|
دعواتكم لزميلنا المفكر د.الباقر العفيف بالشفاء العاجل
|
|
 Re: عروس موديل 2007 فل أوبشن ! مالك يا بكري يآخي الجمهور عايز كدة!! (Re: ود الباوقة)
|
أخي العزيز ودالباوقة
صباحك فل
والله ما خيبت ظني فيك ود. مصطفى أبن حلال لكن مشكلته إنه زول حساس جدا عشان كدا ما بحب يغلط على زول ولا زول يغلط فيه وآتمنى أن قبل إعتذارك وله العتبى حتى يرضى وبما إنك من الباوقة أم زهور بنصحك ترسل ليه بالدي اتش ال بوكيه ورد إنت عارف الناس البحبو الشعر ديل بقدرو الورد شديد يعني
لو وديت ليه ساعة رولكس وبوكيه ورد حيشيل البوكيه ويخلي الساعة .. تحياتي
| |
 
|
|
|
|
|
|
|
 Re: عروس موديل 2007 فل أوبشن ! مالك يا بكري يآخي الجمهور عايز كدة!! (Re: الصادق صديق سلمان)
|
| Quote: عليك الله يا عبد الكريم تحجز لي الكرسي الجنبك |
جدا يا ود الباوقة
والزولة دي بصراحة حكاية عديل كده وعندها حضوري سردي يتور نفس الزول من بداية الموضوع لحدي
محل ما تقيف..وبعدين عندها استلهامات بتختها بين الاقواس بتربط بيها السرد بطريقة مدهشة
بجانب حضور مسرحي ملان زمان ومكان وشخوص...
فعشان كده يازول كرسيك ده لوما جيت ليهو سريع انا ح ابيعوا لاقرب واحد من بورداب الدوحة
واحتمال كبير (عماد عبدالله).. 
| |
|
|
|
|
|
|
|
|
|
Re: عروس موديل 2007 فل أوبشن ! مالك يا بكري يآخي الجمهور عايز كدة!! (Re: عبدالكريم الامين احمد)
|
الأستاذه/ عواطف
تحية طيبه
هذا بوست جادى للغايه ومفيد للغايه وان بدأ على شكل غير جاد وطريف.
وما قلتيه هو الحق بعينه الموضوع الذى يهم السودان وأهله بكل الصدق لا يجد اهتتمام
الا اذا كان العنوان لا علاقة له بتلك القضيه!!
عموما كل حاجه فى هذا البوست ده تمام الا حاجه واحده (بس) !!
انك طلعتى مريخابيه:-
| Quote: * ذوقي ياتو إنت هسه ما شايفني لابسة إسكيرت أحمر وبلوزة صفرة ... |
باقى العباره ما همانا حتى لو دق الباب وجانا وجريتى ليى حفيانه.
| |
|
|
|
|
|
|
|
|
|
Re: عروس موديل 2007 فل أوبشن ! مالك يا بكري يآخي الجمهور عايز كدة!! (Re: عواطف ادريس اسماعيل)
|
أختي عواطف...
ده والله كلام تقيل.. وإن كان ممكن يتفهم بألف طريقة وطريقة.. يعني زي شعر المتنبيء القال فيهو (أنام ملء جفوني عن شواردها*** ويسهر الخلق جراها ويختصم).. هناك أكثر من إشارة إجتماعية.. وأكثر من فكرة ومفهوم جديد(NEW CONCEPT) .. والحشاش يملأ مخيلته.. وبنظرة كلية فإن مضمون البوست ربما يدور حول البون الشاسع بين التطور الإجتماعي الحتمي في المجتمع وبعض الأفكار الديناصورية التي لم تتحرك قيد أنملة...
