|
|
|
 Re: أمـــنــيـــة... (Re: Kostawi)
|
كوستاوي..
ازيك..
ما تتخيًل فكًيت لي التكشيرة بتاعت البوست ده كيف..
الصور ممكن ونص..
ومافيش حاجة تجي كده..
إهدأ حبيبي كده وارجع زي زمان..
..
تاخد عيني كمان..
تسلم للبسمة..
بالمناسبة المشروع القلتو لي "I'm in"..
| |
 
|
|
|
|
|
|
|
 Re: أمـــنــيـــة... (Re: Raja)
|
الغالية رجاء،
سأتحدث إليك شعراً:
_______________
رجع الصهيل
و المستحيل الكان حقيقة
الليلة اتشبع رحيل
***
خليني جنبك
ببقى سامق زي نخيل
زي نيل بينزف
في عروق شمس الأصيل
خليني جنبك
أحيا بالحس الجميل
***
لو كان زمان الغربة دونك
شوق دخيل
أو روعة الدنيا في عيونك
سلسبيل
ما كنت بسلم من جنونك
و يسلم الشجن الطويل
***
و انت عارف كيف بنطلع
من دروب المستحيل
و كيف نهاجر لي سحابك
نرسم الإيقاع دليل
و كيف محطاتك بتبقى
وقفة تهدينا السبيل
______________________
أنت في عيوننا محطات تهدينا الأمنيات واحة نستظل فيها من رهق الطريق والحزن والعاصفة..
ابتسمي يا رجاء وستبتسم معك كل المدن وأزهار الحقول..ونحن..
ونحن
نحبك كثيراً
معز
| |
|
|
|
|
|
|
|
|
 Re: أمـــنــيـــة... (Re: سجيمان)
|
سيجيمان الحبيب..
ماخدة إذن من أم الخير  ..
لو ما كنت جيت هبًبتني الليلة.. كنت حاشيل حالك بي هناك..
الله يخليك لكل الناس البتريدك.. وهم كتار كترة  ..
قول ماشا الله..
| |
|
|
|
|
|
|
|
|
|
Re: أمـــنــيـــة... (Re: Raja)
|
الأخت/رجاء
قال الشاعر
لعمرك ما ضاقت بلاد بأهلها**** ولكن أخلاق العباد تضيق
والملاحظ أن البيت الواسع يصبح ضيقا ومضجرا علي شخصين فقط إن إختلفا
عندما نتحول إلي جميلين ينعكس هذا علي كل من حولنا ونر كل شئ جميلا
إذا أردت السعادة أنظري للجمال في الاشياء فستريها كلها جميلة
حتي أعداءنا إذا بحثنا عن مواضع الجمال فيهم لحولناهم لأصدقاء
أنتن ورود المنبر فعطروه لنا..حفظكم الله وزادكم جمالا
| |
|
|
|
|
|
|
|
|
|
Re: أمـــنــيـــة... (Re: Sinnary)
|
الصديق الغالي سناري..
اوافقك في كلامك لغاية ما الشخص يكتشف انه فقد البوصلة عند التعامل مع أشخاص يقرأون لغته العربية انجليزي.. او العكس...
فهمتني..
بالمناسبة تعجبني حكمتك ووزنك للأمور..
| |
|
|
|
|
|
|
|
|
|
Re: أمـــنــيـــة... (Re: أحمد الشايقي)
|
الاخت رجاء
مساء الخير
عرفتك مقاتلة من الدرجة الاولى ولابد ان تظلى هكذا
اقرر
انا هشام ابرهيم مدنى اقر واشهد بانى لا احمل تجاهك الا كل الاحترم والتقدير وانتى
تجبرى اى انسان لاحترامك وتقديرك.
تقبلى منى واسرتى كل الاحترام والتقدير
مع تحياتى
هشام مدى
| |
|
|
|
|
|
|
|
|
|
Re: أمـــنــيـــة... (Re: هشام مدنى)
|
الصديق العزيز هشام..
المقاتل في لحظات "قليلة" يزحف إلى نفسه بعض يأس.. يحدث هذا عندما تطول معاركه..
