|
|
 دلع البنات ... ما عسل ... والدم شربات !!!
|
لمن كنا صغار ياالسني دفع الله طبعا الكلام دا كان سنة 1900 وخشبة حسب نظرة أولادنا لينا ... تصدقوا
كل ما أحكي مع واحد وأقول ليه لمن كنا قدركم كنا بنسمع الكلام وكنا وكنا يشب لي في حلقي ويقول لي
oh mom it Is useless to talk about this prior time وفعلا ألقى نفسي بضيع في وقتي على الفاضية
والمليانة أنا في وادي وهم في وادي تاني والحوار بينا زي حوار الطرشان .. إضافة إلى ذلك بحس
قدامهم إني متخلفة ... ما ناقشة حاجة ... وبتكلم إنجليزي مكسر لأنهم تعلموا من أهل اللغة نفسها
الله يقطع المدارس الخاصة وسنينها اللي كشفت جهلنا الفاضح بكل أنواع المعرفة حتى الكمبيوتر لما
يخرب بيصلحوه زي العفاريت يا جماعة ديل أولاد شنو ديل ؟؟؟ الأولاد ديل خلوهم في حالهم لمن نخلص من
قضايا البنات وبعدين لنا عودة عشان ما تقولو لأنها ما عندها بنات كرهت بناتنا العيشة .. والله بحبهن
من جوة قلبي وهن عارفات لكن أنا بطبعي حشرية وما بحب الحال المايل وعندي أولاد حيتزوجو سنة 20020
لأني في الوقت دا لو ربنا حيانا من الموت بكون أقنعتهم بفكرة الزواج وطالما هم حيتزوجو لازم أشتغل
على البنات من هسة عشان ألقى عروسة فاهمة وبت ناس مش واحدة شردوحة تديني بالجزمة القديمة ..
معليش يا جماعة الدنيا مصالح وكله زول بيعمل لمصلحته وأنا من مصلحتي إنه البنات يكونن كويسات
ولو ما بقوا كويسات حيكون عندي أربعة مهاجمات وأربعة مدافعين وحأروح في الرجلين المثل المصري
بقول الأخ أخو مراتو والخايبة تحلف بحياتو ... أوووه نسيت الموضوع الأساسي وهو دلع البنات الحلوات
وهن موجودات في كل بيت مثلا عندك ميسو اللي إسمها ميسون دي ما بتعرف تسلق بيضة ولما أمها سافرت
فجأة والشغالة هربت من البيت كان تتصل فيني كله ساعة خالتو عايزة أعمل سلطة لبابا أحط فيها لمون
ولا الخل كفاية ؟؟؟ خالتو أحط كم كيس شاي عندنا خمسة ضيوف أوووه أنبيربل ياجماعة خلوني أكتب
الانجليزي بالعربي ما ممكن كلما مرة أغير ما تبقوا ثقلا كدا وتقولو دي ما بتعرف أنجليزي كفاية
أولادي مطلعني صفر على الشمال وأنا كنت فاكرة نفسي شكسبير زماني دا كله كوم وميمي ( مودة) بت
صاحبتي كوم هي وأخواتها ناس زيزي ( زينة ) و ميشو ( مشاعل) كرهو ساندي الشغالة الفلبينية حياتها
طبعا هم ظروفهم المادية كويسة عشان كدا شغالتهم فلبينية تعالو شوفو الاتكالية كله دقيقة .. ساندي
قلاس أوف وتر بليز ... ساندي قيت مي ماي موبايل إف يو دونت مايند ... ساندي ميك مي أكب أوف تي سلفو
بليه ( دي بتدرس فرنساوي في جامعة السوربون الفتحوها قبال تلاتة شهور في أبوظبي ورسوم الدراسة فيها
حسبنا الله ونعم الوكيل ) ويتواصل مسلسل ساندي التي تجري متل المجنونة من هون لي هنيك معليش ياجماعة
متأثرة بالزملاء في المكتب من المدير لغاية الغفير كلهم ميد إن لبنان ولو ما اتكلمت لبناني بفنشوني
نرجع لساندي ... ساندي كلين ماي شوز بليز ... ساندي قيت مي ماي بلاك برا ... ساندي آي هاف بارتي
توداي ميك سم كيك أند جوس بلس فطاير باللحمة والجبنة ... ساندي ما بتقدر تقول حاجة بتاخد ميتين
دولار في الشهر وديل راتب وزير عندهم وبعدين إقامتها عليهم وحكم القوي دايما بكون قاسي على الضعيف
أمبارح زرت جارتي في الدور السبعتاشر لقيت القيامة قايمة مالكم يا جماعة الخير قالت لي أمهم
الليلة كان عيد ميلاد ريري ( رزان) والشغالة عيانة ( تتمارض ليس إلا لأنها تعبت وكلت وملت .العندهم
شغالة بفتكروها آنسر مشين لا تتعب أبدا )
الأم : ياريري لمي العدة والقلاسات والزينة خلاص عيد ميلادك إنتهى ... أوووه مامي آي كانت أيام سو
تيرد وين تريزا ؟ تيرزا مريضة يا بتي وحرام نخليهم كدا في الصالون ... أوووه مامي ليف ذيم فور
تومورو إنشاء الله تريزا ول بي أوكي وحتلمهم ... لم تجد الأم مفرا من لم العدة والقلاسات وخلت باقي
الشغل لتريزا المسكينة التي تعمل آناء الليل وأطراف النهار لقد استعبدو الناس وقد ولدتهم أمهاتهم
أحرارا.
في بيت صاحبتي التي تسكن في منطقة الخالدية شغالة إسمها كوماري ( هندية ) وهي أقل أجرا بكثير من
الفلبينية التي تكون في أغلب الأحوال خريجة وتتحدث اللغة الإنجليزية بطلاقة أما ناس كوماري ديل فعربي
جوبا أخير من حقهم ... نادت صديقتي على ريموف ( ريم ) درست في روسيا فأطلق عليها زملائها هذا اللقب
صديقتي : ريموف قومي يا بتي الليلة ساعدي أمك وغسلي العدة دي إنت عارفة الليلة كوماري مافيشة ..