ولا أنا أوف بوينت يا أختي الظريفة
| |
|
|
|
|
|
|
|
|
|
Re: عروس موديل 2007 فل أوبشن ! مالك يا بكري يآخي الجمهور عايز كدة!! (Re: Kamal Karrar)
|
العزيزة عواطف ادريس اسماعيل
تحياتى تانى اليوم
حديثك حلو وما فيه خور ولا بودى الخور
الله يكفيك شـر ناس الخور
يعنى كان دخل ليك ناذر
أقرى السبع آيات المنجيات
وللضمان سـجلى ليه .. دى بتخوفو
لكن فى ناس تانى بكرى كان شاف إسمهم فى آخر مشاركة
برمى البوستت فى الخور من دون ما يدخلو
كان جوك فرادى ما مهم
يعنى كان جاك أوسلى بيونسك
وكان جاك بشاشا بضحكك
وكان جوك الإتنين ياكى المشـيتى الخور
ومنعم ما يجيك معاو ود إى سليمان
المصيبة كان جاتكك تراجى بجوا كللللللهم
لا بفضل النوبى ولا البطل وبشاشا يسكن سكنة
والأنصار تكبر
والختمية تدق النوبة
والعكة دى مرات تفوت الخور وتبقى فى الباسبور
أها جبت ليكى الهوا ؟
والله دخلت أسألك من الراجل (الطيب) البسـوى وصفات الكريمات
مشى وين ؟
مودتى
| |
|
|
|
|
|
|
|
|
|
Re: عروس موديل 2007 فل أوبشن ! مالك يا بكري يآخي الجمهور عايز كدة!! (Re: رأفت ميلاد)
|
أخي العزيز رأفت
مودتي
أشكرك على عبورك الجميل في الحقيقة الناس الذكرتهم ديل كلهم ناس طيبين وظريفين لكن مرات كدا في
مواضيع بتجيب ليهم العصبي بقوموا يجيبو لسيدها الهوا عشان كدي أنا عاملة حسابي شديد منهم كله
شي ولا الهوا وبعدين أنا متأكد لو لقيت ليهم عرايس فل أوبشن موديل 2007 حيكونوا ناس مسالمين جدا
عشان بنات الزمن دا أول حاجة يعملوها يقصقصو ريش العريس وبعد ما كان صقر يخلوه عصفورة بعدين
اتذكرت ليك الراجل البسوي الريمات إسمه ميسر غايتو قالو كله يوم الحكومة عاملة ليه كشة عشان
تعرف كريماته دي الخلت البنات ألمانيات دي بعملها من شنو لكن ابدا ما عرفو ليه طريقة بعدين
بيني وبينك الحكومة ذاتها خايفة تمسكوالبنات والاتحادات والمنظمات النسائية وناس حقوق الأنسان
يطلعو في مظاهرة ويقولو للحكومة مالك ومال وشوشنا الغلبا راجلها جات تأدب حماتهاولا شنو تحياتي .
| |
|
|
|
|
|
|
|
|
 Re: عروس موديل 2007 فل أوبشن ! مالك يا بكري يآخي الجمهور عايز كدة!! (Re: Kamal Karrar)
|
أخوي الحبيب كمال
تحية صباحية معطرة
والله حاشاك إنت من الأوف بوينت إنشاءالله عدوينك كلامك عجبني شديد وفعلا مجتمعنا يمر بمنعطف حاد وخطير
هناك صراع شرس بين الواقع والطموح , بين الحقيقة والخيال , إمكانيات الأهل وتطلعات البنات والأهم
من ذلك كله مواصفات العروس التي لم تتغير منذ العصور الحجرية رغم الكم الهائل من المتعلمين
والمتعلمات والجامعات العامة والخاصة والخاصة جدا .أشكرك على عبورك الجميل .
| |
|
|
|
|
|
|
|
|
 Re: عروس موديل 2007 فل أوبشن ! مالك يا بكري يآخي الجمهور عايز كدة!! (Re: ناذر محمد الخليفة)
|
أخي العزيز ناذر
سلام
والله ناس أبوظبي ديل حكايتهم حكايةأولا : هم ما يخلوك تفكر تكتب ياتو موضوع من كتر المواضيع اللي
عندهم تانيا عندهم البدع والحاجات العجيبة وغريبة , حفلة الدخلة يجيبو ليها سامي المغربي من
أمريكا عشان يقولو أهل العروس بدفعو بالدولار الصبحية يجيبو ليها قسمة من السودان ترقص
العروس 150 رقصة عشان يقولو دفعوا بالدينار ونزلوها في فندق فايف استار عليك أمان الله أنا مرة
حضرت رقيص عروس كبيرة شوية يعني فوق التلاتين وأهلها مصرين يرقصوها 150 رقصة نصحت أمها قلت ليها
خلي الإسعاف واقف برة قبل ما تبدو الرقيص . شكرا ناذر تحياتي .