وأشهد بأني لا أحمل لك إلا كل ود وتقدير..
تحياتي لأسرتك الكريمة..
| |
|
|
|
|
|
|
|
|
|
Re: أمـــنــيـــة... (Re: Raja)
|
رجاء
كلّو منّك
إنتى ليه ودودة كده؟
وصافية نية؟
لازم تكونى شريرة، شوية كده، وعصابية، وحقودة!
ده سر إعجابى بيك..
وضوحك
ضعفك
صراحتك
إنسانيتك
تواضعك رغم مواهبك وذكائك
وإحترامك لينا ولنفسك
و... بس
| |
|
|
|
|
|
|
|
|
|
Re: أمـــنــيـــة... (Re: Raja)
|
يا رجاء
مسامحك هسه عشان ح أزعل منك بكره !!!
بهدى ليك جزء من خاطره كتبت لحظة زعل من زول عزيز.
ماهو هين لما ننساهو ف(ثوانى)
أصلو بين، واصلو عمر الناس امانى
واصلو كل الناس بتفرح وبرضو بتقاسى وتعانى
الا منك مانى فاكر يوم اعانى
****************************
| |
|
|
|
|
|
|
|
|
|
Re: أمـــنــيـــة... (Re: تاج السر حسن)
|
تاج السر العزيز..
سلام وتحية..
| Quote: مسامحك هسه عشان ح أزعل منك بكره !!! |
يعني ناوي ناوي  ..
بالمناسبة انت من الشخصيات التي تحيرني في المنبر.. فعندما أقرأ لك تجدني أفهمك في الجزء الأول من حديثك.. ثم أستعجب في الجزء الأوسط منه.. وأفقد بوصلتي معك بنهاية البوست.. لذلك لا أعرف ماذا أكتب..؟
ورغم هذا لم يفسد ودي معك الحمد لله..
| |
|
|
|
|
|
|
|
|
|
Re: أمـــنــيـــة... (Re: Raja)
|
أنا لست معنيا بهذا البوست ،، لأني لا أحمل زعلا ولا ضيقا منك ،،
لكني أريد منك المزيد ،، وأعتقد أنه ممكن ،،
كوني معنا دائما ، لا إضراب ، لا استقالة ، لا غياب ، لا مرض ، لا ضجر ،،
نريدك دائما زهرة متفتحة تفوح بعبق الياسمين .
| |
|
|
|
|
|
|
|
|
|
Re: أمـــنــيـــة... (Re: ودقاسم)
|
والله زعلان منك بدور اطرشك كان كتبتي بوسن او اتنين ,زعلان منك عشان غبتي كتير عن الناس , زعلان منك عشان بقيتي حساس احمد حساس في كلو كلمة تعملي ليها الف حساب , خلي الامور علي الله واتوكلي عليه
| |
|
|
|
|
|
|
|
|
|
Re: أمـــنــيـــة... (Re: ودقاسم)
|
صديقي وشريكي في حب أبي ود قاسم..
والله ما بمزاجي الإضراب ولا الاستقالة ولا البعاد.. ولكن لكل منها سببه..
فالإضراب كان محاولة لدق جرس تنبيه..
والإستقالة كانت بعد أن أصبحت هناك فوضى لم أأمن نفسي وسطها..
والبعاد بيكون لما يقف حمارك في العقبة ولا تدري ماذا انت فاعل..
..
وبعد ده كلو.. تجدني هنا..
سلمت..
| |
|
|
|
|
|
|
|
|
|
Re: أمـــنــيـــة... (Re: nazar hussien)
|
العزيزة رجاء .. سلام مربع
استأذنك أن أكتب باسمك هذه الأبيات :
قلبي ما البشيل الشين وحاشا
قلبي أبيض من رغوة صافية فوق بكري الغباشة
وكان قنعت بشيشي .. ما بعجل على الكلمة الدراشة
وهذا ظننا فيك
| |
|
|
|
|
|
|
|
|
|
Re: أمـــنــيـــة... (Re: ايهاب)
|
رجاء
وصيتي ليك سوي ليك مكتبه وختي فيها البوست دا......... اجمل كلام يتقال من اجمل ناس في البورد دا والبوردات المجاوره
الاستاذ سناري
شكرا ليك كتير مرتين
.............لا الف مره
عادل محمد عثمان
كلامك
صادق بشكل
هوبا
انت وين
عندي حاجات كتيره للسمع
سلام لي السلام
رجويه عن اذنك
(عدل بواسطة Rawia on 09-22-2004, 07:24 AM)
| |
|
|
|
|
|
|
|
|
|
Re: أمـــنــيـــة... (Re: elsharief)
|
صديقي العزيز وسندي القوي أيام أكبر أزمة مرت بي..
