دعواتكم لزميلنا المفكر د.الباقر العفيف بالشفاء العاجل
|
|
 مطار الخرطوم وما أدراك ما مطار الخرطوم
|
عندما تطلق كلمة دولي على مطار ما يعني أنه حاز على كل المواصفات التي تؤهله لهذه الكلمة فكلمة
دولي ليست بالكلمة السهلة فهل ياترى تنطبق صفة دولي على مطار الخرطوم ؟ و ما هي المميزات التي
جعلت المسئولين عنه يطلقون عليه لقب دولي ؟؟؟ أسئلة مشروعة الهدف منها النقد البناء النابع من
حب الوطن والغيرة عليه , لقد شاهدت أكثر من 17 مطارا دوليا للأسف لم أجد أقل واحدا من هذه
المطارات الدولية وغير الدولية بمستوى مطار الخرطوم الذي لا أقول تنقصه الكثير من الخدمات
ليحمل صفة دولي بل أقول لا توجد به خدمات تؤهله لهذه التسمية ولنبدأ بالجوازات : الموظفون
أيضا عابسون مثل موظفي جهاز شئون المغتربين سواء كانوا في أي الشهر أو آخره , يشعرونك
وكأنك ضيف ثقيل على البلد , يعاملونك بجلافة أما الأجانب فحدث ولا حرج فقد يندم القادم منه
على الخطأ الذي ارتكبه طول حياته عندما فكر في الزيارة أو الاستثمار في السودان , أحد الأخوة
العرب شاهدته يتحدث مع أحدالموظفين غير المهندمين بكل أدب طالبا منه أن يضع الختم على هذه الصفحة
لأن جوازه ملئ بالأختام ولم يتبق سوى صفحة واحدة ربما أرادادخارها لمطارات أخرى لكن الموظف المستاء
جدا نهره قائلا الفيزا بتاعتك وين ؟ فأجابه العربي الزائر بوجل وحياء هون فقال له وقد رفع
صوته ليسمع الآخرين أن لا كبير على القانون طيب أنا مالي ومال الصفحة ديك انا لي مكان فيزتك
موجودة فرد عليه الزائر بهدوء شديد أمرك ياسيدي . تصوروا ياجماعة الخير دي الواجهة بتاعتنا
وأنتم بلا شك سافرتم كثيرا ومر عليكم موظفو جوازات في كل أنحاء الدنيا فهل ياترى مر عليكم
مثل موظفو جوازات الخرطوم ؟ موظفو الجوزات في المطارات الدولية مبتسمون وخفيفو الظل يشعرونك
وكأنك في بلدك , ينجزون المهمة بسهولة ويسر , يستقبلونك بابتسامة ويودعونك بألأمنيات الطيبة
بإقامة طيبة في بلدهم فما هو وجه المقارنة والشبه بينهم وبين موظفينا ؟ أريد إجابة صادقة !
نترك الموظفين الذين لم يتم تدريبهم على أبسط قواعد وفن التعامل مع الآخرين وشأنهم ونتمنى
أن يتم تدريبهم وتعاد صياغتهم in And out ليعكسوا الوجه المشرق لسوداننا الحبيب . الموضوع
الثاني والمهم العفش : تخيلوا أن السير يدور ويدور ويأتي العفش بعد أن يكل المسافرون ويملون
وهم أصلا متعبون وزيتهم طالع من طول السفر ثم تأتي شنطة وبعد ساعة كرتونة وساعة أخرى شنطة ثم
كرتونة علما أن المسافر شحن كل عفشه مرة واحدة وليس بالقطاعي كما يقولون لكن مازال حائرا في
مسألة القطاعي هذه ناهيك عن أسلوب التعامل مع العفش و كأنهم طالبين العفش غبينة نص الشنط
تتمزق والنصف الآخر حالته حالة طبعا ما تنسى العمال الذين لا يقبلون العودة من الغنيمة بالإياب
لا بد أن يحرجوا المسافر ويركضوا وراءه حتى ولو لم يكن لديه عفش وإذا كان أحدهم محظوظا أو طلع
عين المسافر فسمح له بحمل العفش تجمهر حوله بقية العمال لأخذ نصيبهم وإن لم يفعلوا شيئا بالله
عليكم هل صادفتم عمالا في مطارات دولية وغير دولية يصرون على حمل عفشك غصبا عنك ؟؟؟ يحدث هذا
في مطار الخرطوم الدولي ومع ذلك عندما يفرج الله كل كربك وتخرج من بوابة الخروج وتجد الأهل في
انتظارك تتنفس الصعداء وتحمد الله على النفس الطالع ونازل وتقول لنفسك الداخل في مطار الخرطوم
مفقود والخارج مولود .