مشت تزور أختها العيانة في المناصير .. أوووه ماما بليز انا ما بعرف أغسل العدة وكله ما أغسلها
تجي تقولي لي ما نضيفة ولا كسرتي الصحن دا ليه؟ تدخلت بحشرية شديدة يا ريم يا بتي أمك تعبانة من
الصباح تطبخ وتستقبل في المعزين أنا عارفة إنك بت شاطرة ولهلوبة ساعدي أمك شوية ! أوه سباسيبا
خالتو ( شكرا باللغة الروسية) وفعلا قامت ريموف على العدة هرس كسرت تلاتة كبايات من النوع التقيل
وأربعة صحانة ما بتعوضو وثلاتة فناجين قولد بليتد ولما أمها دخلت المطبخ إنصدمت صدمة العمر ولم
تتكلم معها ولكنها نظرت إلي والشرر يتطاير من عينيها لتقول : عاجبك كدا ؟؟؟
*** فتكم بعافية يا جماعة الخير عندي شغل كتير وموضوعات لا ليها أول ولا آخر وأنا عارفة نفسي لو
تابعتكم في سودانيز أون لاين حأمشي الخور .. غايتو يا بكري أبو بكر دبر لي وظيفة سريعة.. حأجيكم
راجعة بس مش دلوقت ...
|
|
 
|
|
|
|
|
|
|
 Re: دلع البنات ... ما عسل ... والدم شربات !!! (Re: فيصل نوبي)
|
بونجور يا خالتو عواطف (دي بالفرنسية)
شليبا ديش والله (دي بالالمانية)
البنات ديل بالمناسبة شكلهم كدة سبويلد خلاص وما في فايدة ترجى منهم تاني 
قولي لي اولادك لو الواحدة ما قعدت عاست ليكم تلاتة طرقات كسرة وطلعتهم سليمات ما تعرسوها
تحياتي
| |
|
|
|
|
|
|
|
|
|
Re: دلع البنات ... ما عسل ... والدم شربات !!! (Re: عواطف ادريس اسماعيل)
|
عواطف يا احلى انصرافية في الدنيا .. ازيك ؟؟
سبحان الله يبدو انو همومنا كسودانيين مشتركة مهما اختلفت المواقع وبعدت المسافات ... الليلة الصباح انا كنت موجوعة من موضوع اولاد المغتربين ( المنسلخين) الما عارفين الفرق بين الوطن الاصلي والوطن المضيف ... العايشين وهم البقاء الابدي في الغربة ... الناسيين انو بيجي يوم وكل طير بيرجع عشه ...
ما باقدر اديك الرابط ( عشان بيعمل مشاكل ) ...
لكن حانقل ليك كلامي هنا ...
Quote: تجربتي القصيرة في الغربة .. وفي بلد عربي مسلم جعلتني ارى كيف يمكن ان ينشا جيل من السودانيين وهم يعانون من الانسلاخ عن الوطن بكل عاداته وتقاليده وقيمه .. يجهلون ابسط قواعد السلوك الاجتماعي في السودان ... يجهلون جغرافيته وتاريخه ..
جيل اعتاد على الرفاهية وسهولة الحياة واستمرا الحرية التي اكتسبها من غير مجهود سوى وجوده في اسرة مغتربة او مهاجرة ...
يؤلمني كثيراً ان ارى بعض ابناء المغتربين هنا وقد تنازلوا عن لغتهم السودانية المميزة .. وتبنوا لغة هجين غير معروفة ...
يؤلمني ان ارى الاطفال وهم يشبون على ( اللماضة ) و ( قلة الادب ) عدم احترام الكبير.. وتجاهل العادات والتقاليد السودانية الاصيلة بدعوى انها ( متخلفة ) ولا تواكب متطلبات العصر ...
زاد الامر سؤا الظروف الاقتصادية الضاغطة ... وانخفاض سعر الدرهم والريال والدولار امام الجنيه السوداني ... مما جعل غالبية الاسر تتنازل عن فكرة الاجازة في السودان ( الا للشديد القوي ) ومعظمهم يسافر بلا اطفاله حتى لا تزيد التكاليف ... فماذا نتوقع من طفل لا يعرف عن بلده الا اسمه وموقعه في احدى الخرائط ؟؟
حسب معلوماتي المتواضعة في امريكا بالذات تحرص كل الجاليات على تراثها وثقافتها .. تغرسها بقوة في الاجيال التي شبت بعيدا عن الوطن الام ... يتكلمون لغتهم ويفرضونها حتى على الغير ... يسوقّون بذكاء لطعامهم وموسيقاهم وادبهم ... يضعون الحدود والحواجز حتى لا تتغول الثقافات الاخرى وتقضي على ارثهم ...
في المقابل ملاحظة مؤسفة .. بعض السودانيين الذين يصطحبون ابناءهم لقضاء الاجازة في السودان ... يفخرون بلغتهم الاجنبية السليمة ... وبعدم اتقانهم للغة العربية !!!
يلتمسون لهم الاعذار لعدم تقيدهم بآداب السلوك وجهلهم بعادات وتقاليد المجتمع السوداني ( معليش .. اتربوا برة السودان ) ...
يجارونهم في تاففهم من كل شئ .. من الجو .. من الاكل .. من الناس !! ... ( معليش ما متعودين ) !!..
اذن قيام صناديق تكافلية وسط تجمعات السودانيين بالخارج لا يجب ان تقتصر على الجانب المادي فقط بل يجب ان تشمل كل الجوانب الاخرى التى من شانها تعزيز وزرع القيم السودانية في نفوس الاجيال التي ولدت وترعرعت خارج الوطن .. |
اقول ليك كلام يا عواطف ؟؟؟
ياخ انا باحب انصرافيتك دي شديد ...
| |
|
|
|
|
|
|
|
|
|
Re: دلع البنات ... ما عسل ... والدم شربات !!! (Re: sanaa gaffer)
|
سلام يا عواطف
تعرفي الحنكشة وعطيش ال 28 حرف دا
فقط شوفتو في بنات الخليج ما قدرتا افسر الحاجة دي خالص
لانه بناتنا هنا شيخات غفر وكل زول محتفظ باسمو.ز
بعداك بيشتغلو في البيت(دعاية للبنات)
ظاهرة البنات الجايات من الخليج ديل لازم يتعمل ليها مؤتمر
كون انه البنات من اسر ترجع اصولها للريف وامها اسمها سكنية ولا فاطنة
غبشة ذي كدا ابوها زول عادي برضو اصولو ريفية. بعداك خريج جامعة غبشة في السودان
وشغال وظيفة بمرتب ذيو ذينا كدا.
يعني مافي بلو بلود ولا يحزنون بعداك ساكنين في مجمعات سكنية عادية برضو
يعني ما بفرلي هلز.
ليه النتاج طلع بنات شائهات متعاليات يعشن في بالونة
خلقنها هن بمساعدة امهاتهن المسكينات..
بعدين من تلقى الواحدة بتحقر بالشغالة
معناها زولة حقيرة النفس وما سفللايزد
لو بتي قالت للشغالة قيت مي قلاس اوف وتر
ام قونق تو كيل هار رايت اوى واخد فيها تأبيدة
دي ازمة تربية كبيرة جدا..
سببها الامهات البفتكرو البوبار وكلام العوارة دا
برستيج بتوري انهم ناس هاي هاي
وتبقى عليهم من برة هلا هلا ومن جوة يعلمو الله
بعدين ريري دا حتعرس ليها محمد احمد
حتعمل شنو؟
ولا يارب في اولاد ذيهن كدا..
بعدين كلام الانجليزي ما بقى يتفلهمو بيه.
