دعواتكم لزميلنا المفكر د.الباقر العفيف بالشفاء العاجل
|
|
 عندك أخ/ت زوج/ة معاك في سودانيز أون لاين..؟
|
الأحباب جميعا.. قراء وزملاء
سلام وتحية
لاحظت إنه في المنبر في عدد مقدر من الأعضاء الأهل..
إحنا في المنبر 4 أخوات (تارا وراوية ورجا وسارا).. ومعانا كمان الأخوات قوتة (هالة ويمنى).. وفي الأخوات عوض خوجلي (ماجدة ومنى ومنال).. والأخوات الطيب حسن (شادية وعواطف).. راندا حاتم عندها أخت برضو
وفي أخوان ملخبطين يعني بنات واولاد زي الأخوان شيخ الدين (تماضر وأخوانها يا زول وتبارك وقصي ولد أخوهم).. وأخوان قدورة (أمل واخوانها شهيد وناصر)
وفي أخوان بدون أخوات زي الأخوان جبريل (طارق وناصر) وعبدالكريم واحمد الأمين..
وفي أم وبتها زي سلمى الشيخ وسوميتا.. أب وبنته زي د. أحمد الحسين ومريوم
طبعا في أزواج هنا زي (لنا ويعقوب)، (النصري وسهير النصري )، (سلوى والخواض)، (إلهام والبرنس)، (المحرب وعفاف أبوحريرة)، (رؤى واسامة الخاتم)، (مريم ونادر)
أكيد في أخوان وأزواج ما عارفينهم يا ريت نعرفهم في البوست ده..
تخريمة: عندي حمى 40 درجة ليها يومين.. إحتمال البوست ده من تأثيرها عشان ما تقولو رجا عايزة تعمل إحصاء في البورد ..
|
|
 
|
|
|
|
|
|
|
 Re: عندك أخ/ت زوج/ة معاك في سودانيز أون لاين..؟ (Re: Raja)
|
| Quote: وعبدالكريم واحمد الأمين |
مرحب يا رجاء والله يكثر الاخوان والاخوات في المنبر
احنا ثلاثة ماشاء الله
معانا الاخ د. صلاح الامين وهو السنير والمدير بتاعنا لكن يعيد من المنبر لفترة...
...
وبوست حميم وتعالوا نعمل رابطة اخوان اخوان بسودانيز اون لاين
| |
|
|
|
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: Nasser Mousa)
|
العزيز ناصر..
صباح الخيرات..
تسلم للتعريف.. أنا بعرف غادة وحاتم.. وما عرفتا أختهم في ياتو (Category).. حلو إنو معز معانا برضو..
قمت بالإضافة..
شايفة في إسم عبدالله إدريس محمد وعمر إدريس محمد (عمر بعرفه بالحيل) فجراوي الزمان.. لكن ما عارفة هل هم اخوان ولا تشابه أسماء..
| |
|
|
|
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: Salwa Seyam)
|
الحبيبة سلوى..
كفر الله سيئاتك..
طبعا قبل كده ما جاتني ملاريا كلو كلو.. لكن الحاسة بيه ده شكلها ملاريا.. بعد ما مشيت السودان إرهاب الإصابة بالملاريا بقى ملازمني لغاية هسع..
شكرا ليك للستة.. قمت بإضافتهم..
تحياتي لأسامة.. وقولي ليه رجاء قالت لازم الناس المعنيين يشاركو..
ودي لكما
| |
|
|
|
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: نادر)
|
الأخت العزيزة رجاء أنا والله ما عندي إضافة لكن العنوان جذبني وحبيت بس أشارك معاك
أنا ما عندي أخوان أو أخوات أو زوجة لكن بعتبر كل من إنضم للسودانيز اون لاين أهلي وخاصة اخونا
بكري ابوبكر , وبما إنك مريخابية فاتن أختي الشقيقة . والكتابة بالأحمر لزوم التورية .
| |
|
|
|
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: هاشم أحمد خلف الله)
|
العزيز هاشم..
سلام وتحية ومرحبتين..
تصدق أنا شايفة إسمك وإسم اسامة خلف الله.. وكنت شاكة إنكم أخوان.. سبحان الله..
مرحب بيك في بوست الأخوان.. وأنا أخواني الهنا لو كتبتهم ما حيكفي البوست ولا بوست تاني كمان..
عرفت أجمل الناس وجمعتنا أجمل المناسبات وأصعب المحن.. وبجد في ناس هنا ما جابهم العباسي لكنهم أخوان بحق..