|
|
 
|
|
|
|
|
|
|
 Re: مطار الخرطوم وما أدراك ما مطار الخرطوم (Re: عواطف ادريس اسماعيل)
|
يا عواطف
بالنسبة لخدمات مطار الخرطوم لهو صفر على الشمال
ولا يرقى بالتأكيد ليكون دولي ولكن هذا هو وطننا وماعندنا غيرو
نعمل ليك شنو نحن.
بعدين انت قلتي الأتي:
Quote: صوته ليسمع الآخرين أن لا كبير على القانون طيب أنا مالي ومال الصفحة ديك انا لي مكان فيزتك
موجودة فرد عليه الزائر بهدوء شديد أمرك ياسيدي . تصوروا ياجماعة الخير دي الواجهة بتاعتنا
|
ماقاله موظف الجوازات السوداني في المطار هو عين الصواب لأنه يستوجب على موظف الجوازات وضع ختم المغادرة في نفس الصفحة التي عليها التأشيرة بتاعت دخول الدولة المعينة.
أبوفتحية
| |
|
|
|
|
|
|
|
|
|
Re: مطار الخرطوم وما أدراك ما مطار الخرطوم (Re: الصادق صديق سلمان)
|
أخي الصادق
تحية قلبية صادقة
مع احترامي وتقديري لمداخلتك لكنني لم أتحدث عن الوطن فلا شيء عندي يعلو عليه ولكن لوطننا علينا
حق وأقل هذه الحقوق أن نعكس الوجه المشرق إضافة إلى ذلك لست ضد تطبيق القانون ولكن هناك أسلوب
جميل يمكن أن يصاحب تطبيق القانون مش يكون الموظف سيف مسلط على الرقاب من أجل تطبيق االقانون
وأين هذا القانون عندما يأتي موظف حامل معاه عشرة جوزات يريد تمريرها بالواسطة وبقية خلق الله
واقفين منتظرين ؟ عموما شكرا أبو فتحية على المداخلة الطيبة.
| |
|
|
|
|
|
|
|
|
|
Re: مطار الخرطوم وما أدراك ما مطار الخرطوم (Re: عواطف ادريس اسماعيل)
|
الأخت عواطف
فى كثير من الأحيان ينتابنى شعور اظنه صادق بأن كثيرا من العاملين بمطار الخرطوم ينتابهم حقد على القادمين عبر المطار بأن ظروفهم قد سمحت لهم بأن يغتربوا وان يسافروا لخارج السودان للعلاج او الدراسة او السياحة وبالتالى لا بد ان يذلوا ذلك الواقف امامهم ولا بد يخرجوا فيهم كل عقدهم ونواقصهم .
انا لا ادرى ما الأسس التى يختارون بها العاملون فى مطار الخرطوم من المدير وحتى الغفير؟
نصيحة اخوية لكل المسافرين عبر مطار الخرطوم :
بعد صلاة ركعتين تطوعالابد من ترداد دعاء السفر وقرآءة خاتمتى سورتى البقرة وآل عمران وكذلك المعوذتين زى الف مرة كدة وياحبذا لو تم ختم القرآن قبل الوصول للمطار بدقائق.
انا اعتقد ان تلك الآيات نزلت مخصوص للمسافرين او الواصلين عبر مطار الخرطوم المسمى زورا وبهتانا (دولى) .