وليك حق يا عواطف تهمي على اولادك
من جنس ناس ريري ونونو ديل
| |
|
|
|
|
|
|
|
|
 Re: دلع البنات ... ما عسل ... والدم شربات !!! (Re: bayan)
|
العزيز د. بيان
وينك يا ست الحبايب وحشتينا
والله من على البعد وبالريموت كنترول أحي بناتكم الحربيات اللي بناتنا الدلوعات الحنكوشات بعتبروهن
غفر وما ستايل .. عليك الله أحجزي لي منهم أربعة واحدة لمجاهد الكبير ومهند ومثنى ومازن طبعا الأخير
دة عشان آخر العنقود حيوريكم نجوم الضهر ويسقيكم من كيعانكم ... متمرد ولا يسمع كلام أي زول
( سوفاج) وبعدي يا بت أمي كلام الإنجليزي دا حتى الأمهات بتكلمو بيه مع أولادهم مرة زرت صديقتي
العزيزة ماريا حسب الرسول لقيت معاها واحدة بتتكلم مع ولدها أنجليزي فلونت فلما طلعت قلت ليها
الأخت صومالية ولا من جنوب أفريقيا؟ ضحكت وقالت لي سودانية من حي الملازمين ؟؟؟ عجبي !
| |
|
|
|
|
|
|
|
|
|
Re: دلع البنات ... ما عسل ... والدم شربات !!! (Re: عواطف ادريس اسماعيل)
|
| Quote: الأخت صومالية ولا من جنوب أفريقيا؟ ضحكت وقالت لي سودانية من حي الملازمين ؟؟؟ عجبي ! |
اخبرت و العهدة على الراوي انه هناك اسرة عندها جواز امريكي
تعيش في كمباوند في السعودية
شوهدت الام وهي تضرب ابنها وتصرخ فيه موش قلت ليك تاني ما تتكلم عربي؟
اها يا عواطف يا حبيبتي مشكلتنا اسع نحنا الامهات ديل
انا زمان بقول التعليم في السودان ماحي للامية فقط
ما بيدي المرأة اي وعي الا من رحم ربي.
ونقع في ست النفر المنفصة العاملة اجنبية..البتفتكر دا برستيج
بعدين لانه اصلا برستيج اصوله هوائية بقى مخلوط بالبوبار
والعوارة..والكلام العبيط زمان لما كنا في المعهد
في اسكتش الحناكيش دا بنعملو ونضحك فيه
اسع كلو ما اشوف واحدة بتتكلم بفتكرها بتمثل بقرب اخش معها في الحوار
معطشة كل الحروف..لما القى انها فور ريل بتخلع..
يا حليل رائدات النهضة لو عرفت حال الجيل الثالث حيكون كدا
كانن ما تعبن والله..
الناس تحول مكتسباتها لحركة نسوية ناشطة وتربية اجيال جديدة خالية من العقد الاجتماعية
نحنا ربينا امساخ بشرية ووحوش ما عندهم اي قيمة انسانية..
تعرفي اكثر حاجة غايظاني غير قلب الكلام
استعباد الشغالات دا..
| |
|
|
|
|
|
|
|
|
|
Re: دلع البنات ... ما عسل ... والدم شربات !!! (Re: عواطف ادريس اسماعيل)
|
أم مجاهد
التحية والتقدير
هذه أزمة حقيقة في مجتمعات سودانية مهاجرة ...
وأعتقد أن الأخت الدكتورة بيان قد وضعت يدها على حقيقة الجرح ألا وهي ( أزمة تربية ) .
وهذه الأزمة السبب فيها الوالدين ( الماعارفين حاجة ... والقلم ما بزيل بلم للأم والأب ) ... المؤسف إنو كتير من الأمهات في المهجر بتجي وتترك تربية أبناءها للخدامة ... للمجتمع المحيط بهم من مدرسة وشارع وجيران وثقافة مدينة مما يؤدي إلى صياغة هذا المسخ المشوه من السودانيين ... وتتفرغ هي لرسالتها الأساسية التي جاء ت من أجلها وهي الحنة والدخان والبوبار والكوبار متناسية حتى الزوج ذات نفسه ... والإنخراط في شلليات نسوان فارغات المحتوى ببرامج تؤخر في كل شئ ... الأب غائب في دوامة العمل ومحاولة إثبات الذات حفاظاً على موقعه في بلاد لا مكان فيها لغير القادر المنتج ... فيلجاء الأبناء إلى إستقاء معارفهم وخبراتهم من فراغ ومصادر هشة لا تمت لأصلهم وجذورهم بشئ مما يخلق مثل هؤلاء البنات والأبناء ...
بالمناسبة برضو في السودان في ظل التربية الفكرية والثقافية الغائبة ظهرت لغة جديدة والمؤسف إنها وصلت النت والمنتديات ... ولعله هنا في هذا المنبر قد رأينا من يكتب بها كوسيط ووسيلة لتوصيل ما يعتمل في نفسه وهي ( لغة الراندوك ) .
لك الود
| |
|
|
|
|
|
|
|
|
|
Re: دلع البنات ... ما عسل ... والدم شربات !!! (Re: عواطف ادريس اسماعيل)
|
كلام شنو دي يا ست عواطف ... دة كلام .. وانتي ما عارفة نحن - البنايين- بنعمل شبابيك في البيوت العالية وفي بلاد كلها رطوبة لية.. ما كنا قفلناها تب وخليناكم تعاينن من الزجاج ؟؟؟ طوابق عليا وشيابيك سلايدنغ وتوب هنج لزوم شنو ؟؟؟
انا الهو انا علموني اجيب الموية بالخرج علي ظهر الحمار من النهر(مش النهر الجاف بتاع ودشيقوق والفارووق) وكيف اطبخ ( ياعيب الشوم اكون رطان ما بعرفش اطبخ ) وفي مراحل حضارية متقدمة تغيير البمبرز وما شابه ذلك من اعمال خاصة بالهايجين والويست ديزبوزل ووفقا لذلك فجنياتي ( مش جنياتي) تسلمو المهام بالتسلسل ووفق الظرف والمكان والمعينات الحضارية ...اذن المسعولية تقع علي عاتق ( دي عربي صح) الداديهات والماومات فيما يخص الكوتشنج coaching في هذا الصدد...
قالت دلع قالت ..منين ياحسرة ...انا بناتي لما وصلن ارض المالاي والصين كان عمرهن واحدة 16 والتانية يادوبك ستاشر وعلي طول اجرت ليهن شقة ومشينا انا وسامية وهن اشترينا عدة المطبخ وعدة النطافة وعلي طول الي المهام المنزلية بطريقتن ....يمشن يشترن المواد الاكلية وخلافه شهريا او اسبوعيا .. زينا هنا ...