| |
|
|
|
|
|
|
|
|
|
Re: عروس موديل 2007 فل أوبشن ! مالك يا بكري يآخي الجمهور عايز كدة!! (Re: عواطف ادريس اسماعيل)
|
Quote: والله دخلت أسألك من الراجل (الطيب) البسـوى وصفات الكريمات
مشى وين ؟ |
دة كلام يا ود ميلاد ؟؟؟ ات بس ورا البيزنس ؟؟؟
ابوبنات زي الموضوع عندو اهم المواضيع وات يتفتش علي بتاع الكريمات ؟؟؟
يا عواطف ..
الموضوع شديد الاهمية ...وانتي كان عجبتك حكاية الماتش ميكنق اكتبي علي الباب " الشينيين والمكعبريين والمغتربيين اياهم لا " ...زولك دة العايز استايل وفلوس ما يشتري ليهو باربي ... ؟ عجيبة بناتنا رخصن للدرجة دي ...؟؟ الاسراع بعودة حكم الكنداكات امر لا يستوجب المناقشة ؟ مرات كثيرة حلفان بالطلاق وبالثلاث ومرات كثيرة زوغان من البيت وسهر ومسخرة فارغة ومرات كضب وانو مغترب بياخد الالاف من الدولارات ويطلع ما بيعرف حتي الصرافات وين وكثيريين يوم الخميس عرباتم واقفة في فريق انا بعرفو هنا وشينيين كتار في الاس دي تي في بيصرو علي ان دمهم خفبف ...؟؟
انا هسع بس بسخن وراجعلك بعدما اسفر بناتي الي بكان ما بيدرسن وبيدرسن ....
قال استايل قال ....
| |
|
|
|
|
|
|
|
|
|
Re: عروس موديل 2007 فل أوبشن ! مالك يا بكري يآخي الجمهور عايز كدة!! (Re: abubakr)
|
عواطف أنا برضه عايز عروس فل أوبشن Full option
سجلي عندك المواصفات ... ولنبدأ بغير
المطلوبة :
1ـ سكس ويل SIX WHEEL نو واي NO WAY
ملحوظة : (ده اكلنا منو كتير ياااااخ)
2 ـ نقناقة .. نو واي .... برضه أكلنا منه !!!!
3ـ ألا تكون تفتيحة فتعرف أين أخبئ نقودي .......
4ـ ألا تكون شاطرة في الرياضيات والحساب وكده ...
5ـ ألا يكون شعرها طويل فتسهر الليل كله في تسريحه
فأجئ من شغل الجريدة متأخرا فأجدها صاحية !!!!!!!!
المواصفات المطلوبة :
1ـ ألا تكون شينة شديييييييييييييييييد عشان لما أقوم من النوم
ما أقول بسم الله!!!! وألعن أبوخاش اليوم الشفتها فيه !!!!!!!
2ـ ياريت لو تكون 2 بستم بس !!!!!!!!!!!!!!
3ـ ويفضل لو تكون (ركشة)
4ـ مافي مانع تكون مطلقة أو أرملة (إستعمال خفيف) !!!!
5ـ دركسون شمال وذلك لكراهيتي المطلقة لليمين المحافظ الجديد والكيزان!!!
6ـ يفضل أن تكون طرشاء أو خرساء أو الاثنين معا ....
7ـ أن تكون من النوع الذي ينام مبكرا جدا ولا يصحو إلا ضحي الغد!!!!!!!
وأخيرا العريس غير مقيد بدفع أقل أو أعلى مهر ....
