دعواتكم لزميلنا المفكر د.الباقر العفيف بالشفاء العاجل
|
|
 دفـتـر يـومـيـاتـي..
|
الأحباب الزملاء والقراء..
سلام الله عليكم..
في هذا البوست، سأضع رابط أي بوست جميل لم يجد حظه في التواجد في الصفحة الأولى التي تمتلئ عن آخرها بمواضيع فيها المفيد وفيها ما يدفع بمثل هذه البوستات للصفحات الجوانية..
الدعوة مفتوحة لكل من يجد بوستا شهيدا يريد أن يشارك به القراء..
تخريمة: عنوان البوست لسببين:
الأول إن الفضول حيدفع بالبعض للدخول لقراءة يومياتي.. عادي
الثاني سيكون هذا البوست هو أول بوست أفتتح به قراءتي للمنبر وآخر بوست برضو
ودي الكتير
|
|
 
|
|
|
|
|
|
|
 Re: دفـتـر يـومـيـاتـي.. (Re: Raja)
|
أوووبس.. نسيت أكتب في العنوان "يوجد صور" ..
بالمناسبة حاكتب يومياتي. يعني لازم نستفيد من عنوان البوست..
وحيكون في صور كمان
وده وعد..
| |
|
|
|
|
|
|
|
|
|
Re: دفـتـر يـومـيـاتـي.. (Re: Raja)
|
رجاء ازيك
Quote: الثاني سيكون هذا البوست هو أول بوست أفتتح به قراءتي للمنبر وآخر بوست برضو
ودي الكتير |
طبعا انا بحب الشمارات علشان دخلت كده انتى صح فىالجزء البيتعلق بالعنوان والسبب التانى لانو اول بوست ليكى بعد الاجازة
التالت علشان اقول ماشيه وين وانتى جيتى هسه
كيف الحاجه انشالله كويسه
تحياتى
| |
|
|
|
|
|
|
|
|
|
Re: دفـتـر يـومـيـاتـي.. (Re: ماجدة عوض خوجلى)
|
ههههههههه يا ماجدة..
الشرك نفع يعني يا حبيبة..
لا قصدي إني كل يوم حأبدأ بالبوست ده، وقبل ما انوم برضو بعدًي عليهو..
الحجة بخير.. طبعا كانت كاسرة يديها اليمين.. موال صعب شديد..
تعرفي برااحة ممكن نتونس في البوست ده.. مش هو يوميات؟
تحياتي لماما جارة وسمير وكل الحبايب..
| |
|
|
|
|
|
|
|
|
|
Re: دفـتـر يـومـيـاتـي.. (Re: ماجدة عوض خوجلى)
|
كيفك يا رجاء
الفكرة جميلة جدآ
مرات الواحد يكون متابع بوستات دسمة جدآ
تقوم شكلة وتفور البوستات ما تلقيهم فى سلقط ملقـط
حأستغل بوستك وأدس فيه بوستاتى المتابعا
المصيبة يضيع هو زاتو 
تحياتى
| |
|
|
|
|
|
|
|
|
|
Re: دفـتـر يـومـيـاتـي.. (Re: رأفت ميلاد)
|
ياااا مراحب بالغالي من ريحة الغالين رأفت..
جيب كل بوستاتك العايز تدكنها هنا، وأوعدك إنو في الفترة الجاية البوست ده ما يمشي الصفحة التانية..
إن شا الله أرفعه بشكلة ..
في إنتظارك
| |
|
|
|
|
|
|
|
|
|
Re: دفـتـر يـومـيـاتـي.. (Re: Raja)
|
.
أقول ليك حاجة يا رجاء
إنتي بت جميلة
و البتسوي فوقو هسع دا جمالو أصلاً ما لاقاني .
لكن في جملة انتي كتبتيها
انا خفت منها شديد
وكدي عايني لي التحتو سطر في الكوت دا :
| Quote: الثاني سيكون هذا البوست هو أول بوست أفتتح به قراءتي للمنبر وآخر بوست برضو |
بالجد أنا خفت شديد
من قطعة تاني طويلة
يا بت الناس أفهمي إنو
وجودك هنا ضرورة.
ودي
م.كرفس
| |
|
|
|
|
|
|
|
|
|
Re: دفـتـر يـومـيـاتـي.. (Re: رأفت ميلاد)
|
رأفت يا عزيز..
تعرف حكاية قراية مذكرات البنات دي هي الشرك زاااتو..