هو في حد فاضي يدلع في الامور دي ... انتي بس خلي بالك من الشبابيك بشان تعرفي استعمالاتها في هذه الظروف
وشدي حيلك ...
| |
|
|
|
|
|
|
|
|
 Re: دلع البنات ... ما عسل ... والدم شربات !!! (Re: mamkouna)
|
[B]
ممكونة الحبيبة
والله إنت العسل ذاتك بس بشرط تتسجلي شركاتك وعرباتك ...
عارفة يا ممكونة كل الأعراض الذكرتيها ديك بعانوا منها أولادنا وربنا يجيب العواقب سليمة يمكن
في حاجة واحدة ما حاصلة عدم الانسجام مع زملاء الدراسة ديل من شدة ما منسجمين قربت أحول البيت
لي اسكول والغرف لي فصول ... سلمت يا الحبيبة . بعدين إنت بالذات أنا حأديك أحسن إتنين
في الوليدات عشان عرفاك نسيبة تمام وجهزي الجرتق من هسة حنعمل تنزيلات في عدد السنين المشكلة
واحد قال حفلتو حتكون ببيونسيه لو عرس ما عارفة الجرتق يكون بي منو ؟؟
| |
|
|
|
|
|
|
|
|
|
Re: دلع البنات ... ما عسل ... والدم شربات !!! (Re: عواطف ادريس اسماعيل)
|
العزيزة ممكونة ...
أطفالنا و..خطر ال Cornucopia
دخلت الرابط بتاعك .. ووالله موضوع شيق وبيهم قطاع كبير جداً مننا. على الأقل أنا أعلن أني معني بالموضوع، ومكوي بناره. (موضوعك يا ممكونة مش موضوع عواطف) .. لأنو في موضوع عواطف ده، أنا منتهي من حكاية الدلع دي وعندي عداء مع مواكبة الحياة العصرية فيما يخص (ياي)
| |
|
|
|
|
|
|
|
|
|
Re: دلع البنات ... ما عسل ... والدم شربات !!! (Re: عواطف ادريس اسماعيل)
|
الاحداث في عام 20020
الحبوبة عواطف
وهي بلغة الكورة كوتش مؤهلاتة سودانية بحتة تلقي كورسات عليا في لبنان وبلاد الشام . الكوتش عواطف وسط الميدان تدير بعض الجمل التكتيكية... اللعيبه اربع مهاجمين ضد اربعة مدافعين.
المدافعين تدربوا ونشأو في النادي وتحت اشراف الكوتش عواطف وهو يعرف مقدراتهم ويثق فيها وهم ليس للبيع او الاعارة او الاحتراف وهم ملك حصري للنادي.
المهاجمين هم علي مستوي عالي من التكوين البدني والجسماني السليم روعيت فيه كل المقايسس والمعايير...مؤهلاتهم الدراسيه عالية يعني استيعابهم للخطط لا غبار علية... الموهبة تفوق التصورات وعلي ذلك سجلوهم بمبالغ خرافية
وعلي خلفية الخطط الكروية تعطي الخطة للدفاع اولا علي ان يطبقوها ويتصدو للمهاجميين ويمنعوهم من التسديد للمرمي.
وبما ان المدافعيين نشء المدرب ودائما يريد ان يراهم متفوقيين ... وبما ان المهاجميين علي قدر من الموهبة الربانية ومزيد من الخبرة المكتسبة"الامهات-الاخوات وجدا الجارات " . يجد المدافعيين انهم في وضع اقله يمكن تسميه محرج . واضعا في الاعتبار انهم في علاقة حميمة مع المهاجميين و علاقة ازلية مع المدرب .
ولنا ان نتصور الكر والفر ومحاولات الظهور بالمظهر الجيد من كلا الفريقين مع بع بعض حالات الاوف سايد و التحايل من جهة المهاجميين .
حتي نتجنب نغمة التحكيم فاشل و المدرب دة صلاحيتة منتهيه ومدرب اشبال فقط .
يجب ان نضع المنهجية السليمة ونتبعها ... ونبتعد حين يجب ونتدخل عندما يتطلب الامر.
وسلمت اختنا عواطف وارجو ان تغفري استعمال المجاز ولك العتب حتي ترضي
معتصم العربي
| |
|
|
|
|
|
|
|
|
|
Re: دلع البنات ... ما عسل ... والدم شربات !!! (Re: معتصم عبدالرحيم)
|
أخي العزيز معتصم
شكرا لمداخلتك الظريفة وتحليلك الدقيق لكن المدافعين ديل بكونوا مدافعين عن زوجاتهم طبعا التأثير
المباشر ببدأ من أيام الخطوبة لزوم الضربات الاستباقية ولما تستلم العريس عينك ما تشوف إلا النور
قالو أمه مجنونة
أريده وأريد جنونة
الختفت حمادة
بخلصومن عيونها
شايف حال الأمهات يتعبن ويربن ويعلمن ويكبرن وفي الاخر يطلعونا مجانين ...
| |
|
|
|
|
|
|
|
|
|
Re: دلع البنات ... ما عسل ... والدم شربات !!! (Re: عواطف ادريس اسماعيل)
|
الأستاذة عواطف
كما عودتينا مواضيع جيدة بخفة دم تساعد على الهضم
Quote: أنا حالفة لو ما الواحدة عاست الكسرة والحلو مر وسوت العصيدة ما أديها ولدي أيه رايك ؟ طبعا شروط
تعجيزية مش كدا ؟ دمت |
بس قولي ربنا يستر على الأولاد لأنه الظاهر للزمن داك حايحصل العكس، فإنت دربي اولادك من هسع على العواسة و غسيل العدة
الجندريات قادمات
| |
|
|
|
|
|
|
|
|
|
Re: دلع البنات ... ما عسل ... والدم شربات !!! (Re: عواطف ادريس اسماعيل)
|
تحياتي أختي الحبيبة عواطف
عارفة كنا قد قررنا بكامل قوانا العقلية . أنا العبد الفقير لربه وصديقتي اللدودة ، والدة أنجالي الست حرمنا أن نتعرف عليكم أكثر ونفاجئكم بزيارة في دياركم العامرة .
لاكين مع ( الفضائح ) و ( كشف الحال ) دا أخير لينا ( نلم ) بنياتنا
وحدنا الكيبورد والمونتر ديل .
الكلام البتكتب هنا بقعد ( لأبد الآبدين ) زي ما بتقول الست الحبيبة والدتنا، وعليكم الله ما في زول يقول التعبير غلط ولا تصريفو كيف .