وتسلم يا مريخابي..
| |
|
|
|
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: waleed500)
|
Quote: الأخت العزيزة رجاء أنا والله ما عندي إضافة لكن العنوان جذبني وحبيت بس أشارك معاك
أنا ما عندي أخوان أو أخوات أو زوج لكن بعتبر كل من إنضم للسودانيز اون لاين أهلي وخاصة اخونا
بكري ابوبكر , وبما إنك مريخابية فانت أختي الشقيقة . والكتابة بالأحمر لزوم التورية . |
رجاء نورتيناالله ينور عقلك ثم قبرك
أناجابنى الجاب أخونا هاشم
قلت إمكن فى نصائح نستفيد منها
وقالوا أسأل مجرب ولا تسأل طبيب
لك كل الود.
( بس أنا هلالابية يارجاء وهاشم.)
| |
|
|
|
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: سمية الحسن طلحة)
|
الحبيبة سمية..
يا ألف مرحبا بيك في أي بوست.. وهنا خصوصا..
من البوست ده حنعرف عن بعض أكتر.. هسع أنا أول مرة أعرف ناس أخوان وناس أزواج.. وبيكون بمثابة تعريف أو إعادة تعريف للإعضاء.. ودي الحاجة الحلوة
ولأني أبدا ما شفت ليك عيب في المكان ده.. ويشهد الناس كلهم بكده.. ما حأقول ليك عيبك الوحيد إنك هلالابية.. فالهلالاب برضو ليهم نصيب من المعزة في قلوبنا (بالجنبة كده)..
واللون الأزرق لتحيتك يا ذوق..
| |
|
|
|
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: ابو جهينة)
|
الحبيب أبو جهينة..
أهلييييين..
وبجد ليك وحشة..
تشكر على الإضافات.. وأول مرة أعرف إنو مصدق راجل حليمة.. معلومة حلوة بجد
| Quote: تخريمة : طبعا عزابة الرياض حسع كل واحد بيتخيل إسمو و معاهو ( ست الريد ) مكتوبة |
وحاتك ما براهم.. كلنا قاعدين نقيس ونتخيل ونعمل تباديل وتوافيق
| |
|
|
|
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: شادية الطيب)
|
الأستاذة الفاضلة شادية..
أهلا وسهلا..
تعرفي السبب ورا البوست ده كان ردي على أختك عواطف في بوست راوية أختي..
من متابعتي للزملاء هنا.. ما قاعدين الأخوان يتداخلو في صالح بعض إلا لما يلاقو ليهم زول بدا يشاكل أخوهم أو أختهم.. غايتو انا بعمل كده مع راوية ..
والأزواج نادرا ما تلقيهم في بوست واحد.. لو عاينتي لبوستات لنا مهدي ما حتشوفي إسم يعقوب إلا في بوست فيه تهنئة أو عزاء..
غايتو انا كان راجلي معانا هنا.. بوستاته بزخرفها ليه وأرفعها الـ 24 ساعة مع الـ 5 بوستات الأولانية ..
| |
|
|
|
|
|
|
|
|
 Re: عندك أخ/ت زوج/ة معاك في سودانيز أون لاين..؟ (Re: Raja)
|
سلامات يا رجاء العزيزة,
وسلامات تانى من ال40 درجة دى
شكلها عاملة رجّة شديدة !
ذكرتينى ناس اللجان الشعبية و احيانا أخرى ناس التعداد السكانى !
رب إخوة لكم لم تلدهم امهاتكم!
الحمد لله إخوتنا فى الإنسانية كتااااار هنا,
سلامى لكل العبابسة,
دمتم
أيمن
| |
|
|
|
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: Raja)
|
الاخت رجاء سلامات
Quote: لاحظت إنه في المنبر في عدد مقدر من الأعضاء الأهل..
إحنا في المنبر 4 أخوات (تارا وراوية ورجا وسارا).. ومعانا كمان الأخوات قوتة (هالة ويمنى).. وفي الأخوات عوض خوجلي (ماجدة ومنى ومنال).. والأخوات الطيب حسن (شادية وعواطف).. |
تتخيلي نحن دايما واقعين تحت الرجلين يعني الاسم الطويل وعريض ده ماعاجبك
بوست جميل ومفيد
لزوم الشمارات وكده
| |
|
|
|
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: Raja)
|
الاخت رجا
عن جد بوست جميل
والاجمل ان عرفنا بمعلومات جديدة عن الاعضاء
وبصراحة انا اول مرة اعرف بنسة 99% الارتباطات العائلية المذكورة في البوست
وطبعا جاني احساس بالوحدة لانو اكتشفت انو ناس كثير بالبوست اخوان واخوات وازواج
بس هل في نسابة برضو ؟؟؟؟
بس عموما انا بعتبر كل الناس الفي المنبر اخوان واخوات واصدقاء عزاز
لدرجة انو بحب ناس كتار ( حب اخوان )وبعزهم رغم عدم وجود اي معرفة بيناتنا ولا مداخلات
عن جد المنبر دا كل يوم بكتشف فيه حاجات احلى
ودي اجمل مداخلة في البوست
| Quote: غايتو انا كان راجلي معانا هنا.. بوستاته بزخرفها ليه وأرفعها الـ 24 ساعة مع الـ 5 بوستات الأولانية |
شكرا ليكي رجا
| |
|
|
|
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: ايوب عبدالرحيم)
|
العزيز أيوب..