البوست ده من أجمل البوستات القريتها وشاركت فيها، بدأ بفيلم حلو وإنتهى بمتابعتنا الحية للأوسكار..
السينما من أجمل الفنون الفي العالم.. وبالمناسبة دي في سنة من سنوات "الشباب" سجلت في معهد السينما في القاهرة لدراسة الإخراج.. وبديت بالفعل، لكن الحاجة قالت لي لو ما خلًصت الكلية الاتقبلت فيها "بمجموع وليس رغبة" ما ابدأ شئ تاني..
تركت الإخراج وكل يوم تزداد الرغبة للعودة.. وسأفعلها حتى ولو كان عمري 90 سنة..
البوست بتاع "سمارت هي 2001":
مريم بنت الحسين :واحد من الافلام اللى (ح) تحبيها نزل اليوم فى السينما
..
| |
|
|
|
|
|
|
|
|
|
Re: دفـتـر يـومـيـاتـي.. (Re: Raja)
|
رجوية العسل
بارك الله فيك
حسيت براحة بال شديدة وانا اتصفح واعيد
ذكريات من سنة 2004 .
صراحة البورد خليه كده بدون تعليق ,
بقينا نزور عشان نبارك او نقدم واجب العزاء فقط
رجعينا وخلينا نكتب بوستاتنا الحلوة
انا لابدة مع يومياتك لى ساعتين ما طلعت للمنبر
ولا ناوية .
شكل اليوميات دى حتكون شجرتى بتاعت الونسة الظريفة
حازورك كل يوم ولا اقول ليك فى اليوم كم مرة كدة
تحياتى لبنات العباسى والوالدة الحنينة والف حمدا لله
على سلامتها .
ارسل عبرك للحبيبة لنا مهدى بزيارتنا فى موقعنا الجديد
هنا { منتدى العباسى للثقافة والفنون }
تحياتى يا راقية ,,,,,,,,,
ام وضاح
| |
|
|
|
|
|
|
|
|
|
Re: دفـتـر يـومـيـاتـي.. (Re: essam&amal)
|
الحبيبة أم وضاح وشيماء..
سلام ومحبة يصلوك محل ما إنتي قاعدة..
تعرفي هو مافي غير الأيام الجميلة وذكراها المخلينا مواصلين لغاية هسع..
مفتقدة سوركتي وعلي عثمان.. يا ربي الحاصل عليهم شنو؟
إتفقنا خلاص إنو اليوميات دي حتبقى شجرتنا.. البيزور كله، نكرمه ببوست يهدئ الاعصاب وونسة حلوة تنسيه الكتاحة الجا منها..
لنا زاتها وينها؟ ليها ايام مختفية..
..
أنا قاعدة في القاهرة لغاية الأسبوع الأخير من مارس ده. لأنه المفروض أول أبريل أمشي لي لمكان تاني لسة ما عارفاه، لكن المرة دي حتى وأنا بعيدة لازم نتواصل..
سلامك وسؤالك وصلو للحجة.. وكل بنات العباسي، وحملوني السؤال والتحايا ليك ولوليداتك..
أديك البوست بتاع حامد برقو.. من أحلى البوستات
الي الصحافيين: كيف تصبح ملحقا ثقافيا بسفاراتنا في زمن قياسي
وي ليك، وفي إنتظارك
| |
|
|
|
|
|
|
|
|
|
Re: دفـتـر يـومـيـاتـي.. (Re: Raja)
|
بيومياتك دي ,,
تعرفي انك احبطيني جدا لاني هيأت نفسي اليها ،ودعوت اليها صديقي (كوب القهوه)قبل ان ناتي اليك,,
واتخدعنا انا وصديقي كوب القهوه الذي (تنرفز من فعل الاحباط البقى ملازم )واندفق في قميصي من الزعل
لكن الجميل في الامر انو جاء ناطي لي كلام امي الزمان عشان يرضيني (جاياك قروش)
وفرحت واتجاوزت زعلي منو وابينا نسبك ,,
وتعرفي لي الليله المرتب ما بيكون جاء وكوب القهوه غادر رفقتي,,
واليوميات طلعت وهم جميل بربط بجمال آخر في آخر بدايتو
وده العزاء الوحيد..
لكن كويس انك جيتي
عشان تملي المنبر بحراك مختلف ,,
لكن بقول ليك وصيه قبل ما امشي
اقعدي جنب يومياتك ديل عشان تحرسيها ما يمشن الصفحه رقم 40
في 10 دقايق..
| |
|
|
|
|
|
|
|
|
|
Re: دفـتـر يـومـيـاتـي.. (Re: فيصل عباس)
|
فيصل عباس يا حبيب..
