|
|
|
|
|
|
|
|
|
Re: كــل هــذا الــشــوق.. (Re: Raja)
|
رجاء
والله مشتاقين كتير ،،
ولو تأخرتي في كتابة هذا البوست لكنت كتبت بوست من عندي ،،
ألف حمدا لله على السلامة ،،
لاقيتي منو من الاتحاديين ؟؟
وبكري الجاك كان مبسوط ؟؟
رسلي لي ملعقة من المربى عشان أعمل بيها سندوتش ..
ممكن بعد كده نجي القاهرة بدون تأشيرة وللا لسة ؟؟
| |
|
|
|
|
|
|
|
|
|
Re: كــل هــذا الــشــوق.. (Re: ودقاسم)
|
شنو يا جماعة أنا شكلي جيت متأخر حبتين ..
لكن نعمل شنو في النت وأعطاله ..
رجاء ..
ألف حمداً لله على السلامة ..
وبركة الجيتي طيبة ..
بس ما تنسينا من باقي البرطمان ..
| |
|
|
|
|
|
|
|
|
|
Re: كــل هــذا الــشــوق.. (Re: ودقاسم)
|
الغالي ود قاسم..
يااااا.. بجد ليك وحشة كبيرة..
اولا بالتبادي.. قابلت قريبكم أحمد سعد عمر.. وهو رجل فاضل جمعني به من قبل سكن فندق واحد.. وقد تكرم باعطائي بعضا من "الشاي" المخصوص الذي أحضره معه من انجلترا..
كان معنا ايضا الاتحادي المحامي عثمان عمر الشريف..
إضافة لإتحاديي التجمع التوم هجو وصديقي حاتم..
المفاجأة الحلوة ان اصطحب الزميل الاتحادي سيف اليزل معه عروسه "اللنج" ابتهاج.. مما أعطى الرحلة شكلا جميلا ومبهجا..
أما بكري الجاك فآخر انبساط.. واليومين ديل بيعمل في كورس لغة فرنسية .. الخوفة يجي يطبًقوا فينا هنا  ..
اما عن المعلقة العايز تعمل بيها سندويتش.. فهي تسريبة "المربى خليط من الصحافة والشعر".. وبس ..
| |
|
|
|
|
|
|
|
|
|
Re: كــل هــذا الــشــوق.. (Re: Raja)
|
العزيزة الغالية الحبيبة رجوية
كل الود والتحية لشخصك العظيم الف حمدالله على السلامة
ونورتى هلا ومرحبا الهميمة رجوية الكريمة لك التقدير والاحترام
بت القبايل
| |
|
|
|
|
|
|
|
|
|
Re: كــل هــذا الــشــوق.. (Re: بت القبايل)
|
الحبيبة "بت القبايل".. الهميمة..
لك كل الود وانتي تنتقلين وتربطين العالم من حولك باتصالاتك الدافئة المهمومة..
بيننا اتصال قريب باذن الله..
سعيدة انا بمعرفتك وصداقتك..
| |
|
|
|
|
|
|
|
|
|
Re: كــل هــذا الــشــوق.. (Re: WaD OmI)
|
الغالية رجاء ..عودا حميدآمستطاب ...واكيد تدوزنتي بمقدار الف
وعدتي اكثر املا واقوي ...ياعزيزتي ونحن صرنا في غربتنا مالنا من فضاء الاهذا الفضاء ومالنا من لقاء الالقاؤنا هنا .... بالله كيف اسمرا وكيف (كمبوشتاتو ) هذا الشارع الجميل الذي يمثل رمز للحرية عند الشعب الاريتري العظيم ...طبعا قدلتي فيه قدلة فاهمة ..... رجاء اقدلي هنا ماتسني لك المشي وماتسني لك الحكي ....دمتي
الهام
| |
|
|
|
|
|
|
|
|
|
Re: كــل هــذا الــشــوق.. (Re: TahaElham)
|
الحبيبة إلهام..
كل الود لك وانا اقرأ أحرفك الجميلة التي تجعل من متلقيها "فارسا" يحمل سيفا هو أصدق إنباء من الكتب..
بالطبع "قدلت" في شارع "كموشتاتو".. وكنت مثل المرشد السياحي للزملاء الذين يزرون أسمرا لأول مرة.. شفتي كيف ..؟
جميل ذلك الشارع، وجميلة تلك المقاهي التي تنتشر في جنباته..
دمتي لي اختا فاضلة وصديقة نبيلة..
وكل هذا الود..
| |
|
|
|
|
|
|
|
|
|
Re: كــل هــذا الــشــوق.. (Re: WaD OmI)
|
نوفا الحبيبة..
سلاااامااات كتيراااات.. وليك وحشة آآآآد كده..