أها فتناك بعافية
السمعة ما ( بعزقة )
| |
|
|
|
|
|
|
|
|
 Re: دلع البنات ... ما عسل ... والدم شربات !!! (Re: سليمان عبد الغني)
|
أخوي العزيز سليمان
كتر خيرك كلامك سمح شديد عشان كدي تعال راجع بسرعة وكان عندك بنيات جيبهم معاك خليهن يقرن البوست
دا ويفتحن عينهن قدر الريال أبو عشرة وإلا ما حيعرسوهن عشان نظرة الشباب سو تتغير جذريا خلال
السنوات المقبلة وأنا عاد حدثتك ووريتك ودا سر بيني وبينك ما تحدثبو زول .
| |
|
|
|
|
|
|
|
|
|
Re: دلع البنات ... ما عسل ... والدم شربات !!! (Re: عواطف ادريس اسماعيل)
|
أخوي العزيز سليمان
كتر خيرك كلامك سمح شديد عشان كدي تعال راجع بسرعة وكان عندك بنيات جيبهم معاك خليهن يقرن البوست
دا ويفتحن عينهن قدر الريال أبو عشرة وإلا ما حيعرسوهن عشان نظرة الشباب سو تتغير جذريا خلال
السنوات المقبلة وأنا عاد حدثتك ووريتك ودا سر بيني وبينك ما تحدثبو زول
شكراً على النصيحة الغالية بس يا أختي أنا الحمد لله لسع في السوق وبرة الأمان وخلونا مع غبشنا ديل الواحدة لو ما عضلات تبش وتشيل باغة الموية في رأسها وهي بتغني يا عقد اللولي يا بت يا حلوة يا حوري ما بنجيب ليها خبر
| |
|
|
|
|
|
|
|
|
|
Re: دلع البنات ... ما عسل ... والدم شربات !!! (Re: عواطف ادريس اسماعيل)
|
Quote: أخونا العزيز أبو بكر
تسلم يا أبو البنات على هاالتربية وربنا يوفقن ويوفقك ... ديل خلاص محجوزات بكرة جاينكم في دبي
نجيب حق قولة خير .. إنتظرونا عاد وافرشو البساط الأحمر |
ببنتظركم انتي بس جيبي البيزات العندك كلهن نتفسح بيهن انا وسامية ...
يا عواطف انتي نسيتي واللا شنو حكاية الحجوزات والطرود ما انتي اول واحدة رافعة راية الرفض ضدها وعموما ماهن وهم البحددو كل شئ حتي يوم العرس ويسالوكي عن عدد صحباتك الدايرة تعزميهم (بس ما يكونن اكتر من عشرة عشان انتي ماما حبيبتي او بابا )..
| |
|
|
|
|
|
|
|
|
|
Re: دلع البنات ... ما عسل ... والدم شربات !!! (Re: عادل جبارة)
|
زار قباني >> الحصار
الحصار
الشَعْرُ مَحْلُولٌ على آخِرِهْ
والنَهْدُ، ديكٌ أحْمَرُ المنقَارْ
وإنَّني محاصرٌ من الجهات الأربعَهْ
بالكُحْلِ.. والأساوِرْ..
والخَوْخِ.. والرُمَّانِ.. والأنْهَارْ
وأسألُ اللهَ تعالى،
أن يُديمَ نِعمَة الحِصَارْ....
| |
|
|
|
|
|
|
|
|
|
Re: دلع البنات ... ما عسل ... والدم شربات !!! (Re: عادل جبارة)
|
عدولي العزيز
كيفك يا أبو النسب .. دا إسمه كلام ؟؟ هبوية ناجحة في الأمتحان وجايبة أيه
بلس بس خلي أمها من هسه تدخلها المطبخ معاها تقطع ليها البصل والسلطة
والعافية درجات للوقت داك تكون اتعلمت المكرونة بالباشميل ... خلاص باكر
جايين لفتح الخشم جهزوا قروشكم الحكاية بقت بالمقلوب عشان عدد البنات
أكتر من الأولاد .
| |
|
|
|
|
|
|
|
|
|
Re: دلع البنات ... ما عسل ... والدم شربات !!! (Re: abubakr)
|
العزيز أبوبكر
تحياتي
البيزات جاهزة عايزين باليورو ولا الدولار ؟ وبعدين ما عندنا مشكلة معاهن
خليهن يحددن اي حاجة حتى الفنانين وكمان الحفل المهم نناسبكم ودة شرف كبير
بس علموا البنات من هسة ملاح التقلية والنعيمية والشعيرية والكسكانية ديل
زي ثنائي النغم لازم يمشن مع بعض .
| |
|
|
|
|
|
|
|
|
|
Re: دلع البنات ... ما عسل ... والدم شربات !!! (Re: عواطف ادريس اسماعيل)
|
الحبيبة عواطف
انت العسل باطروحاتك العبقة
بجماليات ما يمس الامور الحياتية عامة
وكينونة مجتمعنا خاصة،،،
دلع البنات جزء من انوثتهن وكل عصر
ودلعة ، دهـ بقة دلع العصر الحالي
بس حقوا الامهات شوية يعملن عليه
مسحة من اخلاقياتنا وقيمنا يبقى في غاية
الروعة ،،
ذي ما بعمل انا مع بناتي من حقهم يواكبوا
العصر ولكن بجرعات حميمه كدة من الانتي
بتعرفية بدلع مغنن وحا يعجبوكي
و ( وجد ) جودي ما فايته مجاهد كان
رضيتو والله ابيتو ،،
عميق مودتي ،،،
| |
|
|
|
|
|
|
|
|
|
Re: دلع البنات ... ما عسل ... والدم شربات !!! (Re: خالدة البدوي)
|
والله يا د. خالدة إنت العسولة عشان عندك بنات لكن نحنا مع فريق الكورة
دا لازم نلعب مهاجمين ومدافعين إذا لزم الأمر .. وبعدين نحنا في ديك
الساعة لمن نخطب وجد لمجاهد شوفي الأسماء ذاتها متقاربة لا خلاص البت
محجوزة بأمر القانون وكل ناس البورد شاهدين اوعك تنطي نحنا جاهزين
ومجاهد اريته ود الهنا تصوري بشتغل وبقرا لغاية ما اشترى ليه عربية
من قرايته وهسة عايز يساهم في مصاريف اخوه الأصغر منه حيسافر ليه يوم الأحد
استراليا أها أيه رايك في العريس اللقطة دا ودالأنصار المابشرب سيجار
المابلعب قمار ؟؟؟ لمن كان صغير عندنا في البيت حفلة بعلوية كوبر بمناسبة
40 مازن بعدين علوية كانت بتغني وتقول وين وين تلقو زي دا مازن القمرة الفي
السما جاني قال لي ياماما قزيدة يعني شنو ؟؟؟ طبعا الأربعين دا من محن صاحباتي الما
عندهن موضوع هن يقترحن وأنا أدفع والنعم !!!!