طبعا الكبر حصل.. وكنت فاكرة إني رديت عليك، لأني كنت بتكلم وأنا بقرأ في مداخلتك..
ضحكت شديد على المقلب الحصل عليك.. يتخيل لي لو قررت في يوم أنشر يومياتي حتلاقي الناس زي يوم الحشر.. لأنهم بيتخيلو إنها مليانة بالمثير العجيب.. خليهم على كده.. لأنه الما عارف يقول....
وأتمنى إنه "دلق القهوة" جاب خير.. وبالمناسبة أنا بحب القهوة وقراية فنجانها.. لما أغلب وما الاقي شغل حافتح لي محل لقراية الفنجان والكف..
تحياتي ليك يا عزيز.. وسؤالي عن حال الدنيا معاك..
ودي لناس البيت
| |
|
|
|
|
|
|
|
|
|
Re: دفـتـر يـومـيـاتـي.. (Re: Raja)
|
رجاءنا
صباحاتك ندية
كيف كان الفيلم ؟؟
أهديك هذه القصة ( في بوست الثقافة الشفاهية )
كما أهديها للأخت سارة حمزةQuote: تعالوا نسمع قصة السيد المرحوم ميرغني حمزة مع ( المهدية ) يرويها الدكتور منصور خالد .
" نستذكر قصة مع ميرغني حمزة رحمه الله . كان ميرغني بين أبناء جيله رجلاً شامخاً . لا يلحق شأوه في النظرة العقلانية للأمور العامة ، إلا أن تلك العقلانية لم تسعفه في حالة واحدة : نظرته للمهدية . سألته : لماذا- مع عقلانيته- يبغض المهدية بغضاً غريزياً ؟؟ لم يرق له السؤال ، بل تجهم وجهه وأخذ يحملق فىً وكأنه يقول : ما أغباك !!! ثم أخذ الكلام يتلكأ في لسانه ( وتلك حالة كانت تعتريه دوماً عند الغضب ) قبل أن ينطلق : إنت... إنت ... إنت ما عارف أنا إتولدت وين ؟؟؟ ولدتني أمي في الصحراء ، تحت ظل شجرة تنضب أثناء هروبها من المتمة حماية لشرفها مما لحق بغيرها من بنات الجعليين . " |
| |
|
|
|
|
|
|
|
|
|
Re: دفـتـر يـومـيـاتـي.. (Re: Raja)
|
| |
|
|
|
|
|
|
|
|
|
Re: دفـتـر يـومـيـاتـي.. (Re: Raja)
|
قريناك قبل كمين يوم ولاثمة رد
وقد أجبرنا شخصك أن نرد بذات الإجبار يومها إكبارا
لفرح العودة
وذاك البوست أغلق دون اشعار آخر
وأسقط بفعل التقادم
وردد أستقبالنا الصدي
ونأمل بأب ديت حتي لاتنالنا سلة...
مهمش
لي العتبى إن تباقص دخولي هاهنا
| |
|
|
|
|
|
|
|
|
|
Re: دفـتـر يـومـيـاتـي.. (Re: nourelhadi awad)
|
النور الهادي النبيل..
سلامات ومحبات جمة..
شفت مداخلتك في بوست الواجب، وقريت كلامك ولو ما الخوف من زعل الحبايب الفوق البوست كنت نطيت وسلمت عليك وقلت ليك ترحيبك بي خلاني طايرة من الفرح طير..
والبوست داك كل يوم بمشي ارد على كمين حبايب، حتى إني خاتاهو هنا عشان الاقيهو طوالي، وعمري ما تجاهلت حرف لي زول فما بالك حرف جميل وأخضراني؟
دخولك ليومياتي أسعدني وعدل يومي "بخاف من يوم السبت.. ما عارفة ليه..؟"
وبالمناسبة "بحسدك" على تطويع اللغة بالشكل السمح ده..
ودي الوافر
| |
|
|
|
|
|
|
|
|
|
Re: دفـتـر يـومـيـاتـي.. (Re: Raja)
|
بت العباسى الحبيبة
سلام ,,,,,,,,,,,,,,
انكتى لينا لسه من الآخر الروائع الفاتتناكلها
عشان انت عارفاها كلها .
انا كنت بشيل شختك بختك لكن بعد دفترك ده ارتحت
راحة الله يريحك دنيا وآخرة .