سلامات ومراحب..
سعدت للغاية إنو البوست عجبك.. وحزنت لإحساسك بالوحدة.. وزي ما إنت براك قلتا. البين الناس هنا أكبر من الأخوة.. وأنا جربت كده هنا في القاهرة. وفي الأمارات وفي السودان ولما لاقيت الحبايب في فيينا.. زي الأهل بجد
ربنا يحفظ الود البين الناس.. هو الدنيا دي فيها شنو غير الكلمة والسيرة الحلوة..؟
مرحب بيك تاني
| |
|
|
|
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: Yasir Elsharif)
|
الأحباب إلهام وياسر..
سلامات ومودات..
ما حنرضى إلا بعضوية كاملة لإلهام.. مشيت قريت البوست الفي الوصلة.. وما حنقبل يكون قلمها ورا حجاب
من توصيات البوست ده أي عضو عايز يقدم لزوجته حنعمل ليها تزكية سريعة..
وشكرا ليك يا ياسر على الإضافة وفعلا أعرف الصديق عادل أمين الرجل الخلوق المهذب.. حاقوم بإضافتها
ودي لكما وللأبناء
| |
|
|
|
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: Raja)
|
رجاء إزيك
الحقيقة المدام فى منبر وانا فى منبر
عايزين نتلم هنا لكن زى ما شايفة بكرى كل شويتين بقفل باب العضوية ،وحاولت اعتذر ليها ردتنى بقولها (أمبارح دى فى ناس سجلو!)
ولو استمر الحال كده اخليها تتلم معاى فى باسوورد واحد وخلاص ولا شنو؟
مودتى
| |
|
|
|
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: walid taha)
|
رجاء حمتك حلوه مادام بتخليك تجيبي حقايق..علشان كده ماهقول ليك سلامتك!
وقريبا ان شاء الله ماما جاره معانا..وماتتهجموا!
واليرش أختي بالنار أرشه بالمويه
اضافتي ليك انعام حيموره وعلاء ومحمد أفتكر اخوان ده غير بنت العم وخالتي بت عم أمي لزم..ديل محسوبين؟
شمال وجنوب أخوان
قلت ليك..
انتي ليه ما صليتي علي النبي "كتابه" قبل ماتعدي الناس دي كلها؟
| |
|
|
|
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: Muna Khugali)
|
منوية يا حبيبة..
سلامات ومودات
غايتو لو ماما جارة بقت معانا حنمسكها رئاسة الرابطة وبقلب جامد نجيها بعد كل بوست نشتكي (شفتي داك قال لي شنو؟ شفتي ديك بترمًي في الكلام قاصداني، شفتي بكري قفل المنبر وطفًش البوست، شفتي عدد الزوار في بوست عاطف (الكعكة ) إختفو كيف..) ..
طبعا أنا ما خايفة من العين بقدر ما خايفة من زول يجيني يقول لي مالك ومال أخوي أو مرتي ..؟
لكن إتطمنت قانونيا من الناحية دي.. وهي إنه بما إنهم أعضاء هنا فأسمائهم معروفة وهم معروفين.. يعني ما مشيت دقيت لي باب وجبت الإسم او عملت كم سلك وجبت المعلومة ..
الزول بقى يأمًن نفسه قانونيا وكده.. الظروف ما معروفة
ودي
| |
|
|
|
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: Raja)
|
السلام عليكم
رجاء ازيك
شكراً على البوست الخفيف الظريف
اها
انا جاييك ب ( نمونة غير )
رايك شنو شقيقي موجود هنا ... وقديم كمان
انا عارفو لأنو بيكتب بأسمو الحقيقي
بس هو ما عارفني
وانا مستمتع جداً بالحركة دي
اتخيلي لما يقعد يطيرها معاي شكلة لرب السما
وما بعيد ينفعل وينبز ويقول لي مثلاً ( أخوانك صعاليك )
دي ما حصلت لسة ، لكن ما بعيدة على الحال الشايفنو في المنبر ده
او يقعد يجامل فيك
يا سلام عليك يا الزوول
والله ظاهر عليك زول فنان ...الخ
للأسف ما اقدر اقول اسمو ... عشان ما افقد متعتي (الخبيثة) دي
تحياتي
........................