| |
|
|
|
|
|
|
|
|
|
Re: مطار الخرطوم وما أدراك ما مطار الخرطوم (Re: عواطف ادريس اسماعيل)
|
في زمن بعيد كان من هم عند مداخل البلاد بشوشيين مرحبيين و"حبابك عشرة" كان لها وجود دائم يذهب وعثاء السفر .. كان ذاك عندما كان كل البشر السوداني هاشا باشا .؟..كان ذلك قبل ان يعرف السودان المشانق والرمي بالمدافع والرصاص للاحرار باسم التمكيين .. كان قبل بيوت الاشباح وتفويج الاطفال لقتال بعض من اهلهم باسم الدين والوطن ووعد بحور جنان..كان قبل ان يفقد السودان مليوني من البشر في احتراب ما كان الا ثمنا لسطوة حاكية ظالمة ؟؟؟ كان قبل ان تحرق دارفور ويشردملايين البشر .. في زمان بعيد كان المسافر الي خارج الوطن لدراسة وعمل يحتم سفره لا يكاد ان تنته فترة غيابه والا يعود طائرا في اول سفرية الي البلد الذي لم تغنيه عنه وعن اهله كل ما يراه من تطور وحضارة اينما كان ....كان من هو عند المداخل يقابل العائد وكانه من رحمه ودمه ..كان ذلك عندما كان ثراء من بالداخل لا تماثله دولارات ويوروهات وكل عملات العالم ...كان ثراء فطريا تراثيا فيه الخير للجميع ..والان وبعد ان تمكنت الجهوية وعشق السلطة واخذت بتلابيب بعض قليل من اهل السودان فانكر كل اهله وجعل عالمه هي جماعته وبطانته وتخلخل بعض النسيج الاجتماعي الذي كان يجعل القادم من سفر اين كان بيته في السودان هو من اهل من بالمداخل. وافتقر الجمع واغتنت الصفوة الحاكمة وبطانتها فتولدت مرارات كثيرة في نفوس الجميع وكان من بالمداخل هم اول من جعلوهم اكثر مرارة بما يرونه في القادم او المسافر من خير مهما كان قليلا وهم في فقر مدقع وموجع يولد كره احيانا لكل ما هو سوداني ..........
سياسة التمكيين وعشق للسلطة لا حد له يجر البلاد والعباد الي جحيم من مرارات واحقاد وانفلاتات والامل في الخير الذي ما زال كثيرا في وجدان وقلوب الجمع الغالب والمشغول الان بنيران حروب عدة يشغلها به اهل السلطة ..
الامل في الله وفي الشعب الغالب باذن الله
| |
|
|
|
|
|
|
|
|
|
Re: مطار الخرطوم وما أدراك ما مطار الخرطوم (Re: abubakr)
|
يا جماعة بشويش عليهم....ربما هم يفتكروا....ان ذلك جزءا من واجبهم....
علينا ان نبلغهم امتعاضنا بكل ادب....وادب ينطح ادب....
الله يرحمك يا صديقي ...في عليائك....رحمة واسعة....
فكم كنت تحدثنا عن خلقنا وطيبنا....ووجاهتنا زمان...
حتي ظننت انك تتحدث عن ادب ولطف حور عين.....
وكنت تقارن ذلك بأدب الاسيويين....ولماذا باندونق...؟؟
خفوا عليهم قليلهم وأبلغوهم اننا نعامل بتقدير واحترام ...
في أغلب مطارات أسيا وافريقيا...في جنوبهم
| |
|
|
|
|
|
|
|
|
|
Re: مطار الخرطوم وما أدراك ما مطار الخرطوم (Re: عواطف ادريس اسماعيل)
|
يا عواطف مالك قمتى على الناس ديل كدي؟
صرتك مدفونة ما بين المطار وجهاز المغتربين ولا شنو؟
انشاء الله المرة الجاية يدخلوك بصالة كبار الزوار عشان تندمي على انك فقدتي صالة العوام..
ما تنسي تعرجي على الطائرات والتذكارات المكتوبة فيها والكراسي المحتاجة الى سنادات عشان ما ترجع بيك براها لورا..
المهم مرة انا راجعة السودان..كان عدد الناس اكتر من مقاعد الطيارة.. وركبوا اسرة فيها واحد ما لقوا ليهو مقعد.. جابوهو ردفوهو مع ولدي وربطوهم بحزام واحد.. والله جد..اها شفتي الاشراقات دي..؟؟
(النفوس كان اتطايبت العنقريب بشيل مية)وبس من اليوم داك وانا اكرر في نفس العبارة، خاصة حينما اتذكر اندلاق العصير فوق هدوم ولدى..
| |
|
|
|
|
|
|
|
|
|
Re: مطار الخرطوم وما أدراك ما مطار الخرطوم (Re: عواطف ادريس اسماعيل)
|
الأخت عواطف وكل المتداخلين لكم التحايا
انا اتفق معكم ان المطار هو بوابة الدخول
للبلد ويجب ان يكون علي اعلى مستوى في
الضيافه والترحيب بالقادمين مواطنين كانوا
او زائرين ولكن نجد العكس تماما...