وتانى ما بتلقيه الا فى الصفحة دى بس ,,
ام وضاح
| |
|
|
|
|
|
|
|
|
|
Re: دفـتـر يـومـيـاتـي.. (Re: Raja)
|
| Quote: سيكون هذا البوست هو أول بوست أفتتح به قراءتي للمنبر وآخر بوست برضو |
قلنا ليكم ياااخ بوس(ط) ما بوست ما تجهجهونا
____
فكرتك عجيبة وعينك نجيضة تسلم عيونك يا رجاء
| |
|
|
|
|
|
|
|
|
|
Re: دفـتـر يـومـيـاتـي.. (Re: Raja)
|
الروعة دى ما قلنا
فوووووووووووووووق
دايما ,,,,,,,,,,,
ام وضاح
| |
|
|
|
|
|
|
|
|
|
Re: دفـتـر يـومـيـاتـي.. (Re: Raja)
|
يا جماعة والله المنبر عايز فهرس..
أول شئ الزول عايز 45 دقيقة عشان يفهم شئ في الصفحة الأولى..
وتاني زيهم للصفحتين التانية والتالتة لأنه مواضيعهم بتكون برضو طازة..
وما بين البوستات الحالية للعزاء والتهنئة.. الزول بيلقى زي ساعتين كده ما عمل فيهم اي شئ.. ومن هنا جاتني فكرة في ان يكون هناك أيام معينة للقراية، مثلا السبت والأحد والإتنين.. ويوم راحة.. والتلاتة الفاضلين الزول يكتب فيهم، كان بوست جديد أو يشارك بردود في بوستات تانية.. لكن حيدخل في نفس الدوامة.. لأن معدل إنتاج البوستات زاد بنسبة 900%..
غايتو يوم حأتجرأ واسأل زول من القاعدين ينتجوا 5 بوستات صحيحة في اليوم بيلاقوا وقت كيف ووين.. والأهم: بيلاقوا الفكرة للبوست كيف؟
ودي
| |
|
|
|
|
|
|
|
|
|
Re: دفـتـر يـومـيـاتـي.. (Re: Rabab Elkarib)
|
الحبيبة رباب..
سلامات ومحبات..
يحزنني وكل أحباء "صلحة" الحبيبة أن نمر هنا كل يوم ولا نجدها..
ربنا يرحمها.. وقد كتبنا عن فقدها في منتدى "عكس الريح" كثيرا..
..
يا جماعة رباب وصلحة ديل أخواتنا عديييل.. ونحن كلنا بنات "حنتوب الجميلة"..
رباب زميليتي ورفيقتي في كل من المتوسطة والثانوي العالي والجامعة..
وكل واحد في اخوانها زامل واحد في أخواني..
وابوي الله يرحمه درًس أخواتها الكبار..
يعني عشرة عمر.. ما تسألوني كم..؟
رباب سعيدة شدييد بزيارتك الليلة ليومياتي..
سؤالي عن محمد طه والأبناء..
حبي
| |
|
|
|
|
|
|
|
|
|
Re: دفـتـر يـومـيـاتـي.. (Re: Raja)
|
رجاء
انا الاسعد جدا جدا بوجودك فى هذا الفناء الفسيح ..
وانت اعلم منى بان الكل يحتاج قلمك الهادف وصريح وما كضاب
وكمان خفيف ظل ولماح
صلحة وفقد صلحة دا موال تانى يا رجاء
لو قلت ليك حارقانى وقاطعة قلبى قدر شنو ما ح تصدقي
عزاؤنا الوحيد انتم يا اصدقاء صلحة وحبايبها ومعارفها
هل تعلمى يا رجاء ان مدرستنا الابتدائية للبنات تحتضن مسرحا تعليميا اهدته صلحة لتلميذات المدرسة بعد عام من رحيلها.....