المشكلة مافي الكافيهات.. المشكلة نعمل شنو فيها والسيرفر شبه موجود..؟ كان معاي "لاب توب".. ولكني استخدمته في "لعب الكوتشينة"  ..
ولك انتي حبي وتقديري وفخري بمعرفتك وصداقتك..
دمتي لي يا غالية..
| |
|
|
|
|
|
|
|
|
|
Re: كــل هــذا الــشــوق.. (Re: Raja)
|
شخصك وافى
جميل وموافى
تبر وعسجد
حالى قوافى
ابيض نيه
كبير القلب
عالى المعنى
عظيم القامة
وعالى الهامة
نور اصباحك
طفى مصباحك
وطل صباحك
مشرق وحانى
واضحة حروفك
وافى بيانك
وشافى بنانك
مترع طيبة
ومنبع طيبة
وكلها ما بتساوى
الجوه وخافى
انت الامل
ووعد الفجر
ونور الشمس
اللازم يوافى
ليك تحية
وليك السلام
وليك القيام
والاحترام
**********
بت يا تمام التمام
ومشتاقييييييييييييين
والحب
ام وضاح
| |
|
|
|
|
|
|
|
|
|
Re: كــل هــذا الــشــوق.. (Re: Alia awadelkareem)
|
الاخت العزيزه رجاء
حمدا لله على السلامه
والعود أحمد
وحقى من برطمانية العسل الاسمرى لا أتنازل عنه
وقسمه عادله بينى والاخوات راوية وتماضر
ويوم الخميس من الصباح بنتظر البوسطجى
أخوك عبدالعزيز خطاب
| |
|
|
|
|
|
|
|
|
|
Re: كــل هــذا الــشــوق.. (Re: Raja)
|
العزيزة رجاء
الف حمدا لله على سلامة العودة
كنا نتوقع منك تقاريرا ساخنة من هنالك ولكن الشبكة لم تسعدنا بذلك وهانحن نتوقع الان تقاريرا وافية عما جرى بعيونك انت ...
تحياتى
| |
|
|
|
|
|
|
|
|
|
Re: كــل هــذا الــشــوق.. (Re: قرشـــو)
|
الحبيب ابن الحبايب خالد..
تسلم من كل أذى.. وعلى وعد بكل التقارير والتعليقات التي قد تجيب على بعض تساؤلاتكم حول مصير وسير اجتماعات التجمع..
ودمت لنا أبدا..
| |
|
|
|
|
|
|
|
|
|
Re: كــل هــذا الــشــوق.. (Re: Rawia)
|
اختي وصديقتي وشريكتي في أمي وأخوتي ووريثتي في أبي وقسيمة هم وفرح وحاجات حلوة كتيييييييييير لاولا..
تخريمة واجبة: معليش يا جماعة اني فرحت قدر ده بدخول راوية هنا..
مرحب بيك.. والبورد خلا من غير طلتك وكلمتك..
الله يخليك لي وللناس الحلوة ديل كلهم..
وشكرا للأغنية يا راقية..
| |
|
|
|
|
|
|
|
|
|
Re: كــل هــذا الــشــوق.. (Re: Raja)
|
ألف حمداً لله على السلامة يا رجاء
سلامتك بالدنيا
نورتي البورد واسف اني وصلت متاخر ولك العتبي
وسلامتك من البرد وفي انتظار رجوعك بقوة
اخوك/بهاء
| |
|
|
|
|
|
|
|
|
|
Re: كــل هــذا الــشــوق.. (Re: Elkalakla_sanga3at)
|
بهاء العزيز..
البورد منًور بناسو الحلوة.. ودافعي في العودة حلو وجميل.. لأني عرفت ان هذا الوطن ليس وهما كما يقول "أساسي".. لأنه لا يمكن ان تكون كل هذه العلاقات التي جمعتنا وهم..
دمت أخا كريما وصديقا نبيلا..
| |
|
|
|
|
|
|
|
|
|
Re: كــل هــذا الــشــوق.. (Re: Raja)
|
العزيزة رجاء.
ألف حمد لله على السلامة.
مرحبا بيك في البورد, والله أنا حاسدك عدييل كده. أصلوا أنا عندي معزة خاصة لإريتريا وشعبها الطيب.
دينق.
| |
|
|
|
|
|
|
|
|
|
Re: كــل هــذا الــشــوق.. (Re: Deng)
|
دينق الغالي..
سلمت يا عزيز.. وبجد أسمرا افتقدتك.. لقينا روحنا انا ونهار ووائل مع بورداب أسمرا بدون مقدمات.. ولا تنسى الأمان والهدوء الذي ينسيك اي "هبوب" برة..
اتمنى ان تستطيع الذهاب هناك قريبا..
بالمناسبة نهار عندو الصور.. وقال انه سينشرها حالا.. لكن شكلو كده ما قاعد في بلدو..