متولي الشريف..
أفتقد طلاتك ومعرفة اخبارك.. ماذا تفعل وماذا فعلت بك الدنيا..؟
تخريمة: انت وراوية وايهاب حتدفعو تكاليف مكتبة الأصدقاء..
| |
|
|
|
|
|
|
|
|
|
Re: أمـــنــيـــة... (Re: Rawia)
|
الحبيبة راوية..
حأعمل باقتراحك واعمل مكتبة خاصة لأصدقائي ومكتبة تانية لمواضيع المنبر ..
غايتو تكاليف المكتبة التانية حأجيبها بس من تخريماتك وايهاب هنا ..
| |
|
|
|
|
|
|
|
|
|
Re: أمـــنــيـــة... (Re: ايهاب)
|
الغالي ايهاب "هوبة العريس"..
ازيك.. انت وين..؟ مشيت سألت عليك في بوست دفتر الغياب..
وانا كمان:
مــــشــــتــــاقــــــــون..
| |
|
|
|
|
|
|
|
|
|
Re: أمـــنــيـــة... (Re: saifkeli)
|
الصديق سيف كلي..
تحية وتقدير وود..
ارجو ان أكون على قدر ظنًك الجميل والكبير فيً..
ولو قدر لي اكتب شعر ما كنت كتبت زيك كده..
تسلم..
| |
|
|
|
|
|
|
|
|
|
Re: أمـــنــيـــة... (Re: عبدالله)
|
الصديق الغالي عبدالله..
لا تدري كم أطمئن لوجودي مع نفر انت بينهم..
والمحبة ايضا تتطلب طرفين.. فكل الحب الذي أجد أقابله بحب أكبر..
دمت..
| |
|
|
|
|
|
|
|
|
|
Re: أمـــنــيـــة... (Re: Raja)
|
الغالية رجاء
بصراحة انا كنت زعلان منك جدا جدا جدا...........
لما اعتزلتي المنبر وتركتيه بدون طحم او لون او رائحة
لكن في الاخير سامحت نفسي......
لاني كنت دائما مسامحك.....
بس اوعي تغيبي تاني مهما كانت الاسباب
دا ح يزعلني جدا جدا جدا
معزتي و مودتي
فرانكلي
| |
|
|
|
|
|
|
|
|
|
Re: أمـــنــيـــة... (Re: Raja)
|
رجاء
ربما تكون استراحة المحارب
ولكن البيت الكبير (المنبر الحر) يحتاج الى تزين صالاته ونحن فى الانتظار
ولك كثير السلام والود
| |
|
|
|
|
|
|
|
|
 Re: أمـــنــيـــة... (Re: Raja)
|
زميلي الهولندي في العمل كلما اجده في الشارع مع اخرين وأسأله في اليوم الثاني عنهم
"هل كانوا اصدقائك؟"
يقول لي : "لا اصدقاء لدي فالاصدقاء مكلفون"
وبطبعي لا افهم كيف يكون الاصدقاء مكلفون
لكن اليوم فهمتها جدا
فقد كلفتي مداخلتي اعلاه قرص من بيتزا "فونقو" وضعت عليها بعض شرائح السلامي
بيتزتي اتحرقت كلو بسبب المعزة
الاصدقاء قد يكونو مكلفين "قرص بيتزا كامل بمجاميعو" لكن بجد لا عوض لنا عنهم
الحمد لله
فرانكلي
| |
|
|
|
|
|
|
|
|
|
Re: أمـــنــيـــة... (Re: Frankly)
|
صديقي العزيز كمال فرانكلي..