وللأسف فإن تعريف المطار الدولي لا يحوي
اي اشاره للمباني ولكن المطار الدولي
هو المطار الذي به سلطات جوازات وهجره
وحجر صحي فقط حتى لو كانت هذه السلطات
تباشر عملها من رواكيب فهو مطار دولي لان
بامكانه استقبال رحلات من الخارج ومغادرة
رحلات الى الخارج .. وان اطالب بان تضاف
فقره في التعريف عن المعامله وبدونها تسحب
صفة الدوليه من المطار...
بجايكم صادي بي بعض الذكريات كان الله مد في العمر
ولكم مودتي
عزالدين
| |
|
|
|
|
|
|
|
|
|
Re: مطار الخرطوم وما أدراك ما مطار الخرطوم (Re: ombadda)
|
إلى أمبدة مع التحية
لسنا معنيين بمطارات الدول الأخرى وعلينا أن ننظر للأحسن وليس للأسوأ لأننا لو نظرنا إلى من هم أقل
حضارة وفهما سوف نظل في مكاننا ومن قال لك أن الشخص كان خليجيا؟ ومن طلب كسر القانون أو تعديله
لكونه خليجيا ؟ لقد قلت القانون يسري على الجميع ولكن بذوق وأدب تعال شوف معاملة الخليجيين لنا
في مطاراتهم والله منتهى الذوق واللطف والإحترام بالذات نحن السودانيين لنا معاملة مختلفة رغم
تعاملهم المهذب مع بقية الجنسيات الأخرى واللي عنده وجهة نظر غير كدا ممكن يقولها فالمنبر حر
ونرحب بكل الآراء البناءة لمصلحة الوطن الحبيب .
| |
|
|
|
|
|
|
|
|
|
Re: مطار الخرطوم وما أدراك ما مطار الخرطوم (Re: عواطف ادريس اسماعيل)
|
Quote: أخي الصادق
تحية قلبية صادقة
مع احترامي وتقديري لمداخلتك لكنني لم أتحدث عن الوطن فلا شيء عندي يعلو عليه ولكن لوطننا علينا
حق وأقل هذه الحقوق أن نعكس الوجه المشرق إضافة إلى ذلك لست ضد تطبيق القانون ولكن هناك أسلوب
جميل يمكن أن يصاحب تطبيق القانون مش يكون الموظف سيف مسلط على الرقاب من أجل تطبيق االقانون
وأين هذا القانون عندما يأتي موظف حامل معاه عشرة جوزات يريد تمريرها بالواسطة وبقية خلق الله
واقفين منتظرين ؟ عموما شكرا أبو فتحية على المداخلة الطيبة. |
أختي عواطف
سلامي لك
يا اختي الموضوع المحيرني ومجنني إنو السودان بلدنا دا ومنذ 1956 لم يجد له رئيس سوداني واحد أصيل يعمل تنمية شاملة في البلد وحكومة صادقة تضع البنية التحتية لهذا البلد التي من ضمنها يأتي المطار الدولي للبلد؟؟؟؟؟؟؟؟؟؟؟؟؟ انا اعتقد انو نحن مشكلتنا ليست هي موظف المطار الذي يقابل العرب الأجانب بالشكل أو الطريقة التي قلتيها لأنو هو زاتو عندو مشاكلو الكتيرة جداً والماعندها حل قريب (زي ماهو شايف طبعاً). العرب عموماً بعاملوا الناس معاملة ما بطالة في المطارات وتحديداً السودانيين لكن نحن كسودانيين عندنا مشاكل قوية جداً وكل حكومة تجي تحكمنا قسراً وغصباً عننا وفي نفس الوقت ما تعمل لينا حاجة نستفيد منها كشعب سوداني ولكن تجعل كل ثمارها لمن يقفوا معها فقط.
