|
|
|
 Re: هل هذا فأل حسن أم ؟؟؟؟؟ للمرة الثالثة كالسيف وحدي !!!!!!!!!!!! (Re: هجو الأقرع)
|
| Quote: اخى ابو ناصر الفال السمح فالك تضوى مراحك شرك ما اشوفو اشوف هناك وافراحك من رائعة العبادى، ان شاء الله فال حسن . ذكرتنى بان شخصا جاء لجدى العمده ود الاقرع الكبير وقال له لقد رايت نفسى وحدى فى الجنه وانتم فى الخارج تنظرون الى ، فقال له اعمل حسابك سوف تسجن فزاغ الرجل. المهم لما تلقى روحك براك اتحكر ولا تخشى شيئا. |
هجو أيها الرجل الطيب الجميل
يا خوي انت حسع ما فسرت الموضوع ..
يعني الحكاية فيها سجن وكده .......
وعايزني أتفاءل !!!!!!!!!!!
وبما انك رجل يبدو عليك الصلاح فادعو لي
ألا يكون السجن في السودان ... واذا كان
في السودان فادعو لي ألا يكون في تلك
البيوت التي ينتهك فيها شرف الرجال !!!!!
لك خالص المحبة .....
| |
 
|
|
|
|
|
|
|
|
Re: هل هذا فأل حسن أم ؟؟؟؟؟ للمرة الثالثة كالسيف وحدي !!!!!!!!!!!! (Re: الفاتح يوسف جبرا)
|
Quote: قال أيه (غب الأتر) وعاوز يجى ... عليك الله يافاروق يا خوى مش (الإختشو) شبعوا
موت !!!!!!!!!!!! |
الفاتح جبرا الأجمل والأرجل ...
والله يا شيخ الفاتح أنا خايف عليك يجيك "زولنا ذاته"
ويدخلك في حتات كده ما كويسة !!! وما عارفين تطلع
منها ولا لا .... !!!!!!!! أحسن حاجة تعملها ترسل صورة
جواز سفرك ونقعدك معانا هنا في بلد الأمن والأمان .....
بلد آل نهيان الفرسان ... وآل مكتوم الكرام الشجعان
وشيوخ الامارات ... كواكب الزمان ,, وتكتب من هنا لجرايد
السودان.... نحن ما قنعانين منك ... وقد قدمنا هذا العرض
لأخينا سجيمان ... ولم يرد علينا حتى الآن......
والله أنا خايف يدخلوكم هناك في الحتت ديك ويحصل ليكم (اكتئاب)
وترفضوا الخروج من خشم الباب !!!!!!!!!!
أما أخونا علي الحاج الذي نشرت له صورة عام 1992 في
جريدة الفجر الاماراتية وهو في العاشرة من عمره لا يزال كثير
من الناس يحتفظون بها وخاصة خصومه من أهل الآنقاذ أنفسهم
فهو رجل لا يختشي ولا يخاف الله ... فهو قاتل وحرامي ولا زال في
عنقه دماء المئات من أبناء السودان الشرفاء ... ولا زالت
أموال طريق الانقاذ الغربي في ذمته ونحن نريده في السودان
فأيام الحساب قد قربت لكل مبصر له عينان ....
ولك مني كل الحب .... وفكر في العرض ....
| |
|
|
|
|
|
|
|
|
|
Re: هل هذا فأل حسن أم ؟؟؟؟؟ للمرة الثالثة كالسيف وحدي !!!!!!!!!!!! (Re: فاروق حامد محمد)
|
| Quote: والله أنا خايف يدخلوكم هناك في الحتت ديك ويحصل ليكم (اكتئاب) |
أخونا الأستاذ القامة (فاروق)
شكرا جزيلا يا أخى على دعوتكم الكريمة لنا للإقامة بين ظهرانيكم والخروج من هذى البلد الظالم (حكامها) لكن يا أخى أفيدك بعدم الإستطاعة فقد أدمنا هنا (فتة العدس) وسلطة الطماطم بالدكوة و (صحن البوش) وسجاير (البرنجى) وجرورة (الكناتين) وأصبح التخلى عن هكذا حياة ترفا لا نحتملة من فرط التعود على حياة (المصغبة والمعاناة) .. غايتو يا خوى يا فاروق أنحنا بننتظر لحدت ما نشوف (آخرتا) والحفلة (تفرتق) ويلمو (الكراسى) !!
وبعدين تعرف نحنا ما عندنا حاجات نخاف عليها لا عمارات فى كافورى والمنشية لا حسابات فى البنوك الأجنبية ياهم (الشفع) ديل وعندهم (رب) يحميهم !!
شكرا على هذا (العرض) يا أبو ناصر ونحنا خاتينك (للتقيله) !!
| |
|
|
|
|
|
|
|
|
|
Re: هل هذا فأل حسن أم ؟؟؟؟؟ للمرة الثالثة كالسيف وحدي !!!!!!!!!!!! (Re: الفاتح يوسف جبرا)
|
Quote: أخونا الأستاذ القامة (فاروق)
شكرا جزيلا يا أخى على دعوتكم الكريمة لنا للإقامة بين ظهرانيكم والخروج من هذى البلد الظالم (حكامها) لكن يا أخى أفيدك بعدم الإستطاعة فقد أدمنا هنا (فتة العدس) وسلطة الطماطم بالدكوة و (صحن البوش) وسجاير (البرنجى) وجرورة (الكناتين) وأصبح التخلى عن هكذا حياة ترفا لا نحتملة من فرط التعود على حياة (المصغبة والمعاناة) .. غايتو يا خوى يا فاروق أنحنا بننتظر لحدت ما نشوف (آخرتا) والحفلة (تفرتق) ويلمو (الكراسى) !!