تسلم سيدي على مودتك.. ووعد بتعويض البيتزا بواحدة "سوبر سوبريم" تختارها بي شنو..؟؟!!
دمت اخا فاضلا وصديقا حقيقيا..
| |
|
|
|
|
|
|
|
|
|
Re: أمـــنــيـــة... (Re: Raja)
|
اختى العزيزة رجاء..شجرة الصندل
كلمة صدق اقولها فى حقك ..
انتى مثال للانسانة الرائعة والسودانية الاصيلة التى -وان بعدت عن وطنها -لا تتخلى عن القيم الرفيعة والاخلاق العالية وشهامة بت البلد
كما عهدناك دوماًمتسامحة تحملين قلب من ذهب...
رغم كل شئ..رغم كُل ما أُقترف فى حقك ها انتى تصفحين..
فأى عظمة هذى.....
متعك الله بالصحة والعافية ووفقك فى كل ما تصبين اليه..
ولا عدمناك..
وكده زعلتى الزمان فكت
رجاء ..ارقدى عافية أُخت الاخوان
| |
|
|
|
|
|
|
|
|
|
Re: أمـــنــيـــة... (Re: hanouf56)
|
العزيزة رجاء
التحية لك ولكل المشاركين
كم تمنيت لو كنتي توقفتي عند عبارة :
| Quote: هذا البوست هو يد ممدودة لكل من يحمل في نفسه "زعل" أو "ضيق" مني.. |
أوعبارة
Quote: سئمت القتال وانتظاره..
وأريد العيش في ســــــلام..
|
أتمنى أن يستجيب من هو معني بهذه اليد الممدودة ...أو من هم معنيين بهذه المبادرة الصادقة
الصافية الشجاعة
| |
|
|
|
|
|
|
|
|
|
Re: أمـــنــيـــة... (Re: hanouf56)
|
العزيز محمد 56..
ياااااااا
لك مليون وحشة.. وين انت..؟ ولييه الغيبة الطويلة..؟ انتظر اجابة بجد..
الحلو انا عملت البوست ده للناس الزعلانة.. لقيتو جاب الحبايب..
إلا نعمل واحد تاني ..
| |
|
|
|
|
|
|
|
|
|
Re: أمـــنــيـــة... (Re: Raja)
|
العزيزة بت العباسى
كل الود
حقيقة فى كمية من الاشكالات حصلت فى وقت واحد خلتنى ابتعد عن متابعة ما يحدث فى سودانيز وانلاين
اول حاجة : نوع المشاكل والصراعات التى حدث فى المنبر الحر قبل ثلاثة اشهر ويذيد .... نفس الاشكال على ما اعتقد خلتك انتى برضو تقاطعنى المنبر ...
وتانى حاجة ساعدنى عن الابتعاد عن النت مشاكل فى العمل اجبرتنى عن الابتعاد عن النت وعدم رغبتى فى دخول المنبر الحر مع اشكالات العمل هما سبببن الحقيقين لعدم تواجدى ...
وشكر ليك تانى للسؤال
ولك كل الود
محمد
| |
|
|
|
|
|
|
|
|
|
Re: أمـــنــيـــة... (Re: Raja)
|
رجـــــــاء...
زعلانه منك.. وماخده في خاطري... غبتي عننا زمن.. افتقدنا فيه هذه الابتسامة...
غايته كان بتقدري تعوضيني الحاجة... يبقى صافي يا عسل  موش لبن
بنت الحسين
| |
|
|
|
|
|
|
|
|
 Re: أمـــنــيـــة... (Re: Raja)
|
يـا رجـــاء
أول حـاجـــة أدفـعــي حـــقـ إسـتخــدامـك لـعـنوان الـبـوســت بـدون إذن
و بــعـــديــن نـتـفـاهــم فــي مـوضـوع الـبـوســـت
كــمــان جـابـت لـيـها ســـرقـــة أســمـــاء ؟؟؟؟؟؟؟؟
| |
|
|
|
|
|
|
|
|
|
Re: أمـــنــيـــة... (Re: ABUHUSSEIN)
|
العزيزة رجاء
إنها درجة عالية من الانسانية عندما يسمو الانسان فوق جراحاتة ويبحث عن السلم متجاوزا تلك الكتلة الفيزيائتة من الانسان نحو كيمياء الروح وللروح عبقها وعبيرها إنة عالم الجمال عالم تحلق فية حمائم السلام ,وتمتلئ اغنياتنا بكائنات الحمام ونحتفل بها .