وللحديث بقية
لك التحايا مجددا
ولى قدام
رباب
| |
|
|
|
|
|
|
|
|
|
Re: دفـتـر يـومـيـاتـي.. (Re: Raja)
|
جيت اتاوق في الصورة لقيت نفسي غرقان في البوست، فقلت احسن اتلصص بدون ما زول يحس بي ، لكن الكلام عن الأخت الراحلة صلحة جرجرني ، لأني عشت معاها فترة بنيروبي و الفترة دي كانت فيها صلحة شعلة من النشاط بين السودانيين بنيروبي ، ولم إنتقلت من نيروبي لكندا كلنا أعلنا أنه البلد بقت فاضية خلاء يعني ، و عرفنا قيمة الفراغ الذي كانت تشغله صلحة الكارب ، و الأن بعد أن إنضممت لهذا البورد أحسست بأنها فعلاً كانت هنا و بكثافة،
ربنا يرحمها ويسكنها فسيح جناته
أمين
| |
|
|
|
|
|
|
|
|
|
Re: دفـتـر يـومـيـاتـي.. (Re: Raja)
|
Quote: جيت اتاوق في الصورة لقيت نفسي غرقان في البوست، فقلت احسن اتلصص بدون ما زول يحس بي ، لكن الكلام عن الأخت الراحلة صلحة جرجرني ، لأني عشت معاها فترة بنيروبي و الفترة دي كانت فيها صلحة شعلة من النشاط بين السودانيين بنيروبي ، ولم إنتقلت من نيروبي لكندا كلنا أعلنا أنه البلد بقت فاضية خلاء يعني ، و عرفنا قيمة الفراغ الذي كانت تشغله صلحة الكارب ، و الأن بعد أن إنضممت لهذا البورد أحسست بأنها فعلاً كانت هنا و بكثافة،
ربنا يرحمها ويسكنها فسيح جناته
أمين
|
الاخ العزيز عبد الباقى
شدنى حديثك عن صلحة بشدة, فهى كما ذكرت تترك عظيم الاثر اينما حلت...
عزاؤنا هو سيرتها العطرة وارثها العامر...
وربنا وحده العليم بحجم الفرااااغ الذى تركته فى دنيانا!!!
دعنى اردد معك امين ولصلحة اسمى ايات الدعاء....
رباب الكارب
ويا رجاء عذرا اذا كان ذلك خارج اطار البوست
| |
|
|
|
|
|
|
|
|
|
Re: دفـتـر يـومـيـاتـي.. (Re: Rabab Elkarib)
|
الأحباب رباب وعبدالباقي..
سلام ومحبة..
يا رباب كيف يكون الكلام عن صلحة الحبيبة خارج إطار البوست..؟
لأيام وسنوات كتيرة من حياتنا كانت صلحة موجودة.. وحتظل موجودة
ربنا يرحمها بقدر ما أعطت من سيرة زاكية وعلم من بعدها..
عبدالباقي يا صديق من زمن وأماكن حلوة للروح..
مرحب بيك هنا وفي المنبر.. متاوقا ومشاركا بقصصه الجميلة..
ودي
| |
|
|
|
|
|
|
|
|
|
Re: دفـتـر يـومـيـاتـي.. (Re: Raja)
|
الليلة الجمعة 9 مارس..
المنبر كان ملياان ناس لامن مدفق.. ومواضيع يوم المرأة إتدحرجت للصفحة التانية.. غايتو نعتبره ويك إند للشباب العايز يهيًص وما بيهضم نوع الكلام ده..
الشئ العجبني إنو في زول قال لي بقى يفتح البوست ده عشان يعرف يمشي يقرأ شنو.. عشان في مواضيع بتتدحرج بفعل التوسانامي البوردي..
ودي
| |
|
|
|
|
|
|
|
|
|
Re: دفـتـر يـومـيـاتـي.. (Re: ASAAD IBRAHIM)
|
يا تلتمية ألف مرحبا..
اسعد في دارنا.. ده أجمل حدث في الجمعة دي.. منبريا وشخصيا
وحندون الحدث ده في الصفحات البرتقالية في الدفتر (البرتقالي لون برج الأسد)..
سطر بس..؟ يا راجل بطل بخل..
ودي
| |
|
|
|
|
|
|
|
|
|
Re: دفـتـر يـومـيـاتـي.. (Re: Raja)
|
سلام للكل..
الليلة السبت 10 مارس..
المنبر هادئ نسبيا بعد زيارة رواد الدول العربية.. الليلة اول الاسبوع.. وناس اوروبا وأمريكا وأستراليا الليلة أوف.. يعني بتفرجوا في الأول وبعد شوية حيبدو..
حأغطس شوية وأطلع ببوستات تايهة..
ودي
| |
|
|
|
|
|
|
|
|
|
Re: دفـتـر يـومـيـاتـي.. (Re: Raja)
|
عبدالباقي يا غالي..
سلامات ومراحب كتير كل ما تجي..
في بوست مشاركة المرأة في العمل السياسي.. جاء تعليق للعزيز عادل عبدالعاطي عن إنه القراء للبوست كانوا 386 شخص.. وقال ده عيب في حق البورد أن يكون العدد كده في حين قراء بوستات الشكلات بيوصل للآلاف..