وعلى أهالي جميع العروسات المرشحات إلصاق مبلغ نصف مليون جنيه
على ظهر صورة العروس "رسوم نظر صورة العروسة"
أستاذة عواطف أرجو النظر في طلبي هذا بجدية شديدة جدا
مع سرعة البت ..........!!!!!!
التلفون عند بكري !!!!!!!!
| |
|
|
|
|
|
|
|
|
|
Re: عروس موديل 2007 فل أوبشن ! مالك يا بكري يآخي الجمهور عايز كدة!! (Re: فاروق حامد محمد)
|
أخي العزيز أبو ناصر
تحياتي
يعني عشان أم ناصر سافرت السودان عايز تعلب بي ديلك ولا شنو وبعدين الزولة صاحبتي عايزها تزعل مني
ولا شنو ؟ لكن طلبك بصراحة لذيذ ويخلي الزول يفكر فيه بجدية بعدين عشان فيه مصلحة مطلقة أنا قلت
يكون خلي بالك متفق مع أم ناصر في الموضوع دا عموما أنا وزعت طلبك دا وختيت عدد كبير منه في مخبز
الخيرات السودانية ومركز الأجبان والمخلالات وصالونات الحنا وسودانير وبعدين حاكلم بكري عشان يعمل
ليك واحد في البورد بس يا فاروق ياخوي قبل ما نلقى العروس بيني وبينك أمشي سوي صبغ وسمكرة بنات
الزمن دا عينن بيضا وفاجرات ما زينا نحنا كنا مساكين العريس طلع بطيخة حمرا خير وبركة بيضا نقطعه
في حشانا ونسكت .. شكرا يا روءة على مرورك الرائع .
| |
|
|
|
|
|
|
|
|
|
Re: عروس موديل 2007 فل أوبشن ! مالك يا بكري يآخي الجمهور عايز كدة!! (Re: abubakr)
|
أخوي الغالي أبوبكر
تحياتي وبون فوياج للبنات المسافرات إنشاءالله يمشن ويجن بالسلامة أما حكاية المغتربين الكضابين دي
عايزة مجلد غايتو بنات الناس ياما إتمقلبو خصوصا بتاعين الإمارات الواحد يقول لأهل العروس شغال
في أدنوك ( شركة بترول) وساكن في شارع الكورنيش وعندي عربية برادو تجي العروس تلقاه شغال في
البلدية بألف وخمسمية وساكن في مصفح ولا بني ياس وما عندو عربية وبعدين تصدق السفارة السودانية
زمن سفيرنا البطل عبداللطيف عبدالحميدالله يطراه بالخير ياما سفرت بنات على حسابها عشان كدا لازم
نعمل بوست عن الموضوع دا تحياتي .
| |
|
|
|
|
|
|
|
|
|
Re: عروس موديل 2007 فل أوبشن ! مالك يا بكري يآخي الجمهور عايز كدة!! (Re: abas)
|
أخي العزيز عباس
مودتي
والله إنت طلبك بسيط وأمرك هين لكن عايزة أعرف إنك متزوج قبل كدي ولا لا عشان الصورة الفي البورد دي
شككتني فيك ولا دي صورتك لما كنت صغير عشان العروس من حقها تعرف يا قالت راجل المرة دا حلو حلا يا
قالت بري يايمة بعدين حكاية المرتب يشيلكم إنتو الإتنين دي عجيبة شوية أصلو مرتب ولا عربية المهم
طلبك في عين الإعتبار بس في الأول جاوب على الأسئلة دي عشان أهل العروس ما يقومو يدقوني إذا العريس
طلع فالسو تحياتي .
