|
دعواتكم لزميلنا المفكر د.الباقر العفيف بالشفاء العاجل
|
|
 Re: القاهرة: برد، مطر، وكتاحة (Re: Raja)
|
يا رجاء
إستأذن صديقي خالد الأيوبي مرة في أن يزغرد
و أستأذن أنا لأقول لك
أحححيييي عليك
تقولي القاهرة باردة؟
طيب إيه رأيك نحن الليلة ناس مدرسة بشير ولدي ضربو قالوا ما تجوا عديييل كدة لأن درجة الحرارة ستهبط لثلاثين درجة تحت الصفر
و تاني يا رجاء
أحححيييي عليك
| |
 
|
|
|
|
|
|
|
|
Re: القاهرة: برد، مطر، وكتاحة (Re: Raja)
|
العزيزة
رجاء التحايا
وعبرك لكل من بقى من اصدقاءنا
بالقاهرة
ونحن هنا لاكثر من اسبوع
تنخفض احيانا درجة الحرارة
الى اقل من 33 درجة تحت الصفر
واتجهز الان لمغادرة الشقة الى مكان العمل
والعودة صباح اليوم الثانى
والله وحشتنا القاهرة..وايامها الحلوة
واصدقاء عبروا..الى كل الاصقاع
تحياتى
| |
|
|
|
|
|
|
|
|
|
Re: القاهرة: برد، مطر، وكتاحة (Re: Raja)
|
رجــاء،
عنـدنا هنا لما درجـة الحـرارة تصـل الصـفــر الناس متفـرح فرح شـديد.. عنـدنا أسبوعين ورا بعض، والليلـة وعـدونا بأسبـوع تالت حنتدفن فيـه تحت الصفـر.
لكن هسـى بس عايـز أعـرف المطــرة والكتاحــة بتاعاتكم ديل قاعـدين يتـزاوغـو من بعض كيف؟ واللا كتاحتكـم waterproof
| |
|
|
|
|
|
|
|
|
|
Re: القاهرة: برد، مطر، وكتاحة (Re: Raja)
|
فالبرد وصل مداه المعروف لشهر "طوبة"، كما أنه وبالرغم من الرعد والبرق المتواصل، وسقوط الأمطار، الا ان الكتاحة ......
الأخت رجاء
طوبي لكم بهذه الكتاحة.... !
و نحن في مينيسوتا يكتحنا الجليد
| |
|
|
|
|
|
|
|
|
|
Re: القاهرة: برد، مطر، وكتاحة (Re: Raja)
|
يا رجاء يا اختى قولى الحمد لله
انا من يوم بداية شهر ١١ ما شفت غير التلج و من حوالى شهر درجة الحرارة ما نزلت من عشرين تحت الصفر . و تلجنا ما بيزوب الا شهر ٥ . و بلدنا كلها فى راس جبل و اتلج من باب البيت لحدى راس الجبل , ابيااااااااااااض . يا حليل ايام الكتاحة و السخانه . و الله فىىالبرد ده بيوحشنى ميدان ابو جنزير جدا
| |
|
|
|
|
|
|
|
|
|
Re: القاهرة: برد، مطر، وكتاحة (Re: بكرى ابوبكر)
|
حكاية كتاحة في القاهرة دي اول مرة اسمع بيها
اما نحن هنا في (ام طرقا عراض) فالجو ما مفهوم
مثل جميع الاشياء يوم برد جاف يوم غباش تام
و يوم ثاني سخانة تلحم , نهار صيف
و ليل بين .... بين
السلام للجميع
| |
|
|
|
|
|
|
|
|
|
Re: القاهرة: برد، مطر، وكتاحة (Re: Isam Widaa)
|
بنات العباسى،
ممكن الواحـد يعرف شنـو حكايـة طـوبـة ومشيــر والسيــخ دى؟ دى شهـور واللا حكومـة؟
بعـدين يا رجـاء، نحن فى الشــرق الكتاحـة دى بنسميهـا الهبباى والأيتبيتــة.. وفيهـا فيتامينـأت كويســة جـدا للعيــون.. بالرغـم من تأثـيـراتها الجانبيـة المتمثلــة فى إنها أحــد عـوامل التعـريـة الطبيعيــة للوش.
