|
|
 حليمة عبد الرحمن
|
ترحيب متأخر يا ست الكل، وما قدرت امنع نفسي عنه
لست بحاجة لديباجة تعريف أو كلمات تصف من أنت (كإنسانة) تملك زمام الحرف ...
كلماتك التي شاركت بها منذ اشتراكك تكفي لنرحب بك كما تستحقين ...
ولكِ مقبل الزمن لترسمي على صفحاته بقلمك اللماح الممتع نتاخ خبرة ودراية اكتسبتها بجدارة
حليمة،
أهلا بك بيننا،
|
|
 
|
|
|
|
|
|
|
 Re: حليمة عبد الرحمن (Re: عزاز شامي)
|
شكراً عزاز حقيقة الأخت حليمة من خلال مداخلتها لاحظت بانها قلم رصين وبمثابة اضافة حقيقة للمنبر الف مرحب وفي انتظار المزيد من مداد يراعها
| |
|
|
|
|
|
|
|
|
|
Re: حليمة عبد الرحمن (Re: عزاز شامي)
|
في أول إحتكاك ومخاشنة بوستية بيني وبينها ادتني إحساس متداخلة عكليتة تعي ما تكتب وبتفهمها وهي طايرة ..
وده النوع البيجنن بوبي 
غايتو يا عزاز بختك لقيتي ليك سند قوي وتاني الواحد كان لقاكم الأتنين في بوست واحد بيعمل يع ..
لكن كان غفلتوا واي واحدة جات براها حا تدقس ..
يا زولة مرحب بيها والله ..
وليك وليها التحية ..
التوقيع:
عمر الفاروق مركب مكنة حمل وديع ..
تخريمة :
كيف ليك ال New Look بتاعي ده يا عزاز ..
| |
|
|
|
|
|
|
|
|
|
Re: حليمة عبد الرحمن (Re: عمر الفاروق)
|
الأخ عمر الفاروق،
سلامات
اشكر لك مداخلتك الكريمة وترحيبك بالأخت حليمة...
كل الود
لقيتني كيف وانا قطيمة؟؟؟؟
طبعا يا عمر يا فاروق
قريت مداخلتك مرتين ثلاثة وكل مرة بمشي أقرى الاسم ما مصدقة!
أغمض وافتح عيوني قلت يمكن في اختلط على الاسم
لكين طلعت ياهو انت زااااتك !!!
يا ولد ما طلعت تقدمي لاكين!
ولايق عليك لايق
تتحنكش ووتدلل 
شوف يا عمر، بديك حسي اعتراف في لحظة تجلي ما بتحصل كثير بس على شرط تدفنه قبله هنا
بداية النص##
على الرغم من حماضتك في اغلب الأحيان إلا انو ما بقدر أنكر انو كتاباتك لذيذة لما تكون في مواضيع حيادية ممكن أخت فيها الكورة on the ground معاك وبستمتع بيها خالس خالس، بس احيانا بتغيظني لمن اكون دايرة افلقك بس ربك بيستر واختك بتنسى سريع سريع.
انتهى ###
| Quote: وده النوع البيجنن بوبي |
طبعا، حليمة جات لنوع (بوبي) وأمانة ما اجهجهوا البوبيات بعد ده!
يا حليلي أنا، انا ما شهادة عربية وبرلومة في كثير من الأمور، انا بعد ده بصدر ليكم حليمة تتفسح فيكم بمزاااج وبحنكة نادرة المثال
| Quote: وليك وليها التحية .. |
الولد ده!
ما عرفتك!
فاضل تقول لي (أهديك الاندياح) !!!
| |
|
|
|
|
|
|
|
|
|
Re: حليمة عبد الرحمن (Re: عزاز شامي)
|
Quote: الاخ عمر الفاروق
تحياتي
مثل اغاني "انا بنادي في الصالون ...
انا بشربو الليمون ...
انا بشربو الليمون وانا بجيبو بي القانون ..
بري يا الدكوة حلوة حلا ... "
او دا الشغل
او الساعة ستة مالو ما جا
شال ناس كوثر السكرجي دا
من اسقاطات المرحلة..ان الرحم السوداني الذي انجب شاعرات عظيمات مثل بنونة بنت المك نمر او سغبة المرغومابية، والدة الفارس موسي ود جلي..مازال خصبا..