شكرا لهذة المبادرة يلا يا جماعة فانرمي بكل زرة زعل في سلة المهملات معا لنظافة النفوس وغسيل الروح .وانت بالروح لا بالجسم إنسان.
(بلدية محلية سودانيز اون لاين)
شكرا رجاء
لك مني ريشة وضمير وكمان
مجــــــــــــــــــدي شــــــــــــــــــبندر
| |
|
|
|
|
|
|
|
|
|
Re: أمـــنــيـــة... (Re: مجدي شبندر)
|
رجاء ازيك شديد
انت شنو زغتي مني بهناك
عموما انا ما فاهم اي حاجة انت عملت شنو يا بت العباس عشان ده كلو
برضو ازيك تاني وانا في انتظار اي شكل من اشكال الظهور وعازمك بهناك
سلامي وحبي
عارف الصاوي
| |
|
|
|
|
|
|
|
|
|
Re: أمـــنــيـــة... (Re: عارف الصاوي)
|
الصديق العزيز عارف..
ازيك.. ما عرفت بي هناك دي وين..
يا سيدي انا تعاملاتي الالكترونية بقت في غاية التعقيد  .. مثلا لو كنت اضفتني في المسينجر ما حأعمل ليك قبول إلا ترسًل لي ايميل في الايميل الاديتو ليك لما رسلت لي في الايميل الأولاني .. تقول انك اضفتني وتشهًد معاك اتنين انا بعرفهم شخصيا ..
أما إذا كنت تقصد بهناك البالتوك فانا برضو لا أقبل أي دعوة لأي مكان إلا من اتنين هنا معانا في المنبر.. أوسلي ونصًار .. لووووول.. فالعايز يرسل دعوة لازم تكون عن طريق واحد فيهم..
وفي انتظار تقول لي بهناك القاصدة وين ..
لك الشوق والتحايا.. وعبرك لكل الشباب الزملاء المعاك..
| |
|
|
|
|
|
|
|
|
|
Re: أمـــنــيـــة... (Re: Raja)
|
راجاء الرجه
مررت من هنا لهدفين
لاعبر عن حبى الدفين
ولاقف معك فى وجه سلبطة ابو حسين
تاج السر لو جاء هنا حيطلع الهدفين تسلل .. تسلل او غيرو ما مهم
المهم هل سرقتى العنوان من ابو حسين كما ادعى ؟
| |
|
|
|
|
|
|
|
|
|
Re: أمـــنــيـــة... (Re: osly2)
|
الغالي كمال..
ازيك وهدفينك تمام ضمنتا التلاتة نقاط ..
وحاة نظري اسم أمنية ده إسم بتي بعد عمر مديد .. قااام عادل ده لما جاب ليهو بنوتة اتسلبط فيهو  .. قتً خلاص كرامة أخواتها وأهو هدية بدل حلق الدهب ..
| |
|
|
|
|
|
|
|
|
|
Re: أمـــنــيـــة... (Re: Elkalakla_sanga3at)
|
الصديق العزيز بهاء..
ســـــلام وشوق بجد..
كنتا خايفة انت بالتجديد تجي تقول لي زعلان عشان ما غطًينا دورة اثينا الرائعة..
تحياتي وسؤالتي ايضا عن الصديقة المشتركة زولا واحد اتنين تلاتة..
سلمت..
| |
|
|
|
|
|
|
|
|
|
انتــــي اولــــــــــــــــــــــــــــهم... (Re: Raja)
|
رجويـــــــــة...
ممكن استلف بعض من كلماتك؟؟؟ وذلك حتى أعيدها على مسامع بعض من يهمني رأيهم عند قراءتها وأنتي أولهم...
| Quote: هذا البوست هو يد ممدودة لكل من يحمل في نفسه "زعل" أو "ضيق" مني.. |
ويديك الف عافية انشالله...