لازم انت يا عواطف وانا وكل السودانيين ننظر لمشاكلنا نظرة فاحصة ونشوف المشكلة وين. (المشكلة فيمن حكمونا سابقاً وفي من يحكمونا حالياً وفيمن سيحكموننا في المستقبل) لأنو حالياً الصراع تحول للحيازة على السلطة فقط بين كل الأحزاب ولايوجد حزب واحد له نظرة ومشروع لتنمية وتطوير هذا الوطن.
أبوفتحية
| |
|
|
|
|
|
|
|
|
|
Re: مطار الخرطوم وما أدراك ما مطار الخرطوم (Re: الصادق صديق سلمان)
|
الأخ الصادق الصديق
صدقت فيما ذهبت إليه فمشاكلنا قدر شعر راسنا وعايزين عصا سحرية عشان نحلها عشان كدا لابد من رش
الملح على الجراح فأنا وأنت وغيرنا سنكتب ونكتب وذلك أضعف الإيمان عموما أنا شخصيا عاهدت نفسي
أن لا أسكت على أي خطأ حنى ولو يكلفني ذلك حياتي فالساكت عن الحق شيطان أخرص .
| |
|
|
|
|
|
|
|
|
|
Re: مطار الخرطوم وما أدراك ما مطار الخرطوم (Re: عواطف ادريس اسماعيل)
|
الاخت عواطف .. سلاماااات
مطار الخرطوم .. وما ادراك ما مطار الخرطوم
يطلقون عليه بعض الاصحاب ( البعبع) لانه فعلا
مخيف ..
وهنا بعض النصح للاخوة والاخوات المتوجهون الى مطار الخرطوم
وانت داخل صالة الوصول بتسمع اصوات عالية
ومزعجة .. مفروض الناس ما تنزعج لان دى
اشارة لوصول (الشنط) والاصوات دى اصوات
الجديع والرمى .. مافى مشكلة لو حا جاتك اتكسرت
او اصابه اى ضرر .. اياك والاحتجاج .. لان مجرد
عدم القبول بهذا الامر الواقع ربما يفتح ليك طاقه على
جهنم مباشرتا .. عليك وضع علامه على كل الاشياء
التى تعنيك .. وذلك لان الشنط زاته شكلها بتغير تماما
وممكن جدا حاجاتك تمر قدامك مئة مرة وما تعرفه..
وتخيروا الجيد من الاقفال ( الطبل)واياكم ثم اياكم من
استخدام الكراتين..
اذا معاك اطفال لحدى سن 12 سنة بنصح بأستخدام
( البامبرس) لان اذا طلب احد الاطفال استخدام التوليت
دى مصيبه رهيبة .. واذا كنت مضطر فلا بد من استخدام
الكمامات المعطرة .. حتى لا تحبس انفاسك ..
واذا فتح الله عليك وطلعت من هنا بسلام .. لا تلتفت الى
اليسار بل سرع خطاك قاصدا الباب الاخير .. لان يسارك
يوجد السوق الحر ... قال حر قال .. وفى رواية اخرى
السوق الحار .....
لا حولة ولا قوة .. اللهم اصلح الحال .. ورد الروح لذلك الصرح ... امين يا رب العالمين
| |
|
|
|
|
|
|
|
|
|
Re: مطار الخرطوم وما أدراك ما مطار الخرطوم (Re: عواطف ادريس اسماعيل)
|
ده كلو كوم و مسالة انك تمشي تستقبل ليك زول بي قروش كوم تاني .
تخيلو غير القروش البتدفعا بره و انت خاشي في البوابة الرئيسية ، عشان ما تخش صالة القدوم و تعاين لي زولك الجاي من البلكونة ديك لازم تدفع رسوم !!
مرة من المرات جيت خاشي لما وصلتا موظف الجوازات لقيت ليك كديس اسود قدر الكتلة راقد جمبو بي مزاج يحملق في الناس الداخلين ، كنتا عايز اصور الكديس و الله لكن خفتا موظف الجوزات يصادر مني الكميرا فقطعتها في جلدي و مشيت .
يعني لو كلب كان ماشي قلنا دا يمكن كلب بوليسي لزوم التهريب و المخدرات ،
لكن كديس !؟ عمركم في زول سمع بي كديس بوليسي .