للتذكير: قالت بنونة بنت المك نمر ترثي اخاها وتتمنى لو مات في ميدان الوغي بدلا عن الموت في بمرض الجدري الذي كان علاجه (الرماد)
ما دايرالك الميتة ام رمادا شح
دايراك يوم لقا بدميك تتوشح
الميت مسولب والعجاج يكتح
احي على سيفو البسوي التح
اما والدة موسي ود جلي فقد كان تساؤلها الاول حينما نعي اليها ابنها: شوفو موسي مضروب بقدام ولا بورا..بمعني هل واجه العدو ولم يفر من القتال..وهذه الاخيرة يبينها ان كان مطعونا من الخلف وحينما تاكدت من ان ابنها مات فارسامقاتلا في الميدان..بدات مراسم العزاء وانشدت قصيدتها المعروفة:
حليل موسي يا حليل موسي
حليل موسي الفي الرجال خوسا
يوم جانا الحصان مجلوب
على ضهرو السرج مقلوب
ابكنو يا بنات حي ووب
حليل موسي الوسدوهو الطوب
اما شاكلة الاغاني المذكورة اعلاه.. فاننا سنستغرب ان لم تظهر..فالغناء كشكل تعبيري، هو الاصدق في عكس المراحل -على الاقل- الاقتصادية والاجتماعية والى حد ما ثقافة المرحلة..
انا لست اختصاصية في هذا المجال واتركه لمن يجيدونه ليدلوا بدلوهم..
تحياتي.. واقول لك
المراة قادمة..قادمة..ولن تكون (راجل المرا) الطين (اللكي)-بضم اللام-الذي ينغرس فيه عكازها ويرفض الفكاك.. |
دي مشاركة من الأخت حليمة تؤكد دخولها الفورمة بقوة ...
بس حبيت كمان أقول ليها كان مفروض أواصل الحوار معاك بهناك لولا إنو الأخت دومة فهمت الحكاية غلط ونهرتني وخسمتني بي النبي كان اجي ارد
غايتو يا حليمة كان لقيت لي فرقة بي جاي وعزاز كمان ما طردتني بواصل معاك هنا ..
تخريمة :
شفتي قوة العين ..جيتكم في ميدانكم وإتذكروا إنو القون في ارض الخصم بي قونين ..
| |
|
|
|
|
|
|
|
|
|
Re: حليمة عبد الرحمن (Re: عمر الفاروق)
|
تتحدث حليمه ثلاثه السن بطلاقه العربيه والانجليزيه والفرنسيه بل هى تحمل بكالريوس مرتبه الشرف من اداب الخرطوم فى اللغه الثالثه لذا تتسع دائره قراءتها واهتمامهاوهذا مكسب للمتابع.
فى التسعين من القرن الماضى كنت استمتع بقراءه الكثير من مقالاتها وتحقيقاتها بالانجليزيه فى مجله سوداناو وكنت اخالها عطرا جديدا فى جسد الصحافه السودانيه لماتتمتع به من مقدرات ادبيه ولغويه لكنها اختفت عليه اتمنى ان يكون هذا المنبر الاسفيرى حديقه تزرع بها ورودها ورياحينها التى اغتنتها عبر اطلاعها باكثر من لسان فى ثقافات عديده فمرحبا بها.
| |
|
|
|
|
|
|
|
|
|
Re: حليمة عبد الرحمن (Re: doma)
|
الحنون دوما
سلامات بنكهة القرفة والعسل
عمر الفاروق لو ما كاوى زول ممكن يحصل ليه التهاب قولون عصبي!
شكرا لمرورك يا جبيبة ولحسن ظنك بي
| |
|
|
|
|
|
|
|
|
|
Re: حليمة عبد الرحمن (Re: حمزاوي)
|
عمو حمزاوي
ازيك؟ ويّاد؟
حليمة موش من إندينا بس ساكنة جنب المستعمرة بتاعتنا في الخرطوم (الكلاكلة)، ينفع؟
انتي موش هتبطلي اونسرية؟ الناس توقولوا الينا إيه؟
خيرلوقو
| |
|
|
|
|
|
|
|
|
|
Re: حليمة عبد الرحمن (Re: عزاز شامي)
|
الغالية العزيزة عزاز
تحياتي ..