ست البنيـــــــــــــات
| |
|
|
|
|
|
|
|
|
|
Re: أمـــنــيـــة... (Re: Raja)
|
يا رجاء كتبت:
يا سيف كلي لو قدر لي اكتب شعر ما كنت كتبت زيك كده ..
في حين أنك كتبت:| Quote: المنبر لي يعني مكان أجلس فيه براحة.. وأهل تربطني بهم ثقة ولا يربطني بهم دم.. ومعرفة متجددة لأمور وقضايا أعرف بعضها وأكتشف بعض ثاني.. وأشارك مع الجميع صناعة البعض المتبقي.. وشاطئ أسير فيه بقدمين حافيتين أغرسهما في رماله دون مخافة أن أجد زجاجة مكسورة.. |
ودا مقطع شعري مكتمل، أقترح تشاركي به في بوست الجندرية (نصوص تسعينية)
برضو ممكن بكري يضيفه للستة ديك بتاعت وقد صار البورد وطناً في زمن اللا وطن
أحيي شجاعتك
| |
|
|
|
|
|
|
|
|
|
Re: أمـــنــيـــة... (Re: محمد سر الختم)
|
الصديق العزيز محمد سر الختم..
في أثناء تجوالي في الصفحات الخلفية للمنبر.. وهو أمر أفعله لأقرأ ما فاتني من بوستات تذهب هكذا في زحمة الحياة لأرفع ما استمعت به فأقول لنفسي لن أبخل به على صحبي.. فأرفعه بمزاج عال اتمنى ان يجده القراء مثلما لقيته..
وجدت هذا البوست.. وكنت متأكدة أني التقيت بكل أصدقائي الذين شرفوني.. ولمحت مداخلتك...
حزنت للغاية لعدم إطًلاعي عليها من قبل.. لك العتبى في التأخير..
عجبتني اقتراحاتك الحلم..
دمت أخا كريما وصديقا نبيلا..
| |
|
|
|
|
|
|
|
|
|
Re: أمـــنــيـــة... (Re: Raja)
|
ميادة (البوست) وصل ... وبعدين مالك انت طالبه السماح ماشه الحج؟؟
كان مشيتى بتلقى الحاجة سلمى عليها ... بس انت امشى بتلقيها.
أوسلى:-
القونين ديل لو الكرة (حكت) الواطه وما هوت شبر لى فوق برضهن ما محسوبات والله غالب، ذى ما بقولوا الليبيين.
ونحن مغلوبين 4/ صفر ، ذى ماحصل من النيجريين.
| |
|
|
|
|
|
|
|
|
|
Re: أمـــنــيـــة... (Re: Raja)
|
العزيزة رجاء
ما دفعني للكتابة في هذا البوست هو إحساسي بأنه صادق وأنا أثق في إحساسي فيما يخص النفس.
البوست رغم أنه يعطي الإحساس بأن صاحبته أعلنت الهزيمة (تعبت.. سئمت القتال وانتظاره.. أر يد العيش في سلام) إلا أنه يشير إلى شجاعتها وصفاء نفسها ووضوحها وبُعدها عن سياسة تبديل الأقنعة . وفي هذا منتهى الشجاعة.
أحيي شجاعتك مرة تانية وآمل أن يصدق إحساسي كالعادة
| |
|
|
|
|
|
|
| |
Raja
Kostawi
Dr. Moiz Bakhiet
Hussein Mallasi
سجيمان
Sinnary
أحمد الشايقي
Adil Osman
ودقاسم
saif massad ali
nazar hussien
saifkeli
ايهاب
Sidig Rahama Elnour
Rawia
elsharief
lana mahdi
alfatih
Frankly
بلدى يا حبوب
hanouf56
omer almahi
مريم بنت الحسين
اسامة الخاتم
ABUHUSSEIN
مجدي شبندر
osly2
talha alsayed
معتصم دفع الله
Elkalakla_sanga3at
فيس بوك
تويتر
انستقرام
يوتيوب
بنتيريست