| |
|
|
|
|
|
|
|
|
|
Re: دلع البنات ... ما عسل ... والدم شربات !!! (Re: بدرالدين كاجوري)
|
الأخت عواطق
تحياتي
طالما فيها دلع بنات , اذا الموضوع يستاهل الواحد يتداخل فيهو عارفة ليه ؟؟؟
لانو عندي والحمدلله ولد واحد وثلاثة بنات 0
مفروض ادلع الولد بلغة الحسابات ( 1 = 3 ) لكن والله العظيم البنات فرضوا
نفسهم علي , عارفة كيف ؟
1- حافظين مواعيد حضوري للبيت ( وكانوا يتسابقوا لفتح الباب ) لكن وبحرفنة الأنثي
إتفقوا , يعني كل يوم تفتح واحدة فيهم الباب , علما ان الكبيرة في ثالثة متوسط
والثانية في سادس إبتدائي والصغيرة في ثانية إبتدائي , ماشاء الله تبارك الله 0
2- عند موعد الغداء إتفقوا كل يوم واحدة تقعد لصق بابا 0
3- وقت القيلولة لازم الثلاثة يرقدوا معاي في السرير , بالله في حب اكتر من كده 0
طبعا امهم غيرانة غيرة شديد خلاص وعاملة طابور خامس مع ولدها ( ود رضاها )0
مالو إنشاء الله ينفعها وينفعنا 0
| |
|
|
|
|
|
|
|
|
|
Re: دلع البنات ... ما عسل ... والدم شربات !!! (Re: عواطف ادريس اسماعيل)
|
| Quote: يا زوله انا عندى بنتين وولد وبناتى ديل بحبهن عدييييييييييييل وحاجزين لى روحى دى |
هاهاها يا عوض
عندنا صاحبنا عنده بت واحدة قلت ليها اعرس ليك ولدي
قالت لي : لا لالالالالالالالا انا بس بعرس ابوي ابصلعة دا.
عارف البنات بحبوا ابوهن جدا
لما يعرسن يحولن الى امهن
في "توحدية" شيل البلاء والصبر على المكاره
وأ ستمداد القوة.
صاحبتي سالت امها يمة انتي قعدتي مع ابوي دا 50 سنة كيف؟
طلعت حريف والله ما عايز التحويلة دي.
| |
|
|
|
|
|
|
|
|
|
Re: دلع البنات ... ما عسل ... والدم شربات !!! (Re: bayan)
|
الاخت ام مجاهد تحياتى
شكرا لهذه المواضيع القيمه جدا
قرات الموضوع وتابعت وقررت
ان اطبق المثل البقول اخطب لى بتك
ماتخطب لى ولدك 0 ات عارفه الحكايه
مرايه الشغلانه فى النهايه حاتكون
مافى ضيوف ولاصحون ولاكبابى بغسلوهن
يعنى كلو جاهز ليهم الاتنين وبعد المولود
الاول تعالى شوفى فضايح البامبرز والرجول
المكسحه لان بقعد بى الساعات الطوال ماحد
جايب خبر والله مساكين ضحية تربيه الدلع
يااختى 00 شكرا
| |
|
|
|
|
|
|
|
|
|
Re: دلع البنات ... ما عسل ... والدم شربات !!! (Re: خالد المحرب)
|
أخي العزيز خالد
مودتي
مرورك يسعدني ... شكرا على ثنائك على الموضوع .. تصدق ياخالد قبل كدا عملناموضوع هل
يمكن أن تخطب لأبنتك إذا أعجبك أحد االشباب ؟ يعني مؤدب وعنده أخلاق ومتدين وسوف نطرح
هذا الموضوع قريبا في المنبر بمناسبة البامبرز أنا بعرف واحد بحمي الأولاد وبعمل الحليب
في البزازات وبغسل العدة والهدوم وبكوي وبعمل الأكل وست الحسن والجمال في الحفلات
والمناسبات ... عجبي !
| |
|
|
|
|
|
|
|
|
|
Re: دلع البنات ... ما عسل ... والدم شربات !!! (Re: bayan)
|
بيان سلامات
Quote: هاهاها يا عوض
عندنا صاحبنا عنده بت واحدة قلت ليها اعرس ليك ولدي
قالت لي : لا لالالالالالالالا انا بس بعرس ابوي ابصلعة دا.
|
عارفه يا بيان معنى الكلام دا ان بنت صاحبك قاااااافله على ولدك (تب)
عشان كدة شوفى عواطف سرييييع لزوم المعاينات .. ووصيها تخفف شويه يعنى
عوسى وافركى واعملى عصيدة دا مافى ليه طريقة فى الحالة الشايفاها عينى
جدعة : هى عواطف شخصيابتعوس ؟؟! مااااا اظن
عوض حمزة
| |
|
|
|
|
|
|
|
|
|
Re: دلع البنات ... ما عسل ... والدم شربات !!! (Re: عواطف ادريس اسماعيل)
|
اها كان انا ما متشرف بيكن شن جابني هنا
| Quote: بس علموا البنات من هسة ملاح التقلية والنعيمية والشعيرية والكسكانية ديل |
ياست عواطف .. التلات الاخيرات بنعرفن اما الاوليات فانتي دايما بتنسي انو الرطان وجباتم كونتنتال ( اها ياود المحرب ويا ودشيقوق وكل العراريب والعراريبات دوبو ونمو في دي )
ياالعرريب ود المحرب ... ام احمد طلعت بنيات تمام اما ات فعامل نفسك مشغول في شئون العراريب ومباري العراريب ود شيقوق وما غسلت صحون امبارح للحين ...دة كلام ....
| |
|
|
|
|
|
|
|
|
|
Re: دلع البنات ... ما عسل ... والدم شربات !!! (Re: عواطف ادريس اسماعيل)
|
Quote: إنتو عشان ما سودانيين مية في المية حنفيكم من بعض الشروط إذا عايزين
تزوجو بناتكم لسودانيين ... تحياتي . |
اها قسمتيها نسب مئوية ...؟ حتي النيل ما سوداني مية المية ...والسما بتاع كل خلق الله ..اها نحن ما سودانيين مية في المية طيب "الكمونية " الفي النص دي نسبتها كام في المية ؟؟؟
عندك فكرة بنات الخليفة الشايقية والعراريب ملكة الدوبيت وودالمحرب و عمرو بن ابي ربيعة بتاعنا (نور الهادي) والفاروق "الناصري" والجماعة الجميليين الفوق دييل كلهم وابو جلسة ما في منافس ليها الا جلسة الكاتب الفرعوني الجالس القرفصاء - الزول دة بس حبيتو لله في لله بشان جلستو دية واسمو كمان - كام في المية ؟ اها ماتنسي تخلي شوية في المية لباقي السودان ؟
الا دونا الا تري ..؟؟؟؟
| |
|
|
|
|
|
|
|
|
|
Re: دلع البنات ... ما عسل ... والدم شربات !!! (Re: عواطف ادريس اسماعيل)
|
| Quote: لك العتبى حتى ترضى . |
معقولة دي يا عواطف ؟؟.. منو القال انا زعلت .. وليه ؟؟
الموضوع عجبني فقت ابحر فيهو شوية واشاغل العراريب والشايقية ؟؟؟
دة موضوع مهم جدا وبيتصل باستعمالاتنا للهوية ويوم تفتحي بيهو بوست اخر ؟
ازعل منها قالت ؟ ليه ما في كتار شينيين بزعلو وانا ما زعلت منهم .. وفي وقت للزعل ؟
| |
|
|
|
|
|
|
|
|
|
Re: دلع البنات ... ما عسل ... والدم شربات !!! (Re: عواطف ادريس اسماعيل)
|
| Quote: وعندي أولاد حيتزوجو سنة 20020 |
يا مرة إنتي جنيتي وللاّ شنو؟ الزمن ده بنكون بقينا بترول
وصفونا وبقينا بنزين وكبونا في التنك ومشينا الفنية بتاعت
الكربريتر ووطلعنا بالعادم ولوّثنا البيئة .. (عشرين الف وعشرين)
بالغتي يا عواطف .. يعني بقى انجليزي
وحساب ..