اكبر مفاجاة انك افترعت بوست باسمي..ماذا اقول؟
الذي لا يعرفه الكثيرون ان زميلي حسن حسين حسن(سي حسن) طلب منى الكتابة في موقع عمارة (العامر).. وقبل ان ابدأ بداتاتصفح الموقع.. عزاز (كقلم) اول من لفت انتباهي بقوة.. وعلقت يومها لاحد صديقاتي بان هناك قلب شاب قوي ومناكف قادم بقوة..
لم اكن اعرفك حينها..
عرفت فيك الانسانة الطموحة الواعية، البسيطة ثم المثقفة والمتحضرة..وهذه الاخيرة اقولها بكل ثقة..
اذا كانت درجة الحضارة والوعي اختصرت لنا في ان (الحضارة هي تفاعل الجماعات مع بيئاتها الطبيعية بحيث يكون انتاجها او انتاجا لهذه البيئة)، هذا القول ينطبق عليك تماما..
الاخوة الاعزاء..
عزاز مثلما تتحدث مثلما تكتب.. وقديما قال المرحوم عبد الله الطيب: (اكتبوا كانكم تتونسون) بمعنى البساطة والتلقائية في التعبير، واستخدام عبارة( الخط المستقيم اقرب طريق يوصل بين نقطتين)..او ما خرج من القلب فان مكانه القلب..
الاخوة الاعزاء..
عبده عبدا لحميد جاد الله
عمر الفاروق
احمد الامين احمد
ALGARADABI
إسماعيل وراق
حمزاوي
اغرقتموني بمشاعركم فهل من مغيث؟
شكرا لمن كان يتابعني في سوداناو في زمن عزها التالد..
شرقنا وغربناوسفلنا وصعدنا في قبل الله الاربعة..
رئيس التحرير في البحرين
مدير التحرير في قناة الجزيرة
سكرتير التحرير في المانيا
اما المحررين وكبارهم:
بها الدين عثمان - ابو ظبي
حامد صالح - ميريلاند بامريكا
حمزة سر الختم - سودان فيشن
نيال بول يملك صحيفة سيتيزن
غادة عبد الحميد - سودان فيشن
محمد الفاتح احمد(السوق الحر)-اخبار قديمة)
راوية حسب الرسول-قطر
نجاة الاسد-باحدي المنظمات
نجلاء صادق بلندن
احمد العجب-لندن
اماني عبد الرحمن سعيد-لندن
د. داليا احمد عبد الرازق-لندن
حليمة صالح البي بي سي
انا بالسعودية
نعمات النعيم سودان فيشن
غوردون وارينوا-سودان فيشن
ربيعة الحاج-سودان فيشن
طارق احمد-لا اعرف
اماني بابكر-لا اعرف
اماني زين العابدين احمد الطيب-لا اعرف
زينب احمد-باحدى المنظمات
حياة احمد- لا اعرف
حليمة صالح وانا زميلات باداب الخرطوم واخوات وزميلات بسوداناو..قبل ان ينفض عقدنا..غادرت حليمة الى الغرب وقطعت بحر المالح..
في الفترة التي لم اكن اعمل فيها انقطعت عن مهنة الصحافة..بادر اخ كريم وهو خالد ابو احمد بالبحرين، وقد تزاملنا في احد اعداد صحيفة دارفور الجديدة، بتصميم موقعي ..فبدأت اعمل في الصحافة من منازلهم..كل يوم اكتب واقرا
برااااااااااااي.. شكري موصل لابي احمد (ابو صفية) لولا مبادرته لما عرفت تقنية الانترنيت والتصميم وتجديد المواقع..
لكم الشكر اجزله والعتبي لمن لم يرد اسمه
| |
|
|
|
|
|
|
|
|
|
Re: حليمة عبد الرحمن (Re: خالدة البدوي)
|
الصافية خالدة بدوي
سلامات كثيرة لمن تغلبك
المنبر منور بوجودك يا حبيبة
شكرا لمرورك و حقيقي اتمنى تسنح الفرص وتلتقي بحليمة وانا متأكدة انو حتقوم قصة حب!
| |
|
|
|
|
|
|
|
|
|
Re: حليمة عبد الرحمن (Re: عزاز شامي)
|
دومة ود حامد :
ياخ ما بيناتنا زعل ..