| |
|
|
|
|
|
|
|
|
|
Re: عروس موديل 2007 فل أوبشن ! مالك يا بكري يآخي الجمهور عايز كدة!! (Re: عواطف ادريس اسماعيل)
|
خصوصا بتاعين الإمارات الواحد يقول لأهل العروس شغال
في أدنوك ( شركة بترول) وساكن في شارع الكورنيش وعندي عربية برادو تجي العروس تلقاه شغال في
البلدية بألف وخمسمية وساكن في مصفح ولا بني ياس وما عندو عربية وبعدين تصدق السفارة السودانية
زمن سفيرنا البطل عبداللطيف عبدالحميدالله يطراه بالخير ياما سفرت بنات على حسابها عشان كدا لازم
الأخت / عواطف تحياتى
ليس دفاعا عن مغتربى الإمارات ولكننا لم نسمع بما ذكرتى بل كان مغتربو الإمارات صفوةالمغتربين السودانيين كان معظمهم يعمل بالدفاع الذى لا يقل راتبه عن أربعة الاف ومائتين كمايسيطر السودانيون على معظم الوظائف بالبدية الا قليلا من الوظائف العمالية والتى تعتبر بمثابة محطة - إضافة لوجودهم فى وظائف عليا فى البترول والتدريس بل فى كل مرافق الدولة - بل تميز مغتربو الإمارت لاسيما فى تلك الفترة على غيرهم من المغتربين
| |
|
|
|
|
|
|
|
|
|
Re: عروس موديل 2007 فل أوبشن ! مالك يا بكري يآخي الجمهور عايز كدة!! (Re: عمر عبدالجليل البعشي)
|
أخي العزيز عمر
تحياتي مع جزيل شكري على مرزرك الكريم طبعا لا يجوز تعميم القضية فهناك صفوة ونخبة متعلمة ولا
أقصدها لأنهم لا يتزوجون بهذه الطريقة وهناك آخرون يشذون عن القاعدة وهم المعنيين بالموضوع ,فإذا
لم تسمع بهم يمكن لآنك عامل علاقات مع النخبة المتعلمة جدا أما حكاية المرتب أربعة ألف دي جاءت
أخيرا لحماية الكثير من الأسر من المشاكل الإقتصادية والإجتماعية وقد كانت في مصلحة الإخوات
السودانيات اللي كان بنضحك عليهم .
| |
|
|
|
|
|
|
|
|
|
Re: عروس موديل 2007 فل أوبشن ! مالك يا بكري يآخي الجمهور عايز كدة!! (Re: عواطف ادريس اسماعيل)
|
الأخت عواطف إدريس إسماعيل
موضوع هام
ونزيد على شوية على الأوبشن بعض الشروط التي لا تعرف إلا بعد سنوات طويلة من الخبرة التي مررنا عليها
وهي كالآتي: -
1- القبول بزوج سكند هاند - على الريحة
2- القبول بصفة الزوجة الثانية بعد أم الأولاد ( يعني مافي فرصة ليها زي بت بابكر)
3- الوصية بالمهلة - الزوجة الأولى مازالت تحتفظ بأدوات الصيد من العصر الحجري ويمكنها أكل اللحم نياً بدون طهو)
| |
|
|
|
|
|
|
|
|
|
Re: عروس موديل 2007 فل أوبشن ! مالك يا بكري يآخي الجمهور عايز كدة!! (Re: المسافر)
|
أخي العزيز المسافر
معزتي
تصدق إنه الزوج السكند هاند الكان بقولو عليه بري يا يمة بقت أسهمه مرتفعة جدا آل أيه عنده خبرة
وما بحب الفشل يعني بستحي وما بطلق بسرعة زي الأولاني عشان كدا بقبلو بيه على الريحة أما الزوجة
الأولى فما عليها إلا أن تطلب من فيصل القاسمي أن يجمعها بالثانية في الإتجاه المعاكس عشان تمعط
ليها شعراتها قدام الملأ ودمت .
| |
|
|
|
|
|
|
| |
عواطف ادريس اسماعيل
Kostawi
معاذ حسن
عبدالكريم الامين احمد
الصادق صديق سلمان
Mustafa Mahmoud
Kamal Karrar
رأفت ميلاد
ناذر محمد الخليفة
abubakr
فاروق حامد محمد
بكرى ابوبكر
حليمة محمد عبد الرحمن
abas
المسافر
فيس بوك
تويتر
انستقرام
يوتيوب
بنتيريست