نحن هنا خـرمانين كتاحــة.
| |
|
|
|
|
|
|
|
|
|
Re: القاهرة: برد، مطر، وكتاحة (Re: Abureesh)
|
رجاء صديقتى
الله يكون فى عونكم...جو الرياض الله لا وراك ليه
مع صلاة الصبح ..الجو عادى ..اختى لى نومة وصحيت على الساعة 8
لانى دوامى على 9,فى برد لفحت الكوت, ما تستغربى انا مداوم جمعة
وصلت المكتب قلت اخلى الكوت فى السيارة خلاص جيت المكتب بردت, نزلت الباركن تانى عشان اجيب الكوت ,طلعت لصلاة الجمعة سخانة, طلعنا من الصلاة مطرة مببللة كل الشوارع ورعود وبروق شوفى البشتنة دى....
ياحليل القاهرة والشبورة
وناغبور..وزهورة
ووبومبى المغمورة
وبونا الممطورة
وايامنا وحبورا
وذكريات منثورة
وعاشين على نورا
يابت ياشحرورة
اعمل حسابك من الشبورة
| |
|
|
|
|
|
|
|
|
|
Re: القاهرة: برد، مطر، وكتاحة (Re: Raja)
|
الغالية رجاء
(قبلكم)000 زي ما بيقولوا الحبوبات
نحن بالامارات نعيش اجمل طقس في السنة اي نعم شتاء00 لكن شتاء
لذييييييييذ بالكتير قميص كم طويل
التحايا للجميع ويغطيكم الله
| |
|
|
|
|
|
|
|
|
|
Re: القاهرة: برد، مطر، وكتاحة (Re: Raja)
|
واللة برد بلاد الخواجات ما بندار انا هنا في ادنبرة فى اسكتلندة بردان من ما جيت قبل ثمانية سنين ومشتاق موت لسخانة السودان قصدي سخانة الجو مش الجيب جعل اللة جو كل الدنيا ربيعا دائما
قولو اميين
| |
|
|
|
|
|
|
|
|
 Re: القاهرة: برد، مطر، وكتاحة (Re: Raja)
|
الاخت رجاء
الله يكون في عونكم من الكتاحات , ولكن الواحد برضو مشتاق لشتاء القاهرة واكل البليلة الحارةو الدرة الشامى , نحنا هنا لسع مع المكيف.
ودى الشهور القبطية يا راوية .
وشهور السنة القبطية هى بالترتيب: توت, بابه, هاتور, كيهك, طوبة, أمشير, برمهات, برمودة, بشنس, بؤونة, أبيب, مسرى ثم الشهر الصغير (النسئ) وهو خمسة أيام فقط (أو ستة أيام فى السنة الكبيسة). ومازالت هذه الشهور مستخدمة فى مصر ليس فقط على المستوى الكنسى بل على المستوى الشعبى أيضاً وخاصة فى الزراعة. ولقد حذف الأقباط كل السنوات التى قبل الأستشهاد وجعلوا هذا التقويم (المصرى) يبدأ بالسنة التى صار فيها دقلديانوس امبراطوراً (عام 284 ميلادية) لأنه عذب وقتل مئات الآلاف من الأقباط , وسمى هذا التقويم بعد ذلك بتقويم الشهداء وهو الأن سنة 1715 .
واحلاهم برمهات لانو فيهو بيقولو ( روح الحقل وهات ).