دمت لي أخا كريما وصديقا نبيلا..
| |
|
|
|
|
|
|
|
|
|
Re: كــل هــذا الــشــوق.. (Re: walid taha)
|
يا رجاء....ان شاء الله جايينكم بالدرب العديل...في اوائل اغسطس...ووقتها نلقاك ما عندك نزله...والبرطمانيه لسه فيها شيْ
يا قول الناس هنا....تأمرينا بشيء...من هنا...قبل ما نجيك...
| |
|
|
|
|
|
|
|
|
|
Re: كــل هــذا الــشــوق.. (Re: tmbis)
|
تمبو الغالي..
يااااااااااااااااااااااا
ليك وحشة آآآآآد كده.. والتخريمة عندك..
أفتقد تحدياتنا ومراويد وراوية والمطر والملكة..
أين تلك الأيام..؟
بل..
أين نحن..؟
| |
|
|
|
|
|
|
|
|
|
Re: كــل هــذا الــشــوق.. (Re: Raja)
|
رجــــــــــــــــــــــــــــــــاء
ينصر دينك يا حمالة الازية و حمدا لله علي سلامة العودة
برغم النزلة و هي مرض عافية ان شاء الله تكوني شفيتني
منها تماماًً
فقرة الصفح و الترفع علي الصغائر تزن كل هذا البورد و تزيد
يديكي العافية
| |
|
|
|
|
|
|
|
|
|
Re: كــل هــذا الــشــوق.. (Re: Kostawi)
|
الاستاذه رجاء
ليك وحشه وسلامه العوده غنيناها في موال ، جيت هنا لسببين الاول الترحيب بسلامة العوده ،والتاني جيت اتعاقد معاك ، عندي بوست عن اجمتاعات التجمع في اسمرا بعنوان ( اجتماعات التجمع في اسمرا ..اكرام الميت دفنه ...وحدوووه ) اها ماعايزك تشاركيني الراي ( ماتخافي )..... فقط اريدك ان تثري هذا البوست بذكرك لما دار في اسمرا ، ولك مطلق الحرية في اختيار طريقة المشاركة ، ،،،،
كل الود رجاء ،،،
| |
|
|
|
|
|
|
|
|
|
Re: كــل هــذا الــشــوق.. (Re: محمد عبدالرحمن)
|
العزيز محمد عبدالرحمن..
تسلم يا عزيز..
الكلام والحكي عن أسمرا واجتماعاتها طوييييل.. وكلو مدوًن.. سأنشر الرسمي في الجريدة.. وأشارك بالرأي في البوستات المتساءلة باذن الله..
بوستك شفتو.. وعندي فيهو كلام ورأي حأكتبو ليك بمزاااج.. ما تخاف..
| |
|
|
|
|
|
|
|
|
|
Re: كــل هــذا الاشواق (Re: abuguta)
|
أحمد يا غالي..
الله يسلم شبابك وعافيتك..
تركت البورد وهو يغلي.. واستمر في الغليان من بعدي.. وعدت لأجده أكثر غليانا..
لا تنزعج.. فالحركة دوما لخير.. فما يزعج هو السكون والموات..
فهمتني..؟
دمت أخا نبيلا وصديقا شهما..
| |
|
|
|
|
|
|
|
|
|
Re: كــل هــذا الاشواق (Re: degna)
|
الغالي علي..
دبايتوي كووتيتوي..
كل ما ألتقيت بأحد من أهلي في الشرق تذكرتك على الفور..
الأزمة التي تمت لم تكن مزعجة بالمرة.. بالعكس هي وضع طبيعي لشعب يحس بالألم والتناسي.. واعتذر عن بعض الصحف التي حاولت ان تخلق منه "خبرا"..
الأمور بخير.. لأن التفكير سليم والمطالب غير مستحيلة..
هل أصبحنا في زمن أصبح فيه العيش بكرامة مستحيلا..؟
دمت.. وسأتابع معكم في التعليقات عن الاجتماعات..
| |
|
|
|
|
|
|
| |
Raja
abas
صديق الموج
Elmosley
zola123
Abureesh
samo
شمهروش
osly2
إسماعيل وراق
حبيب نورة
Rakoba
smart_ana2001
الواثق تاج السر عبدالله
omer almahi
Ishraga Mustafa
Ehab Eltayeb
الجندرية
elsharief
Ahmed Al Bashir
الصادق خليفة
ودقاسم
معتصم دفع الله
WaD OmI
essam&amal
عزيز
قرشـــو
Rawia
معتز تروتسكى
ABU QUSAI
Elkalakla_sanga3at
Deng
walid taha
tmbis
نصار
بلدى يا حبوب
Kostawi
محمد عبدالرحمن
degna
abuguta
فيس بوك
تويتر
انستقرام
يوتيوب
بنتيريست