بعدين الكديس زاتو ما النوع المربي في البيوت و لا السيامي المدلل داك عشان ما نقول دا يمكن حق الموظف و جايبو معاه من البيت حنكشة منو يعني .
الكديس كان من النوع الوسخان و قليل الادب المتشرد داك .
| |
|
|
|
|
|
|
|
|
|
Re: مطار الخرطوم وما أدراك ما مطار الخرطوم (Re: حمد فتح الرحمن)
|
الأخ فتح الرحمن
تحياتي
قول لي شنو الما بقروش في مطار الخرطوم ابتداء من رسوم المغادرة وانتهاء بمشاكل المغادرة التي
لا تحصى ولا تعد ؟ أنا لغاية هسة ما قادرة أعرف سبب رسوم المغادرة وأنا اصلا دافعة قروش تأشيرة
الخروج فما هو الفرق بين كلمة مغادرة وخروج يا جماعة الخير بالله أفتونا وأفيدونا ؟ وبعدين
كونك تشوف أهلك من البلكونة بقروش دي معاههم حق لأنك بتكون مشتاق ومستعد تدفع الغالي والنفيس
عشان تشوفهم شفت الابتزاز دا كيف ؟ أما حكاية الكديس البوليسي دي فمن ضمن قائمة خالف تذكر
يعني المطارات الدولية فيها كلاب بوليسية خوفا من التفجيرات أما نحن فلا نخاف الا من وجهه الكريم
عشان كدا بنجيب كدايس بدلا من الكلاب بعدين الكلاب البوليسية بتكلف طبعا ياخي خليك فهامة شوية ديل
عمرهم ما عملوا حاجة ساكت كل شيء عندهم ليه دراسة جدوى لمعرفة المحصلة النهائية حتى الكلاب عاملين
ليها دراسة ولا مش كدا ؟
| |
|
|
|
|
|
|
|
|
|
Re: مطار الخرطوم وما أدراك ما مطار الخرطوم (Re: ابوبكر يوسف إبراهيم)
|
أخي أبوبكر كل عام وأنت مكلل بتاج الصحة والعافية
صحيح نحن شعب متواضع وغير طموح ونرضى بالقليل ونعيش على بعض الأمثلة التي لا تغني ولا تسمن من
جوع من شاكلة النسى قديمو تاه والعرجة لمراحه إلى غير ذلك من المصطلحات التي أعادتنا مئات
السنين إلى الوراء أما حكاية التشليح دي إلا تسأل منها الدكتور شلح بتاع حماس يمكن يلقى
ليها فتوى في فقه الضرورة وللضرورة أحكام كما أن الغاية تبرر الوسيلة وطبعا إنت عارف
الغاية شنو عشان كدا ما من حقك تحتج على الوسيلة فكل ما هو مطلوب منك أن تعبي شنطك فلوس
بدلا من الهدوم والهدايا وتتسلح يالصبر الذي لا ينفد وطول الروح التي تزيد عن السلبة وتقوي
إيمانك بالله وتعزز قدراتك على التحمل والمراوغة ولو أنها لن تنفعك أمام هؤلاء العتاة المدججين
بكل وسائل التشليح والاستفزاز وتنمي مهارات دفع الاكراميات بسبب وبدون سبب لكي تتجاوز كل العقبات
والمطبات الجوية والأرضية فإذا نجحت في ذلك فستكون إنسانا جميلا وسترى الوجود جميلا بإذن الله .
| |
|
|
|
|
|
|
|
|
|
Re: مطار الخرطوم وما أدراك ما مطار الخرطوم (Re: عواطف ادريس اسماعيل)
|
Quote: عندما تطلق كلمة دولي على مطار ما يعني أنه حاز على كل المواصفات التي تؤهله لهذه الكلمة فكلمة
دولي ليست بالكلمة السهلة فهل ياترى تنطبق صفة دولي على مطار الخرطوم ؟ |
الحبيبة عواطف يا خيتي احكيلك قصة
حصلت معي عند قدومي من السودان في العطلة الصيفية المضت
ونحن في مطار الخرطوم الدوووووووووووووووووووووووولي
قادمين للرياض قابلت د/ هند عثمتن الحسن بنت البرفسور عثمان الحسن
وجينا مع بعض وعند تقديم الجوازات لضابط الجوازات رجع الجواز ل د/ هند
وقال ليها روحي ارجعي اكتبي البيانات بالعربي تصوووووووووووووووري
هي كانت ملأت البيانات باللغة الانجليزية حسب ماهي متعودة ذي ما قالت
دي قصة صغيرة لتفسير دولي على مطار الخرطوم ( والله المستعان ) متى
نرتقي للدولية في كل شيء الله اعلم ........