انتي ما شايفاني من الصباح بقول ليكم ركزوا مع ال NewLook بتاعي
يا حليل زمن الزعل ..
وفي الزعل ازعل منك ؟
معقولة بس !!! في ناس كده
| |
|
|
|
|
|
|
|
|
|
Re: حليمة عبد الرحمن (Re: عمر الفاروق)
|
Quote: انتي ما شايفاني من الصباح بقول ليكم ركزوا مع ال NewLook بتاعي
يا حليل زمن الزعل .. |
بري النيولوك لاالله ا لا الله محمد رسول الله الصلاه علي النبي العين الحاسده ما تشوفك وسلم لي علي الاميره تتبارك ما تتشارك .والنبي تجي البوست داك ناس حليمه وعزاز بقدرن عليك .
| |
|
|
|
|
|
|
|
|
|
Re: حليمة عبد الرحمن (Re: انعام عبد الحفيظ)
|
العزيزة انعام عبدالحفيظ، (هو انتي اخت عصام عبدالحفيظ؟ سؤال ماغصني من مدة وما لاقية طريقة اسأله! )
سلامات بطعم الشيز كيك بالتوت البري
شكرا لمرورك الجميل واللي دايما بيسعدني ...
كل الود
| |
|
|
|
|
|
|
|
|
|
Re: حليمة عبد الرحمن (Re: عزاز شامي)
|
الأخـــت الـحـبـوبــــة،
عزاز شامي
مـررت لتقـديـم التحـايـا والســلام،والتــآييـد الـمطـلق لـوجـــود
" أقـــــلامـــهــن " علي حـسـاب " أقــلامـهـم " التـي كثـرت فـي
الـمنبـر. الـف مـراحـــب بالأخـــت حـليــمة.
| |
|
|
|
|
|
|
|
|
|
Re: حليمة عبد الرحمن (Re: بكري الصايغ)
|
أخوي بكري الصايغ
سلامات سلامات بالعربي واللاوندي
(أقلامهم) يخمو ويصروا بعد ده! : ): ): )
فـ (أقلامهن) ممكن يفتحوا مكتبة عديل كده بحضور حليمة وده ما يمنع انو الموجودات جديرات بالاحتفاء والتقدير لما ينثرنه من جمال و رقي في التعبير ...
كل الود،
| |
|
|
|
|
|
|
|
|
|
Re: حليمة عبد الرحمن (Re: Adel Sameer Tawfiq)
|
البوست الخله عمر الفاروق اعمل نيو لوك
ده بوست ما ساهل
سعادة لاتوصف بالأقلام الجادة ونيرة
الود الصافي ليك ياغزاز
التقدير الندي ليك ياحليمة
وناتقي في البوستات الروائع
| |
|
|
|
|
|
|
|
|
|
Re: حليمة عبد الرحمن (Re: عزاز شامي)
|
الانسانة الرائعة عزاز
بنت العرب النوبية
لك التحية لهذه الاضافة الثرة
حليمة عبدالرحمن الاستاذة الصحفية والمقيمة بالمملكة العربية السعودية وعضو نشط فى جمعية الصحفييين السودانيين بالرياض والمحررة بعدد من المواقع الالكترونية اضافة حقيقة للمنبر وان تاخرت بعض الشى.
مرحبا بها وشكرا لك عزاز
سنهورى
| |
|
|
|
|
|
|
| |
عمر الفاروق
احمد الامين احمد
doma
ALGARADABI
إسماعيل وراق
حليمة محمد عبد الرحمن
خالدة البدوي
mohamed elshiekh
انعام عبد الحفيظ
Adel Sameer Tawfiq
محمد سنى دفع الله
محمد احمد سنهورى
Muna Khugali
رأفت ميلاد
saadeldin abdelrahman
الملك
عبدالمنعم الرزوقي
علاء الدين حيموره
فيس بوك
تويتر
انستقرام
يوتيوب
بنتيريست