(عدل بواسطة الجريفاوي on 01-23-2004, 03:43 PM)
| |
|
|
|
|
|
|
|
|
|
Re: القاهرة: برد، مطر، وكتاحة (Re: Raja)
|
.. اسكتلندا عديييل كده
اي واللة يا رجاء طفشنا طلبا للرزق ومن ديك وعييك
انا قبل ما اجي البلد دي كدت فاكرها احد الدول الاسكندنافية ولكن طلعت جزء من بريطانيا العظمي العظمة لله
| |
|
|
|
|
|
|
|
|
|
Re: القاهرة: برد، مطر، وكتاحة (Re: Raja)
|
رجاء
اما الجو فى كرش الفيل معقول ما بين البرودة التى تؤدى الى ظهور حالات الرطوبة وعلى فكرة الرطوبة ده مشكلة بقت مربوطة بالمعاش دون مراعاة فرق السن اماالان بدأت درجات الحرارة فى الانخفاض وظهور غيم فى طرفات السماء وطبعا نحننا بنقول غيم طالما فى مصر فى كتاحة بالرغم من الاسفلت بس اتصورى لمن تصلنا الكتاحة ده حيكون دفن عديل بس الكويسة انو وينتهى العزاء بتدفئة الماء للاستحمام .
دعواتى لكل الشتات بالتمتع بصحة جيدة خلال فترة البرد والجليد
تحياتى
| |
|
|
|
|
|
|
|
|
|
Re: القاهرة: برد، مطر، وكتاحة (Re: Raja)
|
الدنيا ليل غربة ومطر:
الاخت رجاء:
زي ما قال ليك الطيب بشير انتو عندكم الدنيا حري شديد, نحن لسه درجة الحرارة ما وصلت الصفر لمن تصل حانكون مبسوطين.
الكتاحة دي ناس السودان بدوك الارشادات العامة ,
وفي البرد دا كتروا من العصيدة الحارة واكان فضلت جيبي لينا باقيها.
وتسلمي من البرد والكتاحة البرد ما ليكي انت ...
| |
|
|
|
|
|
|
|
|
 Re: القاهرة: برد، مطر، وكتاحة (Re: Raja)
|
نحنا غايتو لينا الله وعيشة الكتاحة دى
ياخى نحنا الجليد دفنا دفن مش كتحنا
وهسى متوقعين نصل للحالة بتاعت 2002 لما
واحد من التلفزيون مشى حتة كدا وكشح موية بتغلى فى الهوا
انقرى الحصل شنو ؟؟؟؟
الموية نزلت تلججججججججج
قالت كتاحة قالت
| |
|
|
|
|
|
|
|
|
|
Re: القاهرة: برد، مطر، وكتاحة (Re: سمندلاوى)
|
رجاء العسل .......سلامات
تعرفى انا بقيت باعمل فيها رومانسية شديد و اقول يا سلام ما أجمل لون البياض من حولى!!! ده كلو عشان ما أنتبه للفكرة المرعبة بتاعت انى مدفونة تحت اكوام من الجليد ها ها ها
| |
|
|
|
|
|
|
|
|
|
Re: القاهرة: برد، مطر، وكتاحة (Re: Raja)
|
رجاء العزيزة:
والله لو الموضوع 12 كورية عصيدة و 3 ملحات, انا حاقوم واعزم كل اعضاء البوردالمتأثرين بالكتاحة والبرد والمطر التى تخيم علي سماء البورد في الايام الفائتة نتيجة لمرتفع جوي قادم من....., ومنخفض جوي قادم من....
ورياح الخماسين المحملة بالكتاحة وقادمة من نيفاشا عشان يدفوا شوية,
وفي مقدمتهم الطيب بشير وتماضر شيخ الدين ,
وخروف العيد علينا .
وتسلمي ...
| |
|
|
|
|
|
|
| |
Raja
إيمان أحمد
الطيب بشير
عبد المنعم سيد احمد
Abureesh
خالد الأيوبي
smart_ana2001
Rawia
بكرى ابوبكر
Isam Widaa
Tumadir
abuguta
Abd-Elrhman sorkati
الجريفاوي
elsharief
بلدى يا حبوب
Ehab Eltayeb
سمندلاوى
yumna guta
فيس بوك
تويتر
انستقرام
يوتيوب
بنتيريست