مودتي ،،،،
| |
|
|
|
|
|
|
|
|
|
Re: مطار الخرطوم وما أدراك ما مطار الخرطوم (Re: هشام حامد العبيد)
|
أخي العزيز هاشم
هناك شجون كثيرة في مطار الخرطوم الذي يحمل لقب دولي مجازا تصور أن أحد أبنائي بعد أن أكمل
المرحلة الثانوية قرر السفر إلى لندن للدراسة فكنت معه في مطار الخرطوم نذهب ونعود يوميا
من الساعة الرابعة حتى الساعة التاسعة صباحا لنبلغ ومعنا عشرات الطلاب العائدين للدراسة في
بريطانيا أن الطائرة السودانية تأجلت عشان لقت ركاب من يوغندا أو بروناي وديل بدفعوا بالدولار
المهم غيرنا للمصرية عشان الفيزا قربت تخلص ولما دخل إبني صالة المغادرة ظللت أراقبه من بعيد
لأنها المرة الثانية التي يزور فيها السودان الأولى وعمره 6 أشهر والثانية 17 سنة فوجدته يتحول
من مكان إلى آخر وصوت أحد الموظفين من الشرطة يعلو ويعلو ولم أدر ما السبب عموما بعد فترة من
الزمن لوح لي بيده وهو في غاية الاستياء والاندهاش وغادر إلى الطائرة وعندما وصل اتصل بي ليطمئنني
بسلامة الوصول فسألته عن سبب وقوفه لفترة طويلة مع الضباط داخل صالة المغادرة فقال لي أن أحدهم
كان في غاية الغضب وقال له بالحرف الواحد أهلك ديل ناس ما مسئولين كيفن يفكوك وعمرك 17 سنة
عشان تمشي بريطانيا إنت دون السن القانونية أنا لازم أرجعك ليهم وما حأخليك تسافر إلخ من التهديد
والوعيد إلى أن تدخل أحدهم قائلا ياخي سيبك منو إذا هم ما سائلين إنت عايز تكون أحن عليهم منو
خليه يمشي ياخي !!!! تصور إلى أي مدى يتدخل موظفو المطار في شئونك الخاصة ويحاكمونك غيابيا ؟
| |
|
|
|
|
|
|
|
|
|
Re: مطار الخرطوم وما أدراك ما مطار الخرطوم (Re: عواطف ادريس اسماعيل)
|
Quote: يعني لو كلب كان ماشي قلنا دا يمكن كلب بوليسي لزوم التهريب و المخدرات ،
لكن كديس !؟ عمركم في زول سمع بي كديس بوليسي . |
يا فتح الرحمن
البلد كلها (كدايس) وبالذات كدايس الانقاذ السمينة
التي سرقت كل أكل السودانيين وحليب أطفالهم !!
تجدهم في كل مكان يشمشمون حتى في صناديق القمامة!!!!
هذه البلد يجب أن تعلق كلها في مشلعيب "دوا كديس دوا كلب"!!!
"ناو" "ناو" (نــــــــــــــــاو) (نـــــــــــــــــــــــــاو)
وانت يا عواطف تستاهلي !!!! انت البوديك للحرامية شنو!!!!!
في زول بمشي بكرعينو لبيت الأربعين حرامي يا علية بابا!!!!!!!!