ازيك يا عواطف ..
بالمناسبة قصص اولاد وبنات المغتربين دي دايرة ليها صحائف عشان تدوّن
Quote: الأولاد ديل خلوهم في حالهم لمن نخلص من
قضايا البنات وبعدين لنا عودة |
معليش خليني احكي ليك حكاية اولاد اخوي واولاد خالتم دي ..
اولاد اخوي واولاد خالتم مجموعهم ستة كانوا بيقروا في مدرسة ابتدائية في حي
الربوة بالرياض وكنت انـا بجيبم من المدرسة يومياً .. مرة واحد فيهم قال خالو كمال
امبارح قال حلم ضبح ليهو عتود .. واحد طوالي نطّ قال ليهم العتود ده شنو .. واحد تاني
قال ليهم اتخيل لي العتود ده نوع من الطيور وطبعا انا رااااخي اضاني .. واحد تالت قال
لا ياخ ما اظنو طيرة ودار جدل لمدة تلاتة دقائق .. قمت ضحكت ووجهت سؤالي لأكبرهم وكان في
الصف السادس وقته قلت ليهو يا محمد سيد احمد انت ما بتعرف العتود قال لي والله يا خال والله
يتخيل لي العتود ده (ود الغنمة) اتخيلي يا عواطف!! حتى الغنماية حنكشوها .. بقي أن تعرفي
انو محمد سيد احمد الآن يدرس في جامعة دنقلا في السنة الخامسة طب والبعديهو نزار عثمان الجمري
ويدرس رابعة هندسة مدنية جامعة السودان والاتنين مدروشين درش السواد ..
مرح امير الجمري
4 سنوات .. حنكووووووووشة جدا جدا وبتمص اصبعها .. دي اظنها برة المنافسة خااااااالص
| |
|
|
|
|
|
|
|
|
|
Re: دلع البنات ... ما عسل ... والدم شربات !!! (Re: امير عوض الجمري)
|
أخي العزيز أمير
تحباتي
هذا التاريخ أقصد به المبالغة وعدم مقدرتي على إقناعهم في الوقت الحالي لأني لوقلت 2020 بشوفها
قريبة جدا زي خطة وزير التربية عندنا إسمها عشرين عشرين 2020 وكنا بنشوفها بعيدة جدا لغاية ما
جاتنا تجري عشان كدا بقول ليك يا راجل لا جنيت ولا حاجة بكامل قواي العقلية وأنا الإنسانة الوحيدة
اللي ما حتجن ولا بتخرف لأني عندي هموم الدنيا والآخرة لكن ضاربة الهم بالفرح كل مشكلة بديها ساعة
من وقتي لو اتحلت خلاص ولو ما اتحلت أقول لروحي إنت في إيدك أيه تعمليه ومع ذلك يا أمير أكره
الإنهزام وأصر على إيجاد حل خلال تلك الساعة يعني عايزاك تتطمئن خالص من ناحية الجنان ولا الزهايمر
الحاجة التانية أولاد أخوانك ديل هم نسخة من أولاد المغتربين في أي مكان في العالم أما مرح
الحنكوشة دي أكيد حتنافس بقوة لأنها من إسمها ظاهر عليها شخصية مرحة .... مودتي .
| |
|
|
|
|
|
|
|
|
|
Re: دلع البنات ... ما عسل ... والدم شربات !!! (Re: عواطف ادريس اسماعيل)
|
Quote: هذا التاريخ أقصد به المبالغة وعدم مقدرتي على إقناعهم في الوقت الحالي لأني لوقلت 2020 بشوفها
قريبة جدا زي خطة وزير التربية عندنا إسمها عشرين عشرين 2020 |
لا خلاص كدي وقع لي انا الطلعت (دلاهة)
| Quote: عندي هموم الدنيا والآخرة لكن ضاربة الهم بالفرح |
يا سلام عليك والله انتي زيي وانا عندي كم شلوت كده فائض اديك ليهم عشان تديها زيي بالشلوت
ياستي ماحدش لاقي منها حاجة عشان كده احسن نضرب الهم بالفرح ونعيشها (بهجة ومرح) البت وامها(وش محمّر)
| Quote: أولاد أخوانك ديل هم نسخة من أولاد المغتربين في أي مكان في العالم |
نعم .. وهي مشكلة كبيرة ولابد من حلول يا عواطف ولابد من عقد منتديات ومهرجانات ثقافية في دول
المهجر لتوعية ابنائنا وتثقيفهم بعاداتنا وتقاليدنا وومفرداتنا الدارجة والبسيطة.
Quote: مرح
الحنكوشة دي أكيد حتنافس بقوة لأنها من إسمها ظاهر عليها شخصية مرحة |
لا من الناحية دي هي عسل عديل لكن نوع تجي تقول لي يا ابوي شوف الورقة دي قاعد تحرقني والكيس ده
وعثمان ضربني بي كيس الحلاوة وحاجلت زي دي .. غايتو كان بتتحملوها اديناكم والمهر (طرادة) هي مش رجعوها؟!
| |
|
|
|
|
|
|
|
|
|
Re: دلع البنات ... ما عسل ... والدم شربات !!! (Re: عواطف ادريس اسماعيل)
|
| Quote: من اليوم الصرف علينا والتربية عليكم |
| Quote: ولو عايزين نربيها على إيدنا كمان رسلوها طرد |
لا ياختي التربية برضها نخليها عليكم عشان ما تجو بعدين تقولوا لينا
تربيتكم دي ما قدر قروشنا الاديناكم ليها ونبقى في غلاط ورجيع بنات
ورجيع قروش..
Quote: رسلوها طرد ولا مع الدي أتش أل بس خلو بالكم منها لأنها بت رقيقة
زي النسمة |
ليك علي اجيبها ليك لغاية عندك في الامارات وبالطيارة (مش التذكرة برضها عليكم؟!)