وبعدين تعرف نحنا ما عندنا حاجات نخاف عليها لا عمارات فى كافورى والمنشية لا حسابات فى البنوك الأجنبية ياهم (الشفع) ديل وعندهم (رب) يحميهم !!
شكرا على هذا (العرض) يا أبو ناصر ونحنا خاتينك (للتقيله) !! |
الفاتح الفارس
هيييييييييع أمانة ماك راجل رجالة
لكن عليك الله أسأل الجنرال قول ليه
الرجالة مالها؟؟؟
يا خي أنا خايف عليكم من القزاز وخاصة
ال Family size ... يقوموا يكسروا ليكم
في روسينكم قبل الحفلة ما تفرتق ويلموا
الكراسي ...
تعرف يا الفاتح ألذ حاجة في السودان كنت
بحبها جرورة الدكاكين والسجارة أم قرش ونص
وكفتيرة الشاي أبوتعريفة وجبنة الصفيح أم قرش...
.. مرة كان معانا جنيه كامل أنا وصديقي اسماعيل
طه وكنا فرحانين جنس فرح وقفنا قدام دكان عشان نشتري
خمس سجاير وكان فيه حسان بشترن حاجات بالهبل .. بتاع
الدكان عاوز يفوتنا ... قال أيوة يا أساتذة .. كنا قاشرين
قشرة رهيبة... أنا سكت خجلا .. لكن اسماعيل الرهيب صاح بصوته
الجهوري ... : بالله خمس سجاير بنسون كبير ... فمات صاحب الدكان
من الضحك ... والبنات فتفتوا من الضحك ... وكانت معرفة !!!!!!!!!!
مالك علينا يا الفاتح ذكرتنا السودان الجميل في السبعينات
وذكرتنا أصحابنا الزمان .. الطش فيهم طش والقعد بطقع في الصواني
بالحجار والباقي منهم من قضى نحبه ومنهم من ينتظر ومنهم من بدل
تبديلا 180 درجة انقاذية عديييييييييل كده ومنهم من بدل أقل من 180
"يعني 90 وكده " مربيا دعوني أعيش ... ومرات يخففها من أجل أبنائي !!!
أما دفعتنا من الجندريات فمنهن من أطلقت لتفتها العنان.. فتراها
في الشوارع راكبة عربية بدون أبواب ولابسة سفنجة وما جايبة خبر الدنيا
لأنه بكون شالوها للصالح العام وراجلها عرس ليه واحدة صغنتوتة وسمحة
وهكذا هي الانقاذ -آسف الحياة-
مودتي والتحية لزغب الحواصل
| |
|
|
|
|
|
|
|
|
|
Re: هل هذا فأل حسن أم ؟؟؟؟؟ للمرة الثالثة كالسيف وحدي !!!!!!!!!!!! (Re: فاروق حامد محمد)
|
| Quote: أمانة ماك راجل رجالة |
تعرف يا فاروق يا خوى هى لا رجاله لا حاجة أصلو أخوك باقى عمر عندو إنسداد فى الشريان التاجى ومشاكل تانية فى القلب و(حصوات فى الكلى) قاعدين نفتفت فيها اليومين ديل وكمان (سكرى) وكمان (ضغط) .....هو (الموت) ده شنو يا فاروق مياهو ده ذاتو ؟؟
تحيات : (زغب الحواصل) - ناجى ونشوى - يهدون عمهم أبوناصر سلامهم ويتمنون له دوام الصحة والعافية
| |
|
|
|
|
|
|
|
|
|
Re: هل هذا فأل حسن أم ؟؟؟؟؟ للمرة الثالثة كالسيف وحدي !!!!!!!!!!!! (Re: الفاتح يوسف جبرا)
|
Quote: تعرف يا فاروق يا خوى هى لا رجاله لا حاجة أصلو أخوك باقى عمر عندو إنسداد فى الشريان التاجى ومشاكل تانية فى القلب و(حصوات فى الكلى) قاعدين نفتفت فيها اليومين ديل وكمان (سكرى) وكمان (ضغط) .....هو (الموت) ده شنو يا فاروق مياهو ده ذاتو ؟؟
تحيات : (زغب الحواصل) - ناجى ونشوى - يهدون عمهم أبوناصر سلامهم ويتمنون له دوام الصحة والعا |
ألف سلامة ليك يا شيخ الفاتح وان شاء الله عمرك طويل
حتى ترى لناجي ونشوى بنين وبنات وحفدة .....
قبلاتي لهم.... ونرجو أن نراهم في أول اجازة قادمة
| |
|
|
|
|
|
|
| |
فاروق حامد محمد
Yasir Elsharif
امير عوض الجمري
هجو الأقرع
الفاتح يوسف جبرا
فيس بوك
تويتر
انستقرام
يوتيوب
بنتيريست