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: الزوول)
|
الزوول العزيز..
سلامات وتحايا..
أولا يا ريت تقول لينا إسمك.. طبعا تابعت في بوست الأسماء المنبرية وما طلعتا بنتيجة.. وتاني بطًل (غتاتة) على أخوك وقول ليه ..
لو رسلت لي إسم أخوك في المسينجر حاكتب اقول فلان الفلاني أخو زول معانا هنا ...
بنهاية البوست ده لازم نعرف كل الأخوان
شكرا على مشاركتك
| |
|
|
|
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: Gaafar Ismail)
|
العم الفاضل جعفر إسماعيل..
ألف مرحبا بمقدمك وتعريفنا بشخصك الكريم..
من اجمل المفاجآت الحصلت في البوست.. وبركة يا سعد الدين العملنا البوست وجاب لينا الوالد..
أوعدك من الليلة أباري كتابات سعد الدين ولو شفتو مشى كده ولا كده حنجيك في مكانك..
مرحبتين تاني..
وبجد انا سعيدة سعيدة..
| |
|
|
|
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: هجو الأقرع)
|
والله بعد دة يا رجا
انا عندي أختي ليلي الا أجيبا ليكم
عشان عندها الجينات البعاتية
وخاصية السخطة بي كل تفاعلاتها الجنونية
انتي الرجـا و المرتجـا العمرو ما خيب رجـا
وسلمي لي علي راوية
قولي ليها الحبيب نورة مشتاق ليك موت أحمر
مرة كدة في المسينجر قالت لي دقيقة برجع ليك شوية كدة
عندي مشوار في الشقة!!
قلت ليها أجيش!!! انا أقرب مشوار في الشقة بتاعتي بوديني الشارع التاني
مقدررررررررررة و سيطررررررررررة
السلام امانة
شكرن كتيرن!
| |
|
|
|
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: حبيب نورة)
|
حبيب راوية ونورة
والله مشتاقة ليك وبجد
وياحليل ايامك وايام الماسنجر
ادينا نمرة تلفونك بالماسنجر ونحنا نوضح ليك الحاصل عشان تعرف براك الحصل لينا
رجوية بوستك حلو
بس عندي سؤال
علاقات تانية غير الاخوة والزواج مابتنفع
عشان عاوزين نشوف طريقة لاساسي دا نلمو علي جهة
| |
|
|
|
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: Rawia)
|
لاولا الحبيبة (يا جماعة راوية دي كلنا لما كنا صغار ما كنا بنعرف ننطق إسمها وكنا بنقول ليها كده )
سلامات كتااار..
أساسي ده ينفع في فئة (المشوكشين من جكس البورد ).. خلينا بعد يومين نعمل لينا بوست ليهم ..
هسع عادل أمين قال لي أساسي وهو أخوان مسلمين ..
غايتو أساسي أخ اساسي لناس كتار هنا.. وخوته ما بناباها
ودي
| |
|
|
|
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: Raja)
|
| Quote: طبعا في أزواج هنا زي (لنا ويعقوب)، (النصري وسهير النصري )، (سلوى والخواض)، (إلهام والبرنس)، (المحرب وعفاف أبوحريرة)، (رؤى واسامة الخاتم)، (مريم ونادر) |
عدي معاكي ميادة و محمد الشيخ(أحدث كوبل)-وجه باسم-
إلهام و طه جعفر
حليمة و أبو مهند
ويوجد أب و بنتو و زوجتو يا رجوية:بكري أبو بكر و هالة و بيان صغيرتهم الإنضمت مؤخراً
دقيقة بعمل رفرش للذاكرة و أجي
| |
|
|
|
|
|
|
| |
Raja
عبدالكريم الامين احمد
Elsuhaili Magzoub
عاطف عمر
بدرالدين شنا
المسافر
elsharief
على عمر على
هاشم أحمد خلف الله
waleed500
ابو جهينة
خالد المحرب
أيمن الطيب
محمد الطيب حسن
Saifeldin Gibreel
abas
ايوب عبدالرحيم
امل احمد عمر
Yasir Elsharif
احمد الامين احمد
Muna Khugali
انعام عبد الحفيظ
الزوول
EMU إيمو
نوسة
saadeldin abdelrahman
Gaafar Ismail
هجو الأقرع
حبيب نورة
Rawia
lana mahdi
معتصم دفع الله
adil amin
فيس بوك
تويتر
انستقرام
يوتيوب
بنتيريست