| |
|
|
|
|
|
|
|
|
 Re: مطار الخرطوم وما أدراك ما مطار الخرطوم (Re: فاروق حامد محمد)
|
اخي روءة
تحياتي
كدي روق المنقة شوية وبعدين معاك إنت كله ساعة تقول لي البوديك شنو بكرعينك للحرامية ؟ ياخي
البوديني شوية ؟ الأم العزيزة ...الأهل.... والأحباب يعني عايزني أخلي ليهم السودان باللي فيه
لا يا أخوي ولو على جثتي بلادي وإن جارت علي عزيزة ومستحيل أقعد أتفرج على البحصل دا من بعيد
يعني أنا مش زي الناس التانينين المتنكرين اللي بجوا يقولوا ليك السودان ؟؟؟؟ بري يا يمة
ما بتقعد تراب وكتاحة وحر وموية كعبة وناس مزعجين وحرامية طيب نحنا جينا من وين ؟ من نفس
السودان أبو تراب وكتاحة يعني إشمعنى دلوقت بقينا ما قادرين على الحر عشان شوية ال a.c ؟؟؟
العرجة مصيرها لمراحها وبدل ما نتهرب لازم نواجه الغلط ونصلحو حتى ولو بأضعف الإيمان ولا شنو رأيك
يا أبو ناصر ؟
| |
|
|
|
|
|
|
|
|
|
Re: مطار الخرطوم وما أدراك ما مطار الخرطوم (Re: عواطف ادريس اسماعيل)
|
صباح الخير أيها الأخوة والأخوات طبعا ليديز فيرست دي كانت زمان بالله عليكم الله ماتنسوا قضية مطار
الخرطوم ولا أصحاب التكاسي اللي بنتظروك برة قبل أهلك ويتمنوا إنهم ما يجوك تصور إنهم يرسلون
سمسارتهم الذين يقتحمون وحدتك إذا كنت منتظر شخص ويتطفلون على مشاعرك المزدوجة ( الفرحة بملاقاة
الأهل والزعل من مطار الخرطوم ) ليسألونك إذا ما جاك زول ما مشكلة في تاكسي جاهز يوديك محل ما
عايز وكأنه حيوديك ببلاش !!! طبعا إنت بالنسبة ليهم غنيمة كبيرة سوف يشرب الجميع نخبهافإذا استعجلت
وركبت عينك ما تشوف إلا النور يجب أن تدفع للحمال ومساعد الحمال وصاحب مساعد الحمال الذي يهرول
مسرعا ليضع يده على الشنطة مجرد لمسة منو بالشي الفلاني ثم يأتي دور السمسار والشحاد الواقف منتظر
وقد سال لعابه عندما دفعت لكل هؤلاء بالدولار أو الدرهم لعدم وجود فكة وفي الآخر يأتي دور صاحب
التاكسي الذي يردد بينه وبين نفسه الشاطر من يضحك في الآخر لكم جميعا تحياتي وكل عام وأنتم بألف
خير ويا أستاذ أحمد طه ( الجنرال) وينك تأبر ألبي طبعا لك صولات وجولات في مطار الخرطوم المادولي ؟؟
| |
|
|
|
|
|
|
|
|
|
Re: مطار الخرطوم وما أدراك ما مطار الخرطوم (Re: Moawia Mohammed)
|
dear awatif
i hope you had a good time during eid
happy new year 2007to you and all your family
كل عام وأنت وأسرتك الكريمة بألف خير
ونسأل الله أن تعود للسودان عافيته بعيدا عن قاتليه وناهبيه
ومغتصبي نسائه ومذلي شرفائه ومشردي الغر الميامين من أبنائه
وأن يشمل القصاص العادل كل من قتل ونهب وسرق واغتصب وشرد وعذب
وأن يأخذ السودان مكانه الجدير به بين أمم الأرض معززا مكرما محترما
محبوبا وأن ينعم اهله بالوحدة والحرية والديمقراطية والعزة والكرامة
والتنمية المستدامة والرفاه وأن يعم الحب والأمن والطمأنينة والعدل
والمساواة كل أبنائه في كل ربوعه ونجوعه.
وكل عام والسودان وأنتم جميعكم بألف ألف خير.....
dr mustafa
PS post nazzar2007 is full with nice little presents
| |
|
|
|
|
|
|
| |
عواطف ادريس اسماعيل
الصادق صديق سلمان
قلقو
abubakr
nazar hussien
حليمة محمد عبد الرحمن
عزالدين محمد عثمان
Adil Osman
ombadda
عوض حمزة
حمد فتح الرحمن
خالدة البدوي
هشام حامد العبيد
فاروق حامد محمد
adel alsaed
Moawia Mohammed
Mustafa Mahmoud
فيس بوك
تويتر
انستقرام
يوتيوب
بنتيريست