هسع البوست ده عدد القراء فيهو 973.. ما عدا المشاركين والقراء الإعتبروهو فهرست يلاقوا بيه البوستات البتضيع.. الغالبية جوا يقروا اليوميات بتاعتي لزوم الفضول.. أعتذر ليهم لخيبة الرجا
تحياتي..
| |
|
|
|
|
|
|
|
|
|
Re: دفـتـر يـومـيـاتـي.. (Re: Abdulbagi Mohammed)
|
عبدالباقي سلامات كتيرات..
تعرف إنو في الليل شديد كده.. المنبر ده بيبقى حاجة تانية خالص، وبتثبت فيه للأسف وصفك في بوست القعدة..
الناس كأنه في جن ركبهم.. نبذ طاير تخاف بس تقتح الصفحة تلاقي ود او بت حلال يخبطك بكلمة..
لا لا لا لا شئ ما بيتوصف..
ربنا بس يخارجنا بالسلامة..
..
| |
|
|
|
|
|
|
|
|
|
Re: دفـتـر يـومـيـاتـي.. (Re: Raja)
|
مأساة حب ( غير معلن)
أحب تماضر شيخ الدين وهشام شيخ الدين
ورجاء العباسي (دا حب قديييم)
وناذر الخليفة
وسيف الدين جبريل
وصلاح واسبة
وكتيرين
وش اسوي؟
ترى المحبة من الله !!
مرحبا بعودتك استاذة رجاء.
| |
|
|
|
|
|
|
|
|
|
Re: دفـتـر يـومـيـاتـي.. (Re: معاذ حسن)
|
معاذ حسن يا عزيز..
ولأن المحبة من الله.. أنا برضو بريدك ومتابعة أي حرف بتكتبو ومبارياك من بوست لبوست..
هنيئا للمنبر بقلم وادب ونبل متلك.. وهنيئا لي بصديق وحبيب..
وشكرا كتير على الترحيب يا ذوق..
الود الوافر
| |
|
|
|
|
|
|
|
|
|
Re: دفـتـر يـومـيـاتـي.. (Re: Raja)
|
العزيزة رجاء...
الإدهاش طوااااااااالي كدا..ما كويس...بقوموا يطقوك علينا عين ساكت .. الولية تبعنا جات لقتني ليك متنح في البوست بتاعك والصورة والإبتسامة الما خمج..طوالي قامت ركبت لينا وش بتاع بوليس سافي ليهو سفة شينة كدا.. المهم..قلت ليها دي رجاء العباسي حبيبة الناس كلهم .. أكان عندك موضوع تاني شوفيهو أحسن ليك...تاني قلت كدي النقوم أغيظ ليك المدام دي...قلت ليها والله أنا عندي موضوع مع رجاء العباسي دي..داير أستأذن منها وأجيب موضوع معرض الفنان التشكيلي الطيب الحضيري دا هنا...
ماشي أحضر ليكم إفتتاح معرض الفنان التشكيلي الطيب الحضيري
عاد بعد كدا ما باقي لينا إلا الواحد تراااااح يضرب تعظيم سلام وإنصراف...
وعيني ديب فريزر
| |
|
|
|
|
|
|
|
|
|
Re: دفـتـر يـومـيـاتـي.. (Re: تماضر الخنساء حمزه)
|
الجميلة المحيا والحرف والنفس تماضر الخنساء..
ما تتخيلي أسعدني حضورك قدر شنو..
وإنتي زاتك أكتبي واكتبي عشان كل ما تكتبي بتتفتح ورود في المنبر وبتتغير صورته.. زي فاطمة السمحة لما تتكلم.. (تتذكري الحجوة..؟)
دمتي يا حبيبة ودام ودنا
| |
|
|
|
|
|
|
| |
Raja
عاطف عمر
تاج الدين عبدالله آدم
ماجدة عوض خوجلى
رأفت ميلاد
معاوية كرفس
نصار
الفاتح يسن
معروف حمدين
حبيب نورة
essam&amal
فيصل عباس
عبدالكريم الامين احمد
adil amin
عبد المنعم سليمان
Aymen Tabir
Rabab Elkarib
Abdulbagi Mohammed
ASAAD IBRAHIM
nile1
معاذ حسن
Mahmoud Mustafa Mahmoud
فيس بوك
تويتر
انستقرام
يوتيوب
بنتيريست