ولو التذكرة ما عليكم مافي مشكلة طيران العربية قااااااعد بس التسليم يكون في الشارقة
وبعدين ركّزي لي على نربيها على ايدنا دي يعني ما تمشو تخلوا ناس بيتي وكوماري يربوها!!
| |
|
|
|
|
|
|
|
|
 Re: دلع البنات ... ما عسل ... والدم شربات !!! (Re: امير عوض الجمري)
|
الحبيب أمير
والله إنت عسل ودمك زي الشربات عشان كدا نحنا ما عندنا مانع نقبل بشروطك كلها ونبصم بالعشرة لأنه
البت اللي بتكون إنت أبوها أكيد حتكون عشرة على عشرة ... وتجي بالعربية ليه؟ دي نحجز ليها في
طيران الإمارات درجة نساء أعمال وبعدين كوماري شنو البتي جنبها دي حتكون هاند ميد يعني من الايد دي
للإيد دي أصله أنا ما عندي بنات وفي الوقت نفسه عندي حنان زايد ما عارفة أوديه وين فبالله طلع
الجواز بسرعة ورسل صورة منه .. مودتي .
| |
|
|
|
|
|
|
|
|
|
Re: دلع البنات ... ما عسل ... والدم شربات !!! (Re: عواطف ادريس اسماعيل)
|
الأخت عواطف.....لك التحية والموضوع حلو شديد.
طيب تعملي شنو في البنات السودانيات العاملات نفسهن اليسا أو هيفاء وهبي ومع الاعتذار لهن ما في وجه شبه ولا حتى باللفة. وبيلووا اللسان ويتكلموا لبناني هيييك وهييك، هوني وهوني وما بيصاحبوا الا السمحات وبيمشوا يتلولوا ذي الثعابين...اها دع دلع ولا عقدة.
والله تكرهي الدلع فيهم
| |
|
|
|
|
|
|
|
|
|
Re: دلع البنات ... ما عسل ... والدم شربات !!! (Re: salma subhi)
|
| Quote: وبيلووا اللسان ويتكلموا لبناني هيييك وهييك، هوني وهوني |
اللييييييييييييييلة يا عواطف سلمى دي قاصداك انتي وللا شنو؟
بالله يا سلمى في بنات سودانيات بتكلموا كده؟! والله دي تكون مصيبة
| Quote: اها دع دلع ولا عقدة. |
والله يا سلمى الدلع والعقدة الاتنين بزعلوا منك كان سمعوك
| Quote: وما بيصاحبوا الا السمحات |
اهندي العقدة..
معليش يا عواطف للتعدي والرد عنك لسلمى لكن الموضوع حرقني صراحة ..
| |
|
|
|
|
|
|
|
|
|
Re: دلع البنات ... ما عسل ... والدم شربات !!! (Re: امير عوض الجمري)
|
الجمري الغالي
والله لوشفت هنا مش البنات بس حتى في بعض النسوان ما بتكلن إلا لبناني أو خليجي ... يعني لو شفت
الواحدة سكينة زي البقرة طبعاما في لبنانيات سمان وبعد دة كلو تقعد تقول ليك هيك وهون وتئبر ألبي
وإشلونج وعساك زينة وطرشي لي التوب بتاعك أحضر بيه الحفلة يعني المرة عاشت في الأمارات دشليون
سنة وبقت تتكلم خليجي عجبي ّ!
| |
|
|
|
|
|
|
|
|
|
Re: دلع البنات ... ما عسل ... والدم شربات !!! (Re: عواطف ادريس اسماعيل)
|
سلام تاني ياعواطف
حأحكي ليك حاجة بالنسبة لزواج الخليجين من الجنسيات الأخرى.
واحدة صحبتي قالت لي الخليجين جنهم عرس 2 و3 و4 والموضة يعرسوا هنديات، مصريات وبعدين طلعة موضة المغربيات وكده. قلت ليها يعني الدور جاي على السودانيات ، اندهشت وقالت لي : لما يجي على السودانيات بيكون الله هداهم من الفكرة أساساً .
لييييييييييه يعني النبي السودانيات مالهم؟؟؟؟
مع العلم ان في سودانيات معرسات خليجيين وبيني وبينك ما في مقارنة بينهم وبين العرسان الخليجين عارفة الجماعة قالوا شنو: هيه والله لازم سوولهم عمل هاذول أكيد موفي وعيهم.
والسودانيات حاسداتنهم قالوا: النبي دي سوت ليه شنو؟؟
تحياتي
| |
|
|
|
|
|
|
|
|
|
Re: دلع البنات ... ما عسل ... والدم شربات !!! (Re: salma subhi)
|
سلوم الحبيبة
والله فعلا الكلام دا حقيقي وانا ذاتي بستغرب وبقول يا ربي دا من شنو ما حاسدة ولا بغرانة لكن في
حاجات كدا ما راكبة عدلها ومع ذلك السودانييييييييييييات مالن ما زي العجب لكن زي ما بقول المثل
البياخد غير ملته بيموت بعلته ... ودمت .
| |
|
|
|
|
|
|
|
|
|
Re: دلع البنات ... ما عسل ... والدم شربات !!! (Re: عواطف ادريس اسماعيل)
|
ازيك الاستاذة عواطف
اى واحدة لو ما ادلعت نص او القانونى تجد صعوبات فى حياتها العاطفيةلانة من الحاجات
الظريفة شوية دلع مش البمسخ الحياة
اما موضوع المربيات والخدم داخل البيوت فهذا موضوع خصب وضخم
و.......و.............وسببت مشاكل كثيرة لبعض الاسر بالذات الخليجيينوالعرب
فالدلع للبنت مقبول احيانا ومرفوض فى جهة اخرى
ناس سوسو وفيفى ودادى....
| |
|
|
|
|
|
|
|
|
|
Re: دلع البنات ... ما عسل ... والدم شربات !!! (Re: عواطف ادريس اسماعيل)
|
ازيك الاستاذة عواطف
اى واحدة لو ما ادلعت نص او القانونى تجد صعوبات فى حياتها العاطفيةلانة من الحاجات
الظريفة شوية دلع مش البمسخ الحياة
اما موضوع المربيات والخدم داخل البيوت فهذا موضوع خصب وضخم
و.......و.............وسببت مشاكل كثيرة لبعض الاسر بالذات الخليجيينوالعرب
فالدلع للبنت مقبول احيانا ومرفوض فى جهة اخرى
ناس سوسو وفيفى ودادى....
| |
|
|
|
|
|
|
| |
عواطف ادريس اسماعيل
فيصل نوبي
bayan
ناصر جبريل
محمد أبوالعزائم أبوالريش
مجاهد عبد الرحمن
abubakr
mamkouna
..
معتصم عبدالرحيم
Mustafa Mahmoud
Abdulbagi Mohammed
عاطف عمر
Rabab Elkarib
خالدة البدوي
حبيب نورة
بدرالدين كاجوري
هاشم أحمد خلف الله
عوض حمزة
خالد المحرب
ماجدة عوض خوجلى
امير عوض الجمري
salma subhi
فيس بوك
تويتر
انستقرام
يوتيوب
بنتيريست